42763
Тэлеканал Белсат Даслаць навіну, фота ці відэа: @BelsatBot Расейскамоўны рэгіянальны ТГ @BelsatRu
💱 Курсы валютаў 12 лютага
Долар страціў ажно 3 капейкі, а еўра - 3,5. Расейскі рубель працягвае нязначна, але расці.
#курсывалютаў
🇦🇲 Парламент Арменіі прыняў у першым чытанні законапраект аб пачатку ўступлення ў ЕЗ
За прагаласавала 63 дэпутаты, супраць – 7, піша Armenpress.
☝️ Калі законапраект будзе прыняты канчаткова, то ўлады краіны плануюць абмеркаваць з калегамі з Еўразвязу дарожную мапу працэсу еўраінтэграцыі, а потым правесці рэферэндум аб уступленні ў ЕЗ.
🍔 «Гатуе сам гаспадар-амерыканец у каўбойскім капелюшы»
Амерыканец Эван Ньюман, якога шукала ФБР за штурм будынку Капітолію і які атрымаў палітычны прытулак у Беларусі, адкрыў у Берасці «першую амерыканскую закусачную» пад назвай Route 66, піша BG.Media.
Цікава, што ў Instagram закусачнай ён называе сябе Эванам Джэферсанам. А паводле крыніцаў «Новага Часу», часам ён прадстаўляецца, як Стывен.
☝️У студзені новы прэзідэнт ЗША Дональд Трамп сваім указам памілаваў удзельнікаў штурму Капітолію 6 студзеня 2021 года. Пазней стала вядома, што Ньюман выдалены з базы вышуку ФБР. Аднак, да дому амерыканец пакуль не спяшаецца вяртацца.
🤯 Не менш за 100 жанчын з Тайланду трапілі ў рабства на ферму яйцаклетак у Грузіі
Ахвяраў заваблівалі заробкам на сурагатным мацярынстве, паведамляе Bangkok Post са спасылкай на праваабарончую групу Pavena Foundation
Жанчынам абяцалі даход у памеры 400-600 тысяч бат (~ $12000 – $18000) за выношванне дзяцей для пар з Грузіі. Працадаўца браў на сябе ўсе камандзіровачныя выдаткі і запэўніваў, што ўсё законна.
😡 А ў выніку, у жанчын забіралі пашпарты і ўтрымлівалі на ферме, якая займаецца незаконнай вытворчасцю чалавечых яйцаклетак. Ахвяраў трымалі на гарманальнай тэрапіі для стымуляцыі яечнікаў і штомесяц забіралі ў іх яйцаклеткі, якія ў далейшым прадавалі ў іншыя краіны для ЭКА. Многім ахвярам не плацілі.
За прыкладна $2000 па словах злачынцаў, жанчыны маглі выкупіць сабе вольнасць.
😢 Уратаваць з палону ўдалося толькі 4-х жанчын. З іхных словаў, у рабстве да гэтага часу знаходзяцца каля 100 чалавек.
Трамп патрабуе ад Украіны кампенсацыю за ваенную дапамогу
Прэзідэнт ЗША заявіў, што realDonaldTrump/posts/113986279826269375">адправіў у Кіеў свайго міністра фінансаў, які павінен сустрэцца з Зяленскім.
Нагадаем, раней Трамп казаў, што яго цікавяць украінскія рэдказямельныя металы. Ён мае намер забраць іх на суму ў $500 млрд.
Амерыканскі прэзідэнт дадаў, што за апошні тыдзень ягоная адміністрацыя дасягнула вялікага прагрэсу ў перамовах аб міры ва Украіне.
Якая будучыня чакае прапагандыста Тура?
Аляксандр Кныровіч распавёў перспектывы Ігара Тура пры рэжыме Лукашэнкі – і гэта дакладна не тое, пра што той марыць.
Што можа хутка змяніцца ў жыцці прапагандыста і як гэтага пазбегнуць – чытайце ПА СПАСЫЛЦЫ (праз VPN)
💥 #галоўнае за 11 лютага
✔️ У Расеі гараць аэрадром і нафтазавод
✔️ Два самалёты сутыкнуліся ў ЗША
✔️ Google перайменаваў на мапе Мексіканскі заліў ў Амерыканскі і прыбраў з календара Дзень памяці ахвяр Галакосту і іншыя даты, што раней былі перадвызначаныя стандартна
✔️ У Даніі стварылі петыцію каб выкупіць у Трампа штат Каліфорнія
✔️ У Беларусі хочуць спрасціць атрыманне пенсіі
✔️ Навукоўцы вызначылі новую тэмпературу цела здаровага чалавека
✔️ Рака ў Аргентыне стала чырвонай
✔️ Украінкі стварылі жаночы батальён, каб аднаўляць пашкоджанае вайной
✔️ Не менш за 100 жанчын з Тайланду трапілі ў рабства на ферму яйцаклетак у Грузіі
✔️У Латвіі хочуць забараніць турфірмам арганізоўваць туры ў Беларусь
✔️ «Грантасмокі» Лукашэнкі. На якія праекты ўлады раздалі грошы беларусаў
✔️ Мабільную аплікацыю «Новая Беларусь» перайменавалі і раздзялілі
🥰 Знайдзіце таго, хто будзе глядзець на вас так, як гэты сабака
Паглядзіце на гэтую мілату!
🫤 Google Calendar прыбраў са свайго календара Дзень памяці ахвяр Галакосту і не толькі
Карыстальнікі Google Calendar заўважылі, што некаторыя даты/святы, якія былі перадвызначаныя стандартна больш не відочныя: сярод іх Месяц гісторыі афраамерыканцаў, Месяц спадчыны амерыканскіх індзейцаў, Месяц габрэйскай спадчыны Амерыкі, Дзень памяці ахвяраў Галакосту і Месяц лацінаамерыканскага спадчыны, піша The Verge.
Карыстальнікі назвалі гэты крок «ганебным» і кажуць, што платформа выкарыстоўваецца для «капітуляцыі перад фашызмам».
У кампаніі Google пацвердзілі, што ўнеслі змены ў перадвызначаныя стандартна падзеі календара:
«У сярэдзіне 2024 мы вярнуліся да паказу толькі дзяржаўных святаў і нацыянальных памятных датаў ад timeanddate.com ва ўсім свеце, дазваляючы карыстальнік:цам уручную дадаваць іншыя важныя даты»Читать полностью…
🙈 Коцік проста хацеў пагуляць
Паглядзіце, чым гэта абярнулася ☝️
📺 Навіны за 5 хвілін
✔️Кіберпартызаны: кожны трэці мянчук гатовы з'ехаць з Беларусі праз палітыку
✔️У Беларусі пачнуць вытворчасць беспілотнікаў для РФ
✔️Магілёвеw, што абараняўся ад ГУБАЗіКа нажом, можа быць накіраваны на прымусовае лячэнне
✔️Сілавікі праводзілі рэйды на Зыбіцкай
✔️У Беларусі падаражэла электраэнергія
Глядзіце ў кароткім выданні навін на Белсаце 💻
🤯 Рака ў Аргетыне стала чырвонай
Паглядзіце, што здарылася☝️
🤒 Норма 36,6 ужо састарэла. У здаровага чалавека тэмпература можа быць рознай
Сучасныя даследаванні паказваюць, што тэмпература здаровага чалавека можа быць і ніжэй за 36,6 градусаў. Напрыклад, у 2019 годзе сярэдняя тэмпература жыхароў Каліфарнійскага гораду Апала-Альта дасягнула ўсяго 36,4 градуса Цэльсія.
Даследчыкі з Каліфарнійскага ўніверсітэту лічаць, што за зніжэнне тэмпературы адказныя некалькі важных фактараў:
🔹 Агульнае паляпшэнне здароўя людзей ва ўсім свеце. Дзякуючы больш высокім стандартам гігіены, лёгкаму доступу да чыстай вады, вакцынацыі і сучасным лекам колькасць выпадкаў заражэння скарацілася. Гэта прыводзіць да зніжэння спажывання энергіі арганізмам для барацьбы з хваробамі.
🔹 Сучасныя тэхналогіі. Магчымасць выкарыстоўваць кандыцыянеры і сістэмы ацяплення скарачае выдаткі на энергію, звязаныя з падтрыманнем правільнай тэмпературы цела.
🔹 Доступ да асноўных рэсурсаў, напрыклад, адзення.
Тэмпература цела здаровага чалавека была ўстаноўлена ў XIX ст. нямецкім лекарам Карлам Вундерліхам. Ён увёў паняцце нормы тэмпературы цела, усталяваўшы яе на ўзроўні 37 градусаў Цэльсія. З часам гэты паказальнік быў скарэктаваны да 36,6 градуса.
💱 Курсы валютаў 11 лютага
Долар страціў больш за 2 капейкі. Еўра пакуль таксама працягвае падаць, але не так адчувальна. А вось расейскі рубель умацаваўся амаль на 2 капейкі.
#курсывалютаў
📌 У Беларусі збіраюцца перайсці да беззаяўнага прынцыпу прызначэння пенсіяў: па факце наступлення жыццёвай сітуацыі
Ужо ў 2026 годзе, калі ўсё атрымаецца, для атрымання пенсіі па інваліднасці некаторым беларусам не трэба будзе «збіраць паперкі», бо ўся інфармацыя і так будзе ў Фондзе сацыяльнай абароны і дзяржаўных інфармацыйных рэсурсаў. У планах – такі ж прынцып і для пенсіяў па ўзросце.
☝️ Аднак міністарка працы і сацыяльнай абароны Наталля Паўлючэнка кажа, што праект яшчэ патрэбуе дапрацоўкі інфармацыйных рэсурсаў і змены ў заканадаўстве.
📌 Беларуская і расейская фанера трапляе ў ЕЗ праз Польшчу пад відам кітайскай
Такія звесткі вынікаюць з расследавання «Earthsight». Журналісты сцвярджаюць, што сем з дзесяці найбуйнейшых расейскіх экспарцёраў бярозавай фанеры, а таксама беларускія экспарцёры ўсё яшчэ прадаюць яе ў ЕЗ. Кожны дзень у Еўразвяз увозяць 22 кантэйнеры з падсанкцыйным таварам, гаворыцца ў расследаванні.
Расследавальнікі называюць двух найбуйнейшых пакупнікоў: дастаўцы польскай сеткі мэблевых крамаў «Black Red White» і вытворца сценак для скалалажання «Walltopia».
😡 Фанера з Расеі і Беларусі афармляецца як вырабленая ў Кітаі, Казахстане, Грузіі, Турцыі. У расследаванні згадваецца польская фірма «Alvi-Bel», што гандлюе ў Еўропе фанерай, нібыта вырабленай у Казахстане, а насамрэч – у Беларусі ці Расеі.
‼️ Махляры стварылі фэйк ад імя «Белсату»
У Instagram з'явілася відэа ад нібыта Belsat news, дзе распавядаюць, што беларусы могуць больш не працаваць, бо ўлады нібыта хаваюць ад іх «сакрэтную інвестыцыйную праграму». А былы кіраўнік МНС РФ па Пермскім краі і мэр Менску нібыта «асабіста ведаюць людзей, якія ўклалі 400 рублёў у Газпрамтрансгаз Беларусь» і разбагацелі.
☝️ Будзьце пільныя! «Белсат» не мае ніякага дачынення да гэтага відэа. Яно зробленае з дапамогай дыпфэйку.
🤔 «Давайце гандлявацца з тэрарыстамі»
Дыскусіі наконт вызвалення палітвязняў не сціхаюць ужо які год.
У дэмакратычных сілах няма адзінства ў гэтым пытанні: хтосьці выступае за прымус Менску да перамоваў праз санкцыйны ціск, хтосьці – за неадкладныя перамовы, каб як мага хутчэй выцягнуць людзей з-за кратаў.
А надоечы прапагандыст Юрый Васкрасенскі, а потым палітык Зянон Пазняк падкінулі дроваў у агонь гэтай дыскусіі. 👉 Падрабязней
🤔 Былога каліноўца Верамейчыка прапаноўваюць абмяняць на іншага беларуса, узятага ў палон ЗСУ
Дэлегаты фракцыі «Беларусы» у Каардынацыйнай радзе прапанавалі паставіць на галасаванне Каардынацыйнай рады пытанне пра зварот да ўладаў Украіны з мэтай абмяняць былога каліноўца Васіля Верамейчыка на беларуса Дзмітрыя Ананчыка, які ваяваў на баку Расеі і і трапіў ва ўкраінскі палон у снежні мінулага года.
👉 Падрабязней
На сталіцу Украіны ўпала балістычная ракета – ёсць загінулыя
Раніцай 12 лютага расейскія войскі нанеслі масіраваны ўдар па Кіеве. Вядома пра аднаго загінулага і чацвярых пацярпелых, у тым ліку 9-гадовую дзяўчынку.
«Вось так Пуцін хоча завяршэння вайны», – пракаментаваў абстрэл кіраўнік офісу прэзідэнта Андрэй Ермак.
☕️ Вітаем, шаноўныя!
Сабралі для вас найбольш цікавыя матэрыялы «Белсату», які вы маглі прапусціць:
🔺 Ва Украіне падалі ў суд на Пуціна і Лукашэнку
Аўтар пазову просіць, каб яны выплацілі кампенсацыю ўкраінцам. Колькі яна можа складаць – чытайце на сайце (праз VPN).
🔺 Польскіх музыкаў прызналі «экстрэмістамі» ў Беларусі
Каго рэжым Лукашэнкі лічыць пагрозай гэтым разам – чытайце на старонцы (праз VPN).
🔺 Мабільную аплікацыю «Новая Беларусь» перайменавалі і раздзялілі
Што зменіцца ў аплікацыі для беларусаў за мяжой – чытайце па спасылцы (праз VPN).
#штопачытаць
#рэпрэсіі Асноўнае за 11 лютага
🔻Вядомую фітнес-трэнерку Наталлю Наважылаву будуць судзіць за пратэсты
🔻Польскія музыкі Sw@da і Niczos цяпер «экстрэмісты» ў Беларусі
🔻Наталля Ладуцька атрымала 4 гады калоніі і велізарны штраф за салідарнасць з палітвязнямі
🔻Дырэктара ГЦ «Беларусь» у Віцебску, дзе летась здарыўся пажар, будуць судзіць за «экстрэмізм»
🔻«Белыя халаты»: У беларускіх турмах і калоніях няма стандартаў дыягностыкі і лячэння
🔻Даклад БАЖ і JFJ: у 2023–2024 гадах адбылося 759 атак на беларускіх журналістаў
🔴 «Аб'ектыў» – галоўныя падзеі дня!
У сённяшнім выданні:
🔸Што цікавага ў справаздачы Менгарвыканкаму апублічанай Кіберпартызанамі
🔸Якія перспектывы ўкраінска-расейскіх перамоваў?
🔸Як выглядацьме рамонт дарогаў у «пяцігодку якасці»?
🔸Апошнія навіны з палітычных судзілішчаў у Беларусі, падзеяў замежжа ды вайне ва Украіне
Далучайцеся да нашага эфіру ⤵️
https://www.youtube.com/live/k_4pmO8eb_M
💪 Гэтыя ўкраінкі сабраліся разам і стварылі жаночы батальён
Яны не ідуць у бой з акупантамі, а падымаюць Украіну ў тылу. Як — глядзіце ў відэа.
😢 «У мяне няма сродкаў, каб плаціць за кватэру». Сацыяльныя праблемы ў эміграцыі
Ужо пяты год беларусы бягуць за мяжу ад рэпрэсіяў. Часта – не маючы нічога для пачатку новага жыцця. У эміграцыі ўсё больш беларусаў-пенсіянераў. За апошнія 2 – 3 гады павялічылася колькасць выпадкаў бяздомнасці сярод беларускіх уцекачоў.
Якія праблемы штодня вырашаюць беларусы, што былі вымушаны ўцякаць з радзімы ад пераследу? І куды ісці па дапамогу? 👉 Разбіраемся ў нашым матэрыяле.
🤬 4 гады калоніі і велізарны штраф за салідарнасць з палітвязнямі
60-гадовую палітзняволеную Наталлю Ладуцьку сёння прызналі вінаватай у «садзейнічанні экстрэмісцкай дзейнасці» і асудзілі да 4 гадоў пазбаўлення волі і штрафу ў 600 базавых велічыняў (24 тысячы рублёў), пішуць праваабаронцы.
Прысуд вынес суддзя Яўген Пісарэвіч, які вядомы палітычнымі выракамі, у тым ліку за данаты беларускім ваярам.
Наталлю затрымалі 23 студзеня 2024 году падчас масавага рэйду КДБ за дапамогу палітвязням.
#рэпрэсіі
🤔 «Яны могуць стаць расейскімі калі-небудзь, а могуць не стаць расейскімі»
Прэзідэнт ЗША Дональд Трамп ў інтэрв’ю Брэду Баеру прамовіў словы пра Украіну, якія маглі прагучаць як пагроза ці нават шантаж:
«Яны могуць заключыць угоду, яны могуць не заключыць угоду. Яны могуць стаць расейскімі калі-небудзь, а могуць не стаць расейскімі»
🥶 Надвор'е шэпча, МНС папярэджвае
Але беларускіх рыбакоў гэта не спыняе выходзіць на патэнцыйна небяспечны лёд 🫤
Паглядзіце ☝️
🤷♀️ Фіналісты польскага адбору да «Еўрабачання» Sw@da і Niczos цяпер «экстрэмісты» ў Беларусі
Старонка Instagram польскіх музыкаў Sw@da і Niczos, якія выконваюць песні на падляшскай гаворцы, трапіла ў спіс «экстрэмісцкіх матэрыялаў» па рашэнні суда Баранавіцкага раёна і Баранавічаў ад 6 лютага 2025 года.
👉 У спіс таксама трапіў і акаўнт «ВКонтакте» спявачкі Маргарыты Ляўчук.
#рэпрэсіі
😡 Вядомую фітнэс-інструктарку і стваральніцу фітнес-цэнтра «Багіра» магчыма будуць судзіць зпа палітычных матывах
«Вясна» піша, што ў адным з менскіх судоў па «народным» артыкуле будуць судзіць Наталлю Мікалаеўну Наважылаву.
Ініцыялы жанчыны цалкам супадаюць з ініцыяламі фітнэс-інструктаркі міжнароднага класа катэгорыі «Elite» Наталлі Наважылавай.
🏆 Наталля — старшыня міжнароднага грамадскага аб'яднання «Федэрацыя фітнэсу», майстарка спорту па спартыўнай гімнастыцы, чэмпіёнка СССР, стваральніца Нацыянальнай школы фітнэс-трэнераў, з'яўляецца афіцыйнай прадстаўніцай Фітнэс праграм універсітэта Reebok і Nike. Стваральніца вядомага фітнес-цэнтра «Багіра». Узнагароджана Ганаровай граматай Лукашэнкі «За значны ўклад у прапаганду здаровага ладу жыцця».
#рэпрэсіі