42763
Тэлеканал Белсат Даслаць навіну, фота ці відэа: @BelsatBot Расейскамоўны рэгіянальны ТГ @BelsatRu
Сур’ёзнае ДТЗ у Менскім раёне: загінулі чатыры чалавекі
На трасе М2 каля вёскі Слабадшчына раніцай 28 чэрвеня адбылося смяротнае ДТЗ: «Mercedes» у стане ап’янення сутыкнуўся са «Skoda». Загінулі чатыры чалавекі, у тым ліку дзве дзяўчынкі. Кіроўца «Mercedes» шпіталізаваны, на месцы працуюць праваахоўнікі.
Загінулыя — грамадзянкі Расеі: дзяўчынкі 7 і 13 гадоў, іхняя 43-гадовая маці і 75-гадовая бабуля. Вынік праверкі кіроўцы «Mercedes» — 1,67 праміле пры перарваным выдыху, таксама ўзятая кроў для аналізу — паведамляюць рэгіянальныя медыя.
🌤 Добрай суботы, сябры!
Не ведаеце, што пачытаць раніцою? Сабралі для вас найбольш цікавыя матэрыялы «Белсату», якія вы маглі прапусціць:
🗞 «Ідзе акупацыя будучыні». Беларускую адукацыю ўсё больш захоплівае «русский мир»
Беларусь аказалася амаль цалкам адарванай ад еўрапейскай адукацыйнай прасторы. Але не ўсё страчана канчаткова, эксперт дае надзею.
🗞 У Менску прайшоў саміт «аб’яднання, якога няма». На што карыснае можа дамовіцца ЕАЭС?
Прапаганда называе гэта галоўнай падзеяй апошніх дзён, Суразмоўцы «Белсату» ставяцца да гэтага скептычна. Чаму тады столькі шуму вакол саміту ЕАЭС?
🗞 «Сам сабе агонь!» Найбольш эмацыйныя моманты сустрэчы з Сяргеем Ціханоўскім у Варшаве
Візіт Святланы і Сяргея Ціханоўскіх у Варшаву выклікаў шквал эмоцыяў у асяроддзі беларускіх эмігрантаў у Польшчы. Вяртаемся да самых кранальных момантаў спаткання.
🗞 Беларускія музычныя фестывалі ў Польшчы, якія нельга прапусціць у 2025 годзе
Падборка сапраўдных беларускіх музычных фестываляў, якія цяпер, на жаль, магчымыя толькі ў эміграцыі
☝️Губопікі незадаволеныя вызваленнем Сяргея Ціханоўскага
Яны лічаць былога палітвязня сваім галоўным ворагам, з-за якога, нібыта, пацярпелі яны самі і іх сем'і.
"Яны пачынаюць разумець, што калі давядзецца, то дзеля сваёй ж... Лукашэнка здрадзіць усім".
🫡 Беларускае войска прапагандуе «рускі мір»
«За веру Христову, за народ русский» – пад такімі сцягамі ходзіць беларуская вайсковая тэхніка ў Слоніме. Гэтая атрыбутыка шырока выкарыстоўваецца ў расейскім войску, у тым ліку, падчас вайны ва Украіне.
Але не толькі войска прапагандуе ў Беларусі «рускі мір». Школьнікі з вайскова-патрыятычных клубаў маршыруюць пад лозунгамі «За веру, царя и еддиную русь».
Глядзіце рэпартаж ў праграме «Аб'ектыў».
🤨 Энтузіяст з ЗША пабудаваў монакола
А нам цікава, ці можна такое зрабіць з шынай ад беларускага трактара? 🙊
🔴 «Аб'ектыў» і «Студыя Белсат» – галоўныя падзеі дня!
У сённяшнім выданні:
🔸 «Гэта пытанне жыцця і смерці». Сяргей Ціханоўскі падчас сесіі ААН па правах чалавека распавёў пра катаванні, заклікаў вызваліць усіх палітвязняў. Афіцыйная дэлегацыя з Менску не прысутнічала падчас выступу
🔸 Белы Дом хоча скараціць шэраг праграмаў, а сярод іх – па расследаванні парушэнняў правоў чалавека ў Беларусі і ваенных злачынстваў ва Украіне
🔸 Саміт ЕАЭС у Менску. Ці ад удзелу ў гэтай арганізацыі для Беларусі больш плюсаў ці мінусаў?
🔸 Паўтара года калоніі. На такі тэрмін суд Завадскога раёну Менску асудзіў Максіма Урбановіча
🔸 У Бруселі завяршыўся саміт кіраўнікоў краінаў Еўразвязу. У выніковым камюніке Беларусь прыгадваецца ажно тройчы
🔸 Расея чарговы раз атакавала Днепрапятроўскую вобласць Украіны. Ёсць загінулыя і параненыя
🔸 У Беларусь прыбыў новы апостальскі нунцый
🔸 У адной з беларускіх вайсковых частак пад Слонімам побач з афіцыйнай сімволікай – расейская, у тым ліку імперскія сцягі і рэлігійныя выявы, такія, як у акупантаў на вайне ва Украіне
🔸 Пачаўся прыём дакументаў у ВНУ. Пакуль што толькі ад «мэтавікоў»
Далучайцеся да нашага эфіру ⤵️
Спецслужбы заклікаюць дасылаць фота з сустрэч з Ціханоўскімі праз фэйкавы конкурс?
Як паведамляе Наша Ніва, перад сустрэчай Святланы і Сяргея Ціханоўскіх у Вільні з’явіўся новы фэйк. Па чатах беларусаў Літвы распаўсюджваецца відэа з дзяўчынай, згенераванай ШІ, якая заклікае дасылаць фота і відэа з нацыянальнай сімволікай нібыта для ўдзелу ў конкурсе 🤦♂️
Мяркуецца, што гэта чарговая правакацыя спецслужбаў дзеля збору даных пра беларусаў у эміграцыі. Падобныя выпадкі ўжо былі перад сустрэчай у Варшаве.
Максіма Урбановіча пакаралі зняволеннем на паўтара года
Суд Заводскага раёну Менску прызудзіў да пакарання Максіма Урбановіча. Яму далі паўтара года папраўчай калоніі агульнага рэжыму, паведамляюць крыніцы «Белсату».
Максім самастойна абараняў сябе на працэсе. Апроч абвінавачвання паводле 342 ч.2 яму яшчэ прыпісалі суму ўрону каля 10 000 долараў, які ён нібыта нанёс спыняючы дарожны рух у 2020-ым
— «Вы хочаце перамен?» — «Таак!» самыя эмацыйныя моманты сустрэчы з Ціханоўскім 😲
26 чэрвеня прайшоў візіт Святланы і Сяргея Ціханоўскіх у Варшаву, якія выклікаў бурную рэакцыю ў асяроддзі беларускіх эмігрантаў у Польшчы.
🔗Самыя эмацыйныя моманты і атмасферныя фота — сабралі ў артыкуле
🏡🌲🦬 «Падляшша – гэта такі баланс паміж усім, што чалавеку патрэбна для жыцця»
У новым выданні «Падляшскіх вакацый» выпраўляемся разам з Уляй і Іллём на пошукі блакітных цэркваў і гатуем падляшскія варэнікі 🥟
Глядзіце цалкам на YouTube-канале «Белсат LIFE»
🐢 Незвычайнае відэа знятае ў Гомлі
Паглядзіце на нетыповую для Беларусі з'яву ☝️
💱 Курсы валютаў 27 чэрвеня
Долар страціў зусім крыху. Еўра падрос амаль на 3 капейкі. Расейскі рубель вырас зусім крыху.
#курсвалютаў
У «ДНР» заявілі пра рост супрацы з Беларуссю
Пра гэта паведаміў ТАСС сенатар Расеі ад «ДНР» Аляксандр Валошын:
«Беларускія тавары, беларускае харчаванне вельмі шырока прадстаўленыя ў «Данецкай Народнай Рэспубліцы» і карыстаюцца вельмі вялікім попытам. Зараз ідзе прапрацоўка – сельгастэхнікі, аўтобусаў, электробусаў, МАЗ, сэрвісныя цэнтры, МТС, з «БелАЗам»
Пачаўся суд над Максімам Урбановічам
Сёння ў судзе Заводскага раёна Менска пачынаецца разгляд крымінальнай справы.
Паводле інфармацыі «Белсату», Максіма, брата лідара «Маладога фронту» Дзяніса Урбановіча, які ваюе ва Украіне ад самага пачатку поўнамаштабнага ўварвання пад пазыўным Ваўкалак, абвінавачваюць паводле «народнага» артыкулу 342.
2 красавіка да хлопца ўварваліся сілавікі, правялі ператрус, а пасля — павезлі на допыт у КДБ. 17 чэрвеня Максім быў прызнаны палітвязнем.
💪 Знакамітыя байрактары вярнуліся на фронт
Турэцкія дроны, якія набылі папулярнасць у 2022-м, зноў атакуюць акупантаў ва Украіне.
ВМС паказалі відэа, як Bayraktar TB2 знішчае расейскі вайсковы катар на Херсоншчыне.
💥 Ранішняе шоу на «Белсаце»
Пачынаем суботнюю раніцу з пазітывам і цікавымі адкрыццямі:
Як вылечыць кашаль і што шкодзіць лёгкім? Ці існуюць цуды? Як гучыць медычны стэндап? Шпацыруем па Мадрыдзе, п’ем гарбату на "Burning Man" і слухаем новыя беларускія песні.
Далучайцеся да нашага эфіру з Дзянісам Дудзінскім і Кацярынай Раецкай.
https://www.youtube.com/live/LRlKBNBv5TA
💥 #галоўнае за 27 чэрвеня
✔️Медыі: Трамп усё больш расчароўваецца ў Пуціне
✔️Адміністратыўка, калі не знойдзеш працу — міліцыя пагражае «дармаедам»
✔️У «ДНР» заявілі пра рост супрацы з Беларуссю
✔️Лукашэнка пра Іран: «У вашым супраціве вы не самотныя»
✔️Самыя эмацыйныя моманты сустрэчы з Ціханоўскім — фота і агляд
✔️Беларускую адукацыю ўсё больш захоплівае «рускі свет»
✔️Спецслужбы заклікаюць дасылаць фота з сустрэч з Ціханоўскімі праз фэйкавы конкурс?
✔️Праваабаронцы: падабона, цяпер ідзе аперацыя спецслужбаў супраць беларусаў Грузіі
✔️Саміт ЕАЭС у Менску: шоу без рэальнага сэнсу — аналітыка
#рэпрэсіі:
▫️Максіма Урбановіча пакаралі зняволеннем на паўтара года
▫️Адбыўся новы суд па справе «Гаюна»
🤷♂️ У школах адгаворваюць ад вучобы за мяжой
І павялічваюць колькасць бюджэтных месцаў у ВНУ для абітурыентаў-мэтавікоў. Патрабаванні да паступлення ў такіх абітурыентаў мінімальныя, але па заканчэнні іх абавяжуць адпрацаваць пяць гадоў у месцах скіравання.
Так урадавыя чыноўнікі змагаюцца з непапулярнасцю адукацыі ў Беларусі. А яшчэ, як паведамляе «BELPOL», спрабуюць абмежаваць выезд моладзі за мяжу: у школы ўжо выклікалі бацькоў, каб яны адгаварылі дзяцей паступаць вучыцца за мяжу.
Больш чытайце па спасылцы. 👈
Саміт ЕАЭС у Менску: шоу без рэальнага сэнсу
Хаця дзяржаўныя медыі ўзвялі саміт ЕАЭС у Менску да падзеі года, эканамісты і палітолагі бачаць у ім перадусім палітычны паказуху. Аляксандр Кныровіч і Павел Усаў называюць ЕАЭС пустой абалонкай без рэальнага эканамічнага патэнцыялу і з гасцямі з «клуба ізгояў».
Чаму гэты саюз не мае будучыні і для чаго гэты спектакл Лукашэнку — чытайце ў нашым аглядзе
Падабона, цяпер ідзе аперацыя спецслужбаў супраць беларусаў Грузіі
Беларусы ў Грузіі атрымліваюць у Telegram паведамленні з «узаемавыгаднымі прапановамі» ад невядомых асобаў, якія ведаюць іх імёны. Адрас адпраўнікоў — праспект Незалежнасці, 17 у Менску, дзе месціцца КДБ. Першыя паведамленні прыйшлі 18 чэрвеня, і рассылка працягваецца. Адна з тых, хто іх атрымаў, — трэнерка Марына Зялёная. Паводле праваабаронцы Рамана Кісляка, гэта можа быць псіхалагічная аперацыя КДБ для запалохвання дыяспары :
Такая актыўнасць адназначна сведчыць, што дыяспара ў беларускіх сілавікоў у аператыўнай распрацоўцы. Гэта можа быць інфармацыйна-псіхалагічная спецыяльная аперацыя. Нават калі людзі не рэагуюць на паведамленні, гэта ўсё роўна нясе пэўны эфект запалохвання. КДБ як бы намякае: дыяспара ў полі нашага зроку
Адбыўся новы суд па справе «Гаюна»
У Магілёве асудзілі Віталя Чавусава на 4 гады калоніі. Яго прызналі вінаватым у «садзейнічаннi экстрэмісцкай дзейнасці» ў межах справы «Гаюна». Мужчыну абвінавацілі ў перадачы звестак пра вайсковую тэхніку праз чат-бот праекта.
Нагадаем, што пасля ўзлому бота ў лютым 2025 года сілавікі атрымалі доступ да Telegram ID карыстальнікаў. Пачаліся масавыя затрыманні, а сам праект спыніў працу 7 лютага.
🧐 Ведаеце, хто такія «бока»?
Напрыклад, яны сталі прататыпам культавай камп'ютарнай гульні.
Расказваем у відэа ☝️
«Ідзе акупацыя будучыні». Беларускую адукацыю ўсё больш захоплівае «рускі свет»
Беларуская адукацыя апынулася на мяжы — краіна ўсё глыбей ізалюецца ад Еўропы і паралельна інтэгруецца ў расейскую адукацыйную прастору. Адмова ад Балонскага працэсу, агульныя падручнікі з Расеяй, узмацненне ідэалагічнага кантролю і прысутнасці РПЦ — усё гэта сведчыць пра сістэмную каланізацыю😢
🔗Ці магчыма захаваць беларускасць і еўрапейскія каштоўнасці — чытайце меркаванне экспертаў у нашым матэрыяле
🇮🇷Лукашэнка пра Іран: «У вашым супраціве вы не самотныя»🤦♂️
Лукашэнка на пасяджэнні ЕАЭС асудзіў удары па Іране, але не назваў, хто іх нанёс. Ён адзначыў, што прэзідэнт Ірану не змог прыехаць праз «вядомыя абставіны». Лукашэнка назваў гэтыя ўдары небяспечным парушэннем міжнароднага права. Ён пажадаў іранскаму народу пераадолець цяжкасці і падтрымаў Іран у яго «супраціве»:
Я хачу, каб вы ведалі, што ў вашым супраціве вы не самотныя
📺 Кароткі агляд навінаў!
🔻 Сяргей Ціханоўскі правёў першую акцыю сумесна з жонкай Святланай Ціханоўскай
🔻 У Менску праходзіць Еўразійскі эканамічны форум. Пра што Аляксандр Лукашэнка гаварыў на ЕЭФ
🔻 Новы этап еўраінтэграцыі Украіны. Шлях да ЕЗ і 30 млрд еўра дапамогі
🔻 Расея і Украіна правялі новы абмен палоннымі ў Беларусі. Расейскія вайскоўцы засталіся ў РБ
🔻 Анжаліка Борыс з СПБ заклікала Лукашэнку вызваліць Анджэя Пачобута
🔻 Наколькі даражэюць цыгарэты ў Беларусі з 1 ліпеня
🔻 Куды ў Беларусі зніклі 24 тысячы рабочых за красавік і май 2025 года
🔻 Школьнік з Ляхавічаў узламаў футбольнае табло і напісаў матнае слова
🔻 Чарга за ежаю у Менску на Валгаградскай. Кавярня "Смажка" і смажанкі
Глядзіце ў кароткім выданні навін на Белсаце 💻
✈️Белавія будзе лётаць у Эміраты па карацейшым маршруце
«Белавія» праз закрыццё паветранай прасторы Ірану вымушаная была скарэктаваць маршрут з Менску ў Дубай і назад. Самалёты кампаніі ляталі праз Узбекістан з пасадкай для дазапраўкі ў Ташкенце, Але цяпер «Белавія» змагла адмовіцца ад тэхнічнай пасадкі, і рэйс Менск – Дубай – Менск будзе ажыццяўляцца бяспечнейшым і карацейшым маршрутам
🔗Падрябязней — па спасылцы
🔴 Беларусь і NATO: новы этап?
Польскія F-35, «Чырвоны дакумент» Ціханоўскай і перспектывы Беларусі ў НАТО — усё гэта ў новым выпуску «Прасвету».
Пакуль Лукашэнка шукае падтрымкі на Кубе, Ціханоўская прадстаўляе канцэпцыю еўрапейскай бяспекі на саміце NATO. Ці гатовы Захад да ўдзелу дэмакратычнай Беларусі ў сваёй архітэктуры бяспекі? І як Польшча плануе адказаць на вучэнні «Захад-2025»?
🎥 Глядзіце поўны разбор з Сяргеем Пелясою і Змітром Міцкевічам па спасылцы
Адміністрацыйка, калі не знойдзеш працу — міліцыя пагражае «дармаедам»
Адзін з карыстальнікаў сацестак падзяліўся тым, што адбывалася на «групавым выхаваўчым мерапрыемстве» ў Гомлі, куды міліцыя выклікае беспрацоўных людзей — перадае «Флагшток».
Паводле мужчыны ў актавай залі РАУС сабралі «чалавек дзвесце», у тым ліку цяжарных і тых, «хто не жыве наогул у Беларусі, але прыязджаў дадому»:
«Усіх запар – і стары, і малы. Бабкі, дзедкі, кульгавыя, на мыліцах – усіх»
🤡 Кадыраву зноў уручылі ўзнагароду – цяпер за «архітэктурныя дасягненні»
Кіраўнік Чачэніі атрымаў найвышэйшую архітэктурную ўзнагароду Расеі – знак «Кентаўр». Раней яму ўжо давалі званне «Ганаровы будаўнік Расеі» за ўзвядзенне жылога комплексу ў Грозным.
Дзякуючы фінансавай падтрымцы расейскіх уладаў, у Чачэніі з’явіліся «Грозны-Сіці», а цяпер будуецца 102-павярховы хмарачос «Ахмат-Таўэр». Сама архітэктура будынкаў дагэтуль выклікае спрэчкі, а будынкі крытыкуюць за нізкі ўзровень якасці.
Медыі: Трамп усё больш расчароўваецца ў Пуціне
Паводле «Financial Times», прэзідэнт ЗША раней вагаўся ў стаўленні да Пуціна і Зяленскага. Гэта было заўважна як падчас канфлікту з прэзідэнтам Украіны ў Белым доме, так і падчас шматлікіх званкоў у Крэмль.
Цяпер, як піша выданне, ягоная пазіцыя змянілася. На саміце NATO у Гаазе Трамп заявіў, што сітуацыя ва Украіне «выходзіць з-пад кантролю», і правёў «вельмі прыемную» сустрэчу з Зяленскім. Ён таксама паведаміў, што разглядае магчымасць перадачы Украіне ракет «Patriot».
Раней 24 чэрвеня, Трамп распавёў, што Пуцін прапанаваў дапамагчы яму з Іранам.
«Ён спытаў, ці можа дапамагчы з Іранам. Я сказаў: «Не, мне не трэба дапамога з Іранам. Мне трэба дапамога з вамі».
Эксперты расцанілі гэта як сігнал ахалоджвання адносін ЗША да кіраўніка Расеі.