ANDIJON DURDONALARI

25 ноября 2024 08:24

С6-3331 TAS-MED 02DEC 19:50 - 23:10
С6-3332 MED-TAS 17DEC 00:30 - 06:50

С6-3331 TAS-MED 09DEC 19:50 - 23:10
С6-3332 MED-TAS 24DEC 00:30 - 06:50

С6-3331 TAS-MED 16DEC 19:50 - 23:10
С6-3332 MED-TAS 31DEC 00:30 - 06:50

С6-3331 TAS-MED 23DEC 19:50 - 23:10
С6-3332 MED-TAS 07JAN 00:30 - 06:50

С6-3331 TAS-MED 30DEC 19:50 - 23:10
С6-3332 MED-TAS 14JAN 00:30 - 06:50

🌻 Dekabr oyi uchun 14 kunlik Umra ziyorati


🕋 Madinada 4 kun 🕋Makkada 10 kun
🧾 Umra viza
✈️ Аviachiptalar (Toshkent xalqaro aeroportidan)
🚌 Transfer xizmati
🕌 Islomiyot tarixi
🏫 Ikki xaram yaqinidagi mehmonxonalar

📍Madinadagi mehmonxona: Divan Rose (200м)
📍Makkadagi mehmonxona: Reyhan Al-Meshair (950м)

🧾 Umra viza (O‘zbekiston)
🚌 Transfer xizmati 🕌 Islomiyot tarixi
🍱 Tansiq taomlar
Madinada (2 mahal)
Makkada (3 mahal)
Yuqori darajadagi Ellikboshi xizmati
👔 Nimcha 🪪 Beydjik
🎒 Sumka 📘 Umra Qo‘llanmasi 💧 Zam-Zam suvi

✈️ Parvoz Toshkent aeroporti orqali amalga oshiriladi.
🛫 Uchish - Qaytish 🛬
TO’G’RIDAN TO’G’RI REYS!

TOSHKENT🛫MADINA🛫TOSHKENT

Uchish sanasi | Qaytish sanasi
🛫02.12.2024 - 17.12.2024🛬
🛫09.12.2024 - 24.12.2024🛬
🛫16.12.2024 - 31.12.2024🛬
🛫23.12.2024 - 07.01.2024🛬
🛫30.12.2024 - 14.01.2024🛬

☎️ Тел: +998 99 604 0786 Андижон

ANDIJON DURDONALARI

25 ноября 2024 08:21

Олтиндан ясалган эгар эшакни от қилмаганидек, баъзи одамлар ҳар қанча шоҳона кийимлар киймасин жоҳил ва пасткашлигича қоладилар. Зеро шоир айтганидек:

Даво излаганлар бир қадар марддир,
Жаҳолат аҳлининг ҳоли кўп баддир.
Балки, ўлимнинг ҳам бордир давоси,
Ва лекин жоҳиллик бедаво дарддир.
@durdonadur

ANDIJON DURDONALARI

23 ноября 2024 13:28

Ҳазрати Оиша онамиз масжидлари. Умра ва ҳажга борганлар кўпроқ билишади.

Ушбу жойдан Оиша розияллоҳу анҳо онамиз умра учун ният қилиб эҳром боғлаганлар. Шу сабабли «Умра масжиди»,«Танъим масжиди» ва «Оиша масжиди» деб аталади.
«Танъим» шу жойдаги ноим ва наъийм исмли икки тоғга нисбатан айтилган.
Ушбу масжиднинг орқа томонида ёмғир сувлари билан тўлиб турадиган ҳовуз ҳам бўлган.
Мушриклар ушбу масжидга яқин жойда саййидимиз Хубайб ибн Адий розияллоҳу анҳуни боғлаб осиб қўйганлар.
Масжиднинг кўриниб турган ушбу иморати таҳминан ҳижрий ўн биринчи асрга тақалади.
Бугунги кунда ушбу масжид ажойиб бир гўзал кўринишда бино қилинган.

ANDIJON DURDONALARI

20 ноября 2024 18:09

ҚУРТ ТУШГАН ОЛМА ҲИКМАТИ(Фарзанд тарбияси)

Луқмони Ҳакимнинг фарзанди ўзига номақбул дўстларни улфат билибди. Улар билан борди-келдини кўпайтириб бориши ҳар қандай ота сингари Луқмони Ҳакимнинг ҳам ғашини келтирибди. Бир куни у ўғлини чақиртириб:
– Болам, дўстнинг бўлгани яхши, аммо дўст танлашда адашиб қолма. Ҳозирги дўстларингнинг хулқи яхши эмас. Сенга ёмон таъсир кўрсатишлари мумкин – деб насиҳат қилибди.

Ўғли эса ўзига ишонч билан:
– Отажон, сиз менга кучли тарбия бергансиз, панд-насиҳатларингиз ҳар доим қулоғим остида туради, дўстларимнинг ёмон хулқлари менга асло таъсир кўрсатмайди, хавотир олманг – деб чиқиб кетибди.

Шу аснода Луқмони Ҳаким боғдорчилик ишлари билан ўғлини ёрдамга чақирибди. Қараса, ўғли бутун олмаларни алоҳида, кам сонли бўлсада, қурт тушган олмаларни эса алоҳида саватга жойлаяпти экан. Ҳаким ўғлига барча олмаларни бир саватга жойлайверишини тайинлаб ўз ишида давом этибди.

Вақт ўтибди, зарур бўлганда олмалар қўйилган жойга бориб қарашса, барча олмаларга қурт тушиб бутуни кам қолган экан.

Луқмони Ҳакимнинг ўғли унга эътироз билдириб:
– Отажон, олмаларни қўшиб теришимни буюриб эдингиз, қурт тушган бир икки олмани деб бутун олмаларнинг ҳаммасини қуртга ем қилибмиз-ку –дебди.

Ота эса бир жилмайиб қўйиб:
– Кўрдингми, болам, гарчи соғ-бутун олмалар қуртлаганларидан кўра кўпроқни ташкил қилган бўлсада қолганларини ҳам бузибди, уларга ҳам қурт туширибди. Сен қандай қилиб қалбига қурт тушган улфатларинг билан бир жойда кўп вақтга қоласану улар орасидан соғлом қалб билан қайта оласан – деб айтган экан.

P.S.: Фарзандингизнинг атрофидаги дўстларига ниҳоятда эътиборли бўлинг. Зеро, пашша ахлатга, асалари гулзорга етаклайди!

@durdonadur

ANDIJON DURDONALARI

20 ноября 2024 09:47

Меҳнатдан терласа - зўр пешонадир,
Деворга тегмаса - ғўр пешонадир.
Минг бир пешонада минг битта битик,
Саждага тегмаса - шўр пешонадир!

@durdonadur

ANDIJON DURDONALARI

13 ноября 2024 06:30

Мусулмонни фаросати
Ғоятда камбағал бир аёл радио дастурига қўнғироқ қилиб, Аллоҳ учун ёрдам беришларини илтимос қилади.
Худди шу дастурни эшитиб ўтирган атеист, аёлнинг гапларини тинглаб туриб, уни мазаҳ қилиш фикри ҳаёлига келибди. Радиодан аёлнинг манзилини олиб, котибасини чақиртириб дебди:
– Ҳозироқ бозорга бориб, катта миқдорда озиқ-овқат маҳсулотларини сотиб оласиз-да, мана бу манзилга элтиб берасиз.
Агар аёл сиздан:
– “Булар кимнинг номидан? деб сўраса, унга “Булар шайтоннинг номидан!” деб айтасиз, тушунарлими? – деб буйруқ берибди.
Сўнгра котиба аёлнинг манзилига етиб келиб, аёлга маҳсулотларни топширибди. Аёл озиқ-овқатларнинг кўплигини кўриб, жудаям хурсанд бўлиб кетибди. Шунда котиба аёлдан кулиб сўрабди:
– Бу озиқ-овқатлар кимнинг номидан эканлигига қизиқмайсизми?
Аёл жавоб берибди:
– Йўқ, менга бунинг қизиғи йўқ. Чунки Аллоҳ амр этиб турганда, уни қутқариб қолиш учун, ҳаттоки, шайтонлар ҳам шай бўлиб турар эканлар.

@durdonadur

ANDIJON DURDONALARI

11 ноября 2024 03:39

Шоҳ тобут ясовчининг хотинини бир кўрди-ю, ошиқи беқарорга айланди. Қандай бўлмасин, уни қўлга киритиш пайига тушди...
Ниҳоят, аскарларидан бирини тобуткашнинг уйига юборди:
— Подшоҳ сенга эрталабгача "ҚИРҚТА ТОБУТ" ясашингни буюрди. Агар эпламасанг бошинг кетади. Михлари олтиндан бўлиши керак, —деди аскар унга.
Тобуткашни қайғу чулғади. "ҚУРБИ ЕТМАЙДИГАН ИШ".
— Хотин, — деди уйига келиб, — куним битганга ўхшайди, подшоҳ қилиб бўлмайдиган ишга буюрди...
Хотини нима гаплигини сўради. Эри бўлган гапни айтиб берди. Шунда аёл бу ерда бир гап борлигини тушунди, бекорга эрига бу ишни буюрмаган...
Аёл АЛЛОҲ мўмин бандасини бундай чорасиз қолдирмаслигига ишончи комил эди. Шунда у эрига деди:
— Ҳеч қўрқманг, унутмангки, тундан кейин тонг, оғриқдан кейин ҳаловат бор.
— Шундайку-я, аммо эрталаб менинг каллам кетади.
— Айтдим-ку, қўрқманг деб, "АЛЛОҲ кифоя килувчи зот". Боринг-да хотиржам ётиб дам олаверинг...
Аммо тобуткашнинг кўзига уйқу илинмади.
Кечаси билан хонада юриб чиқди....
Эрта тонгда эшик тақиллади. Тобуткаш эшикни очар экан, титроғи кучайди. Кечаги аскарни кўргач эса, ҳушидан кетаёзди.
— Келинг, — деди тили зўрға айланиб. Аскар ҳазин овозда деди:
— Битта тобут ясаб беринг. "ПОДШОҲ ВАФОТ ЭТДИ"...

•••┄┄┄❅┄┄┄•••

ANDIJON DURDONALARI

03 ноября 2024 06:43

Бир куни устоз ўз ўқувчиларидан улар ёмон кўрадиган одамларнинг исмини қоғозга ёзишларини сўради. Улар бу ишни бажариб бўлгач, устоз уларнинг ҳар бирига қоғозда нечта исм ёзилган бўлса, эртага ўзлари билан ўшанча помидор олиб келишларини буюрди.

Баъзи ўқувчилар халтачада икки дона помидор олиб келишди, бошқалари учта, бешта ёки ҳаттоки ўнта. Улар бу помидорларни икки ҳафта давомида ўзлари билан олиб юришлари керак эди. Аммо 2 кун ўтар-ўтмас, ўқувчилар айнишни бошлаган бу сабзавотларнинг ҳидидан нолий бошлашди. Ўқувчиларнинг бир нечтаси ўзлари билан ўнлаб помидорларни олиб юришга жуда қийналишар эди. Уларнинг ҳиди жуда кучли ва ўткир эди.

Бир ҳафтадан сўнг устоз барча ўқувчиларни йиғиб, уларнинг шикоятларига яна қулоқ тутди ва деди:
— Бу нимага ўхшайди, биласизми? Бу сизга баъзи одамлар ёқмаганида ўз қалбингизда олиб юрган нарсага жудаям ўхшайди. Нафрат туйғуси қалбни кемиради ва уни касал қилади. Агар сиз бир ҳафтадан сўнг айниган помидорларнинг ҳидига чидай олмаётган бўлсангиз, сиз ҳар куни ўз юрагингизда, қалбингизда олиб юрган хусумат, адоват, аламларнинг бадбўй ҳидини тасаввур қилиб кўринг-а! Қалб — бу шундай гўзал боғдирки, уни ёввойи ўтлардан мунтазам тозалаб туриш керак, яъни сизни ғазаблантирган одамларни кечиришингиз керак. Бу унда ҳақиқатда эзгу ишлар учун жой очиб беради.
Ҳаётдан ҳар нарсани олаверманг, фақат энг яхшисини олинг!

••┄┄┄❅┄┄┄••

ANDIJON DURDONALARI

02 ноября 2024 12:48

Пулингни беркитсанг китобни ичига солиб беркитгин. Чунки ҳозиргилар китоб ўқишмайди))
@durdonadur

ANDIJON DURDONALARI

31 октября 2024 07:08

Қориндорликдан сақланинг! Чунки у ҳаётда оғирлик ва мамотда (ўлганда) бадбўйлик бўлади.

Умар ибн Хаттоб розияллоҳу анҳу

ANDIJON DURDONALARI

25 октября 2024 18:47

Эй Роббим менга гўдаклигимда раҳм қилганларидек у иккисига (ота-онамга) раҳм қил.

ANDIJON DURDONALARI

25 октября 2024 18:46

Ҳабибимиз Мухаммад Мустафо соллаллоҳу алайҳи ва саллам Саъд ибн Аби Ваққос розияллоҳу анҳуга: «От эй Саъд…!» -деб айтган камон.

Мадинаи Мунавваранинг диққатга сазовор жойлари.

ANDIJON DURDONALARI

28 сентября 2024 09:17

Росулимиз аълайҳи  саломни севучилар учун яна бир суннат амал!
Абдурахмон Домла.
@durdonadur

ANDIJON DURDONALARI

22 сентября 2024 08:17

Омина онамни қабри шарифларини жойлашган локацияси.
Зиёрат қилувчилар учун, зиёратиларда мени хам дуо қилинглар!

ANDIJON DURDONALARI

16 сентября 2024 14:21

Домланинг олдига янги куёв келиннинг итоатсизлигидан нолиб келибди.
— Домла, хотиним айтганимни қилмаяпти!
Домла куёвнинг уст-бошига қараб:
— Костюмингиз зўр-у, қаердан олдингиз?
Куёв хурсанднамо:
— Хотин томон қилган.
— Туфлингизничи?
— Уни ҳам.
Қараса, пайпоғигача хотин томондан
келган экан. Шунда домла куёвга қараб:
— Хотинингиз сизни урмаганига рахмат, денг!

P.S.: Акалар-укалар, хотин томондан нарса олишни бас қилайлик!!!
@durdonadur

ANDIJON DURDONALARI

25 ноября 2024 08:24

Бир куни подшоҳ сайрга чиқибди. Қараса деҳқон шод ва ҳуррамликда қўшиқ куйлаб ер чопаётган экан.
Подшоҳ сўрабди:
― Бу ишингда сени жуда мамнун кўраяпман. Бу ер сеникими дейман?
― Йўқ подшоҳим. Мен бу ерда (кунлик) маошим учун ишлайман.
― Мана шу оғир меҳнат учун қанча маош оласан?
― Ҳар куни тўрт танга оламан.
― Сенга шу етадими?
― Ҳа, албатта, ортиб ҳам қолади. Бир тангамни ҳаёт кечириш учун ишлатаман. Иккинчи тангам билан қарзимни тўлайман. Учинчисини эса бошқаларга қарзга бераман. Охирги тўртинчи тангамни Аллоҳ йўлида инфоқ-эҳсон қиламан.
― Мен бу жумбоқни тушунмадим.
― Келинг, мен сизга буни изоҳлаб берай, подшоҳим. Яшаш учун сарфлайдиган биринчи тангам, бу мен ва аёлим иккимиз яшашимиз учундир. Қарзимга деган иккинчи тангам эса ота-онамга берадиган эҳсонимдир. Улар мени кичиклигимдан тарбия қилишган. Ва муҳтож бўлганимда мени боқишган. Ҳозир эса улар кексайиб қолишди, ишлашга қодир эмаслар. Ўзимдан бошқаларга деган учинчи тангам билан эса фарзандларимни таъминлайман. Улар то улғайгунларига қадар уларни тарбиялайман, овқатлантираман, кийинтираман. Токи улар улғайгач, биз кексайиб қолган пайтда бизга қарзини қайтаришади. Аллоҳ йўлига деб атаган тўртинчи тангамни эса икки бемор ётган сингилларимга бераман, дебди деҳқон. Шунда подшоҳ: "Барака топгин", деб деҳқонга бир қанча маблағ қолдириб, деҳқоннинг таъсирли ҳикматидан ажабланиб кетибди
@durdonadur

ANDIJON DURDONALARI

23 ноября 2024 13:28

Ҳаётимиздан кетган баъзиларни соғиниб эслаймиз, баъзиларни эса оғриниб...

ANDIJON DURDONALARI

21 ноября 2024 07:25

С6-3331 TAS-MED 02DEC 19:50 - 23:10
С6-3332 MED-TAS 17DEC 00:30 - 06:50

С6-3331 TAS-MED 09DEC 19:50 - 23:10
С6-3332 MED-TAS 24DEC 00:30 - 06:50

С6-3331 TAS-MED 16DEC 19:50 - 23:10
С6-3332 MED-TAS 31DEC 00:30 - 06:50

С6-3331 TAS-MED 23DEC 19:50 - 23:10
С6-3332 MED-TAS 07JAN 00:30 - 06:50

С6-3331 TAS-MED 30DEC 19:50 - 23:10
С6-3332 MED-TAS 14JAN 00:30 - 06:50

🌻 Dekabr oyi uchun 14 kunlik Umra ziyorati


🕋 Madinada 4 kun 🕋Makkada 10 kun
🧾 Umra viza
✈️ Аviachiptalar (Toshkent xalqaro aeroportidan)
🚌 Transfer xizmati
🕌 Islomiyot tarixi
🏫 Ikki xaram yaqinidagi mehmonxonalar

📍Madinadagi mehmonxona: Divan Rose (200м)
📍Makkadagi mehmonxona: Reyhan Al-Meshair (950м)

🧾 Umra viza (O‘zbekiston)
🚌 Transfer xizmati 🕌 Islomiyot tarixi
🍱 Tansiq taomlar
Madinada (2 mahal)
Makkada (3 mahal)
Yuqori darajadagi Ellikboshi xizmati
👔 Nimcha 🪪 Beydjik
🎒 Sumka 📘 Umra Qo‘llanmasi 💧 Zam-Zam suvi

✈️ Parvoz Toshkent aeroporti orqali amalga oshiriladi.
🛫 Uchish - Qaytish 🛬
TO’G’RIDAN TO’G’RI REYS!

TOSHKENT🛫MADINA🛫TOSHKENT

Uchish sanasi | Qaytish sanasi
🛫02.12.2024 - 17.12.2024🛬
🛫09.12.2024 - 24.12.2024🛬
🛫16.12.2024 - 31.12.2024🛬
🛫23.12.2024 - 07.01.2024🛬
🛫30.12.2024 - 14.01.2024🛬

☎️ Тел: +998 99 604 0786 Андижон

ANDIJON DURDONALARI

20 ноября 2024 09:48

Намоз ўқиётган жойнамозларингизга ҳушёр бўлинг. Фикрингизни бузадиган, ҳаёлингизни чалғитадиган, кўзингизга ҳайвонни шакли-суврати кўринадиган жойнамозларда намоз ўқиманг. Намозни ичида хушуъ хузуъни бузадиган нарсаларни ҳаммаси макруҳ бўлади. Жойнамозларга ичингиз чиқмаётган бўлса, эскилардек бир хил рангли оқ ёки қора матоларни устида намоз ўқинг. Сиз бефарқ бўлган нарсаларга, яҳуд ва кофирлар бефарқ эмас. Ибодатни ибодатдек бажаринг!
@durdonadur

ANDIJON DURDONALARI

17 ноября 2024 16:29

Эҳтимол бир томчи сув тарозига қўйилса ҳеч нарса ўзгармас..., Aммо сиз бесабаб хафа қилган инсонинг шу туфайли тўккан ҳар бир томчи кўз ёши тарозининг гуноҳларингиз қўйилган тарафга охиратда жуда оғирлик қилади.... Жудаям....
@durdonadur

ANDIJON DURDONALARI

13 ноября 2024 06:26

• У киши ҳақида Расулуллоҳ соллаллоҳу алайҳи ва саллам шундай деганлар: "Фаришталар ҳаё қилдиган кишидан Мен ҳаё қилмас эканманми?"

У зот

• Биринчи Исломни қабул қилган ва биринчи ҳижрат қилганлардан бири;
• Икки нур соҳиби;
• Қуръонни жамлаган;
• Рума қудуғини сотиб олиб, мусулмонларга вақф қилган;
• Жаннатга бир неча бора башорати берилган;
• Расулуллоҳдан юзтадан ортиқ ҳадис ривоят қилган;
• Хулафои Рошидинларнинг учинчиси бўлмиш буюк саҳоба - Усмон розияллоҳу анҳунинг "Бақиъ" қабристонидаги  жойининг аввалги ва ҳозирги кўриниши.
@durdonadur

ANDIJON DURDONALARI

11 ноября 2024 03:37

Алҳамдулиллаҳ...

Бошингга қандай мусибат тушишидан қатъи назар, тушкунликка тушма. Барча эшиклар  ёпилса ҳам, У меҳрибон Зот сен учун битта эшикни очиқ қолдиради.
Ҳозир кўра олмаётган бўлсанг ҳам, бу машаққатли синовлар ортида сенга аталган жаннат боғлари бор.
Шукрона айт! Истагинг бажо келтирилганида  шукур қилиш яхшидир.
Тилагинг амалга ошмаганида ҳам шукур қилиш лозим.

©️ Шамс  Табризий.

ANDIJON DURDONALARI

02 ноября 2024 12:49

Анави нарироқда турган ҳайвонлар ишга аралашса бўлар эди, аммо "ҳикмат", "ақл" ва "ўзини босиш" ва....ва... ҳам керак-ку!
@durdonadur

ANDIJON DURDONALARI

02 ноября 2024 12:47

Ушбу 21 кунлик Умра сафарига Ош шахридан училади.
Мурожаат учун: +998996040786

ANDIJON DURDONALARI

26 октября 2024 04:29

#mutolaa #sunnat
🌙 УНУТИЛГАН СУННАТ (ДУО ҚАБУЛ БЎЛАДИ)

🗣Мадиналик ансория аёллардан Умму Сулайм розияллоҳу анҳо Расулуллоҳ соллаллоҳу алайҳи васалламнинг олдиларига келиб:

يا رسولَ اللهِ علِّمْني كلماتٍ أَدْعو بهِنَّ

“Ё Аллоҳнинг Расули, менга шундай калималарни ўргатингки улар билан дуо қилай”, деди.

У зот алайҳиссалом:

قال: تُسبِّحينَ اللهَ عَشْرًا وتَحمَدينَه عَشْرًا وتُكبِّرينَه عَشْرًا ثُم سَلي حاجَتَكِ

“Ўн марта тасбеҳ (“Субҳаналлоҳ”), ўн марта таҳмийд (“Алҳамдулиллаҳ”) ва ўн марта такбир (“Аллоҳу акбар”) айтиб, сўнгра Аллоҳдан ҳожатингни сўрайсан, Шунда Аллоҳ таоло:

فإنَّه يقولُ: قد فعَلْتُ قد فعَلْتُ

“батаҳқиқ амалга оширдим”, “батаҳқиқ амалга оширдим”, деб айтади”, дедилар (Имом Термизий ва Насоий ривояти).

ANDIJON DURDONALARI

25 октября 2024 18:46

СИЗНИ БИР БОР КЎРСАМ ЭДИ...

(Ўқинг фақат йиғламанг)

Биз шундай яшайликки, орадан йиллар ўтиб, ортга разм солганимизда ҳаётимизнинг ҳеч қайси саҳифасини ўзгартириш истаги пайдо бўлмасин. Қаердадир ниманидир ўзгартириш истаги пайдо бўлдими, демакки, қаердадир хатога йўл қўйган бўламиз, деб ёзган эди донишмандлардан бири...

Яна баҳор келди, эрта баҳор. Ҳавода майин илиқлик ҳукм сурмоқда. Қуёш табиатни ўзининг илиқ нурлари билан сийламоқда. Заминдан шошқалоқ кўкатлар бош кўтарган. Лекин дарахтлар уйқуга тўймаган боладай ҳали қобиғига ўраниб ётибди. Сайроқи қушлар эса табиатнинг энг тароватли фасли-баҳор келаётгани ҳақида оламга жар солмоқда...

Бугун сизни кўргани келдим. Ҳа яна кўргани келдим. Илгарилари дарвозадан кўринишим билан иқболимга пешвоз чиқиб, мени саволларга кўмиб юборар эдингиз.

— Кел болам, тузукмисан? Уйинг тинчми? Болаларинг, эринг соғми? Тинчлик билан келдингми?

Мени эса ҳали нафасимни ростлаб олмасимдан сўроққа тутганингиздан энсам қотади:

— Фақат, нотинч бўлсам сизни кўргани келаманми? Қизиқсиз –а, ойи?

Жавоб берардим-у, айб иш қилиб қўйган боладай кўзларимни яширардим. Сиз эса шундаям тинчимай:

— Ҳа болам-а, мени кўзим хирароқ. Тоғни кўрмай қолишим мумкин. Лекин онаман. Сени кўзларингдаги мунгни, ёшни кўр бўлсам ҳам кўраман,-дердингиз.

Шу сўзларингиздан кейин киприкларимда омонатгина осилиб турган ёшлар селга айланарди. Бор дардимни йиғлаб-сиқтаб, сизнинг юрагингизга ағдарар эдим. Ўзим енгил тортардим-у, алам юкининг бор залворини сизнинг кексаликдан чўкиб қолган елкангизга ортар эдим.

Сиз эса жимгина эшитардингизда:

— Болам ҳаёт ҳар қадамда бизни турли синовларга гирифтор қилади. Пешинангга ёзилган экан, сабр қил, — дердингиз.

Менга тасалли берардингиз-у, ўзингиз изтироб ўтида ёнардингиз. Турмушим нотинчлигида ўзингизни айбдор ҳис этиб, ич этингизни ердингиз. Чунки мени ўзингиз танлаган инсонга турмушга бергансиз. “Жияним, укамдек яқиним қизимни эҳтиёт қилади” деб ўйлагансиз. Сизнинг хатоингиз ҳам гуноҳингиз ҳам шу.

Мени алдаб-сулдаб, юпантириб топганингизни қўлимга тутқазиб жўнатар эдингиз. Мен нотавон уйимга кулиб кетар, сиз эса ортимдан бўзлаб, куйиб қолар эдингиз. Кейинги келишимгача минг ўлиб, минг тирилиб яшардингиз. Яна келганимда эса сиз кўзимга термуласиз, мен сизни оловда ёқишда давом этаман.

Ўша воқеа ҳеч эсимдан чиқмайди. Ҳар доимгидек ҳам учиб-қуниб кутиб олдингиз. Борингизни дастурхонга тўкиб содингиз. Мен эса дардимни дастурхон қилишдан чарчамадим.

Сиз эса, кўзингизни бир нуқтага қадаганча, ҳар доимги гапни тилга олдингиз.

— Сабрли бўл, қизим!

— Сабр, сабр, қачонгача сабр қиламан, — дея заҳримни сочдим. – Сиз менга ўхшаб эр жабрини тортмагансиз. Дадам сизни урмаган, сўкмаган, қаттиқ гапирмаган. Ўзингиз айтардингизку, отангдек инсон бошқа бу дунёга келмайди, деб.

Сиз индамасдан бошингизни қуйи солиб, кўз-ёшларингизни енгингиз учи билан артдингиз.

Ҳа, отам сизни кафтида кўтаргани рост. Лекин, мен қиз бўла туриб, сизнинг шугина бахтингизни ҳам юзингизга солдимми? Отам билан бахтли ҳаёт кечирганингизга ҳасад кўзи билан боқдимми? Сизга, ўз онамга-я? Эсласам, ўз-ўзимдан нафратланиб кетаман.

Мен эса, кунда-кунора уйингизга кўз-ёшимни оқизиб келишда давом этдим. Бу ҳол то бетоб бўлиб ётиб қолгунингизга қадар давом этди. Сиз оғир дардга мубтало бўлдингиз. Турмушидан куйган бахтсиз қизингиз-менинг дардим сизни адои тамом қилди. Оёқларингиз, қўлларингизни қимирлата олмайдиган бўлиб қолдингиз.

Энди сизга қараб мен куя бошладим. Ҳаётий муаммоларимдан сизнинг соғлигингиз, ҳаётингиз мен учун муҳимроқ эканлигини англаб етдим. Аммо, сизни ҳар сафар кўргани келганимда, кўзларимга синчковлик билан тикилишда давом этардингиз... Уларнинг тубига чўкиб кетган ғам ва жавоби топилмаётган саволларни ўзингизча таҳлил қилардингиз, гўё.

Мен бешафқат, мен золима ўша ҳолингизда ҳам сизни қақшатиб кетдим. Аслида сизни шу кўйга солган мен бўлсам ҳам. Ахир мен ҳам аёл эдим. Мен ҳам она эдим. Турмушнинг паст-баландларига қаноат қилолмадим, сиз айтгандек бироз сабрли бўлолмадим. Рўзғор ташвишларини, ҳамма оилада бўладиган араз-гиналарни кўргулик деб қабул қилдим.

ANDIJON DURDONALARI

16 октября 2024 10:15

1-қисм. Мулло Абдуллатиф қози домла ҳаётлари. Андижон тарихи.
@durdonadur

ANDIJON DURDONALARI

28 сентября 2024 09:13

Устоз Мухаммад Содиқ Қори домлам қаламларига мансуб гўзал байт.
🎙Мухаммад Шариф кори ака ўқиганлар.

ANDIJON DURDONALARI

22 сентября 2024 08:13

Жаноби Пайғамбаримиз соллаллоҳу аълайхи васаллам оналари, Онамиз Оминани розияллаҳу анҳо қабри шарифлари. Маккаи Мукаррома ва Мадинаи мунаввара оралиғидаги Ал Абво қишлоғида жойлашган.
@durdonadur

ANDIJON DURDONALARI

16 сентября 2024 02:58

КЕЛАЖАКДА ФАҚИР БӮЛИБ КЕТАДИГАН ОДАМНИ 15 БЕЛГИСИ

1. Эрта туришни ёқтирмайди
2. Имкон туғилди дегунча дам олишни яхши кўради
3. Интилувчан одамларни "пул учун жонини ҳам беради бу" деб ҳисоблайди.
4. Ҳар кунги машғулоти бир хил: ошхона, телевизор, интернет, ётоқ ва ҳожатхона
5. Ишсиз, ишга жойлашса маоши оз деб нолийди.
6. Бой одамдек хаёл суради, аммо ҳаракат қилмайди
7. Доим бировга суяниб яшайди.
8. Интернетга кўп вақтини сарф қилади.
9. Жонини қийнагиси келмайди.
10. Бир иш қилса "қовун" туширадигон одати бор
11. Яхши кўрган сӯзи: "Ўша кун келаверсинчи".
12. Пулни тежашни билмайди, пул бўлди дегунча тезроқ ишлатиб юбориш пайига тушади.
13. Қарз олишни яхши кўради.
14. Ақл ўргатишга уста бўлади.
15. Энг муҳими: кўп ёлғон гапиради.
@durdonadur