90921
Fatvo.uz веб-саҳифанинг телеграмдаги расмий каналига хуш келибсиз! Саволлар бу ерга жўнатилади ⬇️ 🌐 http://savollar.muslim.uz 📲 @SavollarMuslimUzBot ©Каналдан маълумот олинганда манба кўрсатилиши шарт.
АСР НАМОЗИДАН КЕЙИН ЖАНОЗА ЎҚИШ?
#намоз #аср
#макруҳ
❓1144-CАВОЛ: Бизда аср намози вақти кириши билан асрни ўқиб кейин жаноза намозини ўқишади. Асрдан кейин токи шом ўқилгунича намоз ўқиш макруҳ эканку?
💬 ЖАВОБ: Бисмиллаҳир роҳманир роҳийм.
Мўътабар фиқҳий манбаларимизда асрдан кейин жаноза намози ўқиш жоиз экани ва бу ҳолатда макруҳлик йўқлиги айтилган. Жумладан Ҳидоя китобида бундай дейилади:
وَيُكْرَهُ أَنْ يَنْتَفِلَ بَعْدَ الْفَجْرِ حَتَّى تَطْلُعَ الشَّمْسُ وَبَعْدَ الْعَصْرِ حَتَّى تَغْرُبَ وَلَا بَأْسَ بِأَنْ يُصَلِّيَ فِي هَذَيْنِ الْوَقْتَيْنِ الْفَوَائِتَ وَيَسْجُدَ لِلتِّلَاوَةِ وَيُصَلِّي عَلَى الْجِنَازَةِ
“Бомдод вақти киргандан кейин қуёш чиққунича, асрдан кейин қуёш ботгунича нафл намоз ўқиш макруҳ. Аммо ушбу икки вақтда қазо намозлар, тиловат саждаси ва жаноза намози ўқишнинг зарари йўқ”. Валлоҳу аълам.Ўзбекистон мусулмонлари идораси.
Фатво маркази
Telegram | Instagram | Facebook
#Аудио
#ризқ
Ризқни кенг қилувчи омиллар.
Абдуғофур домла НиёзқуловЎзбекистон мусулмонлари идораси🔗 Улашинг: @diniysavollar
Фатво маркази бош мутахассиси
НАЖОСАТ ТЕККАН ПУЛНИ ПОКЛАШ
#қисқа_савол_жавоблар
❓CАВОЛ: Ҳожатхонага тушиб кетган пулни қандай покланади?
💬 ЖАВОБ: Бисмиллаҳир Роҳманир Роҳим.
Қоғоз пуллар ҳам сув билан ювиб покланади. Фақат бир марта ювиб нажосатни кетказгач, қуритиб қўйилади. Қуритилиш даражаси энг камида ювилган пулдан сув томишининг тўхташидир. Бу ҳолат уч бора такрорланади. Аммо сув билан ювилса йиртилиб кетиш ва фойдаланиб бўлмайдиган ҳолга келиш хавфи бўлса, унда бензин ёки бирор кимёвий унсур билан поклаш ҳам мумкин бўлади. Валлоҳу аълам.Ўзбекистон мусулмонлари идораси🔗 Улашинг: @diniysavollar
Фатво маркази.
НАМОЗДА ФОТИҲАДАН КЕЙИН 2 ЁКИ 3 ТА ЗАМ СУРА ЎҚИСА БЎЛАДИМИ?
#қисқа_савол_жавоблар
❓CАВОЛ: Намозда Фотиҳадан кейин 2 та ёки 3 та зам сурани кетма-кет узун бўлиши учун ўқиса бўладими? Намозда қироат чиройли бўлиши учун бир оятни икки марта қайтариб ўқиса бўладими?
💬 ЖАВОБ: Бисмиллаҳир Роҳманир Роҳим.
Зам сурага 2-3 та сурани ўқиш жоиз. Лекин фарз намозларда бир оят ё сурани бир ракатни ўзида ёки кейинги ракатда қайта ўқиш макруҳ. Нафл намозларда бу ишлар макруҳ эмас. Валлоҳу аълам.Ўзбекистон мусулмонлари идораси🔗 Улашинг: @diniysavollar
Фатво маркази.
ЖОЙНАМОЗНИ ЮВИШ
#қисқа_савол_жавоблар
❓САВОЛ: Жойнамозни ювса бўладими?
💬 ЖАВОБ: Бисмиллаҳир Роҳманир Роҳим.
Жойнамозни ювиш жоиз. Хоҳ бу унга нажас теккани сабабли бўлсин, хоҳ кир бўлгани учун бўлсин фарқи йўқ. Жойнамозни ювиб бўлмайди, деган гап йўқ. Валлоҳу аълам.
Ўзбекистон мусулмонлари идораси🔗 Улашинг: @diniysavollar Читать полностью…
Фатво маркази.
СМС ОРҚАЛИ ТАЛОҚ ТУШАДИМИ?
#қисқа_савол_жавоблар
❓CАВОЛ: СМС орқали талоғингни бердим ёки талоқ қилиш ниятида жавобингни бердим деса, талоқ тушадими?
💬 ЖАВОБ: Бисмиллаҳир Роҳманир Роҳим.
Агар эр хотинига хат ёки СМС орқали талоқ қўйса, талоқ тушади. Чунки динимизда: "Китобат хитобат кабидир", яъни: "Ёзув гапириш кабидир", деган қоида бор. Шунга асосан талоқ тушади. Валлоҳу аълам.Ўзбекистон мусулмонлари идораси🔗 Улашинг: @diniysavollar
Фатво маркази.
ҲОМИЛАДОР АЁЛ СОЧИНИ ҚИСҚАРТИРИШИ
#қисқа_савол_жавоблар
❓САВОЛ: Ҳомиладор аёл сочини кесиб бўлмайди. Соч кесса қорнидаги болани умрини кесган бўлади, дейишяпти. Шу тўғрими?
💬 ЖАВОБ: Бисмиллаҳир Роҳманир Роҳим.
Ҳомиладор аёл сочини қисқартириши шаръий жаҳатдан жоиз. Одамлар ўзлари ирим сирим қилиб шу гапни топганлар. Аллоҳ таоло инсоннинг умрини белгилаб қўйган. Уни соч қирқиш билан камайтириб бўлмайди.
Аёл киши эрининг розилиги билан қисқартиса бўлади. Лекин шуни таъкидлаймизки, опа-сингилларимиз сочларини кесишга шошилмасинлар. Чунки динимизда соч аёллар зийнати экани айтилган. Шунингдек, узун ва гўзал парваришланган соч аёлга табиий ҳусн ва кўрк бағишлайди. Валлоҳу аълам.Ўзбекистон мусулмонлари идораси🔗 Улашинг: @diniysavollar
Фатво маркази.
ЖУМА АЙЁМИНГИЗ МУБОРАК БЎЛСИН!
Улашинг: @diniysavollar
ТОҒА ЁКИ АММАНИНГ ҚИЗИГА УЙЛАНСА БЎЛАДИМИ?
#қисқа_савол_жавоблар
❓CАВОЛ: Турмуш ўртоқ танлашда қариндошлардан, тоғасининг қизини ёки аммасининг қизини турмуш ўртоқ қилса бўладими?
💬 ЖАВОБ: Бисмиллаҳир Роҳманир Роҳим.
Бўлади. Чунки тоғанинг, холанинг, амманинг ва амакининг фарзандлари бир-бирларига номаҳрам (яъни, ўзаро никоҳланишлари жоиз бўлган) инсонлар ҳисобланадилар. Валлоҳу аълам.Ўзбекистон мусулмонлари идораси🔗 Улашинг: @diniysavollar
Фатво маркази.
#Аудио
#сабаб #илм
Илм эгаллашга ёрдам берадиган сабаблар нима?
Ҳикматуллоҳ домла ТОШТЕМИРОВЎзбекистон мусулмонлари идораси🔗 Улашинг: @diniysavollar
Фатво маркази бош мутахассиси
АЁЛГА НАФАҚА БЕРИШ
#қисқа_савол_жавоблар
❓САВОЛ: Aёлга нафақа бериш деганда эри аёлига ишлаб топаётган пулидан бериб туриши ҳам кирадими?
💬 ЖАВОБ: Бисмиллаҳир Роҳманир Роҳим.
Эр аёлига нафақа бериши шаръан вожибдир. Нафақа деганда озиқ-овқат, кийим-кечак ва турар жой билан таъминлаш назарда тутилади. Унинг миқдори эр ва хотиннинг ҳолатидан келиб чиқиб белгиланади. Лекин ҳамма томонлама тўлиқ таъминлаб қўйганидан ташқари қўшимча пул бериши ихтиёрий. Валлоҳу аълам.Ўзбекистон мусулмонлари идораси🔗 Улашинг: @diniysavollar
Фатво маркази.
КЎЗДАН ЧИҚҚАН ЁШ ТАҲОРАТНИ БУЗАДИМИ?
#таҳорат #кўз_ёши
❓1143-CАВОЛ: Касаллик сабабли келадиган кўз ёши таҳоратни бузадими?
💬 ЖАВОБ: Бисмиллаҳир роҳманир роҳийм.
Агар кўз ёши кўздаги касаллик туфайли чиқса, таҳорат бузилади. Бу ҳақда шундай дейилади:
وَلَوْ كَانَ فِي عَيْنَيْهِ رَمَدٌ أَوْ عَمَشٌ يَسِيلُ مِنْهُمَا الدُّمُوعُ قَالُوا يُؤْمَرُ بِالْوُضُوءِ لِوَقْتِ كُلِّ صَلَاةٍ لِاحْتِمَالِ أَنْ يَكُونَ صَدِيدًا أَوْ قَيْحًا كَذَا فِي التَّبْيِينِ .
"Агар бирор кишининг кўзида офтальмия (кўз пардасининг яллиғланиши) ёки кўз шилпиқланиши касаллиги бўлиб, ундан ёш оқаётган бўлса уламолар: “Оқаётган кўз ёши йиринг ёки жароҳатдан оқадиган сариқ сув бўлиши эҳтимоли борлиги учун у кишини ҳар бир намозга янги таҳорат қилишга буюрилади” (“Табйин” китоби). Валлоҳу аълам.Ўзбекистон мусулмонлари идораси.
Фатво маркази
Telegram | Instagram | Facebook
#Видео
#фойда #инсон
Бошқаларга фойдаси тегадиган инсон бўлинг
Ёрқинжон домла ЖумабоевЎзбекистон мусулмонлари идорасиYouTube | Instagram | Facebook
Фатво маркази етакчи мутахассиси
fatvouz">🔗 Улашинг: @diniysavollar
#Аудио
#луқма #дин
Ҳалол луқма диннинг асосий қисмидир?
🎙Абдувоҳид домла АҳмадалиевЎзбекистон мусулмонлари идораси🔗 Улашинг: @diniysavollar
Фатво маркази мутахассиси
ҚУРЪОННИ ЎҚИБ ТУГАТГАНДАН СЎНГ ЖОНЛИҚ СЎЙИШ КЕРАКМИ?
#қисқа_савол_жавоблар
❓САВОЛ: Ўзбекча Қуръон китобини ўқигандан кейин, яъни тугатиб бирон жонлиқ сўйиб, қон чиқариш керакми? Мен шундай эшитдим, бу қанчалик тўғри?
💬 ЖАВОБ: Бисмиллаҳир Роҳманир Роҳим.
Бу гап нотўғри. Қуръони каримни ўқиб тугатиш савобли амал. Ҳар бир савобли амални бажарилганида жонлиқ сўйиш шарт бўлмайди.
Шундай экан, динимизда машруъ бўлмаган амалларни мажбурий қилиб, динга киритмаслик керак бўлади. Валлоҳу аълам.Ўзбекистон мусулмонлари идораси🔗 Улашинг: @diniysavollar
Фатво маркази.
МУҚИМ КИШИ МУСОФИРГА ИҚТИДО ҚИЛСА
#қисқа_савол_жавоблар
❓САВОЛ: 1) Сафарга чиққан одам имомликка ўтиб қолса намозни қаср қилиб ўқийдими? 2) Агар қаср қилиб ўқиса, унга иқтидо қилган мусофир бўлмаганлар қолган 2 ракатини қандай ўқийди?
💬 ЖАВОБ: Бисмиллаҳир Роҳманир Роҳим.
1) Албатта, қаср қилиб ўқийди.
2) Мусофирга иқтидо қилган муқим кишилар имом салом берганда, салом бермасдан туриб, қолган икки ракатни ўқиб охирига етказиб қўядилар. Валлоҳу аълам.Ўзбекистон мусулмонлари идораси🔗 Улашинг: @diniysavollar
Фатво маркази.
#Видео
#ризқ
Ризқни кенг қилувчи омиллар.
Абдуғофур домла НиёзқуловЎзбекистон мусулмонлари идорасиYouTube | Instagram | Facebook
Фатво маркази бош мутахассиси
🔗 Улашинг: @diniysavollar
НИКОҲЛАНИШ МАСАЛАСИ
#қисқа_савол_жавоблар
❓CАВОЛ: Бир йигит билан қиз Аллоҳ таолонинг гувоҳлигида ўзларини никоҳ қилса бўладими?
💬 ЖАВОБ: Бисмиллаҳир Роҳманир Роҳим.
Йўқ, бўлмайди. Никоҳ боғланиши учун эр ва аёл тарафидан "ийжоб ва қабул" (ўзаро розилик) пайтида инсонлардан бўлган шаръий гувоҳлар (икки эркак ёки бир эркак ва икки аёл) бўлиши ҳамда улар эр-хотинлар каби ийжоб ва қабул сўзларини эшитишлари зарурдир. Мазкур гувоҳлар бўлмаса, йигит ва қиз Аллоҳ ва Унинг фаришталарини гувоҳлигида никоҳлана олмайди. Бундай никоҳлар дуруст эмас, йигит ва қиз бир-бирига номаҳрамлигича қолади ва уларнинг алоқаси зино бўлади. Валлоҳу аълам.Ўзбекистон мусулмонлари идораси🔗 Улашинг: @diniysavollar
Фатво маркази.
ҲИЖРИЙ-ҚАМАРИЙ ОЙЛАР
#қисқа_савол_жавоблар
❓САВОЛ: Ҳижома яьни қон олдириш тўғрисида ўқиб қолдим. Унда айтилишича қамарий ойнинг 17, 19, 21 кунларида амалга оширилса, мақсадга мувофиқ бўларкан. Қамарий ой тўғрисида маълумот беришингизни сўрайман.
💬 ЖАВОБ: Бисмиллаҳир Роҳманир Роҳим.
Динимиздаги ибодат вақтлари ва бошқа муддатлар ҳижрий-қамарий ойлар билан ҳисобланади. У ойлар қуйидагилар:
1. Муҳаррам;
2. Сафар;
3. Рабиъул аввал;
4. Рабиъус соний;
5. Жумодул аввал;
6. Жумодус соний;
7. Ражаб;
8. Шаъбон;
9. Рамазон;
10. Шаввол;
11. Зулқаъда;
12. Зулҳижжа. Валлоҳу аълам.
Ўзбекистон мусулмонлари идораси🔗 Улашинг: @diniysavollar Читать полностью…
Фатво маркази.
ГУРУЧ ҲАҚИДА ҲАДИС
#қисқа_савол_жавоблар
❓CАВОЛ: Гуруч ҳақида ҳадис борми?
💬 ЖАВОБ: Бисмиллаҳир Роҳманир Роҳим.
Гуруч ҳақида бир қанча ҳадислар келган. Масалан: "Кимки қирқ кун гуруч еса, унинг қалбидан ҳикмат булоқлари тилига жорий бўлади", (Мавзуъ яъни тўқима). Гуруч ҳақида бундан ташқари ҳам бир нечта ҳадислар келган. Аммо, уларнинг деярли барчаси муҳаддислар тарафидан "мавзуъ" яъни тўқима ҳадислар деб топилган. Валлоҳу аълам.
Ўзбекистон мусулмонлари идораси🔗 Улашинг: @diniysavollar Читать полностью…
Фатво маркази.
"ОНАНГ БЕШИК БИЛАН КАЛЯСКА ОЛИБ КЕЛСИН"
#қисқа_савол_жавоблар
❓САВОЛ: Биринчи фарзандим туғилди, эрим онанг бешик билан каляска олиб келсин деди. Онамларда шароит яхши эмас. Мендан кейин икки қиз, бир ўғил бор, уларни уйли жойли қилиш керак. Шунга нима қилсам бўлади?
💬 ЖАВОБ: Бисмиллаҳир Роҳманир Роҳим.
Эр ўз фарзанди учун хотинининг оиласидан бешик, каляска, суюнчи пули, зиёфат ёхуд шунга ўхшаш нарсаларни талаб қилиши, биринчи навбатда шаръан дуруст эмас, қолаверса, бу иш пасткашлик ҳамдир. Чунки хотин ва фарзандларнинг нафақаси, кийим-кечаги ва зарурий эҳтиёжлари эрнинг зиммасига вожибдир.
Шундай экан, ҳар бир эркак зиммасидаги вазифасини ўзи бажариши лозим. Уни бошқаларга юклаш орқали зулм қилишдан сақланиши керак. Валлоҳу аълам.Ўзбекистон мусулмонлари идораси🔗 Улашинг: @diniysavollar
Фатво маркази.
ИМПЛАНТ ТИШ ҚЎЙДИРИШ
#қисқа_савол_жавоблар
❓САВОЛ: Имплант тиш қўйдириш мумкинми?
💬 ЖАВОБ: Бисмиллаҳир Роҳманир Роҳим.
Инсон ҳаётини асраш, унга етаётган зарарларни даф қилиш динимизнинг асосий мақсадларидан. Шунинг учун ҳам барча мазҳаб фуқаҳолари зарурат бўлганда тилла ва кумушдан тиш қўйдириш ёки қимирлаб қолган тишни мустаҳкамлашни жоиз деб билганлар. Демак, ҳозирги кунда оммалашган имплант тиш қўйдириш ҳам жоиз экан. Валлоҳу аълам.Ўзбекистон мусулмонлари идораси🔗 Улашинг: @diniysavollar
Фатво маркази.
☝️ САРВАРИ ОЛАМНИНГ БИР КУНЛАРИ
🟢 Саиджамол домла МАСАЙИТОВ – Ўзбекистон мусулмонлари идораси фатво маркази бош мутахассиси, PhD
🟢Ғуломиддин домла ХОЛБОЕВ – Ўзбекистон мусулмонлари идораси фатво маркази директори ўринбосари
1. Пайғамбаримиз алайҳиссаломнинг одатдаги тонглари қандай ўтган?
2. Пайғамбаримиз алайҳиссалом Шом намозигача одатда нималар билан машғул бўлар эдилар?
3. Пайғамбаримиз алайҳиссаломнинг уйқуга кетгунларигача нималар билан машғул бўлар эдилар?
🎞 СУҲБАТ ТЎЛИҚ ВИДЕОСИ
#Жума_суҳбатлари
🔗 Улашинг: @diniysavollar
ҒУСЛДАН СЎНГ ҚЎЛИМГА БЎЁҚ ТЕККАНИНИ КЎРДИМ
#қисқа_савол_жавоблар
❓САВОЛ: Ғусл қилгандан сўнг қўлимда бўёқ текканини кўрдим яна ғусл қиламанми?
💬 ЖАВОБ: Бисмиллаҳир Роҳманир Роҳим.
Баданнинг бирор жойига бўёқ ёки елим тегиб, терига сув ўтишини тўсиб қолган бўлса аввало бу нарсаларни кетказиб кейин таҳорат, ғусл қилиш керак бўлади. Аммо ғуслдан ёки таҳоратдан кейин кўриб қолган бўлсангиз бу нарсаларни кетказиб шу жойларни ўзини ювиш билан кифояланасиз. Ғусл ёки таҳоратни қайта қилинмайди. Валлоҳу аълам.
Ўзбекистон мусулмонлари идораси🔗 Улашинг: @diniysavollar Читать полностью…
Фатво маркази.
#Видео
#сабаб #илм
Илм эгаллашга ёрдам берадиган сабаблар нима?
Ҳикматуллоҳ домла ТОШТЕМИРОВЎзбекистон мусулмонлари идорасиYouTube | Instagram | Facebook
Фатво маркази бош мутахассиси
🔗 Улашинг: @diniysavollar
МАҲСУЛОТНИ СОТИШ УЧУН ОНЛАЙН САВДО
#қисқа_савол_жавоблар
❓САВОЛ: Биз бир одамнинг маҳсулотларини сотиш учун онлайн савдо ташкил қилганмиз. Биз онлайн орқали заказлар қабул қиламиз ва етказиб берувчига мазкур харидорнинг манзили ва қанча маҳсулот олишлари хақида хабар бериб турамиз. Сўрамоқчи бўлган нарсам: биз ҳеч қандай ҳаражат қилмаймиз. Маҳсулотга пул тикмаймиз, фақат телефон ёки телеграм орқали маҳсулотни сотамиз. Шунинг ҳисобига фойда (ҳақ) оламиз шу жоизми?
💬 ЖАВОБ: Бисмиллаҳир Роҳманир Роҳим.
Сиз, бир инсон фойда (ҳақ) олиш учун албатта моддий харажат қилиши керак, деб ўйлайсиз. Лекин бу тўғри тушунча эмас. Инсон иш ҳаққи олиш учун албатта моддий маблағ сарфлаши шарт эмас. У жисмоний ёки ақлий меҳнат қилиб ҳам пул топиши мумкин. Сизнинг ишингиз ҳам шунга ўхшашдир. Сиз қилган хизматингиз учун ҳақ олишингиз шаръан ҳалолдир. Валлоҳу аълам.Ўзбекистон мусулмонлари идораси🔗 Улашинг: @diniysavollar
Фатво маркази.
#Аудио
#фойда #инсон
Бошқаларга фойдаси тегадиган инсон бўлинг
Ёрқинжон домла ЖумабоевЎзбекистон мусулмонлари идорасиfatvouz">🔗 Улашинг: @diniysavollar
Фатво маркази етакчи мутахассиси
ПАЙҒАМБАРЛАР НОМИ БИЛАН НОМЛАНГАН СУРАЛАР
#қисқа_савол_жавоблар
❓САВОЛ: Қуръонда пайғамбарлар номи билан номланган нечта сура бор?
💬 ЖАВОБ: Бисмиллаҳир Роҳманир Роҳим.
Қуръони каримда пайғамбарлар номи билан номланган олтита сура бор:
Улар: Юнус, Ҳуд, Юсуф, Иброҳим, Муҳаммад, Нуҳ сураларидир. Валлоҳу аълам.
Ўзбекистон мусулмонлари идораси🔗 Улашинг: @diniysavollar Читать полностью…
Фатво маркази.
#Видео
#луқма #дин
Ҳалол луқма диннинг асосий қисмидир
🎙Абдувоҳид домла АҳмадалиевЎзбекистон мусулмонлари идорасиYouTube | Instagram | Facebook
Фатво маркази мутахассиси
🔗 Улашинг: @diniysavollar
НАМОЗДА ЗАМ СУРА ЎҚИШ
#қисқа_савол_жавоблар
❓САВОЛ: Намозда Фотиҳа сурасидан кейин зам сура сифатида катта сураларнинг учта, тўртта оятларини ўқиса бўладими?
💬 ЖАВОБ: Бисмиллаҳир Роҳманир Роҳим.
"Фотиҳа" сурасига қисқа уч оят ёки уч оят миқдорича келадиган узун бир оят қўшиб ўқисангиз жоиз.
Лекин зам сурага тўлиқ бир сурани ўқиш афзал.
Валлоҳу аълам.Ўзбекистон мусулмонлари идораси🔗 Улашинг: @diniysavollar
Фатво маркази.