42763
Тэлеканал Белсат Даслаць навіну, фота ці відэа: @BelsatBot Расейскамоўны рэгіянальны ТГ @BelsatRu
Шпіталь расейскіх дэсантнікаў у агні
Ён знаходзіцца ў Туле і належыць 39-му асобнаму медыцынскаму атраду дэсантнікаў. Пажар пакуль не ўдаецца ліквідаваць, унутры памяшканняў захоўваецца моцная задымленасць.
Вядома, што эвакуявалі 57 чалавек. Інфармацыі пра пацярпелых пакуль няма.
❌ Дамен платформы для стварэння петыцыяў petitions.by ануляваны
Уласнікі платформы распавялі, што значыць і чым можа пагражаць карыстальнікам:
«Дамен petitions.by больш не належыць нам і можа быць выкарыстаны трэцімі асобамі, уключаючы структуры, якія могуць выкарыстоўваць яго ў злачынных мэтах, у тым ліку для збору вашых звестак. Будзьце ўважлівыя: доступ на сайт petitions.by не будзе бяспечным у выпадку, калі яго паспрабуюць аднавіць ці выкарыстаць ад нашага імя»
🤷♀️ Польшча не разглядае магчымасць адкрыцця пунктаў пропуску на мяжы з Беларуссю
Прычына - адсутнасць «супрацы з беларускага боку», заявіў міністр унутраных справаў і адміністрацыі Польшчы Томаш Семоняк.
☝️ Палітык падкрэсліў, што палітзняволены журналіст Анджэй Пачобут дагэтуль знаходзіцца за кратамі, а таксама няма ніякай інфармацыі пра забойства польскага жаўнера ў мінулым годзе.
«Пакуль не будзе добрай волі з беларускага боку, з нашага боку проста няма магчымасці для нейкіх дзеянняў. Кожнае з дзеянняў, якія я ўзгадаў, мы ўспрымаем як дзеянне супраць Польшчы»Читать полностью…
📺 Навіны за 5 хвілін
✔️У Беларусі могуць з'явіцца новыя атрады спецназу
✔️Карпенка патлумачыў, чаму не арганізуюць участкі для галасавання за мяжой
✔️У Менску пачаўся суд над былымі сілавікамі, якія выступілі супраць гвалту
✔️Падчас пажараў у Каліфорніі загінулі ўжо 24 асобы
✔️На аўторак у Беларусі абвешчаны аранжавы ўзровень небяспекі праз надвор'е
Глядзіце ў кароткім выданні навін на Белсаце 💻
🤔 Гіганцкі сцяг і Курган дружбы. У Менску паказалі, як як можа выглядаць частка метро на плошчы Бангалор
«Менскметрапраект» прадставіў некалькі варыянтаў архітэктурнага выгляду вентыляцыйнай шахты, якую плануюць пабудаваць у цэнтры плошчы Бангалор у межах будаўніцтва новага ўчастка трэцяй лініі метро.
👉 Паглядзіце!
🤦♀️😡 Яшчэ адзін дыктатар прапаноўвае развязаць вайну
Кіраўнік Венесуэлы Нікаляс Мадура падчас выступу на Міжнародным антыфашысцкім фестывалі прапанаваў уварвацца ў Пуэрта-Рыка і вызваліць гэтую краіну ад ЗША з дапамогай Бразіліі:
«Гэтак жа, як у Поўначы [ЗША. – Заўв. рэд. «Белсат»] ёсць план каланізацыі, у нас ёсць план вызвалення, які завяшчаў нам Сімон Балівар. Незалежнасць Пуэрта-Рыка ўсё яшчэ чакаецца, і мы дасягнем яе, з сіламі Бразіліі і Абрэу-і-Лімы [муніцыпалітэт у Бразіліі. – Заўв. рэд. «Белсат»], якія лідзіруюць па шляху. Менавіта батальён Абрэу-і-Лімы возьме на сябе вызваленне Пуэрта-Рыка. Як вы на гэта глядзіце?»
🦠 «BELPOL»: Беларусь страціла ад ковіду ці не столькі ж людзей, колькі Расея ад нападу на Украіну
Улады Беларусі ў разы заніжалі статыстыку захворвальнасці і смяротнасці ад COVID-19.
«BELPOL» перадаў «Белсату» некалькі «злітых» дакументаў, звязаных з колькасцю зарэгістраваных выпадкаў COVID-19 і смерцяў ад каронавірусу.
👉 Падрабязней
🚑 У якую суму ў Беларусі абыходзіцца кожны выезд хуткай дапамогі да пацыента
Паводле дадзеных Міністэрства аховы здароўя за 2024 год, у сярэднім гэтая сума ацэньваецца ў 164 рублі, а прыём у паліклініцы – у 52 рублі.
Для прыкладу, стандартны выпадак апендыцыту – выклік хуткай дапамогі, пяць дзён у хірургічным стацыянары і візіт у паліклініку для закрыцця бальнічнага – абыходзіцца бюджэту ў сярэднім у 1171 рубель. Пры гэтым магчымыя ўскладненні ці знаходжанне ў рэанімацыі ў гэтую суму не ўваходзяць.
🇭🇷 На выбарах у Харватыі перамог крытык ваеннай дапамогі Украіне
Дзеючы прэзідэнт Зоран Міланавіч атрымаў перамогу ў другім туры і набраў амаль 75% галасоў.
Міланавіч — папулярны харвацкі палітык, якога часам параўноўваюць з абраным прэзідэнтам ЗША Трампам за яго агрэсіўны стыль размоваў з апанентамі.
Апазіцыя называе Міланавіча «прарасейскім» і пагрозай міжнароднаму становішчу Харватыі.
У Курскай вобласці загінулі сотні паўночнакарэйскіх жаўнераў
Разведка Паўднёвай Карэі пацвердзіла гібель 300 вайскоўцаў КНДР на тэрыторыі Расеі. Паранены ўжо каля 2700 карэйцаў. Яшчэ месяц таму лічбы былі ў тры разы меншымі.
Нядаўна Зяленскі таксама апублікаваў відэа допыту двух салдат з КНДР, узятых у палон у Курскай вобласці. У аднаго з іх знайшлі вайсковы білет на імя жыхара Тывы Антоніна Аранчына. Аднак паўднёвакарэйская разведка пацвердзіла, што мужчына на відэа - грамадзянін Паўночнай Карэі.
💥 #галоўнае за 12 студзеня
✔️ Арменія выступіла за ліквідацыю Менскай групы АБСЕ
✔️ Адзін са стваральнікаў серыялу «Працэсы» зняў хорар з Зояй Белахвосцік
✔️ Прэм'ер-мінісрт Грэнладыі адказаў на заявы Трампа
✔️ Робэрт Фіца назваў Зяленскага жабраком
✔️ Намеснік міністра МЗС РБ сустрэўся з прадстаўніком Талібана, які ўваходзіць у тэрарыстычны спіс КДБ
✔️ «BYPOL»: Над вайсковай часткай у Горадні спрабавалі збіць беспілотнік
✔️ Геям афіцыйна дазволілі вучыцца на каталіцкіх святароў
✔️ Ультраправыя Нямеччыны адмовіліся асудзіць Расею за ўварванне ва Украіну
✔️ Расія ўдарыла па інтэрнаце для пажылых у Курскай вобласці. Ёсць загінулая
✔️ Выйшла кніга пра «Магілёўскае цунамі»
✔️ Праз новыя санкцыі ЗША супраць Расеі пацерпіць экспарт расейскай нафты ў Кітай і Індыю
😲 На ўзбярэжжы Балтыйскага мора ў Польшчы з'явіліся ледзяныя шары
Некаторыя з іх дасягаюць памераў у некалькі дзясяткаў сантыметраў.
😊 Як гэта магчыма? Для гэтага патрэбныя пэўныя атмасферныя ўмовы: нізкая тэмпература, умераны вецер і адпаведная наяўнасць вады, лёду і снегу ў моры. З-за руху вады і хваль часціцы лёду пачынаюць набываць сферычную форму.
💥 СТРЫМ. Падсумоўваем вынікі тыдня ў «Студыі Белсат»
У сённяшнім выданні:
🔸Кандыдатаў-спойлераў пусцілі на тэлебачанне. Што адбываецца ў «выбарчай кампаніі»
🔸Розныя падыходы да вызвалення палітвязняў абмяркуем з Алегам Кулешам і Аляксандрам Лойкам
🔸Белпол падзяліўся дакументамі па выкананні дзяржпраграмаў аб ліквідацыі наступстваў аварыі на ЧАЭС. Раскажам што ў іх
🔸Ці застаюцца рычагі ўплыву на рэжымных чыноўнікаў абмяркуем з аўтарам праекту petitions.bу
🔸Падсумуем вынікі візіту Святланы Ціханоўскай у Польшчу
Далучайцеся да нашага эфіру! 🔽
https://www.youtube.com/live/zGhL9dNfqBM
📌 Выйшла кніга пра «Магілёўскае цунамі»
Гэта, бадай, самая буйная тэхнагенная катастрофа на тэрыторыі Беларусі. Трагедыя ў Магілёве адбылася ў 1942 годзе: з-за абрушэння дамбы на рацэ Дубравенцы здарыўся патоп, які ўвайшоў у гісторыю як «Магілёўскае цунамі».
Паводка доўжылася ўсяго 20 хвілінаў…Аднак яе ахвярамі сталі ад некалькіх соцень да некалькіх тысяч чалавек. Пашкоджаныя, затопленыя ці разбітыя ўшчэнт 115 жылых дамоў.
▪️Экалагічная катастрофа дабралася да берагоў акупаванага Бярдзянску
Мазут пасля крушэння танкераў у Керчанскай затоцы дасягнуў берага акупаванай часткі Запарожскай вобласці Украіны.
Пра гэта ў сваім тэлеграм-канале напісаў прызначаны Расеяй кіраўнік рэгіёну, ён заявіў, што забруджаны мазутам участак даўжынёй 14,5 кіламетра знайшлі на Бярдзянскай касе. Таксама нафтапрадукты знайшлі на касе Перасып.
😢 «Словы пакаяння не вернуць жыццё Лізе»
Фігурант справы аб згвалтаванні і забойстве беларускі Лізы перапрасіў за сваё злачынства. Паводле адваката пацярпелых Караля Дрожджа, гэта адбылося ўпершыню:
«У сваім апошнім слове ён упершыню ўголас выказаў пакаянне ў тым, што зрабіў. Прынамсі вусна»
«Так, перапрашэнне было, імаверна, таму, што гэта тактыка абароны. Больш нічога не магу сказаць, бо гэта датычыць закрытай часткі суда. Аднак словы пакаянне не вернуць жыццё Лізе, як і бяспеку іншым жанчынам»Читать полностью…
🤬 Палітвязня пасля аперацыі змясцілі ў ШІЗА
У ПК-3 палітвязня Дзяніса Сальмановіча пасля аперацыі па выдаленні жоўцевага пузыра амаль адразу змясцілі ў ШІЗА на 2 месяцы. Пра гэта паведамляе ягоная маці.
Дзяніс мае цяжкае хранічнае захворванне. Улетку яго з калоніі забрала «хуткая». Хлопцу выразалі жоўцевы пузыр. Пасля чаго ён яшчэ тыдзень знаходзіўся ў санчастцы калоніі, пакуль яму не знялі швы.
Маці Дзяніса кажа, што апошні раз той выходзіў з ёй на сувязь у сярэдзіне лістапада. Пасля званка хлопца адразу ж забралі ў ШІЗА, дзе ён знаходзіцца дагэтуль.
#рэпрэсіі
😡 Следчы камітэт Беларусі пагражае беларусам за мяжой крымінальнымі справамі за ўдзел у акцыях пратэсту
Сілавікі сцвярджаюць, што маюць інфармацыю пра ўсе акцыі і нават праанансавалі две з іх.
👉 Падрабязней
⚡️ Пракурор патрабуе пажыццёвага зняволення для абвінавачанага ў забойстве беларускі Лізы
У Акруговым судзе Варшавы адбыліся спрэчкі бакоў у справе Дор'яна С., абвінавачанага ў згвалтаванні і забойстве беларускі Лізы. Пракуратура запатрабавала для фігуранта пажыццёвага зняволення, перадае карэспандэнт «Белсату». Суд агучыць вырак 17 студзеня.
🤬 Беларуса прымусілі «кампенсаваць» данаты ў двухсотразовым памеры і ўсё адно адправілі за краты
Аляксандру Дарагакупцу прысудзілі 5,5 года пазбаўлення волі і штраф памерам 50 тысячаў базавых велічыняў (эквівалентна Br 2,1 млн)
Паводле сілавікоў, мужчына заданаціў «экстрэмісцкім фармаванням» не менш за Br 11 тысяч, а падчас следства пералічыў дзіцячым дамам у якасці «кампенсацыі» $ 600 тысяч.
🤯 Гэта значыць, яго прымусілі «кампенсаваць» суму, як найменей у 170 разоў большую, чымся было адпраўлена данатаў.
Аляксандра Дарагакупца судзілі паводле пяці артыкулаў КК РБ, у тым ліку «распальванне сацыяльнай варожасці» і «спрыянне экстрэмісцкай дзейнасці».
#рэпрэсіі
😱 Ужо 4 содні людзі стаяць у чарзе на выезд з Беларусі
У Берасці, дзе працуе адзіны пункт пропуску на мяжы з Польшчаю, цяпер 2000 легкавікоў. Апоўдні афармленне пачынаюць тыя, хто зарэгістраваўся ў чарзе аб 11-й раніцы 9 студзеня. Такім чынам, час чакання перавысіў 4 содняў.
👉 Што адбываецца на мяжы
❓ Як фламандскі рыцар Жан Абенбрук атрымаў герб з падштанікамі?
❓ Як, а самае галоўнае навошта, нашыя продкі атрымлівалі гербы і пры чым тут Гарадзельская унія?
🥸 Глядзіце ў нашым відэа ад праграмы «Вусы Скарыны».
🤩 У Шатландыі шукаюць «кіраўніка» выспы
Аддалены шатландскі востраў Ханда шукае «кіраўніка» з заробкам 31 000 долараў у год.
Ён будзе адказваць за арганізацыю працоўных праграм, каманду валанцёраў і ахову дзікай прыроды выспы, дзе знаходзіцца адна з самых важных калоніяў марскіх птушак у Еўропе.
☝️ Для гэтай пасады не патрабуецца асаблівай кваліфікацыі, але пажадана мець глыбокія веды ў галіне марской і наземнай натуральнай гісторыі. Таксама неабходныя дзейсныя правы кіроўцы.
Пажар на расейскай нафтабазе патушылі толькі праз пяць дзён
Прадпрыемства загарэлася 8 студзеня пасля атакі ўкраінскіх дронаў. З таго часу нафтабаза гарэла і забрала жыцці двух чалавек. Праз пяць дзён мясцовыя ўлады паведамілі пра ліквідацыю пажару.
Паводле Генштабу ЗСУ, гэты НПЗ забяспечваў палівам ваенны аэрадром «Энгельс-2».
☕️ Вітаем, шаноўныя!
Сабралі для вас найбольш цікавыя матэрыялы «Белсату», які вы маглі прапусціць:
🔺 У Сеуле пацвердзілі: украінцы ўзялі ў палон двух вайскоўцаў з КНДР
Украінскія вайскоўцы заяўляюць, што затрымалі двух салдат з Паўночнай Карэі. Што вядома пра палонных і якія сведчанні яны ўжо далі — чытайце па спасылцы праз VPN.
🔺 Прэм’ер Славакіі абразіў Уладзіміра Зяленскага
Пасля візіту ў Маскву кіраўнік славацкага ўрада дазволіў сабе рэзкія выказванні на адрас украінскага прэзідэнта. Што менавіта прагучала — чытайце на нашым сайце праз VPN.
🔺 МЗС Беларусі сустрэлася з прадстаўнікамі Талібана
Адбылася афіцыйная сустрэча прадстаўнікоў Міністэрства замежных спраў Беларусі з талібамі. Аб чым размаўлялі і пра што дамовіліся — чытайце па спасылцы праз VPN.
#штопачытаць
#рэпрэсіі Асноўнае за 12 студзеня
🔻 Цяжарную беларуску затрымалі на мяжы за абразу Кубракова
🔻 МУС дадаў 22 асобы ў «пералік экстрэмістаў»
🔻 Дыпламатаў Японіі не пусцілі на суд над палітзняволеным японцам
🔻 Па памілаванні выйшла Данута Перадня
🔻 Памілавалі брата заснавальніка EPAM
☺️ Гэтыя палі ў Тайландзе выглядаюць, як твор мастацтва!
Просты фермер вырашыў узяцца за штучны інтэлект і вось, што ў яго атрымалася. Паглядзіце!
📌 Узмацненне жорсткасці антырасейскіх санкцый ЗША прывядзе да абмежавання паставак расейскай нафты ў Кітай і Індыю
Мінфін ЗША абвясціў, што ўводзіць санкцыі супраць расейскіх нафтавых кампаній «Газпром нефть» і «Сургутнефтегаз».
Праз гэта моцна пацерпіць экспарт расейскай нафты, паведамілі «Reuters» дзве кітайскія гандлёвыя крыніцы.
☝️ А вядучы аналітык па грузавых перавозках кампаніі «Kpler» Мэт Райт кажа, што санкцыі «значна скароцяць парк суднаў, даступных для дастаўкі нафты з Расеі», што ў сваю чаргу прывядзе да павелічэння коштаў.
😱 «Нам застаўся ўсяго толькі адзін пажаранебяспечны сезон, і мы апынёмся ў поўнай неплатаздольнасці»
Лясны пажар у Лос-Анджэлесе ўжо называюць самым дарагім у гісторыі ЗША. Страты ад яго могуць перавысіць рэкордныя дваццаць мільярдаў долараў, піша выданне «Financial Times».
Большасць людзей, дамы якіх знішчыў агонь, цяпер хвалююцца: ці хопіць на ўсіх страхавых выплатаў? І непакой гэты мае падставы. 👉 Падрабязней
🇩🇪 Ультраправая партыя «Альтэрнатыва для Нямеччыны» адмовілася асудзіць Расею за ўварванне ва Украіну
Адпаведную папраўку ў перадвыбарчы маніфест прапанаваў член нямецкага парламенту ад АдГ Альбрэхт Глазер. Аднак партыя большасцю (69%) прагаласавала супраць прапановы.
Кандыдат у канцлеры ад АдГ Аліс Вайдэль заявіла, што ў выпадку перамогі на парламенцкіх выбарах партыя будзе дамагацца аднаўлення «Паўночнага патоку» – газаправода, па якім расейскі газ паступаў у Еўропу і які быў узарваны ў верасні 2022 года.
😮 Палітык таксама паабяцала знесці ўсе ветраныя электрастанцыі ў краіне і аднавіць працу АЭС, ад якіх дзяржава адмовілася ў 2023 годзе.