206
Dilmurod Akbarning ijodiy ishlar telegram kanali. Mualliflik huquqi himoyalangan. Murojat uchun: @Dil_Murod1
Баҳор
Баҳор келди тунги либосда,
Жуда гўзал, жуда ораста...
Ифорлари маст қилди буткул,
Олам-қўлидаги гулдаста...
Юзи-янги келиндек хушрўй,
Нафасидан таралар хушбўй.
Кокилини силаб шаббода,
Сукунатга чўмди самода...
Қадамлари қутлуғ баҳорни
Бир жилваси эритди қорни...
Чиройидан сайраган қушлар
Наволари кўнгилни хушлар...
Жуда нафис, жуда чиройли,
Дунё бугун баҳор туфайли.
Бизнинг диёр эса азалдан
Баҳор билан Мажнун-у, Лайли...
Дилмурод Акбар шеъри
/channel/DilmurodAkbar
РАМАЗОН МУБОРАК АЗИЗ ДИНДОШИМ!
Муаллиф: Дилмурод Акбар.
Ижрода: Музаффар Ҳафизович.
t.me/Muzaffar_Xafizovich1975
t.me/Muzaffar_Xafizovich
Мусулмон уммати, аҳли Исломга,
Муборак Рамазон хайрли бўлсин.
Барча уммат лойиқ зўр эҳтиромга,
Муборак Рамазон хайрли бўлсин.
Покланиш ойи бу,эзгулик ойи,
Йил бўйи кутилган кўрки,чиройи,
Эй,аҳли рўзадор,иймони бойи,
Муборак Рамазон хайрли бўлсин...
Қалблари тақвога интилган уммат,
Нафсга қарши туриб,қилади ҳиммат,
Бойлари муҳтожга қилар муруват,
Муборак Рамазон хайрли бўлсин...
Аллоҳ учун мўмин бўлган салим қалб,
Савоб амалларда ҳўп савобталаб...
Биҳиштдан жой бер шу дўстларга ё Раб,
Муборак Рамазон хайрли бўлсин...
Муборак Рамазон хайрли бўлсин...
Дилмурод Акбар (Дил Мурод) шеъри
/channel/DilmurodAkbar
"МУНОЖОТ"
Парвардигор сен ҳақсан,Илоҳсан якка,ёлғиз,
Борлигинг аёнлиги ер-у-кўк,ой,кун,юлдуз.
Шу оламлар ичра биз одамни қилдинг азиз,
Яратиб дастур бердинг,бердинг инъом,ихтиёр,
Танла дединг икки йўл бири-бирига ағёр...
Гуноҳимиз кечгани мағфиратинг бор талай,
Билиб,билмай адашган бандамиз-да ҳар қалай.
Меҳрибон зот ўзингсан даргоҳингга дил улай,
Номинг наволаб турган юрагим бор беғубор,
Иймонимдан айирма ғурурга айлаб дучор...
Хаёлимни шубҳадан,беҳуда ҳар жабҳадан,
Озод қилиб,исломда тақвога сол Яратган,
Қўрқаман ҳар онимга шайтон нигоҳ қаратган,
Сен холимдан ол хабар хар онда такрор-такрор,
Дилимдан йиғлат мени айттириб ёр истиғфор…
Жаннатингнинг боғида,райҳоннинг япроғида,
Капалакча бўлай мен,ўрин бер алоҳида.
Очмагин сирларимни охират сўроғида,
Сен тупроқдан яратган бир бандангман гуноҳкор,
Кечиргин гуноҳимни,кечиргин Парвардигор.
Дил Мурод (Дилмурод Акбар) шеъри
"MUNOJOT"
Parvardigor sen haqsan,Ilohsan yakka,yolgʻiz,
Borliging ayonligi yer-u-koʻk,oy,kun,yulduz.
Shu olamlar ichra biz odamni qilding aziz,
Yaratib dastur berding,berding inʼom,ixtiyor,
Tanla deding ikki yoʻl biri-biriga agʻyor...
Gunohimiz kechgani magʻfirating bor talay,
Bilib,bilmay adashgan bandamiz-da har qalay.
Mehribon zot oʻzingsan dargohingga dil ulay,
Noming navolab turgan yuragim bor begʻubor,
Iymonimdan ayirma gʻururga aylab duchor...
Xayolimni shubhadan,behuda har jabhadan,
Ozod qilib,islomda taqvoga sol Yaratgan,
Qoʻrqaman har onimga shayton nigoh qaratgan,
Sen xolimdan ol xabar xar onda takror-takror,
Dilimdan yigʻlat meni ayttirib yor istigʻfor…
Jannatingning bogʻida,rayhonning yaprogʻida,
Kapalakcha boʻlay men,oʻrin ber alohida.
Ochmagin sirlarimni oxirat soʻrogʻida,
Sen tuproqdan yaratgan bir bandangman gunohkor,
Kechirgin gunohimni,kechirgin Parvardigor.
Dil Murod (Dilmurod Akbar) sheʼri
/channel/DilmurodAkbar
Мен уйдан қабрга кўчаман,
Топган, тутганларим қолади...
Кун келиб қалблардан ўчаман,
Ким мени ёдига олади...
Осмонга учади руҳим шод,
Вужудим тупроқнинг таркиби.
Келади,кетади одамзод,
Азал шу ҳаётнинг тартиби...
Дилмурод Акбар (Дил Мурод) шеъри
Men uydan qabrga koʻchaman,
Topgan, tutganlarim qoladi...
Kun kelib qalblardan oʻchaman,
Kim meni yodiga oladi...
Osmonga uchadi ruhim shod,
Vujudim tuproqning tarkibi.
Keladi,ketadi odamzod,
Azal shu hayotning tartibi...
Dilmurod Akbar (Dil Murod) she'ri)
/channel/DilmurodAkbar
Онам
Онам фариштага ўхшамас,
Фаришталар ўхшар онамга...
Саккиз йилки, битмаган бу шеър...
Яна ёздим кириб хонамга...
Билдимки, мен муносиб эмас
Ўз онамга бергани таъриф...
Қанча олимлардан олиб дарс,
Сўз топмадим шеърга-ахтариб...
Фақат бир сўз ҳушлар дилимни,
Сиз Онамсиз, тамом вассалом...
Дунёдаги барча илмни
Она деган бир оғиз калом
Вазни босиб кетаркан тамом...
Дилмурод Акбар (Дил Мурод) шеъри
Onam
Onam farishtaga oʻxshamas,
Farishtalar oʻxshar onamga...
Sakkiz yilki, bitmagan bu sheʼr...
Yana yozdim kirib xonamga...
Bildimki, men munosib emas
Oʻz onamga bergani taʼrif...
Qancha olimlardan olib dars,
Soʻz topmadim sheʼrga-axtarib...
Faqat bir soʻz hushlar dilimni,
Siz Onamsiz, tamom vassalom...
Dunyodagi barcha ilmni
Ona degan bir ogʻiz kalom
Vazni bosib ketarkan tamom...
Dilmurod Akbar (Dil Murod) sheʼri
/channel/DilmurodAkbar
ҲИКМАТ
Муаллиф: Дилмурод Акбар.
Ижрода: Музаффар Ҳафизович.
t.me/Muzaffar_Xafizovich1975
t.me/Muzaffar_Xafizovich
Жумъа
Бугун жумъа фазилатли кун,
Аҳли Ислом учун муборак.
Шукр мўмин бўлганим учун,
Юрагимда бор эзгу тилак...
Кўп саловат айтиб Набийга,
Боринг бугун Аллоҳ уйига.
Аллоҳумма солли аълаа саййидина Муҳаммад.
Дунёнгизга нафдир саловат,
Қалбингизга нур олиб кирар.
Оҳиратда буюк саодат,
Расулимиз шафоат қилар.
Кўп саловат айтиб Набийга,
Боринг бугун Аллоҳ уйига.
Аллоҳумма солли аълаа саййидина Муҳаммад.
Барокотлар ёғилар кўкдан,
Қувонади иймонли диллар.
Бутун оламларни яратган
Роббисига сиғинар қуллар.
Кўп саловат айтиб Набийга,
Борар бугун Аллоҳ уйига.
Аллоҳумма солли аълаа саййидина Муҳаммад.
Икки дунё учун саодат
Тавба, шукр ҳамда саловат.
Ла илаҳа иллАллоҳ деган
Ҳам Расули Акрамни севган
Кўп саловат айтиб Набийга
Борар бугун Аллоҳ уйига.
Аллоҳумма солли аълаа саййидина Муҳаммад.
Аллоҳ қодир қилгани учун, Аллоҳ илҳом бергани учун Аллоҳ ризолигини тилаб,бандайи ожиз гуноҳкор мўмин Дилмурод Акбар (Дил Мурод) қаламига мансуб шеър мисралари
/channel/DilmurodAkbar
Ғийбат
Ғийбат зинодан ёмондир,
Дедилар; Расули Акрам.
Амал қилган мусулмондир,
Тил-у, оғзингга бўл маҳкам...
Хато қилмоқ инсонга хос,
Истиғфорни вазифа тут.
Намозларга қилиб ихлос,
Бор беҳуда сўзни унут.
Ўз биродарин гўштини
Емоқ мисли экан ғийбат.
Ғийбатчи кимсанинг дини
Йўлида бўлур кароҳат.
Амалида бор савоб ҳам
Ғийбатланувчига туҳфа.
Ҳам гуноҳкор бўлур шу дам,
Бу ҳақиқат, қилма шубҳа...
Астағфируллоҳ дея қалбан,
Ғийбатлардан бўлиб йироқ.
Иймондан қуриб уй, маскан,
Сўзсиз-сукунат яхшироқ...
Алқиссаким, ўз динингни,
Ўзинг гўзал қилиб яша.
Ғийбатга ошно тилингни
Тишла ё суғуриб ташла...
Дилмурод Акбар шеъри
Gʻiybat
Gʻiybat zinodan yomondir,
Dedilar; Rasuli Akram.
Amal qilgan musulmondir,
Til-u, ogʻzingga boʻl mahkam...
Xato qilmoq insonga xos,
Istigʻforni vazifa tut.
Namozlarga qilib ixlos,
Bor behuda soʻzni unut.
Oʻz birodarin goʻshtini
Yemoq misli ekan gʻiybat.
Gʻiybatchi kimsaning dini
Yoʻlida boʻlur karohat.
Amalida bor savob ham
Gʻiybatlanuvchiga tuhfa.
Ham gunohkor boʻlur shu dam,
Bu haqiqat, qilma shubha...
Astagʻfirulloh deya qalban,
Gʻiybatlardan boʻlib yiroq.
Iymondan qurib uy, maskan,
Soʻzsiz-sukunat yaxshiroq...
Alqissakim, oʻz diningni,
Oʻzing goʻzal qilib yasha.
Gʻiybatga oshno tilingni
Tishla yo sugʻurib tashla...
Dilmurod Akbar sheʼri
/channel/DilmurodAkbar
Бунда бор шаҳри Қўқон,танигай жумла жаҳон,
Нодирабегим номи барча тилларда достон.
Худоёрхон музейи сўзлар кўҳна тарихдан,
Мозийнинг битиклари қувонч,ғам,бахт ва армон.
Довруғи олам кезар Марғилоннинг атласи,
Инчунин,дунё аҳлин келар доим ҳаваси.
Қува анорларининг таърифига ожиз сўз,
Донаси дур марварид ярашар қилсанг кўз-кўз.
Риштон ҳунармандлари лойга берганда жило,
Асосин гил демассан буюмлар мисли тилло...
Бизнинг Рапқон,Бешариқ машҳур меваси билан,
Кирарсан жаннат дея бу боғга деб "Бисмилло".
Шундай толе,шундай бахт,саодатга кон макон,
Ғурур билан баралла айтсам ҳур Ўзбекистон.
Номингдан ўргилай мен Ўзбекистон Ватаним,
Хар бир гўшанг чаманзор,хар бир гўшанг бир бўстон.
Келажаги порлоқ юрт,то абад қаддингни тут,
Бағрингда бор барчани ризқи,насибаси бут.
Бахтингга кўз тегмасин,доим озод,обод бўл,
Аллоҳнинг паноҳида янада зўр бахтга тўл.
Дилмурод Акбар (Дил Мурод) шеъри
Bunda bor shahri Qoʻqon,tanigay jumla jahon,
Nodirabegim nomi barcha tillarda doston.
Xudoyorxon muzeyi soʻzlar koʻhna tarixdan,
Moziyning bitiklari quvonch,gʻam,baxt va armon.
Dovrugʻi olam kezar Margʻilonning atlasi,
Inchunin,dunyo ahlin kelar doim havasi.
Quva anorlarining taʼrifiga ojiz soʻz,
Donasi dur marvarid yarashar qilsang koʻz-koʻz.
Rishton hunarmandlari loyga berganda jilo,
Asosin gil demassan buyumlar misli tillo...
Bizning Rapqon,Beshariq mashhur mevasi bilan,
Kirarsan jannat deya bu bogʻga deb "Bismillo".
Shunday tole,shunday baxt,saodatga kon makon,
Gʻurur bilan baralla aytsam hur Oʻzbekiston.
Nomingdan oʻrgilay men Oʻzbekiston Vatanim,
Xar bir goʻshang chamanzor,xar bir goʻshang bir boʻston.
Kelajagi porloq yurt,to abad qaddingni tut,
Bagʻringda bor barchani rizqi,nasibasi but.
Baxtingga koʻz tegmasin,doim ozod,obod boʻl,
Allohning panohida yanada zoʻr baxtga toʻl.
Dilmurod Akbar (Dil Murod) sheʼri
/channel/DilmurodAkbar
Беш вақт намоз ичида, олтмиш тўртта саждада,
Бўлай деб алмийсоқда, сенга берганман ваъда.
Гоҳи дунё ишлари, рўзғорим ташвишлари,
Бўлиб қолмоқда нетай ибодатимга парда...
Ё Рабб, астағфируллоҳ, мен адашган бир гумроҳ,
Вафоси йўқ дунё деб, йиғиб терганим гуноҳ.
Бурчим, вазифам, фарзим, қанча қазойи қарзим,
Афу этмасанг э, воҳ, зиёндаман ё Аллоҳ.
Қадамларимда хато, ҳар дамларимда хато,
Мафтункор бу дунёнинг жилваси бўлмас адо.
Эрта, индин, кейин деб, нафсларимнинг ғамин еб,
Намозимни унутдим яна вақт қилдинг ато...
Энди менга бу имкон, едирмасин пушаймон,
Вақтимга барокотлар ато қилгин эй, Раҳмон.
Бажариб фарзларимни, узайин қарзларимни,
Амалимда шаъриат, қалбимда бўлсин Қуръон.
Беш вақт намоз ичида, олтмиш тўртта саждада,
Бўлай деб алмийсоқда сенга берганман ваъда.
Дунёга келибман-у, дунёга ром бўлибман,
Афу эт, икки дунё қилма Роббим шарманда...
Дилмурод Акбар шеъри
Besh vaqt namoz ichida, oltmish toʻrtta sajdada,
Boʻlay deb almiysoqda, senga berganman vaʼda.
Gohi dunyo ishlari, roʻzgʻorim tashvishlari,
Boʻlib qolmoqda netay ibodatimga parda...
YO Rabb, astagʻfirulloh, men adashgan bir gumroh,
Vafosi yoʻq dunyo deb, yigʻib terganim gunoh.
Burchim, vazifam, farzim, qancha qazoyi qarzim,
Afu etmasang e, voh, ziyondaman yo Alloh.
Qadamlarimda xato, har damlarimda xato,
Maftunkor bu dunyoning jilvasi boʻlmas ado.
Erta, indin, keyin deb, nafslarimning gʻamin yeb,
Namozimni unutdim yana vaqt qilding ato...
Endi menga bu imkon, yedirmasin pushaymon,
Vaqtimga barokotlar ato qilgin ey, Rahmon.
Bajarib farzlarimni, uzayin qarzlarimni,
Amalimda shaʼriat, qalbimda boʻlsin Qurʼon.
Besh vaqt namoz ichida, oltmish toʻrtta sajdada,
Boʻlay deb almiysoqda senga berganman vaʼda.
Dunyoga kelibman-u, dunyoga rom boʻlibman,
Afu et, ikki dunyo qilma Robbim sharmanda...
Dilmurod Akbar sheʼri
Yurtimizdagi barcha sohadagi Vatan posbonlari uchun
Erkin nafas olib yashaymiz,
Osuda, tinch bu yurt osmoni.
Parvozidan mag'rur qushdaymiz,
Siz bor uchun Vatan posboni.
Samoga bo‘y cho‘zar bor nihol,
Yaproqlari qanot barkamol,
Kurtaklari kelgusi jamol,
Siz bor uchun Vatan posboni.
O‘g‘illari, qizlari quvnoq,
Barcha millat do‘st bari inoq,
Bu o‘lkadan g‘animlar yiroq,
Siz bor uchun Vatan posboni.
Ajdodlarning pok ruhlari shod ,
Bu yurtning bor anduhlari ort...
Kundan kunga hur diyor obod,
Siz bor uchun Vatan posboni...
Dilmurod Akbar she‘ri
Юртимиздаги барча соҳадаги Ватан посбонлари учун
Эркин нафас олиб яшаймиз,
Осуда, тинч бу юрт осмони.
Парвозидан мағрур қушдаймиз,
Сиз бор учун Ватан посбони.
Самога бўй чўзар бор ниҳол,
Япроқлари қанот баркамол,
Куртаклари келгуси жамол,
Сиз бор учун Ватан посбони.
Ўғиллари, қизлари қувноқ,
Барча миллат дўст, аҳил, иноқ,
Бу ўлкадан ғанимлар йироқ,
Сиз бор учун Ватан посбони.
Аждодларнинг пок руҳлари шод,
Бу юртнинг бор андуҳлари орт...
Кундан кунга ҳур диёр обод,
Сиз бор учун Ватан посбони.
Дилмурод Акбар шеъри
/channel/DilmurodAkbar
Худо ўзи қўлласа,
Ҳеч ким сендан ғолибмас.
Ҳар ишингни ўнгласа,
Олтин бўлар тутсанг хас...
Дил Мурод шеъри
Xudo oʻzi qoʻllasa,
Hech kim sendan gʻolibmas.
Har ishingni oʻnglasa,
Oltin boʻlar tutsang xas...
Dil Murod she'ri
/channel/DilmurodAkbar
O'zbekiston Respublikasi Chegara qo'shinlarining norasmiy madhiyasi
© Dilmurod Akbar she'ri
Ulug'bek Xamroyev musiqasi
Gulshan va Ulug'bek ijrosi
Kanalga ulanish:👇
➢ http://Telegram.me/islohotuz
ҲИКМАТ
Муаллиф: Дилмурод Акбар.
Ижрода: Музаффар Ҳафизович.
t.me/Muzaffar_Xafizovich1975
t.me/Muzaffar_Xafizovich
✨️🌙РАМАЗОН МУБОРАК АЗИЗ ДИНДОШИМ!
📝Дилмурод Акбар.
🎙Музаффар Ҳафизович.
🎥#Hayot
t.me/Muzaffar_Xafizovich1975
Қалблар покланади, нафс зийнатланиб,
Барча мўминлар дер; бу-қалб қуёшим.
Йил ичи ойларнинг афзали ,кўрки,
Рамазон муборак азиз диндошим!
Аллоҳ деб саждага бош эккан юрак,
Рўзадор эканинг иймондан дарак,
Жумла мўминларга энг эзгу тилак,
Рамазон муборак азиз диндошим!
Ёлғиз Аллоҳ учун бўлмиш ибодат,
Қалбда сабр, нафсда улғаяр тоқат,
Охиратда боқий бўлгуси роҳат,
Рамазон муборак азиз диндошим!
Тангрининг неъмати учун шукр бу,
Танингнинг сиҳати учун фикр бу,
Саҳарлик ҳам Ифтор буюк зикр бу,
Рамазон муборак азиз диндошим!
Роббим Аллоҳ, диним Ислом деганлар,
Расулим Муҳаммад алайҳиссалом деганлар,
Қуръон Яратгандан калом деганлар,
Рамазон муборак азиз диндошим!!!
© Дилмурод Акбар (Дил Мурод) шеъри
Qalblar poklanadi, nafs ziynatlanib,
Barcha moʻminlar der; bu-qalb quyoshim.
Yil ichi oylarning afzali ,koʻrki,
Ramazon muborak aziz dindoshim!
Alloh deb sajdaga bosh ekkan yurak,
Roʻzador ekaning iymondan darak,
Jumla moʻminlarga eng ezgu tilak,
Ramazon muborak aziz dindoshim!
Yolgʻiz Alloh uchun boʻlmish ibodat,
Qalbda sabr, nafsda ulgʻayar toqat,
Oxiratda boqiy boʻlgusi rohat,
Ramazon muborak aziz dindoshim!
Tangrining neʼmati uchun shukr bu,
Taningning sihati uchun fikr bu,
Saharlik ham Iftor buyuk zikr bu,
Ramazon muborak aziz dindoshim!
Robbim Alloh, dinim Islom deganlar,
Rasulim Muhammad alayhissalom deganlar,
Qurʼon Yaratgandan kalom deganlar,
Ramazon muborak aziz dindoshim!!!
© Dilmurod Akbar (Dil Murod) sheʼri
/channel/DilmurodAkbar
Менинг кўзгум
Рамазон саодат учун ғунчаки,
Элтади жаннатий эҳтиромгача.
Мен рўза тутдимми ёки шунчаки,
Овқат емадимми тонгдан шомгача...
Кўзимни тийдимми кўз зиносидан,
Қулоғимни ғийбат мубталосидан,
Ё маҳрум бўлганча қалб давосидан,
Овқат емадимми тонгдан шомгача...
Оёғим ҳақ йўлдан юрдими равон,
Кимларга қўл чўздим, кўмагим дебон,
Ифторлик вақтида қийналар виждон,
Овқат емадимми тонгдан шомгача...
Ягона Аллоҳнинг ризоси учун,
Барча нафсларимдан бўлдимми устун,
Ё рўза тутдим деб ўзимча мамнун,
Овқат емадимми тонгдан шомгача...
Дилмурод мукаммал тутмай рўзани,
Савоб умид қилмоқ бенаф, бемаъни,
Сен рўза тутдингми, ўйлачи қани,
Овқат емадингми тонгдан шомгача...
Расули Акрамга муносиб уммат,
Рамазон фарзини қилганча ҳурмат,
Барча аҳкомларни қилар беминнат,
Шомдан субҳгача, тонгдан шомгача...
Рамазон саодат гулин ғунчаси,
Элтгувчи жаннатий эҳтиромгача.
Мен рўза тутдимми ёки шунчаси,
Овқат емасликми тонгдан шомгача...
Дилмурод Акбар шеъри
Зокиржон Пўлатов ижроси
Дилмурод Акбар:
Мен ўз виждонида азобдаги жон,
Қават- қават менда айб-у, нуқсон,
Унинг пойдевори кичкина ёлғон,
Ана шундан улкан гуноҳ иморат...
Сўзсизман, унсизман қалбимда даҳшат...
Руҳим чўкиб кетган тубсиз зимистон,
Ранг йўқ унда фақат қаро ҳукмрон...
Фалакка боқаман, кўзимга осмон,
Менга термилма деб қилгандай нафрат...
Ўзсизман, дўстсизман қалбимда даҳшат...
Қаро чумолилар кирган ин юрак,
Пичоқ тиғи кесиб чиққан қин юрак,
Майда-майда бўлиб кетган чин юрак,
Бир онга бўлса ҳам истайди роҳат...
Мен ўша манзилни излайман фақат...
Дарахт шоҳидаги энг сўнги япроқ,
Узилса макони сув, олов, тупроқ...
Умидим шу баргга ўхшайди кўпроқ...
Бироқ, қидираман бир эзгу ният...
Зулматдан чиқарми дея ҳуррият...
Дилмурод Акбар шеъри
Men oʻz vijdonida azobdagi jon,
Qavat- qavat menda ayb-u, nuqson,
Uning poydevori kichkina yolgʻon,
Ana shundan ulkan gunoh imorat...
Soʻzsizman, unsizman qalbimda dahshat...
Ruhim choʻkib ketgan tubsiz zimiston,
Rang yoʻq unda faqat qaro hukmron...
Falakka boqaman, koʻzimga osmon,
Menga termilma deb qilganday nafrat...
Oʻzsizman, doʻstsizman qalbimda dahshat...
Qaro chumolilar kirgan in yurak,
Pichoq tigʻi kesib chiqqan qin yurak,
Mayda-mayda boʻlib ketgan chin yurak,
Bir onga boʻlsa ham istaydi rohat...
Men oʻsha manzilni izlayman faqat...
Daraxt shohidagi eng soʻngi yaproq,
Uzilsa makoni suv, olov, tuproq...
Umidim shu bargga oʻxshaydi koʻproq...
Biroq, qidiraman bir ezgu niyat...
Zulmatdan chiqarmi deya hurriyat...
Dilmurod Akbar sheʼri
/channel/DilmurodAkbar
Ҳаёт йўли мураккаб
Гоҳ равон гоҳ норавон.
Бу биз ўқиган мактаб,
Дақиқаси имтиҳон...
Дилмурод Акбар (Дил Мурод) шеъри
Hayot yoʻli murakkab
Goh ravon goh noravon.
Bu biz oʻqigan maktab,
Daqiqasi imtihon...
Dilmurod Akbar (Dil Murod) sheʼri
/channel/DilmurodAkbar
⚡️📝 Бугун – 9 февраль куни буюк бобокалонимиз шоир, мутафаккир, давлат арбоби Алишер Навоий таваллуд топган кун
Навоийнинг ҳақиқатда буюк шоирлигига шубҳа билан қараганлар унинг ижодига тегишли мазкур расмдаги👆 мисраларни чапдан ўнгга, хоҳласа тепадан пастга қарата ўқиб кўрсин...
Нафсимга ёқмайди жаннат йўллари,
Чорлар жилоланиб жаҳаннам йўли.
Кўнглимни кўтарар шайтон қўллари,
Кўзи хира иймон,қалтироқ қўли...
Тонг саҳар бомдодга эринар нафсим,
Ғафлат уйқусида ҳамроҳим шайтон...
Кўзларимни сира келмайди очгим,
Ҳалироқ дейди нафс...
Ҳалиси гумон...
Кейин пешин,аср,шом-у,хуфтонни,
Бир баҳона топиб сурамиз ортга...
Қийнагимиз келмас сира бу жонни,
Қийналиб қолиш-чун мангу ҳаётда...
Завқ-у,шавққа тўла дунё чалғитиб,
Омонат хотирдан бўлганда унут...
Биз севиб,хирс қўйган ёқадан тутиб,
Мағлуб-у,хор этиб,қилади нобуд...
Биздаги омонат- тоат,ибодат,
Умримиз йўлида топмаса ўрин...
Яшамоқ сўнгида бўлиб надомат,
Сўнгсизда тотмоқ бор азобнинг зўрин...
Бомдод ,пешин,аср, шом-у, хуфтонни,
Бир баҳона топиб қолдириб ортда...
Қийнагимиз келмай сира бу жонни,
Қийналиб яшаймиз мангу ҳаётда...
Менга савол берма,савол сеники,
Дилмурод Ҳаққ учун ўзингни пок эт...
Ана шундан кейин бўлиб меники,
Иймонга айлан ва мени идрок эт...
Дилмурод Акбар шеъри(Дил Мурод)
2023 йил 19 август
Nafsimga yoqmaydi jannat yoʻllari,
Chorlar jilolanib jahannam yoʻli.
Koʻnglimni koʻtarar shayton qoʻllari,
Koʻzi xira iymon,qaltiroq qoʻli...
Tong sahar bomdodga erinar nafsim,
Gʻaflat uyqusida hamrohim shayton...
Koʻzlarimni sira kelmaydi ochgim,
Haliroq deydi nafs...
Halisi gumon...
Keyin peshin,asr,shom-u,xuftonni,
Bir bahona topib suramiz ortga...
Qiynagimiz kelmas sira bu jonni,
Qiynalib qolish-chun mangu hayotda...
Zavq-u,shavqqa toʻla dunyo chalgʻitib,
Omonat xotirdan boʻlganda unut...
Biz sevib,xirs qoʻygan yoqadan tutib,
Magʻlub-u,xor etib,qiladi nobud...
Bizdagi omonat- toat,ibodat,
Umrimiz yoʻlida topmasa oʻrin...
Yashamoq soʻngida boʻlib nadomat,
Soʻngsizda totmoq bor azobning zoʻrin...
Bomdod ,peshin,asr, shom-u, xuftonni,
Bir bahona topib qoldirib ortda...
Qiynagimiz kelmay sira bu jonni,
Qiynalib yashaymiz mangu hayotda...
Menga savol berma,savol seniki,
Dilmurod Haqq uchun oʻzingni pok et...
Ana shundan keyin boʻlib meniki,
Iymonga aylan va meni idrok et...
Dilmurod Akbar( Dil Murod) sheʼri
2023 yil 19 avgust
/channel/DilmurodAkbar
Ғийбат
Ғийбат зинодан ёмондир,
Дедилар; Расули Акрам.
Амал қилган мусулмондир,
Тил-у, оғзингга бўл маҳкам...
Хато қилмоқ инсонга хос,
Истиғфорни вазифа тут.
Намозларга қилиб ихлос,
Бор беҳуда сўзни унут.
Ўз биродарин гўштини
Емоқ мисли экан ғийбат.
Ғийбатчи кимсанинг дини
Йўлида бўлур кароҳат.
Амалида бор савоб ҳам
Ғийбатланувчига туҳфа.
Ҳам гуноҳкор бўлур шу дам,
Бу ҳақиқат, қилма шубҳа...
Астағфируллоҳ дея қалбан,
Ғийбатлардан бўлиб йироқ.
Иймондан қуриб уй, маскан,
Сўзсиз-сукунат яхшироқ...
Алқиссаким, ўз динингни,
Ўзинг гўзал қилиб яша.
Ғийбатга ошно тилингни
Тишла ё суғуриб ташла...
📝 Дилмурод Акбар
🎤 Жамшид Султонов
/channel/DilmurodAkbar
Erkak
(Aslidan biroz oʻzgartirilgan varianti)
Farz, sunnat moʻminning kamon, yoyi-da,
Yoʻl yoʻq shaʼriatda boʻlakchasiga.
Ayolni qoldirib ayol joyida,
Erkak uylanadi erkakchasiga...
Kelinga mahrini berish oʻrniga,
Undan parda, mebel, soʻraysan nega?
Soliha ayolga boʻlish-chun ega,
Erkak uylanadi erkakchasiga...
Uylanding xotining ogʻridi bir kun,
Darrov sen uyiga qilasan surgun,
Yigitlar, yigitlar toʻxtang shu bugun,
Erkak uylanadi erkakchasiga...
Uylanish masʼuliyat, ibodat hatto...
Hozirgi uylanish aksariyat xato,
Maqsadi boʻlmasdan mol, bilan mato,
Erkak uylanadi erkakchasiga...
Ayollar orzuga, havasga boylar,
Behad orzularni shaytonlar poylar,
Ortiqcha hashamat yuzingiz loylar...
Oʻgʻlingiz uylasin erkakchasiga!!!
Kelinning otasi qarz boʻlsa ham,
Qiziga sep yigʻar boʻlmasin deb kam,
Baʼzi kuyovlar bor beyuz,muttaham,
Erkak boʻl,uylangin erkakchasiga...
Yigitlar,uygʻotib vijdoningizni,
Saqlang oringizni iymoningizni,
Naf bilib oxirat tomoningizni,
Uylaning erkaksiz,erkakchasiga...
Yetar,bas,siz ersiz,shaʼningiz buyuk,
Erkaklar tillodan taqmaydi uzuk,
Ayol ayol boʻlib yashasa tuzuk,
Erkak erkak boʻlib erkakchasiga.
Toʻylar musobaqa,kim oʻzariga,
Kimlar der ayollar sabab bariga,
Erkak masʼuliyatdan qochgach nariga,
Ayollar "er" boʻlar boʻlakchasiga...
Shuncha gapdan keyin oʻzgarmasa toʻy,
Ey,Odam,bunday sheʼr yozishingni qoʻy,
Er yigit qoʻy boqib,pichogʻingda soʻy...
Erkaklar yashaydi erkakchasiga...
Dilmurod Akbar (Dil Murod) sheʼri
/channel/DilmurodAkbar
Эркак
(Аслидан бироз ўзгартирилган варианти)
Фарз, суннат мўминнинг камон, ёйи-да,
Йўл йўқ шаъриатда бўлакчасига.
Аёлни қолдириб аёл жойида,
Эркак уйланади эркакчасига...
Келинга маҳрини бериш ўрнига,
Ундан парда, мебель, сўрайсан нега?
Солиҳа аёлга бўлиш-чун эга,
Эркак уйланади эркакчасига...
Уйландинг хотининг оғриди бир кун,
Дарров сен уйига қиласан сургун,
Йигитлар, йигитлар тўхтанг шу бугун,
Эркак уйланади эркакчасига...
Уйланиш масъулият, ибодат ҳатто...
Ҳозирги уйланиш аксарият хато,
Мақсади бўлмасдан мол, билан мато,
Эркак уйланади эркакчасига...
Аёллар орзуга, ҳавасга бойлар,
Беҳад орзуларни шайтонлар пойлар,
Ортиқча ҳашамат юзингиз лойлар...
Ўғлингиз уйласин эркакчасига!!!
Келиннинг отаси қарз бўлса ҳам,
Қизига сеп йиғар бўлмасин деб кам,
Баъзи куёвлар бор беюз,муттаҳам,
Эркак бўл,уйлангин эркакчасига...
Йигитлар,уйғотиб виждонингизни,
Сақланг орингизни иймонингизни,
Наф билиб охират томонингизни,
Уйланинг эркаксиз,эркакчасига...
Етар,бас,сиз эрсиз,шаънингиз буюк,
Эркаклар тиллодан тақмайди узук,
Аёл аёл бўлиб яшаса тузук,
Эркак эркак бўлиб эркакчасига.
Тўйлар мусобақа,ким ўзарига,
Кимлар дер аёллар сабаб барига,
Эркак масъулиятдан қочгач нарига,
Аёллар "эр" бўлар бўлакчасига...
Шунча гапдан кейин ўзгармаса тўй,
Эй,Одам,бундай шеър ёзишингни қўй,
Эр йигит қўй боқиб,пичоғингда сўй...
Эркаклар яшайди эркакчасига...
Дилмурод Акбар (Дил Мурод) шеъри
/channel/DilmurodAkbar
Ўзгалар ҳаққини ўзлаштирасиз,
Нафсни шайтон билан дўстлаштирасиз,
Ёлғонни рост қилиб, юзлаштирасиз,
Худодан қўрқинг эй, одамлар.
Ҳалолми, харомми фарқи йўқ,
Қоринга жойлайсиз бўлар тўқ,
Виждонни ўлдирган қандай ўқ,
Худодан қўрқинг эй, одамлар.
Чўнтакка пул солиб олар йўл,
Порахўр қўйнига солиб қўл,
Шу икки тоифа жуда мўл,
Худодан қўрқинг эй, одамлар.
Ўзимиз жаннатдан қувилган,
Ер бизга омонат бир Ватан,
Дунёси қолади ҳаммадан,
Худодан қўрқинг эй, одамлар.
Оқни оқ, қорани қора деб,
Хатодан юрагим пора деб,
Кечиргин Аллоҳу таоло деб,
Худодан қўрқинг эй, одамлар.
Ружуда олтин-у, маъданга,
Хиёнат қилманг бу Ватанга,
Ажр бор юртини севганга,
Худодан қўрқинг эй, одамлар.
Дилмурод Акбар шеъри
/channel/DilmurodAkbar
Бандасан таслим бўл,эмган сутинг хом,
Дунёда бир бутун саодат йўқдир...
Эй,инсон чиранма қидириб ором,
Намозингдан ўзга ҳаловат йўқдир...
Юракни ғам босса ,эртани ўйлаб,
Ўртанма беҳуда гапларни сўйлаб
Зикр ва дуога ўргатиб қўй лаб...
Намозингдан ўзга ҳаловат йўқдир...
Ўтмишга бир қара,ким бўлди устун,
Хатто подшоҳларнинг бахти йўқ бутун...
Хозир бўл,абадий охират учун,
Намозингдан ўзга ҳаловат йўқдир...
Такбир ҳаром қилгач дунё молини,
Ошиқ бўл кўрмоққа Ҳаққ жамолини,
Ибодат яшнатар дил камолини,
Намозингдан ўзга ҳаловат йўқдир...
Беҳуда хаёллар қуршовидан чиқ,
Гуноҳга тавба қил,савобингни йиғ,
Маҳшарда қисматинг бўлмасин аччиқ,
Намозингдан ўзга ҳаловат йўқдир...
Банданинг аслида бурч,вазифаси,
Намоз ўқиб яшаш билсанг акаси...
Умрнинг шу билан бор баракаси...
Намозингдан ўзга ҳаловат йўқдир
Шайтон Одам учун ғайирли бўлган,
Беш вақт намоз Ҳаққдан тайинли бўлган,
Икки дунёнг учун хайрли бўлган,
Намозингдан ўзга ҳаловат йўқдир...
Дилмурод Акбар шеъри
2023 йил 12 июль
Bandasan taslim boʻl,emgan suting xom,
Dunyoda bir butun saodat yoʻqdir...
Ey,inson chiranma qidirib orom,
Namozingdan oʻzga halovat yoʻqdir...
Yurakni gʻam bossa ,ertani oʻylab,
Oʻrtanma behuda gaplarni soʻylab
Zikr va duoga oʻrgatib qoʻy lab...
Namozingdan oʻzga halovat yoʻqdir...
Oʻtmishga bir qara,kim boʻldi ustun,
Xatto podshohlarning baxti yoʻq butun...
Xozir boʻl,abadiy oxirat uchun,
Namozingdan oʻzga halovat yoʻqdir...
Takbir harom qilgach dunyo molini,
Oshiq boʻl koʻrmoqqa Haqq jamolini,
Ibodat yashnatar dil kamolini,
Namozingdan oʻzga halovat yoʻqdir...
Behuda xayollar qurshovidan chiq,
Gunohga tavba qil,savobingni yigʻ,
Mahsharda qismating boʻlmasin achchiq,
Namozingdan oʻzga halovat yoʻqdir...
Bandaning aslida burch,vazifasi,
Namoz oʻqib yashash bilsang akasi...
Umrning shu bilan bor barakasi...
Namozingdan oʻzga halovat yoʻqdir
Shayton Odam uchun gʻayirli boʻlgan,
Besh vaqt namoz Haqqdan tayinli boʻlgan,
Ikki dunyong uchun xayrli boʻlgan,
Namozingdan oʻzga halovat yoʻqdir...
Dilmurod Akbar sheʼri
2023 yil 12 iyul
Иймон асос бўлган гўзал ҳаёт бор,
Ҳар икки дунёнинг кўрки,залвори...
Ғаними шайтонда эса лаънат бор,
Одамларнинг қалби унинг шикори...
Ким қандай яшайди,ихтиёрида,
Хоҳласин Исломда,хоҳласин зидда...
Ўлжага айланса ёв шикорида,
Сўнги жаҳаннамга йўлдир тобутда...
Дил Мурод шеъри
Iymon asos boʻlgan goʻzal hayot bor,
Har ikki dunyoning koʻrki,zalvori...
Gʻanimi shaytonda esa laʼnat bor,
Odamlarning qalbi uning shikori...
Kim qanday yashaydi,ixtiyorida,
Xohlasin Islomda,xohlasin zidda...
Oʻljaga aylansa yov shikorida,
Soʻngi jahannamga yoʻldir tobutda...
Dil Murod she'ri
/channel/DilmurodAkbar
O'zbekiston Respublikasi Chegara qo'shinlarining norasmiy madhiyasi
✅ CHEGARA QO'SHINLARI ✅
Vatan ostonasida,
Kunduzlari, tunlari...
Yurt bo'lsin deb osuda
Chegara qo'shinlari
Sheryurak-lochinlari.
Baquvvat bilaklari,
Ezgulik tilaklari,
Vatanning keraklari,
Chegara qo'shinlari,
Sheryurak-lochinlari.
Chegaramiz qo'shinlari,
Sheryurak-lochinlari.
Vatanni keraklari
Chegara qo'shinlari.
Yerda, suvda, samoda,
O'z axdida vafoda,
Xizmatlari ifoda,
Chegara qo'shinlari.
Sheryurak -lochinlari.
Sarhadlardagi posbon,
Yengilmagan pahlavon,
Vatanim degan inson,
Chegara qo'shinlari,
Sheryurak -lochinlari.
Bobosi Amir Temur,
Manguberdi, Shoh Bobur,
Alpomishdek mard, jasur,
Chegara qo'shinlari,
Sheryurak-lochinlari.
Dovrug' yozib jahonga,
Erishgan sharaf,shonga,
Faxr O'zbekistonga,
Chegara qo'shinlari,
Sheryurak-lochinlari.
Dilmurod Akbar she'ri
Ulug'bek Xamroyev musiqasi
Gulshan va Ulug'bek ijrosi
Kanalga ulanish:👇
https://t.me/joinchat/AAAAAENs9jVLhqZ3SuMkdg
Қанча кўп топсанг ҳам мол билан мулкни,
Йўқотмасдан яша одоб-у, ҳулқни.
Ўйла, мозийга боқ, ер емай қўймас,
Яшаш учун келган бирор маҳлуқни...
Дил Мурод
Манзил тупроққача,
Ҳаракат бор чоҳгача.
Вақтинг етса,баҳтинг шу,
Ош тўла товоққача...
Тақдирдан қилма зарда,
У сенга берса зарба,
Дунё қуруқ арава,
Бошидан оёққача...
Ўйласанг кўп муаммо,
Бари ҳал бўлмас аммо,
Ғам чекмасдан аввало,
Бор уни ечмоққача...
Қўтонга қилса ҳужум,
Қашқирлар судраб дум,
Қочади тумтарақум,
Қўй,қўзи,улоққача...
Хафа бўлма дунёдан,
Қолади у ҳаммадан,
Асли ер ости Ватан,
Гадосидан шоҳгача...
Дилмурод Акбар (Дил Мурод) шеъри
Manzil tuproqqacha,
Harakat bor chohgacha.
Vaqting yetsa,bahting shu,
Osh toʻla tovoqqacha...
Taqdirdan qilma zarda,
U senga bersa zarba,
Dunyo quruq arava,
Boshidan oyoqqacha...
Oʻylasang koʻp muammo,
Bari hal boʻlmas ammo,
Gʻam chekmasdan avvalo,
Bor uni yechmoqqacha...
Qoʻtonga qilsa hujum,
Qashqirlar sudrab dum,
Qochadi tumtaraqum,
Qoʻy,qoʻzi,uloqqacha...
Xafa boʻlma dunyodan,
Qoladi u hammadan,
Asli yer osti Vatan,
Gadosidan shohgacha...
Dilmurod Akbar (Dil Murod) sheʼri
/channel/DilmurodAkbar