ANDIJON DURDONALARI

02 февраля 2024 14:50

Ҳасан Басрий раҳимаҳуллоҳ дейдилар: “Бир киши бор эди, унга тикан кириб кетса: “Мен аниқ биламан, сен бир гуноҳим (сабабидан)сан. Чунки Роббим азза ва жалла асло менга зулм қилмайди”, дер эди”.

Имом Аҳмаднинг “Зуҳд” асаридан.

ANDIJON DURDONALARI

28 января 2024 15:36

#ҳурмат ҳатто бошларида ҳам...

Аввалги ўтганларда, ҳар ҳолатида Пайғамбаримизга алайхиссалом, Чоҳориёру улуғларга муҳаббатни изҳори, муҳаббатни кўриниши бор эди.
Ҳатто ҳар миллатни бошиларига киядиган дўппиларини тўрт тарафи бўларди, у тўрт тарафида гуллари бўларди, тўрт томонида Ҳазрати Абу Бакр Сиддиқ, Ҳазрати Умар, Ҳазрати Усмон, Ҳазрати Али Розияллоҳу анҳумларни ўша гулларга тимсоллаб, улар бошимизни устида дея ҳурматда бўлардилар.

Устозимиз айтиб бергандилар.

Аллоҳ Таоло муҳаббатлилардан қилсин!

ANDIJON DURDONALARI

28 января 2024 15:28

КЎЗИМГА КЎРИНМАЙ ТУРИШГА ҚОДИРМИСАН?

   Бадр жанги том маънода Ҳамза ибн Абдилмуттолиб розиёллоҳу анҳуники бўлди десак адашмаган бўламиз. Аллоҳнинг шери ўша кунда рўбарўсидан чиққан отлиқ ва пиёда мушрикни қатл қилди. Ахир қандай қатл қилмасин, у зотнинг лақаблари жоҳилиятда
- “шерлар овчиси” эдику! Расулуллоҳ саллоллоҳу алайҳи ва саллам исломда у зоти шарифни “Аллоҳнинг шери” деб атаган эдилар.
   Ҳамза розиёллоҳу анҳу қурайшнинг жон томирига ургани, қурайш Бадрдаги мағлубиятининг асосий сабабчиси Ҳамза роҳиёллоҳу анҳу эканлигини билгани учун қасос олиш пайига тушди. Ваҳший ибн Ҳарб найзани яхши улоқтирар эди. У бу ишнинг устаси эди. Унга агар Ҳамза розияллоҳу анҳуни қатл қилса озод қилинишини айтишди. Шундай ҳам бўлди. Исломнинг энг буюк қўмондонларидан бири қатл қилинди. Ваҳший эса озод бўлди.
   Расулуллоҳ саллоллоҳу алайҳи ва саллам Маккани фатҳ қилгач, Ваҳший қилмишидан қўрққанидан Тоифга қочиб кетди. Унга Расулуллоҳ саллоллоҳу алайҳи ва саллам ўзлари учун қасос олмасликларини, ислом олдинги гуноҳлардан ўтиб юборишини, агар бориб исломга кирса унинг исломи қабул қилиниб авф қилинишини айтишди. Ваҳший Набий саллоллоҳу алайҳи ва салламнинг ҳузурларига келди. Набий алайҳис салом ундан сўрадилар:
-Сен Ваҳшиймисан?
-Ҳа!
-Ҳамзани сен ўлдирдингми?
-Иш сизга етиб келганидек бўлди. Мен сизнинг олдингизга Аллоҳдан ўзга илоҳ йўқлигига, сиз эса Аллоҳнинг элчиси эканлигингизга гувоҳлик бериш учун келдим!
   Набий саллоллоҳу алайҳи ва саллам дедилар:
-Кўзимга кўринмай юришга қодирмисан?!

   Улар қайтиб учрашишмадилар. Ваҳший розиёллоҳу анҳу сўзида турди. Расулуллоҳ саллоллоҳу алайҳи ва салламнинг кўзларига қайтиб кўринмадилар. У масжидда охирги сафларда турар, Расулуллоҳ саллоллоҳу алайҳи васаллам кўриб қолмасинлар деб бошини пастга тушириб ўтирар эди. Уруш сафларида эса охирги сафларда турар эди. Вафони кўринг!!!
   Расулуллоҳ саллоллоҳу алайҳи ва саллам вафот қилганларидан сўнг Мусайлама Каззоб пайғамбарликни даъво қилиб чиқди. Унга қарши курашга Ваҳший ҳам мусулмон аскарлари сафида чиқди. Ваҳший Мусайлама Каззобни ўша найзаси билан ўлдирди. Кейинчалик у доимо:
“Бу найзам билан энг яхши инсон Ҳамзани ва энг ёмон инсон Мусайлама Каззобни ўлдирганман!”, деб юрар эди.

ANDIJON DURDONALARI

18 января 2024 13:22

و اما صلاة الرغائب - و هي اثنتا عشرة ركعة بعد المغرب في أول جمعة من رجب ، يصلي اثنتا عشرة ركعة بست تسليمات ، يقرأ في كل ركعة بعد فاتحة سورة القدر ثلاثا و الإخلاص اثنتي عشرة ، و بعد الفراغ يصلي على النبي صلي الله عليه و سلم سبعين مرة ، و يدعو بما شاء .

الآداب في رجب .


Рогоиб намози - у ражаб ойни, аввалги жумъада , шомдан кегин олтита салом билан ун икки ракъат укиладигон намоздир,ракатни хар бирига, фотихадин кегин уч марта кадр сураси ва ун икки марта ихлос сураси укилинади,намоздин фориг булгандин сунгра Набийимиз с.а.в.га етмиш марта саловат айтилинади ва Аллохдан хохлаган нарсани суралинади.

"Ражаб ойидаги одоб" китобидан

ANDIJON DURDONALARI

12 января 2024 08:16

Ражаб ойида руза тутиш.

1 кун тутса 1000 кун руза савоби берилади.

7 кун тутса 7 дузах эшиги ёпилади.

8 кун тутса 8 жаннат эшиги очилади.

10 кун тутса савобини микдорини Аллохдан бошка хеч ким билмайди.

@durdonadur

ANDIJON DURDONALARI

11 января 2024 10:26

#Ҳикмат

Сабр қилсанг, ёмон ўртоқ яхшидир.
Сабр инсонинг кўксини очади, инсонни (уфқни) кенгайтиради. Ойнинг тунда сабр этиши уни ёп-ёруғ ҳолга келтиради. Гулнинг тиканга сабри уни хушбуй ҳолга келтиради. Арслоннинг ахлат ва қон ичра қолиб сабр қилиши уни туя бўталоқлари ила тўйдиради. Пайғамбарлар- мункирларга сабр этмоқ ила Аллоҳнинг хос бандаларига, инсоният гултожиларига айландилар. Кимда гузал бир фазилат кўрсанг, билки у бу фазилатни сабр, ҳаракат, меҳнат -машаққат ила қулга киритган.

Жалолиддин Румий роҳимаҳуллоҳ.

ANDIJON DURDONALARI

10 января 2024 18:13

Масжидни тоза супургида ҳар куни бир бор супуриб қӯйиш суннат амалдир.

Абу Саъид Худрий розияллоҳу анҳу ривоят қилади:

Расулуллоҳ соллаллоҳу алайҳи васаллам:

"Масжиддан ифлосликни чиқарувчига Аллоҳ таоло жаннатда уй бино қилади", деб башорат берганлар.

ANDIJON DURDONALARI

08 января 2024 02:46

Очликга сабр қилсанг, унга Рўза дейилади.
Қийинчиликга сабр қилсанг, унга Матонат дейилади.
Инсонлардан етадиган озорларга сабр қилсанг, унга Бардош дейилади.
Тилакларга сабр қилсанг, унга Дуо дейилади.
Туйғуларга сабр қилсанг, унга Кўзёши дейилади.
Соғинчга сабр қилсанг, унга Хасрат дейилади.
Севгига сабр қилсанг, унга Ишқ дейилади.

Ҳазрати Мавлоно Жалолиддин Румий қуддиса сирруҳу

ANDIJON DURDONALARI

05 января 2024 10:20

#Ҳадис

أَنَّ رَجُلًا سَأَلَ النَّبِيَّ صَلَّى اللهُ عَلَيْهِ وَسَلَّمَ أيُّ الْإِسْلَامِ خَيْرٌ؟ قَالَ: تُطْعِمُ الطَّعَامَ وَتَقْرَأُ السَّلَامَ عَلَى مَنْ عَرَفْتَ وَمَنْ لَمْ تَعْرِفْ. رَوَاهُ الْخَمْسَةُ إِلَّا التِّرْمِذِيَّ.

Абдуллоҳ ибн Амр розияллоҳу анҳудан ривоят қилинади: «Бир киши Набий соллаллоҳу алайҳи васалламдан: «Исломнинг нимаси яхши?» деб сўради. «Таом бермоғинг ҳамда таниган ва танимаганга салом бермоғинг», - дедилар».
Бешовларидан фақат Термизий ривоят қилмаган.


@durdonadur

ANDIJON DURDONALARI

04 января 2024 06:11

21 кунлик Умра!!!!
Эллик бошимиз - Абдулфаттоҳ Домла.
Умра сафаримиз қўшимча зиёратларга бой бўлади.
Аҳли Илм Домла билан тўла тўкис адо этиладигон Умра!
Учиш вақти - 18 Январ
Мурожаат учун :
+998996040786

ANDIJON DURDONALARI

28 декабря 2023 08:12

Ризқни жалб қилиш борасида нима дейилган?

Воқеа сурасини ўқишни ҳар кечага вазифа қилиб олиш ҳақида.
Ҳофиз ибн Асокир Абдуллоҳ ибн Масъуд розияллоҳу аънҳу ҳаққиларида шундай ривоят қиладилар:
«Абдуллоҳ ибн Маъсуд вафот этиши арафасида бетоб бўлиб қолдилар.
Усмон ибн Аффон (розияллоҳу аънҳу) унинг зиёратига келиб: «Нимадан шикоятингиз бор?» деб сўрадилар.
Ибн Маъсуд (розияллоҳу аънҳу): «Гуноҳларимдан», дедилар.
Усмон ибн Аффон (розияллоҳу аънҳу) «Нимани хоҳлайсиз?» деб сўрадилар. Ибн Маъсуд (розияллоҳу аънҳу): «Роббимнинг раҳматини», дедилар.
Усмон ибн Аффон (розияллоҳу аънҳу): «Сизга табиб буюрайми?» дедилар. Ибн Маъсуд (розияллоҳу аънҳу): «Табиб (яъни Аллоҳ) мени бетоб қилди», деб жавоб қилдилар.
Усмон ибн Аффон (розияллоҳу аънҳу): «У ҳолда сизга совға-салом буюртирайми?» деб сўрадилар (розияллоҳу аънҳу). «Унга ҳожатим йўқ», дедилар Ибн Маъсуд (розияллоҳу аънҳу).
Усмон ибн Аффон (розияллоҳу аънҳу): «Сизда ҳожат бўлмаса, сиздан кейин қизларингизга қолади», дедилар.
Ибн Масъуд (розияллоҳу аънҳу) бунга жавобан: «Қизларимнинг камбағал бўлиб қолишларидан қўрқяпсизми? Мен уларга ҳар кечада Воқеа сурасини ўқишни буюрганман.
Чунки Расулуллоҳ соллаллоҳу алайҳи васалламнинг: «Кимки ҳар кечада Воқеа сурасини ўқиса, зинҳор қашшоқликка учрамайди», деганларини эшитганман», деб жавоб бердилар».
Изоҳ: Тунда Воқеа сурасини бошидан охиригача ихлос билан ўқиган одам қашшоқлик кўрмайди, ризқи кенг бўлади, касб-корига барака киради. Тажрибада синаб кўрганлар бунинг ҳақиқат эканини таъкидлашган. Жумладан, Анас ибн Молик розияллоҳу анҳудан ривоят қилинади, Расулуллоҳ соллаллоҳу алайҳи васаллам: “Воқеа бойлик сурасидир. Уни ўқинг, фарзандларингизга ҳам ўргатинг”, деганлар.
Ибн Мардавайҳ ривояти.

ANDIJON DURDONALARI

27 декабря 2023 12:58

#Hadis

▫️Ибн Аббос розияллоҳу анҳунинг шундай деганлари ривоят қилинади: “Қайси бир мусулмоннинг мусулмон ота-онаси бўлиб, савоб умидида эрта тонгдан уларнинг хизматига бел боғласа, Аллоҳ унинг учун жаннатдан икки эшик очади. Улардан биттаси бор бўлса, битта эшик очади. Агар икковларидан бирини аччиқлантирса, то уни рози қилмагунича Аллоҳ ундан рози бўлмайди”. Шунда бир киши “Ота-онаси унга зулм қилсалар ҳамми?” – деб сўраган эди, у зот: “Зулм қилсалар ҳам”, - деб жавоб бердилар.

Дўстларингизга ҳам улашинг!!!
@durdonadur

ANDIJON DURDONALARI

24 декабря 2023 14:48

"БИЛМАЙМАН"

Ибн Умар розияллоҳу анҳу айтадилар:

"Илм уч нарсадир:
1. Нотиқ китоб;
2. Ўтувчи суннат;
3. "Билмайман", демоқ;".

Исъаадул муфтий.

Ибн Обидин раҳимаҳуллоҳ

"Сизлардан бирортангиз бирон илмдан сўралиб, сўралган нарсани билса, айтсин. Сўралган нарсани билмайдиган бўлса "Аллоҳ билувчидир", деб айтсин. Зотан, бирор кишидан билмайдиган илми ҳақида сўралиб қолса, "Аллоҳ билувчидир", деб айтиши илмдандир".

Ибн Масъуд розияллоҳу анҳу

Имом Абу Ҳанифа розияллоҳу анҳу ўзларига берилган бир неча саволларга жавоб бермаганлар.

Имом Молик розияллоҳу анҳу эса у кишидан сўралган қирқ саккиз масьаланинг ўттиз иккитасига "Билмайман", дея жавоб берганлар. Кўпинча у кишидан элликта саволга жавоб сўрашар, у киши эса  биронтасига ҳам жавоб бермас эдилар.

"Исъаадул муфтий".

ANDIJON DURDONALARI

23 декабря 2023 03:39

ҲАЗРАТ ҲИКМАТУЛЛОҲ ДОМЛАНИНГ СЎНГИ ВАСИЯТЛАРИДАН: (тўлиқ)

1)Доимо таҳоратда бўлинглар, таҳоратни мукаммал олинглар;

2)Таҳоратда оёқни тўлиқ ювинглар (пайпоққа масҳ тортманглар);

3) Фарз айн ва чоҳор китобларни фарзандларингизга ўқитинглар. Бу икки китоб Ҳанафий мазҳабидаги муҳим китобларидандир;

4) Бош кийимсиз намоз ўқиманглар, дўппи ёки саллада ўқинглар;

5) Намоз сўнгида Имом Аъзам роҳматуллоҳи алайҳи тариқига кўра уч маротаба дуо қилинглар;

6) Сафар мобайнида фарз намозларни суннатларини адо қилинглар. Кимки сафарда фарз намозини ўқиса-ю, суннат намозини ўқимаса, Аллоҳ наздида намозлари қабул бўлмайди;

7) Воиз ва салафий мавлавийлар, жумладан Покистонда тамомлаган ва бошқа минтақада ўқиб мазҳаб ушламайдиганлардан сақланинглар. Улар мазҳабдан бехабардирлар. Уларда ҳанафийлик моҳияти йўқдир;

8) Интернетдан диний илмларни олманглар, исломни Ҳанафий олимларини хузурида ўқинглар;

9) Ёшларни ўспирин вақтида таълимга ўргатинглар, шундан сўнг намозларини маҳкам ушлайдилар.

ANDIJON DURDONALARI

21 декабря 2023 13:03

Фойдали

Мияни хароб қилувчи 7 одат:

1. Нонушта қилмаслик.
2. Уйқусизлик.
3. Ширинликларни кўп истеъмол қилиш.
4. Кундузлари кўп ухлаш.
5. Таомланаётганда телевизор кўриш.
6. Пайпоқ кийиб ёки бошни бутунлай ўраб ётиш.
7. Вақтида ҳожатхонага бормай, бавлни ушлаб туриш. Бунинг натижасида танада заҳар тўпланади.

ANDIJON DURDONALARI

31 января 2024 13:29

ибрат
Азон янграмоқда.

Намоз вақти кирди.

Бошлиғи билан кетаётган хайдовчи, бошлиғидан, масжидга кириб, намозини ўқиб чиқиш учун изн истайди.

Бошлиқ, хуш қаршиламаса ҳам изн беради. Хайдовчи масжидга кириб намозини ўқир, машинада қолган бошлиғи уни кутишни бошлайди.

Жамоат намозини битириб чиқади. Фақат унинг хайдовчиси чиқмас эди. Бундан асаби бузилган бошлиғи, машинадан тушиб, масжид ховлисига киради. Масжид деразасидан ичкарига қарайди.

Хайдовчи қўлларини дуога очиб дуо қиларди.
Бундан жахли чиққан бошлиқ, деразасини тақиллатиб;

- Хамма чиқиб кетди. Сен нега чиқмаяпсан? Тезроқ чиқмайсанми?  - дейди.

Хайдовчи бошини буриб бир ибратли жавоб беради:
-- Қўйиб юбормаяпдику, чиқиб кетсам?

-- Ким қўйиб юбормаяпди?

-- Сизни ичкарига қўйиб юбормаган Зот қўйиб юбормаяпди.

Тараддуд ичида қолган бошлиқ, дераза олдидан узоқлашар, бориб таҳоратини олиб келар ва ичкарига киради.

- Ана  қара, мени хам ичкарига қўйиб юборди,  - дейди бошлиқ.

- Албатта, қўйиб юборади. Анча вақтдан бери қилинаётган дуолар бекорга кетадими? Сизнинг ташқарида қолишингизга кўнглим ҳеч рози бўлмади. Кўзда ёшим билан ичкарига киришингизни Роббимга дуолар қилдим. Шукурлар бўлсин, дуом қабул бўлди - дейди кўзидаги ёшлари билан хайдовчи.

Биродарингиз хаққига дуоларда эринманг азизлар!
@durdonadur

ANDIJON DURDONALARI

28 января 2024 15:28

Усмоний Султон Сулаймон қонуний Франция императори Франсуага қуйидаги мазмунда бир мактуб юборган:

"Менким, қирқ саккиз юртнинг императори Қонуний Султон Сулаймонман. Менга етган хабарларга кўра, сенинг мамлакатингда "танца" номида хотин билан эркак бир-бири ила қучоқлашиб, халойиқ олдида очиқчасига ўйин тушадиган одат пайдо бўлибди. Ҳудудларимиз битта бўлгани боис, ушбу разолатли ўйиннинг мамлакатимга ўтиш эҳтимоли мавжуд. Номани ҳумоюним қўлингга етгани замон бу ўйинни тўхтатсанг-тўхтатдинг, тўхтатмасанг, мен ўзим бориб тўхтатаман!".

Ушбу мактуб туфайли Францияда юз йил танца ўйини ман этилган.

ANDIJON DURDONALARI

27 января 2024 10:10

Қуръони Каримда 5 та масжид зикр қилинган.
Улар қуйидагилардир:

1. Масжид ал-ҳаром - Маккаи Мукарромадаги Каъбаи муаззама жойлашган энг муқаддас масжид. Бу масжидда ўқилган бир ракат намоз савоби бошқа масжидларда ўқилган 100 000 ракат ўқилган номоз савобига тенг.

2. Масжид ан-набавий - Мадинаи мунавварадаги Расулуллоҳ (соллаллоҳу алайҳи васаллам)нинг қабрлари жойлашган масжид.

3. Масжид ал-ақсо - Қуддуси шарифда жойлашган. Мусулмонларнинг илк қибласи ва Расулуллоҳ (соллаллоҳу алайҳи васаллам) Меърожга чиққан жой.

4. Масжид ал-қубо - Мадинаи Мунаввара шаҳри яқинида жойлашган ислом тарихида қурилган илк масжид.

5. Масжид аз-зирор - Зарар масжиди. Мунофиқлар томонидан исломга зарар етказиш учун тўпланиб ўтириш учун қурилган Мадинаи Мунаррадаги масжид. Расулуллоҳ (соллаллоҳу алайҳи васаллам)нинг буйруқлари билан бузиб ташланган.

♻️Дўстларингизга ҳам улашинг!!!
@durdonadur

ANDIJON DURDONALARI

18 января 2024 13:22

Ассалому алайкум ва рохматуллохи ва барокатух ! Бугун 18 январдан 19 январга ўтар кечаси ражаб ойининг биринчи жумаси Яни Роғоиб кечаси бўлади.Ғафлатда қолманг

ANDIJON DURDONALARI

12 января 2024 08:15

عَنْ أَنَسِ بْنِ مَالِكٍ رضي الله عنه قَالَ: ق۪يلَ: يَا رَسُولَ اللّٰهِ لِمَ سُمِّيَ رَجَبُ؟ قَالَ ﷺ : "لِأَنَّهُ يُتَرَجَّبُ ف۪يهِ خَيْرٌ كَث۪يرٌ لِشَعْبَانَ وَرَمَضَانَ"

Анас розияллоху анхудан ривоят қилинади:
Пайғамбаримиз соллаллоҳу алайҳи васалламдан сўралди: "Нима учун бу ойни Ражаб ойи деб номланган, Пайғамбаримиз соллаллоҳу алайҳи васаллам жавоб бердилар:
" Чунки бу ойда Шаъбон ва Рамазон ойларидаги буюк яхшиликлар учун тайёргарлик бўлади".

@durdonadur

ANDIJON DURDONALARI

10 января 2024 18:15

#Ҳикмат:

Ҳотам ал-Асом розияллоҳу аънҳудан ривоят қилинади: Кимки тўрт нарсани тўрт нарсасиз даъво қилса, унинг даъвоси ёлғондир:

1️⃣ Ким Аллоҳни севишни даъво қилса-ю, Аллоҳ таоло ҳаром қилган нарсалардан тийилмаса, унинг даъвоси ёлғондир.

2️⃣ Ким Пайғамбаримиз алайхиссаломни севишни даъво қилса-ю, фақир ва мискинларни ёмон кўрса, унинг даъвоси ёлғондир.

3️⃣ Ким жаннатни севишни даъво қилса-ю, садақа қилмаса, унинг даъвоси ёлғондир.

4️⃣ Ким дўзахни ёмон кўришни даъво қилса-ю, гуноҳлардан тийилмаса, унинг даъвоси ёлғондир.

МУНАББИҲОТ

ANDIJON DURDONALARI

09 января 2024 02:01

«Аллоҳга қасамки, Қуръони каримдан бошқа устун бойлик бўлмагани каби, ундан маҳрум бўлишликдан кўра оғир фақирлик ҳам йўқдир.»

©Ҳасан Басрий (Имом Ғаззолий, «Иҳёи улумиддин»)

ANDIJON DURDONALARI

08 января 2024 02:45

Роббим, бизга раҳм қилгин!

Роббим, “вақтиқи, ер ўзига хос зилзилага тушса..”, бизга раҳм қилгин!
Роббим, “..вақтики, ер парча-парча қилиб юборилса..”, бизга раҳм қилгин!
Роббим, “..юзлар оқ ва юзлар қора бўладиган кунда”, бизга раҳм қилгин,
Роббим, «У Кунда на мол ва на ўғиллар манфаат бермас. Ким Аллоҳ ҳузурига саломат қалб ила келса, мустасно», бўлган вақтда бизга раҳм қилгин!
Роббим, “...вақтики кар қилувчи овоз келса”, бизга раҳм қилгин!
Роббим, “..вақтики катта офат (қиёмат) келса…”, бизга раҳм қилгин!
Роббим, «.. у Кунда киши ўз ака-укасидан қочадир… ва онаси ва отасидан… ва хотини ва бола-чақасидан. У Кунда улардан ҳар бир кишини овора қилувчи ўз иши бор», вақтда бизга раҳм қилгин!
Роббим, “..вақтики қуёш букланса.., “вақтики, осмон ёрилса..”, бизга раҳм қилгин!
Роббим, “У Кунда одамлар оламлар Робби ҳузурида тик турарлар”, бўлган кунда бизга раҳм қилгин!
Роббим, “Ўша Кунда ҳеч бир жон бошқа бир жон учун бирор нарса қилиш имконига молик эмас. У Кунда иш Аллоҳнинг Ўзига хосдир” бўлган чоғда бизга раҳм қилгин!

Изоҳ: Оятлар номи ва рақамлари:
1. Воқеа сураси, 1-оят.
2. Залзала сураси, 1-оят.
3. Фажр сураси, 21-оят.
4. Оли Имрон сураси, 106-оят.
5. Шуаро сураси, 88-89-оятлар.
7. Нозиъот сураси, 34-оят.
8. Абаса сураси, 34 - 37-оятлар.
9. Таквир сураси, 1 оят, Абаса сураси, 33-оят.
10. Мутоффиффийн сураси, 6-оят
11. Инфитор сураси, 19-оят.

ANDIJON DURDONALARI

04 января 2024 06:15

Умар Розияллоҳу ъанҳу айтганлар:

“ Ўн нарса бор бўлсада, йуқ ҳисобида :

• Аъмри Маъруф қилмаган Олим;
• Амал қилинмаган илм;
• Ишлатилмаган қурол - яроқ;
• Намоз ўқилмаган масжид;
• Ўқилмай уйда турган Қуръон;
• Закот берилмаган бойлик;
• Минилмаган Улов;
• Бойлик кетидан юрган Олим;
• Охиратга тайёрланмай ўтилган Умр;”

Биламиз лекин амал қилмаймиз!?

@durdonadur

ANDIJON DURDONALARI

03 января 2024 12:17

Жаннат аҳли нималарга афсус қилади?

Ҳадиси шарифда марҳамат этилишича:

"Жаннат аҳли Аллоҳнинг зикридан ғофил ҳолда ўтказган вақтларидан бошқа ҳеч бир нарсага афсус ва надомат туймайдилар". Яъни аҳли жаннат фақатгина Аллоҳнинг зикридан ғофил бўлиб ўтказган дунё ҳаётлари учунгина афсус ва надомат қиладилар.

Инсоннинг комил инсон бўла олиши учун Ҳақнинг амрларини маҳкам ушлаб, фикри мудом ва зикри мудомда қоим бўлиши керак. Бунда ҳеч бир баҳона ўтмайди.

Ҳадиси шарифда:

"Ҳисоб куни:

— "Нима учун зикрдан ғофил қолдинг?" дея сўралганида,

— "Дунё ишлари мени машғул қилди" деган одамга,

— "Сенинг ишинг Сулаймон (алайҳиссалом) бандамникидан ҳам кўпмиди? У ҳам дунё ҳукмдори, ҳам пайғамбар эди. Бир лаҳза ҳам Ҳақдан ғофил бўлмади."

Шунингдек бошқа бири:

— "Ҳасталигим монеъ бўлди" деганида,

— "Айюб (алайҳиссалом) бандамникидан ҳам ёмонроқ ҳастамидинг? Вужудининг ҳар тарафини ҳасталик ўраб олганди. Бир лаҳза ҳам Ҳақнинг зикридан узоқлашмади".

Бошқа бири:

— "Қийинчилик ва муаммоларим бор эди" дейди. Жавобан:

— "Юнус (алайҳиссалом) бандамникидан ҳам кўпмиди муаммойинг? У балиқнинг қорнида ҳам Ҳаққа тасбиҳ айтишда давом этди".

Яна бириси:

— "Қудуқларга, зиндонларга тушганим учун зикр қила олмадим" деганида,

— "Юсуф (алайҳиссалом) бандамникидан ҳам қийинроқ ҳолатдамидинг? У у ерларда ҳам бир лаҳза бўлса ҳам Ҳақнинг зикрини, фикрини, ҳикматини унутмади!" дейилади."

Бундай эътироз қилганлар ҳар доим мулзам бўладилар, овозлари ўчирилади, уяладилар ва пушаймон бўладилар.

Дунёда ихлосли инсонни Аллоҳнинг зикридан тўсадиган ҳеч бир тўсиқ йўқдир. Тўсиқ бўлган нарса нафснинг ва шайтоннинг иғвосидир.

@durdonadur

ANDIJON DURDONALARI

27 декабря 2023 12:59

#ҲАДИС
Абдуллоҳ ибн Масъуд розияллоҳу анҳудан ривоят қилинади, Пайғамбаримиз соллаллоҳу ъалайҳи васаллам шундай дедилар:
«Менинг дунё билан ошнолигим йўқ. Мен бу дунёда гўёки дарахт остидаги соядан бир оз ором олиб сўнгра йўлида давом этган бир йўловчидекман».
(Имом Термизий ривояти)

@durdonadur

ANDIJON DURDONALARI

26 декабря 2023 04:48

АЖОЙИБ ТАЪРИФЛАР
1. Закот- сени тозалаш ва кучингни кўпайтириш учун ўтказиладиган нозик жарроҳлик амалиётидир.

2. Уйланиш- борлиқдаги энг катта масъулият. Унинг ҳар-бир тафсилоти учун ё савоб оласан ёки жазоланасан.

3. Судхўрлик- Аллоҳ таолога қарши расмий уруш эълон қилиш.

4. Барака- Аллоҳнинг махфий қўшинларидан бири.

5. Садақа- хатоларни ўчирувчи.

6. Масжид- Аллоҳнинг ўз аҳбоблари ила учрашиши учун ердаги уйи.

@durdonadur

ANDIJON DURDONALARI

24 декабря 2023 04:49

Росулимиз аълайҳи саломни севучилар учун яна бир суннат амал!

ANDIJON DURDONALARI

23 декабря 2023 03:37

Бир киши уйида ун қолмаганлиги сабаб буғдойни эшагига ортиб, тегирмон тарафга қараб йўл олибди. Етиб боргач, буғдойни тушириб олиши билан эшаги қочиб кетибди. Буғдойини тегирмончига топшириб, эшагини қидиришга чоғланибди. Эшагини ортидан қидириб бориб топа олмабди. Бу орада жума намози яқинлашганини кўриб: “Сен қаерга борсанг боравер, мен Раббимни ҳузурига бораман” деб, масжидга қараб йўл олибди.
Жума намозини адо этгач, ўйланиб қолибди, тегирмондан унни олиб кетай деса, эшаги йўқ, ноилож уйга қайтибди.
Уйига яқинлашгач, эшакнинг овози эшитилибди, ҳайрон бўлиб хотинидан сўраса, эшакнинг ўзи уйга қайтиб келган экан.
Хотини унга: “Қорнингиз оч бўлса керак, янги ундан нон ёпдим, келтирайми?” – дебди. У яна хайрон қолибди. Ун тегирмонда қолган, уйда ун қолмаган бўлса, хотини қайси янги ундан нон ёпганини сўрабди. Хотини: “Қўшнимиз ҳам тегирмонга борган экан, тегирмончи бизнинг унимизни ҳам қўшиб берворибди. Унимиз ҳам, эшагимиз ҳам ўз оёғи билан кириб келди”, - дебди кулиб.
Киши хотинидан бўлган ишларни эшитиб: “Аллоҳим мен сенинг бир амрингни ожизлик билан бажардим, эвазига шунча эҳтиёжимни қондирдинг. Сенга қанчалар шукр қилсак ҳам кам, Ўзингга беҳисоб шукрлар бўлсин!” – дебди.

ANDIJON DURDONALARI

21 декабря 2023 13:00

Тупроқдан яралдик, яна тупроққа айланамиз.
Муҳими, балчиқлашмасак бўлгани!

Жалолиддин Румий қуддиса сирруҳу