42763
Тэлеканал Белсат Даслаць навіну, фота ці відэа: @BelsatBot Расейскамоўны рэгіянальны ТГ @BelsatRu
«Ласось можа і беларусы змогуць». Беларусы ў Вільні выйшлі на акцыю ў падтрыманне ласося
Так, вам не падалося. Экалагічныя актывісты кажуць, што ласось, які за сотні кіламетраў вяртаецца на нераст у Беларусь, зазнае шмат перашкодаў і патрабуе абароны.
Падрабязнасці глядзіце ў нашым відэа.
💥 СТРЫМ. Нядзельнае вечаровае шоу «Тыдзень»
У сённяшнім выданні:
🔸Гісторыю Васіля Верамейчыка абмяркуем з юрысткамі Аняй Маціеўскай і Марыяй Колесавай-Гудзілінай
🔸Распавядаем як у Беларусі вынішчаюць прыватны бізнес, а Дзмітрый Круты прагаварыўся пра адток насельніцтва
🔸Пачалася трэцяя сусветная? Так прынамсі лічыць Валер Залужны. Разбіраем ракетныя пагрозы і ўдары з абодвух бакоў вайны ва Украіне
🔸Расследаванне BELPOL аб адсутнасці ядравай зброі ў Беларусі абмяркуем з Уладзімірам Жыгарам
🔸«Ролікі пра дрыфт» здымалі па ўсёй Беларусі ўва ўсіх абласных цэнтрах. Распавядаем, што гэта было, для каго, ці разумеў, што адбываецца адмыслова прывезены Тыль Швайгер і пры чым тут Баскаў
Далучайцеся да нашага эфіру! 🔽
https://www.youtube.com/live/VHX3QrdtrZ4
🤷♀️ «Поўнай карціны пра тое, што адбываецца ў Беларусі, грузіны не маюць»
Беларусы пікетуюць афіцыйныя ўстановы Грузіі і скардзяцца на дыскрымінацыю. Праваабаронцы пацвярджаюць наяўнасць праблем.
👉 Распавядаем, з якімі праблемамі сутыкаюцца беларусы ў Грузіі і як быць суайчыннікам, якія жывуць у Сакартвэла.
🐈 Толькі паглядзіце на гэтага магілёўскага коціка: ён пераходзіць дарогу, выконваючы правілы дарожнага руху
Ну што за разумнік!
Будзьма коцікамі, пераходзьма толькі ў дазволеных месцах!
🤦♀️ У Беларусі забаранілі прадаваць анімэ
Усяго пад забарону трапіла 35 кніг, якія паводле Мінінфарма могуць «нанесці шкоду нацыянальным інтарэсам Рэспублікі Беларусь».
Цяпер у крамах краіны нельга прадаваць мангі:
▪️«Магічная бітва»
▪️«Заснавальнік цёмнага шляху»
▪️серыя «Такійскі гуль» і «Такійскі гуль: re» і іншыя.
Таксама пад забарону трапілі творы:
▪️«120 дзён Садома» маркіза дэ Сада
▪️«Лета ў піянерскім гальштуку» Алены Малікавай і Кацярыны Селіванавай
▪️«Дні нашага жыцця» Мікіты Франка
І інш.
Як адзначылі ў Мінінфарме, калі гэтую прадукцыю знойдуць на паліцах беларускіх крамаў, то ведамства будзе спыняць дзеянне пасведчанняў аб дзяржаўнай рэгістрацыі ў якасці распаўсюдніка друкаваных выданняў.
👉 Цалкам спіс забароненай літаратуры можна паглядзець тут
🤯 Балівуд у рэчаіснасці: жыхар Індыі, прызнаны лекарамі памерлым, ажыў за некалькі хвілінаў да крэмацыі
Лекары канстатавалі смерць 25-гадовага мужчыны пасля спынення сэрца, зафіксаванага на ЭКГ. Пры гэтым ускрыццё было праведзенае толькі на паперы.
🙈 Цела перадалі для пахавання. Аднак за лічаныя мінуты да крэмацыі нябожчык раптам пачаў падаваць прыкметы жыцця. Пасля гэтага яго зноў вярнулі ў шпіталь.
Халатнасць лекараў сталася падставаю для пачатку расследавання і адхілення ад працы траіх медычных работнікаў да высвятлення абставінаў.
☝️ «Беларусь не павінна стаць суцяшальным прызам для Пуціна»
Святлана Ціханоўская выступіла перад Парламенцкай асамблеяй NATO у канадскім Манрэалі.
У сваім выступе яна падкрэсліла важнасць перамен у Беларусі і заклікала не баяцца «змена рэжыму».
Ціханоўская заклікала разглядаць дапамогу Беларусі не як дабрачыннасць, а як інвестыцыю ў бяспеку і стабільнасць рэгіёну, бо «ніхто не гарантуе большай бяспекі, чым дэмакратычны ўрад».
👉 Падрабязней
📌 «Шайгу і Хрэнін разыгралі спектакль»
BELPOL выпусціла расследаванне адносна заяваў уладаў Беларусі ды Расеі пра дастаўку на беларускую тэрыторыю расейскай ядравай зброі.
У ім звяртаюць увагу на супярэчлівыя заявы Лукашэнкі і Пуціна адносна пастаўкі зброі. Таксама адзначаецца, што пакуль не знойдзена ніякіх слядоў ратыфікацыі ці хаця б частковай публікацыі міжнароднага пагаднення, датычных размяшчэння Расеяй ядравай зброі ў Беларусі, хоць яны афіцыйна падпісваліся 25 траўня 2023 года.
👉 Падрабязней
🤔 «Не ляпіце з палітвязняў ікон!»
Дзмітрый Грышчанка - былы нафтавік. Быў затрыманы ўвесну 2021 і асуджаны на тры гады. Большую частку тэрміну ён правёў у наваполацкай калоніі № 1, якую іншы палітвязень назваў калісьці «камбінатам перапрацоўвання чалавечыны».
👉 У размове з «Белсатам» ён дзеліцца сваімі назіраннямі і прызнаецца, што захаваць веру ў будучыню на зоне было для яго лягчэй, чым на свабодзе…
😡 Сотні еменскіх мужчынаў завербавала Расея для ўдзелу ў вайне супраць Украіны
Пры гэтым самі завербаваныя найчасцей ехалі ў РФ з іншымі мэтамі.
Еменцаў прывозяць у РФ з дапамогай турыстычнай кампаніі. Мужчыны кажуць, што ім абяцалі высокааплатную працу і нават расейскае грамадзянства.
👉 Падрабязней
Маленькая марская мышка напужала жыхароў брытанскага Сасэкса
Жыхары гавані Рай у Сасэксе не ведалі, што і думаць: там на бераг з мора выкінула істоту, якую да гэтага мала хто бачыў. Знаходку пачалі абмяркоўваць у сацсетках і назвалі «іншапланетнікам», а таксама параўналі з фрызурай трампа або павейкамі — дзякуючы незвычайнаму выгляду.
Але ўсё аказалася нашмат прасцей: выкінутая на бераг істота — гэта чарвяк, якога называюць марской мышшу. Чарвяк мае памеры да 15 сантыметраў і мае афарбоўку, якая можа адлюстроўваць святло, пужаючы драпежнікаў.
Дарэчы, гэтай марской мышы пашанцавала — яе вярнулі назад у мора.
Добрага дня, сябры!
Гэта дастаўка ранішняй прэсы! Сабралі для вас найбольш цікавыя матэрыялы «Белсату», які вы маглі прапусціць:
🔹 Ці будзе ядравая вайна? Разважаюць амерыканскія эксперты
«Голас Амерыкі» апублікаваў аналіз амерыканскіх экспертаў ядравага шантажу Масквы і прагнозы датычна імавернасці ажыццяўлення Пуціным сваіх папярэджанняў і пагрозаў.
🔹 Трамп плануе стварыць пасаду спецпасланніка па вайне ва Украіне
Дональд Трамп, абраны 47-м прэзідэнтам ЗША, разглядае магчымасць стварэння пасады спецпасланніка па расейска-украінскім канфлікце і хоча прызначыць на яе свайго былога кіраўніка выведкі Рычарда Грэнэла, піша Reuters са спасылкай на ўласныя чатыры крыніцы.
🔹 Святлана Ціханоўская заклікала адключыць Беларусь ад сістэмы Інтэрполу
Падчас Міжнароднага форуму бяспекі ў канадскім Гэліфаксе Святлана Ціханоўская сустрэлася з амерыканскімі сенатарамі і заклікала спыніць супрацу з уладамі Беларусі і адключыць Беларусь ад сістэмы Інтэрполу.
#штопачытаць
💥 «Белсат» па-беларуску – у Google News
🙌 Падпісвайцеся на нас (калі гэта бяспечна) і будзем разам прасоўваць беларускую мову ў Google.
Наша старонка ў Google News
🎄Запрашаем прыняць удзел у здымках навагодняга канцэрта «Белсату»
Яны адбудуцца ў найбліжэйшы панядзелак, 25 лістапада, у Варшаве. Здымаць будзем ад 10-й раніцы да ночы.
🎤 У канцэрце возьмуць удзел Лявон Вольскі, РСП, KRIWI, Ketevan, Маляваныч, Zui, Георгій Дабро, Lear, Памідораў, J:Морс, Папа Бо.
☝️Калі вы гатовыя прыйсці да нас у якасці гледача, запоўніце гэтую форму, і мы звяжамся з вамі! Рабіце гэта выключна ў тым выпадку, калі знаходзіцеся за межамі Беларусі і для вас гэта бяспечна.
🕷Павук зноў агітуе «ябацек» галасаваць за канкурэнтаў Лукашэнкі на «выбарах»
Пару тыдняў таму ён заахвочваў аддаваць галасы за Вольгу Чамаданаву. На жаль, не вытрымаўшы вострай палітычнай барацьбы, яна знялася з гонкі 💁🏻♂️
Што застаецца? Агітаваць за «ліберальнага дэмакрата» Гайдукевіча і спадзявацца, што не здымецца хаця б ён!
👀 Новая порцыя размоваў Павука з ідэалагічнымі апанентамі – у свежым выданні «Шухер Шоу» на канале «Белсат LIFE»
Памёр адзін з галоўных лукашэнкаўскіх прапагандыстаў - Дзмітрый Крат
Галоўны рэдактар «Народнай газеты» адзначыўся падтрымкай масавых рэпрэсій у Беларусі і абражальнымі каментарамі на адрас арыштаваных незалежных журналістаў. Яму было 52 гады.
😡 «Дармаедаў» чакае чарговае абмежаванне
У 2025 годзе, згодна са зменамі ў заканадаўстве аб занятасці, беспрацоўныя, якія не працавалі апошнія пяць гадоў, не змогуць прэтэндаваць на дапамогу па беспрацоўі, паведамляе выданне «Зеркало».
👉 Сёння беларусы, якія знаходзяцца ў базе «дармаедаў», і маюць ва ўласнасці жытло, аплочваюць камуналку паводле поўных тарыфаў. Акрамя таго, яшчэ два гады таму пачаліся размовы пра тое, каб абмежаваць для «дармаедаў» і для беларусаў, якія жывуць за мяжой, доступ да бясплатнай медыцыны.
🇺🇸 🇨🇳 У ЗША падазраюць, што кітайскія хакеры атрымалі доступ да дадзеных найбуйнейшых аператараў сувязі краіны
Такім чынам, яны маглі праслухоўваць размовы і чытаць перапіску каля 150 вядомых палітыкаў, у тым ліку і абранага прэзідэнта Доналда Трампа, ягоных блізкіх і віцэ-прэзідэнта Джэй Дзі Вэнса, паведамляе CNN.
☝️ Гэтая кібератака можа стаць адной з самых сур’ёзных праблем у галіне кібер- і нацыянальнай бяспекі, з якімі сутыкнецца новая адміністрацыя Трампа. У сувязі з гэтым на 4 снежня запланаваны сакрэтны брыфінг для сенатараў.
⚔️ Беларусаў зрабілі саўдзельнікамі сталінскай агрэсіі супраць Фінляндыі
Амаль 10 тысячаў жыхароў Беларусі загінулі ці прапалі без звестак на савецка-фінскай вайне 1939–1940 гадоў.
Чаму да самага канца СССР гэтая вайна замоўчвалася і як фіны здолелі захаваць сваю дзяржаву побач з гіганцкім агрэсіўным суседам? Разбіраемся ў новым выпуску праграмы Intermarium 👇
☝️ МУС Беларусі расказала пра асноўныя схемы кібермахлярства і параіла, як ад іх абараніцца
У ведамстве азначылі, што апошнім часам пачасціліся выпадкі, калі злачынцы падманваюць людзей, вымушаючы тых самастойна пералічвалі ім грошы.
Іншы распаўсюджаны метад – махляры выдаюць сябе за знаёмых, просяць заняць грошы і выкарыстоўваюць узламаныя акаўнты мэсэнджараў, каб рассылаць фішынгавыя спасылкі.
👉 Як не папасціся «на кручок» чытайце ПА СПАСЫЛЦЫ
📌 У адказ на новыя санкцыі Злучаных Штатаў Амерыкі краіны па ўсім свеце перасталі прымаць кітайскія банкаўскія карткі, выдадзеныя расейскаму банку Газпромбанк
Адмовіліся ад іх нават кітайскія банкі.
Пры спробе зняць грошы ў банкамаце выдаецца папярэджанне аб тэхнічнай памылцы або аб тым, што картка не абслугоўваецца гэтым банкам.
👉 Падрабязней
😢 Чорны дзень у гісторыі Беларусі
24 лістапада 1996 быў праведзены рэферэндум, які змяніў лёс нашай краіны.
Паглядзіце ☝️
📌 «Пазбавіцца ілюзіяў» і «знайсці аптымізм». Што абмяркоўвалі на на «Антыканферэнцыі» ў Варшаве
Беларускія аналітыкі сабраліся ў Варшаве 23 лістапада на «Belarus Future Unconference» – адроджаную ў выгнанні нефармальную канферэнцыю «Цэнтру новых ідэяў» пра тое, як змяніць Беларусь.
✍️ «Белсат» пераказвае, што казалі на шырокіх дыскусіях.
📌 Калона ПВК Вагнэра трапіла ў засаду ў Малі. Шасцёра наймітаў забітыя
Малійская групоўка «Джамаат Нусрат аль-Іслам валь-Муслімін», звязаная з тэрарыстычнай арганізацыяй «Аль-Каіда», паведаміла пра знішчэнне расейскіх наймітаў з ПВК Вагнэра.
👉 Гэта не першая пастка, у якую сёлета трапілі вагнэраўцы ў саюзным Расеі Малі. Гэтак, у канцы ліпеня яны разам з урадавымі войскамі трапілі ў пастку паўстанцаў-туарэгаў. Кіраўніцтва паўстанцаў заявіла, што забітыя 54 вагнэраўцы і сем малійскіх вайскоўцаў.
🤲 Нанатэхналогіі? Чатырохдзёнка? Навошта, калі ёсць ручная праца ў 2 змены…як вырабляюць «самы пажаданы» сувенір з Беларусі?
Смачная бізнес ідэя. У Нью-Ёрку прыдумалі абменьваць старыя кнігі на слоікі з марынаванымі агуркамі.
🤖 Пра ўсё гэта ў новым выпуску праграмы «Навіны з будучыні»
📌 Страляніна каля пасольства Ізраіля ў Іярданіі: параненыя трое паліцыянтаў
Сёння раніцай невядомы пачаў страляць па паліцэйскім патрулі ў раёне Арабія ў Амане. Агнём у адказ стралок быў ліквідаваны. Трое супрацоўнікаў паліцыі шпіталізаваныя, лекары ацэньваюць іх стан як сярэдне цяжкі.
💥 #галоўнае за 23 лістапада
✔️BYPOL высветліў новыя падрабязнасці падзеяў, што адбываліся падчас штурму кватэры Андрэя Зельцара
✔️Святлана Ціханоўская заклікала адключыць Беларусь ад сістэмы Інтэрполу
✔️Ці будзе ядравая вайна? Меркаванні амерыканскіх экспертаў
✔️Канапацкая пахвалілася, што план па зборы подпісаў «выконваецца і перавыконваецца»
✔️У дарожным здарэнне на Гарадзеншчыне загінулі 4 чалавекі, з іх двое дзяцей
✔️Брытанскі банк HSBC болей не абслугоўвае плацяжы з Беларусі
✔️Даследаванне: як Беларусь русіфікуецца з дапамогаю помнікаў
#рэпрэсіі:
▫️Праваабаронцы дадалі да ліку палітвязняў яшчэ 6 чалавек
▫️Паводле інфармацыі «Вясны», у адной з беларускіх калоніяў палітвязням, якіх толькі туды перавялі, адразу прапануюць пісаць прашэнне на памілаванне
🇵🇱 У Польшчы паціху распачынаецца прэзідэнцкая гонка. Партыя Туска вызначылася са сваім кандыдатам
Галасаванне на праймерыз праходзіла ў пятніцу, 22 лістапада, з 8 раніцы да поўначы.
📍Каго абралі, чытайце на старонцы
🔴 «Аб’ектыў» – галоўныя падзеі дня!
У сённяшнім выданні:
🔸У справе забойства Андрэя Зельцара выявіліся новыя факты. Расследаванне BYPOL.
🔸Сустрэча прадстаўнікоў полку Каліноўскага з беларусамі ў Вільні.
🔸Украіна шануе памяць ахвяраў Галадамору.
🔸Чувашыя адмовілася ад закупак аўтобусаў МАЗ. Пра перспектывы для беларускіх аўтобусаў на расейскім ды іншых рынках — каментар Паўла Латушкі.
🔸У Вільні прайшоў канцэрт у падтрымку беларускіх палітвязняў.
🔸60 населеных пунктаў Беларусі засталіся без электрычнасці праз снегапад. Наступствы шторму Бэрт у Еўропе.
Далучайцеся да нашага эфіру ⤵️
https://www.youtube.com/watch?v=qSjy7i2YGzw
🦠 Новая эпідэмія падкасіла чыноўнікаў Лукашэнкі!
Галоўныя сімптомы: чырвоны твар або высыпанні колераў сцягу. Апошняе, канешне, можна выкарыстоўваць у асабістых мэтах ☝️
Хто стаў галоўным разношчыкам інфекцыі? Глядзіце ў відэа 🎥
А яшчэ больш гумару ў поўным выданні «Хай Так TV» на YouTube-канале «Белсат LIFE» 📺