206
Kanal shoir Bobur Elmurod she'rlarining o'quvchilari uchun ijodkor muxlislari tomonidan tashkil etildi.
QAYTISH
Qayerlardan kelayapti u,
Rangi o‘chgan va nimjongina.
Xullas, bitta qora taqdirni
Olib keldi oppoq mashina.
Unutmabdi keng dalalarni,
Unutganin eslay olmadi.
Mashinani to‘xtatdi, ammo
Ko‘z yoshini to‘xtatolmadi.
So‘ngra bordi eski uyiga,
Nam tuproqqa belanib yotdi.
Qish.
Yoshligi tushib esiga,
Ukalari unga qor otdi.
Yodga tushdi, darcha yonida
Keksa ona, o‘ltirar xomush.
Kecha unga aytibdi kimdir,
Endi o‘g‘li qaytib kelmasmish.
So‘ng ne bo‘ldi, tushunolmadim,
Uyning tomirlari uvishdi.
Tong.
Ko‘chada turar mashina
Bitta yaproq uzilib tushdi.
© Bobur Elmurod
* * *
Бир кўнгил ўстирсанг, ичингда
Яшаса энг буюк зотларинг.
Ичкарига кира олмаса
Ёмонотлиқ, ёмон отларинг...
Ағанаса туйғуларингни
Босиб ётган минг-минглаб харсанг.
Алдамаса қулоқларинг ҳеч,
Кўзларингга буткул ишонсанг...
Бир кўнгил ўстирсанг ичингда,
Ичингда бир кўнгил йўқласанг.
Кўз юмсанг, қоронғу бўлмаса
Ёп-ёруғ кунларда ухласанг...
Бир кўнгил ўстирсанг ичингда...
© Бобур Элмурод
OLAPAR
Tunda jala urdi ovulimizni,
Ezg‘in shovulladi og‘ilning to‘ri.
Shu kecha…
shu kecha bor qo‘yimizni
Bo‘g‘izlab ketibdi, la'nati bo‘ri.
Endi nima bo‘lar, aqlim yetmaydi,
Otam holsizgina hassada yurdi.
So‘ngra qari do‘stim – Olaparimni,
Mening ko‘z o‘ngimda ayamay urdi.
Bechora,
kimdan ham so‘rardi yordam,
Chidadi, aybdor sezdi o‘zini.
Balki tushgandirman uning yodiga,
Faqat men tomonga tikdi ko‘zini.
Mo‘ltirab qarayman keng dalalarga,
Namxush bedalarning bo‘yi muattar.
Barini unutdim, lekin… esimda
Bedazor oralab ketgan Olapar.
Eslayman, Botir-u Yoriltoshlarni,
Ular o‘sha paytlar murodga yetgan.
Mening bolaligim bedazorlarda
Do‘sti Olaparni qidirib ketgan.
© Bobur Elmurod
Kuzning tugashi
Kuz tugadi, olovlar soʻndi,
Falakning ham tugadi yoshi.
Kuzakdoshim, maysalar oʻldi,
Qorlar keldi, izgʻirindoshim.
Endi sening holingdan xabar
beradigan yellar ayozroʻy.
Solmay turib tumovlar xatar,
Hislaringga sharf oʻrab qoʻy.
Bardoshingga etiklar kiydir,
Palto kiydir yungli, moʻynali.
Kulgularing sovuqqotmasin,
Baxt yurmasin, yupun, qiynalib.
Xayollarga qoʻlqop olib ber,
Boladay qor oʻynasa, koyi.
Orzularni ehtiyot qilgin,
Yurishmasin yoʻllarda toyib.
Bilaman, hol soʻrmaysan mendan,
Dil chirsillar jon kulbasida.
Yonayapman, xabar yoʻq sendan,
Qahratonning qoq oʻrtasida.
©S.Z.
🍁🍁🍁🍁🍁🍁🍁🍁
https://t.me/joinchat/AAAAAFHmfjV_EQHVqR8Rcw
🍂🍂🍂🍂🍂🍂🍂🍂
***
Bu shaharning devorlari mo'l,
Bu dunyoning yo'llari dovli.
Uch tomonga boshlab ketar yo'l
Men, Suhrob va ko'ngil uchchovni.
Ko'zlarimni yumdim... va xayr,
Endi uzun bir she'r aytaman.
Birlashmasa agar bu yo'llar,
Men o'zimga qanday qaytaman?!
15.11.2020.
S.Z.
🍁🍁🍁🍁🍁🍁🍁🍁
https://t.me/joinchat/AAAAAFHmfjV_EQHVqR8Rcw
🍂🍂🍂🍂🍂🍂🍂🍂
Ёмғирни ҳидладим, гулдай ҳидладим.
Жаннат ифорини қулдай ҳидладим.
Унинг кулгусини эшитдим, майин.
Дераза, қолдингми сен пайқамайин?
У ўз суратини чизди ойнага,
Уни кўрмадингиз, одамлар, нега?
Ёмғир қўшиқ айтди, мисоли шайдо.
Сен нега унга жўр бўлмадинг, дунё?
Мен-чи, дардлашайлик, ёмғиржон, дедим.
Бошимга ёғ, оғир оғрир жон, дедим.
Сўзлади. Тушунмай туравердим лол...
Муҳаббатдан сўзлар эди, эҳтимол...
©Суҳроб Зиё
🍁🍁🍁🍁🍁🍁🍁🍁
https://t.me/joinchat/AAAAAFHmfjV_EQHVqR8Rcw
🍂🍂🍂🍂🍂🍂🍂🍂
🎉🎉🎉🎉🎉🎉🎉🎉🎉🎉🎉🎉🎉🎉🎉
#ТАБРИКЛАЙМИЗ
Бугун Бобур Элмурод таваллуд топган кун!
Шоирни бугунги сана билан қутлаб, унга баланд ижодий парвозлар завқи ҳамроҳ бўлаверсин, дея тилак билдирамиз.
___________________________________
Пост остидаги изоҳ жойида ўзингизнинг табрикларингизни ёзиб қолдиришингиз мумкин.
©Админ.
🎊🎊🎊🎊🎊🎊🎊🎊🎊🎊🎊🎊
OLAPAR
Tunda jala urdi ovulimizni,
Ezg‘in shovulladi og‘ilning to‘ri.
Shu kecha…
shu kecha bor qo‘yimizni
Bo‘g‘izlab ketibdi, la'nati bo‘ri.
Endi nima bo‘lar, aqlim yetmaydi,
Otam holsizgina hassada yurdi.
So‘ngra qari do‘stim – Olaparimni,
Mening ko‘z o‘ngimda ayamay urdi.
Bechora,
kimdan ham so‘rardi yordam,
Chidadi, aybdor sezdi o‘zini.
Balki tushgandirman uning yodiga,
Faqat men tomonga tikdi ko‘zini.
Mo‘ltirab qarayman keng dalalarga,
Namxush bedalarning bo‘yi muattar.
Barini unutdim, lekin… esimda
Bedazor oralab ketgan Olapar.
Eslayman, Botir-u Yoriltoshlarni,
Ular o‘sha paytlar murodga yetgan.
Mening bolaligim bedazorlarda
Do‘sti Olaparni qidirib ketgan.
© Bobur Elmurod
* * *
Рауф Парфи хотирасига
Минг йилки, суронлар турар Туронда,
Минг йилки, судралар занжирбанд ҳурлик.
Минг йилки, орзулар гуллайди қонда,
Минг йилки, ҳурликдай туйилар хўрлик!
Минг йилки, дўмбира чалади руҳим,
Минг йилки, боғларда нолаваш - ҳаққуш!
Минг йилки, юлдузлар қизғанар чўғин,
Минг йилки, сесканар, уйғонолмас туш.
Минг йилки, шамоллар бўрондай кучли,
Минг йилки, тўфонлар қарши денгизга.
Минг йилки, тўлолмай ўртанар бўшлиқ,
Минг йилки, йўл йўқдир шўрлик илдизга.
Минг йилки, туфроқнинг бағри ўйилган,
Минг йилки, йиғлайди Ватан – ўйнаймиз.
Минг йилки, кўзларга миллар қуйилган,
Минг йилки, ҳатто бир инграб қўймаймиз.
Минг йилки, суронлар турар Туронда,
Минг йилки, ботирлар номига ўчмиз.
Минг йилки, келажак қизда-ўғлонда,
Минг йилки: “Бирлашсак биз катта кучмиз”.
Минг йилки, мақтансак ким ҳам тинглайди,
Минг йилки, чўққига чиқдик ҳам, тушдик.
Минг йилки, қалбимда бир куй инграйди,
Пусинар овчидан чўчиган қушдек.
Минг йилки, қабрлар гулга чулғанар,
Минг йилки, тик турар ул Соҳибқирон.
Минг йилки, ўликлар сим-сим тўлғонар,
Минг йилки, барҳаёт бир даъват – уйғон!
Минг йилки, суронлар турар Туронда...
Баҳодир БАҲРОМ
OLAPAR
Tunda jala urdi ovulimizni,
Ezg‘in shovulladi og‘ilning to‘ri.
Shu kecha…
shu kecha bor qo‘yimizni
Bo‘g‘izlab ketibdi, la'nati bo‘ri.
Endi nima bo‘lar, aqlim yetmaydi,
Otam holsizgina hassada yurdi.
So‘ngra qari do‘stim – Olaparimni,
Mening ko‘z o‘ngimda ayamay urdi.
Bechora,
kimdan ham so‘rardi yordam,
Chidadi, aybdor sezdi o‘zini.
Balki tushgandirman uning yodiga,
Faqat men tomonga tikdi ko‘zini.
Mo‘ltirab qarayman keng dalalarga,
Namxush bedalarning bo‘yi muattar.
Barini unutdim, lekin… esimda
Bedazor oralab ketgan Olapar.
Eslayman, Botir-u Yoriltoshlarni,
Ular o‘sha paytlar murodga yetgan.
Mening bolaligim bedazorlarda
Do‘sti Olaparni qidirib ketgan.
© Bobur Elmurod
БЕМОР ДЎСТИМДАН ХАТ...
— Ўйлаб кўринг”,
деди ва аста
Кўзойнакни тақди шифокор.
Кўзим ёшга тўлди бир пасда,
Энди менга ачинмоқ даркор.
Шундай тугар эртак якуни,
Қолдим рангсиз дунё ортидан.
Кузатаман энди ҳар куни
Одамларни ойнак остидан.
Атрофимда турфа ниқоблар,
Кезиб юрар,
кун ғира-шира.
Ахир бундай эмас одамлар,
Чунки менинг кўзларим хира.
Тўлиб кетар
кўланка, шубҳа,
Алдарнигоҳ — кўзларнинг қири.
Ахир менинг оламим бошқа,
Булар — кўзойнакнинг таъсири.
Эрта-индин — операциям,
Умид бордир,
буни биламан.
Аммо ойнакдаги ҳаётим
Ўзгармаса нима қиламан?..
© Бобур Элмурод
* * *
Балки тушкун эдим ўша кунлари
Автобусга чиқдим, ҳорғин ва хомуш
Одам тирбанд эди, шунга қарамай
Мендан сал нарида — битта ўрин бўш.
Ҳали оёғимдан кетмаган мадор,
Ўзимча навқирон эдим ҳойнаҳой.
Аммо кимга боқсам имларди мени,
Нигоҳлари билан кўрсатарди жой.
Менга оғир эди бу хилда кетиш
Тушай десам ҳали манзилим йироқ.
Наҳот чиқмас энди бирор бекатдан
Мендан ёши улуғ ва бечорароқ.
Қўрқиб бораяпман йўл юрган сари
Ўзимни қанчалар бардам тутсам ҳам,
Қўрқиб бораяпман Яратган эгам
Ўзимдан ҳориган зотни кутсам ҳам.
Ўтиниб кетардим энди тақдирдан
Бундай хулосани сира тан олмай
Ҳориган йўловчи, тезроқ чиқақол
Энг бечора одам мен бўлиб қолмай…
© Бобур Элмурод
NIQOBLI...
Bunda bir qiz yashar... sodda, o‘ynoqi,
Meni tanir edi, ko‘nglim to‘q edi.
Unga deb qulupnay tergan kezlarim
Qishloqda niqobli kishi yo‘q edi.
U keldi. Yuzini ko‘rsatgani yo‘q,
Niqobdan qarardi hatto bizga ham.
Ilk bor kelganida pista bergandi,
Qulupnay ko‘targan o‘sha qizga ham.
Tunda ikkovini ko‘rdim adirda,
Ko‘zlarim ko‘rmasa... ko‘nglim to‘q edi.
Niqobli kishini tanidim, o‘sha,
Qizning yuzlarida niqob yo‘q edi.
© Bobur Elmurod
OLAPAR
Tunda jala urdi ovulimizni,
Ezg‘in shovulladi og‘ilning to‘ri.
Shu kecha…
shu kecha bor qo‘yimizni
Bo‘g‘izlab ketibdi, la'nati bo‘ri.
Endi nima bo‘lar, aqlim yetmaydi,
Otam holsizgina hassada yurdi.
So‘ngra qari do‘stim – Olaparimni,
Mening ko‘z o‘ngimda ayamay urdi.
Bechora,
kimdan ham so‘rardi yordam,
Chidadi, aybdor sezdi o‘zini.
Balki tushgandirman uning yodiga,
Faqat men tomonga tikdi ko‘zini.
Mo‘ltirab qarayman keng dalalarga,
Namxush bedalarning bo‘yi muattar.
Barini unutdim, lekin… esimda
Bedazor oralab ketgan Olapar.
Eslayman, Botir-u Yoriltoshlarni,
Ular o‘sha paytlar murodga yetgan.
Mening bolaligim bedazorlarda
Do‘sti Olaparni qidirib ketgan.
© Bobur Elmurod
«O‘zbekiston adabiyoti va san'ati» gazetasida shoir Bobur ELMURODning she'rlari e'lon qilinibdi.
@Bobur_Elmurod
Ассалому алайкум!
Қадрдонларим, омонмисиз?
Янги йил арафасида инсон, қалб, ишқ, ҳаёт ҳақида дилдан суҳбат қуришни ният қилдик.
Республика Ёш ижодкорлар кенгаши ташаббуси билан 2020 йил 23 декабрь куни "Мен асли одаммас, ёр эдим..." номли китобимиз тақдимоти ва ижодий учрашув ўтказилади.
Тадбирда истеъдодли санъаткор Бахтиёр Раҳмонов ҳам меҳмон сифатида қатнашади.
Барчангизни шеърият ва қўшиқ кечасига, ошиқ қалбларнинг дийдор кечасига лутфан таклиф этамиз.
Эҳтиром билан,
шоирингиз Шуҳрат Ориф
@shomuz - Yo‘limiz bir!
Jondan o‘tdi muzday havolar,
Sovuq sanchar yer-u samolar,
Lekin sening beg‘ubor raqsing
Yuragimga bo‘ldi davolar.
Yuragimning oshiqqani qor,
Izimga qo‘n,
Oshiqqina qor!
Labimga qo‘n, qoshlarimga qo‘n,
Kipriklarim, yoshlarimga qo‘n,
Bu dunyoning qoraliklari
Qora qilgan boshlarimga qo‘n.
Ruhimga ber hordiqqina, qor,
Yuzimga qo‘n,
Oshiqqina qor!
Senga tashna ming bitta rishtam,
Seni kutar zamin ham qishdan,
Ey, dunyoni oqqa o‘ray deb,
O‘zi erib ketgan farishtam!
Senga mehrim ortiqqina, qor,
O‘zimga qo‘n,
Oshiqqina qor!
Har parchangda mitti yulduz bor,
Har jilvangda nigoh bor, ko‘z bor.
Bu yerlarda menga boqmagan ,
Seni juda sog‘ingan qiz bor.
Unga baxt qil tortiqqina, qor,
Dilimga qo‘n,
Oshiqqina qor!
Erib ketma, kaftlarin tutsa.
So‘zimga ko‘n,
Oshiqqina qor! (24.02.15)
✍Suhrob Ziyo
🍁🍁🍁🍁🍁🍁🍁🍁
https://t.me/joinchat/AAAAAFHmfjV_EQHVqR8Rcw
🍂🍂🍂🍂🍂🍂🍂🍂
▶️НОЯБРЬ ШЕЪРЛАРИ. 2019
🍁🍁🍁🍁🍁🍁🍁🍁
https://t.me/joinchat/AAAAAFHmfjV_EQHVqR8Rcw
🍂🍂🍂🍂🍂🍂🍂🍂
***
Mayning mayin iskanjasida
Osmon to‘lg‘in-to‘lg‘in boqadi.
Bir yomg‘irlar yog‘adi shunda,
Bu yomg‘irlar unga yoqadi.
Quyosh ketar, ufq tilingan,
Manglayida yog‘dular jangi.
Kamalakday ranggin hislarni
Paydo qilar tomchilar ranggi.
Talanadi tunning bisoti,
Tosh yo‘llarni ezadi titroq.
Unda kezib yurar bir sog‘inch -
Ko‘zi qora, orzulari oq.
Tabassumin quchoqlab chopgan,
Yel bag‘rida barglar oqadi.
Yomg‘irlarga singar tilagi,
Bu yomg‘irlar unga yoqadi.
Odam bino qilgan ochunda
Vayron bo‘lar dillar ishonchi.
Tog‘lar qulab borar, quyunlar
Qahr yig‘ar tomchima-tomchi.
Majnunlari ozar aqldan,
Oqillari yashaydi bedil.
Xira tortgan dun oynasiga
Yomg‘ir kabi yog‘adi nedir.
Dunyo hali noraso juda
Gulni tutsang, ilon chaqadi.
Bu yomg‘irlar juda pokiza,
Bu yomg‘irlar unga yoqadi.
So‘ng u kelar, xayolday sokin
Tushlariga belab dunyoni.
Ko‘zlarida muhabbat hokim,
Yuragida ma’yus isyoni.
Chinqiradi go‘dakday dunyo,
Titrab ketar yomg‘irda tani.
Maysalanar qatron toshlari
Maydalanar qartaygan g‘ami.
Boshimizda osmon guldirar,
U zamindan shodon boqadi.
Bu yomg‘irlar meni o‘ldirar,
Bu yomg‘irlar unga yoqadi.
© Suhrob ZIYO
t.me/suhrob_ziyo1
Тазарру
Яна мендан ғолиб бўлдинг, шайтоним,
Яна бир гуноҳни бўйнимга илдим.
Икки кўзим — менинг икки ҳайроним,
Мен нима қилмадим?
Мен нима қилдим.
Ишқ сўзи кўпчиди тупукларимда,
Ишқни дунё дедим, ютдим дунёни.
Ишқ қурдим ҳайратнинг кўпикларидан,
Худо кечиргайми ишқдан жудони?..
Исёним, тўкилгин киприкларимдан,
Вайрона танимдан унгин, исёним.
Йиқилмай нафснинг қил кўприкларидан,
Эгасиз ит каби улисин шайтоним.
Худойим, сўз бергин, менга бир сўз бер,
Кўнгил даргоҳида тошиб-тўлгани.
Қорайган иймоним порлаган кўз бер –
Ишқнинг кўзларига қараб ўлгани.
Сендан ўзга ким бор?
Сендан ўзга ким
Термулар борлиққа сочиб нигоҳин?
Мен эса йўқликман, мен эса ҳеч ким…
Бўйнимда
соврилган
сўзнинг
гуноҳи.
Cуҳроб Зиё
🍁🍁🍁🍁🍁🍁🍁🍁🍁🍁🍁
https://t.me/joinchat/AAAAAFHmfjV_EQHVqR8Rcw
🍂🍂🍂🍂🍂🍂🍂🍂🍂🍂🍂
РИВОЯТ
Бир киши нола қилди:
“Худо, мен билан гаплаш?”
Ўшанда қор ёғарди
Ёмғир билан аралаш.
“Қанисан, овоз бергин,
Борми сенга борар йўл”.
Шу кезда бутазорда
Хониш қиларди булбул.
“Сени кўрай, изн бер”,
Ялинди, кўзида ёш.
Шунда булут оралаб
Кўкда балқиди қуёш.
“Бор бўлсанг, яқинроқ кел,
Сени кўрмоғим керак”.
Шу он у билан тинмай
Ўйнашарди капалак.
© Бобур ЭЛМУРОД
* * *
Ҳали отмаган тонг. Осуда кеча,
Ҳали сўнггигача кўринмасди йўл.
Нотаниш йигитнинг қабри устида,
Турар, эндигина узилган бир гул.
Кимнинг изҳори бу, уйқусиз бу кеч,
Тонгни ҳам оттирмай келган ким, ё Раб.
Ким у, одамларга билдирмасдан ҳеч,
Бир йигит ёдини юрган хотирлаб.
Эҳтимол бир рўзғор бекасидир у,
Болалари бордир, эмасдир ғариб.
Пинҳон — кўзларига келмасдан уйқу,
Қабристонга келган таскин ахтариб.
Балки кексадир у, ёшдир, лек мудом
Ўзини бахтиёр этолмаган у.
Балки кўнгил бериб юрган бир замон,
Ҳамон кўнгил узиб кетолмаган у.
Лабларим пичирлар, билмам шу онда
Яратган эгамдан неларни сўрдим.
Юраклар урмаган бу қабристонда,
Юрак уриб турган бир ҳисни кўрдим.
Мана, кун ёришиб, оқармоқда тонг,
Мана, сўнггигача кўринмоқда йўл.
Келар — кўп нарсани билмай оломон,
Келар — қабрларга қўйиш учун гул.
© Бобур Элмурод
"Мен 29 ёшдаман"
Мансур Жумаев - Ўзбекистон Ёзувчилар уюшмаси бош мутахассиси, шоир
—
"Мне 29 лет"
Мансур Джумаев - главный специалист Союза писателей Узбекистана, поэт
Prezident.uz|Facebook|Instagram|YouTube|Twitter
* * *
Бир кун йиғламаса аҳли болалар,
Бир кун оч қолмаса уларнинг қорни.
Бир кун узилмаса алвон лолалар,
Ўша кун келарми, ўша кун борми?
Бир кун отилмаса ҳеч кимсага ўқ,
Жаллод ҳам қурмаса ўша кун дорни.
Бир кун мотам тугаб, кийилмаса кўк,
Ўша кун келарми, ўша кун борми?
Бир кун тирик қайтса уйига оҳу,
Ниш урган майсалар кўрса баҳорни.
Бир кун илон зоти сочмаса оғу,
Ўша кун келарми, ўша кун борми?
Болалар уйлари бўш қолса бир кун,
Дарди қийнамаса бир кун беморни.
Бир кун кенглигини ҳис қилса очун,
Ўша кун келарми, ўша кун борми?
Бир кун кўнгли борлар қуришса турмуш,
Бир кун кўнгли йўқлар чалмаса торни.
Балки ўнгда бўлар, ё бўлмаса туш,
Ўша кун келарми, ўша кун борми?
Азизим, нима ҳам бердик дунёга,
Бир кунлик тотгани фақат озорми?
Қачон ишонаркан ҳамма Худога,
Ўша кун келарми, ўша кун борми?
© Бобур Элмурод
Бугун каналимизнинг ижодий ҳамкори @shomuz ташкил топганига роса икки йил тўлибди.
Самимий шоир Шуҳрат ОРИФнинг кўнгил кўзгусига айланган ижодий ўзанда неча юзлаб ошиқлар жам бўлмаган, дейсиз.
Ана шундай дилдошларни бир манзилда жамлаган @shomuz гуллайверсин, гавжумлашаверсин, деймиз.
Канал маъмурияти номидан @shomuz ни яна бир ижодий марра билан қутлаймиз.
Ҳамкорлигимиз бардавом бўлсин!
😊 Йўлимиз бир 👍
@Bobur_Elmurod канали жамоаси.
* * *
Кўп нарсани кўрмадик, дўстим,
Кўп нарса бор ҳали кўргулик.
Кўп майса бор ердан чиқмаган,
Кўп кимса бор ерга киргулик.
© Бобур ЭЛМУРОД
QAYTISH
Qayerlardan kelayapti u,
Rangi o‘chgan va nimjongina.
Xullas, bitta qora taqdirni
Olib keldi oppoq mashina.
Unutmabdi keng dalalarni,
Unutganin eslay olmadi.
Mashinani to‘xtatdi, ammo
Ko‘z yoshini to‘xtatolmadi.
So‘ngra bordi eski uyiga,
Nam tuproqqa belanib yotdi.
Qish.
Yoshligi tushib esiga,
Ukalari unga qor otdi.
Yodga tushdi, darcha yonida
Keksa ona, o‘ltirar xomush.
Kecha unga aytibdi kimdir,
Endi o‘g‘li qaytib kelmasmish.
So‘ng ne bo‘ldi, tushunolmadim,
Uyning tomirlari uvishdi.
Tong.
Ko‘chada turar mashina
Bitta yaproq uzilib tushdi.
© Bobur Elmurod
«O‘zbekiston adabiyoti va san'ati» gazetasida shoir Bobur ELMURODning she'rlari e'lon qilinibdi.
Quyida nashrni PDF shaklda mutolaa qilishingiz mumkin.
@Bobur_Elmurod
* * *
Ҳали отмаган тонг. Осуда кеча,
Ҳали сўнггигача кўринмасди йўл.
Нотаниш йигитнинг қабри устида,
Турар, эндигина узилган бир гул.
Кимнинг изҳори бу, уйқусиз бу кеч,
Тонгни ҳам оттирмай келган ким, ё Раб.
Ким у, одамларга билдирмасдан ҳеч,
Бир йигит ёдини юрган хотирлаб.
Эҳтимол бир рўзғор бекасидир у,
Болалари бордир, эмасдир ғариб.
Пинҳон — кўзларига келмасдан уйқу,
Қабристонга келган таскин ахтариб.
Балки кексадир у, ёшдир, лек мудом
Ўзини бахтиёр этолмаган у.
Балки кўнгил бериб юрган бир замон,
Ҳамон кўнгил узиб кетолмаган у.
Лабларим пичирлар, билмам шу онда
Яратган эгамдан неларни сўрдим.
Юраклар урмаган бу қабристонда,
Юрак уриб турган бир ҳисни кўрдим.
Мана, кун ёришиб, оқармоқда тонг,
Мана, сўнггигача кўринмоқда йўл.
Келар — кўп нарсани билмай оломон,
Келар — қабрларга қўйиш учун гул.
© Бобур Элмурод