💌يوميات #زولة_مجنونة 😴❤️

29 апреля 2020 10:42

بتجينا لحظات كتيرة بنفكر فيها انو نفسنا نتوب و نبعد عن كل الذنوب دي ، اغاني افلام معاصي كتيرة جدا نفسنا نبعد عنها بس ماقادرين كل ما نحاول الشيطان يوزِّنا و بنلقى نفسنا بنرجع ليها تاني ...

رمضان فرصة إنك تغصب نفسك تبعد عن المعاصي كلها و تسخر نفسك لعبادة ربنا تهدا و تروق من الهموم الكتيرة دي و تصفي قلبك من الذنوب و تملاهو حب الله و ذكره ، حتلاقي الراحة اللي كنت بتدور عليها وفاقدها و مافي شي حيمنعك و لا الشيطان حيمنعك ، صدقني ممكن يكون باب ليك إنو التوبة دي تبقى توبة نصوحا و تستمر فيها ، و ممكن كمان ربنا عاوزك تجيهو تائب صالح ليهو الواحد ما ضامن عمره أقلَّها في رمضان نرجع لي ربنا و نبعد عن كل المعاصي


ومن أول شروط التوبة انك تقلع عن الذنب وتجاهد نفسك انك ما تعود ليهو مهما كان أكيييد ربنا بقبل توبتنا مهما أذنبنا في حقه وفي حق أنفسنا
عشان كدة بادر انك تتوب لي ربنا اليس هو من قال ويقبل التوبة عن عباده

💌يوميات #زولة_مجنونة 😴❤️

29 апреля 2020 10:37

صارحني ،💌؛:
💌 وصلت لك رسالة جديدة
⏱وقت الرسالة: 2019/05/23 - 09:28:51 PM
✉️ المحتوى : ↓↓
لووولة يااااخ انا نفسي بالجد أحب ياااخ 😭😭😭 انا عايزة زول يهتم بي ياااخ بس كمان انا بشووف الحب عولاق وعندي طموحات عايزة احققها في الحالة دي انا اعمل شنووو 💔😭
----
💡يمكنك الرد بعمل رد على هذه الرسالة .
💕💕💕💕💕💕
بصي حبيبتي انا شايفة انك افضل ليك تحتفظي بمشاعرك للانسان البستاهلها وبقدرها مهما حسيتي نفسك وحيدة وبحوجة اهتمام زول وانك عايزة بس تحبي وتجربي الحب ده ما تستعجلي في اطلاق مشاعرك ساي وتديها للانسان الغلط + خليكي عارفة وعلي يقين تام انو مهما طال الزمن مصيرك حتلقي الانسان المناسب واللي حتحبيه
الانسان اللي حيحبك ويخاف فيك ربنا الانسان اللي حيكون شريك حياتك واللي حتدي جل اهتمامك وكل مشاعرك والحب الفي الدنيا دي + فأنتي هسي خليك مركزة مع طموحاتك وأحلامك والحاجات البتحبيها لانووو الحياة ما وقفت علي الحب بس 😕💔
كوني لنفسك كل شئ 👌✨❤️

💌يوميات #زولة_مجنونة 😴❤️

15 апреля 2020 13:13

وبنعزهم ناس كانو سندنا ساعدونا كتيير وم لقو مننا غير الغدر والخيانة ونكران الجميل بس بفضل تأنيب الضمير ملاحقنا بس ي تري هل حيتصلح اللي انكسر

🐸💔 وجات اللحظات الرومانسية اللي بعيد عنكم جابت لي جفاف عاطفي علي التصحر اللي كان عندي ☹️💔
صحبتنا طبعا كانت بتبكي 🐸💔 صاحبنا جا ليها وقش ليها دموعها 🤤❤️ وقال ليها من يوم الليلة م عايزك تبكي ده السمعتو بس 😂😂🐸💔 قلت احسن اتخارج وم ارمي طعميتي معاهم😂😂🤭

المهم صحبي تاني أتكلم مع أبوها كدة وقام قال ماشي قلت ليهو انتظرني وصلني معاك والمغرب كان بأذن قال لي م بقدر مستعجل بس عندي شغلة اقضيها وبرجع أسوقك قلت لي كويس المهم مشينا صلينا المغرب انا وهي وعملت لي كباية جبنة 🤤 عشقي وبقينا بنتونس 😳😳 فجأة نسمع ليك خالتو بتزغرد قمنا جارييين ليها الساعة والتانية حضنتها وقالت ليها الف مبروووك عقد ليك 😂😂😂 صحبتنا بقت بس منططة عيونها 😳💔 أما أنا أصلا اتوقعتها منووو فبقيت ببكي بس 😂😂 مشيت أديتها ليكم قرصة لمن عيطت قلت ليها أطمني م بتحلمي دي حقيقة ودعتي عالمنا عالم البايرات وبس بقينا بنبكي 🐸💔 وجا خاشي هو وأبوها والجيران جو عشان يعرفو الحاصل وبقينا مع التبريكات وكدة ومالو حصل سريع كدة والحاصل شنو وانتو عارفيين شمارات الناس الما بتخلص 🐸💔

وبالجد كانو أحلي ثنائي وربي وانبسطت ليهم كتيير 😭😭❤️ وتمو زواجهم في أقل من شهرين وحضر أوراقو وسافرو الكوييت 😭😭❤️ وجابو ليهم أحلي بنوتة وقالو الا يسموها علي بس قلت ليهم لا الاسم ده كبير سموها اسم جديد يكون حضاري وحلو 😭😭😭❤️ بس لا سموها ليلي 🤤❤️ وقلت ليهم قولو ليها لولة حبيتهم أوي وعن النظرات اللي كانو بنظروها لي م لقيييت غير هم حاضنني وببكو وانا بكييت معاهم 😭😭

#كسرة
بالجد اﻷصحاب ديل حلووووين أوي أوي فيا ربي أحفظهم ❤️✨


أنا أتمنيييت لو ألقي لي زول يحبني الحب ده كلووو زول يتحد عشاني الظروف ويحاربها معااي 😴❤️


صح كنت بقول ليكم أنو الحب الصادق مات وم في قلووب ممكن تحيهيو بس لا كنت غلطانة يمكن لو م الموقف ده ومواقف كتييرة انا م كنت حأدرك الحقيقة دي بالجد اللي بيحب بجد بيضحي بكل شئ في سبيل أسعاد الطرف البحبو وممكن يعمل المستحيل عشانو

ونحنا كمجتمع عقيم في حتت الحب لمن نشوف اتنين بيحبو بعض شديد ومتمسكين ببعض بنقول عليهم حركات هنود وكلام بالشكل ده بس لا بالجد نحنا حبنا م فاضي لحب الهنوود اصلا
ويمكن الرجل السوداني عدا المرحلة دي بكتيير ❤️😴

صدقووني حب الرجال صعب وصادق شدييد لمن يلقي البنت البتحبو وبتحترموو ممكن يعمل عشانها المستحيل 😴❤️
#خلاصة_الكلام

هو في نظري راجل ومكانتوو زادت كتيير في قلبي مش عشان هو صحبي بسبب الموقف ده عشان كدة دايمآ بقول لمن تجو تختارو أختارو صح اختاري اللي حيكمل معاكي لﻵخر ويتحدي الظروف ويعمل المستحيل عشانك اللي لمن تغلطي يقيف معاك ويصلح معاك الغلط مش يمشي ويسيبك

بالنسبة لي هو وعدها ووفي بوعدو ليها وما خيب ظنها لانو فعلا بيحبها هو راجل شاريها حارب عشانها كتييير واللي بيحب بجد بحارب معاك الظروف وبتحداها اللي بيعمل المستحيل عشان يكوون معاك وتبقي حلالو ❤️✨

وانا مؤمنة في نهاية اﻷمر لن يربط الله قلبين عبثآ..😴❤️✨

فاللهم حلاﻵ يشبه أمانينا ❤️
حكاية حب 1⃣ 😴❤️
#ليلي_كباشي 🖋

💌يوميات #زولة_مجنونة 😴❤️

15 апреля 2020 13:13

#مقتطفات
1⃣
قال لي يا لولة والله انا بحبها زي ما هي بتحبني وأكتر وصدقيني أنا ممكن أجن بسببها عملت المستحيل عشان أرجع ليها بس هي رافضة انا ما عارف أعمل شنو ولا أتصرف كيييف بقت باردة شدييد في تعاملها معاااي حتي من دوون أي مقدمات قالت لي أعتبر البينا أنتهي 💔 م كنت مصدق دي كانت روحها فيني لو عديت يوم واحد م اتكلمت معاها يوم واحد شنو ساعة واحدة بتجوط فيني وبتزعل أفتكرتها لحظة زعل منها ونفسنه وحترجع بس لا عد يووم ويومين وتلاتة وأبتديت أقلق بقييت بتصل ليها م بترد برسل ليها م بترد مشيت ليها في البييت ومن دون اي مقدمات اتقدمت ليها وأبوها قال لي أشوف رأيها قلت ليهو م يحتاج هي موافقة ناداها عينها م رفعتها فيني قالت لي أبوها م موافقة وما عايزة عرس ودخلت 💔
وقفتها عاينت في عيونها لا لا مستحيل دي حبيبتي النوارة والبسمة الما كانت بتفارقها بقت باهتة شديييد وعيونها واقعة من البكا😢💔 طيب بتبكي لشنو والحصل شنو عدت حساباتي مية مرة قلت احتمال غلطت عليها من دون م أقصد بس م لقيت اني غلطان ولا مزعلها في حاجة بقيت تائه م عارف أعمل شنو ولا أتصرف كييف أتصلت لي صحبتها عشان تحكي لي واعرف منها مالها قالت لي م عارفة ليها كم يوم كدة بتكون قافلة الغرفة علي نفسها حتي انا م بتفتحها لي مرات بمشي بقعد جمبها وبحنسها عشان تحكي لي بس بلقاها سارحة وبتبكي اقل شئ بتعملو بتحضني وبتقول لي أنا عايزة أموووت 😭😭😭💔

ما لقيييت نفسي الا وانا ماشه ليها دخلت لي أمها سلمت عليها ودخلت ليها في غرفتها يمكن أنا زاتي اتخلعت لمن شفتها البت بهتت شديد وم هي الانا بعرفها م حاولت أقول ليها أي حاجة بس مسكت أيدها يمكن أنا علاقتي بيها م كانت علي قد كدة بس انا عارفاها بتعزني وبتحبني شديييد فضلت ماسكة أيدها بس وم لقيتها غير هي حاضناني وبتبكي 😭😭😭💔
أول كلمة قالتها لي أشتقت ليهووو يا لوولة بس غصبن عني م ينفع أكمل معاهو هو يستاهل أحسن مني انا ما بهون علي أشوفو كدة بس أعمل شنو م قادرة اواجهو ولا أصارحو بالحقيقة انا في اليوم بمووت مية مرة لدرجة حاولت انتحر بس أستغفرت انا م عندي ذنب ي لولة بس هو غدر بي 😭😭😭😭💔 أنا أنتهيت يا لولة واتغدرت ومن منو ومن أقرب اﻷقربين لي واللي حيصدقني منو 😭😭

انا قدرت أفهم هي بتتكلم عن شنوو ومنو العمل فيها كدة قلت ليها

اول شئ كونك تسكتي عن الغلط ده أكبر غلط في حد زاته هو كدة حيفتكرك خايفة وما حتتكلمي مع أنو هو اللي خايف أكييد لانو حيجيب لنفسو بلاوي ومشاكل ااي نعم خفتي من ناس بيتكم خفتي من اهلك خفتي من المجتمع ونظرتو ليك بس صدقيني المجتمع عمرو م برحم في كل الحالات يبقي م عليك غير انك تاخدي حقك بنفسك
وم تضعفي ولا تستسلمي طالما انتي م غلطتي بارداتك وكان غصبن عنك واجهي الحقيقة وم تتهربي منها ااي نعم قد يكون كسر فيك حاجات كتيييرة بس لازم تتغلبي عليها و(صحبي) م عندو ذنب الولد حيجن بسببك صدقيني لو كان حكيتي ليهو الحقيقة وم اتهربتي منوو م حيسيبك وحيقيف جمبك ويدعمك قالت لي ونظرة الاستياء بادية علي وشها هه تفتكري نظرتو لي حتكون كيف واكيد حيسيبني م في ولد حيرضي قلت ليها انتي واثقة فيهو قالت لي م دي المشكلة وانا متاكدة لو حكيت ليهو م حيخليني وحيتمسك بي 😭😭💔 وانا م عايزة كدة انا م بستاهلو انا بتمني ليهو الافضل مني💔

تاني بقيت بيني وبين نفسي انا حأعمل شنو وأساعدها كيييف حسبتها من كل النواحي والحاجات الممكن تحصل وردات الفعل سواء من اتجاه أهلها ولا من صحبي
المهم غايتوو الطلعت بيهو كلو انا مشيت لي صحبي وقلت ليهو عايز تعرف السبب المزعلها شنو قال لي أكييد قلت ليهو بشرط توعدني م تتهور وتمسك أعصابك قال لي ي لولة احكي الله يرضي عليك م عندي أخلاق قولي حكيت ليهو الحصل كلووو والساعة والتانية فار وعيونو دي حمرت انا الصراحة خفت منووو 😨💔 والله م باقي لي شئ الا وأقوم جارية منوووو ورفع يدووو والساعة والتانية ضرب يدو في الحيطة انا متاكدة انو مستحيل م يكون اتكسر فيها عظم ☹️ وم لقيت نفسي غير وانا انسحبت شلت الا شنطتي وفرتقت صح من المفترض كان أكون جمبوو وم اخليهو في الحالة دي بس ما بعرف ياخ جات كدة وقلت أخليهو بعد يهدأ واتفاهم معاهوو ونشوف البحصل شنو م بعدت كتيير تلفوني اتصل قال لي يا لولة مكان م كنتي ترجعي سريع 🤦‍♀💔 ياربي انا عملت شنو في دنيتي دي (☹️عندي أصحاب بفقعو مرارتي وهارتي وفشفاشي☹️💔 )
المهم رجعت ليهو قال لي ي ليلي شوفي انا م بعرف الزول ده أنا حأقتلو وحأشرب من دمووو اما هي تصبري لي مفتكراني م راجل يعني واني حسيبها يعني هي م كانت واثقة فيني انا ممكن أعمل المستحيل عشانها ومستحيل أتخلي عنها اتصلي لي ليها اتصلت ليها وقلت ليها م تقفلي الخط قبل م تسمعي الكلام كلووو
اتكلم معاها كتييير وذكرها بحاجات كتييرة لدرجة كان ببكي 😭😭😭💔 وانا عارفة انو حالتها م بتقل عن حالتوو لدرجة انا زاتي بكيييت معاهم 😢
يمكن انا في اللحظة دي اتمنيييت اني القي لي زول زيو يحبني بنفس الحب ده

💌يوميات #زولة_مجنونة 😴❤️

11 апреля 2020 17:49

صارحني ،💌؛:
💌 وصلت لك رسالة جديدة
⏱وقت الرسالة: 2019/09/26 - 09:08:54 AM
✉️ المحتوى : ↓↓
😭😭😭😭😭😭😭😭😭😭😭😍🤤😘💕بعشقك انا يا لووووووولتي 😍❤️ حبييت اغير شوية وادلعك انتي لووولتنا الثمحة 😘 البتساعدنا وبتسمعنا ربنا يديك علي قدر ما يرضيك ي لولتي 😭❤️جد تستاهلي انتي والله كلمة بنحبك عليك بسيطة انتي بالجد حاجة كدة نادرة الزول بستشيرك وم بندم والحاجة العاجباني فيك انك ما بتختصري ليهو الكلام بتتطرقي لكل الجوانب جد انتي كاتبة مبدعة ومنشوراتك روعة بالجد لولة ❤️😍😘المووووهم الله يخليك لينا يلا ادخل ليك في استشاراتي انا يا ستي
زي ما قلتي لينا الحياة اكبر من كدة بكتييير واكبر من العولاق الاحنا بنسوي فيهو ده 😹😹طبعا شلتها منك الجملة دي بس نعمل شنووو قلوبنا وما في يدنا
ي ستي انا بحب لي واحد شغال معي ومتفقين واي شئ وانا بالجد بحبو شدييد ي لوولة وحياتو كانت صعبة شديييد ودخلتها زي م بقول لي انتي نعمة بس المشكلة فيهو تناقضات كدة عجيبة صبرت عليهو كتييير واستحملتو بس بقييت م قادرة ي لوولة شكاك في اي شئ وم بديني فرصة انو ابرر ليهو والمشكلة بزعل هوو مع انو مفروض انا الازعل ودايما بقول لي انا ما واثق فيك
عديل كدة ي لولة وبقول لي عيوبك كتييرة انا م عندي استعداد اني اتقبلك م لم تغييريها علي الرغم انو بحبني عايزة اعرف مشكلتو شنو ي لولة وكيف اقدر احلها وانا متاكدة لو خليتو حيزعل كتييير
وانا بالجد نفسي يتغير ياخ نحنا الاتنين فينا عيوب المشكلة انا عيوبو متصالحة معاها ومتقبلاها بس هو لا دايما بحب يجرحني وكلامو بوجع لي قلبي احترت اعمل معاهو شنو قولي لي حل ي لولة من غير ما افقدو لانو بالجد الوضع لو استمر بالطريقة دي مضطرة ادوس علي قلبي واخلي لانو انا استحملتو كتيير 😔💔
المشكلة عايزيني اسمع كلامو في اي حاجة الحاجة البقول عليها لازم اعملها ولو عاندتو فيها خلاص تعالي شوفي الزعل ولو لقي تلفوني مشغول ساي يعمل لي قومة وقعدة ومهما احلف ليهو ما بصدقني بقول لي انا اصلا م واثق فيك وانتو اصلا البنات غير الخيانة م بتعرفو شئ 😤الزي ده انا اعمل لي شنو بس احيانا بقول انا الجابرني علي ده كلو شنو 😩😖😞 كدي شوري علي اعمل شنو 😔 والمشكلة انو كل الناس عارفنو عايزني وهو عايز يجي بيتنا بس انا رفضت بعد اشوف نهايتو شنو لانو لو استمر الوضع ده ما حقدر اكمل معاهو 😞💔محتارة ي لولو
----
💡يمكنك الرد بعمل رد على هذه الرسالة .
💕💕💕💕💕💕💕💕💕💕
طيب انا دايما بقول لو انتي عايزة تعرفي حقيقة الزول ده بحبك بالجد ولا لا اظهري ليهو عيوبك كلها وخليك صريحة معاهو من البداية مافي زول فينا م عندو عيوب ومافي زول كامل والكمال لله + حتعرفي الزول ده بحبك لمن يتقبلك زي ما انتي بكل محاسنك ومساويك البحبك بالجد بتقبلك بكل عيوبك ويحاول يصلحها معاك مش يسيبك ويمشي ولا يقول ليك انا م عندي استعداد اتقبلك ما لم تغيري الحاجة دي او ما لم تعملي كدة
لو بتحبني بالجد يبقي اتقبلني واستحملني ولو قدرت غير فيني الشايفو غلط لانو البريدك بالجد حيتقبلك وحيستحملك وحيمسك ايدك ومش هيسيبك لانو عارف انو نحنا اتخلقنا عشان نكمل ببعض 👌👏

والسبب ي ستي انو بفسر كلامك وتصرفاتك علي حسب مفاهيمو وما يهمو اذا كانت خاطئة ولا لا والحاجة دي بتكون نتيجة تجربة قبالك خلتو ما قادر يثق في زول او انخذل وانجرح ولسه م اتعافي او كان في زول في حياتو بعاملو بنفس الطريقة البعاملك بيها دي وممكن يكون بياخد تارو من الزول داك فيك انتي مع انو م عندك ذنب في الحتة دي بس لو حابي انو يتغير ساعديهوو اقيفي معاهو واسنديهو وقولي ليهو م كل الناس واحد زي م اصابع يدك ما واحد يبقي ما تحكم علي الاساس ده وبس ويخلي شكوكو الفارغة ويديك فرصة لانو يسمعك ويشوف وجهة نظرك بس بنصحك ما تبرري كتيير لانوو بالجد لو هو عايز يفهمك بقدر يفهمك اهم شي التغيير يبدأ منووو غير كدة انتي م ملزمة خالص انك تستحملي تصرفاتو الغريبة دي وشكوكو الما بتخلص

لكن والله بيني وبينك ي ستي الزول الزي ده مستحيل تقدري تتعايشي معاهو والحياة معاهو حتكون صعبة ومحتاجة صبر ده في حال ما اتغير خالص والحال في حالو ومهما صبرتي عليهو في النهاية صبرك حينفد لانو حيجي عليك كتير وم حتقدري تستحملي غير بتوجعي في قلبك ما بتعملي شئ 😪💔
التغيير لازم يبدأ منو هو واهم نقطة انو يخلي بالو طويل واخلاقو الضيقة دي يحاول يتحكم فيها وم في ابسط شئ يتنرفز 😪💔 يمكن انا مريت بنفس تجربتك دي ولمن جات علي كتير صراحة انسحبت لانو حياتنا غير المشاكل مافيها شئ + انو مستحيل نتفق ما لم نحنا الاتنين اتقبلنا عيوب بعض وما لم نكون متفقين ما حنمشي لقدام ومصير العلاقة دي في النهاية انها تقيف 😪💔

انا ما بقول ليك انك تخليهو وبما انك قلتي بتحبي وما عايزة تخسريهو يبقي حاولي معاهو كتيييير واصبري عليهو واستحمليهو غيري الحاجات الفيهو البتقدري تغيريها وامسكي في نقطة انو بيحبك خلي ينسي ماضيهو 😪💔وم عارفة اقول ليك شنو تاني +

💌يوميات #زولة_مجنونة 😴❤️

08 апреля 2020 20:35

راسليني ي صاحبة الاستشارة 😴

💌يوميات #زولة_مجنونة 😴❤️

08 апреля 2020 20:29

💌 وصلت لك رسالة جديدة
⏱وقت الرسالة: 2020/03/01 09:41
✉️ المحتوى : ↓↓
اولا مشكلتي انو على علاقة مع واحد وما عارفة انو هو بيعمل كدا ليه اولا من اهلنا من بعيد وشال رقمي وقال لي انا عايزك زي ما عارفة حنك البدايات مكالمات ورسايل وكلو الكلام دا من شهر 10اها وبقينا متواصلين وانا ما اكذب عليك لقيت نفسي اتعلقت بيهو شديد حتى اليوم الما اتكلم معاهو بحس بي نفسي ما طبيعية عديل اها مرت الشهور وفي يوم 14الفات دا قال لي انتي بتحبيني قلت ليهو ما عارفة المهم بقى يجرجرني ف الكلام وانا ما عايزةاقول ليهو بحبك قبل ما هو يبادر اولا عشان عارفة اولادنا ديل اها ف النهاية قال لي بريدك وبقينا حلوين وكل شئ لكن ف الاسبوعين ديل بقى ما برسل م بتصل مرات ارسل رسالة يتجاهلا وف حين انو يكون متصل الان وبعد كم ساعة يجي يقول لي معليش يعني ف توتر حاصل وحتي انا اختفيت لي يومين من الواتس ما فكر يتصل علي ولا كنتي وين ولا غيرو امس لمن انا نشط قال لي معليش ما قاعد ارسل قلت ليهو اخد راحتك واقول ليك حاجة لو انت كنت ما متأكد من مشاعرك اتجاهي ليه اتسرعت وعادي لو عايز العلاقة دي تنتهي ا
هسي ننهيها بدون لف ودوران ومعاملتك دي انا ما قادرة استحملا رسل لي العيب مافيك العيب مني انا اي حاجة بقيت ما قادر اواصل فيها واحسن نبعد من بعض عشان انا مقصر ف حقك وما عايز اعلقك معاي ساي وخليني ارتب اموري لما انزل السودان الزول لو جادي يجي يدق الباب عديل وفصلا على كدا وبقيت ما فاهمة شئ انا والله💔😞
----
💡يمكنك الرد بعمل رد على هذه الرسالة .
💕💕💕💕💕💕💕💕💕💕
طيب يا ستي افضل شئ انو العلاقة دي انتهت ومن خلال كلامو معاك الانسان ده ما جادي من البداية في علاقتو معاك 😪💔 والدليل انو قال ليك اي حاجة بقيت م قادر اواصل فيها واحسن نبعد من بعض
فيا ستي لو كان بحبك فعلا م كان قال ليك كلامو ده وادناه كان حيقول ليك نبعد فترة من بعض وتشوفو مرسي علاقتكم دي شنو هل فعلا انتو بتحبو بعض ولا لا
ولو شايفة انك بتحبي وحاسة انو بحبك وقال ليك يرتب امورو بعد ينزل السودان فبها بس انا شايفة انك تنسيهو افضل وما تركزي معاهو كتيير انسان حاول يملي فراغو بس ما اكتر 😴💔والزيو م تبكي عليهو أوعك وربنا حيعوضك
😪💔 احفظي نفسك وصونيها للزول اللي حيستاهلك واللي حيحبك كما انتي الانسان اللي وقت تغيبي عنو يفقدك ويسأل عنك 😪💔ووبس يعني

💌يوميات #زولة_مجنونة 😴❤️

08 апреля 2020 20:26

😴❤️ رسائل قديمة حاحاول ارد عليها

💌يوميات #زولة_مجنونة 😴❤️

26 февраля 2020 22:47

💌 صارحني:
💌 وصلت لك رسالة جديدة
⏱وقت الرسالة: 2020/02/19 07:01
✉️ المحتوى : ↓↓
هاي لووولة كيفك يقمر ..
المهم انا بصراحه محطمه ومنهكه جدا ..
عندي اكتئاب بس م قصدي نفسنه وزعل وبختفي وخلاص لا ..مرض حرفيا
وحاولت انتحر 3 مرات والمرة الأخيرة كنت ح أقطع شرياني ..المهم انا تعبت شديد شديد وممكن أموت في اي لحظة
ونوايط قلبي كلها اتمزقت وببكي كل يوم
وحياتي تعيسه بشكل م طبيعي
و م تقولو لي اقري قران وصلي وبتبقي كويسه .. دا مرض نفسي فاهمني انتو؟!
وبعدين انا بصلي وبقرأ قران وبستغفر وكل شئ بس م اتغير شئ ..
وعاوزة أقابل طبيب نفسي بس اهلي رافضين الفكرة وفاكرين دي مجرد مراهقه وفترة عناد وكذا
وعمرهم م صدقوني او فكرو يفهموني ..
وبقولو لي بطلي وهم وعيشي حياتك..
انتي عارفه بالرغم من الخراب دا كلو
انا بجبر خواطر ناس كتير وحتى كتاباتي كلها عبارة عن بوزتيف انرجي وكذا وكل الناس بتحبني بس انا بكرهه نفسي وبكرهه حياتي جدا .. م بخلط بين واقعي وكتاباتي ..الكتابه ملجأ وملاذ آمن حرررفيا..(كتبت عدد اتخطى 30 خاطرة ..وروايه )
بتمنى ربنا يثلج قلبي و يجبر بخاطري في
كل مره جبرت فيها بخاطر زول ,في الوقت الانا أكتر انسانه محتاجه فيه الجبر دا.. 😪♥️

المهم بجد م عارفة اعمل شنو ممكن تساعدوني ؟!🙂💔
----
💡يمكنك الرد بعمل رد على هذه الرسالة .
💕💕💕💕💕💕💕💕💕💕
هلا وغلا حبيبتي بخير وعافية انا 💕

اول شئ ي ستي طالما قدرتي تشخصي حالتك وانك واثقة وعارفة انك الشئ البتعاني منه ده اكتئاب بمعني الكلمة فأكييد كمان عندك القدرة انك تتخطيهو وتعالجي نفسك منو براكي مع مساعدة عوامل خارجية تانية

وانا بغض النظر عن الشئ البتعاني منه والوصلك للحالة دي وانك شايفة نفسك بحاجة لطبيب نفسي فبنصحك انك تقابليهوو طوالي وتابعي معاهوو والاكتئاب مرض بالجد ولازمو علاجات وبنصحك تاخدي ليهو مضادات بعد استشارة طبيب + يمكن انا وصلت مرحلتك دي في يوم بس كنت طبيبة نفسي لدرجة اخدت ليهو مضادات والحمدلله

وانا متأكدة انو الحاجات المريتي بيها والواجهتيها في حياتك م كانت ساهلة و فاقت طاقتك لمن وصلتك للمرحلة دي حاولي مع أهلك كتير وأكيد لابد يقتنعو في يوم هم أكيد م عارفين انتي بتعاني من شنو ولا قدر شنو انتي محطمة ومحتاجة ليهم 💔حاولي معاهم وان شاء الله حيتقبلو
+ انو حاولي اتصالحي مع الحاجة الخلتك تصلي للمرحلة دي سواء كانت خيانة خذلان صدماات اتراكمت عليك وجات عليك كتييير + احكي لزول قريب من قلبك طلعي ليهو الفي قلبك كلوو أبكي اتجنني اعملي أي شئ من شأنو يخلصك من حالتك دي ويرجعك لحياتك الطبيعية + قابلي طبيب نفسي مختص وأكيد حيقدر يساعدك قابليهو حتي لو من ورا أهلك بس لازم زول يعرف وممكن يمشي معاك
وبالجد يعني حالتك مزقت قلبي 💔 ومش عارفة أساعدك كييف غير انوو ممكن ادعي ليك دعوة في ظهر الغيب وبوعدك م بنساك في كل صلاة بغض النظر عن أسمك
بتمني ربنا يجبر بخاطرك أضعاف الخواطر الجبرتيها يارب
وإليكي
وَ لعَلّ ما سينجيكِ هي تِلكَ الخَواطر التي جبرتيها يوما
ً وم تيأسي من رحمة ربنا مهما كان وبس خليك مواظبة علي صلواتك وقرايتك للقرآن الكريم وربنا أكيد حيثلج صدرك وحتتخطي الحالة دي بأذن الله❤️✨

💌يوميات #زولة_مجنونة 😴❤️

26 декабря 2019 15:05

بس انتي بذات نفسك قلتي انو انتي بالنسبة ليهو كصديقة ما أكتر يعني ردة فعلو انتي عارفاها مسبقآ في حين انو لو كان عندك احساس ولو 1% انو بيحبك كان حيسهل عليك كتييير
يعني هي صح حتكون صعبة عليك😪💔 بس حتنسي صدقيني وما حتاخدي زمن كتييير لانو حالتك بدري
اتشجعي بس وقلت ليك مهما كان ردة فعلوو انتي اتقبليها بصدر رحب يعني م حينفع تقولي ليهو لازم تحبني ولا لازم توافق بي حتقدري أكيد لا
يبقي خلصي روحك من الاحساس ده سريع علي الاقل تشوفي حياتك
واحيانا زاتو الحاجة ربنا ما بكتب لينا فيها الخير من البداية بس ما عارفة الخير اللي حيجيكك في نهايتها شنوو
فشنو الحل في يدك انتي

💌يوميات #زولة_مجنونة 😴❤️

26 декабря 2019 15:05

💌 وصلت لك رسالة جديدة
⏱وقت الرسالة: 2019/08/05 - 08:50:18 PM
✉️ المحتوى : ↓↓
طيب اذا انا اعترفت ليهوو احتمال يقول لي انا شايفك گصديقه لي او گ اخت لي ف انا احساسي ف لحظه دي ح يكون كييف 😔😭😭😭صعب اعترف ليهوو
----
💡يمكنك الرد بعمل رد على هذه الرسالة .

💌يوميات #زولة_مجنونة 😴❤️

26 декабря 2019 15:05

- ليه لكن ما دام هو بادر ليك باحساسو وشايف انك بتحبي كان تعترفي ليهو من البداية وتريحي نفسك من الاحساس ده ماياها فرصة وجات لعندك حتندمي انك م اتكلمتي وحتقعدي تقولي ياريت لو كانت اعترفت ليهو عشان كدة ده الموضوع المأزمك لانو لو ما اتخلصتي من كبح مشاعرك دي واطليقتها ما حتحسي بالراحة خالص او حتي ان شاء الله تفضفضي بيها لصحبتك

_ عشان كدة قلت ليك انا عندي احساس ما حتقدري تواجهي فأنتي هسي شيلي مفهموم كبت ده لانو والله ما فيها حاجة يا حبيبة وما حتنتقص من قدرك شئ لو صارحتيهو بالجواك وبادرتي احتمال هو زاتو منتظرمنك مبادرة ويكون نفسي الشئ خايف انك ما بتحبي او خايف انو يخسرك
كلاكم بتكابرو شايفة ما اكتر فأديناك الحل وتاني انتي اختاري

💌يوميات #زولة_مجنونة 😴❤️

26 декабря 2019 15:05

شوية يا محمد المفهوم ده اتغييير حاليآ
وفعلا من جانبنا نحنا كبنات الواحدة حتحس نفسها ضعيفة شديييد لو اعترفت لولد بحبها حتحس انها قللت من شأن نفسها او ممكن نقول اتعودنا انو الطرف الببادر دايما يكون الولد

مع أنو ما شايفة فيها حاجة لو حسيت انو بحب الزول ده امشي اعترق ليهو يعني حاقلل من قيمة نفسي كدة اكيد لا وما بالضرورة الا يكون يحبني ولا يوافق بي اللهم بس اتخلص من الشعور الملازمني ده وارتاح منو لانو الكتمان مشكلة في حد ذاتها وما بس في الحب ي جماعة لو زول ما بتعرفو زاتووو وشفتو ودخل قلبك وارتحت ليهو ما عيب والله لو مشيت قلت ليهو والله انا ارتحت ليك وبحبك في الله لله كدة شايفة حاجة حلوة ياااخ لو بنزرع الكلمة الحلوة دايما وبنبادر بيها وم نكون منتظريين عليها شئ الفكرة انك تبسط غيرك ولو بكلمة واحدة

عشان كدة ما تزعل كتيير كونك تحب ليك زول من طرف واحد ويكون الطرف ده ما بيحبك قد يكون هوو شايف انو ما الزول المناسب ليك او بتمني ليك الاحسن منووو مع انو عارفك حتتوجع وما هاين عليهوو وجعك بس ما في يدو حاجة يعملها العليك انك تسند نفسك بنفسك

💌يوميات #زولة_مجنونة 😴❤️

26 декабря 2019 15:05

بس داير اديكم مثال بسيط ككلكم اثناء كلام الاخت دي ققالت حاجة مهمة انو هو شخص ممميز ورائع من كل الجهات ..

علي فكرة ماف شخص ممميز ورائع من كل الجهات بس في حاجه اسمها تاثير الهالة وكلنا مرينا بيها لمن ننحب حاجه حتي لو كعبة ببنشوفها كاملة من كل اتجاه ورائعه جدا والهالة دي تاثيرها ببقي يقل مع الزمن لغايه ما يجي يوم ونكتشف حقيقة الشخص ده ..

كم واحد فيكم دخل علاقه وشاف ززوله احسن انسان وبعد انتهت العلاقه شاف كلكل تفاصيله االسمحه والكعبه ولقاه عادي ونحن دايما بنبنقول الحب اعمي بس في علم النفس اسمها تااثير الهالة هسي لو حبيت وجبة ببتشوفها اجمل اكلة بس لمن تشوف حدا وسخان بيعمل فيها حاتكرها وحاتحب ووجبة غيرها ..الخ


فدايما لمن تتحبوا شغلوا عقولكم مما تختوا للبتحبوهم مكانة كبيرة علشان بعدين ما تتنصدموا ولا تقللوا من حقهم ووخلوا بينكم في مسافه ععلشان مع الايام مما تملوا وتزهجوا من بعض ااو حتي لو افترقتوا تكونوا قادرين تقوموا علي حيلكم من جديد

💌يوميات #زولة_مجنونة 😴❤️

26 декабря 2019 15:05

نحن طبعا قايمين علي حاجه غبية شينه ان البعترف بالحب دايما الولد والولد دايما مفروض يكيكون متقدم في االحته دي ممع ان ممن ناحيه مشاعر وعواطف المراه هي الافضل من الرجل بس نحن بنبنخاف اننا نعترف ووالواحد يفكر اننا جارييين وراه ..


فطول مادي عقليتك ما ححاتحكي افترضي مثلا ههو زاته بحبك بس ماجاهز ححاليا او خايف يعترف ليك بحبه ويفقدك ويخسرك لان قبل ككدا حب بت واعترف لليها وخسرها وانتي كلامك قلتي ان هو شخص مميز حسب تفكيرك طبعا اذا معناته في سبب بمنعه يعترف بس انتي المانعك تعترفي شنو ..


تخيلي اسواء سناريو ممكن يحصل للو اعترفتي ببحبك مثلا انتي اعترفتي ليه وهو قال ليك والله انا شاشايفك اختي بس او مرنبط ? هل دي نهايه الكون صح حاتتالمي بس االالم تبعك حايكون ممرة واحده يمكن يستمر اسبوع شهر المهم حايكون مره واحده وحاتكون عنده ااجابه بس تعالي شوفي ححجم الالم الحايحصل لو ما ااعترفتي وجات واواحده بعدك حبته واعترفت لليه وهو اعترف ليها شوفي حجم الالم الحايحصل ليك مما حايحصل ليليك لان ما ححاباك المك حايكون الم ندم لانك ما حكحكيتي ليه ...

💌يوميات #زولة_مجنونة 😴❤️

29 апреля 2020 10:42

💌 وصلت لك رسالة جديدة
⏱وقت الرسالة: 2019/05/11 - 11:04:36 AM
✉️ المحتوى : ↓↓
أذنبت كتير بحق ربنا هل الله يقبل توبتي وماهو الطريق الذي يوصل الي التوبة كيف اتخلص من الذنوب
----
💡يمكنك الرد بعمل رد على هذه الرسالة .

💌يوميات #زولة_مجنونة 😴❤️

15 апреля 2020 13:41

#مقتطفات

م اصعب الخذلان وم اصعبه لما يكون من اقرب الناس الي قلبك 💔

ليلي ممكن اتصل ليك حابي أتكلم معاك عسي ولعل أرتاح واخفف من نفسي شووية
اها جدآ م عندك مشكلة
احكي لي مالك ؟؟ متضايق شايفاك الأيامات دي وم علي بعضك الحاصل عليك شنوو يا أخوي ؟

اتنتهد تنهيدة خلتني احس بكمية من اﻷلم في الزول ده وانو شايل في حملو هموم بتهد جبال 😢💔
جربتي يا ليلي أحساس انك تتخذلي من أقرب زول ليك وتنخدعي فيهوو ويخونك كمان مع اقرب الناس ليك 💔
اكتشفت انو خطيبتي بتخوني مع صحبي
💔 انا كان ممكن م اتأثر لو كان زول تاني بس صحبي 💔 ياااخ انا كنت بفديها بروحي انا كنت بشتغل ليل نهار عشان في اقرب فرصة يجمعنا الله في بيت الحلال واقدر اسعدها م قصرت منها في شئ كانت الشمعة البتنير طريقي والبتخليني م اكل ولا امل في يوووم 💔 وده كلو كان بتخدع فيني وبتعيشني في وهم وغش وخداع انا م قصرت منها في حاجة كل طلباتها مجابة وعمري م حرمتها من حاجة انا كان مجرد م تقول لي انا نفسي في حاجة بروح فورا بجيبها ليها كنت بعتبرها بتي مش حبيبتي اللي كانت سعادتها من أولي أولوياتي وقت شطبت البيت وخلصتو وكنت جاي ليها فرحان عشان افرحها وتمشي تختار عفشها بأيدها اتفأجات بالطامة الكبري متخيلة معاي كسرة النفس وشعوري في لحظتها يمكن هي زاتها أتفأجات وقعدت تتمتم م لقيت غير نفسي منسحب يعني أقول ليها شنو دي مهما حاولت تبرر موقفها قدامي ما بغفر ليها 💔
💔انتي حاسة بي يا ليلي صح حاسة بالنار الفي جواي انا بقيت م بثق في زول وصدقيني لو قلت ليك شلت فكرة اني ممكن في يوووم اتزوج ولا افكر حتي مجرد تفكير فيه 💔

خذلان 💔 خيانة 💔فقد ثقة 💔
مافي حرف او كلمة ممكن تتقال لمن زول يجي يحكي ليك عن الخذلان وعن الخيانة وفقد الثقة ومن اقرب زول ليهو في حياتو
وكل الاشياء دي حسيتهم انعدمو في الزول ده وقدر شنو نفسو مكسورة 💔
مافي والله أسوا من فكرة الخيانة وقدر م نحاول نجملها م بتتجمل
أكتفيت بالسكووت م قدرت اقول ليهو حاجة اقول ليهو شنو مافي زول حيحس بكمية اﻷلم الا لمن مر بنفس التجربة دي وذاق مرارة شعورها حتي يمكن تكون المواساة بحق وحقيقة 😔💔

انا م بقدر اقول ليك غير ربنا يعوضك بي بنت الحلال البتستاهلك اعتبرها هم وانزاح من قلبك وربنا لو م بحبك م كان كشف ليك حقيقتها اعتبرها كانت شر ليك وربنا أراد ليك الخير في انك تعرف حقيقتها قبل ما تتورط لانو انت تستاهل كل خيير😴❤️

#يا انتي انا مهما اقول عنك م حاقدر حاكتفي بالسكووت 🙂 ربنا يسامحك علي كسر قلب صحبي م بستاهل والله منك ولا من الخنتي معاهو طالما م بتحبي كان تصارحيهو ويا انت ده صحبك عارف يعني شنو صحبك يعني لو سلمك روحو ما تضبحو 💔 بس للاسف الشديد 💔 أكتفي 😪💔

إليك صديقي
*ستأتي لحظة يجبر الله فيها خاطرك ، يفزّ لها قلبك ، تشفي كلَ كسوره ، سـ يعوضك عمّا كان، فـ اطمئن لأنَّ عوض الله إذا حل أنساك ماكنت فاقد ❤️😴

#ليلي_كباشي ✒️

💌يوميات #زولة_مجنونة 😴❤️

15 апреля 2020 13:13

زول يحارب عشاني هو صح كبر في نظري كتييير واعتبرتوو راجل مافي منوو اتنين م انكر عليكم حسدتها عليهووو مع انو هو صحبي بس انا ليه م فكرت فيهو مع انو انا متأكدة حتي ونحنا اصحاب بعمل المستحيل عشاني وم برضي فيني حتي أحيانا حبيبتو دي كانت بتغير مني بس كان بقول ليها أي شئ الا ليلي دي خط أحمر ولو خيرتيني بينك وبينها أنا حاختارها هي😴❤️
للحظة انا شردت وسرحت بعيييد وم لقييت الا وهو بطقطق لي في اصابعوو لولة مشيتي وين مد لي التلفون قال لي اتكلمي اول م مسكتو وقلت ألووو قالت لي يا لولة انا بحبك وربي بحبك وربنا م يحرمنا منك انا م عارفة من غيرك كنت حأعمل شنو ومتأكدة اني كان حأفضل كدة وم كنت حكيت لي زول ولا كان زول حيحس بي وانا م عارفة انتي عملتي لي شنوو حتي من غير م تسأليني لقيت نفسي براي بحكي ليكي وقدر شنو أنا حسيت براحة💕

انا بقيت بس ببكي وانا بسمع في كلامها قلت ليها هبلة وانا عندي زيك كم انتي زي أختي وم كان هاين علي الحالة اللي فيها صحبي ويلا بطلي هبالة نحنا اتفقنا علي شنو خليك strong women وم عاش اللي يكسرك ويلا بطلي هبالة في ماسك حلوو الزبادي بالخميرة قومي اعملي لي وشك. الشين ده واهرسي ليك بطاطس بي زبادي بي زيت زيتون لهالاتك دي 🌚 ولا بخلي صحبي يغير رأيووو 🐸💔 عامة كدة زي البومة 😂😂😂💔 قعدت تضحك وقالت لي بس حتي عليك بس برضو بحبك 😜 قلت ليها طيب شوية وأنا جاياك قفلت منها كمان لقيت الدلاهية صحبي قاعد يعاين لي والدموع في عينووو قال لي يا لولة انا 🌚👋 وقفتو وقلت ليهو عارفاك عايز تقول شنو لو انت حاسبها كدة يبقي معناها انا م أختك وبين الاخوات م في شكر ولو عايز تكافئني وتشكرني صحي ربط لي مع صحبك القرضة داك 🤤💔😂😂😂👏الحمدلله قمت قبل يجيني كف طاير قال لي انبراشاتك دي اصلو م بتخليها قلت ليهو افووو ودي بتتخلي بس اصبر لي كم ما ربطت معاهو قال لي كلام ساي لو جبتو ليك هسي بتفصلي خشمك م بتفتحي 🐸💔 قلت لي جيبو قال لي قولي والله دقيقة م حتعدي وحتلقيهو قدامك😂😂😂🐸💔 قعدت أضحك قلت لي أها يا مصباح علاء الدين السحري قال لي م مصدقة تمتم بكلمات في سرو وقعد يبحلق عيونو قلت ليهو هوووي أمور وحركات الشعوذة دي خليها قال لي اتلفتي وراكي والساعة والتانية اتلفت القي ليك صحبو في قدامي 😱😨 لمن عيطت وشغالة اعوذ بالله من الشيطان الرجيم بسم الله الرحمن الرحيم ومغمضة عيوني وصحبي ميت من الضحك 😹😹☹️💔 أما صحبو قال السلام عليكم مالكم في شنو وليلي مالك التقولي شفتي شبح طبعا انا فصلت موية ونور بس شغالة بسم الله الرحمن الرحمن حتي قال تاني ي جماعة الحاصل شنوو صحبي حكا ليهووو بس فربك القصة شوية وم قال حتت انبراشي 😂😂😂💔🐸 فجأة كدة هو زاتو تم الناقصة قعد يضحك

☹️💔 أنا لملمت باقي كرامتي واتخارجت منهم المهم م علينا 🐸💔

المهم مشيت ليهاا في البييت ولقيت أبوها قاعد وناديت أمها وبرواقة وهداوة حكييت ليهم الحاصل كلووو وده كلو وانا م عارفة ردة فعلهم حتكون كييف وكأي ردة فعل ﻷي موقف زي ده أمها قعدت تتحسبن بس وأبوها خت يديهو في راسو وكذلك بقي يتحسبن ناداها ومن جات منزلة رأسها في الارض وأبوها قال ليها صحي الكلام ده وبتين ومالك م أتكلمتي بس بقت بتبكي وتتنهد أمها حضنتها عليها وقعدو يبكو 💔😔

فالحمدلله لقيت أهلها ناس واعييين شدييد
فقام مسك التلفون عشان يتصل لي ود عمها قلت ليهو م يحتاج ي عموو انت ممكن تتعامل معاهو بطريقتك الخاصة وأكييد أخووك م هيهون عليك وحتحصل مشاكل وخلافات وانت أدري بي ده كلو انا م بقول ليك تسكت عليهو بس انا شايفة لو لملمنا الموضوع من هنا بكون أفضل ولو علي بتك عندي راجل شاريها وبسف التراب البتمشي عليهو وجاك لحدي هنا بس هي رفضتو وهسي هي م عندها مشكلة أمها قالت لي لكن هو برضي م أظن قلت ليها أخوي راجل وشاريها مهما كان المهم الباب ضرب جا صحبي وكاري في يدو ود عمها أبوها من شافو فات ليهو وهو منزل راسو قال ليهو أرفع رأسك خجلان مني مش انت كسرتني وغدرت بي انا عمك الرباك والكنت داعمك وسندك دي اختك قبل م تكون بت عمك اللي مفروض انت تحميها وتحافظ عليها بس يا خسارة وقال ليهو كلام كتيير انا افتكرتو حيضربو ولا شئ بس أبدا لانو عارفة انو أحيانا الكلام أفضل عقاب بالنسبة للانسان من الضرب
نزل ليهو تحت رجلينو وقال ليهو ي عمي أنا عارف غلطتي كبيرة وم بتتغفر بس سامحني وكانت في لحظة سكر وانا م كنت واعي بشئ سامحني ي عمي وأعفي لي وانا مستعد اعقد عليها هسي واكفر عن غلطي أبوها قال ليهو
لو تبقي آخر راجل في الدنيا انا بتي تحرم عليك وأمشي من وشي وتاني م أشوفك 💔

يمكن للحظة انا حسيت قدر شنو هو ندم والندم مقطعو حتة حتة بس دايما بقول الشيطان شاطر دايما بيوقعنا وبسببو بنخسر ناس بنحبهم

💌يوميات #زولة_مجنونة 😴❤️

11 апреля 2020 17:49

زول بقول ليك م عندي استعداد اتقبلك بعيوبك ما لم تغيريها يبقي بيحبك كيف لو بتحبني صحي يبقي اتقبلني زي ما انا كلنا اتخلقنا عندنا عيوب مافي زول م عندو عيوب بس محتاجيين البتقبلنا بعيوبنا دي ويسندنا ومش مشكلة نحنا برانا تاني بنغيرها للافضل كرمال الزول البحبنا وبستاهلنا 😪💔
+ ثقة في العلاقة مافي يبقي حب كيف البحبك بثق فيك مهما كان وبحسن الظن فيك 😪💔 مش علي طول يبقي شكاك وفي اقل شئ يعمل قومة وقعدة م عارفة اقول ليك شنو بس زولك ده لو م اتغير الله اعلم تقدرو تكملووو مع بعض 😪💔 غايتو انتي اعملي العليك يا صابت يا خابت كمان 😪💔

💌يوميات #زولة_مجنونة 😴❤️

08 апреля 2020 21:11

صارحني 💌:
Message From: 39124

هااي لوله الجميله كيفك
انا مكرشه ع شخص
والشخص دا م صحبي ولا بعرفني
بس انا بعرف كل شئ عنو اعمل شنو
وم عارفه اذا بديت احبو او لا
بس هو منطقه الامان بالنسبه لي
مجرد م اقرأ بوستاتو ورغم انو م قاصدني بيها ولا بعرفني بس برتاح نفسيا وببتسم
حصل اتكلمنا مره واحده وكانت في مساق علمي وبس

انا بعرف كل تفاصيلو
بالرغم م شفتو في الواقع ولا صورة بس م مهم
الحب م شكل الحب شعور، دفئ، اطمئنان، امان، اهتمام
ف المهم انا بعرف ادقق تفاصيلو
وعارفه انو م مرتبط
بالرغم من انو كل بنات دفعتو مكرشين عليه وكذا
اعمل شنو 🙂💜
💕💕💕💕💕💕💕💕💕💕
اهلييين والله 💕 انا كويسة الحمدلله😴❤️يسلمو علي سؤالك يا جميل 😘❤️

الكراش وما ادراك ما الكراش 🤤❤️اللي بدشدشنا وهارد عضامنا واللي بيوجع شديد كونك تكوني مكرشة علي زول وهو م معبرك او بمعني احري م بعرفك او م جايب خبرك 😪💔
طيب يا ستي شوفي نوع كراشك شنو
الكراش في حد زاتو انواع
قد يكون ده مجرد اعجاب وانجذاب لي شخصيتووو ما أكتر وما بالضرورة يكون انتي بتحبي الحب المعني
+لانو بحصل كتيير بندمن ناس وبنرتاح ليهم وم بتجمعنا بيهم معرفة وبنعشقهم من خلال بوستاتهم بس

+وطالما مهتمة بكل تفاصيلو حتي الصغيرة منها فأنا بنصحك يعني تحاولي تتعرفي عليهو وتكسبيهو صدييق افضل من انو تكوني مكرشة عليهو وم بتجمعك بيهو علاقة ومن خلال كلامك عنو باين انو شخصية اجتماعية شديد وليهو وقع في قلوب الناس فبالتالي ناس كتيرة حتكون مكرشة عليهو 😴
فكل العليك تعمليهو حاولي انك تكسبي صديق واكيد حتلقي مدخل مناسب

💌يوميات #زولة_مجنونة 😴❤️

08 апреля 2020 20:35

💌 صارحني:
💌 وصلت لك رسالة جديدة
⏱وقت الرسالة: 2020/02/12 11:17
✉️ المحتوى : ↓↓
مابعرف ابداء من وين بس في الحقيقة كل الشكر لي صارحنى بجد جاتنى في باب جرح
قصتى كا الاتى: طبعا انا بحب زووولي شديد وبغير عليهوا وهو كمان حصلت لي مرحله ادمان لو ماسمعت صوتوا مابقدر اكمل باقي يومي طبيعى بي العلم أن زووولي وأنا من مناطق مختلفه هو فى غرب السودان وأنا في شرق السوادن لكن ما حصل يوم واحد اثرت المسافه البيناتنا علي علاقتنا فايوم من الايام اثناء مابحكى معاهوا في نص الحديث. قولت ليهوا وبي هظار انا مشتاقه ليك لكن مقصدره الظروف ورد لي وقال لي وأنا كمان مشتاق ليك وكملنا المكالمه وكانت احلااا مكالمه يااالله بعد يوميين قال يازوولتى انا جاييك بتحدا ظروووفى واجيك وقولت ليهوا كيف وانت لسه مريض ومااشتغلت قال بصرف انا راجل قولت ليوا لكن انا خايفه عليك قالي لي ولا اهمك خلي ايمانيك بي ربنا كبير وانشاء مابحصل الا الخير قولت ليهوا تمام ربنا اعدل طريقك طبعا بنتواصل علي طول وبعد يوميين قال يازووولتى انا انا اتحركت وبصل بعد شهر قولت ليهوا كيف يعنى شهر ماشه بي شنو انت
قال لي جايييك بي رجلينى وانا سايق ماشيه لي الخرطوم في قلبى وجعنى في اللحظه دي شديد اتمنين لو ماقولت ليهوا مشتاقه ليك بي الصراحه لانى بحبوا خوفت عليهوا يالله من هناء بدت الرحله
ويومى مكالمه ويوم مافي ويوم شبكه في ويوم تكون مافي بس بعد المعانات دي كلها يوم مانقص حبوا بي العكس كنت بحبوا اكتر من كل شى اثناء الرحله مرات بخاصموا وبرجع اصالحوا يوم من الايام اتناقش مع ناس الماشيه ديل قال يازووولتى انا اليوم جايييك بخلص حقى منهم واجيك وكانت الساعه 2ظهرا وقولت سافر الصباح لانو سفر الليل كعب قال لي ماتعكسينى في حاجه كلمتيك كتير قولت ليهوا حاضر بي السلامه ربنا اعدلها عليك ووفعلااا حصل الخرطوم
وقعد يوم واحد وتانى جاه الجزيره لانى انا ساكنه فيها طبعا بس كمان لازم يشتغل عشان يشوفنى واشتغل مرات بكون ما في شغل وبتكلم معاهوا وبقول ليهوا ولايهمك انا معاك في الحلوه والمره انا كده مقتنعه بيك وعايزاك مابهمنى القروش بس انت اصبر لانوا الصبر مفتاح الفرج وايام بتعدى وتأنى خاصمتوا وصالحنى ورجعت ليهوا ياالله قرر انو يطلع الجواز واسافر بره اكون حالوا .اتناقشنا في الموضوع وقبلت كلاموااا وقولت بينى وبين نفسى مدام زوولي مبسوط فأنا لازم اتم ليهوا فرحوا ماازعلوا ورجع الخرطوم ووعدنى انوا يوم اطلع الجواز يجى راجع مع العلم انو قاعد من جدوا ده كلوا ونحنا لسه مانتلاقينا بس كان صابره ومتيقنه بي الله بعد استلم الجواز وبتكلم وعادي ذي ذمان واناقشوا وارجع ليهوا
يوم من الايام بتصل عليهوا من الصباح مابرد علي الا اليوم التانى والمساء واتكلمت معاهواا وين يازوول الحاصل ليك شنو قالي قاعد بي كل وحسيت انوا متضايق واتكلم معاي كتير ورصيدوا خلص وقولت ليهوا ارجع ليك انا قال لا مصدع وعايز انوم وماسمعت كلاموا ورجعت ليهوا وقولت عايزه اقول ليك تصبح علي خير ياالله أحداث المكالمه كانت بتدور علي اانو أشتغل في مكان اساسات في الخرطوم وانوا تأنى مابقدر اتكلم معاي الا المساء مع انى مااقتنعت بي كلاموا لكن مشيتوا وقولت ليهوا خير يازول واليوم التانى الصباح رجعت ليهوا بي تلفون بعد تلاته مرات حتى رد لي اول كلمه قال لي متين اصبحت لي مكالماتيك وفصل فينى الخط يالله أنا انصدمت. وزعلت شديد .وقولت معقوله ده زولي الاانا بحبوا وبحبي وبقيت بفكر يارب اعمل شنو.واصرف كيف فااتوضيت وصليت ركعتين وقريت سوره يس وانا مضايفه وبدعى ربنا ارشدنى الي الطريق الصحيح واستعذت من الشيطان ورسلت ليهوا رسائل عتاب تلاته رسائل كانت الصباح مارد علي الا المساء
كانت الرساله تحتوي (تمام يا س مدام انت شايفه كده وماتنسى انتى البديتى) ومارد علي الا الساعه الثالثه ظهرا واتصل علي ولا حاول انوا يراضينى بس انا كمان تانى رسلت ليهوا رسائل عتاب اربعه رسائل يالله تانى مااشتغل بي ولارسل لي وانا رغم كل شى جد فاقداه ومشتاقه😭😭 ليهوا بس تصرفاتوا بتمنعى انى أتصل عليهوا مفترض هو يتصل علي لكن مارجع لي وانا جد تعابنه في بعدوا لي درجه انى مريضه بي سببوا افيدنى يازوووله
وبارك الله فيك وجزاك الله خيرا
----
💡يمكنك الرد بعمل رد على هذه الرسالة .

💌يوميات #زولة_مجنونة 😴❤️

08 апреля 2020 20:27

💌 وصلت لك رسالة جديدة
⏱وقت الرسالة: 2020/03/05 05:17
✉️ المحتوى : ↓↓
سلامات 😍😍😍😘😘
لوووله البت السكره البحبها لله ف لله كدا❤️ وشاكرة ليك مقدما ياخ وبتتمنى تتسهل امورك كلها ويوفقك يارب❤️
انا متواصلة مع زول ف حياتي من اربعه سنين اتعودنا ع بعض وحبيت تعامله معاي واهتمامه بس م كانت كفايه انو ابادله بنفس الاهتمام دا كلو كنت متردده انو هو بكدا بقيدني اتجاوزت الحاجه دي واتقبلتا بس المواقف البتحصل بتخلي هاجز بينا انو هو بغير شديد وانا بطبعي اجتماعيه رغم انو اتغيرت كتير لانو بقى اكبر اهتماماتي ومن اقرب الناس لي بس مختلفين ف انو شايف م ف سبب يخليني اعرف غيرو حتى لو معرفه سطحيه م دام هو ف حياتي بقيت براجع نفسي وخايفه انو اخد قرار عشان راحتي واظلمو معاي م عندي الشجاعه اخلي ف نص الطريق ونحنا عاملين حساب انو ع الاقل الصحبه تدوم ونحافظ ع العشرة البينا 😔
----
💡يمكنك الرد بعمل رد على هذه الرسالة .
💕💕💕💕💕💕💕💕💕💕
هلا وغلا حبيبة ❤️ وأسفة علي تأخير الرد كنت بعاني من مشكلة في البوت 😴❤️
حبيبتي انتي والله وانا كمان بحبك 😴😘❤️ + ياااارب يااااخ وجمعا كدة وتسلمي كتيييير 💕

انا حأحترم غيرتو عليك بس مفترض يديك مساحتك الخاصة وحياتك دي م بتعتبر حكر عليهو هو وبس زي م انتي مدياهو مساحتو الخاصة في علاقتو مع اصحابو وشغلو وكدة يبقي هو كمان
لانو كدة العلاقة حتخنق الصراحة

فنصيحتي ليك شوفي كلام قلبك شنو وحكمي عقلك وحاولي معاهو انكم تتجاوزو النقطة دي قولي ليهو مقدرة غيرتك علي بس ده م بعني انك تتحكم في حياتي وتمنعني من علاقاتي الاجتماعية التانية فلازم يديك مساحتك الخاصة لو هو فعلا بحبك
والمواقف دي كلها كفيلة بانها تغير حاجات كتيرة من ناحيتك اتجاهو فالقرار قرارك يا ستي شوفي هل انك قادرة تواصلي معاهو وتستحمليهو ولا لا 😴 ولو شايفة انك م مرتاحة في علاقتك بيهو فالافضل تنهيها 😴💔

💌يوميات #زولة_مجنونة 😴❤️

08 апреля 2020 19:25

يلا البوت كان واقف
فكل زول رسل لي يعمل لي اعادة توجيه تاني

💌يوميات #زولة_مجنونة 😴❤️

26 декабря 2019 15:08

صارحني ،💌؛:
💌 وصلت لك رسالة جديدة
⏱وقت الرسالة: 2019/08/19 - 09:20:30 AM
✉️ المحتوى : ↓↓
بحب لي زول وهو برضو بحبني وانتي ذي م عارفه العلاقات في البدايه بتكون حلوة بس مع مرور الذمن مشاكلنا ونقاشاتنا كترت.. وهو اقل شي يزعل ومابعزرني لو غلطت ودايما يتناقش معاي.. المهم كل يوم والتاني مشكله وانحن لينا سنتين في العلاقه دي.. اخر مشكله حصلت بيناتنا قبل العيد مرضت وتلفوني حصل فيهو عطل المهم رسلت ليهو رساله قلت ليهو انا مريضه وبعد الرساله تلفوني قفل ..عديت كم يوم من غير تلفون.. قام اتصل علي ود خالي سالو مني ود خالي قال ليهو مريضه وتلفونها فيهو عطل..المهم بعد صلحت تلفوني اتصلت عليهو مرتين.. م رد لي.. تاتي رسلت ليهو رسالتين شرحت ليهو الحاصل قام هو رسل لي رساله قال لي لمن تعديني انسان بتكلم معاكي. من قريت رسالتو تاني م اتصلت ولا رسلت ليهو ولا هو اتصل ولا رسل ..انا حسيت اني م بهمو.. كان علي الاقل يطمئن علي ويعرف الحاصل علي شنو وانا بقيت كيف من المرض بعدين يزعل مني.. بس هو م سأل مني ..وهسه لينا حكايه اسبوع مامتواصلين
وانا والله م عارفه اعمل شنو.. اتصل عليهو وانهي معاهو علاقتي ولا اصبر عليهو شويه
----
💡يمكنك الرد بعمل رد على هذه الرسالة .
💕💕💕💕💕💕💕💕💕
_ زي ما قلتي العلاقات دايمآ في البداية بتكون جميلة وبيقولو النهايات مؤلمة بس بأيديكم الشئ ده لو عايزين تبقو نهايتها جميلة زي بدايتها ده لو فعلا أنو بتحبو بعض ومتمسكين ببعض مهما كترت بينكم المشاكل والنقاشات حتواجهوها وتتغلبوا عليها 👌
والعلاقة القوية مهما كانت الخلافات والمشاكل والظروف ما بتنتهي بالعكس بتزيد قوه وبرجع وبقول تاني كل م تلاقي انو العلاقة بقت صعبة ومشاكلها كترت اعرفو انكم هتكملو لانو الحب الصعب بيدووم وده بتين في حالة انتو الاتنين بتكونو بتعافرو عشان تكملوو م واحد يتكل علي التاني بمعني انو كل م هو يشد في المشاكل انتي ترخي

وانتي قلتي ليكم سنتين وسنتين دي كفيلة بأنكم تثبتو لبعض وتكملوو الطريق
غالبآ هو يمكن زعلان منك والدليل ردو ليكي فأنا بلومك في حتة انو بعد رسل ليك الرسالة انتي م رديتي ليهو ولا اتصلتي ليهو فأنتي أدناه كان ترجعي ليهو وتفهمي الحاصل منوو وليه قال ليك كدة يمكن جد في الفترة الانتي الاختفيتي فيها دي قلق وخاف عليك شديد لمن وصل لمرحلة الزعل
في حين انو انتي زعلانة وقلتي حسيتي انو انتي م بتهمي لو كنتي م بتهمي زي ما انتي بتقولي ما كان سأل منك وطالما سأل منك انتي بالتالي كان طوالي ترجعي ليهو وتكلمي بالحاصل وتشرحي ليهو ده طبعا بعد يطمن عليك اول من المرض 😒

😪💔 بس بالجد أنا شايفة انو البحبني مهما كنا متشاكلين وانا مريت بمرحلة مرض واختفييت عنوو يبعد كل مشاكلنا علي جمب وم يخلي خلافاتنا تأثر كتير علي اهتمامو بي ويسأل مني يحسسني بخوفو علي وبعدين تاني نرجع لمشاكلنا ونتفاهم 😪💔 م قدرنا نتفاهم ووصلنا لطريق مسدود مالوو نترك بعض بكل حب 😪💔

فخلاصة الكلام ي ستي 😪💔
بادري انتي تمام ارجعي اتصلي ليهو اطمني علي اخبارو واعرفي الحاصل منووو وارسو علاقتكم علي بر فيا صابت وكملتو فيا خابت وافترقتو 😪💔 ولو قال ليك عايز فترة نقاهة بمعني يبعد عنك فترة ويرجع فخليهو علي راحتوو وما تضغطي عليهوو كتيير بس م تقعدي معلقة كدة كتيير فهمتي علي 😪💔

ولو كان بحبك وفيهو خير ليك حيرجع ليك وحيتخطي كل المشاكل ويكمل معاك اما اذا حصل العكس فخليك قوية واعتني بنفسك فترة وبتعدي وربنا قادر علي كل شئ 😘👋 ما تهتمي كتير اوكي

💌يوميات #زولة_مجنونة 😴❤️

26 декабря 2019 15:05

اديتك اجابة في كلامي فوق قلت ليك ممكن تتالمي صح بس الالم حايكون مرة واحده وفي النهاية حاتعرفي طريقك واجابة للللجواك ..


بدل تعيشي ففي حلم لا فيه ججانب حلو لا فيه ججانب كعب وبالعكس بتقدري بعد تعترفي تقومي نفسك سريع وتقومي ممن تاني بافضل مماكنت لكن بسكاتك المك بزيد للان تفكيرك بزيد شديد وحاتكوني عايشة في دوامة قلق لا بتبتعرفي ترتاحي للا بتعرفي تتعملي شي

💌يوميات #زولة_مجنونة 😴❤️

26 декабря 2019 15:05

💌 وصلت لك رسالة جديدة
⏱وقت الرسالة: 2019/08/05 - 07:31:48 PM
✉️ المحتوى : ↓↓
الموضووووع عادي جدا مافيهو اي اشكاليهةصارحيهو بكل الفي قلبك وماتختي انو يجرحك او يرفضك الموضوع بسيط جدا
----
💡يمكنك الرد بعمل رد على هذه الرسالة .

💌يوميات #زولة_مجنونة 😴❤️

26 декабря 2019 15:05

💌 وصلت لك رسالة جديدة
⏱وقت الرسالة: 2019/08/05 - 08:12:26 PM
✉️ المحتوى : ↓↓
تسلموو كتير على النصائح الجميله دي بس حابه اوضح شيء هو قال لي انا حاسي بيگ انگ بتحبني من طريقت اهتمامگ و تصرفاتگ ف انا قلت ليهوو لالا و غيرت الموضوع انا م بقدر اعترف ليهو ولا بي اي شگل گاان و صعبه علي جدا كوني كـ بت انا بسس عايزه اتخلص من الموضوع ده بسس م عايزه اخسرو وابعد منوو وانا والله بحبووو جدا جدا
----
💡يمكنك الرد بعمل رد على هذه الرسالة .

💌يوميات #زولة_مجنونة 😴❤️

26 декабря 2019 15:05

فعلا ممكن نقول عنووو حب تملك زي م قلت حب انانية لانو في اللحظة دي انتي بتكوني انانية في مشاعرك اتجاهو وما بتفكري في مشااعرو هو كل الحاجة العايزاها انو كيف تقدري تحصلي علي الزول ده مع انو لو كنتي فعلا بتحبي الحب الحقيقي كان حتتمني ليهو السعادة مهما كانت حتي لو جات عليك انتي

صاحبة الاستشارة معليش ما بنتكلم عنك بنتكلم بصورة عامة عن الحب من طرف واحد

💌يوميات #زولة_مجنونة 😴❤️

26 декабря 2019 15:05

فياستي عندك خيارين من وجهة نظري كمحمد ...

الاول انك تعترفي وتضعي حد للحاصل ده اما ببقي معاك او لا ..


او تغيري نظرتك من االحب التملكي للحب الواسع يعني تحبي ليه السعادة حتي لو ممع غيرك وما تركزي كتيير في العلاقه ووتحاولي تخففي من حده حبك هنا بتقدري ترتاحي ..


وانتي طبعا اادري بانك حاتختاري اي واحد

💌يوميات #زولة_مجنونة 😴❤️

26 декабря 2019 15:05

طييب اانا قلت كدا ليه لانك لمن تغيري من نظرتك اتجاه التملك عذابك حايخف شوية مثلا انا ببحيه اكيد حاتمني ليه يكون سسعيد حتي لو ممع غيري لان ده الحب االحقيقي مامهم يفضل دايما معاي المهم يكون محترمني زي ما بحترمه ويكون سعيد طول حياته ...


ده حل طبعا حايساعدك في التخفيف تبع االعذاب وممكن تستعمليه اذااذا كا استخدمتي الحل التاني الحاقوله ده