42763
Тэлеканал Белсат Даслаць навіну, фота ці відэа: @BelsatBot Расейскамоўны рэгіянальны ТГ @BelsatRu
⚽️ Ці сапраўды Беларусь футбольная краіна? ⚽️
Што важна для большых вынікаў беларускіх клубаў? Пра гэта ў эфіры «Раніцы з Белсатам» гаворым з Сашам Івуліным. 👇🏻
Глядзіце цалкам на нашым YouTube-канале «Белсат LIFE»
💥 У чым прычына канфлікту Індыі і Пакістану? Тлумачым за хвіліну
Прычына супрацьстаяння мае даўнія карані. Чаму ж цяпер яно выбухнула з новай сілаю? Глядзіце ў нашым кароткім відэа ☝🏻
Больш падобных відэаbelsat_tv"> шукайце ў нашым TikTok 🎨
🔴 «Аб'ектыў» і «Студыя Белсат» – галоўныя падзеі дня!
У сённяшнім выданні:
🔸Што ў праграме дзейнасці ўраду на наступныя 4 гады? Пройдземся па асноўных пунктах
🔸Як прапагандысты выкарыстоўваюць пры пабедабесных рытуалах дзяцей. І чаму гэта небяспечна
🔸Расследаванне польскага выдання Polityka: з Лондану Анжаліка Мельнікава вылецела на Шры-Ланку, дзе магла трапіць у «пастку спецслужбаў»
🔸У Ватыкане пачынаецца канклаў. Распавядзем пра тых, каго лічаць фаварытамі на месца Пантыфіка. Хто б з іх найбольш мог бы заангажавацца ў праблемы Беларусі?
🔸Сочым за развіццём падзеяў у канфлікце паміж Індыяй ды Пакістанам
🔸У Варшаве завяршаецца канферэнцыя Defence24, прысвечаная бяспецы ў рэгіёне
Далучайцеся да нашага эфіру ⤵️
https://www.youtube.com/live/SRTh2ObihzU
✈️Белавія паведамляе пра затрымкі праз атаку дронаў у Расеі
У найбліжэйшыя даты магчымыя кропкавыя змены ў раскладзе палётаў з прычыны падрыхтоўкі да параду ў Маскве ў гонар 80-годдзя Перамогі
🤦🏼 Вёз эмігранта ў багажніку
Падчас майскіх выходных польскія памежнікі затрымалі трох чалавек, якія спрабавалі нелегальна перавезці мігрантаў праз мяжу з Літвой. Адзін з іх — грамадзянін Беларусі.
У суботу, 3 траўня, патруль з памежнай заставы ў Рутцы-Тартак спрабаваў спыніць Peugeot з польскімі нумарамі, што ехаў з боку Літвы. Але кіроўца праігнараваў сігнал, рвануў наперад, на шляху пратараніў аўтамабіль памежнікаў, урэзаўся ў браму і дрэва, а потым кінуўся наўцёкі пешшу. Пасля пераследу яго затрымалі.
За рулём быў 44-гадовы беларус. У салоне ён вёз трох грамадзян Егіпта: двое сядзелі ззаду, адзін — у багажніку.
Цяпер беларусу пагражае да 8 гадоў зняволення.
❗️Лукашэнка загадаў адпусціць 42 палітвязня
«Сярод іх — 18 жанчын і 24 мужчыны. З іх 13 маюць хранічныя захворванні, адзін з’яўляецца інвалідам. У 24 асуджаных ёсць непаўналетнія дзеці, двое з’яўляюцца шматдзетнымі. Дзесяць асобаў старэйшыя за 50 гадоў, адзін дасягнуў пенсійнага ўзросту» — пра гэта паведамляюць дзяржаўныя СМІ.
🐶💦 Сур'ёзнае спаборніцтва і правілы цікавыя
Паглядзіце на незвычайны чэмпіянат!
Затрыманне каліноўца ці «ігравое кіно»? 🎬
Прапагандысцкі сюжэт пра нібыта затрыманага байца палка Каліноўскага, паказаны на беларускім ТБ, выклікае ўсё больш пытанняў. Відэа напоўненае «ляпамі», а рэальнасць асобы, што фігуруе ў ім, выклікае сумневы. «Белсат» празмаўляў пра гэта дзейным с байцом ПК.
Сюжэт выглядае як спроба выдаць жаданае за рэальнае:
Калі аналізаваць фільм з пункту гледжання драматургіі, то зразумела, што звышзадача – паказаць найвышэйшы прафесіяналізм супрацоўнікаў КДБ
🇺🇦НАН Украіны «разбаніла» беларускую мову
Каля месяца таму была анансаваная ўкраінская мовазнаўчая канферэнцыя, якая адбудзецца ў кастрычніку. На ёй, поруч з забароненай да выкарыстання расейскай мовай, апынулася і беларуская. «Белсат» тады звяртаўся да арганізатараў канферэнцыі, каб удакладніць, на якой падставе гэта адбылося, але адказу так і не атрымаў.
Цяпер жа стала вядома, што абмежаванні з беларускай мовы знятыя. Пра гэта паведаміў Павел Баркоўскі — в.а. прадстаўніка па нацыянальным адраджэнні Аб’яднанага Кабінета:
Спадзяюся, гэты прэцэдэнт замацуе разуменне, што беларуская мова — мова народу, а не дыктатуры. І яна не будзе дыскрымінаваная і на іншых мерапрыемствах ва Украіне.Читать полностью…
😢 «Перастала хадзіць ад страху»
Фонд BYSOL адкрыў мэтавы збор на дапамогу для Яны Стасяловіч
У 2017 годзе дзяўчыну збілі сілавікі пасля мірнай акцыі пратэсту. Тады ёй было ўсяго 16 гадоў. У выніку — чэрапна-мазгавая траўма, эпілепсія і трывожныя разлады. А на фоне пратэстаў 2020 года ў яе здарыўся разлад, які выклікае параліч, страту зроку і мовы.
У 2022 годзе яна была вымушаная пераехаць у Польшчу, але жыццёвыя цяжкасці не адступілі: яна засталася без мужа, часам даводзілася начаваць на вуліцы. Таксама дзяўчына трапіла ў наркатычную залежнасць, рэабілітацыю ад якой праходзіць цяпер.
Спасылка на збор
🇵🇱«Аднаго Пачобута замала»
Навошта прапаганда паказала паляка-палітвязня Томаша Бэрэзу ❓
У эфіры дзяржаўнага ТБ выйшла «інтэрв'ю» з грамадзянінам Польшчы Томашам Бэрэзам, асуджаным на 14 гадоў за «агентурную дзейнасць». У інтэрв'ю вязень просіць ва ўладаў Польшчы паспрыяць вызваленню. Белсат запытаўся ў польскага журналіста, навошта прапаганда гэта зрабіла.
Журналіст адзначае, што сярод мэтаў прапаганды можа быць:
🔻Паказаць унутры Беларусі, што палякі — «шпіёны» і «ворагі»
🔻Умяшальніцтва ў польскія выбары
🔻Запрашэнне да перамоваў
Але ці прыме такое «запрашэнне» польскі бок журналіст сумняецца:
Польскія ўлады звычайна не рэагуюць на лукашэнкаўскую прапаганду і слушна робіць, бо кожная рэакцыя на прапаганду толькі павялічвае аўдыторыю прапаганды, дадае рэзанансу»
✝️ У Ватыкане пачынаюцца выбары Папы Рымскага
Увесь працэс ажыццяўляе канклав – 133 кардыналы будуць ізаляваныя ў Сіксцінскай капэле. Кожны з іх прысягае захоўваць у таямніцы ўсе дэталі выбараў.
Канклавы звычайна доўжацца некалькі дзён і ўключаюць мноства тураў галасавання: для абрання духоўнага лідара 1,4 мільярда хрысціянаў-каталікоў патрабуецца тры чвэрці галасоў.
А вось хто можа стаць новым Папам – чытайце ПА СПАСЫЛЦЫ (праз VPN)
Паміж Індыяй і Пакістанам пачалася вайна
Што вядома на гэты момант?
▪️ Індыя пачала аперацыю «Сіндура» і нанесла некалькі ўдараў па тэрыторыі, падкантрольнай Пакістану. Паводле Reuters, колькасць загінулых пакістанцаў узрасла да 26, пацярпелі 46 чалавек.
▪️ Індыя сцвярджае, што ўдары наносіліся выключна па «вядомых лагерах тэрарыстаў».
▪️ Пакістан пачаў наносіць адказныя ўдары. Ваенныя гэтай краіны заяўляюць, што збілі два індыйскія знішчальнікі і адзін беспілотнік у адказ на парушэнне мяжы.
▪️ Уначы на мяжы Індыі і Пакістана адбывалася перастрэлка.
Нагадаем, 23 красавіка ў індыйскай частцы Кашміру ўзброеныя людзі расстралялі групу турыстаў – загінулі 26 чалавек, яшчэ 17 атрымалі раненні. Нападнікам удалося ўцячы, але, паводле паліцыі, сярод іх былі двое грамадзян Пакістану.
У Ісламабадзе ў сваю чаргу заявілі пра адсутнасць «дакладнага расследавання».
Больш падрабязна пра канфлікт і што кажуць пра гэта ў ЗША і ААН – чытайце ПА СПАСЫЛЦЫ (праз VPN).
Індыя атакавала Пакістан. Пакістан пацьвердзіў і абяцае адказ.
Атакай на тэрарыстычную інфраструктуру назвалі ўлады Індыі ўдар па Пакістане.
Пакістан зачыняе сваю паветраную прастору, пакуль на 48 гадзінаў.
Нагадаем, абедзве дзяржавы маюць ядравую зброю.
💃 У Нью-Ёрку прайшоў штогадовы дабрачынны баль Інстытута касцюма Met Gala 2025
Гэтым разам зоркі кіно, музыкі, мастацтва і спорту ўвасаблялі стыль «чорны дэндзізм» 1940х гадоў.
Мы сабралі самыя незвычайныя вобразы ☝️
❓Ці зможа Лукашэнка пазбегнуць уцягвання Беларусі ў вайну
Альбо Беларусь чакае поўная залежнасць ад Расеі і ўдзел у яе войнах на ўсю моц? 🤔
Пра гэта — новы «Двубой», дзе Сяргей Бульба і Міхаіл Кырылюк спрачаюцца пра самастойнасць Лукашэнкі 👇🏻
🤯Расея нападзе на Еўропу цягам 3–5 гадоў⁉️
Расея рыхтуецца да новай вайны, а Беларусь частка яе планаў — менавіта такія сцэнары абмяркоўвалі на міжнароднай канферэнцыі «Defence24 Days», якія адкрылася ўчора ў Варшаве.
Ядзерная зброя, гібрыдныя аперацыі і поўная ваенная інтэграцыя — гэта рэальная пагроза да якой Еўропа мае толькі некалькі гадоў, каб падрыхтавацца.
Паводле словаў Міністра абароны Польшчы Владыслава Касіняк-Камыша Еўропа абудзілася дзякуючы Доналду Трампу і ягонаму нежаданню яе бараніць.
Які яшчэ тэзы гучалі на канферэнцыі — чытайце ў нашым артыкуле
🙌🏻BYSOL эвакуяваў з Беларусі Дануту Перадня
Пра гэта ў facebook напісаў Анрэй Стрыжак
Данута была затрыманая ў лютым 2022 года з прычыны антываеннага рэпосту. Ёй прысудзілі 6,5 гадоў калоніі, але ў канцы 2024 года дзяўчыну «памілавалі», і яна выйшла на волю. Пра яе вызваленне стала вядома ў студзені 2025 года. А цяпер BYSOL эвакуяваў яе ў Польшчу.
BYSOL абвясціў збор для падтрымкі дзяўчыны💰
👀 БТ паказала чарговага зняволенага паляка
Ежы Жывалеўскага асудзілі за нібыта перадачу звестак польскай выведцы. Яму засталося сядзець яшчэ пяць месяцаў. Ён працуе ў калоніі на швейнай вытворчасці — вынікае з інтэрв'ю на дзяржаўным медыя.
У Горадні ў яго засталіся жонка і сын, а маці жыве ў Польшчы і, магчыма, не ведае, што сын у турме. У інтэрв'ю вязень кажа, што пасля тэрміну імаверна будзе дэпартаваны ў Польшчу, хаця хацеў б застацца ў Беларусі.
📺 Нагадаем, што ўчора падобнае відэа з'явілася ў дзяржаўных СМІ Беларусі. На ім асуджаны грамадзянін Польшчы Томаш Бэрэза неаднаразова просіць Польскія ўлады паспрыяць ягонаму вызваленню.
Беларускія ўлады падвышаюць стаўкі ў гандлі палітвязнямі❔
💰ЗВР Беларусі дасягнуў рэкорду
Золатавалютныя рэзервы Беларусі усталявалі новы рэкорд. Паводле звесткак Нацбанку, на 1 траўня яны склалі $ 10,94 млрд у эквіваленце.
#лічбадня #грошы
😧 Што? Беларускі палітвязень можа ваяваць на баку Расеі
Цяжка паверыць, але гамельчук, які пратэставаў супраць Лукашэнкі і мае тры палітычных крыміналкі – магчыма з'явіўся ў пуцінскім войску.
Аляксандра Вітухноўскага асудзілі ў Беларусі ў 2023-м, пасадзілі за краты, і дадалі ў спісы «экстрэмістаў» і «тэрарыстаў». Потым яго раптоўна выпусцілі, а 10 траўня 2024-га зʼявілася абʼява аб пошуку мужчыны.
Выданне «Флагшток» знайшло дадзеныя беларуса ў расейскім войску.
На дзвюх апошніх фатаграфіях у сацсетках – сэлфі Аляксандра (24 чэрвеня 2024 года) і здымак чалавека ў абмундзіраванні, падобнага да пяхотніка, са спіны (24 лістапада 2024). З таго часу ў сацсетках ён не зʼяўляўся.
Родныя вязняў баяцца адпраўляць грошы ў калонію
У асуджаных у беларускіх калоніях пачалі прымусова забіраць усе грошы з асабістых рахункаў — піша MAYDAY
Гэта адбываецца паводле прадпісанняў органаў прымусовага выканання, без уліку жадання саміх асуджаных. Раней такое спісанне адбывалася толькі са згоды чалавека. Цяпер жа ўсе паступленні аўтаматычна ідуць на пагашэнне штрафаў і пазоваў🔒
Цяпер і без таго малыя грошы (каля 10 рублёў), якія вязні атрымоўваюць за цяжкую працу, будзе цалкам кантраляваць дзяржава. Гэта можа паслужыць фактарам застрашэння, каб зменшыць падтрымку, якую вязні атрымоўваюць ад родных, што высылаюць грошы для набыцця неабходных рэчаў 🧼
Пра эканамічныя рэаліі ў беларускіх калоніях чытайце тут
💱 Курсы валютаў 7 траўня
Долар саслабеў нязначна. Еўра панізіўся ледзь-ледзь. Расейскі рубель нязначна падрос.
#курсвалютаў
📺 Навіны за 5 хвілін
🔻На парозе вялікай вайны: Індыя атакавала Пакістан - тыя б'юць у адказ
🔻У чаканні белага дыму - пачынаецца канклаў па абранні новага Папы
🔻Расея атакавала Кіеў ракетамі і беспілотнікамі
🔻З украінскага палону вызвалілі беларуса,які ваяваў на баку РФ
🔻Буйны #пажар на прадпрыемстве ў Менску
🔻Міланскі Інтэр - першы фіналіст Лігі чэмпіёнаў
Глядзіце ў кароткім выданні навін на Белсаце 💻
🔥П'еса паводле Быкава з'явіцца ў Тэатры лялек
Менскі Тэатр лялек у сваім інстаграме анансаваў новую пастаноўку паводле беларускага класіка. Спектакль будзе мець назву «Хутар» і стане «вобразным пераасэнсаваннем знакамітай аповесці Васіля Быкава “Знак бяды”»
Паводле сацсетак тэатра прэм'ера адбудзецца ў чэрвені 🗓
📅 Гісторыя з Сяргеем Ціханоўскім пачалася разгортвацца роўна пяць гадоў таму
6 і 7 траўня 2020 года ў Беларусі адбыліся звычайныя на той час падзеі: быў затрыманы блогер Сяргей Ціханоўскі. Ужо пасля ягонага затрымання на YouTube-канале з’явілася відэа, у якім ён абвясціў пра жаданне балатавацца на прэзідэнта. Аднак праз затрыманне да выбаркама ён так і не дайшоў. Замест яго гэта зрабіла ягоная жонка — Святлана Ціханоўская.
Гэтая падзея назаўсёды змяніла палітычны ландшафт Беларусі, выклікаўшы з аднаго боку масавы пратэстны рух і нацыянальнае абуджэнне, а з другога — хвалю гвалту, рэпрэсій і тэрору.
Падрабязней пра тое, як гэта адбывалася, чытайце ў нашым артыкуле.
Два чалавекі загінулі ў выніку атакі на сталіцу Украіны
Пацярпелыя восем чалавек, сярод якіх – чацвёра дзяцей.
Падзенне абломкаў расейскіх беспілотнікаў выклікала пажар у жылым доме ў Шаўчэнкаўскім раёне. Пашкоджанні зафіксаваныя яшчэ ў трох раёнах Кіева.
Тым часам больш за 100 украінскіх дронаў атакавалі 11 расейскіх рэгіёнаў. Некаторыя з іх былі збіты падчас падлёту да Масквы. Пра пацярпелых не паведамляецца.
Украінскія тэлеграм-каналы сцвярджаюць, што беспілотнікі атакавалі падмаскоўны ваенны аэрадром Кубінка, дзе базуюцца знішчальнікі.
☕️ Вітаем, шаноўныя!
Сабралі для вас найбольш цікавыя матэрыялы «Белсату», які вы маглі прапусціць:
🔺 Літва плануе самастойна ўводзіць санкцыі супраць Беларусі
У суседняй краіне хочуць змяніць заканадаўства, каб дазволіць уводзіць санкцыі нават без узгаднення з Еўразвязам. Якія могуць быць новыя абмежаванні – чытайце па спасылцы (праз VPN).
🔺 Беларуса ў расейскай уніформе вярнулі з украінскага палону
6 траўня Украіна перадала Расеі 205 палонных. Сярод іх быў і грамадзянін Беларусі. Што пра яго вядома – чытайце на нашым сайце (праз VPN).
🔺 Вялікаю Брытанія можа таемна рыхтавацца да нападу Расеі
Паводле газеты «The Telegraph», прэм’ер-міністр краіны папрасіў урад прывесці Вялікаю Брытанію ў стан ваеннай гатоўнасці. Да якіх сцэнараў рыхтуюцца брытанцы – чытайце ў нашым матэрыяле (праз VPN).
#штопачытаць
💥 #галоўнае за 6 траўня
✔️ Юрась Зяноквіч даў першае інтэрвью пасля вызвалення
✔️ «Дармаедам» на Гомельшчыне пачалі дасылаць «апавяшчэнні» з міліцыі
✔️ Курс долара абваліўся да 2,95
✔️ Беларуская дэлегацыя паляцела ў КНДР у справе гандлёва-эканамічнай супрацы
✔️З падачы Расеі ў Гомлі паставаць помнік савецкаму генералу
✔️ На мяжы з Латвіяй знайшлі труп эмігранта
✔️Бундэстаг абраў канцлерам Фрыдрыха Мэрца з другой спробы
✔️ Вялікая Брытанія рыхтуецца да расейскай агрэсіі
✔️ Украіна і Расея абмяняліся палоннымі. Сярод іх беларус
✔️Топ-7 фільмаў пра выбары Папы Рымскага
#рэпрэсіі:
▫️Супраць Ніны Багінскай завялі крымінальную справу
▫️ Ігара Аліневіча змяшчалі на месяц у ШІЗА
☝️ Літва змяняе сваё заканадаўства, каб ужываць санкцыі супраць Беларусі
Літва зможа выкарыстоўваць эканамічныя санкцыі супраць Беларусі і Расеі нават без агульнага рашэння Еўразвязу, калі Вугоршчына заблакуе яго падаўжэнне ў ліпені 2025 году.
У кіраўніцтве Літвы спадзяюцца, што да магчымых «рэгіянальных санкцыяў» далучацца таксама Польшча, краіны Балтыі, Фінляндыя і іншыя дзяржавы.
Больш чытайце па спасылцы..👈