42763
Тэлеканал Белсат Даслаць навіну, фота ці відэа: @BelsatBot Расейскамоўны рэгіянальны ТГ @BelsatRu
💔 Сумная гадавіна. 16 гадоў таму скончыла жыццё самагубствам Яна Палякова
Салігорская праваабаронца не вытрымала ціску сілавікоў. Ёй было 33 гады.
Яну праследаваў мясцовы аддзел КДБ, на яе аказвалі псіхалагічны ціск, падстройвалі розныя правакацыі і нават катавалі ды збівалі. Але суд яе саму прызнаў вінаватаю ў парушэнні закону і вынес вырак «за паклёп на афіцэра міліцыі», які жорстка яе збіў. Жанчына мусіла заплаціць яму велізарную грашовую кампенсацыю.
😢 Некаторыя лічаць, што апошняй кропкай стаў артыкул у прапагандысцкім выданні «Советская Белоруссия», у якім сцвярджалася, што Палякова выдумала гісторыю пра збіццё, бо хацела праславіцца і «стаць ахвярай самаўпраўства».
Сама Яна з прысудам не пагаджалася і сцвярджала, што гэта помста за яе праваабарончую дзейнасць.
🚀 SpaceX праваліў тэставы запуск космічнага карабля Starship у ЗША
Паглядзіце ☝️
Гэта восьмы выпрабавальны запуск Starsip без экіпажа, сёмая спроба таксама скончылася няўдачай. У студзені касмічны карабель таксама разваліўся неўзабаве пасля запуску.
💱Курсы валютаў 7 сакавіка
Еўра працягвае імкліва расці. Сёння - на 4 капейкі. А вось долар 2 капейкі страціў. Расейскі рубель таксама нязначна але пакуль падае.
#курсывалютаў
🤔 «Таму што магутнасць ядравай зброі вар’яцкая»
Доналд Трамп падчас свайго выступу ў Белым доме заявіў пра жаданне правесці перамовы з Расеяй і Кітаем наконт ядравага раззбраення:
«Было б добра, калі б мы ўсе правялі дэнуклеарызацыю. Таму што магутнасць ядравай зброі вар’яцкая»
«Я прасунуўся далёка з Расеяй, нягледзячы на ўсе гэтыя глупствы пра «Расею, Расею, Расею». Гэта была поўная містыфікацыя, зладжаная кепскімі людзьмі. Але я быў блізкі да праграмы з Расеяй па раззбраенні, і мы збіраліся прыцягнуць Кітай. Я размаўляў з прэзідэнтам Сі, ён быў бы рады далучыцца. Але адбыліся кепскія рэчы, такія, як сфальсіфікаваныя выбары. Таму нам давялося вярнуцца праз чатыры гады»Читать полностью…
😱 Невядомы захапіў у закладніцы супрацоўніцу аэрапорту ў Казахстане
Інцыдэнт адбыўся 7 сакавіка ў аэрапорце Алматы. Супрацоўнікі дагляду службы авіябяспекі МАА папрасілі мужчыну прад'явіць дакументы, у адказ на гэта ён схапіў адну з супрацоўніц за валасы і стаў пагражаць нажом.
«Праз 7 хвілінаў мужчына быў абяззброены супрацоўнікамі лінейнага аддзелу паліцыі (ЛАП) на тэрыторыі аэрапорту і супрацоўнікамі САБ МАА. На дадзены момант мужчына знаходзіцца ў ЛАП і дадзеным інцыдэнтам займаюцца супрацоўнікі праваахоўных органаў»Читать полностью…
☝️ За дэкларацыю ў падтрымку Украіны прагаласавалі 26 з 27 краінаў Еўразвязу
Супраць выступіла Вугоршчына, праз што дэкларацыя не ўвайшла ў высновы Саміту, а была апублікаваная ў якасці дадатку.
А вось прапанова Еўракамісіі па ўмацаванні абароназдольнасці краінаў ЕЗ была ўхваленая аднагалосна ў высновах.
👉 Якія яшчэ дакументы былі ўхваленыя ў высновах Саміту, чытайце тут
🇪🇺 Еўропе давядзецца самастойна стрымліваць пагрозу з Усходу
Нямеччына і Францыя ўжо рыхтуюцца ўзяць на сябе большую адказнасць у NATO. Польшча і Вялікая Брытанія актыўна ўзмацняюць свае арміі.
Хто павінен узначаліць еўрапейскую абарону? Ці зможа Еўропа без падтрымкі ЗША стрымаць Маскву?
👉 Чытайце падрабязней ПА СПАСЫЛЦЫ
💥 #галоўнае за 6 сакавіка
✔️ Нямеччына не плануе аднаўляць пастаўкі расейскага газу
✔️ Вярхоўны суд ЗША адмовіў рэспубліканцам у замарозцы амаль 2 млрд долараў на замежную дапамогу
✔️ У Лондане з'явілася прыбіральня Шрэка
✔️ Літоўцы збіралі звесткі пра вайсковую тэхніку і ўзбраенне Літвы для разведкі Беларусі
✔️ У Ірпені ўсталююць мемарыяльную дошку ў памяць пра беларуса Дзмітрыя Апанасовіча
✔️ У Паўднёвай Карэі вайскоўцы на вучэннях ледзь не знішчылі жылы раён
✔️ Туск заявіў аб неабходнасці ўзмацнення вайсковага кантынгенту на мяжы з Беларуссю і Расеяй
✔️ Па падазрэнні ў карупцыі затрыманы дырэктар Палаца культуры МАЗ
✔️ У Беларусі плануюць скараціць спіс забароненых для жанчын работ
🤔 У Беларусі скончыліся «настаяшчыя мужыкі»? Улады плануюць скараціць спіс забароненых для жанчын работ
Гаворка ідзе пра цяжкую працу і працу са шкоднымі і (або) небяспечнымі ўмовамі працы, на якіх жанчынам раней было забаронена працаваць.
☝️На сёння ў гэтым спісе 88 пазіцый. Сярод іншага, нашым жанчыны нельга тушыць пажары ці кіраваць экскаватарам.
Па словах міністаркі працы і сацыяльнай абароны Наталлі Паўлючэнка, «эканоміка мадэрнізуецца, аптымізуюцца вытворчыя працэсы, што палягчае працу»
«Мы здымаем гэтыя абмежаванні, сумесна з Міністэрствам аховы здароўя вывучаючы тыя шкодныя фактары, якія засталіся, і рыхтуем прапанову па чарговым скарачэнні спісу шкодных прафесіяў, на якіх не могуць працаваць жанчыны, для больш шырокіх прапановаў на рынку працы для нашых дам»Читать полностью…
🇺🇦 У Кіеве каля амбасады ЗША прайшла акцыя падтрымання ўкраінскіх ваеннапалонных
Родныя палонных, былыя вязні ды ваяры ЗСУ выйшлі з плакатамі і сцягамі брыгадаў, патрабуючы ад заходніх партнёраў узмацніць ціск на Расею і дамагацца вяртання абаронцаў Украіны дадому. Паглядзіце, як гэта было!
📌 Туск заявіў аб неабходнасці ўзмацнення вайсковага кантынгенту на мяжы з Беларуссю і Расеяй
Польскі прэм'ер на саміце па пытаннях Украіны ў Бруселі, назваў абарону ўсходняй мяжы Еўразвязу адной з прыярытэтных задач і адзначыў, што мае намер падняць пытанне аб павелічэнні прысутнасці войскаў ЕЗ і NATO на ўсходніх межах:
«Каб сапраўды гарантаваць бяспеку камусьці, спачатку трэба забяспечыць ёй сябе. Неабходна ўмацаваць абарону еўрапейскіх межаў, асабліва з Расеяй і Беларуссю, а таксама наладзіць бяспеку марской, паветранай і кіберпрасторы. Толькі тады мы зможам аказваць больш якасную і эфектыўную дапамогу Украіне»Читать полностью…
😱 У Паўднёвай Карэі вайсковыя вучэнні пайшлі не па плане. Жылы раён ледзь не знішчылі васьмю бомбамі
Мінімум 15 чалавек пацярпелі, двое з іх – у цяжкім стане. Разбурана восем будынкаў і некалькі аўтамабіляў.
Карэйскія вайскоўцы праводзілі сумесныя з ЗША вучэнні. Непадалёк ад палігону, дзе яны праходзілі, ёсць жылы раён. Reuters піша, што знішчальнікі вылецелі за межы палігону з-за памылкі ў каардынатах і зрабілі «няштатны» скід васьмі бомбаў.
Вайскоўцы папрасілі прабачэння за тое, што адбылося і паабяцалі пакрыць шкоду.
❗️Украінца затрымалі на беларуска-латвійскай мяжы. Сілавікі абвінавачваюць яго ў экстрэмізме
Грамадзяніна Украіны і мужчыну, які дапамагаў яму перайсці мяжу затрымалі ў населеным пункце Яніна. Пазней у Наваполацку затрымалі яшчэ двух памагатых.
🫤 Полацкія памежнікі з АМАПам злавілі мужчыну па наводцы. Сілавікі ведалі, што рыхтуецца парушэнні беларускай мяжы.
У прэс-службе Дзяржпагранкамітэту сцвярджаюць, што мужчына планаваў займацца «экстрэмізмам» у Расеі:
«Як стала вядома, украінец меў намер ісці ў Расейскую Федэрацыю для ажыццяўлення экстрэмісцкай дзейнасці. Высветлілася, што яму забаронены ўезд у Расею і Беларусь як асобе, якая выношвае намеры па дэстабілізацыі грамадска-палітычнага становішча і арганізацыі ячэек экстрэмісцкіх структур у інтарэсах Украіны»
💅 З'ехаў з Беларусі і знайшоў сябе ў Польшчы
Беларус заснаваў першы ў Польшчы салон, дзе робяць пазногці з грыбоў і кіпцюры з кашачай поўсці
Паглядзіце ☝️
❗️Як змагацца ў Беларусі? І ці магчыма гэта ўвогуле зараз?
«Белсат» спытаў праваабаронцу, якая толькі нядаўна з’ехала за мяжу ад пераследу, пра тое, як цяпер у Беларусі можна праяўляць сваю грамадзянскую пазіцыю.
👉 Пачытайце
🚴♀️ За наезд на чалавека роварам – 1,5 гады «хіміі»
Гэткі прысуд атрымаў 42-гадовы менчук. Яго прызналі вінаватым у «парушэнні правілаў, якія забяспечваюць бяспечную працу транспарту»), пішуць «Минск-Новости» са спасылкай на пракуратуру.
👉 13 лістапада 2024 году мужчына ехаў на электраровары па вуліцы Якуба Коласа з хуткасцю 39,2 км/г. Па няўважлівасці, ён наехаў на 35-гадовага мужчыну, які ішоў насустрач. Пешаход атрымаў цяжкія цялесныя пашкоджанні, у раварыста – ірваная рана на лбе.
Ва Украіне загінуў беларус, які ваяваў на баку Расеі
44-гадовы Мікалай Коваль з Рэчыцы («Бульбаш»), загінуў яшчэ летам 2024 года, але вядома пра гэта стала толькі цяпер, піша «Наша Ніва».
Калі Коваль паехаў ваяваць, невядома. Ён служыў у 254-м мотастралковым палку (у/ч 91704), які дыслакаваўся ў Бранскай вобласці. У траўні 2024-га Коваль быў паранены, трапіў у шпіталь у Белгарадзе. Затым зноў вярнуўся на вайну, яго прызначылі камандзірам узвода. З 4 ліпеня 2024-га лічыўся зніклым без вестак.
📺 Навіны за 5 хвілін
✔️У Беларусі ахоўнікі атрымалі новыя паўнамоцтвы
✔️Беларусы не змогуць дапамагчы дачцы нават за $ 2 млн
✔️Расея нанесла ўдары па цывільным прадпрыемствам Украіны
✔️Краіны ЕЗ рыхтуюць міратворчыя сілы для Украіны
✔️Беларусь ператвараецца ў Каліфорнію
Глядзіце ў кароткім выданні навін на Белсаце 💻
🤗 У нацыянальным парку «Прыпяцкі» усталёўваюць гнёзды для адной з саміх рэдкіх беларускіх птушак
Да канца сакавіка плануецца ўсталяваць 60 гнёздаў.
❤️ Белая лазараўка ці князёк – невялікая пеўчая птушка сямейства сініцавых. Мае блакітна-белае апярэнне. Унесеная ў Чырвоную кнігі Беларусі. Гэта самы рэдкі з сямі відаў сініц, якія жывуць у нашай краіне – іх налічваецца каля 500 – 800 параў.
У 2022 годзе белая лазараўка была прызнаная ў Беларусі птушкай году.
💸 «І 100, і 500 еўраў»
Генеральная пракуратура Літвы прадставіла дадатковую інфармацыю пра двух затрыманых надоечы літоўцаў, якіх падазраюць у шпіянажы на карысць Беларусі.
😮 Апынулася, што мужчына і жанчына самі прапанавалі беларускай ваеннай выведцы супрацу. У траўні 2022 года яны ездзілі ў Менск, дзе праз пасярэдніка дамовіліся пра кантакты і далейшую супрацу з прадстаўнікамі ваенных структураў Беларусі.
Паведамляецца і пра памер узнагароджання шпіёнаў:
«Я не скажу, што гаворка ідзе пра сотні тысячаў, але гэта і 100, і 500 еўраў – сумы былі розныя»
💊 Што ў паводзінах Лукашэнкі выдае псіхапата?
Разбіраемся разам з псіхіятрам Дзмітрыем Шчыгельскім. А таксама ці гатовы дыктатар дзяліцца ўладай з «губернатарамі» і міністрамі? Да як Расея атрымала магчымасць будаваць вайсковыя базы ў Беларусі, глядзіце ў праграме «ПраСвет» з Сяргеем Пелясою і Змітром Міцкевічам.
▶️ https://youtu.be/KIRNmfpIBrc
☕️ Вітаем, шаноўныя!
Сабралі для вас найбольш цікавыя матэрыялы «Белсату», які вы маглі прапусціць:
🔺 У Літве затрымалі двух літоўцаў, якія працавалі на вайсковую выведку Беларусі
Адным з асноўных дзеянняў абвінавачаных была інфільтрацыя ў Літоўскі звяз стралкоў.
🔺 Як змагацца ў Беларусі? Што карыснага яшчэ можна зрабіць, каб за гэта не пасадзілі
Як цяпер у Беларусі можна праяўляць сваю грамадзянскую пазіцыю.
🔺Беларусаў просяць паабяцаць, што яны не вернуцца на Радзіму
Беларусам, якія стала жывуць за мяжой, прапануюць падпісаць заяву, што яны не плануюць вяртацца на Радзіму і згодныя, што супраць іх спыняць крымінальную справу.
#штопачытаць
#рэпрэсіі Асноўнае за 6 сакавіка
🔻 Беларусам замежжа прапануюць падпісаць заяву, што яны не плануюць вяртацца на Радзіму
🔻 Штогадовы даклад Платформы бяспекі журналістаў
🔻 Як змагацца ў Беларусі? І ці магчыма гэта ўвогуле зараз?
🔻 Украінца затрымалі на беларуска-латвійскай мяжы. Сілавікі абвінавачваюць яго ў экстрэмізме
🔻 Бацькоў выклікаюць у школы, каб адгаварыць накіроўваць дзяцей на вучобу за мяжой
📌 Па падазрэнні ў карупцыі затрыманы Анатоль Чэпікаў – дырэктар Палаца культуры МАЗ і аўтар «гімна УНС»
Пра гэта паведамляе «Зеркало» са спасылкай на ўласныя крыніцы. Паводле выдання, у самім ДК сказалі, што мужчына «часова не працуе» і невядома, калі «вернецца да працы».
Чэпікава затрымалі прыкладна месяц таму. Мабільны мужчыны недаступны, а ў сацсеткі ён апошні раз заходзіў у сярэдзіне лютага.
Анатоль Чэпікаў таксама з'яўляецца прадзюсарам групы «PROвокация», якая была актыўнай удзельніцай «Марафону адзінства».
👉 Да таго ж, ён аўтар гімну Усебеларускага народнага сходу і былы гендырэктара радыё «Пілот FM».
🔴 «Аб'ектыў» і «Студыя Белсат» – галоўныя падзеі дня!
У сённяшнім выданні:
🔸Да чаго дамовіліся еўрапейскія лідары ў Бруселі ды дзе месца Беларусі
🔸Беларускім актывістам і журналістам у выгнанні напісвае чалавек нібы для інтэрвʼю пра бізнес. А што насамрэч?
🔸Пагаворым пра пагрозы для свету з усходу на тле ратыфікацыі пагаднення аб ўзаемабяспецы
🔸Набліжаецца 8 сакавіка, як зрабіць свята больш экалагічным?
Далучайцеся да нашага эфіру ⤵️
https://www.youtube.com/live/EGE9XI8nHr0
😳 Пятнаццаць з паловай мільёнаў прэміі атрымалі сілавікі за шэсць месяцаў мінулага году. Адкуль такія грошы?
BELPOL атрымаў дакументы, якія раскрываюць сапраўдны стан міліцыі ў Менску. Размова ў іх вядзецца пра бюджэт, пазабюджэтныя даходы і праблемы з кадрамі.
👉 Пачытайце, як менская міліцыя паступова пераўтвараецца ў камерцыйную структуру
❤️ У Ірпені ўсталююць мемарыяльную дошку ў памяць пра беларуса Дзмітрыя Апанасовіча
Беларускі добраахвотнік загінуў у сакавіку 2022 года, абараняючы горад, піша ITV
Апанасовіч («Тэрор») родам са Смаргоні. Апошнія гады жыў у Польшчы. Пасля пачатку вайны, на наступны ж дзень прыняў рашэнне ехаць абараняць Украіну.
🤯 Літоўцы збіралі звесткі пра вайсковую тэхніку і ўзбраенне Літвы для разведкі Беларусі
Двое грамадзян Літвы сталі фігурантамі гучнай справы аб шпіянажы на карысць Беларусі. Адзін з іх мэтанакіравана ўнёс сябе ў шэрагі Літоўскага саюзу стралкоў, перадаючы беларускім спецслужбам інфармацыю, якая хоць і не была засакрэчанай, але магла быць выкарыстана супраць Літвы.
👉 Падрабязней
🤧 Мінздароўя: рост сезонных захворванняў фіксуецца, аднак сітуацыя не эпідэмічная
У якасці доказу паказалі пустыя паліклінікі.
Чыноўнікі кажуць, што ў краіне цыркулююць збольшага вірусы грыпу А і В ды негрыпозныя рэспіраторныя вірусы, аднак «цыркуляцыя вірусаў характарызуецца нізкай інтэнсіўнасцю».
☝️У Мінздароўя нагадалі захады прафілактыкі ў час сезонных хваробаў:
▪️кашляць і чхаць у сурвэтку або ў выгіб локця,
▪️праветрываць памяшканні і ладзіць вільготную ўборку,
▪️прытрымлівацца здаровага ладу жыцця,
▪️дастаткова адпачываць,
▪️прытрымліваецца сацыяльнай дыстанцыі,
▪️часцей бываць на свежым паветры і мінімізаваць наведванне месцаў з людзьмі.
📣 «Прасвет» вяртаецца ў вясновым сезоне. Не прапусціце штотыднёвы агляд замежных падзеяў, звязаных з Беларуссю
Цяпер шточацвер а 20.45 паводле менскага часу ў жывым эфіры «Белсату».
Таксама глядзіце свежыя выданні на YouTube-канале «Belsat News» 🎬
а таксама ў Facebook 🔵