42763
Тэлеканал Белсат Даслаць навіну, фота ці відэа: @BelsatBot Расейскамоўны рэгіянальны ТГ @BelsatRu
😮 Робаты выйшлі на новы ўзровень
У «Boston Dynamics» кажуць, што гэта «самы зграбны чалавекападобны робат у свеце». Паглядзіце, што цяпер умее робат-гуманоід Атлас.
🔴 «Аб'ектыў» і «Студыя Белсат» – галоўныя падзеі дня!
У сённяшнім выданні:
🔸У Беларусі нечакана ўпаў курс долара. Як на гэтым зарабіць, і як не страціць?
🔸Швед прапануе штрафаваць за ЛГБТ, як яшчэ генпракурор змагаецца за «традыцыйныя каштоўнасці»
🔸Абмяркуем паседжанне кіраўнікоў ЕЗ у Бруселі ды візіт беларускіх дэмакратаў у Кіеў
🔸Як адзначаюць Дзень вясновага раўнадзенства беларусы, а як – у суседніх народах?
🔸Чаму ўлады прызначылі інаўгурацыю на 25 сакавіка? Размова ў студыі з публіцыстам Севярынам Квятоўскім
Далучайцеся да нашага эфіру ⤵️
https://www.youtube.com/live/5HE6aCZJZjU
🤬 Пуцін абавязаў акупаваных украінцаў або стаць расейцамі, або з'ехаць
Кіраўнік Расеі падпісаў указ, паводле якога грамадзяне Украіны павінны да 10 верасня ўзаконіць сваё знаходжанне на тэрыторыі Расеі або ж пакінуць краіну.
Гэта датычыць у тым ліку жыхароў акупаваных частак Данецкай, Луганскай, Запарожскай і Херсонскай вобласцяў Украіны.
Міністэрству аховы здароўя Расеі даручана правесці медагляд грамадзянаў Украіны на ВІЧ, інфекцыйныя захворванні, а таксама на ўжыванне наркотыкаў і псіхатропаў.
🥗 Салата, якая трымае вас у форме
У рэцэпты ад Маляваныча – салата, якая дапаможа заставацца лёгкімі не толькі на пад'ём, але і… ну, вы разумееце 😏
Паглядзіце і смачна есці!
А больш простых рэцэптаў па-беларуску, глядзіце ў праграме «Раніца з Белсатам» 🎬
🥳 Адбой панікі. Нічога камеры акрамя хуткасці не фіксуюць
ДАІ Гарадзенскай вобласці пэўна вырашыла стымуляваць кіроўцаў прайсці тэхагляд і выклала навіну, што камеры хуткасці будуць фіксаваць яшчэ і яго адсутнасць.
Аднак высветлілася, што гэтую навіну выклалі выпадкова і яна не з'яўляецца праўдзівай.
☝️ Выданне «Slutsk-Gorod» звярнулася да ДАІ Менскай вобласці і там адказалі, што інфармацыя аб фіксацыі ТА звычайнымі камерамі – памылковая. І параілі арыентавацца толькі на афіцыйныя рэсурсы МУС.
🏋️♀️ Беларуска рыхтуецца да чэмпіянату свету ў стрытліфтынгу!
Што гэта за спорт і якіх вынікаў ужо дасягнула спартоўка – глядзіце ў нашым відэа ☝️
А сюжэт цалкам можна паглядзець у праграме «Раніца з Белсатам»
🤬 Беларускія сілавікі катавалі расейскага коміка электрашокерам і збівалі дручкамі
Расейскі стэндап-комік Арцемій Астанін распавёў, што беларускія сілавікі збілі яго ў лесе на тэрыторыі Беларусі, калі везлі да расейскай мяжы. Пра гэта напісала расейская праваабаронца Ева Меркачова са спасылкай на адваката Астаніна:
«... пакуль яго везлі да мяжы для перадачы расейскім праваахоўнікам, іх машына спынілася ў лесе, яго вывелі і пачалі збіваць тры чалавекі. Як ён зразумеў, гэта былі супрацоўнікі праваахоўных органаў Беларусі. Яны наносілі множныя ўдары па яго корпусу і канечнасцях, ужывалі электрашокер і дубінкі»
📺 Навіны за 5 хвілін
✔️Прызначылі дзень інаўгурацыі Лукашэнкі
✔️Дырэктар «Белтэхагляду» знайшоў вінаватых ва ўтварэнні чэргаў на станцыі агляду
✔️Расея абстраляла Украіну, ёсць пацярпелыя, у тым ліку дзеці
✔️Што абмяркоўваў гадзіну Трамп з Зяленскім
✔️Берасцейцы баяцца жыць у аварыйным доме
Глядзіце ў кароткім выданні навін на Белсаце 💻
📌 «Свабода слова – гэта каштоўнасць, якую мы павінны абараняць разам»
Святлана Ціханоўская растлумачыла, чаму змагаецца за незалежныя СМІ і шукае для іх падтрымання.
З яе словаў, свабодныя медыя – гэта індыкатар свабоднага грамадства, а калі журналістаў кідаюць за краты, грамадства губляе свой голас:
«Я заўсёды кажу, што медыя – гэта чацвёртая ўлада. Так, яны могуць крытыкаваць – і часам гэта бывае непрыемна. Яны падсвечваюць нашыя хібы ды няўдачы – і гэта можа раздражняць. Але менавіта журналісты не дазваляюць уладзе ўпасці ў стагнацыю. Дзякуючы ім мы выпраўляем памылкі, чуем важныя рэчы і бачым тое, што ад нас хаваюць»Читать полностью…
🤔 Менская епархія арганізавала збор рэчаў для жыхароў Курскай вобласці
Такую абвестку можна прачытаць сёння ў самым цэнтры беларускай сталіцы на Вайсковых могілках.
Царкоўнікі заклікаюць здаваць асенне-зімовае адзенне, абутак, а таксама спальныя рэчы. ☝️ Прычым падкрэсліваюць, што рэчы мусяць быць толькі новыя.
Абвестка пра збор рэчаў у Менску з'явілася менавіта ў той момант, калі ўкраінскія вайскоўцы пакінулі амаль усю Курскую вобласць.
🤡 Каранацыя Інаўгурацыя Лукашэнкі прызначаная на Дзень Волі
Прапагандысты пішуць, што афіцыйная цырымонія адбудзецца 25 сакавіка.
🇹🇷 Тысячы жыхароў Турцыі масава выйшлі на вуліцы супраць Эрдагана
Прычынай стала затрыманне мэра Стамбула Экрэма Імамоглу – аднаго з галоўных апазіцыйных палітыкаў краіны. Ён таксама лічыцца патэнцыйным супернікам Эрдагана на выбарах у 2028 годзе.
Турэцкія ўлады абвінавацілі мэра ў карупцыі і сувязях з тэрарыстамі, але ў апазіцыі гэта называюць палітычнай расправай.
Сілавікі ўжо заблакавалі доступ да сацсетак, закрылі некалькі станцый метро і перакрылі дарогі. Вядома пра прымяненне слезацечнага газу, жорсткія затрыманні і выкарыстанне спецсродкаў.
☕️ Вітаем, шаноўныя!
Сабралі для вас найбольш цікавыя матэрыялы «Белсату», які вы маглі прапусціць:
🔺 Пра што ўчора дамовіліся Трамп і Зяленскі?
Прэзідэнт ЗША назваў тэлефонную размову з украінскім калегам «фантастычнай». Галоўнай тэмай было спыненне агню, падчас абмеркавання якой Трамп прыдумаў, як абараніць энергетыку Украіны. Што ён прапанаваў Зяленскаму – чытайце на нашым сайце (праз VPN).
🔺 Што беларусам абяцаюць на Дзень Волі ў Варшаве?
23 сакавіка ў польскай сталіцы адбудзецца імпрэза, прысвечаная Дню Волі, якая будзе багатая на падзеі: ад канцэртаў беларускіх гуртоў да шэсця з 330-метровым бел-чырвона-белым сцягам. Падрабязней пра праграму свята – чытайце па спасылцы (праз VPN).
🔺 Палітзняволеная на волі: «памілаванне» – замена адной турмы на іншую
Чатыры гады калоніі і потым «свабода» пад кантролем спецслужбаў – такі лёс напаткаў палітзняволеную беларуску, якая цяпер за мяжой. У шчырым інтэрв’ю «Белсату» дзяўчына распавяла, як сілавікі дамагаюцца «прызнанняў», што такое «супраца» з рэжымам пасля турмы і як экстрэмальна збегчы з краіны. Пачытайце (праз VPN).
#штопачытаць
Перамовы ЗША і РФ: што зменіцца для Беларусі?
▶️ Новае выданне «Двубою» з Віталём Цыганковым прысвечана беларуска-расейскім дачыненням і магчымасцям далейшай інтэграцыі. Што зменіцца для беларусаў і калі чакаць адзінай валюты і арміі? Спрачаюцца Паўлюк Быкоўскі і Міхаіл Кірылюк.
🏃♂️ А вам слабо? Прабегчы 40 км у 92 гады
Італьянец Антоніа Раа прабег Рымскі марафон (42+ кіламетры) на 93-м годзе жыцця! Яму ж належыць і сусветны рэкорд у марафоне сярод бегуноў ва ўзросце 90+.
💪 Вось гэта энергія і нязломны дух
❗️УВАГА! Жорсткія кадры!.. Лісы тэрарызуюць жыхароў Горадні
Загрызлі ката, тэрарызуюць мясцовых жыхароў, піша выданне NewGrodno
😢 Мясцовыя жыхары паведамляюць, што нядаўна лісіца на вачах у людзей напала на хатняга гадаванца:
«Людзі ўжо стаміліся ад іх нашэсця. Тым больш, звяры небяспечныя. На днях на вачах ва ўсіх ліса разарвала ката»
🔻 Вернікаў прымушаюць самастойна вывезці цалкам усе рэчы з Чырвонага касцёлу
Нават самыя грувасткія – гэта і лавы, і арганы, і некалькі фартэпіяна, і вялікія абразы, і бібліятэка, і копія Турынскай плашчаніцы, перадае Katolik.life. Фармальна гэта ёсць умовай для пачатку рамонту святыні.
Маёмасць размяркоўваюць па іншых касцёлах, у тым ліку ў Менскім раёне, бібліятэка адвезеная ў Хрысціянскі сацыяльны цэнтр.
📌 «Мы скажам гучна, што Лукашэнка злачынец»
Святлана Ціханоўская ў каментары «Позірку» назвала інаўгурацыю Лукашэнкі фармальнасцю, якая не зробіць яго легітымным, а прызначэнне цырымоніі на 25 сакавіка станецца нагодаю «гучна сказаць, што Лукашэнка – не прэзідэнт»:
«Гэта свята нашай незалежнасці і нашага супраціву дыктатуры. Мы скажам гучна, што Лукашэнка – не прэзідэнт, ён злачынец, які захапіў уладу. Мы нагадаем свету пра нашых палітвязняў і нашае змаганне. Беларусь абавязкова будзе вольнай»Читать полностью…
📌 У альянс «За дэмакратычную Беларусь» увайшла парламенцкая група Вялікабрытаніі
Пра гэта выданню «Позірк» паведаміў галоўны дарадца Святланы Ціханоўскай Франак Вячорка.
Групу ўзначаліла галоўная парламенцкая арганізатарка большасці Палаты абшчынаў Вялікай Брытаніі Вэндзі Мортан.
Аб стварэнні альянсу «За дэмакратычную Беларусь» аднайменнымі групамі ў парламентах шэрагу дэмакратычных краін было абвешчана ў сакавіку 2023 года.
👉 4 сакавіка Анатоль Лябедзька паведамляў «Позірку», што ў альянс уваходзяць 23-24 парламенцкія групы. Колькасць іх змяняецца ў залежнасці ад выбараў у заканадаўчыя органы ўлады якія праходзяць у краінах, што ўваходзяць у альянс. Пасля гэтага фармаванне груп праходзіць «з нуля«.
Першая сустрэча прадстаўнікоў альянсу адбылася ў лістападзе таго ж года ў Берліне, другая-6-7 сакавіка гэтага года ў Рыме.
📌 «Могуць узнікнуць пытанні з даверам да журналістаў»
БТ зняў фільм «Чужое неба», да ўдзелу ў якім людзей заманілі падманам ад імя дэмакратычнага Офісу.
На жаль, гэта далёка не першы такі пранк. Журналіст Барыс Гарэцкі кажа, што налічыў 5 такіх выпадкаў за апошнія 3 гады.
Дык што рабіць тым, да каго звяртаюцца ад імя выдання ці арганізацыі? Як не папасціся на такі кручок? І ці падарвуць гэтыя выпадкі давер да журналістаў і дэмакратычных сілаў?
👉 Чытайце адказы на гэта ў нашым артыкуле
🕯 Ушанавалі памяць беларускіх ваяроў загінулых за Украіну
Дэлегацыя Аб'яднанага Пераходнага Кабінету наведала Бучу і Ірпень
📌 «Улада вымушаная з гэтым лічыцца»
У Турэччыне адбываюцца акцыі пратэсту праз затрыманне мэра Стамбулу Экрэма Імамоглу. Яго называлі галоўным апазіцыйным канкурэнтам Эрдагана на наступных выбарах.
☝️ Усходазнаўца Руслан Сулейманаў у каментары «Белсату» адзначыў, што пратэстоўцы маюць шанцы дамагчыся вызвалення палітыка.
💱Курсы валютаў 19 сакавіка
Долар працягвае інтэнсіўна расці. Сённа + 4,5 капейкі. Еўра таксама падрос, але нязначна.
А вось расейскі рубель нечакана страціў 2 капейкі.
#курсывалютаў
🤔 Чым адрозніваецца беларускамоўны Мікіта Мелказёраў ад расейскамоўнага Никиты Мелкозерова?
Чаму з дзеячаў БНР яго найбольш цікавяць браты Луцкевічы?
І ці ён здолеў прайсці краш-тэст, што праходзілі дзеячы БНР
Госць новага выпуску «Мова нанова» МікітаМелказёраў – журналіст, аўтар папулярных YouTube-каналаў «Жыццё-маліна» і «ЗАГЛЯНЕ СОНЦА»
💔 «Калі ты не падпішаш, то яна не выйдзе»
Былая палітзняволеная Антаніна Канавалава, якая правяла ў калоніі больш за чатыры гады, здолела ўцячы з Беларусі.
Жанчына распавяла «Белсату», як здзекуюцца з палітвязняў, каб дамагчыся прызнання і згоды на супрацу з адміністрацыяй калоніі.
Уначы Украіну атакаваў 171 расейскі беспілотнік
У Крапіўніцкім пацярпелі 10 чалавек, сярод іх чацвёра дзяцей. Гэта самая масавая атака на ўкраінскі горад з пачатку вайны. Таксама пацярпелі Кіраваградская, Сумская і Данецкая вобласці.
Паветраныя сілы заявілі пра знішчэнне 75 дронаў, астатнія былі страчаны лакатарамі без негатыўных наступстваў.
Расею атакавалі 123 украінскія беспілотнікі
У горадзе Энгельс Саратаўскай вобласці пашкоджаны два дзіцячыя сады, школа і больніца. Паводле мясцовых уладаў, пацярпелі некалькі чалавек.
Беспілотнікі таксама з’яўляліся ў Варонежскай, Растоўскай, Ліпецкай, Белгародскай вобласцях і акупаваным Крыме. Там абышлося без пацярпелых і разбурэнняў.
💥 #галоўнае за 19 сакавіка
✔️ «Свабода» падала пазоў у суд на Агенцтва ЗША па глабальных медыя (USAGM)
✔️ Пуцін і Трамп па рознаму бачаць вынікі перамоваў
✔️ Прапагандысты падманам прымусілі беларусаў замежжа зняцца ў сваім фільме. Герой прапагандысцкай стужкі расказаў, як яго ашукалі
✔️ Польшча ўсталюе міны на мяжы з Расеяй і Беларуссю
✔️ Як адзначаць сёлета Дзень Волі за межамі Беларусі
✔️ Выдалі газету, цалкам створаную нейрасеткаю
✔️ ЗША спынілі супрацу з ЕЗ па супрацьдзеянні кібератакам, сабатажу і дэзынфармацыі з боку Расе
✔️ Расея і Украіна абмяняліся палоннымі па формуле 175 на 175
✔️ Дзяржынск застаўся без гарачай вады і ацяплення
✔️ ЗША і Расея зноў абмяркуюць Украіну без Украіны ў Саудаўскай Аравіі
#рэпрэсіі:
▪️ Стала вядома пра затрыманне і хуткі суд над папулярызатарам навукі з Гомеля
▪️ Беларускія сілавікі зламалі рэбры і хрыбетнік расейскаму коміку падчас затрымання на мяжы
🔴 «Аб'ектыў» і «Студыя Белсат» – галоўныя падзеі дня!
У сённяшнім выданні:
🔸Беларускага ўцекача знайшлі мёртвым у літоўскім лагеры, а яго жонка знялася ў фільме БТ
🔸Рэха размоваў Трамп-Пуцін. Абстрэлы Украіны працягваюцца, трапілі і ў дом нашай былой каляжанкі
🔸Якія змены ў рэгуляванні цэнаў рыхтуе ўрад?
🔸Была прысутная на выкраданні Рамана Бандарэнкі цяпер кіруе клінікай прыгажосці?
Далучайцеся да нашага эфіру ⤵️
https://www.youtube.com/live/txdpY30NGlQ
🤷♀️ Прадстаўнікі ЗША і Расеі зноў абмяркуюць Украіну без Украіны ў Саудаўскай Аравіі
Размаўляць будуць пра частковае спыненне агню ў вайне Расеі супраць Украіны, пра якое Трамп з Пуціным размаўлялі 18 сакавіка, паведаміў памочнік прэзідэнта ЗША па нацыянальнай бяспецы Майк Уолтц:
«Сёння я размаўляў са сваім расейскім калегам Юрыем Ушаковым пра высілкі прэзідэнта Трампа для спынення вайны ва Украіне. Мы дамовіліся, што нашы тэхнічныя групы сустрэнуцца ў Эр-Рыядзе ў найбліжэйшыя дні, каб засяродзіцца на рэалізацыі і пашырэнні частковага спынення агню, якога прэзідэнт Трамп дамогся ад Расеі»Читать полностью…