belsat | Неотсортированное

Telegram-канал belsat - Белсат

42763

Тэлеканал Белсат Даслаць навіну, фота ці відэа: @BelsatBot Расейскамоўны рэгіянальны ТГ @BelsatRu

Подписаться на канал

Белсат

✔️TikTok разбаніў Ціханоўскую і Латушку

17 ліпеня TikTok разблакаваў акаўнты Святланы Ціханоўскай і Паўла Латушкі для карыстальнікаў у Беларусі. Гэта атрымалася дзякуючы перамовам офіса Ціханоўскай з прадстаўнікамі платформы праз дыпламатычныя кантакты — паведаміла «Люстэрка»

У TikTok паставіліся да просьбы з разуменнем і пагадзіліся на далейшае супрацоўніцтва. Таксама абмеркавалі варыянты прадухілення падобных сітуацый у будучыні і падтрымку беларускай мовы.

Нагадаем, 11 чэрвеня TikTok заблакаваў акаўнты Ціханоўскай і Латушкі для карыстальнікаў у Беларусі — гэта быў першы такі выпадак у краіне.

Читать полностью…

Белсат

🇪🇺ЕЗ забаніў чатыры беларускія банкі

Еўразвяз 18 ліпеня зацвердзіў новы, самы жорсткі пакет санкцый супраць Расеі і Беларусі. У спіс трапілі 14 чалавек і 41 кампанія, а таксама беларускія банкі, з якімі цяпер цалкам забароненыя фінансавыя аперацыі:

- «Беларусбанк»
- «Белаграпрамбанк»
- «Белінвестбанк»
- «Банк Дабрабыт»


Уведзена таксама эмбарга на зброю з Беларусі і абмежаванні на ваенныя тавары. Таксама працягваецца ціск на расейскі нафтавы флот і ўведзены новы цэнавы ліміт на расейскую нафту. Раней санкцыі тармазілі Мальта і Славаччына, але цяпер яны падтрымалі іх.

🔗Падрабязнасці — па спасылцы

Читать полностью…

Белсат

🇬🇪У Тбілісі вызвалілі арыштаванага беларуса, які падаваўся на міжнародную абарону

Беларуса, якога раней арыштавалі ў Грузіі пасля спробу падаць заяву на прытулак, адпусцілі з-пад варты — цяпер ён мусіць адзначацца ў міграцыйнай службе раз на два тыдні.

Гэтае рашэнне 18 ліпеня прыняў Тбіліскі гарадскі суд. Улады Грузіі апошнім часам масава адмаўляюць беларусам у прытулку, хоць раней працэсы зацягваліся гадамі. Больш за 60 чалавек ужо атрымалі адмову, але многія падаюць скаргі.

🔗Падрабязнасці — па спасылцы

Читать полностью…

Белсат

😎 У беларускай вёсцы расце сапраўднае прадпрымальніцкае пакаленне

Паглядзіце!

Читать полностью…

Белсат

Пажар мог нанесці вялікую шкоду «Кераміну»

15 ліпеня на менскім заводзе «Керамін» адбыўся сур’ёзны пажар — загарэўся гідраўлічны прэс, які з’яўляецца ключавым і самым дарагім абсталяваннем на прадпрыемстве. Паводле «Нашай Нівы», прэс цалкам згарэў, а суседняе абсталяванне таксама магло пацярпець — у выніку магутнасці заводу могуць скараціцца на чвэрць.

Праблема ў тым, што італьянская кампанія SACMI, якая пастаўляла гэтыя прэсы, пасля рэпрэсіяў у 2020 годзе спыніла супрацоўніцтва. Цяпер запчасткі шукаюць у Кітаі, Індыі і Турцыі. Замест арыгіналу — танныя копіі. Пажар удалося патушыць, людзі не пацярпелі, але наступствы для заводу могуць быць катастрафічнымі.

Читать полностью…

Белсат

🤡«Што толькі можна, тое і крадуць». Лукашэнка паскардзіўся міліцыі на калгаснікаў

На селектарнай нарадзе Лукашэнка наехаў на калгаснікаў — маўляў, «што можна, тое крадуць». Загадаў міліцыі круціць усіх «на ўсю катушку».

Камбайны ламаюцца, склады пустыя, запчастак няма, а тэхагляды — толькі на паперы. Жніво ледзь пачалося, а праверкі ўжо паказалі бардак у гаспадарках. Траву не скошваюць, угнаенняў няма, а корм для жывёлаў — таксама пад пытаннем.

Лукашэнка падкрэсліў, што нядбайнае жніво «пагражае непазбежнымі стратамі ўраджаю»:

«Зноў будзем перажываць налета, у сакавіку-красавіку, што нам бульбы не хапіла».


🔗Падрабязней пра гаротны стан беларускага аграсектару — па спасылцы

Читать полностью…

Белсат

У беларускіх лясах можна набраць вёдры грыбоў і ягад. Але зарабіць на гэтым няпроста

У беларускіх лясах — грыбны і ягадавы бум: людзі вяртаюцца з поўнымі вёдрамі лісічак і чарніц. Але зарабіць на гэтым складана — дзяржава закупае дары лесу па заніжаных цэнах, а продаж ідзе ў 10–15 разоў даражэй. Таму ўсё больш збіральнікаў аддаюць перавагу самастойнаму продажу.

👉 Колькі сёння плацяць за грыбы і ягады, і як рэальна на іх зарабіць — у нашым артыкуле

Читать полностью…

Белсат

Бязвіз з Лаосам? Але не цяпер ✋🐘

Яшчэ ў чэрвені паведамлялася, што Беларусь і Лаос рыхтуюць бязвізавы рэжым. І вось 17 ліпеня пагадненне падпісалі. Але радавацца рана — бязвіз пакуль не дзейнічае.

У МЗС кажуць: трэба прайсці шэраг унутраных працэдур, і гэта «займае пэўны час». Таму не спяшайцеся замаўляць білеты.

❗️Дарэчы, Народныя амбасады разам з Офісам Ціханоўскай уключылі Лаос у спіс небяспечных краінаў для палітычна актыўных беларусаў. Так што да рашэння падарожжа туды варта падыходзіць узважана.

🔗Падрабязнасці — па спасылцы

Читать полностью…

Белсат

🚗У Міры падпалілі машыну сілавіка — СК змаўчаў пра яго працу

У аграгарадку Мір мужчына падпаліў машыну 38-гадовага мясцовага жыхара, які, як раней паведамлялася, служыць ва ўнутраных войсках. Але Следчы камітэт гэтым разам пра гэта не згадаў. П’яны жыхар Баранавічаў спачатку кінуў у аўто табурэтку, а потым абліў яго лёгкаўзгаральнай вадкасцю і падпаліў. Прычынай стаў даўні канфлікт: пацярпелы даносіў на яго ў міліцыю. Мужчыну затрымалі.

🔗Якое пакаранне атрымаў падпальшчык — чытайце ў артыкуле

Читать полностью…

Белсат

🇪🇺 Еўразвяз ухваліў «адзін з самых моцных пакетаў санкцыяў» супраць Расеі і Беларусі

18-ты пакет можа ўдарыць як па расейскаму экспарту, так і па беларускай фінансавай сістэме. Супраць такіх мераў спачатку выступала Славаччына, але прэм'ер Фіцо ўсё ж такі зняў вета і заявіў, што не будзе перашкаджаць.

Што вядома пра новыя санкцыя, чытайце ПА СПАСЫЛЦЫ (праз VPN)

Читать полностью…

Белсат

Расейскія дроны ўдарылі па вобласцях Украіны – ёсць загінулыя

Ноччу 18 ліпеня беспілотнікі атакавалі Паўлаградскі раён (Днепрапятроўская вобласць). У выніку загінуў 52-гадовы мужчына, яшчэ двое атрымалі раненні.

У Запарожскай вобласці загінуў 64-гадовы мужчына. Паводле мясцовых уладаў, расейскія войскі трапілі авіябомбамі па жылой забудове (на фота).

Таксама ноччу пад удар трапіла Харкаўская вобласць. Вядома, што чацвёра чалавек атрымалі раненні. Пашкоджаныя жылыя дамы і навучальная ўстанова.

Читать полностью…

Белсат

🏚 Сядзібу дзе некалі жыў Сенкевіч прадаюць за бясцэнак

Сядзібу, дзе некалі жыў і пісаў Генрык Сенкевіч прадалі з аўкцыёну ўсяго за 368 долараў. Яна знаходзіцца ў вёсцы Дубнікі на Гарадзеншчыне і да 2005 года служыла інтэрнатам. Новым уладальнікам стала будаўнічая кампанія з вобласці. І хоць будынак мае гістарычную вартасць, дзяржава прадаў яго практычна за капейкі

Менавіта тут лаўрэат Нобэлеўскай прэміі Генрык Сенкевіч напісаў «Пана Валадыеўскага» — частку сваёй знакамітай гістарычнай трылогіі. Сядзіба была пабудаваная ў 1878 годзе і стала месцам творчасці пісьменніка ў канцы ХІХ стагоддзя.

🔗Падрабязнасці — па спасылцы

Читать полностью…

Белсат

💥 #галоўнае за 17 ліпеня

✔️Персанал БелАЭС адключыў ад сеткі другі энергаблок

✔️Літва накіравала Беларусі ноту пратэсту праз беспілотнік, які заляцеў у краіну з нашай тэрыторыі

✔️У Смаргонскім раёне прыбралі з помніку згадку пра ахвяраў камунізму

✔️Сілавікі распавялі, што рабіць, калі вы заўважылі дрон — падобна на цэнзуру

✔️Кватэры даражэюць, але попыт не змяншаецца

✔️Беларусь сабралася рэгуляваць штучны інтэлект

✔️У Польшчы і Беларусі адрэагавалі на выпадак з кактэйлем Молатава на мяжы

✔️У «Экономической газеты» будзе новы ўладальнік – крыніцы «Белсату»

✔️«Прыватнікі» выратавалі эканоміку ва ўмовах санкцый — BEROC

✔️Украіна і Расея абмяняліся целамі загінулых праз Беларусь

✔️Менск і Масква супольна пашыраюць русіфікацыю Беларусі – Саюз пісьменнікаў

✔️У Беларусі сядзібу, дзе жыў Гэнрык Сянкевіч, прадалі за некалькі соцень долараў

✔️Экс-палітвязень падзяліўся фота з СІЗА


#рэпрэсіі:

▫️Толькі ў Менску заведзеныя сотні справаў аб удзелах у пратэстах 2020 года

▫️Менскі гарадскі суд разгледзіць скаргу Ніны Багінскай

Читать полностью…

Белсат

😳 «Сбер Банк» пагражае закрыць рахункі і прысвоіць грошы карыстальнікаў

Каб гэтага не здарылася, банк змушае сваіх кліентаў больш актыўна карыстацца рахункамі, што перадусім азначае – іх папаўняць.

«Калі на працягу 6 месяцаў, вы не адновіце рух грашовых сродкаў па неактыўным рахунку, банк спыніць абавязацельствы па адпаведным дагаворы і закрые яго, пералічыўшы не выкарыстаны рэштак грашовых сродкаў на асобны рахунак без налічэння працэнтаў, і па заканчэнні тэрміну, залічыць яго ў даход банка», – паведамляе «Сбер Банк».


Фактычна гэта азначае, што ў пэўны момант банк забярэ грошы сабе. 🤷

Читать полностью…

Белсат

☝️ Ніна Багінская змагаецца за беларускую сімволіку ў судзе

Знаная беларуская актывістка абскарджвае рашэнне аб прэвентыўным наглядзе і дамагаецца вяртання сваіх рэчаў.

У траўні Ніну Багінскую судзілі паводле артыкулу 342 крымінальнай справы аб «неаднаразовым парушэнні закону аб правядзенні масавых мерапрыемстваў». 78-гадовай жанчыне прызначылі прэвентыўны нагляд. А ў дадатак, у матэрыялах справы пакінулі ўсе беларускія значкі і сцяжкі, якія адабралі ў спадарыні Ніны.

Ніна Багінская не згадзілася з такім вынікам, бо і раней пісала скаргі на міліцыянтаў, якія без належнага афармлення забіралі значкі і сцягі, якія актывістка зрабіла сваімі рукамі.
Менскі гарадскі суд разгледзіць скаргу Ніны Багінскай 29 ліпеня.

Читать полностью…

Белсат

🔴 «Аб'ектыў» і «Студыя Белсат» – галоўныя падзеі дня!

У сённяшнім выданні:

🔸Чаго датычаць новыя санкцыйныя абмежаванні? Абмяркуем 18-ты пакет санкцыяў і з боку вайсковай эфектыўнасці з украінскага боку

🔸Афіцыйная дэлегацыя Беларусі прэзентуе ў ААН нацыянальную справаздачу аб тым, як дасягаем «Мэтаў устойлівага развіцця». Чаму паказнікі моцна завышаныя і навошта рэжыму Лукашэнкі прыхарошваць статыстыку?

🔸Бацькоў абавяжуць забяспечваць абарону дзяцей ад інфармацыі ў інтэрнэце. Як улады могуць выкарыстоўваць новы закон?

Далучайцеся да нашага эфіру ⤵️

https://www.youtube.com/live/efJxR8UU_fw

Читать полностью…

Белсат

Якое надвор'е будзе на выходных

У Беларусі абвешчаны памаранчавы ўзровень небяспекі праз навальніцы і моцныя дажджы. У выходныя чакаецца воблачнае надвор’е з дажджамі, месцамі магчымы град і парывісты вецер. Тэмпература днём будзе каля +20..+27 градусаў. У некаторых раёнах магчымы туман і моцныя залевы.

Читать полностью…

Белсат

🐿З'явілася говая мабільная гульня па-беларуску — «Дзікі Эліяс»

Беларускамоўныя аматары гульняў цяпер могуць спампаваць першую версію папулярнай гульні Alias на роднай мове. Новая мабільная гульня «Дзікі Эліяс даступная для Android і iOS.

Што такое «Эліяс»?
Alias — гэта вядомая настольная гульня, дзе ўдзельнікі тлумачаць словы з карткі, а іншыя спрабуюць іх адгадаць. Чым больш слоў адгадаеш за пэўны час, тым лепш.

Чым «Дзікі Эліяс» адрозніваецца?
Распрацоўшчык вырашыў зрабіць беларускую версію гульні з мясцовым каларытам:

Пры напісанні правілаў прыйшла ідэя растлумачыць слова “вавёрка” як 50 капеек 90-х. І адразу ўзнікла лясная тэматыка, якая і стала падмуркам гульні. Да таго ж, усе персанажы камандаў — гэта жывёлы з беларускіх банкнот.


Асаблівасці гульні:

15 розных тэмаў — ад ежы да літаратуры і фэнтэзі;
Розныя рэжымы: класічны, з заданнямі, “адгадай хто”, і нават рэжым вечарыны, дзе за пропускі трэба выпіваць 🥴
2 варыянты беларускай мовы — кірыліца і лацінка

📲 Спасылкі на спампоўку:

Android: play.google.com

iOS: apps.apple.com

Читать полностью…

Белсат

💊🧑🏼‍⚕️Сяргей Ціханоўскі збірае сродкі на аднаўленне

Былы палітвязень і блогер Сяргей Ціханоўскі звярнуўся да беларусаў з просьбай дапамагчы яму аднавіць здароўе пасля пяці гадоў зняволення.

Ён адзначае, што амаль увесь час правёў у адзіночнай камеры без медычнай дапамогі. Пасля вызвалення 21 чэрвеня 2025 года ён зноў з сям’ёй, але патрабуе сур’ёзнага абследавання і лячэння.

Сяргей плануе сабраць €8000:

€2500 – на поўную дыягностыку арганізма,
€4500 – на стаматалагічнае лячэнне і пратэзаванне,
€1000 – на праверку і карэкцыю зроку.

Я хачу аднавіцца і зноў быць карысным – для сям’і, для Беларусі, для вас,

— напісаў ён.

🔗Падртрымаць збор можна праз BYSOL

Читать полностью…

Белсат

💅Як улады робяць выгляд, што ўсё добра, калі ўсё не так

Беларусь трапіла ў топ-40 краін паводле «мэтаў устойлівага развіцця». Афіцыйна ўсё гучыць шыкоўна: рост ВУП, гендарная роўнасць, экалогія пад кантролем. Але незалежныя эксперты смяюцца — статыстыка нацягнутая, а праблемы — замоўчваюцца: пра палітвязняў і свабоду слова — нічога.🤐

У дакладзе хваліліся нават ЗАГСам як прыкладам абароны маёмасных правоў...🤦‍♂️

🔗Як можна скажаць рэальнасць, калі трэба выглядаць прыгожа ў ААН
чытайце ў артыкуле

Читать полностью…

Белсат

💱 Курсы валютаў 18 ліпеня

Долар і расейскі рубель папаўзлі трохі ўніз. А eўра — уверх. Але наогул змены курсаў нязначныя.

#курсывалютаў

Читать полностью…

Белсат

📺 Кароткі агляд навінаў

⬆️ Здзек з дзяцей у садку

А яшчэ:

🔻Рэпрэсіі ў Менску

🔻 Хто напужаў жыхароў Сенніцы

🔻 ДТЗ у Беларусі

🔻 Новы цэлюлозна-кардонавы камбінат

🔻 Сланімчук расстраляў вокны з пнеўматыкі

🔻 Славаччына не будзе блакаваць новых санкцыяў

🔻 Абвастрэнне на мяжы Беларусі з ЕЗ

🔻 Беларускія клубы ў Еўракубках

🔻 Новы кіраўнік беларускага футболу

🔻 Адкрыцці "Славянкі" ад Аляксандра Кныровіча

🔻 Ліпень пад знакам непагадзі

Глядзіце ў кароткім выданні навін на Белсаце 💻

Читать полностью…

Белсат

Журналісту Ігару Ільяшу споўнілася 37 гадоў за кратамі

Гэта ўжо другі дзень народзінаў Ігара ў зняволенні. Упершыню ён быў затрыманы 16 ліпеня 2021 года, але выйшаў на волю праз дзесяць дзён. Паўторна журналіста затрымалі ў кастрычніку 2024-га. Праз месяц яго прызналі палітвязнем.

Ігар – муж палітзняволенай журналісткі Кацярыны Андрэевай, якую затрымалі падчас стрыму з маршу памяці забітага Рамана Бандарэнкі ў 2020 годзе. Жанчыну пакаралі сумарна васьмю гадамі і трыма месяцамі калоніі ўзмоцненага рэжыму.

Читать полностью…

Белсат

🛂Беларусь прымушае рабіць пашпарты дзецям, народжаным у замежжы

Беларуская сям’я прыехала з Польшчы ў Беларусь з дзіцём, якое мае толькі польскі пашпарт. Але на мяжы ім заявілі: без беларускага дакументу дзіця могуць не выпусціць назад. Высветлілася, што Беларусь аўтаматычна лічыць такіх дзяцей сваімі грамадзянамі — нават калі яны нарадзіліся за мяжой і маюць іншае грамадзянства:

На мяжы супрацоўнік нейкіх службаў у цывільным паведаміў мужу, што «наступным разам, калі ваша дзіця з'явіцца ў Беларусі без нашага пашпарту, мы разам з памежнай службай і органамі апекі не выпусцім яго з краіны


🔗«Белсат» разабраўся ў сітуацыі. Чытайце ў нашым артыкуле

Читать полностью…

Белсат

Віктар Орбан прыгразіў выхадам Вугоршчыны з ЕЗ

Паводле яго, сёння ў Еўразвяза няма шанцаў на дабрабыт, а Вугоршчына «яшчэ можа дасягнуць поспеху»:

«Я магу паабяцаць выбаршчыкам адно: калі я ўбачу, што гэта [членства ў ЕЗ] больш не вартае таго, я выкажуся», – сказаў прэм'ер, але падкрэсліў, што пакуль у гэтым няма патрэбы.

Орбан заявіў, што Еўразвяз хоча прымусіць Вугоршчыну ўдзельнічаць у ваенных дзеяннях ва Украіне, а таксама прымаць гендарны парадак дня. Ён дадаў, што ЕЗ ператварыўся з эканамічнага звязу ў палітычны, менавіта таму з яго і выйшла Вялікая Брытанія.

Читать полностью…

Белсат

☕️ Вітаем, шаноўныя!

Сабралі для вас найбольш цікавыя матэрыялы «Белсату», які вы маглі прапусціць:

🔺 Куды беларусы могуць бяспечна паехаць без візы?

17 ліпеня Беларусь і Лаос адмянілі візы для ўладальнікаў нацыянальных пашпартоў. А дзе яшчэ беларусаў прымуць без візы? Распавядзем на нашым сайце (праз VPN).

🔺 Былы палітвязень паказаў фота, якое зрабіў у СІЗА

Грамадзянін Латвіі, якога вызвалілі разам з Ціханоўскім, апублікаваў сваё ўнікальнае фота з СІЗА ў Беларусі. Глядзіце па спасылцы (праз VPN).

🔺 У «Экономической газеты» будзе новы ўладальнік

Выданнем, якое спыніла выхад у ліпені, зацікавіўся буйны медыяхолдынг. Хто гэта – чытайце ў нашым матэрыяле (праз VPN).

#штопачытаць

Читать полностью…

Белсат

😶 За абразу беларускі варшавянцы пагражае да трох гадоў пазбаўлення волі

У Гданьску затрымалі 58-гадовую жыхарку Варшавы, якая накрычала і абразіла беларуску праз яе нацыянальнасць, бо тая не выдала торбу без нумарка. Цяпер турыстцы пагражае да трох гадоў турмы — у Польшчы за такое сур’ёзна караюць.

🔗Падрабязней — чытайце тут

Читать полностью…

Белсат

😎 Куды беларусу без візы можна?

Да прыкладу, у Лаос, які абяцае адмяніць візы для ўладальнікаў беларускіх нацыянальных пашпартоў, але калі — невядома.

У сусветным рэйтынгу пашпартоў, паводле «бязвізавай моцы», Беларусь дзеліць 55 і 56 месцы з Кітаем, зусім на трошкі апераджаючы напаўпрызнанае Косава.

Беларускі пашпарт вельмі моцна адстае ад пашпартоў суседніх краінаў: Латвія ў гэтым рэйтынгу на 6-й пазіцыі, Літва – на 7-й, а Польшча агулам на 4-й. Украінскі пашпарт змясціўся на 21-м месцы, а расейскі – на 39-м.

Куды ж могуць паехаць без візаў уладальнікі пашпартоў РБ? Чытайце па спасылцы.👈

Читать полностью…

Белсат

👽 Гэта самы вялікі кавалак Марса на Зямлі

І кошт у яго адпаведны 😲

Паглядзіце!

Читать полностью…

Белсат

Праваабаронцы: Толькі ў Менску заведзеныя сотні справаў аб удзелах у пратэстах 2020 года

Сілавікі зноў хапаюць людзей за ўдзел у пратэстах 2020-га — бо хутка скончыцца тэрмін, калі яшчэ можна «па законе» судзіць.

Паводле праваабаронцаў, ёсць рызыка, што па сканчэнні тэрмінаў даўнасці людзей пачнуць больш актыўна судзіць за «Удзел у масавых беспарадках», бо па гэтым артыкуле тэрмін даўнасці даўжэйшы.

🔗Падрабязнасці — па спасылцы

#рэпрэсіі

Читать полностью…
Подписаться на канал