42763
Тэлеканал Белсат Даслаць навіну, фота ці відэа: @BelsatBot Расейскамоўны рэгіянальны ТГ @BelsatRu
💱Курсы валютаў 2 красавіка
Сённяшнія гандляванні не адзначыліся заўважнымі ваганнямі курсаў: долар і еўра зусім трохі аслаблі, а расейскі рубель мінімальна падрос.
#курсывалютаў
🇵🇱 «Больш, чым адзінкі, але менш, чым дзясяткі»
У Польшчы пачалі дзеяць папраўкі да закону аб наданні міжнароднай абароны замежнікам. Цяпер ад мігрантаў, якія пераходзяць з беларускага боку на польскі ды просяць прытулку, можна нават не прымаць адпаведныя заявы.
🔍 Болей інфармацыі па спасылцы
🌊 Каля Нацыянальнай бібліятэкі сёння раніцай разлілася «рэчка»
Аварыя здарылася праз пашкоджанне вадаправоду. Яе наступствы паспелі зняць на відэа шматлікія відавочцы.
👀 Глядзіце падрабязней на старонцы
📹 Відэа: чытачы @onlinerby
💬 «Суд сцвярджае ў пастанове, што рэжым не сочыць за дзейнасцю ўсёй апазіцыі, толькі за самымі значнымі асобамі»
Беларуска, якой на радзіме пагражаў пераслед, паспрабавала атрымаць прытулак у Літве. Гэта вылілася ў доўгае супрацьстаянне з тамтэйшым Дэпартаментам міграцыі, якое дайшло да суда.
❓Як літоўскія чыноўнікі аргументуюць свае дзеянні ды якія варыянты ёсць у Аляксандры Копцік? Разбіраемся ў нашым матэрыяле, чытайце яго па спасылцы
🤔 Вакансій хапае, а вось з заробкамі што?
Працадаўцы шукаюць супрацоўнікаў, але ці гатовы яны плаціць годна? Параўнаем афіцыйныя лічбы, якія малююць улады, і рэальны медыяны заробак, які адчуваюць беларусы. А яшчэ пакажам, хто прапануе самыя вялікія грошы.
Усё пра сапраўдны рынак працы — чытайце ПА СПАСЫЛЦЫ (праз VPN)
☕️ Вітаем, шаноўныя!
Сабралі для вас найбольш цікавыя матэрыялы «Белсату», які вы маглі прапусціць:
🔺 Як беларусы за мяжой могуць падтрымаць фонды і дабрачынныя арганізацыі
У Польшчы і Літве ад 1,2 да 1,5% падаходнага падатку можна накіраваць на розныя арганізацыі, у тым ліку беларускія. Прывядзем спіс ініцыятыў, якім можна аказаць фінансавую падтрымку з падаткаў. Чытайце па спасылцы (праз VPN).
🔺 Кітай пачаў маштабныя вайсковыя вучэнні вакол Тайваню
Як адбываюцца вучэнні аднаго з найбуйнейшых войскаў свету? І як на гэта рэагуе сам Тайвань? Чытайце на нашым сайце (праз VPN).
🔺 Вольгу Бондараву могуць эвакуяваць з Беларусі?
Вядомая даносчыца, якая змагалася з усім беларускім, цяпер сама трапіла пад рэпрэсіі рэжыму. Кіраўнік «BYSOL» заявіў, што калі Вольга захоча эвакуявацца з Беларусі, яе заяўка не будзе адхіленая аўтаматычна, але для гэтага спатрэбіцца выканаць пэўныя ўмовы. Якія менавіта – чытайце па спасылцы (праз VPN).
#штопачытаць
💥 #галоўнае за 1 красавіка
✔️ Пуцін збіраецца прызваць яшчэ 160 тысяч расейцаў у войска
✔️ Замест шклянога моста ў Мастах зрабілі шкляны сорам
✔️ Польшча будуе новыя вайсковыя часткі на памежных з Беларуссю і Расеяй тэрыторыях
✔️ Казахскіх ДПСнікаў пакараюць за вымаганне хабару ад беларускіх турыстаў
✔️ Еўропа паабяцала новую дапамогу Украіне і новыя санкцыі Расеі
✔️ Сабраная база беларускіх ініцыятываў, якія можна падтрымаць фінансава
✔️ Кітай пачаў маштабныя вучэнні вакол Тайваня
✔️ У Літве знойдзена цела чацвёртага амерыканскага вайскоўца
✔️
✔️
#рэпрэсіі:
▪️ Кнігі пра ГУЛАГ могуць «нанесці шкоду» інтарэсам Беларусі
▪️ Азараў распавёў, як яго хацелі вывезці ў Беларусь
▪️ Былыя палітзняволеныя апавядаюць пра гумар за кратамі
▪️ Арыштавалі былога галоўнага рэдактара «Бобруйского курьера»
▪️ Міколу Дзядка не выпусцілі на волю па сканчэнні тэрміна і распачалі новую крымінальную справу
❤️ Гэтыя прыгажуны жывуць побач, а мы нават і не ведаем
У Міжнародны дзень птушак адкрываем для вас цудоўныя рэдкасці Беларусі. Гэта не проста птушкі, а жамчужыны дзікай фаўны!
Паглядзіце, хто лунае над беларускімі лясамі, балотамі і рэкамі 🐦⬛️
🙈 Не, гэта не жарт! «BELPOL» сапраўды вырабляе тэкстыль... толькі гэта не той «BELPOL»
Аб’яднанне былых сілавікоў мае расейскага і польскага цёзкаў. Расейскі займаецца вытворчасцю хатняга тэкстылю (бялізны, посцілак, падушак, ручнікоў і іншага), а польскі – вырабляе дзверы, падлогі і займаецца іх мантажом.
Аднак не толькі «BELPOL» мае сваіх іншаземных «клонаў». З нагоды 1 красавіка вырашылі паглядзець, якія новыя сэнсы беларускія назвы набываюць за межамі нашай краіны. 👉 Пачытайце
😁 Накарміць тату салам у шакаладзе, ці «напужаць» сябра ад імя супрацоўніка КДБ
Вядоўцы «Белсату» распавялі пра самыя запамінальныя розыгрышы ў сваім жыцці.
Думаеце ўсе разыграныя ацанілі гумар? 🤭👉 Пачытайце
А потым, калі для вас гэта бяспечна, падзяліцеся сваімі цікавымі жартамі і розыгрышамі. А мо неяк выбітна(або не вельмі) разыгралі вас? 😊
🪖 Кітай ніяк не можа дараваць Тайваню незалежнасць і ўвесь час шукае слабыя кропкі каб вярнуць краіну ў свой склад
У аўторак кітайскія вайскоўцы аб'явілі аб правядзенні буйнамаштабных вучэнняў у водах вакол Тайваня, якія павінны стаць «сурʼёзным папярэджаннем і рашучым стрымліваннем незалежнасці Тайваня»
Тайвань у сваю чаргу вырашыў замовіць у ЗША новыя ракеты, самалёты і іншае ўзбраенне.
Ці зможа ўтрымацца кволы «мір і стабільнасць» паміж краінамі, 👉 чытайце па спасылцы
🔥 «... гатовыя аказаць далейшы ціск на Расею...»
Еўрадыпламаты прадставілі дэкларацыю адносна міру і вайны на кантыненце.
☝️ Падпісанты дамовіліся пра працяг усебаковага падтрымання Украіны.
У тэксце таксама падкрэсліваецца, што Украіна дэманструе «сваю цвёрдую прыхільнасць міру», а вось Расея «працягвае атакі на ўкраінскія гарады і інфраструктуру».
Дакумент падпісалі міністры замежных справаў Нямеччыны, Францыі, Італіі, Польшчы, Іспаніі, Вялікай Брытаніі, а таксама Вярхоўная прадстаўніца ЕЗ у замежных справах і палітыцы бяспекі. Новыя канкрэтныя рашэнні могуць быць прынятыя 11 красавіка.
😡 Нягледзячы на наступствы землятрусу, улады М’янмы працягваюць бамбаваць паўстанцаў
Пры гэтым станам на 31 сакавіка колькасць ахвяраў землятрусу ў краіне дасягнула 2056 асобаў. 3900 пацярпелі, а 300 мяркуюцца зніклымі.
Людзі спяць на вуліцы, бо баяцца вяртацца ў свае дамы.
Землятрус магнітудай 7,7 пашкодзіў энергасістэму, дарогі і масты. Было парушанае электразабеспячэнне, водазабеспячэнне і сувязь.
😊 Дзяўчынка з Гарадзішча знайшла на агародзе пацерку, якой 1100 гадоў
Яна паказала знаходку бацькам. А тыя занеслі элемент упрыгожвання з каляровага шкла ў мясцовы музей.
🤔 Казахскіх ДПСнікаў пакараюць за вымаганне хабару ад беларускіх турыстаў
Беларускія турысты выклалі відэа таго, як патрульныя спынілі іх у Казахстане і запатрабавалі 200 тыс. тэнге (каля 400 долараў) за адсутнасць казахстанскага тэхагляду і траплянне на камеру. Пры гэтым яны кажуць, што нічога не парушалі і доказаў ім не прадставілі.
Відэа выклікала страшны скандал у краіне. У дарожнай паліцыі паведамілі, што пачатая крымінальная справа, а ў дачыненні кіраўніцтва адпаведнага падраздзялення пачата службовае расследаванне.
💁🏻♂️ Ці такі ўжо братні той народ?
Дзяржаўная прапаганда ўжо амаль тры дзесяцігоддзі спрабуе навязаць беларусам «Дзень яднання народаў Беларусі ды Расеі». Адзначаецца ён акурат сёння – 2 красавіка.
Шырокіх святкаванняў у гэты дзень ні ў Беларусі, ні тым больш у Расеі ніколі не адбывалася. У народ «свята» так і не пайшло.
Магчыма, адна з прычынаў у тым, што стасункі беларусаў і расейцаў на самой справе не былі такімі ўжо братэрскімі на працягу большай часткі гісторыі. Нагадваем пра гэта ў нашым відэа!
📺 Навіны за 5 хвілін
⬆️ Абмежавання на выезд з Беларусі больш нельга спраўдзіць на сайце МУС
🔻У Літве знайшлі цела чацвёртага амерыканскага вайскоўца, які знік на палігоне ў Падброддзі
🔻Беларускія ратавальнікі прымаюць удзел у пошукавых работах у Мʼянме
🔻Кітай распачаў шырокамаштабныя вайсковыя вучэнні ля Тайваню
🔻Вызначаная дата рэспубліканскага суботніку
🔻У Менску пачалі рыхтавацца да параду 9 траўня
🔻У Беларусі арыштавалі злодзея ў законе Паўла Алексіевіча, на мянушку Паштэт
Глядзіце ў кароткім выданні навін на Белсаце 💻
☝️Сілавікі Лукашэнкі затрымалі малодшага брата беларускага добраахвотніка Дзяніса Урбановіча
У менскай кватэры, дзе жыве Максім Урбановіч разам з дзяўчынай, правялі ператрус. Пасля яе апячаталі.
📍Чытайце падрабязней на нашым сайце
🤔 А што з заробкамі ў Беларусі?
Вакансіяў усё больш, але ці гатовы працадаўцы плаціць годна? Параўнаем афіцыйныя лічбы, якія малююць улады, і рэальны медыяны заробак, які адчуваюць беларусы.
А яшчэ пакажам, хто прапануе ў Беларусі грошы як амбасадару ў Ватыкане. Чытайце наш агляд ПА СПАСЫЛЦЫ (праз VPN)
Заробак новага амбасадара Беларусі ў Ватыкане — 3470 € ў месяц
Аклад дыпламата Юрыя Амбразевіча з’явіўся ў пастанове Савета Міністраў. Такая сума адпавядае сярэдняму заробку амбасадараў рэжыму па ўсім свеце.
▪️ Найбольш зарабляе амбасадар у Японіі — 4080 еўра.
▪️ Амбасадары ў Сірыі і Венесуэле атрымліваюць па 3980 еўра.
▪️ Прадстаўнік рэжыму ў Швейцарыі — 3910 еўра.
▪️ А самыя нізкія заробкі ў амбасадараў у Польшчы і Арменіі — 2960 еўра.
🤔 Купляць ці не купляць цяпер кватэрку?
А можа, ўласна цяпер, як раз добры момант!
Эксперт тлумачыць - чытаем тут
🎼 «Глаўнае, каб была занааачкааа да да Да!»
У РСП выйшаў новы альбом «Бо кругом свінарнік, а ты прэкрасней усех»
Мы ужо падпяваем усёй рэдакцыяй! Прыядноўвайцеся! 🎶 Паслухаць ТУТ
#штопаслухаць
Ці ведалі вы, што раней у NATO быў савецкі аналаг?
Гаворка пра «варшаўскі дагавор», які быў афіцыйна распушчаны 34 гады таму. Каротка распавядаем галоўнае, што трэба ведаць пра гэты саюз, паслухайце 🔽
⚡️ У Літве знойдзена цела чацвёртага амерыканскага вайскоўца
Пра гэта паведаміла камандаванне арміі ЗША ў Еўропе і Афрыцы:
«Чацвёрты салдат арміі ЗША (...) быў знойдзены мёртвым недалёка ад Пабрадэ, Літва, 1 красавіка»
🔴 «Аб'ектыў» і «Студыя Белсат» – галоўныя падзеі дня!
У сённяшнім выданні:
🔸Да 1 красавіка мусіла паўстаць «справядлівая сістэма ўтварэння коштаў», а што насамрэч?
🔸Якія змены ў працоўным кодэксе дазволяць абмінуць «дармаедскія» абмежаванні
🔸Курс на еўраінтэграцыю Ерэвана: як Арменія паварочваецца ў бок Еўропы
🔸Амерыканская збанкрутавала кампанія, якая праводзіла тэсты ДНК для вызначэння радаводу. Што будзе з персанальнымі дадзенымі кліентаў, сярод якіх былі і беларусы?
🔸Як і над чым смяюцца беларусы, а таксама пагаворым пра тое, як важна смяяцца ў цяжкія часы
🔸У Студыі абмяркоўваем бясконцыя прыезды расейскіх губернатараў да Лукашэнкі, сітуацыю вакол крымінальных справаў супраць прадстаўнікоў Байсол, Беларускага моладзевага хабу і Байхэлп, а таксама сітуацыю з Анжалікай Мельнікавай
Далучайцеся да нашага эфіру ⤵️
https://www.youtube.com/live/GKtr4sUT6pU
🔥 Гляньце, якая крутая навіна пра падтрымку беларускіх ініцыятываў за мяжой!
Прадстаўніцтва па нацыянальным адраджэнні сабрала базу беларускіх арганізацый, якія можна падтрымаць фінансава, пералічыўшы 1,2% ці 1,5% падаходнага падатку.
Зараз у базе 16 праектаў з Літвы і Польшчы і яна працягвае папаўняцца.
Спіс арганізацый і рэквізіты для пералічэння можна паглядзець 👉 ТУТ
А калі вы самі хочаце далучыцца да базы, то можаце запоўніць адпаведную форму 👉 ТУТ
☕️ Арэшкі са згушчонкай, кава і мара пра Беларусь
Адкрыць кавярню ў Варшаве? Лёгка! Ну, амаль… Яўген Скрабутан рызыкнуў, а мы расказваем яго гісторыю ☝️
Сюжэт цалкам глядзіце ў праграме «Раніца з Белсатам»
😈 Памятаеце дэмана Богарта з фільмаў пра Гары Потэра? Яго можна было перамагчы, высмеяўшы загаворам «Рыдзікулус»
У беларускіх палітвязняў таксама былі свае загавары, каб змагацца з такімі во богартамі. Бо ў турме смех ратуе ад страшнай рэчаіснасці і дае сілы неяк трымацца і працягваць жыць.
З чаго смяюцца за кратамі? Як ставяцца да жартаў супрацоўнікі СІЗА і калоніяў? У чым спецыфіка турэмнага гумару? 👉 Распавядаюць былыя палітвязні.
😁 Не толькі Слава камісаранка ўмее добра жартаваць
На Дзень смеху «Белсат» сабраў шмат смешных беларусаў, якіх можна паглядзець ці пачытаць у сацсетках. Гумар на розны густ: ад злобна-палітычнага да рэтра-іранічнага.
🕵️♂️ Пакуль лепшыя паліцэйскія Літвы і ЗША спрабуюць разабрацца, як адбылася трагедыя з вайскоўцамі...Трамп ужо ўсё зразумеў і растлумачыў
Аказваецца, усё проста – амерыканскія вайскоўцы ў Літве маглі праваліцца пад лёд:
«Гэта быў вельмі цяжкі аўтамабіль, вельмі цяжкі, і, падобна, што бераг гэтага возера абваліўся. Была ноч, было вельмі халодна, шмат лёду. Мусіць, яны слізганулі, бо гэта вельмі вялікая і цяжкая тэхніка. Хутчэй за ўсё, так і здарылася, яны саслізнулі. Траіх больш няма з намі, а адзін знік»