42763
Тэлеканал Белсат Даслаць навіну, фота ці відэа: @BelsatBot Расейскамоўны рэгіянальны ТГ @BelsatRu
#рэпрэсіі Асноўнае за 11 студзеня
🔻 Міліцыя пачала апрацоўваць арэндныя кватэры перад выбарамі
🔻 На суд да грамадзяніна Японіі, якога вінавацяць у агентурнай дзейнасці, не пусцілі дыпламатаў. BELPOL: Затрыманыя японцы – «абменны фонд» узамен на зняцце японскіх санкцыяў
🔻 Фота Славы Камісаранкі і Сяргея Міхалка з’явіліся на стэндзе «Іх шукае міліцыя»
🔴 «Аб’ектыў» – галоўныя падзеі дня!
У сённяшнім выданні:
🔸Чаму ўлады пачалі папулярызаваць сярод беларусаў палетнае ацяпленне дамоў
🔸Мінабароны не выключае запрашэння назіральнікаў краінаў ЕЗ і НАТО на вучэнні «Запад-2025»
🔸Што азначае прызнанне візаў паміж Беларуссю ды Расеяй
🔸Што Кіберпартызаны распавялі пра адток айцішнікаў з краіны
🔸Выставілі на продаж будынак былой бібліятэкі Храптовічаў у Шчорсах. Чым ён вядомы
Далучайцеся да нашага эфіру ⤵️
https://www.youtube.com/live/Bm2od_5Gzsg
🫣 «Камунарка» наехала на міліцыю
Чаму заплакаў Галоўчанка і з кім Лукашэнка прымушае «кувыркацца» Качанаву?
👉 Глядзіце новы выпуск гумарыстычнай праграмы «Хай Так tv»
⚡️ Пасля працяглага перапынку вяртаецца «Студыя Белсат»
Першае інфармацыйнае выданне адбудзецца ўжо ў нядзелю, 12 студзеня. Праграма будзе доўжыцца 50 хвілінаў.
«Праграма будзе падводзіць вынікі тыдня і аналізаваць разам з экспертамі галоўныя падзеі, што адбыліся ў Беларусі і свеце»
📌 Пад Гомлем быў чутны выбух. Некаторыя крыніцы сцвярджаюць, што гэта быў «Шагэд»
Выбух было чуваць у Навабеліцкім раёне Гомля 8 студзеня каля 2-й гадзіны ночы, паведамляюць крыніцы выдання «Флагшток».
Пра сувязь выбухаў з падзеннем дрона можа сведчыць тое, што, паводле ўкраінскага маніторынгавага каналу «Ринда моніторить», 8 студзеня ў 1:43 па менскім часе тэрыторыю Беларусі перасёк ударны беспілотнік.
👉 Падрабязней
📺 Навіны за 5 хвілін
✔️За чатыры гады Беларусь згубіла больш за 15 тыс. айцішнікаў
✔️У Берасцейскай вобласці вяртаюць мясцовы збор за мінанне мяжы
✔️Фота коміка Славы Камісаранкі з'явіліся на стэндах «Іх шукае міліцыя» у Менску
✔️Польскі суд выдаў другі ордар на арышт суддзі Томаша Шмыта
✔️З сённяшняга дня замежнікі змогуць трапіць у Беларусь з расейскаю візаю
✔️У Асіповічах у дзіцячым садку памерла двухгадовае дзіця
Глядзіце ў кароткім выданні навін на Белсаце 💻
😱 У Нямеччыне беларус пад уздзеяннем наркотыкаў зладзіў фарсаж з паліцыяй
Супрацоўнікі нямецкай паліцыі ў рамках дарожнага кантролю паспрабавалі спыніць аўтамабіль «Opel Corsa».
Аднак кіроўца не спыніўся, а наадварот павялічыў хуткасць. Паліцыя распачала пераслед. На шчасце, пагоня хутка скончылася, калі аўтамабіль заехаў у тупік.
Кіроўцам аказаўся 34-гадовы жыхар Мюльхайму з беларускім і нямецкім грамадзянствам. Мужчына знаходзіўся ў стане наркатычнага ап’янення.
😳 Пры праверцы высветлілася, што аўто знаходзіцца ў вышуку, а ўнутры знайшлі наркотыкі і абсталяванне для ўзлому.
Пасля гэтага паліцыя вырашыла правесці ператрус у кватэры затрыманага - знайшлі газавы пісталет, некалькі мабільных тэлефонаў, планшэты, ключы, старажытную агнястрэльную зброю, касметыку.
Знойдзеныя рэчы і аўтамабіль былі канфіскаваныя і распачала расследаванне.
💥 «Белсат» па-беларуску – у Google News
🙌 Падпісвайцеся на нас (калі гэта бяспечна) і будзем разам прасоўваць беларускую мову ў Google!
Наша старонка ў Google News
💱 Курсы валютаў 11 студзеня
Долар і рубель патаннелі. Еўра нязначна падрос.
#курсывалютаў
🕵🏻 У Любліне па абвінавачванні ў шпіянажы судзяць беларуса
Па версіі абвінавачвання, 53-х гадовы Мікалай М. займаўся шпіянажам у інтарэсах Беларусі з 2018 года па 24 лютага 2023 года, піша RMF.FM. Ён збіраў інфармацыю аб авіяцыі на вайсковым аэрадроме ў Бялай-Падлясцы, а таксама звесткі пра чыгуначную інфраструктуру і перамяшчэнне вайсковай тэхнікі. Дапамагаў яму ў гэтым 59-гадовы паляк Бернард Ш.
Як піша выданне, мужчына віну прызнаў.
📚Чарнуха: Гвалт шматвектарны. Мая кніга - пра яго розныя адценні
У студзені 2025 года пабачыць свет новая кніга беларускага пісьменніка і журналіста Аляксандра Чарнухі – «Гвалт». У шчырай размове з «Белсатам» аўтар кажа, што гэтая кніжка – «для ўсіх і кожнага». Кніга пра сусвет, у якім ахвяра адначасова ёсць гвалтаўніком.
👉 Падрабязней
👆Еўразвяз дасць рэпрэсаваным беларускім навукоўцам гранты на даследаванні
ЕЗ абвясціў конкурс акадэмічных праектаў у межах праграмы «EU4Belarus – SALT III». Праекты з удзелам прынамсі аднаго беларускага навукоўца, пацярпелага ад палітычных рэпрэсіяў у Беларусі ад жніўня 2020 года, могуць прэтэндаваць на сумы ад 50 тысяч еўра.
Заяўкі прымаюць да 17 сакавіка 2025 года.
💥 #галоўнае за 10 студзеня
✔️У Віцебску знайшлі мёртвымі двух супрацоўнікаў міліцыі з агнястрэльнымі раненнямі. Праваабаронцы даведаліся, што адбылося
✔️У ноч на пятніцу ў Беларусі часова блакавалі YouTube і некаторыя сацсеткі
✔️У Польшчы падпалілі «дом на колах» беларускага эмігранта. Там ён жыў і працаваў
✔️Менск нарэшце пераводзяць на артэзіянскую ваду
✔️У міністэрстве адукацыі Польшчы паабяцалі беларускім дэмсілам, што будуць прызнаваць атэстаты аб сярэдняй адукацыі, выдадзеныя ў РБ
✔️Лукашэнкаўскія дэпутаты прапанавалі пашырыць пералік злачынстваў, за якія людзей можна судзіць завочна
✔️Справаздача праваабаронцаў да «выбараў»: менш выбарнікаў, менш участкаў, ананімныя камісіі
✔️Навошта Трамп робіць заявы пра анэксію Грэнландыі ды Канады? Гэта папулізм ці нешта большае? Разбіраемся з экспертам
✔️Страшныя пажары ў Лос-Анджэлесе ніяк не ўдаецца спыніць
✔️Валер Цапкала будзе судзіцца з аўстрыйскім «Raiffeisen Bank»
#рэпрэсіі:
▫️Затрыманы мінулай вясною супрацоўнік місіі Еўразвязу ў Менску атрымаў 4 гады калоніі
▫️Зноў будуць судзіць анархіста Мікіту Емяльянава, які знаходзіцца ў няволі з кастрычніка 2019-га
▫️У Менску затрымалі мужчыну, які сарваў перадвыбарчы агітацыйны плакат на прыпынку
▫️Распачаўся судовы працэс над японцам Наканісі Масатосі, якога вінавацяць у «агентурнай дзейнасці»
▪️Трагедыя ў асіповіцкім дзіцячым садку: 2-гадовы хлопчык памёр у часе вячэры
Сям'і забараняюць казаць пра здарэнне публічна.
☝️Чытайце падрабязней па спасылцы
🔹Ужо забыліся пра Валера Цапкалу? Ён нагадаў пра сябе: будзе судзіцца з аўстрыйскім «Raiffeisen Bank»
Цапкала заяўляе, што мае доказы датычнасці банку да канфіскацыі грошай з рахункаў беларускіх палітычных актывістаў.
📍Больш падрабязнасцей знойдзеце па спасылцы
🏴☠️ Рэжым набірае закладнікаў для абменнага фонду?
Прадстаўнік «BELPOL» Уладзімір Жыгар лічыць, што гандаль палітзняволенымі з Японіяй можа быць цікавым для рэжыму Лукашэнкі. Бо Японія – высокатэхналагічная краіна, якая вырабляе ўнікальную прадукцыю, патрэбную беларускаму ВПК для вытворчасці той ці іншай прадукцыі для расейскай арміі.
У каментары для «Белсату» прадстаўнік «BELPOL» адзначыў, што сітуацыя з затрыманнем і судом над японскім грамадзянінам выклікае шмат пытанняў. Падрабязней чытайце на нашай старонцы (праз VPN)
😡 Супрацоўнікі міліцыі актыўна наведваюць арэндныя кватэры ў розных гарадах Беларусі
Сілавікі просяць паказаць дагавор арэнды і цікавяцца, «што вы будзеце рабіць 26 студзеня», паведамляе тэлеграм-канал «МотолькоПомоги».
Візіты адбываюцца не выпадкова, а па спісах, у якіх пазначаныя наймальнікі ці ўладальнікі жылля, што раней затрымліваліся або знаходзяцца «пад наглядам».
#рэпрэсіі
📌 Расейскі гісторык Тамара Эйдэльман пачала серыю відэа па гісторыі Беларусі
І гэта вызвала сапраўдную буру ў каментарах. Але не з нагоды кантэнту, а з нагоды чырвона-зялёнага сцяга на вокладцы.
👉 Падрабязней
⚡️ Ва Украіне ўзялі ў палон першых вайскоўцаў КНДР
Адзін з палонных меў пры сабе ваенны білет расейскага ўзору, выдадзены на імя іншай асобы з рэгістрацыяй у Рэспубліцы Тува. Паводле яго словаў, дакумент яму выдалі ў Расеі восенню 2024 года. Другі - наогул быў без дакументаў.
👉 Палонныя запэўніваюць, што ехалі нібыта на вучэнні, а не на вайну, паведамляе Telegram-канал СБУ.
Вайскоўцаў даставілі ў Кіеў. Камунікацыя з імі адбываецца праз перакладчыка, бо хлопцы не валодаюць ні расейскай, ні ангельскай, ні ўкраінскай мовамі.
СБУ праводзіць у адносінах да палонных следства.
😳 Новы міністр культуры параўнаў некаторых жыхароў Захаду… з жывёлінамі
На думку Руслана Чарнецкага, людзі на Захадзе «следуют инстинктам, которые приведут их обратно в обезьянье состояние»
«Некоторые люди на Западе существуют исключительно на инстинктах, уподобляются животным. Величайший дар разума нам достался единственным на этой планете, а возможно, и не только на этой, мы точно не убедимся, пока не встретимся с другими разумными существами. Не пользоваться этим даром — грех»
🐱Знаёмцеся – каташэ Рангас, пухнаты супрацоўнік МЗС Літвы
Паўгода таму маленькі каточак зайшоў у ведамства ды там і застаўся – супрацоўнікі злавілі кацяня, накармілі, звадзілі да ветэрынара і пакінулі ў сябе.
Цяпер у каточка ёсць нават дыпламатычны ранг – каташэ (ад слова аташэ), і ён займаецца важнымі ініцыятывамі, напрыклад, зборам дапамогі для жывёлінаў з Херсону. Аднак з цягам часу незвычайнага супрацоўніка чакае кар'ерны рост, паведамляе выданне Delfi.
🧐«Цяпер гэта падобна на ўзыходжанне на Эвэрэст, а я стаю ў падножжа гары і гляджу ўверх, думаючы: «О Божа, што я на сябе ўзяў?»
Так галівудскі актор Джуд Лоў каментуе ролю, якую сыграе ў фільме «Крамлёўскі чараўнік» рэжысёра Алівіе Асаяса. У гэтым фільме Лоў будзе выконваць ролю Пуціна ў пачатку ягонай упраўленчай кар'еры.
Фільм будзе зняты паводле аднайменнага раману Джуліяна да Эмпалі, які атрымаў гран-пры Французскай акадэміі.
📌 Замежнікі цяпер змогуць уязджаць у Беларусь па расейскіх візах
11 студзеня 2025 года набыло моц адпаведнае пагадненне паміж краінамі.
У адпаведнасці з ім, бакі ўзаемна прызнаюць візы, якія даюць права на ўезд і знаходжанне на тэрыторыі Рэспублікі Беларусь і Расейскай Федэрацыі, а таксама адзнакі аб перасячэнні вонкавай мяжы Саюзнай дзяржавы.
👉 Падрабязней
🐣 Эстэр, Альвіан і Гінтарэ…Менскія ЗАГСы распавялі пра самыя рэдкія імёны мінулага года
Мы ўжо пісалі пра самыя папулярныя імёны, якімі беларускія бацькі называлі сваіх дзетак у 2024 годзе.
Цяпер жа работнікі сталічных ЗАГСаў распавялі пра самыя рэдкія.
У Фрунзенскім раёне самымі рэдкімі імёнамі былі Геральд, Дылан і Даніслаў. Сярод экзатычных варыянтаў для хлопчыкаў - Браам Азрыэль, Даніэль Джэдэна, Кай Дыяніс. Для дзяўчынак - Мішэль Мары, Эма Авіталь, Эстэр, Нефтида, Оліяна, Еўсевія, Дарафея, Луна, Матрона, Гінтарэ, Славяна, Радміла.
Агулам жа па Менску выбіралі яшчэ вось такія імёны: для дзяўчынак - Афіна, Акуліна, Айперы, Вэндзі, Іванна, Кайя, Хлоя, для хлопчыкаў - Альвіан, Бэнджамін, Вінцэнт, Даміян, Леброн, Марсэль, Рэджэп, Тарас, Элан.
☝️ Берасцейская і Віцебская вобласці вярнулі збор за выезд з Беларусі
Тэрмін дзеяння, на працягу якога будуць браць аплату за магчымасць пакінуць краіну, не ўказаны. Але чыноўнікі Віцебскай вобласці зрабілі яго бестэрміновым. На іх думку, «гэта даволі някепскі дадатковы рэсурс для развіцця вобласці».
👉 Каму можна будзе выехаць з Беларусі без аплаты збору, чытайце тут
😱 Карпенка абвінаваціў Бондараву ў «нацыяналістычных выпадах»
Вядомая даносчыца Вольга Бондарава звярталася ў Цэнтральную выбарчую камісію з патрабаваннем дадаць расейскую мову на бюлетэні выбараў-2025. Адказ яе абурыў: ЦВК адмовіла, а старшыня ЦВК, камуніст Ігар Карпенка раскрытыкаваў яе на старонках праўладнага выдання «СБ. Беларусь сегодня».
Карпенка параіў «прадстаўнікам грамадскасці», якія «расхістваюць моўнае пытанне ўльтыматыўнымі патрабаваннямі», «крыху свае асабістыя амбіцыі адсунуць на задні план». Ён раслумачыў, што ў Беларусі дзве дзяржаўныя мовы, якімі грамадзяне таксама маюць валодаць, а ЦВК выканала ўсе патрабаванні законаў, скарыстаўшыся адной з дзяржаўных моваў.
Вітаем тых, хто ўжо прачнуўся!
Не ведаеце, што пачытаць раніцою? Прынеслі вам тры найбольш цікавыя матэрыялы «Белсату», які вы маглі прапусціць:
✔️Выбарнікаў зрабілася менш, а кіраваць працэсам будуць ананімы
Праваабаронцы «Вясны» падрыхтавалі справаздачу пра ўтварэнне ўчастковых камісіяў на прэзідэнцкіх выбарах. Расказваем пра галоўнае з дакументу.
✔️Што рабіць, калі ў Беларусі «запаволяць» YouTube?
«Белсат» расказвае, як падрыхтавацца да «запаволення»: ёсць некалькі шляхоў доступу да YouTube з абыходам перашкодаў.
✔️«Нармалізуе пазіцыю Пуціна»
Навошта Трамп захацеў анексаваць Грэнландыю?
#штопачытаць
🔹Трамп вызвалены ад пакарання па «справе порнаакторкі», аднак віну з яго не знялі
У сваёй сацсетцы Truth Social Трамп выказаў незадаволенасць такім вынікам: «Не было ніякай справы, няма ніякай справы, усё гэтае махлярства мае быць скасаванае».
🔍 Чытайце падрабязнасці на старонцы
🖼 Аўкцыённы дом Sotheby's шукае пакупніка для рэдкай карціны Марка Шагала
Таргі пройдуць 18 студзеня ў Сінгапуры. З малатка пойдзе мастацкі твор пад назваю «La danse autour de la corbeille» («Танцы вакол кошыка»). Шагал стварыў яго ў 1975 годзе і прысвяціў сваёй апошняй жонцы - Валянціне Бродскай. На адваротным баку карціны маецца надпіс, які сведчыць акурат пра гэта: «Дорогой Ваве в день нашей свадьбы. С любовью, Марк».
Карціна ацэньваецца прыкладна ў $2 мільёны.
🔴 «Аб’ектыў» – галоўныя падзеі дня!
У сённяшнім выданні:
🔸У Беларусі блакавалі YouTube і сацсеткі. Ці гэта пачатак рыхтавання ўладаў да выбараў?
🔸У Віцебску падчас службы загінулі два міліцыянты. Чаму МУС традыцыйна хавае здарэнні, звязаныя са смерцю сілавікоў?
🔸Аппаратчыкі рыхтуюцца да выбараў сваім чынам. Абвясцілі новую кампанію – «Я член выбаркаму і ганаруся гэтым».
🔸Падсумуем вынікі візіту Святланы Ціханоўскай у Варшаву.
🔸У Менску пачалі судзіць грамадзяніна Японіі Наканісі Масатосі.
Далучайцеся да нашага эфіру ⤵️
https://www.youtube.com/watch?v=GY-0PoCsruU