42763
Тэлеканал Белсат Даслаць навіну, фота ці відэа: @BelsatBot Расейскамоўны рэгіянальны ТГ @BelsatRu
🥰 Дзяўчынка зрабіла свае першыя крокі дзякуючы падтрымцы беларусаў
Гісторыя маленькай Ларысы, якой лекары паставілі страшны дыягназ — дзіцячы цэрабральны параліч, стала прыкладам таго, як падтрымка беларусаў і бясконцая вера бацькоў могуць змяніць жыццё.
Дзякуючы неабыякавым гледачам нашай праграмы «Беларус беларусу», якія адгукнуліся на заклік аб дапамозе, неабходная для рэабілітацыі сума была сабраная. І вось цяпер, пасля доўгіх месяцаў штодзённай рэабілітацыі, Ларыса зрабіла свае першыя крокі — важны момант, які стаў магчымым дзякуючы сіле нашай супольнасці.
Пра штодзённае змаганне бацькоў за жыццё Лары і пра тое, што чакае дзяўчынку наперадзе, глядзіце ў новым выданні на YouTube-канале «БЕЛСАТ LIFE» 🎬
💔 4 гады таму ў Лідзе агучылі вырак Вітольду Ашурку
18 студзеня 2021 года за ўдзел у пратэстах 2020 года суддзя Максім Філатаў пакараў актывіста 5 гадамі калоніі.
У траўні таго ж года Вітольд Ашурак загінуў у шклоўскай калоніі. Калі цела аддалі сваякам, то ў яго была забінтаваная галава. Брату актывіста сказалі, што гэта таму, што цела выпала з халадзільніка ў моргу.
🙈 Беларускія дзеці не ведаюць слова «дэмакратыя»
У Беларусі збіраюцца вывесці спартовага коня. А Аляксандр Пушкін расказаў у вершах пра Качанаву і Эйсмант
👉 Пра ўсё гэта глядзіце ў новым выпуску «Хай Так TV»
23 палітвязні выйшлі на волю праз памілаванне
Сярод іх 20 мужчын і тры жанчыны. 13 з іх старэйшыя за 50 гадоў, а ў 14 — хранічныя захворванні.
Паводле прапагандыстаў, рэжым «працягне кантроль за іх паводзінамі» пасля вызвалення.
Расея раніцай атаквала Кіеў ракетамі
Загінулі 4 чалавекі, ёсць пацярпелыя.
Паводле мясцовых уладаў, у Шаўчэнкаўскім раёне загарэўся нежылы будынак. Таксама зафіксавана падзенне абломкаў у двух іншых раёнах, што прывяло да пашкоджання магістральнага водаправода і некалькіх будынкаў.
💥 #галоўнае за 17 студзеня
✔️ Ва Украіне загінула беларуская добраахвотніца Марыя Зайцава
✔️ Ізраіль і ХАМАС падпісалі пагадненне
✔️ Нетаньяху паабяцаў аднавіць баявыя дзеянні ў Газе пасля вызвалення закладнікаў
✔️ Забойцу беларускі Лізы Герцын прысудзілі да пажыццёвага зняволення
✔️ Літва не будзе забараняць аўтамабілям з беларускімі нумарамі ўезд у краіну
✔️ Польшча знайшла вінаватых у гандлі візамі
✔️ У Беларусі плануецца павысіць пенсійны ўзрост для жанчын і скараціць тэрмін выплат на дзяцей
✔️ Нават праўладныя беларусы хочуць «адлігі». Вынікі апытання «Chatham House»
✔️ Бывай, TikTok? Вярхоўны суд ЗША падтрымаў закон, які забараняе сацсетку
#рэпрэсіі:
▪️Што рабіць беларусам, калі зноў адключаць інтэрнэт
▪️Беларусь лідаруе сярод краін, дзе часцей за ўсё пераследуюць журналістаў
▪️Моладзевыя атрады (МООП) будуць дапамагаць сілавікам на «выбарах»
Вярхоўны Суд ЗША падтрымаў забарону TikTok
Яшчэ да выбараў Трамп заяўляў, што «выратуе TikTok». Але закон набудзе моц за дзень да інаўгурацыі – 19 студзеня.
Пакуль невядома, як забарона будзе працаваць на практыцы, бо няма прэцэдэнту, каб урад ЗША блакаваў буйную платформу ў сацсетках.
🤷♀️ «Выбары 2025» - важная падзея для беларусаў, бо іншых проста няма
Чаго грамадзяне ўвогуле чакаюць ад так званых выбараў і што думаюць пра сітуацыю ў Беларусі?
👉 «Беларуская ініцыятыва» інстытуту «Chatham House» апублікавала вынікі даследавання.
🔴 «Аб’ектыў» – галоўныя падзеі дня!
У сённяшнім выданні:
🔸Святлана Ціханоўская і Павел Латушка сустрэліся з новым міністрам юстыцыі Літвы. Раскажам, пра што размаўлялі з ім а таксама з намеснікам дзяржсакратара ЗША
🔸Менск запрасіў АБСЕ ўзяць удзел у назіранні за фальшаваннем вынікаў выбараў
🔸Польскія гандляры скардзяцца ўладам на адсутнасць пакупнікоў з Беларусі
🔸Чыноўнікі пахваліліся дабрачыннай акцыяй для дзяцей. А што насамрэч з фінансаваннем дзіцячых дамоў
Далучайцеся да нашага эфіру ⤵️
https://www.youtube.com/live/jnXAl790mNw
❤️🩹Мама-сабака папрасіла ў людзей дапамогі, каб тыя выратавалі ейнага шчанюка
На парозе адной са стамбульскіх клінік ветэрынары заўважылі сабаку з хворым дзіцём.
Паглядзіце гэтую кранальную гісторыю і перакайцеся, што мама – заўсёды мама, нават у свеце жывёлін!
🚘 «Вось, новы паварот» – і так восем разоў!
Паглядзіце на незвычайную вуліцу ў ЗША ☝️
📺 Навіны за 5 хвілін
✔️Беларусаў выклікаюць на прафілактычныя размовы перад «выбарамі»
✔️Працаўнікі МНС будуць дзяжурыць на выбарчых участках
✔️Дзеці-сіроты ў Беларусі не атрымліваюць дастатковага фінансавання ад дзяржавы
✔️У Беларусі скарачаецца колькасць каталіцкіх парафіяў
✔️У Магілёве 11-гадовы хлопчык атрымаў кантузію вока
Глядзіце ў кароткім выданні навін на Белсаце 💻
🤔 Пашпарт Новай Беларусі мог бы развязаць праблему беларусаў ва Украіне
Гэтак лічыць былы капелан, а цяпер грамадскі дзеяч і святар Сяргей Горбік, які служыць у Львове і дапамагае беларусам вырашаць іхныя праблемы, у тым ліку і звязаныя з легалізацыяй.
Ён вылучае некалькі праблемных катэгорыяў у белпрусаў, якія жывуць ва Украіне і мяркуе, што новы нацыянальны пашпарт акурат тут мог бы стаць дапамогай.
👉 Падрабязней
💔 Беларусь засталася ў лідарах сярод краін, дзе часцей за ўсё пераследуюць журналістаў
Гэта вынікае з гадавога агляду Камітэта па абароне журналістаў (CPJ), які быў абнародаванаы 16 студзеня.
Згодна з дакументам, другі год запар Беларусь у гэтым рэйтынгу ўзначальвае групу дзяржаваў у рэгіёне Еўропы і Цэнтральнай Азіі - у няволі 31 журналіст. Горшаая сітуацыя толькі ў Кітаі - 50 зняволеных журналістаў.
👉 Падрабязней
💱 Курсы валютаў 17 студзеня
Долар крыху падрос. А вось расейскі рубель і еўра страцілі.
#курсывалютаў
🤦♀️ У Бялградзе прайшоў аўтапрабег у падтрымку Лукашэнкі
Сербскі прарасейскі рух «Нашы» зладзіў у Бялградзе канферэнцыю ў падтрымку Лукашэнкі. Пасля якой удзельнікі праехалі з партрэтам дыктатара і чырвона-зялёнымі сцягамі па вуліцах сербскай сталіцы.
«Нашы» – расейскі моладзевы рух, створаны ў 2005 годзе адміністрацыяй прэзідэнта РФ, з філіяламі ў Сербіі і Эстоніі.
📌 У Іране забілі двух суддзяў каля будынку Вярхоўнага суда
Стралок скончыў жыццё самагубствам, паведамляе мясцовае агенцтва IRNA.
Загінулыя адказвалі за справы падазраваных у тэрарызме і шпіянажы.
Паводле папярэдніх дадзеных, у мужчыны, які зладзіў страляніну не было ніякіх справаў у Вярхоўным судзе і ён не быў наведвальнікам установы.
Улады расцэньваюць напад як тэракт.
📌 «Палітвязняў разглядаюць у Менску як рэсурс»
Прапагандысты паказалі сюжэты з палітзняволенымі супрацоўнікамі радыё «Свабода»: Ігарам Лосікам, Андрэем Кузнечыкам, Ігарам Карнеем і Юрасём Зянковічам.
Усе гэтыя асобы так ці іначай звязаныя з ЗША. Ці значыць гэта, што беларускія ўлады выставілі свой «тавар» на продаж для амерыканцаў і ці ужо могуць быць нейкія дамоўленасці на гэты конт?
👉 Абмеркавалі гэта з экспертамі.
Украінскія дроны зноў атакавалі нафтабазы ў Расеі
Гэтым разам пажары адбыліся на НПЗ у Тульскай і Калужскай абласцях. Мінабароны РФ заявіла пра знішчэнне 46 беспілотнікаў у пяці расейскіх рэгіёнах.
Інфармацыі пра пацярпелых няма.
☕️ Вітаем, шаноўныя!
Сабралі для вас найбольш цікавыя матэрыялы «Белсату», які вы маглі прапусціць:
🔺 Забойцу беларускай Лізы прысудзілі пажыццёвае зняволенне
23-гадоваму забойцу беларускай Лізы прызначылі максімальна жорсткае пакаранне, а таксама абавязалі выплаціць кампенсацыю ў памеры 48 тысяч долараў. Як на гэта адрэагаваў злачынца і што прасілі ягоныя адвакаты — чытайце па спасылцы (даступна праз VPN).
🔺 Літва перадумала забараняць уезд аўтамабілям з беларускімі нумарамі?
Сітуацыю вырашылі перагледзець, і цяпер з'явіліся новыя правілы ў дачыненні да беларускіх аўтамабіляў. Каротка распавядаем, што змянілася. Чытайце падрабязней праз VPN.
🔺 Беларусь запрасіла назіральнікаў ад АБСЕ на выбары
Навошта? Паводле дарадцы Ціханоўскай, рэжым пайшоў на гэты крок зусім не дзеля празрыстасці галасавання. Прычына можа быць зусім іншай — падрабязнасці на нашай старонцы (даступна праз VPN).
#штопачытаць
Гарадзенец зрабіў са старога аўта незвычайныя арэлі
«Вага атрымалася каля 700 кілаграмаў. Але калі штурхнуць два разы – будзеш гушкацца хвілінаў 15», – тлумачыць стваральнік арэляў Мечыслаў.
Як паўстала такая задума распавёў newgrodno.bу. Машыну ў двор Мечыслава прыгнаў сябар, бо сам не меў куды паставіць. Час ішоў, аўтам не карысталіся. Мечыславу стала шкада машыну і ён пастанавіў даць ёй другое жыццё.
«Жыгулі» пазбавілі ад рухавіка і адрэзалі частку кузава, каб аблегчыць. Пярэднюю частку з фарамі, бамперам і рашоткай радыятара для прыгажосці прыварылі прама пад лабавым шклом. Дзякуючы гэтаму атрымаўся добры баланс.
Раней хатні атракцыён карыстаўся папулярнасцю – на ім каталіся дзеці і ўнукі, але цяпер усе выраслі. Аднак гаспадар разбіраць арэлі не збіраецца і спадзяецца, што на іх яшчэ пакатаюцца праўнукі.
▪️Ва Украіне загінула беларуская добраахвотніца Марыя Зайцава
Многія памятаюць яе па фота, якое было зроблена 9 жніўня 2020 года ў Менску падчас пратэстаў супраць вынікаў выбараў.
Дзяўчына была параненая шумавой гранатай, страціла прытомнасць і атрамыла тры гумовыя кулі ў нагу. Пасля Марыя з’ехала на лячэнне ў Чэхію, а адтуль з пачаткам поўнамаштабнай вайны далучылася да абаронцаў Украіны.
😡 МУС Беларусі ўжо адкрыта заяўляе, што яго галоўная задача - абарона рэжыму, а не грамадзянаў краіны
А саміх беларусаў толькі запужваюць перад так званымі выбарамі. Маўляў, войска будзе назіраць за парадкам у той час, бо суседнія дзяржавы нібыта рыхтуюць правакацыі з удзелам беларускіх добраахвотнікаў.
👉 Навошта рэжым нагнятае атмасферу, глядзіце ў новым выпуску праграмы «ПраСвет».
❗️ У Беларусі плануецца павысіць пенсійны ўзрост для жанчын і скараціць тэрмін выплат на дзяцей
Кіберпартызаны атрымалі некалькі дакументаў за розныя гады, у якіх чыноўнікі абгрунтоўваюць неабходнасць наступных рэформаў 👇
▪️Павысіць пенсійны ўзрост жанчын да 63 гадоў (паэтапна з 2027 па 2033 гады)
▪️Скараціць тэрмін выплат дапамогі па доглядзе першага і другога дзіцяці з трох да двух гадоў
▪️Увесці добраахвотныя назапашвальныя пенсіі
Чыноўнікі пішуць, што ў сувязі з напружанай абстаноўкай у грамадстве рэформы трэба ўводзіць паступова і асцярожна. Таму новыя меры ўвесь час адкладаюць: спачатку іх прапаноўвалася ўводзіць з 2023 годзе, затым — з 2025 года. Цяпер, мяркуючы па некаторых дакументах, перасунулі на 2027 год, каб не супалі з выбарамі.
📌 Польшча: беларусы і ўкраінцы гандлявалі польскімі візамі праз падстаўную фірму
У Польшчы затрымалі 30-гадовага беларуса Алега М., якога лічаць кіраўніком злачыннай групы па продажы візаў, паведамляе Rzeczpospolita. Па версіі польскага боку, беларуска-ўкраінская падстаўная фірма гандлявала фіктыўнымі дакументамі для атрымання польскіх віз, у тым ліку «Poland.Business Harbour» для айцішнікаў.
Усяго абвінавачанні па справе атрымалі больш за сто чалавек, большасць з іх – грамадзяне Беларусі і Украіны.
👉 Падрабязней
🤦♀️ Моладзевыя атрады (МООП) будуць дапамагаць сілавікам на «выбарах»
Для гэтага ім нават арганізавалі вучэбныя зборы, «каб моладзь ведала, як дзейнічаць у любой неспадзяванай сітуацыі».
Па словах камандзіра Рэспубліканскага штаба МООП Аляксандра Бражыцкага, па ўсёй краіне існуе 200 такіх атрадаў. І за 2024 год «яны выканалі сумесна з супрацоўнікамі органаў унутраных спраў больш за 500 баявых задач».
Вучэнні складаюцца з 2х частак: тэарэтычная і практычная.
Пад час практыкі моладзь будзе ў тым ліку адпрацоўваць «прыёмы рукапашнага бою, вывучаць нюансы прымянення фізічнай сілы і спецыяльных сродкаў».
😱Не, гэта не відэа абстрэлаў: так выбухнула ракета Starship
У выніку самалёты былі вымушаныя мяняць траекторыю, каб не сутыкнуцца з аскепкамі.
Што сталася прычынаю выбуху, глядзіце ў нашым відэа.
🔥 Літва перадумала забараняць аўтамабілям з беларускімі нумарамі ўезд у краіну
Аднак, уязджаць у Літву з 14 лютага 2025 года можна будзе толькі ў 2х выпадках:
▪️калі ўладальнік з'яўляецца грамадзянінам Беларусі і мае дзейсную візу Літвы або часовы альбо пастаянны дазвол на жыхарства ў Літве;
▪️калі ўладальнік з'яўляецца грамадзянінам краіны ЕЗ, які пражывае ў Беларусі.
☝️ Пры гэтым аўтамабілем павінен кіраваць сам уладальнік, і транспарт не можа быць прызначаны для продажу.
Выключэнні будуць для транспартных сродкаў з дыпламатычнымі нумарамі, а таксама для аўтамабіляў для транспарціроўкі пахаванняў.
⚡️ Забойцу беларускі Лізы Герцын прысудзілі да пажыццёвага зняволення
Такога пакарання прасіла абвінавачванне. Пра вырак Акруговага суда Варшавы паведамляе карэспандэнт «Белсату».
Пачуўшы прысуд, Дор'ян Слаўчык вонкава аніяк не адрэагаваў.
На агучванне выраку прыйшло шмат людзей.
😢 МУС Грузіі апублікаваў сумную статыстыку самагубстваў. «Позірк» заўважыў там і беларусаў...
Згодна з дадзенымі, апублікаванымі на сайе, за апошнія 1,5 гады сем грамадзянаў Беларусі – пяцёра мужчын і дзве жанчыны – добраахвотна пайшлі з жыцця ў Грузіі.
👉 Падрабязней