42763
Тэлеканал Белсат Даслаць навіну, фота ці відэа: @BelsatBot Расейскамоўны рэгіянальны ТГ @BelsatRu
😳 Міністэрства адукацыі ЗША – усё?
Трамп падпісаў указ, якім даручыў распачаць закрыццё ўстановы. Паводле яго, ЗША выдаткоўваюць на адукацыю значна больш грошай, чым любая іншая краіна, аднак займаюць ніжэйшыя пазіцыі ў рэйтынгах.
Прэзідэнт ЗША заявіў, што за 45 гадоў з моманту стварэння міністэрства яно атрымала тры трыльёны долараў з бюджэту, але істотных вынікаў гэта не прынесла.
Дарэчы, такое рашэнне было часткай праграмы Трампа на выбарах. Ён спрабаваў ажыццявіць яго яшчэ падчас свайго першага тэрміну, але ініцыятыву тады заблакаваў Кангрэс.
☕️ Вітаем, шаноўныя!
Сабралі для вас найбольш цікавыя матэрыялы «Белсату», які вы маглі прапусціць:
🔺 Расейскага коміка затрымалі ў Беларусі за жарт пра «ветэрана СВА»
Стэндапер Арсеній пажартаваў падчас канцэрту пра чалавека з адной нагой. Сілавікі вырашылі, што гэта здзек з вайскоўца, які вярнуўся з вайны супраць Украіны. Як беларускія ўлады абышліся з комікам – чытайце на нашым сайце (праз VPN).
🔺 Менская епархія хоча падтрымаць расейцаў пасля наступу ЗСУ
Праваслаўныя святары арганізавалі збор для жыхароў Курскай вобласці, дзе нядаўна дзейнічалі ўкраінскія вайскоўцы. У закліку да дабрачыннасці прапісана «важная ўмова» для тых, хто хоча перадаць рэчы. Што менавіта патрабуюць святары – даведайцеся па спасылцы (праз VPN).
🔺 У Турцыі прайшлі масавыя пратэсты
Пасля затрымання мэра Стамбула, аднаго з галоўных канкурэнтаў Эрдагану, тысячы туркаў выйшлі на вуліцы супраць уладаў. Ці змогуць пратэстоўцы дамагчыся яго вызвалення? Што кажуць эксперты па Блізкім Усходзе? Чытайце меркаванні ў нашым матэрыяле (праз VPN).
#штопачытаць
🤔 Ці можа Кітай стрымаць паўзучую расейскую анексію Беларусі?
Як гэта бачыць Лукашэнка і які ў яго план, ці зможа Расея выкарыстаць Беларусь для агрэсіі супраць NATO ужо сёлета?
▶️ Пра гэта пагаворым у новым выданні праграмы «Прасвет» з палітолагам Аляксандрам Казаком і вайсковым каментатарам Змітром Міцкевічам.
❗️УВАГА! Жорсткія кадры!.. Лісы тэрарызуюць жыхароў Горадні
Загрызлі ката, тэрарызуюць мясцовых жыхароў, піша выданне NewGrodno
😢 Мясцовыя жыхары паведамляюць, што нядаўна лісіца на вачах у людзей напала на хатняга гадаванца:
«Людзі ўжо стаміліся ад іх нашэсця. Тым больш, звяры небяспечныя. На днях на вачах ва ўсіх ліса разарвала ката»
🔻 Вернікаў прымушаюць самастойна вывезці цалкам усе рэчы з Чырвонага касцёлу
Нават самыя грувасткія – гэта і лавы, і арганы, і некалькі фартэпіяна, і вялікія абразы, і бібліятэка, і копія Турынскай плашчаніцы, перадае Katolik.life. Фармальна гэта ёсць умовай для пачатку рамонту святыні.
Маёмасць размяркоўваюць па іншых касцёлах, у тым ліку ў Менскім раёне, бібліятэка адвезеная ў Хрысціянскі сацыяльны цэнтр.
📌 «Мы скажам гучна, што Лукашэнка злачынец»
Святлана Ціханоўская ў каментары «Позірку» назвала інаўгурацыю Лукашэнкі фармальнасцю, якая не зробіць яго легітымным, а прызначэнне цырымоніі на 25 сакавіка станецца нагодаю «гучна сказаць, што Лукашэнка – не прэзідэнт»:
«Гэта свята нашай незалежнасці і нашага супраціву дыктатуры. Мы скажам гучна, што Лукашэнка – не прэзідэнт, ён злачынец, які захапіў уладу. Мы нагадаем свету пра нашых палітвязняў і нашае змаганне. Беларусь абавязкова будзе вольнай»Читать полностью…
📌 У альянс «За дэмакратычную Беларусь» увайшла парламенцкая група Вялікабрытаніі
Пра гэта выданню «Позірк» паведаміў галоўны дарадца Святланы Ціханоўскай Франак Вячорка.
Групу ўзначаліла галоўная парламенцкая арганізатарка большасці Палаты абшчынаў Вялікай Брытаніі Вэндзі Мортан.
Аб стварэнні альянсу «За дэмакратычную Беларусь» аднайменнымі групамі ў парламентах шэрагу дэмакратычных краін было абвешчана ў сакавіку 2023 года.
👉 4 сакавіка Анатоль Лябедзька паведамляў «Позірку», што ў альянс уваходзяць 23-24 парламенцкія групы. Колькасць іх змяняецца ў залежнасці ад выбараў у заканадаўчыя органы ўлады якія праходзяць у краінах, што ўваходзяць у альянс. Пасля гэтага фармаванне груп праходзіць «з нуля«.
Першая сустрэча прадстаўнікоў альянсу адбылася ў лістападзе таго ж года ў Берліне, другая-6-7 сакавіка гэтага года ў Рыме.
📌 «Могуць узнікнуць пытанні з даверам да журналістаў»
БТ зняў фільм «Чужое неба», да ўдзелу ў якім людзей заманілі падманам ад імя дэмакратычнага Офісу.
На жаль, гэта далёка не першы такі пранк. Журналіст Барыс Гарэцкі кажа, што налічыў 5 такіх выпадкаў за апошнія 3 гады.
Дык што рабіць тым, да каго звяртаюцца ад імя выдання ці арганізацыі? Як не папасціся на такі кручок? І ці падарвуць гэтыя выпадкі давер да журналістаў і дэмакратычных сілаў?
👉 Чытайце адказы на гэта ў нашым артыкуле
🕯 Ушанавалі памяць беларускіх ваяроў загінулых за Украіну
Дэлегацыя Аб'яднанага Пераходнага Кабінету наведала Бучу і Ірпень
📌 «Улада вымушаная з гэтым лічыцца»
У Турэччыне адбываюцца акцыі пратэсту праз затрыманне мэра Стамбулу Экрэма Імамоглу. Яго называлі галоўным апазіцыйным канкурэнтам Эрдагана на наступных выбарах.
☝️ Усходазнаўца Руслан Сулейманаў у каментары «Белсату» адзначыў, што пратэстоўцы маюць шанцы дамагчыся вызвалення палітыка.
💱Курсы валютаў 19 сакавіка
Долар працягвае інтэнсіўна расці. Сённа + 4,5 капейкі. Еўра таксама падрос, але нязначна.
А вось расейскі рубель нечакана страціў 2 капейкі.
#курсывалютаў
🤔 Чым адрозніваецца беларускамоўны Мікіта Мелказёраў ад расейскамоўнага Никиты Мелкозерова?
Чаму з дзеячаў БНР яго найбольш цікавяць браты Луцкевічы?
І ці ён здолеў прайсці краш-тэст, што праходзілі дзеячы БНР
Госць новага выпуску «Мова нанова» МікітаМелказёраў – журналіст, аўтар папулярных YouTube-каналаў «Жыццё-маліна» і «ЗАГЛЯНЕ СОНЦА»
💔 «Калі ты не падпішаш, то яна не выйдзе»
Былая палітзняволеная Антаніна Канавалава, якая правяла ў калоніі больш за чатыры гады, здолела ўцячы з Беларусі.
Жанчына распавяла «Белсату», як здзекуюцца з палітвязняў, каб дамагчыся прызнання і згоды на супрацу з адміністрацыяй калоніі.
Уначы Украіну атакаваў 171 расейскі беспілотнік
У Крапіўніцкім пацярпелі 10 чалавек, сярод іх чацвёра дзяцей. Гэта самая масавая атака на ўкраінскі горад з пачатку вайны. Таксама пацярпелі Кіраваградская, Сумская і Данецкая вобласці.
Паветраныя сілы заявілі пра знішчэнне 75 дронаў, астатнія былі страчаны лакатарамі без негатыўных наступстваў.
Расею атакавалі 123 украінскія беспілотнікі
У горадзе Энгельс Саратаўскай вобласці пашкоджаны два дзіцячыя сады, школа і больніца. Паводле мясцовых уладаў, пацярпелі некалькі чалавек.
Беспілотнікі таксама з’яўляліся ў Варонежскай, Растоўскай, Ліпецкай, Белгародскай вобласцях і акупаваным Крыме. Там абышлося без пацярпелых і разбурэнняў.
20 тысяч чалавек засталіся без святла праз выбух пад Лонданам
У прыгарадзе Лондана загарэлася электрападстанцыя, што прывяло да адключэння электрычнасці і прыпынення працы буйнога аэрапорту Хітроў. Адменены як мінімум 1351 рэйс, а тысячы пасажыраў засталіся без магчымасці вылецець.
Улады ўжо эвакуявалі 150 жыхароў суседніх дамоў, пакуль выратавальнікі змагаюцца з агнём. Прычына выбуху пакуль не паведамляецца.
💥 #галоўнае за 20 сакавіка
✔️ Расею атакавалі 132 украінскія беспілотнікі
✔️ Украіну атакаваў 171 расейскі беспілотнік
✔️ У Турэччыне ідуць пратэсты праз затрыманне мэра Стамбулу
✔️ Лукашэнка прызначыў сабе інаўгурацыю на Дзень Волі
✔️ Беларуска рыхтуецца да чэмпіянату свету ў стрытліфтынгу!
✔️ У альянс «За дэмакратычную Беларусь» увайшла парламенцкая група Вялікабрытаніі
✔️ Пуцін абавязаў акупаваных украінцаў або стаць расейцамі, або з'ехаць
✔️ Новым прэзідэнтам Міжнароднага алімпійскага камітэту стала 41-гадовая плыўчыха з Зімбабвэ Кірсці Ковэнтры
#рэпрэсіі:
▪️ Беларускія сілавікі катавалі расейскага коміка электрашокерам і збівалі дручкамі
▪️ Супраць 15 журналістаў «Радыё Свабода» распачалі завочныя крымінальныя справы
▪️ Былая палітзняволеная распавяла, як здзекуюцца з палітвязняў, каб дамагчыся прызнання і згоды на супрацу з адміністрацыяй калоніі.
😮 Робаты выйшлі на новы ўзровень
У «Boston Dynamics» кажуць, што гэта «самы зграбны чалавекападобны робат у свеце». Паглядзіце, што цяпер умее робат-гуманоід Атлас.
🔴 «Аб'ектыў» і «Студыя Белсат» – галоўныя падзеі дня!
У сённяшнім выданні:
🔸У Беларусі нечакана ўпаў курс долара. Як на гэтым зарабіць, і як не страціць?
🔸Швед прапануе штрафаваць за ЛГБТ, як яшчэ генпракурор змагаецца за «традыцыйныя каштоўнасці»
🔸Абмяркуем паседжанне кіраўнікоў ЕЗ у Бруселі ды візіт беларускіх дэмакратаў у Кіеў
🔸Як адзначаюць Дзень вясновага раўнадзенства беларусы, а як – у суседніх народах?
🔸Чаму ўлады прызначылі інаўгурацыю на 25 сакавіка? Размова ў студыі з публіцыстам Севярынам Квятоўскім
Далучайцеся да нашага эфіру ⤵️
https://www.youtube.com/live/5HE6aCZJZjU
🤬 Пуцін абавязаў акупаваных украінцаў або стаць расейцамі, або з'ехаць
Кіраўнік Расеі падпісаў указ, паводле якога грамадзяне Украіны павінны да 10 верасня ўзаконіць сваё знаходжанне на тэрыторыі Расеі або ж пакінуць краіну.
Гэта датычыць у тым ліку жыхароў акупаваных частак Данецкай, Луганскай, Запарожскай і Херсонскай вобласцяў Украіны.
Міністэрству аховы здароўя Расеі даручана правесці медагляд грамадзянаў Украіны на ВІЧ, інфекцыйныя захворванні, а таксама на ўжыванне наркотыкаў і псіхатропаў.
🥗 Салата, якая трымае вас у форме
У рэцэпты ад Маляваныча – салата, якая дапаможа заставацца лёгкімі не толькі на пад'ём, але і… ну, вы разумееце 😏
Паглядзіце і смачна есці!
А больш простых рэцэптаў па-беларуску, глядзіце ў праграме «Раніца з Белсатам» 🎬
🥳 Адбой панікі. Нічога камеры акрамя хуткасці не фіксуюць
ДАІ Гарадзенскай вобласці пэўна вырашыла стымуляваць кіроўцаў прайсці тэхагляд і выклала навіну, што камеры хуткасці будуць фіксаваць яшчэ і яго адсутнасць.
Аднак высветлілася, што гэтую навіну выклалі выпадкова і яна не з'яўляецца праўдзівай.
☝️ Выданне «Slutsk-Gorod» звярнулася да ДАІ Менскай вобласці і там адказалі, што інфармацыя аб фіксацыі ТА звычайнымі камерамі – памылковая. І параілі арыентавацца толькі на афіцыйныя рэсурсы МУС.
🏋️♀️ Беларуска рыхтуецца да чэмпіянату свету ў стрытліфтынгу!
Што гэта за спорт і якіх вынікаў ужо дасягнула спартоўка – глядзіце ў нашым відэа ☝️
А сюжэт цалкам можна паглядзець у праграме «Раніца з Белсатам»
🤬 Беларускія сілавікі катавалі расейскага коміка электрашокерам і збівалі дручкамі
Расейскі стэндап-комік Арцемій Астанін распавёў, што беларускія сілавікі збілі яго ў лесе на тэрыторыі Беларусі, калі везлі да расейскай мяжы. Пра гэта напісала расейская праваабаронца Ева Меркачова са спасылкай на адваката Астаніна:
«... пакуль яго везлі да мяжы для перадачы расейскім праваахоўнікам, іх машына спынілася ў лесе, яго вывелі і пачалі збіваць тры чалавекі. Як ён зразумеў, гэта былі супрацоўнікі праваахоўных органаў Беларусі. Яны наносілі множныя ўдары па яго корпусу і канечнасцях, ужывалі электрашокер і дубінкі»
📺 Навіны за 5 хвілін
✔️Прызначылі дзень інаўгурацыі Лукашэнкі
✔️Дырэктар «Белтэхагляду» знайшоў вінаватых ва ўтварэнні чэргаў на станцыі агляду
✔️Расея абстраляла Украіну, ёсць пацярпелыя, у тым ліку дзеці
✔️Што абмяркоўваў гадзіну Трамп з Зяленскім
✔️Берасцейцы баяцца жыць у аварыйным доме
Глядзіце ў кароткім выданні навін на Белсаце 💻
📌 «Свабода слова – гэта каштоўнасць, якую мы павінны абараняць разам»
Святлана Ціханоўская растлумачыла, чаму змагаецца за незалежныя СМІ і шукае для іх падтрымання.
З яе словаў, свабодныя медыя – гэта індыкатар свабоднага грамадства, а калі журналістаў кідаюць за краты, грамадства губляе свой голас:
«Я заўсёды кажу, што медыя – гэта чацвёртая ўлада. Так, яны могуць крытыкаваць – і часам гэта бывае непрыемна. Яны падсвечваюць нашыя хібы ды няўдачы – і гэта можа раздражняць. Але менавіта журналісты не дазваляюць уладзе ўпасці ў стагнацыю. Дзякуючы ім мы выпраўляем памылкі, чуем важныя рэчы і бачым тое, што ад нас хаваюць»Читать полностью…
🤔 Менская епархія арганізавала збор рэчаў для жыхароў Курскай вобласці
Такую абвестку можна прачытаць сёння ў самым цэнтры беларускай сталіцы на Вайсковых могілках.
Царкоўнікі заклікаюць здаваць асенне-зімовае адзенне, абутак, а таксама спальныя рэчы. ☝️ Прычым падкрэсліваюць, што рэчы мусяць быць толькі новыя.
Абвестка пра збор рэчаў у Менску з'явілася менавіта ў той момант, калі ўкраінскія вайскоўцы пакінулі амаль усю Курскую вобласць.
🤡 Каранацыя Інаўгурацыя Лукашэнкі прызначаная на Дзень Волі
Прапагандысты пішуць, што афіцыйная цырымонія адбудзецца 25 сакавіка.
🇹🇷 Тысячы жыхароў Турцыі масава выйшлі на вуліцы супраць Эрдагана
Прычынай стала затрыманне мэра Стамбула Экрэма Імамоглу – аднаго з галоўных апазіцыйных палітыкаў краіны. Ён таксама лічыцца патэнцыйным супернікам Эрдагана на выбарах у 2028 годзе.
Турэцкія ўлады абвінавацілі мэра ў карупцыі і сувязях з тэрарыстамі, але ў апазіцыі гэта называюць палітычнай расправай.
Сілавікі ўжо заблакавалі доступ да сацсетак, закрылі некалькі станцый метро і перакрылі дарогі. Вядома пра прымяненне слезацечнага газу, жорсткія затрыманні і выкарыстанне спецсродкаў.
☕️ Вітаем, шаноўныя!
Сабралі для вас найбольш цікавыя матэрыялы «Белсату», які вы маглі прапусціць:
🔺 Пра што ўчора дамовіліся Трамп і Зяленскі?
Прэзідэнт ЗША назваў тэлефонную размову з украінскім калегам «фантастычнай». Галоўнай тэмай было спыненне агню, падчас абмеркавання якой Трамп прыдумаў, як абараніць энергетыку Украіны. Што ён прапанаваў Зяленскаму – чытайце на нашым сайце (праз VPN).
🔺 Што беларусам абяцаюць на Дзень Волі ў Варшаве?
23 сакавіка ў польскай сталіцы адбудзецца імпрэза, прысвечаная Дню Волі, якая будзе багатая на падзеі: ад канцэртаў беларускіх гуртоў да шэсця з 330-метровым бел-чырвона-белым сцягам. Падрабязней пра праграму свята – чытайце па спасылцы (праз VPN).
🔺 Палітзняволеная на волі: «памілаванне» – замена адной турмы на іншую
Чатыры гады калоніі і потым «свабода» пад кантролем спецслужбаў – такі лёс напаткаў палітзняволеную беларуску, якая цяпер за мяжой. У шчырым інтэрв’ю «Белсату» дзяўчына распавяла, як сілавікі дамагаюцца «прызнанняў», што такое «супраца» з рэжымам пасля турмы і як экстрэмальна збегчы з краіны. Пачытайце (праз VPN).
#штопачытаць