42763
Тэлеканал Белсат Даслаць навіну, фота ці відэа: @BelsatBot Расейскамоўны рэгіянальны ТГ @BelsatRu
У Расеі гараць аэрадром і нафтазавод
Ноччу беспілотнікі зладзілі напад на НПЗ у Саратаве і аэрадром стратэгічнай авіяцыі ў Энгельсе. Інфармацыі пра пацярпелых няма.
Раней, у студзені, беспілотнікі ўжо атакоўвалі Саратаўскі НПЗ. У выніку там загарэліся рэзервуары ў сховішчы нафтапрадуктаў.
Мінабароны Расеі паведаміла, што за ноч над вобласцю было знішчана 18 беспілотнікаў. Усяго, паводле ведамства, Расею атакавалі 40 дронаў.
💥 #галоўнае за 10 лютага
✔️ Польшча ўзмацніла санкцыі супраць Беларусі і Расеі
✔️ У Беларусі хочуць забараніць цацку Хагі Вагі
✔️ Маск хоча закрыць радыё «Свабода» і «Голас Амерыкі»
✔️ Ціманоўская прапанавала сілавікам затрымаць свайго былога мужа
✔️ У хаскі-парку ў Калодзішчах адбыўся буйны пажар
✔️ Малпа пакінула без святла ўсю Шры-Ланку
✔️ У Хойніках беспілотнік упаў у самым цэнтры гораду
✔️ Лукашэнка сустрэўся з прадстаўнікамі рэлігійных канфесіяў Беларусі
✔️ Прадукты ў Беларусі за першы сёлетні месяц падаражэлі на 1 %
✔️ Прыднястроўе атрымае газ праз Малдову, але адкрые КПП і выпусціць палітвязняў
✔️ Егіпет заявіў аб правядзенні экстраннага саміту арабскіх дзяржаў пасля абвяшчэння Трампам плана па сектары Газа
✔️ Беларусаў з другім грамадзянствам не пускаюць у краіну па замежным пашпарце
✔️ У Польшчы на гарышчы дому знайшлі два асобнікі Берасцейскай Бібліі
Сілавікі злілі інтымнае відэа блогера, каб ад яго адвярнуліся беларусы
Сённяшні герой нашай праграмы – гарадзенскі блогер і актывіст Вадзім Ермашук, якога спачатку шантажавалі, а потым адправілі ў турму на 3 гады, дзе ў яго развіліся цяжкія хваробы.
Як гэта – жыць у зняволенні з «нізкім статусам»? І ці могуць вязні разлічваць на медычную дапамогу?
Гісторыю Вадзіма цалкам, глядзіце ў новым выданні «Беларус беларусу» на YouTube-канале «БЕЛСАТ LIFE»
🔥 У Польшчы каля гораду Аполе на гарышчы дому знайшлі два асобнікі Берасцейскай Бібліі
Навукоўцы прыйшлі да высновы, што кнігі датуюцца 1563 годам. З прыкладна тысячы надрукаваных асобнікаў да нашых дзён захавалася крыху больш за 130.
☝️ Гэта першае выданне з поўным перакладам Святога Пісання на польскую мову для пратэстантаў і друкавалася ў берасцейскай друкарні пры фінансаванні канцлера Вялікага Княства Літоўскага Мікалая Радзівіла Чорнага (менавіта таму гэтае выданне часам называюць Радзівілаўскай Бібліяй).
Гэтае выданне лічыцца найбольш вялікай і багата аформленай беларускай друкаванай кнігай XVI стагоддзя.
🔴 «Аб'ектыў» – галоўныя падзеі дня!
У сённяшнім выданні:
🔸Святлана Ціханоўская правяла ў Бруселі сустрэчы з прэзідэнткай Еўрапарламенту і прэзідэнтам Еўрапейскай рады
🔸Паніка сярод аўтаўладальнікаў. Разбіраемся, каго закране ўвядзенне новага падатку на інамаркі павышанай камфортнасці.
🔸Пра што Лукашэнка размаўляў з прадстаўнікамі розных канфесіяў
🔸Гадавіна першага этапу дэпартацыі жыхароў Заходняй Беларусі. Што варта ведаць
Далучайцеся да нашага эфіру ⤵️
https://www.youtube.com/live/FAc9DSCIAHw
🤯 Зорку джаза Ніно Катамадзэ асудзілі за пратэсты ў Кутаісі
Кутаіскі гарадскі суд прызнаў Ніно Катамадзэ і яшчэ 8 чалавек вінаватымі ў парушэнні правілаў правядзення маніфестацый і прызначыў кожнаму адміністрацыйны штраф у 5000 лары (~$1800).
☝️ Усе яны ўдзельнічалі ў мітынгу 26 студзеня каля дому суддзі Малхаза Акрапірашвілі, пратэстуючы супраць адмовы разгледзець апеляцыю арыштаванай журналісткі Мзіі Амаглабелі.
Перад уваходам у залу суда ўсе абвінавачаныя спявалі гімн Грузіі.
🤡 «Як толькі пачыналі пра баптыстаў нешта казаць, я заўсёды за іх заступаўся»
10 лютага Лукашэнка сустрэўся з прадстаўнікамі рэлігійных канфесіяў Беларусі. Важную частку размовы складалі згадкі пра пратэсты 2020 года і заявы пра надзвычайны рэлігійны мір у Беларусі.
Аднак не толькі... Сярод іншага дыктатар пахваліўся, што ў яго выдатныя адносіны з мусульманамі:
«З мусульманскімі краінамі, практычна з усімі, у мяне выдатныя адносіны. Больш, чым прыгожыя. Я заўсёды з павагай ставіўся да іх, яны мяне нармальна ўспрымаюць, нягледзячы на тое, што я не мусульманін»
«Трэба было – і помсцілі за сваіх загінулых суайчыннікаў, і ваявалі па-сапраўднаму. Па-нашаму, як бывае ў рускіх, беларусаў-славян. І, вы ведаеце, усе ўсталі і авацыяй гэта ўспрынялі. Вось так вось» антысеміта «сустракалі ў ізраільскай дзяржаве»
«На тэрыторыі нашай гаспадаркі было некалькі вёсак, практычна чыста баптысцкія. Я, як сакратар парткама думаў, я туды з'езджу. Я прыехаў, пагаварыў з многімі. Добрыя такія людзі, у асноўным старэйшага ўзросту. Я прасякнуўся самым жорсткім пачуццём павагі да гэтых людзей. І як толькі пачыналі пра баптыстаў нешта казаць, я заўсёды за іх заступаўся: вы што, вось у мяне на тэрыторыі гаспадаркі ёсць гэтыя людзі, і я ў іх бываў – гэта добрыя людзі, вельмі прыстойныя, добрыя людзі».Читать полностью…
🤗 У Рэчыцы выратавалі сабаку, які праваліўся пад лёд
Лёд на рацэ Дняпро быў настолькі тонкі, што не вытрымаў вагу нават маленькага пёсіка. На шчасце, з сабачкам усё добра і ў дапамозе ветэрынараў ён не меў патрэбу, паведамілі ў МНС.
☝️ Даставалі жывёліну, дарэчы, пры дапамозе выратавальнай дошкі і да таго ж усё гэта адбывалася ноччу.
📺 Навіны за 5 хвілін
✔️У Полацкім раёне знайшлі самалёт са зброяй часоў Другой сусветнай вайны
✔️Надзвычайнае здарэнне ў Горадні
✔️У Беларусі могуць паўстаць рэлігійныя цэнтры для прадстаўнікоў усіх канфесіяў
✔️Жыхары мікрараёну Новая Баравая скардзяцца на праблемы з сувяззю
✔️У хаскі-парку пад Менскам адбыўся пажар, загінулі жывёліны
Глядзіце ў кароткім выданні навін на Белсаце 💻
🤬 Білі па галаве, па жываце…
Паліна Шарэнда-Панасюк расказала пра катаванні журналісткі «Белсату» Кацярыны Андрэевай.
Былая палітзняволеная распавяла, што на загад адміністрацыі калоніі Кацярыну пачалі цкаваць жанчыны ў атрадзе, даводзілі яе да слёз.
А потым Кацю ўвогуле моцна збілі сілавікі.
😢 «Зараз палітвязень – увесь беларускі народ, які застаўся ў закладніках гэтага тэрарыстычнага рэжыму»
10 лютага Паліна Шарэнда-Панасюк дала першую прэс-канферэнцыю.
☝️Былая палітзняволеная падкрэсліла, што палітвязняў значна больш за лічбы, якія называюць праваабаронцы: зняволеныя і іхныя сваякі баяцца слова «палітвязень».
Паводле яе, тыя, хто чыняць катаванні палітвязняў, адчуваюць сябе «бажкамі» пад «расейскім парасонам» і ўпэўненыя, што заўсёды будуць заставацца беспакаранымі, таму лічаць, што могуць рабіць з людзьмі ўсё, што захочуць.
👉 Падрабязней
🤡 Беларускія прапагандысты прыехалі ў акупаваны Мелітопаль абмярковаць эканамічную супрацу
Вадзім Гігін, Сяргей Лушч і Рыгор Азаронак 10 лютага сустрэліся ў Мелітопалі з адміністрацыяй акупаванай часткі Запарожскай вобласці Украіны.
Пра гэта ў сваім блогу распавёў лідар калабарантаў Яўген Баліцкі, піша Reformby.
«Прадметам перамоў стаў канкрэтны рабочы парадак: перспектывы эканамічнага супрацы, у прыватнасці ўзаемадзеяння прадпрыемстваў Рэспублікі Беларусь і Запарожскай вобласці ў прамысловай сферы, пастаўкі беларускай сельгастэхнікі, аказанне садзейнічання ў падрыхтоўцы да пасяўной кампаніі, рэалізацыя тавараў з Запарожскай вобласці на беларускім рынку, пастаўкі беларускіх тавараў у гандлёвыя сеткі Запарожскай вобласці, правядзенне культурных і маладзёжных абменаў, а таксама ўдзел беларускай дэлегацыі ў маладзёжным форуме »Поўдзень малады»»
📌 Егіпет заявіў аб правядзенні экстраннага саміту арабскіх дзяржаў пасля абвяшчэння Трампам плана па сектары Газа
Саміт плануецца правесці 27 лютага, каб абмеркаваць «новыя і небяспечныя падзеі».
Прапанова Трампа стварыць з сектара Газа Рыўеру абурыла арабскі свет.
☝️ Прэзідэнт Егіпта і кароль Іярданіі ўжо заявілі, што не збіраюцца перасяляць да сябе амаль 2 млн палестынцаў з Газы. Трамп пры гэтым настойвае, што ў канчатковым выніку краіны будуць вымушаныя прыняць прапанову.
😢 У хаскі-парку ў Калодзішчах адбыўся буйны пажар
Уладальніца гадавальніка напісала ў сваім Instagram, што ўратаваць удалося, на жаль, не ўсіх жывёлінак:
«Усё дрэнна, мы вельмі спалохаліся, і загінулі ўсе мае коцікі, выжыў толькі Фелікс, якога я забрала з-пад «Еўраопту»
😳 Ціманоўская хоча, каб Польшча анулявала пашпарт, выдадзены ейнаму былому мужу
Вядомая спартоўка Крысціна Ціманоўская апублікавала некалькі сторыз, у якіх напісала, што ейны былы муж Арсень Зданевіч незразумелым чынам апынуўся ў Беларусі. Пры гэтым яна наўпрост заклікала сілавікоў затрымаць яго за ўдзел у пратэстах і хоча, каб польскія ўлады анулявалі яму польскае грамадзянства.
У інтэрв’ю «Zerkalo» Крысціна Ціманоўская заявіла, што разумее, што яго могуць пасадзіць, але яна хоча «справядлівасці», бо гэты чалавек падмануў яе і іншых людзей.
👉 Падрабязней
☕️ Вітаем, шаноўныя!
Сабралі для вас найбольш цікавыя матэрыялы «Белсату», які вы маглі прапусціць:
🔺 Паліна Шарэнда-Панасюк распавяла, як яе прымушалі падпісваць дакументы аб супрацы з рэжымам
Палітзняволеная правяла першую прэс-канферэнцыю пасля вызвалення, дзе прызналася, што падпісвала такія паперы, і адразу заявіла, што дэзавуюе іх. Беларуска падрабязна распавяла, як сілавікі прымушаюць «супрацоўнічаць» з рэжымам — чытайце праз VPN.
🔺 Ціманоўская адкрыта прапануе беларускім сілавікам затрымаць былога мужа
Навошта вядомая беларуская бегуння заявіла аб такім жаданні і што такога нарабіў яе былы муж — чытайце на нашай старонцы (праз VPN).
🔺 Польшча ўзмацніла санкцыі супраць Беларусі і Расеі
Новы закон яшчэ мацней ударыць па практыцы абыходу гандлёвых санкцый, якой карыстаецца рэжым Лукашэнкі. Як цяпер будуць кантраляваць тавары, каб яны не трапілі ў Расею, чытайце па спасылцы (праз VPN).
#штопачытаць
#рэпрэсіі Асноўнае за 10 лютага
🔻 Паліна Шарэнда-Панасюк дала прэс-канферэнцыю і распавяла, што была вымушаная падпісаць паперы аб супрацы з сілавікамі
🔻 А таксама, што палітвязняў значна больш за лічбы, якія называюць праваабаронцы
🔻 І пра пра катаванні журналісткі «Белсату» Кацярыны Андрэевай
🔻 Што вядома пра палітычную зняволеную, за якую асабліва хвалявалася Паліна
🔻 Сілавікі стварылі фэйкавы тэлеграм-бот BYSOL
🔻 Зорку джаза Ніно Катамадзэ асудзілі за пратэсты ў Кутаісі
🔻 У Крычаве за «экстрэмізм» судзілі дзейную натарыуску
🔻 Намеснік пракурора наведаў бабруйскую калонію: пытанні былі, скаргаў не было
🤯 Паліцыя не дазволіла Эду Шырану праспяваць на вуліцы
Музыка ў адказ толькі развёў рукамі
Як думаеце, што бы было, калі б ён вырашыў заспяваць у Беларусі? 🤔
😳 Беларусаў з другім грамадзянствам не пускаюць у краіну па замежным пашпарце
Беларусаў, якія маюць двайное грамадзянства, не будуць пускаць у Беларусь па замежных пашпартах, для гэтага спатрэбіцца менавіта беларускі пашпарт.
Раней беларусы маглі самі выбіраць, па якім дакуменце перасякаць мяжу. Але каля месяца таму памежнікам разаслалі ўнутраную інструкцыю, згодна з якой уезд у Беларусь магчымы толькі па беларускім пашпарце. Сам дакумент грамадзянам не паказваюць, паведамляе выданне «Наша Ніва».
🏈 У ЗША прайшоў «Супер Боўл»
Зоркі, трэйлеры фільмаў, спорт і мільёны долараў за рэкламу
Паглядзіце, як гэта было!
❗️Увага! Фэйкавы тэлеграм-бот BYSOL
У розных чатах пачала распаўсюджваецца інфармацыя пра нібыта створаны новы бот BYSOL.
☝️Гэта фэйк! Каманда BYSOL не выкарыстоўвае боты для камунікацыі.
Звязацца з сапраўднай камандай BYSOL тут
🤯 У Хойніках беспілотнік упаў у самым цэнтры гораду
Пра гэта выданню «Флагшток» паведамілі мясцовыя жыхары. Праўладныя СМІ нічога не паведамляюць аб здарэнні.
☝️ Паводле відавочцаў, дрон упаў каля будынка райвыканкаму каля 3:30 ночы і ледзь не зачапіў пяціпавярховы жылы дом № 3 на завулку Катоўскага.
Увесь дом эвакуявалі, а людзей часова размясцілі ў гатэлі. Крамы побач зачынілі на ўвесь дзень. Пасля абеду беспілотнік вывезлі і падарвалі. У горадзе назіралася ўзмоцненая прысутнасць сілавікоў, у тым ліку АМАПу.
Афіцыйныя ўлады і спецслужбы не паведамілі пра інцыдэнт публічна, і ніякіх афіцыйных заяваў пра гэтую сітуацыю не было. Аднак пры гэтым выданне «Флагшток» заўважыла некалькі фэйкавых чат-ботаў для сувязі з рэдакцыяй.
❗️Журналісты папярэджваюць, што не карыстаюцца такімі ботамі, і яны, верагодна, былі створаныя сілавікамі для дэананімізацыі людзей, гатовых дзяліцца інфармацыяй з выданнем. Журналісты заклікаюць чытачоў не карыстацца гэтымі ботамі.
🤔 Кожны трэці жыхар Менску гатовы з'ехаць з Беларусі праз палітыку
Гэткая статыстыка вынікае са справаздачы чыноўнікаў, якую здабылі Кіберпартызаны.
У дакуменце таксама распісана, як санкцыі ЕЗ і ЗША паўплывалі на эканоміку ў 2022 годзе і якімі шляхамі буйныя кампаніі РБ спрабуюць іх абыходзіць.
📌 «Афіцыйны Кішынёў дазволіць гэты транзіт»
Самаабвешчанае Прыднястроўе адмовілася ад дапамогі ЕЗ у куплі прыроднага газу. Замест гэтага Расея праз арабскую кампанію будзе купляць яго для рэгіёну ў Вугоршчыне.
Аднак Ціраспаль вымушаны пайсці на саступкі Кішынёву, які «дазволіць гэты транзіт» толькі, калі «Ціраспаль распачне шэраг дзеянняў, каб прадэманстраваць адкрытасць»
👉 Падрабязней
💔 «Яна ўскрывала сабе вены»
Колішнюю адміністратарку чату «Кіроўцы 97%» Вікторыю Кульшу за кратамі катуюць псіхалагічна і фізічна, адмаўляюцца выпускаць на волю – ужо трэці раз падаўжаюць тэрмін за «непадпарадкаванне».
👉 «Белсат» расказвае, што вядома пра палітычную зняволеную, за якую асабліва хвалявалася Паліна Шарэнда-Панасюк.
#рэпрэсіі
📌 Паліна Шарэнда-Панасюк заявіла, што была вымушаная падпісаць дзве паперы аб супрацы з сілавікамі
Адну х іх у калоніі, іншую – у ГУБАЗіКу за дзень да эміграцыі. Яна атрымала псеўданім «Эдельвейс».
«Я заяўляю, што я пісала гэтыя паперы, разумеючы, што магу ніколі не выйсці з-за гэтых кратаў. Першую паперу я напісала знаходзячыся ў ІК-24 24 снежня. І другую паперу я падпісала ўжо ў Берасці, калі я прыйшла ў ГУБОПіК. Гэта было 3 лютага. На наступны дзень я з'ехала. Я дэзавуюю гэтыя падпісанні»
💱 Курсы валютаў 10 лютага
Долар і еўра страцілі. Расейскі рубель нязначна падрос.
#курсывалютаў
⚡️ Адна малпа пакінула без электрычнасці 22 мільёны жыхароў Шры-Ланкі
Інцыдэнт адбыўся на падстанцыі на поўдзень ад сталіцы, Каломба. Улады цягам некалькіх гадзін паэтапна аднаўлялі падачу электрычнасці, у першую чаргу – у больніцы і на ачышчальныя станцыі.
Як паведаміў міністр энергетыкі Шры-Ланкі Кумара Джаякодзі, прычынай адключэння стала… малпа, якая залезла на трансфарматар. Дотык жывёлы да абсталявання выклікаў дысбаланс у сістэме і поўнае адключэнне электрычнасці па ўсёй краіне.
Шры-Ланка вядомая вялікай колькасцю малпаў, якія часта ўмешваюцца ў жыццё людзей, але такі маштабны ўплыў здарыўся ўпершыню.
Ну што, здаецца пачалася?.. 😃
📌 «Палестынцы не адмовяцца ад сваіх земляў»
Стары-новы прэзідэнт ЗША Дональд Трамп выступіў з планам акультурвання палестынскага сектару Газа. Аднак самі палестынцы гэтага не ўбачаць – іх прапануецца масава выселіць.
Не ў захапленні ад гэтай ідэі і краіны, куды іх плануецца пасяліць. А некаторыя і зусім у гэтым бачаць этнічныя чысткі.
👉 Падрабязней
🫠 Амерыканскі чыноўнік прапанаваў закрыць радыё «Свабода» і «Голас Амерыкі». Яго падтрымаў Ілан Маск
Спецыяльны пасланнік прэзідэнта ЗША ў асаблівых місіях Рычард Грэнэл у сваім блогу ў «X» прапанаваў спыніць дзяржаўнае фінансаванне радыё «Свабодная Еўропа» / «Радыё Свабода» і «Голас Амерыкі», бо гэтыя медыі «запоўненыя вельмі левымі актывістамі».
Ягоны пост падтрымаў Ілан Маск, схлусіўшы пры гэтым пра сумы іхнага фінансавання:
«Так, закройце іх. Еўропа цяпер вольная (не лічачы задушлівай бюракратыі). Алё? Іх больш ніхто не слухае. Гэта проста радыкальныя левыя вар'яты, якія размаўляюць самі з сабой, спальваючы пры гэтым 1 мільярд долараў у год з падаткаў амерыканцаў».Читать полностью…