Тэлеканал Белсат Даслаць навіну, фота ці відэа: @BelsatBot Расейскамоўны рэгіянальны ТГ @BelsatRu
👆«25 сакавіка ізноў пакажыце свету, што вы маеце права быць вольным народам на сваёй вольнай зямлі»
Старшыня Рады БНР Івонка Сурвіла звярнулася да беларусаў з нагоды Дня Волі. 25 сакавіка 1918 года яна назвала найважнейшай датай сучаснай гісторыі Беларусі.
«У гэты час, калі ў Беларусі наш народ пад ботам тырана, звяртаюся да беларусаў замежжа, якім ніхто не забараняе прадаўжаць змаганне за волю і лепшую долю нашага народу: карыстайцеся кожнай нагодай, каб прыцягваць увагу палітыкаў і грамадзянаў краінаў, якія вам далі прытулак, што ў цэнтры Еўропы не адзін, а два народы церпяць ад маскоўскага імперыялізму. І што Беларусі ніхто не памог, калі яна намагалася вызваліцца ў 2020 годзе»,
🤍❤️🤍З Днём Волі, дарагія чытачы!
У гэты дзень роўна 107 гадоў таму была абвешчаная незалежнасць БНР. Віншуем вас з адным з найважнейшых нацыянальных святаў і жадаем, каб воля прыйшла да нас як мага хутчэй!
А калі вы не ведаеце, што пачытаць раніцою, мы прапануем вам найбольш цікавыя матэрыялы «Белсату», якія вы маглі прапусціць:
✔️Беларусы за мяжой святкуюць Дзень Волі. Беларусы ў Беларусі таксама – але таемна
У Беларусі, і нават за яе межамі, Дзень Волі праходзіць пад жорсткім ціскам сілавых структур. Але гэта не азначае, што беларусы не святкуюць.
✔️Заразіцца клешчавым энцэфалітам можна нават праз казінае малако. Кляшчы абудзіліся!
Разбіраемся, чым яны небяспечныя і як ад іх засцерагчыся.
✔️Наколькі бяспечна служыць у беларускім войску цяпер?
І што рабіць, каб вас не паслалі на вайну?
#штопачытаць
🥔 Што з бульбай?
Чаму няма ў крамах? Разбіраўся Аляксандр Кныровіч, паслухайце ☝🏻
▶️ Праграму «Атмасфера» цалкам глядзіце на YouTube-канале «Белсат NEWS»
😢 З сімпатыяй да беларусаў ставяцца толькі 20 % палякаў
А вось негатыўна – ажно 48 % апытаных. Гэтак вынікае з апытання, праведзенага «Statista» у студзені 2025 года.
🫤 Прыкладна такое ж стаўленне палякаў да палестынцаў і цыган: сімпатыю адпаведна – 22 % і 18 % апытаных, антыпатыю – 34 % і 43 %.
Горш за ўсё стаўленне да расейцаў – 8 % станоўча, а 72 % – адмоўна.
Да ўкраінцаў станоўча – 30 % палякаў, а негатыўна – 38 %.
Лепш за ўсё палякі ставяцца да тых народаў, з якімі не мяжуюць: італьянцаў (да іх маюць сімпатыю 60 % апытаных), амерыканцаў (58 %) і іспанцаў (55 %).
😡 Расейскія войскі ўдзень 24 сакавіка нанеслі ракетны ўдар па ўкраінскім горадзе Сумы
В.а. мэра Сумаў Арцём Кобзар расказаў, што расейскія войскі атакавалі прамысловы аб’ект. У выніку ўдару пацярпелі жылыя шматпавярховікі, дзіцячыя ўстановы і лякарня. У Сумскай абласной пракуратуры адзначылі, што ўдар быў нанесены па «густанаселеным жылым квартале»
💔 Сумская гарадская рада паведаміла, што паводле інфармацыі ўпраўлення аховы здароўя, вядома пра 74 пацярпелых, сярод якіх 13 дзяцей.
🥴 Замест змагання з праблемай – арганізуем баль…
Што трэба зрабіць, каб беларусы перасталі масава з’язджаць і пачалі нараджаць дзяцей?
Разбіраемся ў відэа ☝️
💭 «Для Украіны Трамп не ідэальны, безумоўна»
Журналіст Дзмітрый Гардон распавёў пра магчымасць прэзідэнцкіх выбараў ва Украіне
Размову цалкам глядзіце ў праграме «Студыя Белсат»
🪖 Наколькі бяспечна служыць у беларускім войску цяпер? І што рабіць, каб вас не паслалі на вайну?
З сакавіка па травень у Беларусі праходзіць прызыў на вайсковую службу. Пры гэтым легальных магчымасцяў «адкасіць» у беларусаў усё менш. А сама краіна ўсё мацней прывязваецца да Расеі, якая ваюе з Украінай і плануе сёлета супольныя з беларускім войскам вучэнні.
👉 «Белсат» запытаў экспертаў, што рабіць тым, хто непакоіцца, што яго могуць паслаць пасля на вайну.
🤡 «Беглыя» планіруюць замбаваць беларусаў праз распаўсюд музыкі праз «Bluetooth» і «Wi-Fi»
Прынамсі гэтак сцвярджае былы палітвязень, а цяпер праўладны блогер Раман Пратасевіч.
На сваім Telegram-канале Пратасевіч апублікаваў фота раздрукоўкі, якую назваў «злівам супрацоўнікаў штабоў беглых апазіцыянераў». Паводле блогера, гэта доказ таго, што дэмакратычныя сілы нібыта рыхтуюць «масавыя беспарадкі» на прэзідэнцкія выбары 2030 года, падчас якіх апазіцыя будзе «трансляваць каманды куратараў праз дынамікі мабільных тэлефонаў, аб’яднаных у агульную сетку спецыяльнай праграмай».
👉 Спыталі «Кіберпартызанаў» ці ўвогуле такое тэхнічна магчыма?
📺 Навіны за 5 хвілін
✔️Міліцыя пра асноўныя пагрозы падчас школьных вакацыяў
✔️МУС Літвы раскрытыкаваў новыя абмежаванні для беларусаў
✔️Перамовы пра спыненне вайны ва Украіне працягваюцца
✔️Фэйкавы канцэрт Эмінэма ў Менску
✔️Рэкорд менскага Дынама ў КХЛ
Глядзіце ў кароткім выданні навін на Белсаце 💻
💱Курсы валютаў 24 сакавіка
Долар нязначна страціў. Еўра на паўтары капейкі падрос. Расейскі рубель таксама нязначна, але рухаецца ўгару.
#курсывалютаў
❤️🩹Нават у свеце жывёлін ёсць месца для клопату адно пра аднаго
Паглядзіце, як голуб дапамагае котцы, якая нядаўна стала мамай.
📌 Літва таксама вырашыла замініраваць свае межы з Беларуссю і Расеяй
Пра гэта паведамілі ў Мінабароны краіны.
Да таго ж у краіне было створана ўпраўленне кіберабароны літоўскага войска:
«Яно будзе планаваць і праводзіць аперацыі ў кіберпрасторы, укараняць камунікацыйныя і інфармацыйныя сістэмы стратэгічнага і аперацыйнага ўзроўняў. »
Увогуле, паводле ведамства, Літва плануе ў 2025 годзе дадаткова вылучыць 800 млн еўра «на патрэбы нацыянальнай абароны».
😲Ого, вось гэта прычоскі!
Іранская парыкмахерка стварае з валасоў сваіх кліентак залатых рыбак, паветраныя шары ды нават шэдэўры архітэктуры.
Паглядзіце, што ў яе атрымліваецца!
У Белдзяржфілармоніі глядачка выкрыкнула «Слава Украіне!» падчас рок-оперы з «ЛНР»
Пра гэта паведаміла расейская прапагандыстка Ксенія Лебедзева. Яна таксама апублікавала фотаздымак жанчыны, назваўшы яе «нацысткай», і заклікала сваіх падпісчыкаў распаўсюджваць інфармацыю пра яе асобу. Пад пастом набегла шмат каментатараў з абразамі ў адрас жанчыны і патрабаваннем, каб сілавікі тэрмінова яе затрымалі.
Што стала з жанчынай, пакуль невядома.
❓Як адзначалі Дзень Волі ў папярэднія гады?
Упершыню ў сучаснай Беларусі гэтае свята прайшло ў 1989 годзе, а ўжо праз 4 гады яго святкавалі па ўсёй краіне. А пасля да Улады прыйшоў Лукашэнка, і тады Дзень Волі стаўся не толькі нацыянальным святам, але і магчымасцю выказаць сваю нязгоду з уладамі.
Як праходзіла свята ў разныя гады, узгадваем у нашым відэа!
💥 #галоўнае за 24 сакавіка
✔️ Беларусы сталі аднымі з лідараў па дэпартацыях з Польшчы
✔️ Літва следам за Польшчай вырашыла замініраваць свае межы з Беларуссю і Расеяй
✔️ Як святкуюць Дзень Волі тыя, хто працягвае знаходзіцца ў Беларусі пад ціскам рэпрэсій
✔️ ЗША і Украіна маюць намер правесці яшчэ адзін раўнд перамоваў у Саудаўскай Аравіі
✔️ Генконсульства Расеі ў Горадні пераехала ў будынак, дзе раней вывучалі польскую мову, гісторыю і культуру
✔️ Раман Пратасевіч распавёў, што «беглыя» планіруюць замбаваць беларусаў праз распаўсюд музыкі праз «Bluetooth» і «Wi-Fi»
✔️ Беларускія ВНУ ў 2025 годзе скарацілі прыём – адразу на 2,3 тысячы месцаў
✔️ Будзьце асцярожныя! У Беларусі абудзіліся кляшчы
✔️ Беларусь і Расеі ўводзяць адзіны поліс аўтастрахавання
✔️ Расея абстраляла ракетамі ўкраінскія Сумы
✔️ Трамп чакае хуткага падпісання пагаднення з Украінай пра карысныя выкапні
#рэпрэсіі:
▪️ Затрымалі жанчыну, якая выгукнула «Слава Украіне!» у менскай Філармоніі
▪️ У Беларусі стварылі «асаблівыя групы» дыверсантаў для супрацьстаяння дэмсілам Беларусі
▪️ На Дзень Волі ў Беларусі абмяжуюць інтэрнэт
🥺 Гісторыя ратавання зайчаня з падпаленай травы
Гэтым разам абышлося, але не забывайцеся – вясновыя падпалы дужа небяспечныя для маленькіх жывёлінак
Паглядзіце!
🔴 «Аб'ектыў» і «Студыя Белсат» – галоўныя падзеі дня!
У сённяшнім выданні:
🔸Карпянкоў прызнаў, што ў Беларусь штодзённа залятаюць небяспечныя дроны
🔸Як беларусы рыхтуюцца сустракаць Дзень Волі, а Лукашэнка – да інаўгурацыі
🔸Абмяркуем перамовы ў Саўдаўскай Аравіі адносна замірэння ва Украіне
🔸Літва ўслед за Польшчай плануе замінаваць мяжу з Беларуссю
🔸Блогера Вадзіма Ермашука абвесцілі ў вышук. Vadimati – госць студыі
Далучайцеся да нашага эфіру ⤵️
https://www.youtube.com/live/Ms3zzepLqb0
😡 У Беларусі стварылі «асаблівыя групы» дыверсантаў для супрацьстаяння дэмсілам Беларусі
Групы складаюцца з супрацоўнікаў КДБ, паведамляе «BYPOL» са спасылкай на сваю крыніцу.
У абавязкі агентаў уваходзіць назіранне за дзейнасцю дзяржустановаў Еўразвязу, прыватных карпарацыяў і міжнародных фондаў, якія фінансуюць дэмакратычныя сілы, а таксама магчымае правядзенне «спецаперацыяў», уключаючы выкраданне і ліквідацыю ўплывовых апазіцыянераў.
👉 Падрабязней
📌 Беларусі і Расеі ўводзяць адзіны поліс аўтастрахавання
Паводле праўладных медыяў, заключыць дагавор абавязковага страхавання грамадзянскай адказнасці ўладальнікаў транспартных сродкаў можна будзе пачынаючы з 23 красавіка і толькі ў электронным выглядзе.
❗️ На Дзень Волі ў Беларусі абмяжуюць інтэрнэт
У дзень інаўгурацыі Лукашэнкі, які ў гэтым годзе прызначылі на Дзень Волі – 25 сакавіка, будзе абмежаваны доступ да інтэрнэту. Таму большасць беларускіх сайтаў і сэрвісаў не будуць з-за мяжы.
☝️ Паведамляецца, што праблему з доступам да інтэрнэту пачнуцца ад 19:00 24 сакавіка і працягнуцца да 23:59 25 сакавіка.
📺 Нагадаем, што «Белсат» можна глядзець, наладаваўшыся на спадарожнік Astra 4A – пазіцыя 5˚E, гарызантальная палярызацыя, частата 12 303 МГц, мадуляцыя DVB-S, сімвальная хуткасць 25 546 MSymb/s.
😱 Праз пацяпленне клімату сезон кляшчоў у Беларусі пачынаецца раней і доўжыцца амаль увесь год
А заразіцца клешчавым энцэфалітам можна не толькі праз непасрэдны ўкус кляшча, а нават праз казінае ці каровіна малако, калі жывёліна была інфікаваная ў выніку ўкусу паразіта.
👉 Разбіраемся, чым небяспечныя кляшчы і як ад іх засцерагчыся.
📌 Генконсульства Расеі ў Горадні пераехала ў будынак, дзе раней вывучалі польскую мову, гісторыю і культуру
Пра гэта яшчэ 19 сакавіка паведаміла Wirtualna Białoruś са спасылкай на свае крыніцы, піша «Зеркало».
Раней у будынку па адрасе вуліца Гарадзенчанская, 40 размяшчалася адна з найстарэйшых польскіх арганізацый у Беларусі – «Польска Матэж Школьна», якая дзейнічала з 1995 года. У гэтым будынку працаваў грамадскі ліцэй імя Элізы Ажэшкі, дзейнічалі бібліятэка, універсітэт трэцяга ўзросту для пажылых людзей, жаночы клуб «Гроднянка» і іншыя адукацыйныя і культурныя ініцыятывы.
👉 Рэпрэсіі супраць польскай арганізацыі пачаліся ў 2021 годзе. Яе абвінавацілі ў незаконнай адукацыйнай дзейнасці, выпісалі штраф у 300 тысяч рублёў, а затым падатковая налічыла яшчэ 500 тысяч рублёў нібыта «недаплачаных» падаткаў. Нягледзячы на спробы зарэгістраваць новую юрыдычную асобу і выплаты штрафаў, у 2022 годзе арганізацыю ліквідавалі.
😲І як гэта з'есці?
У Японіі падаюць марозіва вышынёю 120 см, з садавіною і іншымі прысмакамі. Паказваем, як яно выглядае.
❓Пакаштавалі б такое?
📌ЗША і Украіна маюць намер правесці яшчэ адзін раўнд перамоваў у Саудаўскай Аравіі пасля завяршэння сустрэчы амерыканскай дэлегацыі з прадстаўнікамі РФ
Пра гэта са спасылкай на ўласныя крыніцы паведамляе The Guardian.
Як адзначаецца, бакі могуць абмеркаваць пытанне аб поўным спыненні нападаў на аб'екты грамадскай і энергетычнай інфраструктураў, а таксама завяршэнне баявых дзеянняў у рэгіёне Чорнага мора.
☝️ Нагадаем, сёння ў сталіцы Саудаўскай Аравіі Эр-Рыядзе стартавалі перамовы паміж прадстаўнікамі ЗША і Расеі. Сустрэча праходзіць у закрытым фармаце, і журналістаў папрасілі пакінуць тэрыторыю гатэлю «Ritz-Carlton», дзе адбываецца падзея.
❤️ «Партызанім, збіраемся на кухнях, ладзім свае імпрэзы»
25 сакавіка вольныя і незалежныя беларусы адзначаюць Дзень Волі – гадавіну абвяшчэння Беларускай Народнай Рэспублікі (БНР), што адбылося ў 1918 годзе.
І святкуюць яго не толькі беларусы замежжа, для якіх гэта небяспечна, але і тыя, хто працягвае знаходзіцца ў Беларусі пад ціскам рэпрэсій.
🔥 Пачытайце, як, нягледзячы ні на што, нашыя суайчыннікі адзначаюць Дзень Волі
🫤 Беларусы сталі аднымі з лідараў па дэпартацыях з Польшчы
Разам з грузінамі і малдаванамі грамадзяне Беларусі трапілі ў групу замежнікаў, якіх найчасцей дэпартуюць з Польшчы, паведаміў прэс-сакратар штабу памежнай службы падпалкоўнік Анджэй Юзвяк.
👉 Усяго было выслана з краіны 1300 замежнікаў, з іх грузінаў – 260 чалавек, беларусаў – 240, малдаванаў – 250, 90 калумбійцаў і больш за 80 украінцаў.
#лічбадня
🤍❤️🤍«Кожны з нас і ёсць Беларусь»
330-метровы бел-чырвона-белы сцяг на вуліцах Варшавы і прамовы беларускіх актывістаў. Учора ў Варшаве прайшла акцыя да Дня Волі.
Што на ёй адбывалася, чытайце ў нашым падрабязным рэпартажы з месца падзеяў!
«Рэпрэсіі ў Беларусі толькі пашыраюцца»
Пра гэта заявіла старшыня групы незалежных экспертаў адносна сітуацыі з правамі чалавека ў Беларусі Карына Маскаленка:
«Узровень рэпрэсіўных дзеянняў не зніжаецца, бо ён, па-першае, пакідае на тым жа ўзроўні ўжо ўчыненыя парушэнні, плюс да іх дадаюцца яшчэ новыя парушэнні. Улічваючы колькасць людзей, якія знаходзяцца ў зняволенні ў сувязі з палітычна матываванымі пераследамі і абвінавачваннямі, улічваючы колькасць людзей, якія проста ратуючыся ад гэтых рэпрэсіяў, пакінулі краіну, вы можаце цвёрда быць упэўненымі, што рэпрэсіі не зніжаюцца, а ўзровень рэпрэсій напярэдадні так званых выбараў 2025 года, якія прайшлі нядаўна ў Беларусі, толькі ўзрос. Ёсць новыя формы і лічбавага пераследу, і бясконцых працэсаў у адсутнасці асобы, якая хаваецца ад гэтага пераследу»