90921
Fatvo.uz веб-саҳифанинг телеграмдаги расмий каналига хуш келибсиз! Саволлар бу ерга жўнатилади ⬇️ 🌐 http://savollar.muslim.uz 📲 @SavollarMuslimUzBot ©Каналдан маълумот олинганда манба кўрсатилиши шарт.
ЎЗ ҲИССАСИНИ ШЕРИГИГА СОТИШ ЖОИЗМИ?
#савдо
❓1142-CАВОЛ: Икки киши бир машинани шерик бўлиб сотиб олса, кейин бири иккинчисига ўз улушини бўлиб тўлашга сотиши мумкин деб эшитдим шу тўғрими?
💬 ЖАВОБ: Бисмиллаҳир роҳманир роҳийм.
Тўғри. Икки киши битта машинани ўртага пул ташлаб сотиб олган бўлса, сўнг шериклардан бири ўзининг ҳиссасини сотмоқчи бўлса, хоҳласа нақд савдо билан хоҳласа насия савдо билан, хоҳласа ўз шеригига хоҳласа бегона одамга сотиши мумкин. Фақат бўлиб тўлаш орқали насия савдо қилинганда қиймат ва муддат аниқ бўлиши шарт. Бу ҳақда фуқаҳоларимиз шундай дейдилар:
لأحد الشريكين إن شاء بيع حصته إلى شريكه إن شاء باعها لآخر بدون إذن شريكه"
“Шериклардан бири ўз улушини хоҳласа ўз шеригига, хоҳласа шеригининг изнисиз бошқа кишига сотиши ҳам мумкин” (“Дурарул ҳуккам” китоби). Валлоҳу аълам.Ўзбекистон мусулмонлари идораси.
Фатво маркази
Telegram | Instagram | Facebook
#Видео
#бойлик #қаноат
Ҳақиқий бойлик қаноатдадир.
Отабек домла МамадиевЎзбекистон мусулмонлари идорасиYouTube | Instagram | Facebook
Фатво маркази мутахассиси
🔗 Улашинг: @diniysavollar
ИШ КИЙИМ БИЛАН НАМОЗ ЎҚИШ
#қисқа_савол_жавоблар
❓САВОЛ: Кўпинча ишхонада намоз ўқийман. Кийимим чанг бўлади. Савол шундаки, пок кийимда қазо қилиб ўқиган афзалми ёки чанг, мой кийимда вақтидами?
💬 ЖАВОБ: Бисмиллаҳир Роҳманир Роҳим.
Тўғри, имкон бўлганда тоза-покиза кийимлар билан намоз ўқишга тарғиб қилинади. Фиқҳ китобларимизда иш кийими билан намоз ўқиш макруҳ, деган гаплар ҳам бор. Лекин тоза кийим бўлмаганда, иш кийими билан бўлсада намозни вақтида ўқилади. Чунки намозни тарк қилиш катта гуноҳдир. Катта гуноҳга тушмаслик учун кир кийим билан бўлсада, фарзни бажариш шарт бўлади. Бунинг устига чанг, ҳар хил техник мойлар, бензин, солярка каби нарсалар нажосат ҳисобланмайди. Зарурат бўлган шундай кийимларда ҳам намоз ўқилади. Буни баҳона қилиб намозни тарк қилинмайди. Валлоҳу аълам.
Ўзбекистон мусулмонлари идораси🔗 Улашинг: @diniysavollar Читать полностью…
Фатво маркази.
❇️ ДИНИЙ САВОЛЛАРГА ЖАВОБ БЕРУВЧИ КОЛЛ-МАРКАЗ ФАОЛИЯТИ КЕНГАЙДИ ВА ИННОВАЦИОН ХИЗМАТЛАР ҚЎШИЛДИ! ❇️
☎️ Саволларингизга Фатво марказининг кол-маркази:
781503344 тел. рақами орқали жавоб олишингиз мумкин.
🗓 Иш вақти: Душанба-Жума, соат 9:00-17:00, тушлик вақти бундан мустасно.
☪️ Кол-марказ орқали малакали мутахассислар билан боғланиб шаръий саволларга батафсил жавоб олишингиз мумкин.
✅ Fatvo.uz ни ўзингизга қулай бўлган тармоқларда кузатиб боринг!
🤲 Аллоҳ таоло барчамизни Ўзининг розилиги йўлида таълим олиб, зиё тарқатадиган бандаларидан қилсин!
Бизни саҳифалар:
Telegram | Facebook | Instagram | fatvouz">Tiktok
НАЖОСАТ ТЕГСА ТАҲОРАТ БУЗИЛАДИМИ?
#қисқа_савол_жавоблар
❓CАВОЛ: Таҳоратли бўла туриб, сийдик теккан кийимга ёки сийдикка қўлимиз тегса ёки совун порошок билан қўлни ё бирор нимани ювилса таҳорат бузиладими?
💬 ЖАВОБ: Бисмиллаҳир Роҳманир Роҳим.
Таҳоратли одам нажосатни ушласа ёки бирор жойига нажосат тегса таҳорати бузилган ҳисобланмайди. Нажосат теккан жойни ўзини ювиб покланади. Таҳорат ташқаридан нажосат текканда эмас, балки ичкаридан нажосат чиқса бузилади. Валлоҳу аълам.Ўзбекистон мусулмонлари идораси🔗 Улашинг: @diniysavollar
Фатво маркази.
АЁЛ КИШИ ТОВУҚ СЎЙСА БЎЛАДИМИ?
#қисқа_савол_жавоблар
❓CАВОЛ: Устоз, аёл киши товуқ сўйса бўладими?
💬 ЖАВОБ: Бисмиллаҳир Роҳманир Роҳим.
Ҳа, аёллар ҳам товуқ сўйиши дуруст. Худди шундай бошқа жонлиқларни ҳам сўйиши жоиз бўлади. Чунки сўювчи мусулмон ёки (сўйиш пайтида Аллоҳ таолонинг номидан бошқанинг номини зикр қилмайдиган) аҳли китоб бўлиши шарт қилинган. У эркакми ёки аёлми фарқи йўқ ("Мухтасар","Фатҳу бобил иноя" китоблари). Валлоҳу аълам.Ўзбекистон мусулмонлари идораси🔗 Улашинг: @diniysavollar
Фатво маркази.
ЭР-ХОТИН ЎРТАСИДАГИ СИРНИ ТАРҚАТИШ ГУНОҲЛИГИ
#қисқа_савол_жавоблар
❓CАВОЛ: Чимилдиқ куни янгаларни ётоқхонага кириши, қўпол қилиб айтганда уларга дока бериш ва шунга ўхшаган ишлар ҳақида нима дея оласиз?
💬 ЖАВОБ: Бисмиллаҳир Роҳманир Роҳим.
Бу иш мутлақо нотўғри ва шармандаликдан бошқа нарса эмас. Динимизда эр-хотин ўртасида тўшакда бўладиган махфий ишларни бошқаларга айтишдан қайтарилади.
Абу Саъид разияллоҳу анҳудан ривоят қилинади:
«Набий саллаллоҳу алайҳи васаллам: "Қиёмат куни Аллоҳнинг наздида мартабаси энг ёмон одам аёлига яқинлик қилиб, аёли унга яқин бўлганидан кейин сирини одамларга ёйиб юрадиган кишидир", дедилар» (Имом Муслим ва Имом Аҳмад ривоят қилганлар). Валлоҳу аълам.Ўзбекистон мусулмонлари идораси🔗 Улашинг: @diniysavollar
Фатво маркази.
#Видео
#таваккул
Таваккул тушунчаси
Устоз Ҳабибуллоҳ домла АбдулғаффорЎзбекистон мусулмонлари идорасиYouTube | Instagram | Facebook
Фатво маркази бош мутахассиси,
Тошкент ислом институти катта ўқитувчиси
🔗 Улашинг: @diniysavollar
ТИЗЗАСИНИ БУКМАСДАН ИШОРА БИЛАН НАМОЗ ЎҚИШ
#қисқа_савол_жавоблар
❓CАВОЛ: Мани 14 ёшли ўғлим бор. Ҳозирда тизза ости суяк емирилиш касаллигидан даволаняпти. Энди намозини ўқий олмаяпти, шифокор тиззасини букмаслиги керак деб айтди, букса яна касаллиги ривожланаркан. Маслаҳат беринг, намозини қандай адо қилади?
💬 ЖАВОБ: Бисмиллаҳир Роҳманир Роҳим.
Ўғлингиз ўзига қулай тарзда қиблага қараб ўтириб олиб, тиззасини букмасдан ишора билан намоз ўқиши мумкин. Бунда руку учун энгашса, сажда қилиш учун ундан пастроққа бошини эгади. Тузалиб кетгунига қадар фарз ва суннат намозларини мана шу зайлда ўқиб туриши жоиз. Валлоҳу аълам.
Ўзбекистон мусулмонлари идораси🔗 Улашинг: @diniysavollar Читать полностью…
Фатво маркази.
ШОМ НАМОЗИНИ 4 РАКАТ ЎҚИБ ҚЎЙСА
#қисқа_савол_жавоблар
❓CАВОЛ: Йиллик қазоларни ўқиётганда шом намозига ният қилинсаю 4 ракат намоз ўқиса ва охирида саждаи саҳв қилса бўладими?
💬 ЖАВОБ: Бисмиллаҳир Роҳманир Роҳим.
Йўқ. Бундай вазиятда саждаи саҳв билан намоз тўғриланмайди. Чунки шом намозида учинчи ракатдан сўнг қаъдага ўтириш фарз амалдир. Уни тарк қилинса шом намози саҳиҳ бўлмайди. Шунинг учун бундай ҳолатларда шом намозини қайта ўқиш лозим бўлади. Саждаи саҳв эса вожибни тарк қилиш ё ўзгартириш, фарзни кечиктириш ёки такрор юзага келганда қилинади. Валлоҳу аълам.Ўзбекистон мусулмонлари идораси🔗 Улашинг: @diniysavollar
Фатво маркази.
#Видео
#вақт
Вақтни қадрланг
Абдуғофур домла НиёзқуловЎзбекистон мусулмонлари идорасиYouTube | Instagram | Facebook
Фатво маркази бош мутахассиси
🔗 Улашинг: @diniysavollar
#Аудио
#фарз #илм
Қайси илмларни ўрганиш фарз бўлади?
Ҳикматуллоҳ домла ТОШТЕМИРОВЎзбекистон мусулмонлари идораси🔗 Улашинг: @diniysavollar
Фатво маркази бош мутахассиси
СУЯККА ЖАНОЗА ЎҚИЛАДИМИ?
#намоз
#жаноза
❓1140-CАВОЛ: Қишлоғимизда бир йигит бир йил олдин сувга оқиб кетган эди. Одамлар қидириб тополмаганлар. Роппа роса бир йилдан кейин унинг суяклари топилди. Бўйнидаги занжири (сепочкаси)дан ўша бола эканлиги аниқланди. Саволимиз шуки унга шу (қуруқ суяк, склет) ҳолида жаноза ўқиладими?
💬 ЖАВОБ: Бисмиллаҳир роҳманир роҳийм.
Йўқ, фақат суяги топилган бўлса, унга жаноза ўқилмайди. Чунки жаноза бутун жасадга ёки жасаднинг аксарига шунингдек, камида бош билан бирга жасаднинг ярми бўлса, ўқилади. Жасад деб эт ва суяк бирикмасига айтилади. Суякнинг ўзига жасад дейилмайди. Демак, бу ҳолатда суяклар бирор матога ўралиб дафн қилинади жаноза ўқилмайди. “Бадоеъус саное” китобида қуйидагича келтирилган:
أن العظام لا يصلى عليها بالإجماع.
“Уламолар ижмосига кўра суякларга жаноза ўқилмайди”. Валлоҳу аълам.Ўзбекистон мусулмонлари идораси.
Фатво маркази
Telegram | Instagram | Facebook
#Аудио
#ҳадис #Ризқ
Ризқнинг кенг бўлиш сабаблари
Аббос домла ҚОСИМОВЎзбекистон мусулмонлари идораси
Фатво маркази мутахассиси
🔗 Улашинг: @diniysavollar
ҚЎШ КЕЛИН ҚИЛМАСЛИК КЕРАКМИ?
#қисқа_савол_жавоблар
❓CАВОЛ: Халқимиз орасида қўш келин қилмаслик керак, чунки бахти бўлинади, деган гап юради. Яъни бирида фарзанд бўлса бири фарзандсизликдан азият чекади ёки бири вафот этади, оғир касалликка чалинади деган гаплар юради. Шу гаплар тўғрими?
💬 ЖАВОБ: Бисмиллаҳир Роҳманир Роҳим.
Бу гап мутлақо нотўғри. Биз тақдирнинг яхшисию ёмони Аллоҳ таолодан эканига имон келтиришга буюрилганмиз. Никоҳланиш суннат амал. Шундай экан савоб ишлардан эмас, балки гуноҳ ишлардан шумланиш керак.
Қолаверса, жуда кўплаб қўш келин олиб, ўша оилалар бахтли саодатли ҳаёт кечираётганлари юқоридаги гапнинг асоссиз эканини исботлайди. Валлоҳу аълам.Ўзбекистон мусулмонлари идораси🔗 Улашинг: @diniysavollar
Фатво маркази.
#Аудио
#бойлик #қаноат
Ҳақиқий бойлик қаноатдадир.
Отабек домла МамадиевЎзбекистон мусулмонлари идораси🔗 Улашинг: @diniysavollar
Фатво маркази мутахассиси
МИЙҚОТ ТЎҒРИСИДАН ПОЕЗДДА ЎТИШНИНГ ҲУКМИ
#Ҳаж_умра #эҳром
❓1141-CАВОЛ: Биз Умра зиёратига борганимизда Мадинаи мунавварадан Маккаи мукаррамага кетишда поезд орқали боришимизга тўғри келди. Лекин поезд мийқотга тўхтамас экан. Биз эҳромга қачон ва қаердан киришимиз керак бўлади?
💬 ЖАВОБ: Бисмиллаҳир роҳманир роҳийм.
Мийқотдан эҳромсиз ўтиш жоиз эмас, аммо мийқотдан олдин эҳромга кириш барча фақиҳларга кўра, жоиздир. Бу ҳақида “Ғунятун-носик” китобида шундай ёзилган:
"و فائدة التوقيت بها حرمة تأخير الاحرام عنها كلها لا التقديم فانه جائز إجماعا"
Яъни: “Мийқотни белгилаб қўйишнинг фойдаси шуки, ундан эҳромсиз ўтиш ҳаромдир. Аммо мийқотдан олдин эҳромга кириш жоизлигига иттифоқ қилинган” (“Ғунятун-носик” китоби).
Шу жиҳатдан, Мадина шаҳридан Маккага борувчи поезд йўлда мийқотга тўхтамагани учун зиёратчилар меҳмонхонада эҳром ўраб, икки ракат намоз ўқиб, ният қилиши ва лаббайка айтиши жоиз бўлади.
Баъзилар поезд мийқот ҳудудидан ўтаётганида, эълон қилинади, шунга кўра, ўша пайтда эҳромга киришни ният қилиб, лаббайка айтиб, поезднинг ўзида ўтирган ҳолда ҳам намоз ўқиса бўлади, чунки бу суннат намоздир, дейдилар. Лекин кўп ҳолатларда йўловчилар тилни билмасликлари ёки бошқа сабаблар билан мийқотдан ният қилмай ва лаббайка айтмай ўтиб кетишлари эҳтимоли катта. Шу сабабли мийқотдан олдин эҳромга кириб олганлари яхшироқдир. Валлоҳу аълам.Ўзбекистон мусулмонлари идораси.
Фатво маркази
Telegram | Instagram | Facebook
ЭЛЕКТРОН ТАСБЕҲНИ БАРМОҚҚА ТАҚИБ НАМОЗ ЎҚИШ
#қисқа_савол_жавоблар
❓CАВОЛ: Ҳозирги вақтларда электрон тасбеҳлар жуда кўпайган. Саволим шундайки электрон тасбеҳни бармоққа таққан ҳолда намоз ўқишнинг ҳукми қандай?
💬 ЖАВОБ: Бисмиллаҳир Роҳманир Роҳим.
Намозда бажариладиган ҳаракатларга халақит қилмаса, ён атрофдагиларни ҳаёлини чалғитмаса намозга зарари йўқ. Валлоҳу аълам.Ўзбекистон мусулмонлари идораси🔗 Улашинг: @diniysavollar
Фатво маркази.
ИҚТИДО ҚИЛУВЧИ ИМОМНИНГ ҚАЙСИ ТОМОНИДА ТУРАДИ?
#қисқа_савол_жавоблар
❓CАВОЛ: Икки киши намоз ўқисак, иқтидо қилувчи ёнида турадими ёки орқасидами?
💬 ЖАВОБ: Бисмиллаҳир Роҳманир Роҳим.
Иқтидо қилувчи бир киши бўлса ёнида туради. Улар икки ва ундан кўп бўлса, орқада алоҳида саф бўлиб турадилар. Валлоҳу аълам.Ўзбекистон мусулмонлари идораси🔗 Улашинг: @diniysavollar
Фатво маркази.
БУНДАЙ ҲОЛАТДА ТАҲОРАТ БУЗИЛАДИМИ?
#қисқа_савол_жавоблар
❓CАВОЛ: Кўкракдан сут чиқиб кетса таҳорат бузиладими? Намоз пайти чиқиб кетсачи?
💬 ЖАВОБ: Бисмиллаҳир Роҳманир Роҳим.
Йўқ бузилмайди. Инсон баданидан пок нарсанинг чиқиши таҳоратни синдирмайди. Шунга кўра, сутнинг чиқиши, терлаш, балғам чиқиши, оғриқсиз кўз ёши билан таҳорат бузилмайди. Инсон баданидан чиққан нарса қон, йиринг, сариқ сув каби нажосат бўлса таҳорат бузилади. Валлоҳу аълам.Ўзбекистон мусулмонлари идораси🔗 Улашинг: @diniysavollar
Фатво маркази.
БОЛАНИНГ ОДОБЛИ БЎЛИШИ ҚАЙСИДУР КУНГА БОҒЛИҚМИ?
#қисқа_савол_жавоблар
❓CАВОЛ: Жума ва чоршанба куни бола бўлса, катта бўлганда ота-онани ҳурмат қилмайди, яхши бола чиқмайди деган гапларни эшитдим. Бу қанчалик тўғри? Ҳозир фарзандга ҳаракат қиляпмизу лекин қўрқяпман, қайсидир кунда бўлса бола одобли, ота-онани ҳурмат қиладиган бўларкан?! Илтимос маслаҳат беринг.
💬 ЖАВОБ: Бисмиллаҳир Роҳманир Роҳим.
Боланинг қандай улғайиши унга бериладиган таълим-тарбияга боғлиқ. Туғилган ёки бўлган кунига боғлиқ эмас. Динимизда маълум кун ёки маълум нарсалардан шумланиш қораланади. Сиз болангизга тарбияни кўпроқ амалда қилиб кўрсатиш орқали беринг. Мана шу таъсирлироқ бўлади. Валлоҳу аълам.Ўзбекистон мусулмонлари идораси🔗 Улашинг: @diniysavollar
Фатво маркази.
#Аудио
#таваккул
Таваккул тушунчаси
Устоз Ҳабибуллоҳ домла АбдулғаффорЎзбекистон мусулмонлари идораси🔗 Улашинг: @diniysavollar
Фатво маркази бош мутахассиси,
Тошкент ислом институти катта ўқитувчиси
ХУФТОНДАН СЎНГ ВИТРНИ ЎҚИМАСЛИК
#қисқа_савол_жавоблар
❓CАВОЛ: Хуфтондан сўнг Витрни ўкимасдан уйқуга кетса гуноҳ бўлмайдими?
💬 ЖАВОБ: Бисмиллаҳир Роҳманир Роҳим.
Хуфтонни ўқигандан сўнг кечанинг охирги қисмида, бомдод вақти киришидан аввал уйғониб витр намозини ўқишига аниқ ишонса, хуфтонни ўқиб ухлаши ва кечанинг охирида туриб витр намозини ўқиши мустаҳабдир. Агар кечанинг охирида уйғонишга ишончи комил бўлмаса, хуфтондан кейин витрни ўқиши афзал. Валлоҳу аълам.Ўзбекистон мусулмонлари идораси🔗 Улашинг: @diniysavollar
Фатво маркази.
🕌 Навбатдаги “жума суҳбати” кўрсатувининг меҳмони Ўзбекистон мусулмонлари идораси фатво маркази бош мутахассиси Саиджамол домла Масайитовга йўлланадиган саволлар.
🌙 МАВЗУ: ЎЗГАНИНГ ҲАҚҚИДАН ҲАЗАР
1. Динимизда ўзгалар ҳаққини ейиш катта гуноҳлардан ҳисобланади. Бу ишнинг турларини баён қилиб берсангиз. Қандай ишлар бировлар ҳаққини ноҳақ йўл билан ейишлик ҳисобланади?
2. Замон ўзгариши, илм-фан тараққиёти сабаб фирибгарлик, товламачиликнинг янги турлари келиб чиқяпти. Ана шулар ҳақида тушунча бериб ўтсангиз.
3. Ўзгалар ҳаққини поймол қилишлик иллатининг якка инсонлар ва жамият учун қандай хатарлари бор?
4. Бировнинг ҳақини ейишдан тийилиш учун динимизда қандай кўрсатмалар мавжуд?
#Жума_суҳбатлари
🎥 СУҲБАТ ТЎЛИҚ ВИДЕОСИ⬅️
🔗 Улашинг: @diniysavollar
#Аудио
#вақт
Вақтни қадрланг
Абдуғофур домла НиёзқуловЎзбекистон мусулмонлари идораси🔗 Улашинг: @diniysavollar
Фатво маркази бош мутахассиси
ҲОМИЛАДОР АЁЛГА НИКОҲЛАНСА БЎЛАДИМИ?
#қисқа_савол_жавоблар
❓CАВОЛ: Ҳомиладор аёлни никоҳ ўқитиб олса бўладими?
💬 ЖАВОБ: Бисмиллаҳир Роҳманир Роҳим.
Ҳомиладор аёлни талоқ қилинса, бу аёл токи туққунича иддада ўтирган ҳисобланади. Бу аёл туғмагунича, эридан бошқа билан никоҳлана олмайди. Бордию ҳомила зинодан бўлган бўлса, у аёл билан никоҳланиш мумкин, аммо ҳомиласини туққунича жинсий алоқа қилинмайди. Валлоҳу аълам.Ўзбекистон мусулмонлари идораси🔗 Улашинг: @diniysavollar
Фатво маркази.
#Видео
#фарз #илм
Қайси илмларни ўрганиш фарз бўлади?
Ҳикматуллоҳ домла ТОШТЕМИРОВЎзбекистон мусулмонлари идорасиYouTube | Instagram | Facebook
Фатво маркази бош мутахассиси
🔗 Улашинг: @diniysavollar
ГИЛАМГА НАЖОСАТ ТЕГИБ, ҚУРИБ ҚОЛСА
#қисқа_савол_жавоблар
❓CАВОЛ: Уйдаги гиламгами ёки ўтирадиган жойгами сийдик ёки маний тегса ва у қуриб кетса, шу жойга тегиб кетсак, теккан жойимиз нопок бўлмайдими?
💬 ЖАВОБ: Бисмиллаҳир Роҳманир Роҳим.
Гиламга нажосат тегиб, қуриб қолган бўлса, уни кийимга ёки баданга тегишининг зарари йўқ. Лекин у жойда намоз ўқиб бўлмайди. Валлоҳу аълам.Ўзбекистон мусулмонлари идораси🔗 Улашинг: @diniysavollar
Фатво маркази.
#Видео
#ҳадис #Ризқ
Ризқнинг кенг бўлиш сабаблари
Аббос домла ҚОСИМОВЎзбекистон мусулмонлари идорасиYouTube | Instagram | Facebook
Фатво маркази мутахассиси
🔗 Улашинг: @diniysavollar
#Аудио
#амал #охират
Амаллар холис бўлсагина фойда беради
Отабек домла МамадиевЎзбекистон мусулмонлари идораси
Фатво маркази мутахассиси
🔗 Улашинг: @diniysavollar