42763
Тэлеканал Белсат Даслаць навіну, фота ці відэа: @BelsatBot Расейскамоўны рэгіянальны ТГ @BelsatRu
💁🏻♂️ У Пружанскім раёне выявілі памежны слуп з пашкоджаным дзяржаўным гербам. Давялося заводзіць крымінальную справу
Паведамляецца, што побач былі знойдзеныя металічныя шарыкі, якімі, меркавана, і абстралялі слуп. Пашкоджанні выявілі 29 студзеня каля заставы «Перароў».
Лукашэнкаўскае следчае ведамства намякае на тое, што герб на слупе пацярпеў у выніку абстрэлу з боку Польшчы. Заведзеная справа паводле артыкулу «здзек з дзяржаўных сімвалаў».
🔹У Беластоку прэзентавалі дакументальны фільм пра пасляваенную трагедыю беларускіх вёсак Падляшша
Яго аўтар – рэжысёр Юры Каліна, які сам паходзіць з гэтых мясцінаў.
Фільм расказвае пра злачынствы атраду Рамуальда Райса («Бурага»), чальцы якога забілі дзясяткі этнічных беларусаў ды спалілі іхныя хаты. Па пацыфікаваных такім чынам вёсках былі раскіданыя ўлёткі з загадам беларусам выязджаць з Польшчы ў СССР.
👀 Чытайце больш па спасылцы. А сам фільм глядзіце тут
50-гадовы расеец, асуджаны па «наркатычным» артыкуле, забіў сябе ў віцебскай калоніі
Праваабаронцы даведаліся, што гэта адбылося напрыканцы снежня.
🔍 Чытайце падрабязней на нашым сайце
☝️У элітным маскоўскім ЖК прагрымеў выбух. Імаверна, гэта быў замах на кіраўніка Федэрацыі боксу «ДНР»
Апроч іншага, Армэн Саркісян стварыў армянскі батальён «Арбат», што ваюе супраць Украіны.
🔍 Болей інфармацыі шукайце на сайце
▪️На Гомельшчыне ад выбуху кіслароднага балона загінулі бацька ды двое дзяцей
У сям'і засталося яшчэ двое дзяцей, адно з іх на момант выбуху было ў іншым месцы.
📍Чытайце больш па спасылцы
🤔Трамп заявіў, што ягоная адміністрацыя мае «сустрэчы і перамовы» з Украінай, Расеяй і «рознымі бакамі»
«Мы маем справу з Украінай і Расеяй, у нас запланаваныя сустрэчы і перамовы з рознымі бакамі, уключаючы Украіну і Расею»,
Дабрыдзень, сябры!
Пачынаем новы тыдзень разам! Прапануем вам 3 найбольш цікавыя матэрыялы «Белсату», якія вы маглі прапусціць:
🔸Ад стваральніка невялікага таемнага таварыства да кіраўніка паўстання
Якім быў Кастусь Каліноўскі? Распавядаем у нашым вялікім артыкуле.
🔸Імператар Марсу?
Наколькі сур’ёзныя касмічныя планы Ілана Маска.
🔸«Каб паказаць спеласць нацыі», пачалі збор на ратаванне могілак выбітных беларусаў у Беластоку
Грамадская ініцыятыва аховы магілаў беларускіх дзеячаў у Беластоку хоча, каб гэта сталася справаю мноства суайчыннікаў і прыкладам для іншых беларусаў у эміграцыі.
#штопачытаць
💲 Белстат падлічыў таварны экспарт і імпарт Беларусі за мінулы год. Вынікі несуцяшальныя
Калі б не экспарт паслуг, то на пакрыццё дэфіцыту таварнага гандлю пайшло б больш за палову золатавалютных рэзерваў.
🔍 Па спасылцы знойдзеце шмат лічбаў
🌻Марылі калі-небудзь сабраць сусветна вядомую карціну з LEGO?
Хутка такое стане магчыма! Разам з музеем Ван Гога ў Амстэрдаме кампанія LEGO стварыла набор у выглядзе знакамітай карціны «Сланечнікі».
Купілі б сабе такое?
😶У Беларусі будзе яшчэ больш расейскай культуры
У Менску збіраюцца стварыць чарговую прарасейскую арганізацыю «Маскоўскае зямляцтва». А ўсяго прарасейскіх арганізацыяў у нашай краіне дзейнічае не менш за 30.
Да чаго гэта можа прывесці, разбіраемся ў нашым відэа ☝️
📢 Не паспелі ўсачыць за навінамі на выходных?
У нас маецца дадатковы канал з максімальна сціслым апісаннем асноўных падзей ➡️ (НЕ)АПОШНІЯ НАВІНЫ.
Вынікі дня, падборкі найлепшых і найважнейшых матэрыялаў. Абяцаем не спаміць, далучайцеся да @vynikidnia
#галоўнае
📺 Навіны за 5 хвілін
⬆️ Былога намесніка кіраўніка справамі Лукашэнкі будуць судзіць за карупцыю
🔻Удар па інтэрнаце ў Суджы. Украіна ды РФ абвінавачваюць адна адну
🔻Павялічылася лічба загінулых у выніку расейскага ўдару па Палтаве
🔻Кітай, Канада і Мексіка адказалі Трампу
🔻Дубайскі шакалад беларускай вытворчасці
Глядзіце ў кароткім выданні навін на Белсаце 💻
🎬 Прэм'ера на «Белсат DOC»: дакументальны фільм «Наша памяць»
7 гадоў таму ў Беластоку паўстала грамадская ініцыятыва з такой жа назваю, якая занялася вывучэннем гісторыі пасляваенных польска-беларускіх адносінаў на Падляшшы.
Дзейнасць ініцыятывы пачалася з дакументавання месцаў памяці з найбольш трагічным лёсам – беларускіх вёсак, «пацыфікаваных» так званай 3-й Віленскай брыгадай Нацыянальнага вайсковага задзіночання пад камандаваннем капітана Рамуальда Райса («Бурага»).
👀 Глядзіце фільм Юры Каліны «Наша памяць» проста цяпер на канале «Белсат DOC»
😨 Аляксандр Кныровіч паглядзеў 4-гадзінную прэс-канферэнцыю Лукашэнкі і ажно пасівеў
Усё дзеля таго, каб прааналізаваць ягоныя (як звычайна, вельмі дзіўныя) заявы ды паспрабаваць знайсці ў іх крупінкі нейкага здаровага глузду.
Ды дзе там! Іголку ў стозе сена й тое знайсці прасцей...
🔍 Глядзіце спецыяльнае выданне эканамічнай праграмы «Атма$фера» на канале «Белсат NEWS»
🕯У Кіеве развіталіся з беларускай Марыяй Зайцавай, якая загінула пад Пакроўскам
16 студзеня ёй споўнілася 24 гады. А ўжо раніцай 17 студзеня Марыя загінула ў выніку артылерыйскага абстрэлу.
У 2020-м годзе Марыя Зайцава прымала ўдзел у пратэстах супраць фальсіфікацыі выбараў у Беларусі. Тады яе параніла святлошумавой гранатаю.
📷 Фота: чытачы «Радыё Свабода»
📍Мінздароўя вырашыла яшчэ больш «падкруціць гайкі» ў сферы прыватнай медыцыны
Ведамства ад пачатку лютага зацвердзіла гранічныя максімальныя тарыфы на платныя медычныя паслугі на кансультацыю лекараў-спецыялістаў.
Фармальна такія меры пераследуюць пазітыўныя мэты, але...
📍Чытайце больш па спасылцы
💱 Курсы валютаў 3 лютага
Сёння долар вырас ажно на тры капейкі, а вось еўра страціў больш як дзве. Расейскі рубель таксама пайшоў у мінус.
#курсывалютаў
📍Трамп на пасадзе менш за два тыдні, а ўжо намагаецца «пералапаціць» сусветную эканоміку на свой капыл. У што гэта выльецца?
Наўпрост гандлёвая вайна паміж сусветнымі гігантамі наўрад ці зачэпіць Беларусь, а вось ускосна – абавязкова.
🔍 Чытайце па спасылцы, што кажуць нашыя эксперты
🎵 Персанальны трыумф Кендрыка Ламара, а найлепшы альбом − у Беёнсэ
Агучылі імёны ўладальнікаў статуэтак «Грэмі».
📍Глядзіце спіс трыумфатараў па спасылцы
МЗС Латвіі хоча ўвесці абмежаванні візавых заяў для грамадзянаў Расеі і Беларусі
Гэта вынікае з анатацыі да праекту прававога акту, падрыхтаванага ведамствам.
Згодна з дакументам, падрыхтоўка зменаў звязаная з поўнамаштабным уварваннем Расеі ва Украіну, «якое таксама падтрымлівае беларускі рэжым», і неабходнасцю «перадухіліць уезд у Латвію замежнікаў або іншых асоб, звязаных са службамі разведкі і бяспекі Расеі».
Падрабязнасці чытайце па спасылцы
🫠 Лукашэнка сцвярджае, што рэйтынг Уладзіміра Зяленскага каля 10%
А як насамрэч? Выкрываем чарговую хлусню Лукашэнкі ў нашай праграме «Атмасфера» з Аляксандрам Кныровічам.
Цалкам праграму глядзіце на youtube-канале «Атма$фера» на канале «Белсат NEWS».
💥 #галоўнае за 2 лютага
✔️Сёння спаўняецца 187 гадоў з дня нараджэння Кастуся Каліноўскага. Паглядзіце, як выглядаў марш у яго гонар на Падляшшы (дзе Каліноўскі, уласна, нарадзіўся)
✔️На могілках Беластоку апынуліся пад пагрозаю пахаванні васьмі беларусаў. Іх спрабуюць уратаваць
✔️Польскі жаўнер скончыў жыццё самагубствам непадалёк ад мяжы з Беларуссю
✔️Мяса ў рацыёне паменела, а бульбы істотна паболела. Паглядзелі, якую ежу спажывалі беларусы цягам 2024-га
✔️Былыя габрэйскія могілкі ў Менску перакапалі траншэямі, каб пракласці трубы
✔️На дварэ толькі люты, а ў Беларусі ўжо прачнуліся азімыя
✔️Каланізацыя Марсу ад Ілана Маска: папулізм ці рэальны намер?
#рэпрэсіі:
▫️Асуджанаму 4 месяцы таму палітвязню «шыюць» новую крыміналку
▫️Палітзняволенага Дзяніса Сальмановіча працягваюць трымаць у ШІЗА
💥 СТРЫМ. Падсумоўваем вынікі тыдня ў «Студыі Белсат»
У сённяшнім выданні:
📌 Выбары прайшлі і краіна зноў стала закрытай. Замежныя журналісты вяртаюцца з Беларусі
📌 На трэцюю гадавіну вайны ЕЗ рыхтуе санкцыі супраць Расеі і Беларусі: па чым ударыць наймацней?
📌 Літоўская Генпракуратура пагражае крымінальнымі справамі за выдачу пашпартоў новай Беларусі
📌 Расейцы працягваюць паволі наступаць ва Украіне
📌 Што будзе з беларусамі, якіх чакае дэпартацыя з ЗША
Далучайцеся да нашага эфіру! 🔽
🤍❤️🤍На Падляшшы прайшоў марш у гонар Кастуся Каліноўскага
«KALINOŬSKI MARŠ 2025» адбыўся ў ваколіцах Беластоку 1 лютага.
Паказваем, як гэта было 👀
🚀 Каланізацыя Марсу ад Ілана Маска: папулізм ці рэальны намер?
Гэта цяпер на Маска глядзяць найперш як на аднаго з самых набліжаных да Доналда Трампа людзей. І, адпаведна, аднаго з самых уплывовых у свеце. А некалі ён быў вядомы перш за ўсё як летуценнік, які марыць засяліць Марс.
Чым далей – тым болей рэалістычнай здаецца гэтая некалі фантастычная мара. Тым больш што цяпер Ілан Маск можа разлічваць на ўсебаковую падтрымку сваіх праектаў з боку прэзідэнта ЗША.
🔍 Чытайце матэрыял на нашай старонцы
☝️На могілках Беластоку апынуліся пад пагрозаю пахаванні васьмі беларусаў
Расказваем у нашым матэрыяле, кім былі гэтыя людзі, у чым уласна палягае праблема ды як можна дапамагчы ўратаваць магілы.
🔍 Чытайце па спасылцы
📷 Сабралі для вас традыцыйную падборку фатаздымкаў тыдня
У ёй гэтым разам – гадавіна вызвалення «Аўшвіцу», чарговы абмен палоннымі на Блізкім Усходзе, новыя акцыі ў Грузіі ды шмат чаго яшчэ.
☝️Польскі жаўнер скончыў жыццё самагубствам непадалёк ад мяжы з Беларуссю
Пра гэта паведамляе Аператыўнае камандаванне Узброеных сілаў Польшчы.
Паводле камунікату гэтага ведамства, вайсковец забіў сябе гэтай ноччу. Прычыны ды акалічнасці трагедыі высвятляюцца.
Вядома, што жаўнер браў удзел у аперацыі «Бяспечнае Падляшша», якая трывае на польска-беларускай мяжы са жніўня.
🥩 Мяса ў рацыёне паменела, а бульбы істотна паболела. Паглядзелі, якую ежу спажывалі беларусы цягам 2024-га
Таксама ў справаздачы Нацыянальнага статыстычнага камітэту можна назіраць змену алкагольных звычак нашых суайчыннікаў.
📍Чытайце падрабязней па спасылцы