42763
Тэлеканал Белсат Даслаць навіну, фота ці відэа: @BelsatBot Расейскамоўны рэгіянальны ТГ @BelsatRu
💥 #галоўнае за 21 лістапада
✔️Імаверна, Расея ўпершыню нанесла па Украіне ўдар міжкантынентальнай балістычнай ракетаю
✔️Верамейчыка не ўратавалі. Хто вінаваты?
✔️У Горадні ды наваколлі ўведзены рэжым «контртэрарыстычнай аперацыі»
✔️Экстрадыцыя экс-каліноўца з В'етнаму ў Беларусь: заявы Офісу Ціханоўскай і літоўскага міністра абароны (гэтая краіна раней загадала Васілю Верамейчыку пакінуць Еўразвяз)
✔️Міжнародны крымінальны суд выдаў ордэр на арышт ізраільскага прэм'ера Нэтаньяху, а таксама былога міністра абароны
✔️Супрацоўніцтва з беларускімі дэмсіламі з боку Польшчы ачоліў новы чалавек
✔️Былы супрацоўнік штабу Някляева ў 2010-м заявіў пра падтрымку Канапацкай на будучых «выбарах»
✔️Вялікая будоўля Лукашэнкі. Як у Беларусі рамантуюць дарогі
✔️Хто прывозіў Тыля Швайгера ў Беларусь? Пацягнулі за нітачку і раскапалі шмат цікавага
✔️У Нямеччыне – нешта падобнае да палітычнага крызісу. Аналітычны матэрыял пра бягучую палітычную сітуацыю ў найважнейшай краіне Еўразвязу
🕷Павук зноў спявае дуэтам з прыгожай дзяўчынаю!
Усе памятаюць хіты, якімі ён разрываў інтэрнэт сумесна з Маргарытай Ляўчук. Цяпер надышоў час ствараць новыя шэдэўры, гэтым разам – у дуэце з Вольгай Фалей.
Павук і Вольга назвалі свой гурт «Прафілактыка патрыятызма». А першая песня прысвечаная супрацоўніку міліцыі, які некалі даставаў Андрэя тэлефанаваннямі ды пагражаў пасадзіць.
🎵 Сачыце за творчасцю «Прафілактыкі патрыятызма» на нашым канале «Белсат MUSIC»
❗️Бацькам не расслабляцца!
Калі ваш дзіцёнак выдатна вучыцца і прымае ўдзел у алімпіядах – шансы на вылет са школы толькі павялічваюцца! Як такое можа быць?
Глядзіце ў відэа👇
А яшчэ больш гумару ў поўным выданні на YouTube-канале «Белсат LIFE»📺
🔴 «Аб’ектыў» – галоўныя падзеі дня!
У сённяшнім выданні:
🔸Былога ваяра Палка Каліноўскага Васіля Верамейчыка затрымалі у В'етнаме і выдалі Беларусі. На радзіме яму пагражае смяротнае пакаранне.
🔸Пуціну выскажу сваё «фэ»: імаверная размова Лукашэнкі з Прыгожыным трапіла ў сеціва
🔸Долар расце. Штодзень — новы рэкорд. Ці чакаць дэвальвацыі беларускага рубля?
🔸Паветраныя сілы ЗСУ: Расея ўдарыла па Украіне міжкантынентальнай балістычнай ракетай
🔸Міжнародны дзень адмовы ад палення. Штогод яго адзначаюць ў трэці чацвер лістапада
Далучайцеся да нашага эфіру ⤵️
https://www.youtube.com/watch?v=3eML_gcT1Lc
📍Сяргей Вазняк, які раней быў сябрам камуністычнай партыі ПКБ і партыі «Справядлівы свет», заявіў пра падтрымку Канапацкай
«Решил поддержать, потому что других демократических претендентов в списке просто нет. Все остальные – за сохранение в Беларуси статус-кво, а это мне совсем не подходит», – напісаў Вазняк на сваёй старонцы ў Facebook.
🔍 Падрабязней у нас на сайце
💸Рост біткойну не спыняецца. Падобна, неўзабаве ён пераваліць за $100 000
Гэты працэс адбываецца на фоне перамогі на выбарах у Штатах Доналда Трампа, які абяцаў трансфармацыю ЗША ў глабальны крыптавалютны хаб і фармаванне рэзерваў з біткойнаў.
📍Падрабязней на старонцы
💬 «Аднойчы нам паставілі такую задачу: пашыхтавацца перад полем з бульбай і засоўваць у зямлю бульбу, якая была на паверхні»
Максім быў афіцэрам унутраных войскаў РБ. Яго накіроўвалі выконваць задачы ў рэзідэнцыі Лукашэнкі і загадвалі разганяць пратэсты. Максім сцвярджае, што нікога не збіваў і нават адпускаў затрыманых. А ў выніку звольніўся з унутраных войскаў, каб больш не мець дачынення да барацьбы з уласным народам.
Цяпер ён мае сваю стралковую школу ў Варшаве, дзе трэнуюцца ў тым ліку людзі, што ваююць на баку Украіны.
🔸А яшчэ – мілая гісторыя салідарнасці беларусаў, што дапамаглі былому беларускаму добраахвотніку Гошы, які на вайне атрымаў сур'ёзнае раненне нагі.
👀 Поўны выпуск праграмы «Беларус беларусу» – ужо на канале «Белсат LIFE»
📺 Навіны за 5 хвілін
⬆️ Кінафестываль «Паўночнае ззянне» абвясціў пераможцаў беларускага конкурсу
🔻У Горадні ўведзены рэжым контртэрарыстычнай аперацыі
🔻З В'етнаму ў РБ экстрадаваны былы баец Палка Каліноўскага
🔻Лукашэнкаўцы хваляцца, што іхны кумір сабраў ужо 1,5 млн подпісаў
🔻У Клімавічах гарэла больніца
🔻Дзяржаўнае ТБ зноў сцвярджае, што «на Беларусь готовится нападение»
🔻Расея атакавала Дняпро міжкантынентальнай балістычнай ракетаю
🔻У Ісландыі зноў прачнуўся вулкан
Глядзіце ў кароткім выданні навін на Белсаце 💻
☝️Міжнародны крымінальны суд выдаў ордэр на арышт ізраільскага прэм'ера Біньяміна Нэтаньяху
Аналагічны ордэр выданы і на арышт былога міністра абароны Ізраілю Ёава Галанта (ён пакінуў пасаду на пачатку лістапада).
Яны падазраюцца ў здзяйсненні вайсковых злачынстваў у Газе. У прыватнасці, зазначаецца, што дзеянні Нэтаньяху і Галанта прывялі да смерцяў цывільнага насельніцтва сектару Газы.
👴🏻 У свежым выданні праграмы «Мова Нанова» пагаворым пра бацьку
Не пужайцеся, не пра таго 🫠
Гэтае слова з'явілася ў беларусаў задоўга да 1994-га года. І мае безліч сінонімаў!
👀 Глядзіце новы выпуск «Мовы Нанова» на YouTube-канале «Белсат LIFE»
💱 Курсы валютаў 21 лістапада
Долар падрос амаль на паўтары капейкі. Еўра таксама дадаў у вартасці, хоць і сціплей.
Расейскі рубель мінімальна споўз уніз.
#курсывалютаў
🇩🇪 У Нямеччыне – нешта падобнае да палітычнага крызісу
Там развалілася кіроўная кааліцыя, таму неўзабаве адбудуцца датэрміновыя парламенцкія выбары.
🤔 Як усё гэта адаб'ецца на Беларусі ды Украіне? Чытайце па спасылцы
🔥 Выйшла новая частка ўкраінскай культавай гульні STALKER
На момант рэлізу ў яе адначасова гулялі 113 тысяч чалавек.
Прэм'ера STALKER 2: Heart of Chornobyl («Сэрца Чарнобыля») апынулася вельмі ўдалай і атрымала 81% пазітыўных водгукаў. На інтэрнэт-пляцоўках гульня замацавалася як адзін з самых буйных рэлізаў года.
У гульні трэба даследаваць Чарнобыльскую зону адчужэння, поўную небяспечных ворагаў, анамалій і артэфактаў. Галоўны герой будзе выконваць заданні розных груповак і змагацца за выжыванне. Дзеянні ў ходзе гульні будуць уплываць на фінал.
Нагадаем, першы «Сталкер» выйшаў у 2007 годзе і стаў вельмі папулярным у тым ліку ў Беларусі. Пазней выйшлі яшчэ дзве гульні, якія дапоўнілі гісторыю першай часткі.
🛣 Будаўніцтва дарог у Беларусі: лічбы і факты
Сёлета ў нашай краіне актыўна ўзяліся за транспартную інфраструктуру. Пра неабходнасць заняцца дарогамі з пачатку года гаворыць і Лукашэнка.
У кастрычніку ён сабраў асобную нараду ў гэтым пытанні. Дарогі павінны быць літаральна ўсюды, а масты прыведзены ў парадак, – патрабаваў ён.
🔍 Чытайце матэрыял на старонцы
Офіс Ціханоўскай выказаўся наконт экстрадацыі ў Беларусь экс-каліноўца
«Усё магло б быць інакш, калі б не адмовіла Літвы. Выпадак былога каліноўца Васіля Верамейчыка, якога В'етнам выдаў у Беларусь, паказвае, з якой несправядлівасцю сутыкаюцца беларусы ў эміграцыі. Многіх людзей прызнаюць пагрозай нацбяспецы толькі за радок у біяграфіі.
Васіль разглядаў Малдову ці Аргентыну. Абскарджваць літоўскае рашэнне не стаў, і вырашыў не праходзіць праз колы пекла ў Польшчы. Спрабаваў нібыта і ў Грузіі, потым апынуўся ў В'етнаме», — пракаментаваў Франак Вячорка.
Офіс выказаў пратэст у сувязі з экстрадыцыяй беларуса, назваўшы гэта часткай працяглай рэпрэсіўнай палітыкі рэжыму Лукашэнкі, які не спыняецца перад нічым.
Нагадваем, учора прапаганда паказала Васіля Верамейчыка, якога дэпартавалі ў Беларусь з В'етнаму. З 2022-га ён абараняў Украіну, але яму забаранілі заставацца ў Еўразвязе, бо Літва прызнала мужчыну пагрозай нацыянальнай бяспецы (раней ён быў афіцэрам беларускай арміі). Ён быў вымушаны пакінуць ЕЗ.
#рэпрэсіі Асноўнае за 21 лістапада
🔻Раскрытыя імёны сілавікоў, якіх Лукашэнка пазбавіў званняў за падзеі 2020-га
🔻Былога супрацоўніка Веткаўскага музею стараабрадніцтва і народных традыцыяў асудзілі па 342-м артыкуле
🔻Гарадзенскі актывіст Ежы Грыгенча (цяпер жыве ў Беластоку) завочна атрымаў 6 гадоў калоніі
🔻У Докшыцах за «экстрэмізм» судзілі «лепшага работніка сістэмы электраэнергетыкі-2021»
🔚 «Дрымлэнд» – усё. Некалі папулярны парк забаваў пачалі разбіраць
Ён праіснаваў каля 20 гадоў. Цяпер на месцы парку забаваў хочуць арганізаваць «ідэалагічна правільную» лакацыю.
📍Чытайце пра яе падрабязней тут
✈️ Са сталіцы Лівану эвакуяваныя 19 беларусаў
Іх вывозіў транспартны самалёт МНС Расеі. Таксама на борце былі некалькі дзясяткаў грамадзянаў РФ.
📍У чым справа, чытайце на нашым сайце
🐶 Бяздомны сабака выратаваў турыста ў гарах Перу
Паглядзіце, чым скончылася сапраўдная прыгода!
Як у кіно ☝️
🤬 «Сёння беларусы не могуць пачуваць сябе бяспечна нідзе»
Вадзім Кабанчук і Франак Вячорка каментуюць экстрадыцыю Васіля Верамейчыка ☝️
🇱🇹 Літоўскі міністр абароны пракаментаваў дэпартацыю былога «каліноўца» з В'етнаму ў Беларусь
На думку Лаўрынаса Кашчунаса, пераезд Верамейчыка ў В’етнам наўрад ці быў «найлепшым варыянтам», бо гэтая краіна мае сувязі з Расеяй і Аляксандрам Лукашэнкам.
Загад жа пакінуць Літву, які выдала яму міграцыйная служба, Кашчунас патлумачыў тым, што «так дзяржава вырашыла».
☝️Паглядзіце наш сюжэт пра Васіля Верамейчыка, які выйшаў увесну гэтага года
Учора стала вядома, што Васіль быў дэпартаваны з В'етнаму ў Беларусь транзітам праз Маскву.
У Азіі ён апынуўся пасля таго, як Літва прызнала яго «пагрозаю нацыянальнай бяспецы» і загадала пакінуць межы Еўразвязу.
💬 «Маш, по "Южмашу" удар баллистическими ракетами, уже западные СМИ стали говорить. Не комментируем вообще»
Анекдот дня: спікерцы расейскага МЗС Марыі Захаравай патэлефанаваў хтосьці важны проста падчас брыфінгу. Размова відавочна павінна была быць прыватнаю, аднак цяпер яе пачуюць мільёны людзей 💁🏻♂️
👀 Глядзіце, як гэта было
🔹Па ўкраінскім Дняпры ўдарылі міжкантынентальнай балістычнай ракетаю?
Пакуль нельга пацвердзіць гэта на 100%, аднак на гэта ўказваюць некаторыя факты. Калі тып ракеты сапраўды быў менавіта такі, то яго Расея ўжыла ў вайне супраць Украіны ўпершыню.
📍У сувязі з чарговай паветранай атакаю РФ сваю авіяцыю сёння ўздымала і Польшча. Чытайце падрабязней па спасылцы
🇵🇱 Супрацоўніцтва з беларускімі дэмсіламі з боку Польшчы ачоліў новы чалавек
Пра гэта паведаміў Павел Латушка.
📍Вось хто будзе новым спецпрадстаўніком МЗС у пытаннях кантактаў з беларускімі дэмакратычнымі палітыкамі
🕯Ужо заўтра – 5 гадоў з моманту перапахавання ў Вільні парэшткаў паўстанцаў 1863 года
Памятаеце, як гэта было? У Вільню тады прыехалі сотні, а можа і тысячы беларусаў. Яны ўзялі ўдзел у працэсіі пад БЧБ-сцягамі.
Наш журналіст Зміцер Лупач таксама хацеў патрапіць на тую гістарычную падзею, аднак не змог – не паспелі зрабіць візу 💁🏻♂️
📍Прыгадайма разам, як адшукалі парэшткі Каліноўскага ды іншых паўстанцаў ды як адбывалася знакавая для беларусаў, палякаў і літоўцаў цырымонія
🤔 Хто прывозіў Тыля Швайгера ў Беларусь? Пацягнулі за нітачку і раскапалі шмат цікавага
Галоўнага героя гэтага матэрыялу завуць Дзмітрый Саксонаў. І ён мае дачыненне да візітаў у Менск таксама іншых сусветных зорак.
А яшчэ Саксонаў звязаны са скандальна вядомым Дзмітрыем Баскавым, набліжаным да Лукашэнкі.
🔍 Болей пра Дзмітрыя Саксонава і звязаны з ім бізнес чытайце на нашай старонцы
📍Раскрытыя імёны сілавікоў, якіх Лукашэнка пазбавіў званняў за падзеі 2020-га
Сярод іх, напрыклад, – былы гендырэктар футбольнага клубу БАТЭ Міхаіл Залеўскі.
🔍Чытайце на нашым сайце, хто яшчэ ў гэтым спісе
У Горадні ўведзены рэжым контртэрарыстычнай аперацыі
КДБ Беларусі ўзяў горад пад узмоцнены кантроль. Паведамляецца, што будзе задзейнічана ваенная і іншая спецыяльная тэхніка. Такі рэжым уведзены з-за камандна-штабных вучэнняў.
Сілавікі называюць гэтыя вучэнні адпрацоўкай недапушчэння «экстрэмізму і тэрарызму». Таксама ўсё гэта звязана з падрыхтоўкай перад так званымі выбарамі.
☕️ Вітаем, шаноўныя!
Сабралі для вас найбольш цікавыя матэрыялы «Белсату», які вы маглі прапусціць:
🔺 Знайшліся беларускі, якія зніклі ў Турцыі
Сёстры Валянціна і Марыя Іванковы, якія зніклі без вестак у турэцкіх гарах Аладаглар, былі знойдзеныя ў правінцыі Кайсэры праз два дні. Падрабязнасці чытайце на сайце (праз VPN).
🔺 Заява, што мы хочам уступіць у Еўразвяз, вельмі важная для Беларусі
Аналітык Павел Данейка лічыць, што ўспрыманне Беларусі як «рускай задачы» ўжо знікае ў Еўропе. Якім шляхам варта цяпер ісці нашай краіне і ці ёсць будучыня ў Еўропе, чытайце ў вялікім інтэрв'ю (праз VPN).
🔺 Ціханоўская прапанавала пяць пунктаў Усходняму партнёрству
Беларуская лідарка агучыла пяць крокаў, якія ўжо цяпер можна зрабіць для падтрымкі дэмакратычнай Беларусі. Якія менавіта — чытайце па спасылцы (праз VPN).