42763
Тэлеканал Белсат Даслаць навіну, фота ці відэа: @BelsatBot Расейскамоўны рэгіянальны ТГ @BelsatRu
Гібрыдная вайна Расеі супраць Захаду ўжо распачалася
☝🏻Беларуска-расейскія вучэнні «Захад 2025» эксперты называюць прыкрыццём для нападу Расеі на краіны NATO з тэрыторыі Беларусі.
Крыніцы ў спецслужбах NATO і Еўропы таксама заяўляюць, што Расея можа атакаваць краіны Балтыі і Польшчу праз Беларусь.
❓ Ці сапраўды Расея плануе ўцягнуць Беларусь у вайсковы канфлікт з дзяржавамі NATO ужо сёлета?
Пра магчымы расейска-беларускі вайсковы канфлікт з Захадам, а таксама пра тое, чым пагражае замірэнне ва Украіне, гаворым у праграме «ПраСвет», паслухайце!
▶️ Выданне цалкам глядзіце на YouTube-канале «Белсат NEWS»
Ціханоўская выступіла на канферэнцыі, прысвечанай тэме «Бяспека дэмакратыі» ў Варшаве
Ціханоўская адзначыла, што ўлады Аляксандра Лукашэнкі і Расея «ўкладаюць велізарныя грошы ў інфармацыйны працэс», «засмечваюць свядомасць Беларусі».
Ціханоўская назвала Беларусь ключавым фактарам бяспекі і будучыні Еўропы ў цэлым і Украіны ў прыватнасці. Яна адзначыла, што ўлада
Аляксандра Лукашэнкі дапамагла Уладзіміру Пуціну напасці на Кіеў, шантажаваць Польшчу і краіны Балтыі
Падрабязней пра выступ Ціханоўскай — чытайце ў артыкуле
5 млн тон боепрыпасаў і сотні эшалонаў тэхнікі — усё праз Беларусь
У Беларусі рыхтаваліся да вайны супраць Украіны яшчэ да 24 лютага — згодна з новым дакладам BELPOL, беларускія ўлады ведалі пра напад і дапамагалі акупанту. Усё — ад чыгункі да дронаў, ад медыкаў нават да палітвязняў — было ўцягнута ў ваенную машыну.
Падрабязнасці тут
Беларускіх дыябетыкаў будуць лекаваць па-новаму💉
У Беларусі да канца 2025 года ўсіх пацыентаў з дыябетам 2-га тыпу перавядуць на генна-інжынерны інсулін у картрыджах — цяпер яго выпускаюць беларускія вытворцы.Картрыджы і спецыяльныя асадкі значна палягчаюць працэс уколаў інсуліну, робячы яго хуткім і зручным амаль у любых умовах.🖊
Дыябет 2-га тыпу маюць каля 5,2 % беларусаў, і колькасць хворых працягвае расці — асноўныя прычыны звязаныя з ладам жыцця. 🍔🚶
Інсулін — гармон, адкрыццё якога ў 1921 годзе зрабіла дыябет не смяротным, а кіраваным захворваннем; сёння таксама распрацоўваюцца новыя, неін’екцыйныя метады яго дастаўкі.
❗️Каханкам Мельнікавай быў спецслужбіст😱
Расследавальнікі «Polityka» і «The Insider» сцвярджаюць, што зніклая спікерка Каардынацыйнай рады актыўна сустракалася Аляксеем Лабеевым, які меў пашпарт прыкрыцця.
Арганізацыя «BELPOL» пацвердзіла «Белсату», што такі чалавек існуе
Падрабязнасці па спасылцы
«Беларуская мова — частка мяне» ✨
Пагаварылі з пісьменнікам Сашам Філіпенкам ✍️ пра выхад яго твораў у беларускім перакладзе, ролю беларускай мовы ў жыцці 💬❤️, а таксама, як так выйшла, што новы раман «Слон» па-беларуску стаў асобным творам ад расейскага.
Глядзіце ў выпуску праграмы «Мова нанова» ▶️ на YouTube-канале «Белсат LIFE» 📺
💱 Курсы валютаў 23 траўня
Долар трошкі ўмацаваўся. Еўра нязначна падрос. Расейскі рубель страціў зусім крыху.
#курсвалютаў
📌 Рада ЕЗ разгледзіць пытанне аб пазбаўленні Вугоршчыны права голасу ўжо на наступным тыдні
Абмеркаванне гэтай тэмы адбудзецца 27 траўня на пасяджэнні Рады па агульных справах.
Запуск такога працэсу прадугледжаны арт. 7 Дагавора аб Еўрапейскім звязе і можа быць ужыты супраць краіны, у якой сур'ёзна парушаюцца асноўныя каштоўнасці ЕЗ або існуе рызыка такіх парушэнняў. Краіна, якую пазбаўляюць права голасу, губляе магчымасць уплываць на палітыку ЕЗ, бо не зможа ўдзельнічаць у галасаваннях у пытаннях бюджэту, заканадаўства, санкцый і г.д.
ℹ️ У чым, уласна, справа:
Справа ў тым, што раз на паўгода Еўразвяз прымае рашэнне аб падаўжэнні санкцый супраць Расеі. Для іх падаўжэння неабходная згода ўсіх краін-удзельніц, аднак Вугоршчына рэгулярна пагражае накласці вета. Акрамя таго, Вугоршчына выступае супраць уступлення Украіны ў ЕЗ.
Беларуска з замяняльнікам пашпарта дабілася кампенсацыі пасля адмовы «Ryanair»
У траўні 2024 года беларуска з сям'ёй ляцела на адпачынак у Іспанію, але проста ў аэрапорце не пусцілі на рэйс яе 12-гадовую дачку. Прычынай стаў польскі падарожны дакумент – своеасаблівы замяняльнік пашпарту, для тых, у каго выйшаў тэрмін беларускага.
Развязанне гісторыі — чытайце тут
🥰«Хочам, каб у сталых беларусаў, якія перажываюць шмат стрэсу, з’явілася асяроддзе, якое падтрымлівае»
Каманда, якая больш за 15 гадоў рабіла «Універсітэт залатога веку» ў Беларусі, плануе запусціць праект для беларусаў у Польшчы.
Запуск праекту на першым этапе: даследуюць патрэбы і магчымасці, каб зразумець, якім чынам маглі б працаваць адукацыйныя пляцоўкі. Запрашаюць і тых, хто гатовы ўвайсці ў лік стваральнікаў і выкладчыкаў – незалежна ад узросту.
Падрабязнасці чытайце па спасылцы
Дабрыдзень, сябры!
Мы вам ранішнюю прэсу прынеслі – пачытайце найбольш цікавыя матэрыялы «Белсату», якія вы маглі прапусціць:
🔹«Гэта не гандаль – гэта выратаванне жыццяў!»
Былыя палітзняволеныя заклікаюць да перамоваў у справе вызвалення тых, хто застаецца за кратамі.
🔹«Сакартвэла закрываецца»
Гутарым з беларусам, які пасля візарану захрас у Арменіі.
🔹Любіць раскошу і супраць льготаў
Хто такая Пяткевіч, якая адказвае ў Беларусі за сацыялку?
#штопачытаць
😳 «Прыгоды» беларускі ў Аргентыне. Драматычныя
Выйшла замуж і патрапіла ў распараджэнне хатняга тырана, – паведамляе «Most».
Муж ізаляваў яе разам з дачкой ад кантактаў з людзьмі і ўсяляк здзекаваўся.
Ратаваць прыйшла аргентынская паліцыя, дзякуючы неабыякавай суседцы.
Падрабязнасці здарэння чытайце на інтэрнэт-старонцы "Белсату". 👈
☝️ «Купляйце беларускае»: мэблі з Еўропы не будзе
Урад забараніў увозіць тавары з драўніны, калі такія вырабляюцца ў Беларусі. Уся прадукцыя павінная быць ліцэнзаваная.
Сама ж Беларусь пастаўляе ў Еўразвяз тавары дрэваапрацоўкі, нягледзячы на санкцыі: беларуская драўніна «ператвараецца» у кітайскую.
Больш чытайце на сайце Белсату.👈
🔍 Ніколі не насіла «начос» і падбірала Лукашэнку эскортніц
Расказваем пра кар'еру Наталлі Пяткевіч, якую сёння прызначылі віцэ-прэм'еркаю.
«Зорным часам» для Пяткевіч былі 2000-я гады, пасля чаго яна на доўгі час знікла з публічнага поля. А летась былы шэф раптоўна зноў дастаў яе «з антрэсолі».
👀 Чытайце матэрыял на нашым сайце
🔴 «Аб'ектыў» і «Студыя Белсат» – галоўныя падзеі дня!
У сённяшнім выданні:
🔸 Кадравы дзень у Лукашэнкі. Што значыць гэтая ператусоўка чыноўнікаў?
🔸 Пасля гародніны марг узяўся за кошты на яйкі
🔸 Лукашэнка падпісаў указ, якім паставіў працадаўцаў у жорсткія рамкі ў пытанні ўладкавання мігрантаў
🔸 Гомельская вясна паведамляе пра чысткі ў шэрагах сістэмы адукацыі за пратэсты
🔸 У Ельску праз несвоечасовае аказанне дапамогі загінула дзяўчынка
🔸 Ваенная выстава ў Беларусі: хто прыехаў і чым хваляцца?
Далучайцеся да нашага эфіру ⤵️
🇺🇦 «Сёння – 390 чалавек. Субота і нядзеля – чакаем працягу абмену»
Уладзімір Зяленскі пацвердзіў інфармацыю пра рэалізацыю першай часткі дамоўленасцяў аб абмене «1000 на 1000» паміж Расеяй і Украінай
🔴 «Аб'ектыў» і «Студыя Белсат» – галоўныя падзеі дня!
У сённяшнім выданні:
🔸Як Лукашэнка падносіў снарады, правіянт і паліва падчас расейскага ўварвання ва Украіну. Падрабязнасці з дакладу Белпол
🔸«Ішла закрываць бальнічны» падрабязнасці смерці 14-гадвоай дзяўчыны ў Ельску
🔸У Горадні ўжо каля 10 год стаіць помнік інвестыцыям. Ведаеце пра такі? Мы раскажам
🔸Як і павесяліцца як след на апошнім званку, і даць рады здаць экзамены ў панядзелак?
Далучайцеся да нашага эфіру ⤵️
https://www.youtube.com/live/rZpA2w-plQw
Ася Паплаўская была вядомай блогеркай і журналісткай, але яе выбар на карысць Бога 🙏 прывёў яе ў манастыр. Аднак яе не прынялі ў манахіні 🚫, і жыццё прыйшлося пачынаць нанова.
У манастыры Ася перажыла шмат цяжкасцей і адкрыццяў: ад клопату пра паміраючых сясцёр да разрыву з мінулым светам і людзьмі, якія не змаглі зразумець яе выбар.
Сёння Ася жыве па-новаму, але яе шлях веры не скончыўся. Яна перажыла шок адмовы ў манаскіх абяцаннях, вяртанне ў свет і складанасці з уладкаваннем у іншай краіне, бо вяртанне ў Беларусь для яе небяспечнае. Хоць сэрца яе застаецца ў Беларусі, новы этап жыцця патрабуе падтрымкі 🤝
👀 Глядзіце новае выданне праграмы «Беларус беларусу» проста цяпер на канале «Белсат LIFE»
🥹 Яе маглі адправіць на забой, але ўсё змяніла відэа, якое раптам кранула сэрцы людзей
Актывісты сабралі каля 500 долараў, каб выкупіць свінку Груту ў фермера і перавезці ў бяспечнае месца.
Паглядзіце, якая яна шчаслівая!
⚡️На мяжы Беларусі і Украіны пачаўся найбуйнейшы абмен палоннымі
Паводле крыніц украінскай службы «Радыё Свабода», сёння адбываецца абмен па формуле 1000 на 1000. Ён працягнецца некалькі дзён. Гэты крок — вынік перамоваў у Стамбуле, што адбыліся 16 траўня. Прэзідэнт ЗША Доналд Трамп ужо публічна павіншаваў абодва бакі з дамоўленасцю. Паведамляецца, што Расея вяртае дадому амаль усіх палонных вайскоўцаў, тады як Украіна — менш за 10%. Усе ўдзельнікі абмену прайшлі праверку спецслужбаў, уключаючы ФСБ і ГУР. Паводле некаторых экспертаў, гэта можа быць найбуйнейшым абменам за ўсю гісторыю расейска-украінскай вайны.
Чытаць падрабязнасці
📺 Кароткі агляд навінаў
🔻 Загінуў былы беларускі палітвязень, які ваяваў на баку Расіі
🔻 Прызначаны новы амбасадар у Грузіі
🔻 У Расіі дэфіцыт гародніны
🔻 Як яшчэ могуць вырасці цэны на гародніну ў Беларусі?
🔻 Пуцін загадаў стварыць буферную зону на мяжы з Украінай
🔻 Вугоршчыну могуць пазбавіць права голасу ў радзе ЕЗ
🔻 У Беларусі на сёння аранжавы ўзровень небяспекі праз дажджы
🔻 Пра вучэнні "Захад-2025" у «Більд»
🔻 тарыфы на праезд у грамадскім транспарце ў Польшчы і Беларусі
Глядзіце ў кароткім выданні навін на Белсаце 👇🏻
🇷🇺💵Расея мае каля 30 арганізацый прарасейскага ўплыву – расследаванне
«Бюро» пры дапамозе «Кіберпартызанаў» зрабілі расследаванне пра расейскія ўплывы у Беларусі.Пад выглядам «прававой дапамогі» і захаваннем «гістарычнай памяці» расейскія структуры выдаткавалі сотні тысяч долараў на падтрымку пракрамлёўскіх актывістаў і прапагандысцкіх праектаў. Грошы ішлі нават людзям з неанацысцкім мінулым. Цэнтральную ролю ў гэтым гуляе арганізацыя «Праўфонд»
Падрабязнасці чытайце на нашым сайце 👈🏻
😡Улады Магілёва «прыдушылі» голас нязгодных з будаўніцтвам у ахоўнай зоне
Як распавядае «Наша Ніва», улады Магілёва далі дазвол на будаўніцтва новага храма ў ахоўнай зоне на тэрыторыі Пячэрскага лесапарку ў Магілёве. Падчас прэзентацыі праекту тэрыторыя называлася «бамжатнікам» і «бураломам». Але нязгодныя людзі ўсё ж пачалі збіраць подпісы супраць будаўніцтва. Тады ў працу ўключылася міліцыя і дзяржаўнае тэлебачанне.
Гісторыю супрацьстаяння — чытайце тут
👆«Пратасевіч «пакаяўся», спрабаваў стаць «другім Васкрасенскім», застаўся кур’ерам «Яндекс.Еды»
Роўна 4 гады таму карыстальнікі «FlightRadar» звярнулі ўвагу на незвычайную траекторыю самалёта, на борце якога быў Раман Пратасевіч. Амаль даляцеўшы да мяжы з Літвой, самалёт рэзка развярнуўся і прызямліўся ў Менску. Пратасевіча і ягоную былую дзяўчыну затрымалі, рэшту пасажыраў пратрымалі дзве з паловай гадзіны без магчымасці карыстацца тэлефонам і туалетам, але ўсё ж вярнулі ў самалёт, які адпусцілі ў Вільню.
Да чаго прывяла пасадка самалёта і што цяпер з Раманам Пратасевічам? Распавядаем у нашым артыкуле, пачытайце!
⛈Сёння ў Беларусі штармавое папярэджанне
Аб'яўлены аранжавы ўзровень небяспекі. Чакаюцца таксама навальніцамі і ветрам з парывамі да 15–20 м/с.
На поўначы і ў цэнтры Беларусі магчымыя нават смерчы: Еўрапейская служба прадказання штормаў «ESTOFEX» дае каля 5 % імавернасці сур’ёзных «тарнада, граду, парываў ветру і дажджоў».
На большай частцы Беларусі 23 траўня прагназуюць дажджы, тэмпературу днём ад +12 °С на паўночным захадзе да +26 на паўднёвым усходзе.
💥 #галоўнае за 22 траўня
✔️«Сакартвэла закрываецца». Гутарым з беларусам, якога не пусцілі ў Грузію пасля «візарану»
✔️Былыя палітзняволеныя абмяркоўвалі ў Варшаве, як вызваляць тых, што сядзяць дагэтуль
✔️Лукашэнка прызначыў Наталлю Пяткевіч віцэ-прэм'еркаю, а Караніка накіраваў у Акадэмію навук
✔️«Жалезная лэдзі» лукашызму. Расказваем падрабязней пра кар'еру і жыццё Наталлі Пяткевіч
✔️Аўтарка «Шчучыншчыны» Алена Жалудок «увекавечыла» ў сваёй песні яшчэ адзін беларускі рэгіён
✔️Уначы адбыўся маштабны налёт беспілотнікаў на Расею
✔️Ізраіль можа распачаць супраць Ірану вайсковую аперацыю, калі Трамп не здолее дамовіцца з Тэгеранам па ядравай праграме
#рэпрэсіі:
▫️Айцішніца неаднаразова ездзіла з Еўропы ў Беларусь і вярталася назад. Падчас чарговай спробы паехаць з радзімы на чужыну яе не выпусцілі, бо знайшлі доказы ўдзелу ў пратэстах
▫️«Ціхія рэпрэсіі» ў адукацыі: звальняюць не толькі за пратэсты, але і за лайкі
☝️ У Беларусі працягваюць «не ваяваць» з жанчынамі
Беларуска прыехала дадому праведаць родных, але назад у Еўропу ўжо не вярнулася. Жанчыну затрымалі і асудзілі на два гады хатняй «хіміі» за «пратэстныя» фотаздымкі.
Раней яна працавала ў ІТ-галіне і перыядычна ездзіла ў Беларусь.
Падрабязнасці чытайце па спасылцы. 👈
🙏 14-гадовая дзяўчынка памерла ў шпіталі ў Ельску
Школьніца скардзілася на кашаль і сіпы, але ў шпіталі стан дзяўчынкі рэзка пагоршыўся і яна ўпала ў кому. Брыгада лекараў з Мазыра ехала да хворай 4 гадзіны, хоць адлегласць паміж гарадамі каля 30 кіламетраў
Праверку праводзіць мясцовы Следчы камітэт і адначасна пагражае адказнасцю за «паклёп» і «непраўдзівыя звесткі».
Больш інфармацыі пра трагедыю глядзіце ў праграме «Студыя Белсат». 👈
🔹«Зачысткі» ў школах цягнуцца пяты год. Хоць нібыта ўжо павінны былі «зачысціць» усіх
Сабралі інфармацыю (у тым ліку ад уласных крыніцаў) пра тое, як сярод настаўнікаў упарта шукаюць «экстрэмістаў». Прычым знаходзяць заўсёды, бо «быў бы чалавек», а што яму «прышыць» – гэтая сістэма заўсёды знойдзе.
📍Чытайце матэрыял на сайце
🛑 Увозіць айчынныя ўгнаенні на тэрыторыю ЕЗ стане яшчэ складаней. І яшчэ нявыгадней
Сёння Еўрапарламент ухваліў новыя мыты на гэтую прадукцыю. Праўда, нямала еўрадэпутатаў галасавалі супраць (ажно 100), да таго ж наперадзе яшчэ зацвярджэнне гэтай пастановы Радаю Еўразвязу.
👀 Падрабязнасці глядзіце на старонцы