🇺🇿 Beminnat CHQBT.O‘z.Res.XTV. Harbiy.ChT

02 августа 2023 14:45

#YANA_BIR_MAKTAB_VRYOTBDO_HCHT_rahbariga_UNVON

⚡️Surxondaryo viloyati Qumqo‘rg‘on tumani 20-maktabning Vatanparvarlik ruhida yoshlarni tayyorlash bo‘yicha direktor o‘rinbosari-Harbiy chaqiriqqacha tayyorgarlik rahbari ALLAYOROV XASAN NORMO‘MINOVICHGA MV 2023-yil 30-iyuldagi 025-sonli buyrug‘iga asosan navbatdagi "KATTA LEYTENANT" harbiy unvoni berildi.

TABRIKLAYMIZ MUBORAK VA BARDAVOM BO‘LSIN!!!

🇺🇿 Beminnat CHQBT.O‘z.Res.XTV. Harbiy.ChT

01 августа 2023 03:20

Menga ovoz bering deb lichkamga xabar kelganiga ovoz beraychi deb ochib hujumga uchradim. Guruh kanalida ochmangizlar degan ogohlantirishni keyin o'qibman.Telegramim bloklangani mayli, ko'pchilikka mening nomimdan o'sha xabar ketib qoldi, bot ekan. Dushman hujumini to'xtatdik. Lekin ehtiyot bo'lish kerak.

🇺🇿 Beminnat CHQBT.O‘z.Res.XTV. Harbiy.ChT

30 июля 2023 02:08

Video chat orqali suhbatlashish uchun meni Meet chaqiruviga qo‘shing. Quyidagi havolani oching: https://duo.app.goo.gl/w1mMPq2

🇺🇿 Beminnat CHQBT.O‘z.Res.XTV. Harbiy.ChT

30 июля 2023 02:08

www.idum.uz__CHQBT_fanidan_attestatsiya_savollari_2022__mutaxassis_toifa_test_savollari.pdf - Google Диск
https://drive.google.com/file/d/1yY1fReAc-UkpeksVCfxMoWsJLwA2mWo2/view

🇺🇿 Beminnat CHQBT.O‘z.Res.XTV. Harbiy.ChT

28 июля 2023 16:50

💠 Абитуриентларга рухсатномалар бериш бошланди.

❗️ 2023-2024-ўқув йилида олий таълим муассасаларининг бакалавриат таълим йўналишларига ўқишга кириш учун онлайн рўйхатдан ўтган абитуриентларга “Абитуриент рухсатномаси”ни бериш бошланди.

✨ Абитуриентлар тест синовларида иштирок этиш учун “Абитуриент рухсатномаси”ни my.uzbmb.uz сайтига шахсий идентификация рақами ҳамда паспорт серияси ва рақамини киритган ҳолда олишлари мумкин.

✅ Абитуриентлар тест синовига паспорт (ID-карта) ва абитуриент рухсатномаси билан белгиланган вақтдан кечикмаган ҳ олда келишлари лозим.

🇺🇿 Beminnat CHQBT.O‘z.Res.XTV. Harbiy.ChT

24 июля 2023 16:03

🇺🇿 Ўзбекистоннинг доимий аҳолиси сони 2,2 % га ошган

Статистика агентлигининг дастлабки маълумотларига кўра, 2023 йилнинг 1 июль ҳолатига республика бўйича жами доимий яшовчи аҳоли сони 36 372,3 минг кишини ташкил этиб, 2022 йилнинг мос даврига нисбатан 2,2 фоизга кўпайган.

Шундан:

Аёллар сони – 18 066,0 минг киши

Эркаклар сони – 18 306,3 минг киши.

/channel/+IZG-2o7ESO9lOGYy

🇺🇿 Beminnat CHQBT.O‘z.Res.XTV. Harbiy.ChT

21 июля 2023 05:52

«VATANPARVAR» gazetasining 2023-yil 21-iyul 29-soni mutolaa uchun havola qilinadi.

Ushbu fayl gazeta tahririyati tomonidan taqdim etildi.

Shuningdek, @mv_vatanparvar_uz telegram kanali orqali ham tahririyat tomonidan tayyorlangan materiallar bilan tanishib borishingiz mumkin.

📌O‘qish uchun havola: https://anyflip.com/dwalh/tcds/

🇺🇿 Beminnat CHQBT.O‘z.Res.XTV. Harbiy.ChT

14 июля 2023 18:09

Mutolaa uchun «VATANPARVAR» gazetasining 2023-yil 14-iyul 28-sonini to‘lig‘icha elektron holda havola etamiz.

Ushbu elektron gazeta tahririyat tomonidan taqdim etildi.

Shuningdek, @mv_vatanparvar_uz telegraBm kanali orqali ham tahririyat tomonidan tayyorlangan materiallar bilan tanishib borishingiz mumkin.

📌O‘qish uchun havola: https://online.anyflip.com/dwalh/jcsn/mobile/index.html

Yangiliklarni kuzatib boring:

➡️ Telegram | LIVE |Facebook | Youtube |Instagram | Twitter

🇺🇿 Beminnat CHQBT.O‘z.Res.XTV. Harbiy.ChT

14 июля 2023 18:07

Президент мамлакатимизда бугун мавжуд бўлган саноат салоҳияти дунёдаги кўпгина давлатларда йўқлигини таъкидлади.

"Биз мана шундай ноёб салоҳиятимизни янада ривожлантириш, юртимизни қудратли индустрия маконига, юқори технологиялар, инновациялар, жаҳон бозорида рақобатбардош бўлган сифатли маҳсулотлар ишлаб чиқарадиган замонавий мамлакатга айлантириш бўйича катта-катта дастурлар қабул қилганмиз ва уларни албатта амалга оширамиз.

Биз нафақат моҳир пахтакор ва боғбонлар ўлкаси, балки юқори малакали IT мутахассислар, инженер ва энергетиклар, кончи ва металлурглар, физик ва кимёгарлар мамлакати бўлишимиз керак.

Ўзбекистонимизнинг ер ости ва ер усти бойликлари кўп. Лекин бизнинг энг катта кучимиз, бебаҳо бойлигимиз – бу ягона, аҳил оила бўлиб яшаётган кўпмиллатли халқимиздир.

Бўлиб ўтган сайловлар бу ҳақиқатни яна бир бор исботлади.
Барчамиз, миллатимиз, тилимиз ва динимиздан қатъи назар:
дунёмиз, эл-юртимиз тинч бўлсин, Ўзбекистонимиз обод ва фаровон бўлсин, фарзанд ва невараларимиз соғлом бўлиб, замонавий билим ва касб-ҳунар эгаллаб, ҳаётда ўз ўрни ва бахтини топсин, деган эзгу ният билан яшаймиз.

Биз мамлакатимиздаги 130 дан ортиқ миллат ва элат вакилларига ўз тили, маданияти, урф-одат ва қадриятларини ривожлантиришлари учун зарур шароит яратиб беришни изчил давом эттирамиз.

Ишончим комил, азалдан дўстлик ва ҳамжиҳатлик маскани сифатида шуҳрат қозониб келган Ўзбекистон замини бундан буён ҳам чинакам инсонпарварлик ва бағрикенглик диёри бўлиб қолади".

Facebook|Instagram|Twitter

🇺🇿 Beminnat CHQBT.O‘z.Res.XTV. Harbiy.ChT

14 июля 2023 18:07

Давлатимиз раҳбари Ўзбекистон ёшларига мурожаат қилди:

"Азиз ўғил-қизларим, бугун тарихнинг ўзи, замоннинг ўзи сизларнинг олдингизда беқиёс имкониятлар очмоқда.

Эл-юрт корига аввало ким ярайди? Албатта, сизлар!
Янги Ўзбекистонни, Учинчи Ренессансни ким барпо этади?
Албатта, сизлар!
Юртимиз, халқимизни келажакда ким рози қилади?
Албатта, сизлар!

Халқимиз, Ватанимиз сизларга ишонади.

Сизлар Ўзбекистон тарихига олтин ҳарфлар билан ёзиладиган буюк ишларни амалга оширишга қодирсиз.

Ёшлик – ғанимат, вақт – ғанимат, фурсат борида отни қамчиланг! Давлатимиз, халқимиз яратиб бераётган имкониятларнинг қадрига етинг! Дунёга ўз сўзингизни айтинг!

Изланиш ва интилишдан асло тўхтаманг! Бахт ва омад доимо сизларга ёр бўлсин!"

Facebook|Instagram|Twitter

🇺🇿 Beminnat CHQBT.O‘z.Res.XTV. Harbiy.ChT

14 июля 2023 18:07

"Одамлар энди биздан янги амалий ишларни кутяпти. Миллионлаб инсонлар – ота-оналаримиз, опа-сингилларимиз, ўғил-қизларимиз бугун бизга умид ва ишонч билан кўз тикиб турибди. Ана шундай умид ва ишончни оқлаш, эришган ютуқларимизни янги натижалар билан мустаҳкамлаш бизнинг нафақат вазифамиз, балки инсоний бурчимизга айланиши шарт.

Барча бўғиндаги раҳбарларга чиройли, баландпарвоз гапига қараб эмас, фаолиятининг аниқ натижасига қараб баҳо берамиз.

Қонунларни, одамларни менсимайдиган, уларга қўпол муносабатда бўладиган, бюрократия ва коррупция балосига берилган ҳар қандай раҳбар билан – у вазир ёки ҳоким бўладими, бошқа масъул вазифадаги амалдор бўладими – салбий ҳаракатлари билан давлат обрўсига путур етказаётган бундай кишилар билан узил-кесил хайрлашамиз.

Уларнинг ўрнига билимли, Ватан ва халқ ташвиши билан яшайдиган ёш-ёш йигит- қизларни қўямиз.

Мана, сафимизга юртимиздаги, чет элдаги нуфузли олийгоҳларда ўқиган, йирик компанияларда ишлаган қанча-қанча салоҳиятли ёшлар кириб келмоқда. Мен уларнинг тимсолида аввало эртанги кунимизнинг янги раҳбарларини, ҳудуд, тармоқ ва соҳаларнинг моҳир бошқарувчиларини кўраман" - деди Шавкат Мирзиёев.

Facebook|Instagram|Twitter

🇺🇿 Beminnat CHQBT.O‘z.Res.XTV. Harbiy.ChT

14 июля 2023 18:07

"Конституциямизда муҳрлаб қўйилганидек, жонажон Ўзбекистонимизни, миллати, тили ва динидан қатъи назар, ҳар бир фуқаромиз тинч ва эркин, бахтли ва фаровон яшайдиган ижтимоий давлатга айлантирамиз.

Жумладан, таълим ва тарбия, соғлиқни сақлаш, илм-фан, маданият ва санъат, спорт соҳаларини ривожлантириш, янги уй-жойлар қуриш, аҳолини ичимлик суви, энергия билан ишончли таъминлаш, ижтимоий инфратузилмалар ишини яхшилаш бўйича белгилаб олган вазифаларни албатта бажарамиз.

Биз учун Ватан рамзи бўлган маҳалла тизимини барча ислоҳотларимизда марказий ва ҳал қилувчи бўғинга айлантирамиз.

Тадбиркорлик учун янада қулай имкониятлар яратиб, янги-янги иш ўринлари очиш, аҳоли даромадларини кўпайтириш, ёшлар ва хотин-қизларни замонавий касб-ҳунарларга ўқитиш, уларнинг бандлигини ошириш эътиборимиз марказида бўлади.

Аҳолининг эҳтиёжманд қатламлари, ногиронлиги бўлган шахслар, ёлғиз кексаларни қўллаб-қувватлаш, камбағалликни қисқартиришга қаратилган ишларни янги босқичга олиб чиқамиз" - деди Президент сўзининг давомида.

Facebook|Instagram|Twitter

🇺🇿 Beminnat CHQBT.O‘z.Res.XTV. Harbiy.ChT

14 июля 2023 18:07

"Ислоҳотларимизнинг таъсирчанлиги ва бардавомлигини таъминлаш учун йўлимизда учраши мумкин бўлган барча хавф-хатар, тўсиқ ва ғовларни ҳисобга олишимиз ва улардан талафотсиз ўтиш чораларини кўришимиз зарур.

Барчамиз биргаликда келажакка ишонч билан интилиб, бутун диққат-эътиборимизни олдимизда турган вазифаларни ҳал этишга қаратишимиз, халқимиз кутаётган, даврнинг ўзи талаб этаётган янги ғоя ва ташаббусларни илгари суришимиз лозим.

Биз ўтмишдан, кечаги тарихимиздан, йўл қўйган хато ва камчиликларимиздан зарур хулосалар чиқариб, Ўзбекистонимизнинг дунёдаги ўрни ва нуфузини янада юксалтиришимиз, Ватанимиз шуҳрати ва шон-шарафини ҳамма жабҳаларда муносиб ва мардона ҳимоя қилишимиз керак.

Нега деганда, бугунги кескин рақобат оламида кечаги мезон ва ёндашувлар билан ривожланиб бўлмайди. Бугунги замон – бу кечаги замон эмас.

Шу боис, ҳар бир имкониятдан оқилона фойдаланиб, ҳар қандай муаммони ақл билан, илм билан ҳал қилишимиз, турли синовларни халқимиз билан бамаслаҳат, оғир-вазмин бўлиб енгиб ўтишимиз керак.

Парламентимиз, ҳукуматимиз, вазирлик ва идоралар, маҳаллий ҳокимликлар ўзларининг келгуси фаолиятларини мана шу омилларнинг барчасини инобатга олган ҳолда ташкил этишлари зарур.

Энди барча соҳа ва тармоқларда тизим ўзгаради, вазият ўзгаради, самарадорлик ўзгаради", - деб таъкидлади Президент сўзининг давомида.

Facebook|Instagram|Twitter

🇺🇿 Beminnat CHQBT.O‘z.Res.XTV. Harbiy.ChT

14 июля 2023 18:07

Шавкат Мирзиёев сайлов жараёнлари иштирокчиларига миннатдорлик билдирди.

"Қорақалпоғистон Республикаси, вилоятлар ва Тошкент шаҳри сайловчиларига, барча туман ва шаҳарларимиз, қишлоқ ва овулларимиз аҳолисига, юртимизда тинчлик, дўстлик ва ҳамжиҳатликни мустаҳкамлаш йўлида сидқидилдан хизмат қилаётган маҳалла фаолларига, фуқаролик институти вакилларига, ҳаётимизнинг нуру зиёси бўлган азиз фахрийларимизга, жамиятимиз ривожига беқиёс ҳисса қўшиб келаётган қадрли опа-сингилларимизга, келажагимиз эгалари – навқирон ёш авлодимизга, суюкли ўғил-қизларимга, чет элларда таълим олиб, меҳнат қилаётган, Ватан меҳри билан яшаётган барча ватандошларимизга чин юракдан ташаккур билдираман.

Айни вақтда ишлаб чиқариш ва ижтимоий соҳаларда фидокорона меҳнат қилаётган ишчи-хизматчиларга, тадбиркор ва фермерларга, бунёдкор қурувчиларимизга, фидойи устоз ва мураббийларга, илм-фан, ижод ва санъат аҳлига, муҳтарам уламоларимизга, аҳоли саломатлигини асраш ва мустаҳкамлаш йўлида жонбозлик кўрсатаётган тиббиёт ходимларига, дунёдаги энг улуғ ва шарафли вазифани адо этаётган жасур ҳарбийларимизга, барча Ватан ҳимоячиларига, жаҳон майдонларида юртимиз байроғини баланд кўтараётган матонатли спортчиларимизга алоҳида раҳмат айтаман.

Шу билан бирга, Марказий сайлов комиссияси, округ ва участка сайлов комиссиялари аъзоларига, маҳаллий ҳокимликлар ҳамда хорижий мамлакатлардаги элчиларимизга, дипломатик ваколатхоналаримиз ходимларига, сайлов жараёнларида қатнашган маҳаллий ва хорижий кузатувчиларга, оммавий ахборот воситалари вакилларига, журналист ва блогерларга самимий миннатдорчилик изҳор этаман.

Ўзбекистон Республикаси Президенти этиб сайланишим муносабати билан самимий табрикларини йўллаган мамлакатимизнинг барча фуқароларига, хорижий давлатлар ва халқаро ташкилотлар раҳбарларига, сиёсат ва жамоат арбобларига чуқур эҳтиромимни билдираман", - деди давлат раҳбари.

Facebook|Instagram|Twitter

🇺🇿 Beminnat CHQBT.O‘z.Res.XTV. Harbiy.ChT

14 июля 2023 18:07

"Олижаноб ва бағрикенг халқимиз менга яна бир бор катта ишонч билдириб, буюк Ватанимиз тақдири учун бутун масъулиятни ўз зиммамга олиш имконини берганини шу ҳаяжонли лаҳзаларда янада чуқур англаб, қалбим чексиз ғурур ва ифтихор туйғуларига тўлмоқда.

Шу билан бирга, бугун елкамга қандай улуғвор масъулият олаётганимни, Ватанимиз мустақиллиги, 36 миллиондан зиёд азиз халқимнинг тинчлиги ва фаровонлиги учун шахсан жавобгар эканимни юрак-юрагимдан ҳис этиб турибман.

Мана шундай юксак ишонч учун, ҳурмат ва эътибор учун кўпмиллатли, мард ва донишманд халқимизга фарзандлик меҳри ва садоқати билан таъзим қиламан", – деди Президентимиз.

Facebook|Instagram|Twitter

🇺🇿 Beminnat CHQBT.O‘z.Res.XTV. Harbiy.ChT

01 августа 2023 18:17

#НАВБАТДАГИ_HARBIY_UNVON

⚡️ Surxondaryo viloyati Sho‘rchi tumani 42-maktabning Vatanparvarlik ruhida yoshlarni tayyorlash bo‘yicha direktor o‘rinbosari- Harbiy chaqiriqqacha tayyorgarlik rahbari BOBOMURADOV XUSHVAQT TO‘RAYEVICHga  navbatdagi "PODPOLKOVNIK" va Qumqo‘rg‘on tumani ixtisoslashtirilgan maktabining VRYOTBDO‘-HCHTR GADAYMURATOV SHAVKAT MAMAYUSUPOVICHni "KATTA LEYTENANT" harbiy unvonlarini olganligi bilan muborakbod etamiz.

💐Sizlarga mustahkam sog'lik, ulkan baxt va Vatanimiz farovonligi yo'lidagi kasbiy burchingizni ado etishda hamda yoshlarni harbiy-vatanparvarlik ruhida tarbiyalashda ulkan muvaffaqiyatlar tilaymiz!!!

🇺🇿 Beminnat CHQBT.O‘z.Res.XTV. Harbiy.ChT

30 июля 2023 02:10

/channel/+U26pKWJTUgM_cEv1

🇺🇿 Beminnat CHQBT.O‘z.Res.XTV. Harbiy.ChT

30 июля 2023 02:08

http://lex.uz//docs/3571158 Ёшларни ҳарбий-ватанпарварлик руҳида тарбиялаш концепциясини тасдиқлаш тўғрисида

🇺🇿 Beminnat CHQBT.O‘z.Res.XTV. Harbiy.ChT

29 июля 2023 13:57

⚡️ 2023-2024-o‘quv yiliga mo‘ljallangan variativ o‘quv rejalarini tasdiqlandi

O‘zbekiston Respublikasi Maktabgacha va maktab ta’limi vazirining 213-sonli (19.07.2023) buyrug‘i Umumiy o‘rta ta’lim muassasalarida 2023-2024-o‘quv yiliga mo‘ljallangan variativ o‘quv rejalarini tasdiqlandi.

Quyidagilar:

➖maktablarda variativ o‘quv rejalarini joriy etish
bo‘yicha tavsiya 1-ilovaga muvofiq;

➖ta’lim o‘zbek tilida bo‘lgan maktablar uchun 2023-2024-o‘quv yiliga mo‘ljallangan variativ o‘quv rejalari 2-ilovaga muvofiq;

➖ta’lim rus tilida bo‘lgan maktablar uchun 2023-2024-o‘quv yiliga mo‘ljallangan variativ o‘quv rejalari 3-ilovaga muvofiq;

➖ta’lim qardosh tillarida bo‘lgan maktablar uchun
2023-2024-o‘quv yiliga mo‘ljallangan variativ o‘quv rejalari 4-ilovaga muvofiq tasdiqlandi.

@talimdai

🇺🇿 Beminnat CHQBT.O‘z.Res.XTV. Harbiy.ChT

25 июля 2023 04:41

Уруғ

Бир кун ўқувчилар кекса устоз олдига келиб, ундан сўрадилар: нега ёмон одатлар одамни осонгина эгаллайди, яхшилари эса – қийин ва анча омонат бўлади.
-  Агар соғлом уруғни қолдириб, касалини ерга кўмсангиз нима бўлади?
-  Офтобда қолган уруғ ҳалок бўлади, тупроққа кўмилгани ёмон бўлса ҳам ўниб чиқади, лекин кам хосил бўлиб ёмон мева беради. – Жавоб беришди ўқувчилар.
-  Одамлар ҳам шундай қилишади: хайрли ишларни дилдан бажариш, қалби тўрида асраш ва камол топтириш ўрнига, уларни кўз-кўз қилиш учун чиқариб қўйишади ва эҳтиётламай нобут қилишади. Ўзларининг гуноҳлари ва иллатларини эса бошқалар кўрмаслиги учун диллари тубига яширишади. Улар у ерда ўсади, қалбларини эгаллайди, ўзини бебурд қилади.

“Ҳикматлар жавоҳири” китобидан.

🇺🇿 Beminnat CHQBT.O‘z.Res.XTV. Harbiy.ChT

24 июля 2023 03:16

⚡️Шавкат Мирзиёев 66 ёшни қаршилади

Бугун, 24 июль куни Ўзбекистон Республикаси президенти Шавкат Миромонович Мирзиёев таваллуд топган кун.

Маълумот ўрнида, Шавкат Мирзиёев 1957 йил 24 июль куни Жиззах вилояти, Зомин туманида таваллуд топган. Икки қизи, бир ўғли ва 6 нафар набираси бор.

Ушбу кун муносабати билан давлат раҳбарига мустаҳкам соғлик, куч-қувват ва ватан равнақи йўлида қилаётган эзгу ишларига зафарлар тилаб қоламиз.

🇺🇿 Beminnat CHQBT.O‘z.Res.XTV. Harbiy.ChT

17 июля 2023 14:05

Шу маълумотни кўпроқ группаларга таниш нотаниш инсонларга тарқтиб, кўчаларимизни обод, озода ва тоза бўлишига ўз хиссангизни қўшиб сабабчи бўлсангиз. Оллохим Сизлардан рози бўлсин!

🇺🇿 Beminnat CHQBT.O‘z.Res.XTV. Harbiy.ChT

14 июля 2023 18:07

Президент ҳозирги таҳликали замонда юртимиз тинчлиги ва хавфсизлигини таъминлашнинг ишончли кафолати бўлган Қуролли Кучларимиз қудратини янада ошириш устувор вазифамиз эканини қайд этди.

Шу мақсадда миллий армиямиз қудратини, аскар ва офицерларимизнинг жанговар шайлиги, жисмоний ва маънавий тайёргарлигини кучайтиришга эътибор янада оширилади.

Ҳарбий хизматчилар ва соҳа фахрийларини, уларнинг оила аъзоларини қўллаб-қувватлаш, моддий таъминотини янада яхшилаш, уй-жой билан таъминлаш, фарзандларининг замонавий билим ва касб- ҳунарларни эгаллаши учун қўшимча чора-тадбирлар кўрилади.

"Биз чуқур ўйланган ташқи сиёсат ва иқтисодий дипломатия борасидаги ҳаракатларимизни изчил давом эттирамиз.

Аввало, минтақамиз мамлакатлари билан яқин дўстлик, яхши қўшничилик ва стратегик шериклик муносабатларини янада кучайтириш асосий мақсадимиз бўлади. Дунёнинг узоқ-яқин давлатлари билан ўзаро манфаатли ва кўпқиррали алоқаларни кенгайтиришга алоҳида эътибор берамиз.

Яқин қўшнимиз бўлган Афғонистонда тинч ва осойишта ҳаётни тиклаш учун афғон халқига қўлимиздан келган барча ёрдамни кўрсатамиз. Ушбу мамлакат билан биргаликда йирик транспорт-коммуникация лойиҳаларини амалга оширишдан манфаатдормиз.

Бирлашган Миллатлар Ташкилоти ва унинг ихтисослашган тузилмалари, Парламентлараро иттифоқ, Мустақил Давлатлар Ҳамдўстлиги, Шанхай ҳамкорлик ташкилоти, Ислом ҳамкорлик ташкилоти, Туркий давлатлар ташкилоти, Иқтисодий ҳамкорлик ташкилоти ва бошқа халқаро минтақавий ташкилотлар ҳамда молиявий институтлар билан кўп томонлама муносабатларни янги босқичга кўтарамиз", - деди Шавкат Мирзиёев.

Facebook|Instagram|Twitter

🇺🇿 Beminnat CHQBT.O‘z.Res.XTV. Harbiy.ChT

14 июля 2023 18:07

"Экология ва атроф-муҳитни асраш, сув тақчиллигининг олдини олиш бундан буён ҳам биз учун долзарб вазифа бўлиб қолади.

Биз, ҳеч шубҳасиз, экологик мувозанат, мусаффо ҳаво, тоза сув, безавол табиат тарафдоримиз. Бу масала биз учун бошқаларга қараганда ниҳоятда долзарб ва муҳимдир. Нега деганда, биз дунёдаги энг катта экологик офат – Орол фожиасини бевосита ўз бошидан кечираётган халқмиз.

Шунинг учун ҳозирги вақтда республикамизда бебаҳо эко-тизимни сақлаш ва мустаҳкамлашга қаратилган кенг кўламли дастурлар, жумладан, “Яшил макон” умуммиллий лойиҳаси амалга оширилмоқда. Биз келгусида бу ишларни янада жадал давом эттирамиз.

Янги қуриладиган саноат корхоналари лойиҳаларида бу масала бўйича қаттиқ назорат ўрнатилади. Оролбўйи минтақасидаги экологик вазиятни яхшилаш учун ҳам барча зарур чора-тадбирларни кўрамиз.

Айни пайтда биз фақат деҳқончилик билан кун кўрадиган мамлакат бўлиб қолмаслигимиз керак. Биз атроф-муҳитга зарар етказмаган ҳолда, ишлаб чиқариш индустрияси кучли даражада ривожланган давлатга айланишимиз зарур" - деди Президент.

Facebook|Instagram|Twitter

🇺🇿 Beminnat CHQBT.O‘z.Res.XTV. Harbiy.ChT

14 июля 2023 18:07

Президент иқтисодиёт соҳасида ҳам туб бурилишлар амалга оширилишини таъкидлади.

“Яшил иқтисодиёт”, “яшил энергия” тамойиллари янада кенг жорий этилади. Иқтисодиётимизга киритилаётган инвестициялар ҳажми бир неча баробар оширилади.

"Биз 2030 йилгача ялпи ички маҳсулотимиз ҳажмини 160 миллиард долларга етказишдек жуда катта марра олдик.

Бунга эришиш албатта осон бўлмайди. Лекин бу йўлда аниқ ҳисоб-китобларимиз, реал имкониятларимиз бор. Табиий бойликларимиз, меҳнат ресурсларимиз, интеллектуал ва маънавий салоҳиятимиз, иш тажрибамиз етарли", - деди Президент.

Facebook|Instagram|Twitter

🇺🇿 Beminnat CHQBT.O‘z.Res.XTV. Harbiy.ChT

14 июля 2023 18:07

"Ҳеч шубҳасиз, биз бозор тамойилларига асосланган кучли иқтисодиёт билан бирга аждодларимизнинг бой мероси ва миллий қадриятларга асосланган кучли маънавиятга таянамиз.

Сайловолди учрашувларида миллий ўзлигимиз ва эзгу қадриятларимизни асраб-авайлаш, маданият, маънавият ва маърифат соҳаларини ривожлантириш, ёш авлодни Ватанга муҳаббат ва садоқат руҳида тарбиялаш бўйича белгилаб олган вазифаларни сизлар билан, кенг жамоатчилик билан биргаликда амалга оширамиз

Ўзбекистонда барча сиёсий ҳуқуқлар қаторида виждон ва эътиқод эркинлиги кафолатлари сўзсиз таъминланади.

Биз демократия ва очиқлик сиёсатини изчил давом эттириб, конструктив мухолифат фаолиятини, сўз ва матбуот эркинлиги, фуқароларнинг ахборот олиш, ундан фойдаланиш ва тарқатишга бўлган ҳуқуқларини кафолатлаймиз.

Ўзбекистон фуқаролари дунёнинг қайси ўлкаси ёки минтақасида бўлмасин, қонунларимиз ҳимоясида бўлади. Чет элдаги ватандошларимиз билан алоқаларни янада мустаҳкамлаймиз" - деди Президент.

Facebook|Instagram|Twitter

🇺🇿 Beminnat CHQBT.O‘z.Res.XTV. Harbiy.ChT

14 июля 2023 18:07

"Биз сайловнинг эртаси куниёқ белгилаб олинган улкан мақсадларни амалга ошириш бўйича қатъий ҳаракатларни бошладик. Чунки вақт, ҳаёт бизни кутиб турмайди. Даврнинг ўзи барчамизни тезкор бўлишга, керак бўлса, вақтдан ўзиб ишлашга ундамоқда.

Кимки “Сайлов ўтди – сафарбарлик тугади”, деб ўйласа, хато қилади. Ҳақиқий сафарбарлик энди бошланади. Чунки халқимиз бизга ишониб топширган катта-катта режа ва дастурларни ўзимиз бажармасак, айтинг, четдан ким келиб бажариб беради?

Келгуси етти йилга мўлжаллаб ишлаб чиқилган стратегик мақсадларга эришиш учун бизда барча куч ва имкониятлар бор.

Қудратли халқимизга таяниб, ақл-заковатимиз, билим ва тажрибамизни ишга солиб, ислоҳотларимиз суръати ва самарасини янада оширамиз, ҳеч қачон сусайтирмаймиз. Қанчалик қийин ва машаққатли бўлмасин, танлаган йўлимиздан ортга қайтмаймиз.

“Ҳар бир кун – бу имконият, ҳар бир кун – бу келажак пойдевори” деган шиор бугундан бошлаб ҳаётимиз қоидасига, ҳар қайси раҳбарнинг, барча халқ ноиблари, вазир ва ҳокимларнинг кундалик фаолият дастурига айланиши шарт", – деди давлат раҳбари.

Facebook|Instagram|Twitter

🇺🇿 Beminnat CHQBT.O‘z.Res.XTV. Harbiy.ChT

14 июля 2023 18:07

Президент халқимизнинг юксак ишончи барчамиздан – депутат ва сенаторлар, вазир ва ҳокимлар, давлат ва нодавлат ташкилотлари раҳбарларидан, ҳар бир юртдошимиздан белимизни янада маҳкам боғлаб, аввалгидан икки-уч карра кўпроқ ғайрат ва шижоат билан ишлашни талаб этишини таъкидлади.

"Олдимизда турган давр Ўзбекистон учун сиёсий, иқтисодий- ижтимоий, маданий-гуманитар соҳаларда туб бурилиш ва улкан ўзгаришлар даври бўлади.

Кечаги натижа, кечаги қараш ва мезонлар энди тарих. Улар энди бизни қониқтирмайди. Янги давр учун янги ғоя ва ташаббуслар керак, янги натижалар керак. Шундагина у том маънода янги давр бўлади.

Ўзингиз кўриб турибсиз, бугун дунё қандай шиддат билан, кескин ўзгариб бормоқда. Жаҳон миқёсида бир тарихий давр ниҳоясига етмоқда. Айни вақтда олдиндан таҳлил қилиб бўлмайдиган жараёнлардан иборат ўта мураккаб янги бир давр бошланмоқда.

Ер юзининг турли минтақаларида давом этаётган қуролли можаролар глобал тинчлик ва осойишталикка жиддий путур етказмоқда. Бундай низо ва тўқнашувлар, шафқатсиз рақобат савдо ва инвестиция оқимларини, товар ва хизматлар айланишини издан чиқариб, озиқ-овқат ва энергетика хавфсизлиги бўйича янги муаммолар келтириб чиқармоқда.

Дунё миқёсида иқлим ўзгариши, табиий бойликлар ва сув ресурсларининг тобора тақчил бўлиб бораётгани ҳам барқарор ривожланишга кучли салбий таъсир кўрсатмоқда.

Биз мана шундай оғир ва таҳликали вазиятда халқимиз манфаатларига жавоб берадиган ягона тўғри йўлни – самарали ички ва ташқи сиёсат йўлини аниқ белгилаб олишимиз ва уни қатъий амалга оширишимиз лозим" – деди Шавкат Мирзиёев.

Facebook|Instagram|Twitter

🇺🇿 Beminnat CHQBT.O‘z.Res.XTV. Harbiy.ChT

14 июля 2023 18:07

Шавкат Мирзиёев унинг номзодини илгари сурган Тадбиркорлар ва ишбилармонлар ҳаракати – Ўзбекистон Либерал-демократик партиясининг аъзолари ва фаолларига, у билан ҳамфикр бўлиб, номзодини қўллаб-қувватлаган “Миллий тикланиш” демократик партияси вакилларига, барча тарафдорлари ҳамда ишончли вакилларига ташаккур айтди.

Сайловда муносиб иштирок этган “Адолат” социал-демократик партиясидан номзод Робахон Маҳмудовага, Ўзбекистон Халқ демократик партиясидан Улуғбек Иноятовга, Ўзбекистон Экологик партиясидан Абдушукур Ҳамзаевга алоҳида миннатдорлик билдириб, уларнинг келгуси ишларига ютуқ ва омадлар тилади

"Албатта, биз турли сиёсий партияларга мансуб бўлишимиз, турли ғоя ва қарашлар тарафдори бўлишимиз мумкин. Демократия дегани ҳам аслида шу. Аммо моҳият эътибори билан қараганда, барчамизнинг, бутун Ўзбекистон халқининг мақсади бир. Бизнинг барчамизни Ватан, эл-юрт манфаати бирлаштиради.

Шу сабабли биз сайловда қатнашган партияларимиз дастурларидаги энг муҳим фикрлар ва амалий таклифларни келгуси фаолиятимизда албатта эътиборга оламиз. Барчамиз Янги Ўзбекистон деган ягона ва улуғ мақсад атрофида янада жипслашиб, халқимизнинг орзу-армони бўлган мана шу эзгу ғояни амалга ошириш йўлида ҳамкорлик қиламиз", – деди Президент.

Facebook|Instagram|Twitter

🇺🇿 Beminnat CHQBT.O‘z.Res.XTV. Harbiy.ChT

14 июля 2023 18:07

Шавкат Мирзиёев Президент сайлови янгиланган Конституциямиз асосида ўтказилгани унга чинакам халқчил руҳ ва мазмун бағишлаганини таъкидлади.

"Ушбу сайловда халқимиз ўз хоҳиш-иродасини эмин-эркин билдириб, Янги Ўзбекистон учун овоз берди, деб айтишга барча асосларимиз бор.

Мамлакатимиз ҳаётидаги ғоят муҳим ва масъулиятли бу сиёсий жараён эл-юртимиз билан биргаликда танлаган ва амалга ошираётган миллий тараққиёт йўлимиз нақадар тўғри эканини яна бир марта тасдиқлади.

Сайловда 15 та халқаро ташкилотдан 466 нафар, 47 та хорижий давлатдан 331 нафар вакил халқаро кузатувчи сифатида қатнашди. Шу билан бирга, 1400 нафар маҳаллий ва хорижий журналистлар сайлов жараёнларини атрофлича ёритиб борди.

Европада хавфсизлик ва ҳамкорлик ташкилотининг Демократик институтлар ва инсон ҳуқуқлари бюроси ҳамда Мустақил Давлатлар Ҳамдўстлигининг узоқ муддатли миссиялари бутун сайлов жараёнларини бевосита кузатиб борди.

Шунингдек, Мустақил Давлатлар Ҳамдўстлиги Парламентлараро ассамблеяси, Шанхай ҳамкорлик ташкилоти, Ислом ҳамкорлик ташкилоти, Туркий давлатлар ташкилотидан ҳам кузатувчилар иштирок этди. Буларнинг барчаси ушбу сайлов жаҳон ҳамжамиятида катта қизиқиш уйғотганини кўрсатади.

Маҳаллий ва хорижий кузатувчилар сайлов миллий қонунчилигимиз ва умумэътироф этилган халқаро тамойиллар асосида, эркин ва демократик, соғлом рақобат ва сиёсий кураш муҳитида, очиқлик ва шаффофлик руҳида ўтганини эътироф этдилар.

Бу, ўз навбатида, барчамизни бирлаштириб, ўз куч ва имкониятимизга бўлган ишончимиз, халқимиз, Ватанимиз олдидаги масъулиятимизни янада ошириши табиий, албатта", – деди Президент.

Facebook|Instagram|Twitter