42763
Тэлеканал Белсат Даслаць навіну, фота ці відэа: @BelsatBot Расейскамоўны рэгіянальны ТГ @BelsatRu
💬 «Два гады прайграем Расеі і выйграем толькі ў Ірану»
Галоўны трэнер гандбольнай зборнай Беларусі раскрытыкаваў сваіх падначаленых за «добры і мяккі менталітэт» пасля паразаў ад суперніц з Расеі.
📍Чытайце на старонцы
☝️ У Польшчы абралі кіраўніка парламенцкай групы «За вольную Беларусь»
Новым кіраўніком групы стаў былы Маршал Сейма і міністр замежных справаў Польшчы, а цяпер старшыня камісіі міжнародных справаў Сената Польшчы Гжэгаж Схетына.
Чым гэты чалавек збіраецца займацца на новай пасадзе — чытайце ў нашым матэрыяле.
😮 Аказваецца, у Беларусі ёсць механізм, які дазваляе папрасіць з мясцовага бюджэту да 90 % сумы, неабходнай на дзіцячую пляцоўку ці эка-сцяжынку.
Як беларусы могуць паўплываць на мясцовыя бюджэты?
Ці не пасадзяць за гэта?
☝️ Чытайце карысныя парады ў нашым матэрыяле.
💥 #галоўнае за 27 лістапада
✔️Непрыемны дзень для беларускага рубля: долар і еўра падраслі на 6 і 7 капеек адпаведна. Гэта стала следствам сённяшняга прасядання расейскага рубля
✔️Свята-Елісавецінскі манастыр збіраецца ў новы «еўратур»
✔️Размова са свежапрызначаным прадстаўніком АПК, адказным за пытанні легалізацыі беларусаў у замежжы
✔️Сталі вядомыя лаўрэаты чарговай прэміі Гедройця. Вось хто атрымаў яе сёлета
✔️У Верхнядзвінскім раёне заўважылі рэдкую для Беларусі саву-бярозаўку
✔️Мастак hutkasmachna зладзіў у Берліне акцыю, каб нагадаць немцам пра цыбулю Ёрга Дорнаў
✔️Кіроўная партыя Грузіі назвала імя свайго кандыдата на прэзідэнцкіх выбарах: гэта былы футбаліст
#рэпрэсіі:
▪️Справа «дваравых чатаў» магла быць наўмыснай правакацыяй сілавікоў
▪️Палітвязнямі прызналі Васіля Верамейчыка і яшчэ 17 чалавек
▪️Хваля перадвыбарчых затрыманняў у Гомлі
▪️Уладальнік гарадзенскага блогу «s13» трэці раз запар накіраваны на 15 содняў арышту
😢 Гэта ўкраінскі горад, куды прыйшлі расейцы
Брыгада ЗСУ паказала, як сёння выглядае Тарэцк.
🤔 Легалізацыя беларусаў – справа рук саміх беларусаў?
Пазаўчора ў Аб'яднаным пераходным кабінеце з'явіўся адказны за легалізацыю беларусаў за мяжою. Гэтае пытанне ніколі не пераставала быць праблемным пасля 2020-га (і асабліва 2022-га) года, аднак новы віток абмеркаванняў яно атрымала пасля сітуацыі з Васілём Верамейчыкам.
Размаўляем са свежапрызначаным Віталём Маўчанавым пра тое, чым ён плануе займацца на пасадзе і дзе беларусы могуць адчуваць сябе найлепш і найгорш у плане легалізацыі.
🔍 Чытайце па спасылцы
🔴 «Аб’ектыў» – галоўныя падзеі дня!
У сённяшнім выданні:
🔸Ці звяжа Маскву і Менск хуткасны цягнік?
🔸Беллегпрам гатовы развіваць сваю франшызу (крамы «Дадому") Ці здолеюць яны замяніць IKEA?
🔸Адказваць за пабудову кароўнікаў цяпер будуць чыноўнікі?
🔸Акцыя ў Вільні ў падтрыманне Васіля Верамейчыка
Далучайцеся да нашага эфіру ⤵️
https://www.youtube.com/watch?v=HuTqviyAgUk
💬 «Калі Лукашэнка захаваецца пры ўладзе яшчэ некалькі гадоў, то гэта прывядзе да калапсу пенсійнай сістэмы»
Праз масавыя рэпрэсіі з Беларусі за апошнія гады з'ехалі сотні тысяч людзей. Гэта мала таго што б'е па эканоміцы, дык яшчэ і пагаршае сітуацыю з выплатамі пенсіяў старэйшаму пакаленню – бо ў РБ працуе так званы прынцып «салідарнасці пакаленняў», калі малодшыя забяспечваюць пенсіямі старэйшых.
👀 Пра пенсійную пастку, якая можа неўзабаве ўтварыцца ў Беларусі, разважаюць Зміцер Лупач і Павел Латушка ў свежым выданні «Фельетонаў Лупача»
🦉У Верхнядзвінскім раёне заўважылі рэдкую для Беларусі саву-бярозаўку
Гэтая птушка гняздуецца ў таежнай зоне Еўропы ды Азіі і вельмі рэдка сустракаецца ў нашых краях. Апошні раз яе рэгістравалі ў 2022 годзе.
Адзін з птушкароў распавёў, што яны з сябрам у пошуках іншых птушак вырашылі пакатацца па наваколлі. І заўважылі цікавую птушку, крыху большую за голуба. Яна часта сядзіць на вяршыні дрэва, нахіліўшыся наперад, як шуляк, а не ў тыповай савінай позе.
Арнітолагі пацвердзілі іх знаходку, што выклікала вялікую радасць і запыты на каардынаты месцазнаходжання птушкі.
📍Тбіліскі суд чарговы раз перанёс разгляд скаргаў беларускага праваабаронцы і дэлегаткі КР на адмовы ў наданні прытулку
Становішча «палітычных» беларусаў у Грузіі сур'ёзна пагаршаецца. У дадатак да візавых «пастак» і прыняцця закона аб «замежных агентах» цяпер, пасля абвяшчэння вынікаў выбараў у Грузіі, беларусам масава сталі адмаўляць у прытулку. Хаця і раней з гэтым было складана – разгляд справаў проста расцягвалі на гады.
🔍Чытайце падрабязней па спасылцы
🧅 Мастак hutkasmachna зладзіў у Берліне акцыю, каб нагадаць немцам пра цыбулю Ёрга Дорнаў
Гэты прадпрымальнік і палітык мае дамову з беларускім Цэнтрам ізаляцыі правапарушальнікаў – на ягоныя цыбулевыя плантацыя пад Лідай рэгулярна прывозяць для працы беларускіх вязняў (у тым ліку палітычных).
Пасля таго, як інфармацыя пра гэта патрапіла ў СМІ, ад Ёрга Дорнаў паспяшаліся адхрысціцца нават ягоныя паплечнікі па ўльтраправай партыі «Альтэрнатыва для Нямеччыны».
«Калі раптам вы адчулі, што вашыя слёзы сталі занадта горкія – мабыць уся справа ў беларускай цыбулі ад Ёрга Дарнаў з AfD», – напісана на ўлётках (па-нямецку і па-беларуску), якія hutkasmachna размясціў на паліцах з цыбуляю ў крамах, а таксама на вулічных слупах.
💬 «Мне прысніўся бацька і сказаў: "Саша, лупі на трасянцы, пачынай размаўляць!"»
Сёння госцем праграмы «МоваНанова» стаў легендарны Маляваныч.
І хоць усе мы з дзяцінства чулі, як ён прамаўляе па-беларуску з экранаў тэлевізараў, сам Маляваныч да частага ўжывання беларускай мовы прыйшоў не адразу і гэты шлях заняў у яго шмат гадоў.
👀 Глядзіце свежы выпуск «МоваНанова» проста цяпер на канале «Белсат LIFE»
💱 Курсы валютаў 27 лістапада
Такога не было даўно! Сённяшнія гандляванні скончыліся тым, што долар дадаў ажно 6 капеек, а еўра падаражэў больш як на 7 капеек!
Гэта стала следствам таго, што сёння істотна аслабеў расейскі рубель, які, як звычайна, пацягнуў за сабою і беларускі.
#курсывалютаў
🤔 У Нямеччыне заявілі, што падзенне грузавога самалёту ў Вільні можа быць дыверсіяй з боку РФ
Такое меркаванне агучыў высокапасадовы прадстаўнік Бундэсвэру.
📍Чытайце падрабязней
🐱 Гэтая котка з Англіі стала сапраўднай інтэрнэт-сенсацыяй
Спрабуючы пралезці праз дрэнажную трубу ў гаражы, Джон (так назвалі котку) затрымалася, ды так, што толькі яе галава тырчала з трубы. Гаспадыня, убачыўшы такую карціну, не разгубілася і адразу выклікала ратавальнікаў.
На дапамогу хутка прыбылі пажарныя горада Кліўдан. Яны асцярожна вызвалілі котку, але частка трубы ўсё ж засталася на яе шыі. Каб цалкам пазбавіць гадаванца ад такога “аксэсуару”, Джон павезлі да ветэрынара. Там ёй зрабілі лёгкі наркоз і канчаткова вызвалілі з пасткі. На шчасце, адважная котка не атрымала ніякіх траўмаў і хутка вярнулася дадому.
На наступны дзень гаспадыня, прачнуўшыся, з здзіўленнем убачыла, што здымкі Джон разляцеліся па сацсетках. Так яе мужны характар зрабіў звычайную котку інтэрнэт-сенсацыяй.
☝️Бяроста – не толькі сярэднявечны «замяняльнік паперы», але яшчэ і матэрыял для вырабу галаўных убораў
У новым выданні праграмы «Нітка Зорка» Кацярына Ваданосава пазнаёміць вас з усімі функцыямі бяросты ў жыцці нашых продкаў.
А яшчэ зачытае найбольш цікавыя «берасцяныя СМСкі», якія людзі тады пісалі адзін аднаму ✍️
👀 Глядзіце свежы выпуск проста зараз на канале «Белсат HISTORY»
📌 Сірыйская апазіцыя пачала наступ. Ёсць страты сярод расейскіх войскаўцаў
Як паведамляе the insider, аперацыя, якую назвалі «Стрымліванне агрэсіі», сталася адказам на расейска-сірыйскія авіяўдары, артабстрэлы і атакі дронаў-камікадзэ. Syriaweekly паведамляе, што ў сярэдзіне кастрычніка Расея пачала шматдзённую серыю ўдараў на паўночным захадзе Сірыі, абстрэльваючы грамадзянскую інфраструктуру, а сілы Башара Асада абстрэльвалі грамадзянскія раёны.
Што там адбываецца — чытайце па спасылцы.
☕️ Вітаем, шаноўныя!
Сабралі для вас найбольш цікавыя матэрыялы «Белсату», які вы маглі прапусціць:
🗞 СМІ даведаліся імя беларуса, якога падазраюць у нападзе на расейскага апазіцыянера Волкава
Расейскае выданне «Медиазона» назвала імя беларуса, які можа быць датычны да нападу на паплечніка Аляксея Навальнага Леаніда Волкава ў Вільні. Верагодна, гэта сын афіцэра КДБ.
🗞 Менскія манашкі едуць у Бельгію гандляваць. Там не вераць, што яны падтрымліваюць вайну
«Белсату» стала вядома, што прадстаўніцы Свята-Елісавецінскага манастыра запланавалі чарговыя «гастролі» ў ЕЗ. У снежні яны маюць узяць удзел у калядных кірмашах у трох цэрквах Бельгіі. У адной з іх пацвердзілі «Белсату» візіт менскіх манашак і назвалі паклёпам абвінавачванні ў тым, што манастыр падтрымлівае вайну.
🗞 МЗС Беларусі зняпраўдзіла словы Лукашэнкі, што калій прадаюць за «бясцэнак»
Здаецца, нехта хлусіць!
#штопачытаць
💔 Башкірскі Хаціка чакае свайго гаспадара
Гісторыя з вельмі сумным фіналам. Паглядзіце!
📍Прадстаўнікі беларускіх дэмсілаў правялі сустрэчу з віцэ-маршалкам Сенату Польшчы па праблеме прызнання беларускіх атэстатаў
Міхал Камінскі паабяцаў заняцца праблемаю і дамагчыся спрашчэння патрабаванняў Курыторыума Асветы.
🔍 Болей інфармацыі на старонцы
❓Калі спыніцца паўзучая дэвальвацыя беларускага рубля?
❓Як на гэта паўплываюць будучыя «выбары»?
❓ А як паўплывае Трамп і ягоная палітыка (на долар, расейскі рубель і фактычна прывязаны да яго беларускі)?
У новым выданні праграмы «Двубой» пра гэта (і не толькі) разважаюць экспертка цэнтру BEROC Анастасія Лузгіна і эканаміст ды кіраўнік праекту «Кошт урада» Уладзімір Кавалкін.
👀 Глядзіце на YouTube-канале «Белсат NEWS»
💁🏻♂️ Свята-Елісавецінскі манастыр збіраецца ў новы «еўратур»
Гэтым разам вырушаць ажно ў Бельгію. Прычым арганізатары калядных кірмашоў, куды едуць манашкі, адмаўляюцца верыць у тое, што тыя падтрымліваюць расейскую ваенную агрэсію ва Украіне.
🔍 Чытайце болей цікавага ў матэрыяле на нашай старонцы
🎄 Вось цяпер свята сапраўды адчуваецца
Віленская чыгунка падрыхтавала сапраўдную казку
Паглядзіце на гэтае хараство!
🔻Патрапіў у расейскі палон і выжыў пасля катаванняў токам
Змог выбрацца з няволі і праз чатыры краіны вярнуўся ў дэакупаваны Херсон.
Паглядзіце гісторыю Дмытро Нэдавізія ☝️
📺 Навіны за 5 хвілін
🔻Візіт пад воклічы пратэстаў і гукі страляніны. Лукашэнка працягвае паездку ў Пакістан
🔻Выбар найлепшых на фоне катастрафічнай сітуацыі: у Гданьску назвалі пераможцаў прэміі Гедройця
🔻У Менску мужчына загінуў пад коламі цягніка
🔻Амаль 100 беспілотнікаў запусцілі па Украіне расейцы. Некаторыя з дронаў зноў патрапілі ў Беларусь
🔻Ізраіль ды «Хізбула» дамовіліся пра спыненне вагню
🔻«Грузінская мара» прапанавала на пасаду прэзідэнта скандальнага «антызаходніка»
Глядзіце ў кароткім выданні навін на Белсаце 💻
🇬🇪 Кіроўная партыя Грузіі назвала імя свайго кандыдата на прэзідэнцкіх выбарах
Гэта былы футбаліст нацыянальнай зборнай, які пагуляў за клубы з Расеі ды Швейцарыі.
📍Болей інфармацыі у нас на старонцы
📍У сталіцы Канады прайшла сустрэча прадстаўнікоў беларускіх дэмсілаў і чальцоў канадскага ўраду
Акрамя таго, Святлана Ціханоўская выступіла перад Парламенцкай асамблеяй NATO ў Манрэалі.
🔍 Падрабязней чытайце на нашым сайце
📚У Гданьску ўчора ўзнагародзілі пераможцаў беларускай літаратурнай прэміі імя Ежы Гедройця
Колькасць намінантаў прэміі за апошнія 10 гадоў моцна скарацілася. Калі ў 2013 годзе былі пададзеныя 43 новыя кнігі, то сёлета – толькі 14.
📍Чытайце на нашай старонцы, каго ўзнагародзілі сёлета
⚔️ Стральцы БНР супраць бальшавікоў: як 104 гады таму беларусы ўзяліся са зброяй у руках бараніць сваё
Сёння – гадавіна Слуцкага збройнага чыну. Гэта адзіная самастойная спроба беларусаў у ХХ стагоддзі здабыць незалежнасць узброеным шляхам. Скончылася яна няўдала, аднак у гісторыю ўсё роўна ўвайшла.
👀 Глядзіце, як гэта было, у прысвечаным тым падзеям выданні праграмы «Вусы Скарыны»
🤡 Беларускі Генштаб назваў запуск Расеяй балістычнай ракеты па Дняпры «жэстам добрай волі»
А потым дадалі, што расейская армія — самая магутная ў свеце...
«Гэта жэст добрай волі і пасыл, што не трэба жартаваць з Расеяй. Расейская армія — самая моцная армія ў свеце, супрацьстаяць якой цяпер наўрад ці знойдзецца сіла. І гэта нашы хлопцы, з якімі мы ўзаемадзейнічаем, абменьваемся вопытам», — заявіў кіраўнік ведамства Павел Муравейка.
Генштаб Беларусі таксама адзначыў, што ў іх з расейскім войскам «адзіныя дакументы, адзіныя погляды і адзіныя падыходы».