ЧИНОЗ ЁШЛАРИ | РАСМИЙ КАНАЛ

14 февраля 2025 11:29

Юртимизда креатив иқтисодиёт жадал ривожланмоқда. Соҳада фаолият кўрсаётганларнинг 98 фоизи ёшлар.

Ўтган йили креатив иқтисодиётни ривожлантириш бўйича алоҳида қонун қабул қилиниб, ҳуқуқий асослари белгиланди.

Тошкент шаҳридаги “Ёшлар ижод саройи”да намунавий “Креатив парк” ташкил қилинди.

Энди, креатив индустрия парклари ҳудудларда ҳам барпо этилади. Улар зарур ресурс ва инфратузилма билан таъминланади.

Креатив индустрия парки резидентларига 2030 йил якунигача имтиёзли солиқ режими жорий этилади. Бунда ижтимоий ва даромад солиқ ставкалари 50 фоизга камайтирилади, резидентлар товарларни реализация қилиш ҳажмидан қатъи назар айланмадан олинадиган солиқ тўловчилар бўлади.

Парклар негизида креатив соҳа вакилларини ўқитадиган бизнес мактаблари ташкил қилинади. Ушбу мактабларда ёшлар янги ва замонавий бизнес юритиш ҳамда электрон тижорат каби хизмат кўрсатишнинг инновацион усулларини ўрганади.

Facebook|Instagram|X

ЧИНОЗ ЁШЛАРИ | РАСМИЙ КАНАЛ

14 февраля 2025 10:56

2025 йилда Ўзбекистонда ёшлар ишсизлигига барҳам бериш ишлари янги босқичга кўтарилиши таъкидланди.

Раҳбарлар ёшлар ишсизлигининг салбий оқибатларидан, ўз вақтида банд бўлмаган ёшлар билиб-билмай номақбул ишларга қўл уриши, диний радикализм таъсирига тушиб қолиши, жиноят кўчасига кириши мумкинлигидан огоҳлантирилди.

Юнусобод, Асака, Шароф Рашидов, Чироқчи, Пастдарғом туманлари, Олмалиқ ва Бухоро шаҳарларида бу борадаги ишлар қониқарсизлиги кўрсатиб ўтилди.

Ёшларни касб ва тилга ўқитиб, юқори даромадли ишларга жойлаштириш мақсадида бу йил бандлик бўйича катта дастур қабул қилинди. Бунинг учун жами 126 триллион сўм йўналтирилмоқда.

Унга кўра, маҳаллаларда 378 мингта микролойиҳа амалга оширилади, маҳалла банкирлари янги кредит маҳсулотлари ҳисобига 250 минг нафар одамни даромадли қилади.

Facebook|Instagram|X

ЧИНОЗ ЁШЛАРИ | РАСМИЙ КАНАЛ

14 февраля 2025 10:56

Президент бугун ёшлар тадбиркорлигида мутлақо янги даврни бошлаб берадиган 3 та катта ҳужжатга имзо чекканини эълон қилди.

Биринчи ҳужжатга мувофиқ, Ёшлар агентлиги ҳузурида Ёшлар тадбиркорлигини ривожлантириш жамғармаси ташкил этилиб, унга 100 миллион доллар маблағ ажратилди.

Энди тадбиркор ёшларга 2,5 миллиард сўмгача имтиёзли кредитлар берилади, ташаббускор ёшларнинг стартап лойиҳаларига 2 миллиард сўмгача инвестиция киритилади.

Бугунги кунда олийгоҳларни тугатаётган 90 минг ёшлар мутахассислиги бўйича иш топишда қийналмоқда.

Шу боис, иккинчи қарор билан олийгоҳ битирувчилари бандлигини таъминлаш бўйича янги тизим яратилмоқда. Бунинг учун Миллий банкка 100 миллион доллар ресурс берилади.

Банк Олий таълим вазирлиги ва Савдо-саноат палатаси билан биргаликда олийгоҳ битирувчиларининг ташаббус ва ғояларини лойиҳага айлантириш бўйича янги банк хизматлари пакетларини жорий этади.

Шунингдек, битирувчиларни иш билан таъминлаш бўйича ҳокимлар, банк ва корхона раҳбарларидан иборат комиссия тузилади. Комиссия иш ўринларини яратиш, кадрларга эҳтиёж, бўш ўринларга ёшларни жойлаштириш масалаларини ҳал этади.

Facebook|Instagram|X

ЧИНОЗ ЁШЛАРИ | РАСМИЙ КАНАЛ

14 февраля 2025 10:56

Илгари олий таълимда 1 та ўрин учун камида 10 нафар йигит-қиз кураш олиб борар эди. Қисқа даврда олийгоҳлар сони 3 баробар оширилди. Тизимда қамров 42 фоизга етди.

Хотин-қизларга контракти давлат томонидан қоплаб берилаётгани ҳисобига талаба қизлар сони 11 карра кўпайди.

“Мен бир ҳаётий фикрни такрорлашдан чарчамайман: битта қизни ўқитсак, бутун оилани ўқитган бўламиз. Оила билимли, маърифатли бўлса, бутун жамият билимли, маърифатли бўлади. Бу борадаги ишларни янада жадал давом эттирамиз”,

ЧИНОЗ ЁШЛАРИ | РАСМИЙ КАНАЛ

14 февраля 2025 10:56

Ёшларимиз турли соҳалардаги ютуқлари билан тенгдошларига ўрнак бўлаётгани таъкидланди.

Ҳозирги вақтда дунёдаги "топ" олийгоҳларда 1,5 мингдан зиёд талабаларимиз таҳсил олмоқда. Бу Ўзбекистон учун тарихда кузатилмаган воқелик.

Яқинда Бирлашган Араб Амирликларида ўтган катта форумда Тошкент шаҳридаги Президент мактаби глобал даражада энг нуфузли номинацияда ғолиб деб топилди.

“Бунинг бош омили нимада, деб сўрасангиз, мен аввало ёшларга муносабат давлат миқёсида бутунлай ўзгарганида, деб жавоб берган бўлардим. Ўғил-қизларимиз ёшлар масаласи давлат сиёсатининг устувор йўналишига айланганини сезиб, ўзларига беқиёс куч олмоқда”,

“Энди барча тизимдаги раҳбарлар ёшларнинг баралла овозини эшитишга мажбур. Ёшлар буюк келажагимизнинг асосий бўғини эканлигини тушунмаган раҳбар бизнинг сафимизда бўлишга ҳаққи йўқ”,

ЧИНОЗ ЁШЛАРИ | РАСМИЙ КАНАЛ

14 февраля 2025 08:22

Zahiriddin Muhammad Bobur tavalludining 542 yilligi

🖋Bugun buyuk siymo, shoir, sarkarda va davlat arbobi Zahiriddin Muhammad Bobur tavallud topgan kun. U o‘zidan nafaqat qudratli saltanat, balki bebaho adabiy, ilmiy va tarixiy meros qoldirgan buyuk zotdir.

“Boburnoma” — bu shunchaki xotiralar yoki tarixiy asar emas. Bu hayot maktabi, tajriba, saboq va ibrat manbai. Bobur o‘z hayoti, yurishlari va boshqaruv tajribasi haqida shunchalik aniqlik bilan yozganki, uning asarlari bugun ham yoshlarimizga saboq bo‘lib xizmat qilmoqda.

Biz ajdodlarimiz qoldirgan merosni o‘rganish, qadrlash va undan saboq olish orqali o‘z kelajagimizni barpo etamiz. Boburdek buyuk zotlarning hayoti bizga shuni o‘rgatadi.

#Bobur542 #AjdodlarMerosi

Bizning sahifamiz: @Chinoz_yoshlar

ЧИНОЗ ЁШЛАРИ | РАСМИЙ КАНАЛ

10 февраля 2025 17:35

#Kun_tartibi

Chinoz tumani markazi katta o‘zgarishlar arafasida

Bugun Toshkent viloyati hokimi Zoyir Mirzayev Chinoz tumanida bo‘lib, hududni ijtimoiy-iqtisodiy rivojlantirish, xususan, infratuzilmani yaxshilash borasida aholining haqli e’tirozlariga sabab bo‘layotgan holatlarni tegishli mutasaddilar ishtirokida muhokama qildi.

Bu yerda yillar davomida e’tibordan chetda qolib ketgan muammolar to‘planib qolgan. Jumladan, o‘sib borayotgan mashinalar qatnovi hisobga olingan holda ko‘chalar kengaytirilmagan, yo‘l yoqalariga o‘zboshimchalik bilan qurib olingan savdo nuqtalari transportlar oqimiga xalal beryapti, markaz piyodalar uchun xatarli holatga kelib qolgan, xiyobon ham alohida obodonlashtirishga muhtoj.

Zoyir Mirzayev Chinoz markazini piyoda aylanib, bu hududlar qiyofasini tubdan o‘zgartirish, insonlar xotirjam yurishi, dam olishi, sayrga chiqishi, bozor-o‘char qilishi uchun qulay maskanga aylantirish bo‘yicha mutasaddilarga topshiriq berdi.

✅ Telegram 🌐Website 📹YouTube 📸 Instagram✅Facebook 🕊Twitter

ЧИНОЗ ЁШЛАРИ | РАСМИЙ КАНАЛ

08 февраля 2025 16:17

#Toshkent_viloyati
#Chinoz_tumani
#5tashabbusga
#TAYYOR

📣 AZIZ YOSHLAR!!!

🔰Habaringiz bor mahalla yoshlari o‘rtasida Besh tashabbus olimpiadasining oʻtgan mavsumlarida ishtirok etib respublika bosqichida gʻoliblikni qoʻlga kiritgan Obihayot, Birlik, Nafis, Chorvador, Sаrbozor, A. Navoiy, Rasulobod kabi mahallalari uchun 11 ta universal va stritvorkaut sport maydonchalari qo'lga kiritildi!

📌Joriy yilning mart - dekabr oylarida boʻlib o'tadigan navbatdagi mavsumda mahalla yoshlari, maktab, professional va oliy ta'lim o'quvchi-talabalari o'rtasida sport musobaqalari bo'lib o'tadi!

🏀Mazkur mavsumni yuqori saviyada o'tkazish maqsadida Sport vazirligi tomonidan berilgan sport inventarlari mahalla yoshlar yetakchilariga tarqatildi.

🖐5tashabbus.uz sayti orqali ro‘yxatdan o‘ting va safimizda bo‘ling!

🥅Besh tashabbus olimpiadasida ishtirok etib mahallangizga sport maydonchasini yutib oling!

@Chinoz_yoshlar

ЧИНОЗ ЁШЛАРИ | РАСМИЙ КАНАЛ

07 февраля 2025 20:38

👍"Ibrat Academy"dan ajoyib yangilik!

⚡️ An'anaviy darslardan zerikkan, xorijiy tillarni kreativ o'rganishni istaydigan barcha uchun "Ibrat Academy" ilovasida "Super Start" xizmati faollashdi. Ushbu darslar orqali sun'iy intellekt yordamida ingliz tilini oson va qulay o'rganish imkoni yaratildi.

✏️ Hoziroq ilovani yuklab oling va xizmatni faollashtiring! Xorijiy tillarni yanada zamonaviyroq tarzda o'rganishni boshlang!

Yuklab olish
Google play | App store

👉@Chinoz_yoshlar

ЧИНОЗ ЁШЛАРИ | РАСМИЙ КАНАЛ

07 февраля 2025 13:53

ÖZBEKİSTAN’DA İŞSİZLİKLE MÜCADELE

🇹🇷 Özbekistan’da işsiz kadınların istihdamı için yerel yönetimler tarafından teşvik projeleri hayata geçiriliyor...

🇺🇿 O'zbekistonda ishsiz ayollarni ish bilan ta'minlash uchun mahalliy hokimiyat organlari tomonidan rag'batlantiruvchi loyihalar amalga oshirilmoqda...

ЧИНОЗ ЁШЛАРИ | РАСМИЙ КАНАЛ

07 февраля 2025 09:54

Сўнгги саккиз йилда 125 та янги олий таълим муассасаси ташкил этилди. Шундан 23 таси хорижий университет филиаллари.

Лекин, ўтган йили олий таълимда экспорт атиги 26 миллион долларни ташкил қилгани имкониятларга мутлақо мос эмаслиги кўрсатиб ўтилди.

Олий таълим вазирлигига “Топ-1000”таликка кирган 2 та олийгоҳ билан чекланиб қолмасдан, яқин йилларда уларни 10 тага етказиш чораларини кўриш топширилди.

Ўтган йили 15 та маданият маркази хусусий секторга берилди. Тадбиркорлар 86 миллиард cўм инвестиция киритиб, 1,5 мингдан зиёд маданий тадбир ташкил қилди.

Вазирлик тизимидаги яна 120 та маданият ва санъат маркази бўш турибди. Шу муносабат билан маданият вазирига марказларни илғор хорижий тажриба асосида хусусий секторга беришни ташкиллаштириш топширилди.

Йиғилишда ҳудуд раҳбарлари ва вазирларнинг ҳисоботи тингланди, тадбиркорларнинг намунали тажрибаси кўриб чиқилди.

Telegram | Facebook | Instagram | Youtube | Медиабанк

ЧИНОЗ ЁШЛАРИ | РАСМИЙ КАНАЛ

07 февраля 2025 09:54

Йиғилишда Тошкент шаҳридан Янгийўл, Чиноз ва Сирдарё туманларига қатнайдиган замонавий электропоезд ҳаракатини йўлга қўйиш ишларини жадаллаштириш зарурлиги қайд этилди.

Ҳозирда темир йўл хизматлари экспортининг 50 фоизи транзит юк ташишга тўғри келмоқда.

Бу борада 2030 йилга бориб, транзит юк ҳажмини 22 миллион тоннага етказиш режа қилинган.

Шу боис мутасаддиларга 72 та замонавий йўл бўйи сервис объектларини қуриш учун автомобиль йўллари ёқасидаги бўш ерларни тадбиркорларга бериб, ишга тушириш топширилди.

Йирик мультимодал логистика марказлари сонини 2 карра кўпайтириш бўйича уч йиллик дастур қабул қилиб, ишларни бошлаш вазифаси қўйилди.


Telegram | Facebook | Instagram | Youtube | Медиабанк

ЧИНОЗ ЁШЛАРИ | РАСМИЙ КАНАЛ

07 февраля 2025 09:54

Масофавий хизматлар экспортини янги босқичга олиб чиқиш вақти келгани таъкидланди.

Фақат техник хизмат кўрсатиш билан чекланмай, бухгалтерия, консалтинг, суғурта, юридик ва бошқа профессионал хизматлар экспортини йўлга қўйиш кераклиги қайд этилди.

Мутасаддиларга хорижий давлатларнинг хизматлар импортини ва талабларини таҳлил қилиб, ўқув дастурларини шунга мослаш ва тегишли мутахассисларни тайёрлаш топширилди.

Бу йил креатив иқтисодиётдаги стартап лойиҳалар учун 50 миллион доллар ажратилди.

Мисол учун, “Amazon”да ишлаб, Нукусга қайтиб келган Бекназар Абдукамолов стартап лойиҳасига “Facebook”дан 3 миллион доллар жалб қилгани учун бугунги кунда активлари 15 миллион долларга баҳоланмоқда.

Ҳозирда дунёнинг йирик IT компанияларида ишлаётган бундай юзлаб ёшларимиз бор. Рақамли технологиялар вазирлигига энг аввало шундай ёшлар билан биргаликда стартап лойиҳаларини амалга ошириш лозимлиги кўрсатиб ўтилди.

Умуман, 2025 йилда IT хизматлари ҳажмини 30 фоизга ўстириб, 80 триллион сўмдан, экспортини 1 миллиард доллардан ошириш зарурлиги таъкидланди.

Telegram | Facebook | Instagram | Youtube | Медиабанк

ЧИНОЗ ЁШЛАРИ | РАСМИЙ КАНАЛ

07 февраля 2025 09:54

Сўнгги йилларда тунги иқтисодиётни ривожлантиришга катта эътибор қаратилмоқда.

Олмазор туманидаги 17 та кўчадан ўтган 7,3 километр узунликдаги йўлни гастрономик кўчага айлантириш лойиҳаси маъқулланди. Ушбу кўчада 250 та савдо ва сервис объектлари ташкил қилиниб, камида 1,5 минг иш ўрни яратилади.

Пойтахтдаги яна 26 та кўчани туну-кун ишлайдиган гавжум кўчага айлантириш, 24 соат ишлайдиган савдо нуқталарини 1 мингтага кўпайтириш мумкинлиги кўрсатиб ўтилди.

Туристлар билдирган фикрларни инобатга олиб, туризм ва сервис жойларини кечқурун ҳам ишлайдиган қилиш кераклиги таъкидланди.

Telegram | Facebook | Instagram | Youtube | Медиабанк

ЧИНОЗ ЁШЛАРИ | РАСМИЙ КАНАЛ

07 февраля 2025 09:54

Сервисни ривожлантириш бўйича вазир ва ҳокимларда ёндашув ҳар хиллиги, биргаликда ишлаш йўлга қўйилмагани кўрсатиб ўтилди.

Масалан, Хоразмга 6 миллион маҳаллий ва хорижий сайёҳ олиб келиш режа қилинган бўлсада, Хоразмга ҳафтасига 52 та авиарейс ва 23 та поезд қатновида ташилаётган йўловчилар йилига 800 мингдан ошмаяпти. Бухоро ва Самарқандга келган туристларнинг кўпчилиги Хивага авиарейс бўлмагани учун қайтиб кетаяпти.

Яна бир мисол, етти йилда хусусий клиникалар сони 3 карра ошди. Кўп клиникалар олиб келинган бренд тиббий ускуналарни рўйхатдан ўтказиш 6 ойгача чўзилаётганидан норози бўлиб, четдан келадиган ускуналарни соддалашган тартибда рўйхатдан ўтказиш таклифини беряпти.

Жойларда тиббий лаборатория очиш учун тадбиркорлар аккредитациядан ўтишга ойлаб вақт сарфлаяпти. Тўсиқлар жуда кўп. Дастлабки ҳисоб-китобларга кўра, ҳар бир вилоятда 10 нафардан шундай тадбиркорлар бор. Улар 1 миллион доллардан пул тикиб, лаборатория очишга тайёр.

Telegram | Facebook | Instagram | Youtube | Медиабанк

ЧИНОЗ ЁШЛАРИ | РАСМИЙ КАНАЛ

14 февраля 2025 11:04

Сервис соҳасида ҳам ёшлар учун имкониятлар кенгайтирилади.

Тадбиркорлар ёш ходимларни ишга олиб, камида 3 миллион сўм ойлик тўласа, ижтимоий солиқ 1 фоиз бўлади.

Бу имтиёз 3 йил амал қилади. Бу орқали тадбиркор ҳам манфаат кўради, ёшлар расмий ишлаб, даромади ошади.

Умуман, “Ёшлар дафтари” тизимини ҳам янгилаш, трансформация қилиш вақти келгани таъкидланди.

Мутасаддиларга ёшларга кўрсатилаётган барча турдаги ижтимоий пакетларни тўлиқ хатловдан ўтказиб, уларни мақбуллаштириш ва натижадорлигини ошириш бўйича таклиф киритиш топширилди.

Facebook|Instagram|X

ЧИНОЗ ЁШЛАРИ | РАСМИЙ КАНАЛ

14 февраля 2025 10:56

Президент имзолаган учинчи ҳужжатга кўра, Алоқабанк ёшларнинг бизнес лойиҳаларини қўллаб-қувватловчи таянч “ёшлар банки”га айлантирилиб, бунга 200 миллион доллар ажратилди.

Банк ўзини ўзи банд қилган ёшлар лойиҳалари учун 100 миллион сўмгача 7 йил муддатга имтиёзли микроқарз ажратади.

Шунингдек, якка тартибдаги тадбиркор бўлган, камида 20 нафар ёшни ишга олиб, кичик корхона очган ва ўқув маркази ташкил қилган ёш тадбиркорларга 7 йил муддатга 5 миллиард сўмгача имтиёзли кредит берилади.

Банк кредитларининг камида 30 фоизи хотин-қизлар тадбиркорлиги учун йўналтирилади.

Ҳудудларда “ёшлар бизнес инкубатори” ташкил қилиниб, ёшлар ғоялари стартапга айлантирилади, 6 ойдан 3 йилгача қўллаб-қувватланади, тайёр бизнес, корхона даражасига олиб чиқилади.

“Алоқа венчур” жамғармаси орқали стартапларга 50 мингдан 1 миллион долларгача сармоя киритилиб, маҳсулот ва хизматларни ички ва халқаро бозорларда сотиш, бизнес ҳамкор топиш, қўшимча инвестициялар жалб қилишга кўмаклашилади.

Facebook|Instagram|X

ЧИНОЗ ЁШЛАРИ | РАСМИЙ КАНАЛ

14 февраля 2025 10:56

Илмий даражали ёш олимларимиз сони 2 карра ошиб, 4 минг 357 нафарга етди. Айниқса, фарзандларимиз орасида чет тилларни ўрганишга қизиқиш кескин кучайди.

Ана шу имкониятлардан фойдаланиб, яқинда билимдон ва интилувчан Парвиз Туксанов SAT имтиҳонидан энг юқори – 1 минг 600 балл тўплади. Президентимиз уни ушбу натижа билан қизғин табриклаб, ота-онаси ва ўқитувчиларига миннатдорлик билдирди.

Яна бир ибратли мисол – “Китобсевар миллат” ғояси асосида ёшларда мутолаа маданиятини шакллантириш умуммиллий ҳаракатга айланди. Анъанавий тарзда ўтказилаётган “Ёш китобхон” танловидаги иштирокчилар сони 6 карра ошиб, 3 миллион нафарга етди.

Бир гуруҳ фаол ёшлар томонидан яратилган “Мутолаа” лойиҳаси орқали 1 миллиондан ортиқ ёшлар китобхонлар қаторига кирди.

Ҳозирги тезкор ахборот алмашинуви даврида ёш авлод, айниқса, болажонларимиз учун миллий контентларни яратиш долзарб вазифадир. Бундай контентни боғча ва мактабдаги таълим жараёнларида намойиш этиш орқали янада оммалаштириш зарурлиги таъкидланди.

Facebook|Instagram|X

ЧИНОЗ ЁШЛАРИ | РАСМИЙ КАНАЛ

14 февраля 2025 10:56

Ҳар йили меҳнат бозорига 600 мингдан ортиқ ёшлар кириб келмоқда. 2030 йилга бориб бу кўрсаткич 1 миллион нафарга етади.

Бу давлат ва жамият зиммасига катта масъулият юклаши таъкидланди.

Бу борада ёшларни қўллаб-қувватлаш тизими яратилди. Биргина “Ёшлар дафтари” орқали ўтган йили 180 минг нафар ёшларга 345 миллиард сўмлик ёрдам кўрсатилди.

Ўтган 8 йилда ёш тадбиркорлар сони 3 карра кўпайиб, бугун бизнес вакилларининг салкам 40 фоизини ёшлар ташкил этмоқда.

Ишсиз ёшлар 2 карра камайди. Ишсизликдан холи маҳаллалар сони 1 минг 889 тага етди.

Шу билан бирга, Шўрчи, Бувайда, Фурқат, Касби, Фориш туманларида ишсиз ёшлар кўплиги у ердаги раҳбарларнинг масъулиятсизлигидан далолатлиги кўрсатиб ўтилди.

Facebook|Instagram|X

ЧИНОЗ ЁШЛАРИ | РАСМИЙ КАНАЛ

14 февраля 2025 10:56

Президент Шавкат Мирзиёев ёшлар билан мулоқот қилмоқда.

Давлатимиз раҳбари сўзининг аввалида азму шижоатли, навқирон ёшлар билан учрашиб турганидан мамнунлигини билдириб, уларнинг тимсолида Янги Ўзбекистоннинг бугунги ва эртанги бунёдкорларини кўраётганини таъкидлади.

“Буюк шоиримиз Эркин Воҳидов айтганидек, ёшлик – бу қалбнинг олтин сози. Бунга қўшимча қилиб, ёшлар – халқимизнинг, Ватанимизнинг олтин фонди, десак тўғри бўлади.

Аҳолимизнинг 60 фоизини айнан ёшлар ташкил этиши ҳам бу фикрни тасдиқлайди.

Бугунги кунда биз мард ва матонатли халқимизга, серғайрат ёшларимизга ишонганимиз учун ўз олдимизга катта-катта мақсадлар қўймоқдамиз, маррани баланд олмоқдамиз.

Келгусида Учинчи Ренессанс пойдеворини яратадиган янги Хоразмийлар, Берунийлар, Ибн Синолар, Мирзо Улуғбек ва Алишер Навоийлар қаердан пайдо бўлади? Бу улкан вазифаларни ким бажаради?

Мен қайта-қайта такрорлашдан чарчамайман. Албатта, бу эзгу ғояларни сизлар – бугунги Янги Ўзбекистон ёшлари амалга оширасизлар”,

ЧИНОЗ ЁШЛАРИ | РАСМИЙ КАНАЛ

11 февраля 2025 03:38

#Эълон

Ўзбекистон Республикасини ҳимоя қилиш — Ўзбекистон Республикаси ҳар бир фуқаросининг бурчидир. Фуқаролар қонунда белгиланган тартибда ҳарбий ёки муқобил хизматни ўташга мажбурдирлар. (Ўзбекистон Республикаси Конституцияси 64-модда)

«Умумий ҳарбий мажбурият ва ҳарбий хизмат тўғрисида»ги Ўзбекистон Республикаси Қонуни ижросини таъминлаш мақсадида, Ўзбекистон Республикаси Президентининг 2025 йил 29 январдаги «Ўзбекистон Республикаси фуқароларининг муддатли ҳарбий хизматга навбатдаги чақируви ҳамда белгиланган хизмат муддатини ўтаб бўлган муддатли ҳарбий хизматчиларни Қуролли Кучлар резервига бўшатиш тўғрисида»ги ПҚ- 31 – сонли қарорига асосан 18 ёшдан 27 ёшгача бўлган, бўйи 1.65 смдан баланд, вазни 55 кгдан ортиқ, чақирув ёшдаги фуқаролар МУДДАТЛИ ҲАРБИЙ ХИЗМАТ ва СЧР (1 ойлик) хизматига юборилиш учун 15 февралдан бошлаб (шанба ва якшанба кунларидан ташқари) соат 9:00дан 17:00гача Чиноз тумани Мудофаа Ишлари бўлимига мурожаат қилишлари мумкин.

ЧИНОЗ ТУМАНИ МУДОФАА ИШЛАРИ БЎЛИМИ!!!

Ҳазрат Алишер Навоий айтганларидек, бу дунёда эр йигитнинг энг буюк, эзгу ва муқаддас вазифаси, аввало, ўз оиласи, Ватани ва халқини муносиб ҳимоя қилишдан иборатдир.

МАНЗИЛ: Чиноз тумани ХЎЖА МФЙ Охунбобоев кўчаси 11-уй

Мурожаат учун телефонлар: 71 5931119;
+998931054599

ЧИНОЗ ЁШЛАРИ | РАСМИЙ КАНАЛ

09 февраля 2025 11:03

🖋Bugun 9-fevral — buyuk shoir, ulug‘ mutafakkir, davlat arbobi va insoniyat ma’naviyatining buyuk timsoli Alisher Navoiyning 584 yilligi

📰Navoiy bobomizning “Tilga eʼtibor – elga eʼtibor”, — degan o‘gitlari bugungi kun yoshlarini ona tilini qadrlash va ulug‘lashga daʼvat etadi. O‘z davrida turkiy tilning buyukligini isbotlab, uni ilm va adabiyot tiliga aylanish yo‘lini ochib bergan. Bugun biz ham tilimizni rivojlantirish va ilm-maʼrifat bilan yuksaltirishni o‘z oldimizga muhim maqsad qilib qo‘ymoqdamiz.

🇺🇿Yangi O‘zbekistonning kelajagi bo‘lmish yoshlar Navoiy merosini faqat kitob sahifalarida emas, balki o‘z hayotlarida ham yashatib, uning ma’naviy boyligidan bahramand bo‘lishlari lozim.

#AlisherNavoiy584

Bizning sahifamiz: @Chinoz_yoshlar

ЧИНОЗ ЁШЛАРИ | РАСМИЙ КАНАЛ

08 февраля 2025 12:12

#ТЕЗКОР #ТАРҚАТИНГ

⚡️❗️Картадан картага пул ўтказмоқчи бўлсангиз шахсни тасдиқлаш мажбурий бўлади.

7 февралдан бошлаб Ўзбекистонда барча банклар ва тўлов ташкилотларининг мобил иловаларида идентификациядан ўтмаган мижозлар картадан картага пул ўтказа олмайди!

Қандай қилиб идентификациядан ўтиш мумкин?
1️⃣ Мобил иловангизни очинг
2️⃣ «Идентификациядан ўтиш» тугмасини босинг
3️⃣ Паспорт маълумотларингизни киритинг
4️⃣ Юзни сканер қилинг (Face ID)

ЯҚИНЛАРНИ ОГОҲЛАНТИРИНГ👇

@Chinoz_yoshlar

ЧИНОЗ ЁШЛАРИ | РАСМИЙ КАНАЛ

07 февраля 2025 20:02

⚡ Миллий гвардияга маъмурий жазо чорасини қўллаш ваколати берилди.

Миллий гвардиянинг вояга етмаганлар ўртасида ҳуқуқбузарликлар профилактикаси бўйича ваколатлари кенгайтирилди.

Яқинларга юбориб огоҳлантириб қўямиз!

👉@Chinoz_yoshlar

ЧИНОЗ ЁШЛАРИ | РАСМИЙ КАНАЛ

07 февраля 2025 10:56

#Toshkent viloyati
#Chinoz tumani
#3 sektor
#Oydin mahallasi

Milliy libos Millat gʻururi

Oʻzbek milliy liboslari juda yorqin,chiroyli qulay boʻlib xalqninig boy madaniy an’analri va turmush tarizning bir qismidur.

Keling milliy liboslarimizni faxr bilan kiyib,ulugʻ ajdodlarimizni an’ana urf odatlarini davom etiraylik.

Biz oʻz madaniyatimizni qadirlasak uni kelajak avoldga yetkazsak ,millat sifatida yanadakuchli va barkamol boʻlamiz.

Chinoz tumani Oydin mahalla yoshlar yetakchisi tumanimizning barcha gozal ayollarimizni dilbar qizlarimizni sarvqaomat yigitlarimizni ushbu milliylik targʻibotida faol ishtirok etishga chorlaymiz.

ЧИНОЗ ЁШЛАРИ | РАСМИЙ КАНАЛ

07 февраля 2025 09:54

Ўтган йили туризм хизматлари экспорти 3,5 миллиард доллар бўлди. Лекин, бу имкониятларимизга мос эмаслиги қайд этилди.

Масалан, Малайзия ва Индонезияда 7 миллионга яқин Нақшбандия тариқати издошлари бор. Улар Умрага боришдан олдин зиёратгоҳларимизга саёҳат қилишни истайди. Бу сайёҳларни Куала-Лумпур ёки Жакартадан Самарқанд ва Бухорога камида 2 кунга олиб келиб, кейин ўзимизни самолётда Умрага юбориш учун барча шароитлар мавжуд.

Мутасаддиларга Малайзия ва Индонезия зиёратчилари учун “Умра плюс” турпакетини йўлга қўйиш топширилди.

Шаҳрисабзда “Оқсарой”, Хивада “Ичан қалъа”, Бухорода “Лаби ҳовуз”, Тошкентда “Янги Ўзбекистон” майдонлари бўлса-да, уларда концерт, кўргазма, форумлар ўтказиш бўйича режа қилинмагани кўрсатиб ўтилди. Ўзимиздаги 6 та туристик марказда халқаро даражадаги санъаткорларнинг концертлари ташкил қилинса, меҳмонхона, ресторан, кафе, савдо ва хизмат кўрсатиш объектлари сайёҳлар билан тўлиши таъкидланди.

Шу муносабат билан мутасаддиларга камида 1 миллион туристни олиб келадиган концерт, бизнес форуми ва кўргазмалар ўтказиш дастурини ишлаб чиқиш топширилди.

Шунингдек, тўлиқ ўрганилмаган тарихий объектлар жуда кўплигини инобатга олиб олимлар билан биргаликда жозибадор тарихий объектларни аниқлаш ва реставрация қилиш бўйича уч йиллик дастур ишлаб чиқиш топширилди.


Telegram | Facebook | Instagram | Youtube | Медиабанк

ЧИНОЗ ЁШЛАРИ | РАСМИЙ КАНАЛ

07 февраля 2025 09:54

Сервисни ривожлантиришда қулай транспорт инфратузилмаси жуда муҳим.

Ўтган йили транспорт хизматлари 8,6 фоизга ўсиб, 145 триллион сўмни ташкил қилди. Лекин, юқори иқтисодий ўсиш учун бу етарли эмаслиги қайд этилди.

Маҳаллий экспедиторларни халқаро ташишдаги улушини ошириш учун улар ҚҚС тўлашдан озод этилди. Бунинг ҳисобига Транспорт вазирлиги маҳаллий корхоналар улушини бу йил 25 фоизга, 2026 йилда 50 фоизга олиб чиқиши зарур.

“Евро-5” ва ундан юқори экологик талабга мос юк автомобиллари яна 3 йилга божхона божи ва утилизация йиғимидан озод қилиниши белгиланди.

Хусусий авиакомпаниялар билан ишлаб, Самарқанд, Бухоро, Урганч, Нукус, Термизга авиақатновларни 2 карра ошириш, бу йил 15 миллион йўловчига хизмат кўрсатиб, авиация хизматлари ҳажмини камида 20 фоизга ошириш зарурлиги қайд этилди.

Telegram | Facebook | Instagram | Youtube | Медиабанк

ЧИНОЗ ЁШЛАРИ | РАСМИЙ КАНАЛ

07 февраля 2025 09:54

Йиғилишда бу йилдан туманларда сервисни ривожлантириш бўйича янгича ёндашув бўлиши айтилди.

Ҳудудларда 1 минг 156 та “драйвер” лойиҳа танлаб олиниб, тасдиқланди. Бу лойиҳалар инфратузилмасига 1 триллион сўм бериладиган бўлди.

Бунинг ҳисобига тадбиркорлар билан биргаликда жорий йилда 72 та соҳил бўйи дам олиш масканларини ишга тушириш, 62 та истироҳат боғларини замонавий қиёфага келтириш, 154 та туну-кун ишлайдиган туризм ва гастрономик кўчаларни ташкил қилиш, 364 та йўл бўйи ва бошқа сервис объектларини барпо қилиш режалаштирилган.

Магистрал ва маҳалла ички йўлларига катта эътибор берилмоқда. Лекин хизматлар ривожига катта туртки берадиган туманлараро йўллар масаласи очиқ қолмоқда.

Шу муносабат билан ҳокимликлар олдига 50 та туманлараро йўл инфратузилмасини яхшилаш вазифаси қўйилди.

Telegram | Facebook | Instagram | Youtube | Медиабанк

ЧИНОЗ ЁШЛАРИ | РАСМИЙ КАНАЛ

07 февраля 2025 09:54

Молиявий хизматлар ҳажмини 30 фоизга ошириш бўйича аниқ режалар белгиланган.

Президентимиз давлат банклари онлайн хизматлар, аҳоли учун жозибадор янги маҳсулотлар яратишда хусусий банклардан орқада қолиб кетаётганини қайд этди.

Мисол учун, ўтган йили хусусий банкларда масофавий хизматдан фойдаланувчилар сони 32 фоизга ошган бўлса, давлат банкларида бор-йўғи 13 фоизга ошган.

Банклар жорий йилда масофавий хизмат кўрсатишни камида 30 фоизга ўстириши муҳимлиги таъкидланди. Мисол учун, кадастр, солиқ, адлия идораларининг базаси банклар ахборот тизимига интеграция қилинса, гаровга қўйилган мулкни нотариусга бориб, тақиқ қўйиш амалиёти бекор бўлади.

Мутасаддиларга онлайн кредит олиш тартибини соддалаштириш бўйича қарор ишлаб чиқиб, киритиш топширилди.

Telegram | Facebook | Instagram | Youtube | Медиабанк

ЧИНОЗ ЁШЛАРИ | РАСМИЙ КАНАЛ

07 февраля 2025 09:26

#Диққат  #Яхши_хабар

❗️Tалабалар контрактининг 35 фоизи тўлаб берилади!

Қуйидаги талабалар учун контрактинг 35% қисмини Ўзбекистон ёшлар иттифоқи қоплаб беради:
▫️Ўзбекистон Республикаси Қуролли Кучлари сафида муддатли ҳарбий хизматни ўтаганлар
▫️Ҳарбий қисмлар қўмондонлигининг тавсияномасига эга бўлганлар
▫️Тўлов-контракт асосида ўқишга қабул қилинган талабалар

Аризалар 15 февралга қадар университет ёшлар етакчиси томонидан қабул қилинади!

👉 Dunyo🌐Tv