42763
Тэлеканал Белсат Даслаць навіну, фота ці відэа: @BelsatBot Расейскамоўны рэгіянальны ТГ @BelsatRu
🪖 Швецыя гатовая адправіць сваіх салдат ва Украіну для выканання міратворчых абавязкаў
Пра гэта заявіла міністарка замежных справаў Швецыі Мальмер Стэнэргард:
«Цяпер мы павінны спачатку дамовіцца аб справядлівым і трывалым міры, які будзе паважаць міжнароднае права, Украіну і, галоўнае, гарантаваць, што Расея не зможа проста адступіць, аднавіць сілы і зноў напасці на Украіну ці іншую краіну праз некалькі гадоў»
🙈 Міліцыянт на гадзіну. МУС Беларусі запусціла паслугу целаахоўніка
Пра гэта распавёў начальнік аддзялення асаблівага прызначэння па ахове фізічных асоб спецыяльнага аддзелу міліцыі Дэпартаменту аховы МУС Беларусі Ігар Дудараў.
Кажуць, паслуга ўжо карыстаецца папулярнасцю. Напрыклад, калі трэба суправадзіць чалавека з буйной сумай грошай.
Адзін з плюсаў звяртання да міліцыянтаў-ахоўнікаў па словах Дударава, гэта тое, што «людзі навучаныя сваёй справе, яны маюць афіцыйны дазвол, яны дзейнічаюць на правах закона» 🤔
Замовіць сабе міліцыянта можна за 46 рублёў у гадзіну. У гэты кошт уваходзіць ахова ад аднаго супрацоўніка.
💱Курсы валютаў 17 лютага
Больш за ўсіх падаражэў еўра - амаль на 2,5 капейкі. Долар і расейскі рубель таксама ўмацаваліся, але нязначна.
#курсывалютаў
🤗 17 лютага Міжнародны дзень спантаннай праявы дабрыні
Ён з'явіўся ў ЗША на пачатку 1990-х, дзякуючы актыўнасці дабрачынных арганізацый і валанцёраў. Праз актыўную кампанію «прасоўвання дабрыні» стала больш бескарыслівых учынкаў. З ʼявіўся нават слоган – «Рабіце добрыя справы спантанна». Нарэшце, каб лішні раз адзначыць значнасць дабрыні, прыдумалі свята.
Вы таксама можаце адзначыць гэты дзень праявамі спантаннай дабрыні: прыбіраць смецце ў грамадскіх месцах, прынесці ежу бяздомным ці накіраваць да 1,5% сваіх абавязковых падаткаў у Польшчы на дабрачыннасць.
👉 «Белсат» падрабязна распавядае, як гэта можна зрабіць.
🤯 «Маёй задачай было заўважыць, ці сапраўды асоба завербаваная замежнымі структурамі»
Скандал вакол БХД пачаў разгортвацца 14 лютага, калі яе старшыня Георгій Дзмітрук паведаміў, што Яўген Дудкін прызнаўся на пасяджэнні партыі, што супрацоўнічае з КДБ.
Дудкін распавёў «Белсату», што сапраўды супрацоўнічаў з КДБ, бо паходзіць з «праўладнай сям’і» і верыў, што не робіць нічога дрэннага.
👉 Цалкам размову глядзіце тут
Украінскія дроны ўчынілі пажар на расейскім нафтазаводзе
Пад атаку беспілотнікаў трапіў Ільскі НПЗ. Мясцовыя жыхары налічылі сем выбухаў. Таксама ў паселішчы пашкоджаны 12 дамоў, адзін чалавек пацярпеў.
Усяго за ноч у Расеі было перахоплена 90 БПЛА. Атакам падвяргалася і Украіна – у Запарожжы загарэўся нежылы будынак. Інфармацыі пра пацярпелых няма.
☕️ Вітаем, шаноўныя!
Сабралі для вас найбольш цікавыя матэрыялы «Белсату», які вы маглі прапусціць:
🔺 Яўген Дудкін распавёў пра супрацу з КДБ
Кіраўнік БХД распавёў «Белсату», як пачаў супрацоўнічаць з чэкістамі і чаму «не бачыў у гэтым зла». Прачытайце па спасылцы (праз VPN).
🔺 Святлана Ціханоўская сустрэлася з прадстаўніком Трампа
Гэта спецпасланнік у справах Расеі і Украіны Кіт Келаг, які быў адным з аўтараў плана ўрэгулявання вайны. Пра што ішла гаворка паміж дэмакратычнай лідаркай і амерыканскім чыноўнікам – чытайце на сайце праз VPN.
🔺 Прадстаўнікі ЗША і Расеі сустрэнуцца, каб абмеркаваць вайну ва Украіне
Сустрэча адбудзецца ў Саудаўскай Аравіі, і туды прыедуць адны з вышэйшых амерыканскіх чыноўнікаў. Што чакаецца ад такіх перамоваў – чытайце на старонцы праз VPN.
#штопачытаць
🤔 Адміністрацыя Трампа хоча спыніць агонь ва Украіне да 20 красавіка
Пра гэта піша Bloomberg са спасылкай на крыніцы.
Паведамляецца, што ЗША апавясцілі еўрапейскіх палітыкаў, што адміністрацыя разлічвае дамагчыся спынення агню ва Украіне да каталіцкага Вялікадня, які будуць адзначаць 20 красавіка.
Раней журналіст Алекс Хрыстафору заявіў, што паездка спецпасланніка Трампа па Украіне Кіта Келага ў Еўропу патрэбная, каб адцягнуць увагу еўрапейскіх лідараў ад сапраўдных перамоваў аб міры на Украіне і абараніць перамовы ад сабатажу.
Да гэтага выданне Financial Times пісала, што паводле яго даных, канфлікт завершыцца да 20 красавіка ці 9 мая.
✍️ «Як толькі я дазволіў сабе пісаць кепска, я здолеў напісаць добра»
15 лютага Павел Анціпаў прэзентаваў у Варшаве свой новы раман «Куда-нибудь приезжать что-нибудь делать и уезжать». Гэта чацвёртая кніга аўтара. У ёй Анціпаў піша пра Беларусь «дзесяцігадовай даўніны» (да 2013 года), у тым ліку пра падзеі Плошчы 2010 года. Героямі кнігі становяцца рэальныя і вельмі вядомыя асобы.
👉 «Белсат» схадзіў на прэм'еру.
🤖 Ілан Маск паведаміў аб хуткім выхадзе абноўленага чат-бота Grok
Grok 3 стане даступны 18 лютага, паведамляе стваральнік хAI на сваёй старонцы ў Х.
Маск называе Grok 3 «самым разумным ШІ на Зямлі» і сцвярджае, што сістэма ўмее аналізаваць дадзеныя і рабіць высновы на ўзроўні, якога пакуль не ўдалося дасягнуць іншым распрацоўкам.
☝️ Чакаецца, што абноўленая версія будзе даступная бясплатна. Раней карыстацца Grok маглі толькі падпісчыкі X Premium, але цяпер скарыстацца ботам змогуць усе. У адрозненне ад многіх аналагаў, гэты ШІ амаль не абмежаваны ў выказваннях, уключаючы пытанні этычнага характару.
🙈 У Беларусі нарэшце выпусцілі айчынны электрамабіль «Belgee EX50»
У Брытаніі прадставілі першы ў свеце аўтамабіль на вадародзе са сцёкавых водаў.
А кампанія Meta паказала акуляры з дапоўненай рэальнасцю «Meta Orion»
Пра ўсё гэта глядзіце ў новым выпуску праграмы «Навіны з будучыні» 👇
📌 Святлана Ціханоўская правяла сустрэчу з Кітам Келагам, спецыяльным пасланнікам прэзідэнта ЗША Доналда Трампа ў справе Расеі і Украіны
«Я растлумачыла генералу, што для ўстойлівага міру неабходная прадказальная Беларусь без расейскай вайсковай прысутнасці. Мы дамовіліся працягваць камунікацыю»
🫤 Смаргонскі падлетак скраў з аўтамабіляў трыста рублёў і набыў на іх чыпсы, шаўрму і напоі
Як паведамляе мясцовае выданне «Светлы шлях», аўты стаялі на не ахоўваных паркоўках і з незачыненымі дзвярыма.
Паведамляецца, што хлопец не дасягнуў узросту, з якога пачынаецца крымінальная адказнасць. Аднак цягам года будзе наведваць прафілактычныя заняткі з супрацоўнікамі ІДН.
☝️ Нагадаем, паводле звестак Белстату на жнівень 2024 года, доля беларусаў, якія жывуць за рысай беднасці, складае 3,6 %. Гэта той адсотак людзей, якія маюць даход ніжэйшы за бюджэт пражыткавага мінімуму.
З 1 лютага бюджэт пражыткавага мінімуму ў Беларусі складае 447,64 рубля.
💐 Прадаваць кветкі ў Беларусі, не рэгіструючыся ў якасці ІП, могуць фізічныя асобы толькі, калі яны самі іх вырошчваюць ці іх родныя
Таму будзьце уважлівыя, калі вырашыце заняцца такой падпрацоўкай пад час святаў. А каб пацвердзіць паходжанне кветак, трэба будзе мець даведку ад мясцовых уладаў, дзе будзе ўказана, што кветкі вырашчаныя «на ўчастку, вылучаным пад забудову і (або) абслугоўванне аднапакаёвага жылога дому, дачнай забудовы, вядзення асабістай падсобнай гаспадаркі, садаводства або агародніцтва». Да таго ж трэба будзе аплаціць адзіны падатак альбо падатак на прафесійную дзейнасць
У іншых выпадках, грамадзянам трэба будзе зарэгістравацца ў якасці ІП ці юрыдычнай асобы.
Цяпер жа фізічным асобам, не зарэгістраваным у якасці ІП, забаронена купляць кветкі оптам і прадаваць іх, нават, калі яны заплацілі падатак. Гэтая норма дзейнічае з 1 кастрычніка 2024 года.
🥴 Партыя «Альтэрнатыва для Нямеччыны» хоча «вельмі добрых» адносін з Расеяй
Кандыдатка ў канцлеры Нямеччыны ад партыі «Альтэрнатыва для Нямеччыны(AfD)» Аліс Вайдэль паведаміла, што партыя хацела б аднавіць адносіны з Расеяй і спыніць санкцыі, піша Bild.
«Мы хочам вельмі добрых стасункаў з нашымі еўрапейскімі суседзямі...Але мы таксама хочам і вельмі добрых адносін з буйнымі дзяржавамі. Да іх адносіцца Расея... Што мы хочам – дык гэта спыніць палітыку санкцый, якая ў першую чаргу шкодзіць нашай краіне. У нас самыя высокія цэны на энерганосьбіты ў свеце, мы больш не канкурэнтаздольныя»
🤯Беларусы ў шоку! Амерыканцы стварылі памаду са смакам бульбы фры і назвай ... «Пацалунак Францыі»
Незвычайную памаду прадставіла камісія па вырошчванні бульбы штата Айдаха. Па словах стваральнікаў, навінка скароціць разрыў «паміж голадам і жаданнем».
☝️Дарэчы такія ідэі не новыя. У лістападзе 2024 года кампанія KFC пачала прадаваць упаковачную паперу са смакам бургера. А да кампанія выпусціла свечку і араматызатар для машыны з водарам фірмовага баскета са смажанай курыцай.
🤔 Мінабароны Літвы прапанавала правяраць на паліграфе замежнікаў, якія ўяўляюць пагрозу нацыянальнай бяспецы
Таксама правяраць прапануюць прадстаўнікоў прадпрыемстваў і кандыдатаў у супрацоўнікі выведкі, паведамляе LRT. Міністэрства абароны паведаміла, што гэткія змены прапанаваныя разведвальнымі ведамствамі. А іх мэта – дазволіць праверку супрацоўнікаў кампаній пры атрыманні допуску да сакрэтнай інфармацыі або дазволу на працу.
☝️ Згодна з дзеючым заканадаўствам, праверку на паліграфе могуць праводзіць дзяржаўныя ўстановы сістэмы ўнутраных спраў, ваенная разведка, ДДБ і Служба спецыяльных расследаванняў.
🤔 У бліжэйшы час у Расеі зноў можна будзе карыстацца картамі Visa і Mastercard
Пра гэта паведаміў кіраўнік камітэту Дзярждумы па фінансавым рынку Анатоль Аксакаў:
«Visa і Mastercard у хуткім часе вернуцца ў Расею і будуць прапаноўваць свае паслугі»
👩⚕️ «Пакажыце польскага лекара, які будзе працаваць у нашай мясарубцы»
Перад Новым годам Лукашэнка абяцаў стварыць лекарам такія ўмовы, каб яны «не бегалі дзесьці па свеце ў пошуках лепшага жыцця». А са студзеня 2025 года дактарам павялічылі надбаўкі да акладу на 45 % і цягам году на 35% пануюць павялічыць надбаўкі да акладу для сярэдняга медперсаналу.
👉 «Белсат» даведаўся ў медыкаў, ці дапаможа гэта ўтрымаць іх ад эміграцыі.
Пазняк: у бліжэйшы час на волю выйдуць «знакавыя прадстаўнікі беларускай культуры»
Паводле палітыка, гэта будуць Дзяніс Івашын, Павел Севярынец, Кацярына Андрэева, Павел Мажэйка і іншыя. На ягоную думку, вызваленне беларускіх палітзняволеных адбылося «праз перамовы з тэрарыстамі»
«Тое, да чаго няздольны Брусэль, імгненна вырашае Вашынгтон», – падкрэсліў Зянон Пазняк.
Нагадаем, што 12 лютага ўлады Беларусі вызвалілі грамадзяніна ЗША, асоба якога не раскрываецца, і двух палітвязняў: журналіста Андрэя Кузнечыка і актывістку Алену Маўшук. Паводле Пазняка, цяпер ужо ідуць перамовы аб вызваленні астатніх.
ЗША і Расея сустрэнуцца заўтра для абмеркавання міру
Дэлегацыя з Белага дома адправілася ў Саудаўскую Аравію. Туды прыедуць дзяржсакратар Марк Руб’ё, дарадца па нацыянальнай бяспецы Майк Уолц і іншыя. З расейскага боку магчымая прысутнасць Лаўрова, але дакладнай інфармацыі няма.
Вядома, што ЗША хочуць правесці двухбаковыя перамовы з Расеяй і Украінай, а пасля – сумесныя. Саудаўская Аравія выступіць у якасці пасярэдніка.
Зяленскі таксама прыбыў з візітам у ААЭ. Трамп пацвердзіў, што ўкраінскі прэзідэнт будзе ўдзельнічаць у перамовах з Расеяй.
💥 #галоўнае за 16 лютага
✔️ Партыя «Альтэрнатыва для Нямеччыны» хоча «вельмі добрых» адносін з Расеяй
✔️ Змены ў заканадаўстве: як могуць прадаваць кветкі ў святы фізічныя асобы
✔️ У Аўстрыі бежанец з Сірыі напаў з нажом на мінакоў
✔️ Беларусам прапаную туры ў Паўночную Карэю
✔️ Ціханоўская сустрэлася са спецпасланнікам Трампа ў справе Расеі і Украіны
✔️ Гадавіна смерці Аляксея Навальнага
✔️ Маск паведаміў аб хуткім выхадзе абноўленага чат-бота Grok
✔️ Павел Анціпаў прэзентаваў у Варшаве свой новы раман
✔️ Украінская дэлегацыя прыбыла ў Саудаўскую Аравію для падрыхтоўкі візіту Уладзіміра Зяленскага
✔️ Адміністрацыя Трампа хоча спыніць агонь ва Украіне да 20 красавіка
#рэпрэсіі:
▪️У Беларусі міліцыя шукае гітарыста Nizkiz
▪️ У Менску па шасці крымінальных артыкулах судзяць сына былога палкоўніка КДБ
💥 СТРЫМ. Падсумоўваем вынікі тыдня ў «Студыі Белсат»
У сённяшнім выданні:
🔸БХД вінаваціць Яўгена Дудкіна ў супрацы са спецслужбамі.;
🔸На волі журналіст «Радыё Свабода» Андрэй Кузнечык і актывістка Алена Маўшук;
🔸BELPOL: падсанкцыйнае піва завозіцца ў Беларусь нават нягледзячы на контрзахады самаго рэжыму.;
🔸Што адбываецца на Мюнхенскай канферэнцыі па бяспецы;
Далучайцеся да эфіру ⤵️
📌 Украінская дэлегацыя прыбыла ў Саудаўскую Аравію для падрыхтоўкі візіту Уладзіміра Зяленскага
Пра гэта паведаміла міністарка эканомікі Украіны Юлія Свірыдзенка:
«У бліжэйшыя дні ў нас будуць дзясяткі сустрэч для падрыхтоўкі візіту Прэзідэнта Уладзіміра Зяленскага ў Саудаўскую Аравію. У прыватнасці, рыхтуемся да падпісання важных эканамічных пагадненняў з краінамі рэгіёну»
📌 Капліцу для людзей з парушэннем слыху адкрылі ў будынку прадпрыемства «Віток» у Менску
Паводле Мінпрацы, на гэтым прадпрыемстве працуюць людзі з парушэннем слыху, якія цяпер змогуць наведваць праваслаўныя багаслужбы з сурдаперакладам.
☝️Прадпрыемства «Віток» было заснаванае ў 1940-х гадах, але існуюць сведчанні, што яшчэ да вайны ў будынках тут працавалі людзі з парушэннем слыху. Тады «Віток» быў невялікай швачнай і абутковай майстэрняй, дзе працавалі каля 25 чалавек з інваліднасцю.
🕯 Сёння – гадавіна смерці расейскага апазіцыйнага палітыка Аляксея Навальнага
Акцыі памяці праходзяць па ўсім свеце. Не абышлося без сутычак з паліцыяй. Так, у Екацярынбургу сілавікі не пускалі мясцовых жыхароў да мемарыяла ахвярам палітычных рэпрэсій, сцвярджаючы, што нібыта атрымалі паведамленні пра замініраванне помніка.
А ў некаторых гарадах Расеі ў тых, хто прыйшоў ускласці кветкі да мемарыялаў палітычным рэпрэсіям, перапісваюць дадзеныя і спраўджваюць на наяўнасць «адміністратывак».
Аднак, нягледзячы на гэта, людзі стаяць у велізарных чэргах, каб ушанаваць памяць рэпрэсаванага палітыка.
👉 Аляксей Навальны – расейскі апазіцыйны палітык. У 2020 годзе быў атручаны рэчывам з групы «Навічок«, пасля чаго праходзіў лячэнне ў Германіі. 17 студзеня 2021 года вярнуўся ў Маскву, дзе пры праходжанні пашпартнага кантролю быў арыштаваны. Яго асудзілі па шэрагу артыкулаў, у тым ліку стварэнні «экстрэмісцкай супольнасці», за што атрымаў 19 гадоў зняволення. 16 лютага 2024 года стала вядома, што Навальны памёр у калоніі. Жонка Навальнага Юлія, заявіла, што яе «мужа было не зламаць, і менавіта таму Пуцін яго і забіў». Пахаваны на барысаўскіх могілках у Маскве.
🫣 «Чыстыя дагледжаныя вуліцы, што тонуць у зеляніне з акуратна апранутымі людзьмі»
Гэтак рэкламуе сталіцу Паўночнай Карэі – Пхеньян – адзін з менскіх тураператараў.
На выбар ёсць тры варыянты тураў. Самы танны стартуе ад 1090, самы дарагі – ад 2560 еўра. У кошт тураў не ўваходзіць пералёт да Уладзівастока, адкуль і арганізаваныя рэйсы ў КНДР.
☝️ Пры гэтым аператар папярэджвае турыстаў пра абмежаваны доступ да інтэрнэту і забарону фотаздымкаў некаторых аб'ектаў. А таксама рэкамендуе ўзяць з сабой кішэнны ліхтарык, бо «у краіне здараюцца перабоі з падачай электрычнасці».
Аднак, калі вы ўсё ж знойдзеце сродкі на падарожжа і пагодзіцеся на некаторыя абмежаванні, то вам абяцаюць уражанні, якія «немагчыма зараз параўнаць ні з адным месцам на зямлі». А для фанатаў СССР абяцаюць «сапраўднае падарожжа назад у часе».
🤯 Адзін чалавек загінуў і пяцёра атрымалі раненні падчас узброенага нападу ў Аўстрыі
Удзень 15 лютага на цэнтральнай плошчы гораду Філах на поўдні Аўстрыі зламыснік з нажом напаў на мінакоў, піша BBC News. Падчас нападу ён выкрыкваў «Алаху Акбар».
😢 У выніку загінуў 14-гадовы падлетак. Сярод пяцярых пацярпелых двое знаходзяцца ў крытычным стане.
Затрымаць злачынцу дапамог кур'ер, таксама сірыйскага паходжання. Ён збіў зламысніка на аўтамабілі.
☝️Нападнікам апынуўся 23-гадовы бежанец з Сірыі, ён запытваў палітычны прытулак у Аўстрыі і мае дзеючы від на жыхарства. Яго матывы пакуль невядомыя.
Як адзначаецца, у момант затрымання паліцыі падазраваны сядзеў на лаўцы з усмешкай на твары і паднятым уверх паказальнікам (гэты жэст асацыююць з радыкальнымі ісламісцкімі групоўкамі).
📌 Еўрапейскія лідары збіраюцца на экстранны саміт у справе Украіны пасля заявы ЗША аб выключэнні краінаў ЕЗ са складу паўнавартасных перамоўшчыкаў
Саміт пройдзе на наступным тыдні.
Напярэдадні ў адміністрацыі Трампа заявілі, што еўрапейскія лідары будуць кансультавацца, але не будуць браць удзел у якіх-небудзь перамовах паміж ЗША і Расеяй аб спыненні вайны.
Сустрэча дзяржсакратара ЗША Марка Рубіа з перамоўшчыкамі з боку Расеі адбудзецца ў бліжэйшыя дні ў Саудаўскай Аравіі. ЗША заявілі, што Украіна была запрошаная на гэтую сустрэчу, аднак Уладзімір Зяленскі сцвярджае, што яго краіна не атрымлівала такога запрашэння.
У саміце таксама мае намер узяць удзел генеральны сакратар NATO Марк Рутэ. На Мюнхенскай канферэнцыі па бяспецы ён заявіў, што Еўропа павінна выступіць з «добрымі прапановамі» па забеспячэнні міру ва Украіне, калі яна хоча ўдзельнічаць у перамовах пад кіраўніцтвам ЗША:
«Калі еўрапейцы хочуць мець права голасу, яны павінны прадэманстраваць сваю значнасць»Читать полностью…
🐶Ого, гэта што, хаскі-касплэер?
Паглядзіце, колькі ў яго касцюмаў з аніме «Нарута»!