42763
Тэлеканал Белсат Даслаць навіну, фота ці відэа: @BelsatBot Расейскамоўны рэгіянальны ТГ @BelsatRu
🤡 Трамп увёў пошліны, спасылаючыся на неіснуючага эксперта
Пра гэта заявіла вядучая тэлеканала MSNBC Рэйчэл Мэдоў. Яна сцвярджае, што Доналд Трамп аб'явіў «Дзень вызвалення», спасылаючыся на даследаванні эканаміста Рона Вара... якога ў рэальнасці не існуе 🫣
Паводле Мэдоў, Трамп выдумаў сабе фэйкавага дарадцу дарадцы, каб падтрымліваць ідэі, якія сам і вылучае.
😮 Прозвішча Вара ўтварылася ў выніку перастаноўкі літар у імя Пітэр Навара – рэальна існуючага прафесара эканомікі і суаўтара кнігі «Смерць ад Кітая», на якую ў 2017 годзе наткнуўся зяць Трампа Джарэд Кушнер. Пасля чаго Навара запрасілі ў каманду Трампа, дзе ён стаўся ключавым лабістам пошлін і пачаў распаўсюджваць аналітычныя запіскі ад імя выдуманага эксперта.
🤔 Сакрэт паспяховай беларусізацыі расейца з Сібіры
Зорка знакамітых «Песняроў« Уладзімір Мулявін нарадзіўся ў расейскай Сібіры, але гэта не зашкодзіла расейцу зрабіць Беларусь і беларускую мову вядомай у свеце. Паслухайце
👀 Поўнае выданне праграмы «Мова нанова» глядзіце на YouTube-канале «Белсат LIFE»
🤯 Калі нельга, але вельмі хочацца... Ці як фірмы, заснаваныя беларусамі ў розных краінах, гандлююць падсанкцыйнымі таварамі
Чытач «Белсату» паведаміў, што беларусы знайшлі спосаб гандляваць падсанкцыйнымі аўтазапчасткамі і даслаў пры гэтым шэраг дакументаў, якія, паводле яго, гэта даказваюць.
Правёўшы сваё расследаванне і апытаўшы экспертаў, «Белсат» сапраўды выявіў пэўныя «званочкі» у дачыненні кампаніяў, пра якія паведамляла нашая крыніца. 👉 Пачытайце, што мы высветлілі
📺 На мяжы зайшлі 580 кг выбухоўкі. Мытнікі называюць гэтую партыю «найбуйнейшай у гісторыі Беларусі»
Глядзіце таксама ў выданні навінаў за 5 хвілінаў:
✔️ЕЗ падтрымае рэпрэсаваных беларусаў
✔️Крадзеж харчоў ва ўстановах адукацыі
✔️Іран прывёў войска ў павышаную боегатовасць
✔️У Беларусі вырасла колькасць мігрантаў
Глядзіце ў кароткім выданні навінаў на Белсаце 💻
🐶 Не сабака, а проста мара рыбака!
Паглядзіце, як гадаванец дапамагае свайму гаспадару лавіць рыбу!
❄️ Праз нечаканы снег буслы не могуць знайсці сабе ежу
Птушак заўважылі каля Маладзечна. Яны разгублена шукалі ежу ў заснежаных вясковых дварах.
Людзі занепакоеныя лёсам птушак і просяць дапамагчы перажыць ім халодны перыяд.
☝️ Адмыслоўцы рэкамендуюць падкормліваць буслоў рыбаю, сырым несалёным мясам або дробнымі кавалачкамі печані. Ежу лепш выкладваць у адкрытых месцах, далей ад дарог і людзей.
Сіноптыкі прагназуюць сёння ў Беларусі халоднае надвор'е з тэмператураю паветра ад -1 да +4°C. Магчымы снег і мокры снег, а таксама парывісты вецер.
Беларуска распавяла, як спрабавала трапіць ва Украіну ў 2025-м
Дзяўчына хацела прадставіць беларускую моладзь на імпрэзе ў Львове, але яе не ўпусцілі. Прычынай стала адсутнасць візы, хоць у яе быў чэшскі ВНЖ.
На польска-ўкраінскай мяжы правадніца цягніка памылкова прапусціла дзяўчыну, зблытаўшы яе дакументы. Але ўкраінскія памежнікі спынілі яе на вакзале, бо без візы ці ўкраінскага дазволу ўезд для беларусаў закрыты.
Беларуску змясцілі ў закрытае памяшканне на шэсць гадзін, дзе бесперапынна гучалі навіны пра вайну, а паветраныя трывогі не выклікалі ні ў кога панікі.
«Фактычна, я прыехала ва Украіну, каб шэсць гадзін глядзець тэлевізар у закрытым пакоі і вярнуцца назад», – жартам адзначыла дзяўчына.
Яна іранічна кажа, што нават паўтарыла б такую паездку без візы, бо «сапраўды класна правяла час». Асабліва ў яе засталося «станоўчае ўражанне» ад душэўных размоў з памежнікамі пра сітуацыю ва Украіне і Беларусі.
☕️ Вітаем, шаноўныя!
Сабралі для вас найбольш цікавыя матэрыялы «Белсату», які вы маглі прапусціць:
🔺 15 цікавых фактаў пра Барыса Кіта
Ён перажыў рэвалюцыі, ледзь не трапіў у рукі НКВД, сядзеў у нямецкай турме, а пасля дапамагаў NASA адправіць чалавека на Месяц. Гісторыя спадара Барыса поўная выпрабаванняў, але не можа не натхняць. Прачытайце, як наш зямляк усё жыццё падтрымліваў беларусаў, дабіўся поспеху за мяжой і вярнуўся на Радзіму героем.
🔺 Папа Рымскі ўпершыню з’явіўся перад вернікамі пасля шпіталізацыі
Яшчэ нядаўна стан пантыфіка ацэньваўся як цяжкі, але цяпер ён ідзе на папраўку. Учора кіраўнік Ватыкана выйшаў да вернікаў з казаннем, прысвечаным хворым і медыцынскім работнікам. Як цяпер выглядае Папа Рымскі – глядзіце на нашым сайце (праз VPN).
🔺 У Амерыцы прайшлі пратэсты супраць палітыкі Трампа
Буйныя гарады ЗША ахапілі масавыя мітынгі, дзе амерыканцы крытыкавалі як самога Дональда Трампа, так і Ілана Маска. Як выглядалі шматтысячныя пратэсты – пакажам у нашым матэрыяле (праз VPN).
#штопачытаць
Футбалісты прыйшлі на гульню са шчанюкамі з прытулку
Навошта яны гэта зрабілі, глядзіце ў нашым відэа!
📌 Расея сачыла за брытанскімі атамнымі падлодкамі з дапамогай датчыкаў
Вайскоўцы выявілі ў водах побач з Вялікай Брытаніяй сэнсарныя датчыкі.
Па версіі Мінабароны краіны, яны былі ўсталяваныя Масквой для адсочвання перасоўвання чатырох брытанскіх падводных лодак Vanguard, аснашчаных ракетамі з ядравымі боегалоўкамі, піша The Sunday Times.
☝️ Таксама ведамства сцвярджае, што яшчэ да пачатку вайны ва Украіне Лондан меў звесткі аб тым, што супер яхты расейскіх алігархаў верагодна выкарыстоўваліся для выведкі каля берагоў Вялікай Брытаніі.
💥 Падсумоўваем вынікі тыдня ў «Студыі Белсат»
У сённяшнім выданні:
🔸Трамп абваліў фондавыя рынкі, людзі пратэстуюць, краіны свету шукаюць чым адказаць. Ці стане гэта пачаткам «вялікай» дэпрэсіі? Як можа змяніцца свет і ці зачэпіць Беларусь? Абмяркоўваем з Львом Львоўскім
🔸Краіны НАТО правялі на гэтым тыдні ажно два спатканні – у Варшаве і Бруселі. Лукашэнка – нараду са сваімі сілавікамі
🔸Якіх палітыкаў і злачынцаў пакрывае Менск і Масква, распавядзе Юлія Цяльпук
🔸Лукашэнка знайшоў спосаб помсціць нязгодным – адбіраць у людзей маёмасць і распрадаваць яе з малатка. Ці ёсць шанец, што ў будучыні можна будзе павярнуць сабе сваё?
Далучайцеся да нашага эфіру ⤵️
https://www.youtube.com/live/tFZAkO6Isuo
😲 Гэта рысі, ці бараны?
Нядаўна карыстальнікі сацсетак знялі відэа, які рысі бадаюцца падчас бойкі. Ці гэта нармальна?
Распавядаем у нашым відэа!
🚀 Гэты беларус распрацаваў ракетнае паліва, на якім «Апалоны» паляцелі ў космас
Роўна 115 гадоў таму нарадзіўся выбітны беларускі навуковец – Барыс Кіт. Ён стаў канструктарам амерыканскай ракетнай тэхнікі і адным з тых, дзякуючы каму чалавек упершыню паляцеў на Месяц. Акрамя таго, Кіт актыўна дапамагаў нашым землякам у ЗША.
Распавядаем пра жыццё нашага выбітнага земляка ў нашым відэа. Паглядзіце!
Яшчэ 15 цікавых фактаў пра Барыса Кіта, чытайце на нашай старонцы 📝
❗️ Максіма Урбановіча ўтрымліваюць у камеры СІЗА КДБ, паведаміляюць крыніцы «Белсату».
Малодшага брата беларускага добраахвотніка Дзяніса Урбановіча, затрымалі 2 красавіка.
У ноч на 6-е красавіка скончыліся трое содняў, якія Максіма Урбановіча згодна з Крымінальна-працэсуальным кодэксам Беларусі маглі трымаць без прад’яўлення абвінавачання на час праверкі.
Максім на волю не выйшаў. Гэта дае падставы меркаваць, што следчыя арыштавалі яго яшчэ як мінімум на 10 дзён. Невядома ці распачата крымінальная справа і ў якім статусе трымаюць Максіма Урбановіча пад вартай.
#рэпрэсіі
📌«Меркавана, боепрыпас знаходзіўся ў сажалцы»
Паводле папярэдняй інфармацыі, хлопец знайшоў міну часоў мінулай вайны ў высахлай сажалцы, недалёка ад дому. Ён прынёс яе на двор і спрабаваў разабраць. У выніку – здарыўся выбух.
«Меркавана, боепрыпас знаходзіўся ў сажалцы з савецкага перыяду або часоў ВАВ. Канчатковыя высновы будуць зробленыя пасля правядзення экспертных даследаванняў»
Да справы далучаны эксперт-выбухатэхнік з цэнтральнага апарату Дзяржаўнага камітэту судовых экспертыз.
☝️Тэрыторыю сажалкі следчыя ўжо абследавалі – іншых выбуханебяспечных прадметаў не выяўлена.
😢 Пакуль прапагандысты распавядаюць, як прамысловасць краіны паказвае «высокія тэмпы росту», а эканоміка «паспяхова пераадольвае ўплыў беспрэцэдэнтных санкцый» прадпрыемствы вымушаны браць крэдыт каб выплаціць заробкі працаўнікам
«Гомсельмаш» перажывае сур'ёзны крызіс. Як стала вядома ад крыніцаў, звязаных з прадпрыемствам, Завод ліцця і нармаляў (ЗЛіН), які ўваходзіць у склад абʼяднання, быў вымушаны ўзяць крэдыт у банку, каб выплаціць заробкі работнікам у пачатку 2025 года.
Прадпрыемства ўжо працяглы час працуе са стратамі, не хапае спецыялістаў, праз што кіраўніцтва вымушанае перакіроўваць работнікаў з адных падраздзяленняў у іншыя, нярэдка нават не паводле профілю іхнай асноўнай дзейнасці. Гэта адмоўна ўплывае на агульную якасць вырабленай прадукцыі.
Прадпрыемства значна залежыць ад рынку Расеі, аднак эксперты прагназуюць у 2025 годзе далейшае зніжэнне попыту на сельгастэхніку на 10–15 %.
❗️ Былы муж Мельнікавай пацвердзіў, што дзеці ў яго
«Зеркало» датэлефанаваліся былому мужу Анжалікі Мельнікавай Андрэю. Мужчына пацвердзіў, што дзеці знаходзяцца ў яго. Аднак падкрэсліў, што не ведае, дзе знаходзіцца сама спікерка і сам хвалюецца «куды яна знікла».
На пытанне, як даўно ён сам знаходзіцца ў Беларусі, мужчына адказаў: «Вы што, з паліцыі?».
🤔 А калі яго запыталі, ці здагадваецца ён, дзе знаходзіцца яго былая жонка, мужчына адказаў, што «без паняцця» і папрасіў больш яму не тэлефанаваць.
💱 Курсы валютаў 7 красавіка
Долар падрос на 2.4 капейкі. Еўра вырас даволі істотна — ажно на 4.1. Расейскі рубель амаль две капейкі страціў.
#курсывалютаў
📌 «Усе «экстрэмісцкія» матэрыялы забароненыя, але не ўсе забароненыя – «экстрэмісцкія»»
У Беларусі ёсць спіс забароненых кніг, а ёсць «экстрэмісцкіх матэрыялаў».
Навошта патрэбныя 2 спісы, якая розніца паміж імі і пакараннямі, якія чакаюць за выкарыстанне кніг з гэтых спісаў, 👉 чытайце ў нашым артыкуле.
🤢 «Не, гэта не жарт...» Mark Formelle выпусціў сумесную калекцыю з Бузавай – «Мне можна ўсё!»
І ўсё б нічога, але Вольга Бузава – актыўная прыхільніца Пуціна, падтрымала расейскае ўварванне ва Украіну, выступала ў акупаваным Крыме і наведвала самаабвешчаную ДНР.
Кампанія сцвярджае, што новая калекцыя для тых, хто «не баіцца быць сабой» і «казаць, пра што думаеш».
🤔 Як вы ставіцеся да такой калабарацыі? Ці працягнеце цяпер купляць гэты беларускі брэнд?
Прапагандысты паказалі затрыманага ваяра-каліноўца
На дзяржканале з’явіўся сюжэт пра Максіма Ралько – экс-байца Палка Каліноўскага. Беларус быў затрыманы на мяжы ў пункце пропуску «Брэст».
Паводле прапагандыстаў, мужчына нібыта кінуў полк, прыехаў у Варшаву, а потым вярнуўся ў Беларусь. У сюжэце заяўляюць, што экс-ваяр «актыўна супрацоўнічае са следствам і дзеліцца інфармацыяй».
Максім служыў у палку Каліноўскага з 2022-га па 2024-ы. Потым ён вырашыў зноў прыехаць у Польшчу, але праз два месяцы знік. У лістападзе 2024 года ён з’явіўся ў сюжэце АНТ. Тады стала вядома, што ён знаходзіцца ў СІЗА КДБ.
Сабакі больш не лепшыя жывёлы-сапёры
Сусветны рэкорд па выяўленні мін сярод жывёл пабілі афрыканскія сумчатыя пацукі. Грызун па мянушцы Ронін знайшоў 109 мін і 15 выбуховых прылад.
Ронін працуе з 2021 года і прайшоў навучанне ў Бельгіі. Цяпер яго месца працы — Камбоджа, адна з самых замініраваных краін свету. Працоўны дзень у яго ідзе ўсяго паўгадзіны.
Аказалася, што пацукі выдатна спраўляюцца з размінаваннем дзякуючы выдатнаму нюху і малому вазе, які не дазваляе актываваць выбуховыя прылады.
💥 #галоўнае за 6 красавіка
✔️ Расея атакавала Кіеў балістычнымі ракетамі
✔️ Геймеры выпусцілі відэа «Post-Lukashenko»
✔️ З-за снегу людзі засталіся без электрычнасці
✔️ У ЗША прайшлі масавыя пратэсты супраць Трампа
✔️ Польшча ўвяла электронны кантроль за памежнымі з Беларуссю рэкамі
✔️ Вялікая Брытанія і ЗША правялі паспяховыя выпрабавалі гіпергукавога ракетнага рухавіка
✔️ Сіманьян узнагародзілі за ўклад «у зацвярджэнне духоўна-маральных каштоўнасцяў»
✔️ ЕЗ заявіў пра контрмеры супраць тарыфаў Трампа
✔️ Маск спадзяецца на адмену тарыфаў паміж ЗША і ЕЗ
✔️ 15 цікавых фактаў пра Барыса Кіта
✔️ Еўразвяз запусціў праграму падтрымкі рэпрэсаваных беларусаў
#рэпрэсіі:
▪️ Гадавіна загадкавай смерці Генадзя Карпенкі
▪️ Максіма Урбановіча ўтрымліваюць у камеры СІЗА КДБ
▪️ Да пажылой маці праваабаронцы Леаніда Судаленкі прыходзілі сілавікі
🤬 Яны прыйшлі, каб зламаць, каб сказаць: «Твой сын – злачынец. Ён у вышуку»
Да маці былога палітзняволенага Леаніда Судаленкі прыходзілі сілавікі.
«Прымусілі 87-гадовую жанчыну падпісаць пратакол пра маю адсутнасць у доме, які я пакінуў яшчэ ў часы СССР. Яны ведаюць, дзе я – і ўсё роўна прыйшлі! Ім абыякавы яе ўзрост, здароўе, сэрца. Яны прыйшлі, каб зламаць. Каб учыніць боль. Каб сказаць: «Твой сын – злачынец. Ён у вышуку»»
«Бярог яе здароўе. Пасля вызвалення паспеў развітацца з ёю назаўсёды. Але і тады не сказаў праўду – проста паўтарыў: «Паехаў працаваць за мяжу»
«Мяне схілялі да смерці», – Людміла Карпенка адкрывае невядомыя акалічнасці смерці свайго мужа
Сёння 26 гадоў са дня смерці аднаго з яскравых беларускіх апазіцыйных палітыкаў 1990-гадоў, навукоўца Генадзя Карпенкі, які раптоўна памёр ад кровазліцця ў мозг на 50-годзе жыцця 6 красавіка 1999 года.
Родныя, сябры і палітычныя прыхільнікі не вераць у натуральную смерць выбітнага дзеяча. Але расследавання абставінаў ягонай загадкавай смерці ўлада Лукашэнкі не праводзіла. Яна застаецца нераскрытай і праз 26 гадоў.
Неспадзяваныя акалічнасці тых трагічных падзей праз дзясяткі гадоў раскрывае ўдава палітыка Людміла Карпенка, якая разам з сям’ёй была вымушана выехаць у Нямеччыну. Паслухайце! ☝🏻
▶️ Размову цалкам, чытайце на нашай старонцы або глдзіце на YouTube-канале «Белсат NEWS»
📌 ЕЗ заявіў пра контрмеры супраць тарыфаў Трампа
Еўразвяз плануе ўвесці дадатковы падатак на пастаўкі з Амерыкі. Яны закрануць вельмі шырокую групу тавараў – ад зубной ніткі да брыльянтаў.
Спіс амерыканскіх тавараў, на якія будуць накладзеныя дадатковыя пошліны абвесцяць увечары 7 красавіка.
Кітай, Канада і Мексіка, якія таксама патрапілі пад тарыфы ЗША, ужо прынялі меры ў адказ.
🔥 ЕЗ запускае праграму падтрымкі беларусаў, якія праз палітычны пераслед страцілі крыніцу даходу і магчымасць атрымання адукацыі
Можна атрымаць да €10 тысяч на ўладкаванне жыцця ў выгнанні.
Атрымаць падтрымку могуць былыя палітзняволеныя, а таксама беларусы і беларускі, якія падвергліся крымінальнаму або адміністрацыйнаму пакаранню па палітычных матывах.
👉 На што можна будзе патраціць грошы, а таксама як падаць заяўку, чытайце ў нашым артыкуле.
🤡 Ой, а што здарылася? Хтосьці ўжо не хоча рабіць Амерыку зноў вялікай?
Ілан Маск заявіў, што спадзяецца ў будучыні ўбачыць поўную свабоду гандлю паміж Злучанымі Штатамі і Еўропай, піша Reuters.
«У рэшце рэшт, я спадзяюся, будзе дасягнутае пагадненне аб тым, што і Еўропа, і Злучаныя Штаты павінны ў ідэале, на мой погляд, перайсці да нулявых тарыфаў, фактычна стварыўшы зону свабоднага гандлю паміж Еўропай і Паўночнай Амерыкай»
«Рукі прэч»: як у Амерыцы пратэставалі супраць палітыкі Трампа
Мітынгі прайшлі ў 1200 населеных пунктах ва ўсіх 50 штатах. Акрамя ЗША да пратэстаў далучыліся таксама ў у Лондане, Парыжы і Берліне. Гэта самая маштабная хваля пратэстаў у ЗША з часу вяртання Трампа да ўлады. Паглядзіце, як выглядалі гэтыя пратэсты ☝🏻
🤡 Маргарыта Сіманьян атрымала ад патрыярха Кірыла ордэн за ўклад «у зацвярджэнне духоўна-маральных каштоўнасцяў»
У гонар дня народзінаў прапагандысткі яе ўзнагародзілі царкоўным ордэнам роўнаапостальнай княгіні Вольгі III ступені.
▪️ Знак адрознення Святой роўнаапостальнай княгіні Вольгі – ордэн, заснаваны расейскім імператарам Мікалаем II у 1915 годзе. Быў створаны для ўзнагароджання жанчын за заслугі на карысць грамадства і дзяржавы