42763
Тэлеканал Белсат Даслаць навіну, фота ці відэа: @BelsatBot Расейскамоўны рэгіянальны ТГ @BelsatRu
🙈 Ілан Маск абвінаваціў дзяржсакратара Маркаў Руб’ёў у тым, што той не звольніў нікога са сваіх супрацоўнікаўБітва тытанаў сварка паміж бізнесоўцам і палітыкам адбылася пад час сустрэчы з Доналдам Трампам у Белым доме.
У адказ на выпад з боку Маска, Руб’ёў заявіў, што з Дзярждэпартаменту на датэрміновую пенсію сышлі больш як 1500 чыноўнікаў, што таксама можна лічыць звальненнямі.
👉 Чым скончылася сварка паміж Іланам Маскам іМаркаў Руб’ёў чытайце па спасылцы
🙈 У Беларусі выпусцілі духі... з водарам бетону
Да 8 сакавіка група кампаній «А-100 Дэвелапмент» выпусціла інтэр'ерную парфуму Fundamental №1, натхнёную бетонам.
🤔 Па словах вытворцаў, у водары свежы азон і ядловец змяняюцца глыбокімі нотамі кедра, скуры і тытунёвага ліста.
Парфюма выпушчаная ў выглядзе дыфузараў у індустрыяльным стылі. Іх атрымаюць партнёры і кліенты кампаніі ў якасці падарунка.
11 чалавек загінулі ва Украіне праз расейскую атаку
Адбылося гэта ноччу ў Добраполлі (Данецкая вобласць). Расейцы пашкодзілі там восем жылых пяціпавярховікаў, адміністрацыйны будынак і 30 аўтамабіляў. Пакуль ратавальнікі спрабавалі ліквідаваць пажар, беспілотнік пашкодзіў і пажарную машыну.
Вядома пра 11 загінулых і як мінімум 30 пацярпелых.
☕️ Вітаем, шаноўныя!
Сабралі для вас найбольш цікавыя матэрыялы «Белсату», які вы маглі прапусціць:
🔺 Польшча плануе маштабную мілітарызацыю краіны
Дональд Туск анансаваў вайсковыя рэформы, якія могуць закрануць мужчынскую частку насельніцтва. Сярод планаў таксама адмена некалькіх міжнародных канвенцый і нават змены ў сферы ядравай бяспекі. Падрабязней чытайце па спасылцы (праз VPN).
🔺 Беларускага музыканта абвінавачваюць у схіленні да сэксу з непаўнагадовай
Сваю гісторыю распавяла дзяўчына, якая сцвярджае, што ўдзельнік менскага рок-гурта скарыстаўся ёй, калі ёй было ўсяго 15 гадоў. Хто гэты музыкант і як гэта адбылося – чытайце на нашым сайце (праз VPN).
🔺 Колькі беларуская выведка плаціла затрыманым за шпіянаж літоўцам?
Пракурор Літвы распавёў падрабязнасці па справе асоб, якія маглі шпіёніць на карысць рэжыму Лукашэнкі. Колькі яны за гэта атрымлівалі грошай – чытайце ў матэрыяле (праз VPN).
#штопачытаць
#рэпрэсіі Асноўнае за 7 сакавіка
🔻 16 гадоў таму скончыла жыццё самагубствам Яна Палякова
🔻 У Менску пачалі судзіць журналістку Паліну Піткевіч
🔻 Чарговае папаўненне «спісу экстрэмістаў»
🔻 За ўдзел у пратэстах асудзілі 71-гадовую пенсіянерку
Кадры забойства расейскімі салдатамі двух параненых украінскіх вайскоўцаў ускалыхнулі грамадскасць
«Гэтае жудаснае відэа трапілася сыну. Ён прынёс яго мне... Матулі ягонай мы сказалі, што Лёша ў палоне. Яна ж пасля інсульту. Інакш не перажыве. А так яна чакае, калі яго абмяняюць»
Аднаго з забітых апазналі. «Белсат» высветліў падрабязнасці таго трагічнага дня і паразмаўляў з жонкаю забітага Аляксея Жукава і ягонымі сябрамі.
Гэтую размову чытайце на нашай старонцы (праз VPN)
🫣 М'янма хоча закупаць тэхналогіі ў Беларусі
Сёння адбылася сустрэча Лукашэнкі і выканаўцы абавязкаў прэзідэнта Мʼянмы Мін Аўн Ляйна.
Дыктатар спрабуе прыдумаць, як наладзіць супрацу з ваеннай хунтай гэтай краіны, бо пакуль супраца ішла слаба. Лукашэнка запэўніваў Ляйна, што «санкцыі – гэты час магчымасцяў» і абяцаў «паглыбіць адносіны паміж дзяржавамі».
👉 Што яшчэ адбывалася на сустрэчы і якія інтарэсы М'янмы ў Беларусі, чытайце ў нашым артыкуле
📺 Асцярожна, жэстачайшая сатыра ў новым вясновым сезоне
Сатырычная праграма «Жэстачайшы мульт» працягвае сцябаць палітыкаў, якія трапляюцца пад руку.
Свежыя выданні, заснаваныя на рэальных падзеях, глядзіце штопятніцу а 21.45 у нашым эфіры.
А таксама crazy_mult">на YouTube-канале 🎬
🤔 Трамп заявіў, што можа ўвесці «шырокамаштабныя» санкцыі супраць Расеі
Запіс пра гэта з'явіўся на яго старонцы ў Х:
«Грунтуючыся на тым факце, што Расея проста цяпер «граміць» Украіну на полі бою, я рашуча разглядаю магчымасць увядзення шырокамаштабных банкаўскіх санкцый, санкцый і тарыфаў у дачыненні да Расеі да таго часу, пакуль не будзе дасягнутае спыненне агню і канчатковае пагадненне аб міры. Звяртаюся да Расеі і Украіны: сядайце за стол перамоваў проста цяпер, пакуль не стала занадта позна. Дзякуй вам!!!»Читать полностью…
🔥 Украіна атрымала ад Вялікай Брытаніі першы мільярд долараў, забяспечаны даходамі ад замарожаных расейскіх актываў
Пра гэта паведаміў паведаміў прэм'ер-міністр Украіны Дзяніс Шмыгаль:
«Сёння мы атрымалі 752 мільёны фунтаў ($969 млн) у рамках ініцыятывы G7 ERA. Сродкі накіруем на ўмацаванне ўкраінскай абараназдольнасці»
☠️ Медыяпірацтва на дзяржузроўні? У Беларусі незаконна паказваюць латвійскі анімацыйны фільм «Flow»
Оскараносны мультфільм афіцыйна забаронены да паказу ў нашай краіне і Расеі. Аднак, нягледзячы на гэта, на сайце кінатэатра Falcon Club у Беларусі ён стаіць у бягучым рэпертуары. Інфармацыя пра «Flow» даступная таксама на некалькіх інтэрнэт-парталах Расеі ды Беларусі,
☝️ Дыстрыб'ютарская кампанія Charades ужо заявіла, што ніколі не давала якой-небудзь згоды на камерцыйнае распаўсюджванне або паказ фільму на фестывалях у Беларусі і Расеі.
😢 У Менскім гарадскім судзе пачалі судзіць журналістку Паліну Піткевіч
Дзяўчыну вінавацяць ва ўдзеле ў «экстрэмісцкім фармаванні» за супрацу з онлайн-выданнем «MediaIQ». Ёй пагражае да 6 гадоў пазбаўлення волі.
Паліна Піткевіч была затрыманая ў Менску 6 чэрвеня 2024 года.
Дзяўчына вядомая не толькі як журналістка, але і як валанцёрка па дапамозе бяздомным жывёлінам. Па словах знаёмых, у Паліны ў самой удома жыў не адзін выратаваны кот.
#рэпрэсіі
🚴♀️ За наезд на чалавека роварам – 1,5 гады «хіміі»
Гэткі прысуд атрымаў 42-гадовы менчук. Яго прызналі вінаватым у «парушэнні правілаў, якія забяспечваюць бяспечную працу транспарту»), пішуць «Минск-Новости» са спасылкай на пракуратуру.
👉 13 лістапада 2024 году мужчына ехаў на электраровары па вуліцы Якуба Коласа з хуткасцю 39,2 км/г. Па няўважлівасці, ён наехаў на 35-гадовага мужчыну, які ішоў насустрач. Пешаход атрымаў цяжкія цялесныя пашкоджанні, у раварыста – ірваная рана на лбе.
Ва Украіне загінуў беларус, які ваяваў на баку Расеі
44-гадовы Мікалай Коваль з Рэчыцы («Бульбаш»), загінуў яшчэ летам 2024 года, але вядома пра гэта стала толькі цяпер, піша «Наша Ніва».
Калі Коваль паехаў ваяваць, невядома. Ён служыў у 254-м мотастралковым палку (у/ч 91704), які дыслакаваўся ў Бранскай вобласці. У траўні 2024-га Коваль быў паранены, трапіў у шпіталь у Белгарадзе. Затым зноў вярнуўся на вайну, яго прызначылі камандзірам узвода. З 4 ліпеня 2024-га лічыўся зніклым без вестак.
📺 Навіны за 5 хвілін
✔️У Беларусі ахоўнікі атрымалі новыя паўнамоцтвы
✔️Беларусы не змогуць дапамагчы дачцы нават за $ 2 млн
✔️Расея нанесла ўдары па цывільным прадпрыемствам Украіны
✔️Краіны ЕЗ рыхтуюць міратворчыя сілы для Украіны
✔️Беларусь ператвараецца ў Каліфорнію
Глядзіце ў кароткім выданні навін на Белсаце 💻
🪖 Дональд Туск анансаваў маштабную вайсковую рэформу
Якая, у тым ліку, будзе ўключаць і абавязковую вайсковую падрыхтоўку мужчынаў і добраахвотную – для жанчын.
Да таго ж, на фоне перамоваў з Францыяй аб «ядравым парасоне»,Туск хоча, каб Польшча мела голас у пытанні выкарыстання ядравай зброі.
👉 Падрабязней
Святлана Ціханоўская павіншавала беларускіх жанчын са святам 8 Сакавіка
«Беларускі — гэта прыклад моцы дабрыні і нястомны рухавік пераменаў.
У часы, калі жанчыны ладзяць антываенны супраціў, узначальваюць палітычныя і грамадскія рухі, вядуць за сабой народы, час забыць выраз «слабы пол».
Мы таксама змагаемся за роўныя магчымасці, справядлівасць і дэмакратыю. Сёння мы ўслаўляем жаночую стойкасць, рашучасць і самаадданасць, нагадваючы свету пра нашыя выдатныя дасягненні».
«Замест вы "ўпрыгожваеце наш калектыў" лепш выказаць павагу і падзяку»
Мы спыталі Святлану Ціханоўскую, журналістак і актывістак: ці адзначаюць яны 8 Сакавіка, што лічаць найлепшым падарункам і як мужчынам варта віншаваць жанчын у гэты дзень.
Пачытайце адказы і парады вядомых беларусак ПА СПАСЫЛЦЫ (праз VPN)
💥 #галоўнае за 7 сакавіка
✔️ ЕЗ не змог аднагалосна ўхваліць дэкларацыю ў падтрымку Украіны
✔️ Колькі літоўскім шпіёнам плаціла беларуская выведка
✔️ Невядомы захапіў у закладніцы супрацоўніцу аэрапорту ў Казахстане
✔️ Трамп хоча дамовіцца з расеяй і Кітаем аб ядравым раззбраенні
✔️ SpaceX праваліў тэставы запуск космічнага карабля Starship у ЗША
✔️ Украіне адключылі доступ да спадарожнікавых здымкаў
✔️ У Беларусі незаконна паказваюць латвійскі анімацыйны фільм «Flow»
✔️ упраць беларусаў у Літве зноў учынілі правакацыю
✔️ Украіна атрымала ад Вялікай Брытаніі першы мільярд долараў, забяспечаны даходамі ад замарожаных расейскіх актываў
✔️ Трамп заявіў, што можа ўвесці «шырокамаштабныя» санкцыі супраць Расеі
Вжух! І вы трошкі ведаеце ідыш 🪄
Не верыце? Асобныя словы дык дакладна ведаеце! Што гэта за словы і як яны прабраліся ў беларускую мову, тлумачым у відэа з праграмы «Мова нанова»
Выданне цалкам глядзіце на YouTube-канале «Белсат LIFE» 🎬
🤯 Дзяўчына абвінаваціла беларускага музыку ў тым, што ён схіляў яе да сексу, калі ёй было 15
Палачанка Ілона Зайцава распавяла ў сваім X, што калі ёй было 15, былы клавішнік менскага рок-гурту «Мутнаевока» Кірыл Тараненка стаў навязваць ёй сяброўства, а калі ёй стала 16, заняўся з ёй сексам. Мужчыну на той момант было 27 гадоў.Музыка не каментаваў абвінавачванні
Дзяўчына кажа, што вырашыла расказаць сваю гісторыю, каб звярнуць увагу на тое, што гэта адбылося не дзесьці далёка «у нейкім Оксфардзе», а ў Беларусі.
👉 Чытаць падрабязней
🔴 «Аб'ектыў» і «Студыя Белсат» – галоўныя падзеі дня!
У сённяшнім выданні:
🔸Чарговы «дыпламатчны прарыў». Паглядзім, чым краіна-ізгой М’янма і кіраўнік, які нядаўна прыйшоў да ўлады шляхам перавароту, могуць быць цікавыя Беларусі?
🔸У Беларусі афіцыйна пачаўся вясновы прызыў у войска. Чым ён паспеў адзначыцца
🔸У студзені-лютым грамадзяне прадалі дзяржаве валюты амаль на $ 8 мільёнаў больш, чым купілі. У чым прычына?
🔸Якія наступствы анамальна высокай тэмпературы, якая усталявалася ў Беларусі апошнімі днямі
Далучайцеся да нашага эфіру ⤵️
https://www.youtube.com/live/ZXx9TOwAkqo
🧗♂️ Экстрэмальны турызм у Кітаі выходзіць на новы ўзровень
«Нябёсная лесвіца» прыцягвае паказытаць нервы сотні турыстаў ☝️
🪧 Народ супраць Маска. Амерыканцы патрабуюць спыніць масавыя звальненні
У ЗША – серыя пратэстаў супраць Ілана Маска. Амерыканцы абураныя радыкальнымі рэформамі. Праца дэпартаменту эфектыўнасці Маска прыводзіць да масавых звальненняў і закрыцця сацыяльных праектаў.
Больш падрабязна глядзіце ў нашым відэа ☝🏻
😡 Хтосьці спрабуе прадставіць беларусаў ворагамі Літвы... але ніяк не вывучыць беларускую мову
Сярод літоўцаў у сацсетках шырыцца відэа, на якім «літвіністы» спальваюць сцяг Літвы, заўважыла «Наша ніва». Супольнасць, якая распаўсюджвае гэтае відэа, вельмі дзіўная і наўрад ці паходзіць з Беларусі.
Групоўка называе сябе «Жатва» і сцвярджае, што не дазволіць «перапісаць гісторыю».
👉 Падрабязней
😳 Амерыканская кампанія Maxar Technologies адключыла Украіне доступ да сваіх спадарожнікавых здымкаў
Пра гэта ўкраінскаму выданню «Мілітарны» паведамілі некалькі карыстальнікаў сэрвісу на ўмовах ананімнасці. Усе яны атрымалі ад кампаніі лісты, што іх «уліковы запіс быў прыпынены»
Выданне звязвае гэта з рашэннем Вашынгтона перастаць дзяліцца разведданымі з Кіевам.
Прыпыненне рахункаў закранула як урадавых, так і прыватных карыстальнікаў.
📡 Maxar – адзін з галоўных камерцыйных пастаўшчыкоў спадарожнікавых здымкаў. Украінскія вайскоўцы, у прыватнасці, выкарыстоўвалі звесткі са здымкаў для сачэння за перамяшчэннем расейскіх войскаў.
💔 Сумная гадавіна. 16 гадоў таму скончыла жыццё самагубствам Яна Палякова
Салігорская праваабаронца не вытрымала ціску сілавікоў. Ёй было 33 гады.
Яну праследаваў мясцовы аддзел КДБ, на яе аказвалі псіхалагічны ціск, падстройвалі розныя правакацыі і нават катавалі ды збівалі. Але суд яе саму прызнаў вінаватаю ў парушэнні закону і вынес вырак «за паклёп на афіцэра міліцыі», які жорстка яе збіў. Жанчына мусіла заплаціць яму велізарную грашовую кампенсацыю.
😢 Некаторыя лічаць, што апошняй кропкай стаў артыкул у прапагандысцкім выданні «Советская Белоруссия», у якім сцвярджалася, што Палякова выдумала гісторыю пра збіццё, бо хацела праславіцца і «стаць ахвярай самаўпраўства».
Сама Яна з прысудам не пагаджалася і сцвярджала, што гэта помста за яе праваабарончую дзейнасць.
🚀 SpaceX праваліў тэставы запуск космічнага карабля Starship у ЗША
Паглядзіце ☝️
Гэта восьмы выпрабавальны запуск Starsip без экіпажа, сёмая спроба таксама скончылася няўдачай. У студзені касмічны карабель таксама разваліўся неўзабаве пасля запуску.
💱Курсы валютаў 7 сакавіка
Еўра працягвае імкліва расці. Сёння - на 4 капейкі. А вось долар 2 капейкі страціў. Расейскі рубель таксама нязначна але пакуль падае.
#курсывалютаў
🤔 «Таму што магутнасць ядравай зброі вар’яцкая»
Доналд Трамп падчас свайго выступу ў Белым доме заявіў пра жаданне правесці перамовы з Расеяй і Кітаем наконт ядравага раззбраення:
«Было б добра, калі б мы ўсе правялі дэнуклеарызацыю. Таму што магутнасць ядравай зброі вар’яцкая»
«Я прасунуўся далёка з Расеяй, нягледзячы на ўсе гэтыя глупствы пра «Расею, Расею, Расею». Гэта была поўная містыфікацыя, зладжаная кепскімі людзьмі. Але я быў блізкі да праграмы з Расеяй па раззбраенні, і мы збіраліся прыцягнуць Кітай. Я размаўляў з прэзідэнтам Сі, ён быў бы рады далучыцца. Але адбыліся кепскія рэчы, такія, як сфальсіфікаваныя выбары. Таму нам давялося вярнуцца праз чатыры гады»Читать полностью…