26575
Тезкор хабарлар — қисқа, аниқ ва ишончли. Таҳририят: @bugunuzaloqabot Реклама: @bugunuzreklama
ИҲТ саммити арафасида ташкилотга аъзо мамлакатлар вакиллари иштирокида бўлиб ўтган бизнес-учрашувида Қозоғистоннинг Adal Qyzmet фабрикаси вакили Алма Карашинова Bugun.uz мухбирига саммитдан нималар кутилаётгани ҳақида маълумот берди.
Читать полностью…
Тошкент туманида жойлашган Ўрмон хўжалиги агентлиги ҳузуридаги «Дархон» илмий-тажриба станцияси (Дендропарк)да ноқонуний эгаллаб олинган бинолар суд қарори билан бузиб ташланмоқда.
Аввалроқ, Экология, атроф-муҳитни муҳофаза қилиш ва иқлим ўзгариши вазирлиги, Бош прокуратура ва бошқа мутасадди давлат идоралари билан ҳамкорликда «Дендропарк»да дарахтларни нобуд қилиш, ер ажратиш ва ундан фойдаланиш қоидаларини бузиш билан боғлиқ кўплаб ҳолатлар аниқланган ва Бош прокуратура томонидан жиноят иши қўзғатилганди.
Тошкент шаҳрида ўтказиладиган Иқтисодий ҳамкорлик ташкилоти саммити сабаб пойтахтнинг айрим кўчалари уч кунга ёпилади.
Читать полностью…
Тошкент шаҳридаги «Жанубий» вокзал яқинида ёнғин содир бўлаётгани айтилмоқда. Ҳодиса гувоҳларининг Bugun.uzʼга маълум қилишича, ёнаётган жой мебел омборхонаси бўлиши мумкин.
Читать полностью…
Тошкентдаги янги йўл ўтказгич тўртта танк билан синовдан ўтказилди.
Пойтахтнинг Бобур кўчаси ва «Тошкент» халқаро аэропортини боғловчи йўл ўтказгичнинг биринчи босқичи қурилиш-монтаж ишлари якуни бўйича синов ўтказилган.
Синовда ҳар бири 35 тоннадан бўлган тўртта автотрейлерга 40 тонналик тўртта танк юкланиб, ундан олиб ўтилган.
Синов натижасига кўра, йўл ўтказгич 300 тонналик юкламага муваффақиятли бардош берган ва унинг мустаҳкамлиги исботланган.
Йўқ, бу зомби апокалипсис ҳақидаги фильмнинг суратга олиш жараёнларидан лавҳалар эмас. Видеоларда юзлаб одамлар машина сотиб олишга шартнома тузиш учун UzAuto дилерлик марказларига бостириб кираётгани тасвирланган.
Бугун, 3 ноябр куни тонгда UzAuto Motors Damas, Labo, Cobalt ва Captiva 5 сотувлари бошланганини эълон қилди.
Сотувлар бошланиши ҳақидаги хабар ортидан автомобил сотиб олиш истагидаги одамлар компаниянинг барча дилерлик марказларини «қамал» қилди.
Ижтимоий тармоқларда тарқалган видеоларда минглаб одамларнинг дилерлик марказларига киришга уринаётгани, тиқилинч оқибатида деразалар синдирилиб, ҳатто айрим одамларнинг турли тана аъзоларини шиша синиқлари кесиб юборганини кўриш мумкин.
Шунингдек, аксар харидорлар дилерлик марказларига «айланма йўллар» орқали «бостириб» киришга уринаётгани, навбат талашиб, бир-бирлари билан «жангга» киргани ҳам тармоқларда кенг муҳокама қилинмоқда.
Тошкент шаҳри Яшнобод туманида катта ёнғин содир бўлаётгани айтилмоқда. Ўша ҳудудда яшовчи кишиларнинг Bugun.uz’га маълум қилишича, ёнғин тахминан соат 10:30 ларда бошланган. Ёнаётган жой «Мўйноқ» саноат зонасидаги синтепон ишлаб чиқарувчи цех бўлиши мумкин. Гувоҳлар ёнғин нуқтасидан жуда қуюқ тутун чиқаётганини айтмоқда.
Читать полностью…
Тошкентда иситиш мавсуми 6 ноябрдан бошланади.
Пойтахт ҳокимлиги фуқароларнинг кўплаб мурожаатлари ва метеорология хизмати маълумотларига мувофиқ, 6 ноябрдан бошлаб ижтимоий соҳа объектлари ва кўп хонадонли турар-жой бинолари иссиқлик энергияси билан босқичма-босқич таъминлашини маълум қилган.
2023 йилнинг 27 октябр куни соат 23:30 лар атрофида Андижон шаҳрида аёл кўп қаватли уйнинг учинчи қаватидан ўзини ташлаган.
Андижон шаҳар ИИО ФМБ профилактика инспекторлари воқеа жойига етиб келганда, аёл деразага чиқиб, ҳаётдан тўйганини айтиб бақираётган бўлган. Уй эшиги ичкаридан қулфланганлиги учун ФВБ қутқарув гуруҳи ходимлари чақирилган. Улар эшикни очиб, хонадонга киришган ва аёлдан пастга тушишини сўрашган.
Бироқ аёл эҳтиётсизлик туфайли сирпаниб, учинчи қаватдан тушиб кетган. Оқибатда у оғир тан жароҳатлари билан шифохонага олиб борилган ва тиббий ёрдам кўрсатилиб, ҳаёти сақлаб қолинган.
Шавкат Мирзиёев Яқин Шарқдаги воқеалар юзасидан фикр билдирди.
Читать полностью…
«Андижон вилоят руҳий соғлиқни сақлаш» диспансери кичик тиббий ходими 27 октябрдан 28 октябрга ўтар кечаси 2-гуруҳ ногирони, бемор Сарварбек Мелибоевга нисбатан қўпол муносабатда бўлиб, беморни итариб юборган. Ҳолат касалхонага ўрнатилган камераларга тушиб қолган. 38 ёшли Сарварбекнинг яқинлари унинг аҳволи оғирлигини, ҳолат бўйича ҳуқуқ идораларига қилган мурожаатлари ўрганишсиз қолаётгани ҳақида маълум қилишган.
Андижон вилояти прокуратураси томонидан ўрганиш ўтказилиб, 28 октябрда касалхона кичик тиббий ходими У.Ш. билан тузилган меҳнат шартномаси бекор қилинган. Андижон шаҳар ИИБ томонидан терговга қадар текширув олиб борилмоқда. Вазият вилоят прокуратураси томонидан назоратга олинган.
Шу йилнинг 29 октябр куни Россиянинг Доғистон Республикаси Махачқалъа шаҳридаги аэропортда тартибсизлик келиб чиқиб, бир гуруҳ оломон маҳаллий вақт билан соат 19:18 да Махачқалъага Тел-Авивдан учиб келган Red Wings авиакомпаниясига тегишли самолёт йўловчиларини шаҳарга қўймаслик мақсадида тартибсизлик чиқарганди. Аэропортда чиққан тартибсизликлар вақтида оломон асли ўзбекистонлик эркакни яҳудий, дея гумон қилиб, ушлаганди.
Bugun.uz эса воқеа «қаҳрамони» билан алоқага чиқиб, ҳолатга аниқлик киритганди. Унга кўра, яҳудий, дея гумон қилинган эркак асли ўзбекистонлик Мамадалиев Дилшод Маҳмудович бўлган. У аҳволи яхши эканини билдириб, воқеа ҳақида ҳикоя қилиб берганди.
Ушбу воқеалар фонида Telegram мессенжери асосчиси Павел Дуров зўравонликка ундовчи ҳар қандай каналларни блоклашини айтган. У мисол тариқасида Махачқалъа шаҳридаги аэропортда юзага келган тартибсизликларнинг кучайишига даъват қилган «Утро Дагестан» каналини блоклаган.
Россиянинг Доғистон Республикаси Махачқалъа шаҳридаги аэропортда тартибсизлик келиб чиқди. Маълумотларга кўра, бугун, 29 октябр куни бир гуруҳ оломон маҳаллий вақт билан соат 19:18 да Махачқалъага Тел-Авивдан учиб келган Red Wings авиакомпаниясига тегишли самолёт йўловчиларини шаҳарга қўймаслик мақсадида тартибсизлик чиқарган.
Улар Исроилдан учиб келган «яҳудийлар»ни ушлаш мақсадида аэропорт ҳудудига бостириб кириб, шиша эшикларни синдирган, жиҳозларни вайрон қилган ва Фаластин байроғини кўтариб, аэропорт терминалига кирган. Кейинроқ улар учиш-қўниш йўлагига бостириб бориб, Тел-Авивдан учиб келган самолётни ўраб олган. Шундан сўнг, намойишчилар йўловчиларнинг паспортларини текшириб, Исроил фуқароларини излаган.
Бироз вақт ўтгач, ғазабланган оломон аэропорт ҳудудидан ҳайдаб чиқарилган. Ҳозирда ушбу ҳолат бўйича Россия Жиноят кодексининг 212-моддаси билан жиноят иши қўзғатилган.
Татаристон раиси Рустам Минниханов Фаррух Зокировга «Татаристон халқ артисти» унвонини берди.
Читать полностью…
Россиянинг Кемерово шаҳридаги Кузбасс давлат қишлоқ хўжалиги академиясида ўқувчи Ўзбекистон ва Тожикистон фуқаролари рашк сабаб ўзаро муштлашди. Bugun.uz’даги маълумотларга кўра, 25 киши иштирок этган можаро шу олийгоҳнинг биринчи босқичида ўқийдиган қиз сабабли келиб чиққан.
Жанжал 2023 йилнинг 24 октябр куни тахминан соат 22:15 да содир бўлган. Муштлашувда қатнашганлардан 20 нафари Кузбасс давлат қишлоқ хўжалиги академиясининг талабалари бўлган. Улар 50-сонли талабалар турар жойи ёнида тўпланган. Маҳаллий Telegram-каналларда бу воқеа ўтган аср 90 йилларидаги ҳолатни эслатиб юборгани айтилади. Гувоҳларнинг таъкидлашича, аввалига бир гуруҳ талабалар ётоқхона олдида йиғилиб, ниманидир муҳокама қила бошлаган. Гуруҳ аъзоларидан баъзиларининг қўлларида бейсбол биталари бўлган. Кейинроқ яна бир гуруҳ уларнинг олдига келиб, сигнал пистолетидан ўқ уза бошлаган.
Полиция эртасига можаро қатнашчиларидан 10 нафарининг шахсини аниқлаган, шунингдек, 100 дан ортиқ гувоҳни сўроқ қилиб, 4 кишини ҳибсга олган. Аниқланишича, жанжал ўзбекистонлик 22 ёшли талаба билан 19 ёшли тожикистонлик талаба ўртасида келиб чиққан. Иккала талаба ҳам Кузбасс давлат қишлоқ хўжалиги академиясининг биринчи босқичида ўқийди. Можаро эса шу олийгоҳнинг биринчи босқичида ўқийдиган қиз сабабли келиб чиққан. Жанжал вақтида жанговар бўлмаган қуролдан ўқ узган одамнинг ҳам шахси аниқланган ҳамда унинг қуроли мусодара қилинган. Унга кўра, Кемерово шаҳридаги «Доски» тунги клубида қўриқчилик қилувчи 19 ёшли Россия фуқароси сигнал тўппончасидан тўрт бор ўқ узганини тан олган.
Ҳозирда ҳолат юзасидан Россия жиноят кодексининг 213-моддаси билан жиноят иши қўзғатилган. Айни пайтда тергов ҳаракатлари давом этмоқда.
Тошкентда ИҲТнинг XVI саммити арафасида ташкилотга аъзо давлатлар вакилларининг бизнес-учрашуви бўлиб ўтди. Bugun.uz мухбири мазкур тадбирда иштирок этган Озарбайжон-Туркия-Ўзбекистон ишбилармонлар уюшмаси раиси Руслан Имамзадедан интервью олди.
Читать полностью…
Ўзбекистон Иқтисодий ҳамкорлик ташкилоти саммитига илк бор мезбонлик қилмоқда. Bugun.uz ташкилот тарихи, унинг мақсад ва вазифалари ҳақида ҳикоя қилади.
Читать полностью…
Шавкат Мирзиёев 8-9 ноябр кунлари Тошкентда ўтказиладиган 9 та давлат иштирокидаги Иқтисодий ҳамкорлик ташкилоти саммитига раҳбарлик қилади.
Читать полностью…
Bugun.uz таҳририятига Тошкент халқаро аэропортига олиб борувчи йўл ўтказгичдаги синов жараёнларидан видеолавҳалар келиб тушди.
Аввалроқ, 2023 йилнинг август ойида худди шу кўприкнинг 42 метрлик бешта тўсини қулаган ва 2 миллиард 760 миллион сўм зарар етганди. Шундан сўнг, ҳолат юзасидан жиноят иши қўзғатилиб, 3 нафар мансабдор гумонланувчи сифатида ушланганди.
Россиянинг Москва шаҳрида 2003 йилда туғилган Ўзбекистон фуқароси кўп қаватли уйнинг 6-қаватидан йиқилиб, омон қолди. Bugun.uz’даги маълумотларга кўра, воқеа 3 ноябр куни содир бўлган. 20 ёшли қиз соат 23:21 да шаҳар клиник шифохонасига ётқизилган.
Унга бош мия ёпиқ жароҳати, оғир мия контузияси, қорин бўшлиғида қон кетиши, чап елка бўйни синиши ва кўкрак қафасининг тўмтоқ жароҳати ташхиси қўйилган.
Текширувдан сўнг у реанимацияга бўлимига ётқизилган. Қиз ўз жонига қасд қилишга уринган бўлиши мумкин. Ҳозирда ҳодиса сабаблари аниқланмоқда.
Фавқулодда вазиятлар вазирлигининг маълум қилишича, ёнғин Жарқўрғон кўчасидаги корхонада содир бўлган.
Ҳодиса жойига 8 та ёнғин-қутқарув экипажи жалб қилинган, шаҳар ва туман ФВБ раҳбар ходимлари ҳам етиб борган. Ёнғин 11:24 да ўраб олиниб, ярим соат ичида ўчирилган.
Ёнғин оқибатида ҳалок бўлган ва жароҳатланганлар йўқ.
Ўзбекистонда яшаш учун энг қулай бўлган шаҳарларнинг рўйхати шакллантирилди. Пойтахт Тошкент 79,1 балл билан дастлабки ўринни эгаллаган. Кейинги ўринларни эса Урганч, Бухоро, Самарқанд ва Навоий шаҳарлари банд қилган. Топ -10 шаҳарларнинг барчаси вилоят марказлари бўлиб, фақатгина Қўқон, Хива ва Чирчиқ шаҳарлари яшаш қулайлиги бўйича уларга энг яқин вилоят маркази бўлмаган шаҳарлар ҳисобланади.
Аксинча, энг пастки ўринларда Тошкент вилоятининг Бекобод, Оҳангарон, Андижон вилоятининг Хонобод, Сирдарё вилоятининг Янгиер ҳамда Фарғона вилоятининг Қувасой шаҳарлари турибди.
Бу рейтингни тузишда республиканинг 40 мингдан ортиқ аҳолиси яшайдиган 30 та шаҳрида таълим, соғлиқни сақлаш, инфратузилма, барқарорлик, маданият ва атроф-муҳит каби жами 27 та кўрсаткич инобатга олинган.
Тўқаев Макронга ошиқни қандай отишни ўргатди.
Кеча, 1 ноябр куни Франция президенти Эммануэл Макрон Қозоғистонга ташрифи доирасида мамлакат раҳбари Қосим-Жўмарт Тўқаев билан бирга «Этноаул» қозоқ халқи маданияти кўргазмасига борган.
Эълон қилинган фото ва видеолардан икки давлат раҳбари вақтини чоғ ўтказганини кўриш мумкин. Хусусан, Эммануэл Макрон кўргазмада ошиқ отишни ўргангани, қозоқ този итлари ва ов қушларини томоша қилгани, шунингдек, Тўқаев билан бирга мева-чева бозорини айлангани хабар қилинган.
Маълумот учун, Франция раҳбари кеча, 1 ноябр куни Қозоғистонга ташрифини якунлаб, Ўзбекистонга етиб келди. У Шавкат Мирзиёев билан тунги Самарқанд бўйлаб сайр қилди ҳамда Регистон майдони, «Боқий шаҳар» тарихий-этнографик мажмуасида бўлди.
Тошкентнинг Сергели туманидаги омборда юз берган портлаш «Турон» (13-бекат) станциясига қисман зарар етказган. Bugun.uz’нинг манбаларига кўра, портлаш оқибатида метро бекатининг «облицовка»лари тушиб кетган, станциядаги хизмат хоналаридаги шифтга енгил («штукатурка» тўкилган) зарар етган, Ariston сув иситгичлари тушиб кетган. Бекатда таъмирлаш ишлари ўтказилиб, оқибатлар бартараф этилган.
Қайд этиш керак, Тошкент метрополитени «Ер усти ҳалқа йўли»нинг Қурувчилар даҳасидан Сергели мавзесигача бўлган «Турон» (13-бекат) ва «Қипчоқ» (14-бекат) бекатларининг ёпилиш ҳақиқатдан ҳам қурилиш ишларининг якуний босқичи билан боғлиқ бўлиб, бекатлранинг ёпилиши портлаш оқибатида юз берган ишлар билан ҳеч қандай боғлиқлиги йўқ.
Bugun.uz манбаси ҳозирда 11- ва 12-бекатларнинг ўртасида жойлашган темир йўл «стрелка»си лойиҳа бўйича 13-станцияда жойлашган бўлиши ва айнан шу ишларни амалга ошириш учун бекатлар вақтинча ёпилишини маълум қилган.
Тошкентнинг Паркент кўчасидаги уч қаватли кўприк яқинида, собиқ «ТаПОиЧ» заводи ҳудудида йирик ёнғин кузатилмоқда. Воқеа гувоҳларининг Bugun.uzʼга маълум қилишича, ёнғин Asia pipelast цехи яқинида содир бўлган.
Ëнғин юзасидан расмий маълумот берилмаган.
«Қамчиқ» довонида қалин туман тушиб, йўлнинг кўриниш масофаси қисқарган.
Читать полностью…
Аэропортда чиққан тартибсизликлар вақтида оломон асли ўзбекистонлик эркакни яҳудий, дея гумон қилиб, ушлади. Bugun.uz воқеа «қаҳрамони» билан алоқага чиқиб, ҳолатга аниқлик киритди. Унга кўра, яҳудий, дея гумон қилинган эркак асли ўзбекистонлик Мамадалиев Дилшод Маҳмудович бўлган. У аҳволи яхши эканини билдириб, воқеа ҳақида ҳикоя қилиб берди.
«Ҳаммаси яхши, мен тирикман. Махачқалъа ҳуқуқни муҳофаза қилиш органларига раҳмат», – дейди у.
У, шунингдек, отаси ўзбекистонлик экани, ўзи эса Россиянинг Смоленск шаҳрида туғилиб ўсгани ҳақида айтди.
«Мен Ўзбекистонда фақат бир марта, болалигимда бўлганман. Шундан сўнг, асосий вақтимни тиббиётга бағишлаганман. Яқин орада албатта оилам билан Ўзбекистонга бормоқчиман», дейди Мамадалиев.
Маълумот учун, Дилшод Мамадалиев Смоленск давлат тиббиёт академиясини тамомлаган. Мутахассислиги бўйича юрак-қон томири жарроҳи бўлиб, тиббиёт фанлари бўйича фан номзоди ҳисобланади. Шунингдек, у тиббиёт соҳасида 15 йиллик тажрибага эга.
Қозоғистоннинг Қарағанда вилоятида 53 нафар ўзбекистонлик йўловчини олиб кетаётган автобус бузилиб қолди. Bugun.uz ихтиёридаги маълумотларга кўра, автобус 28 октябр куни маҳаллий вақт билан соат 17:00 ларда Россиянинг Новосибирск вилоятидан Жибек-Жўли йўналишида ҳаракатланаётганида бузилган.
Қарағандада қуруқ мевалар савдоси билан шуғулланувчи ўзбекистонлик Қобилжон Исмоиловнинг ёрдами ва Ўзбекистон консулининг саъй-ҳаракатлари билан автобус тўхтаган жойда йўловчилар учун иссиқ овқат ташкил қилинган. Шунингдек, тадбиркор эҳтиёт қисмлар топишга ҳам ёрдам берган. Шундан сўнг, автобус йўлида давом этган.
Ижтимоий тармоқларда ўзбекистонликларни Фаластинни қўллаб-қувватлаш учун митингга чиқишга чақириқлар пайдо бўлди.
Маълумот учун, Ўзбекистонда оммавий йиғилишлар, митинглар, кўча юришлари ёки намойишларни ташкил этиш ёки ўтказиш тартибини бузиш ўн беш суткагача бўлган муддатга маъмурий қамоққа олиш билан жазога тортилади.
Биринчи президент Ислом Каримовнинг набираси Марям Тиллаева эри, россиялик блогер Амиран билан ажрашгани муносабати билан катта зиёфат уюштирган. Қизиқарлиси Тиллаева буни орадан бир йил ўтгач ташкиллаштирган. Зиёфат тўй маросимидек ўтказилган. У учун махсус торт буюртма қилинган.
Шунингдек, байрам плакатларига «Single and Happy», яъни ёлғиз ва бахтли деган сўзлар ёзилган. Марям Тиллаева ўзининг 19 минг АҚШ доллари турадиган никоҳ узугини зиёфатдаги ўйинда ютган қизга совға қилган.
Тиллаева бундан бир йил олдин Амиран билан ажралишганди. Ижтимоий тармоқларда эса унинг эри билан беҳаё расми тарқалганди.