42763
Тэлеканал Белсат Даслаць навіну, фота ці відэа: @BelsatBot Расейскамоўны рэгіянальны ТГ @BelsatRu
📺 Навіны за 5 хвілін
✔️ Адсправаздачыцца Лукашэнку да пятніцы: Крутой загадаў знайсці вінаватых у пажары ў віцебскім ГЦ «Беларусь»
✔️ Амбасада Беларусі ў Сірыі прыпыніла працу, дыпламатаў адклікалі ў Менск
✔️ Восем чалавек пацярпелі ў выніку дарожна-транспартавага здарэння ў Валожынскім раёне
✔️ Скарга на ўмовы перавозкі пасажыраў у маршрутцы скончылася пратаколам для самой пасажыркі
✔️ Усіх 14 чалавек экіпажу другога танкера ў Керчанскім праліве выратавалі
✔️ У Маёце разбіраюць завалы пасля таго, як архіпелаг у Індыйскім моры зазнаў наступства цыклону Шыдо
✔️ Навагодняя аздоба ледзь не каштавала жыхарцы Беразіна жыцця. У кватэры адбыўся пажар праз кароткае замыканне гірлянды
✔️ Сярод водарасцяў і рыбаў Сіетлаўскага акварыуму можна пабачыць незвычайнага жыхара — Санта-Клауса
Глядзіце ў кароткім выданні навін на Белсаце 💻
😉 Санкцыі, санкцыі – ад Еўразвязу прывет... Санкцыі, санкцыі... 15 пакет!
Еўразвяз прыняў чарговы пакет санкцыяў, у які ўключаныя 54 асобы і 30 кампаніяў з Расеі, Кітаю і КНДР.
Гэты пакет дапаўняе ўжо існы спіс новымі фізічнымі і юрыдычнымі асобамі ды накіраваны супраць арганізацыяў у Расеі і ў іншых краінах за яе межамі, якія ўскосна спрыяюць вайсковаму і тэхналагічнаму ўзмацненню Расеі шляхам абыходу экспартных абмежаванняў.
Згодна з гэтым пакетам, больш як 50 танкерам расейскага «ценявога флоту» будзе забаронена ўваходзіць у парты ЕЗ і карыстацца паслугамі еўрапейскіх кампаніяў.
😱Вецер, які спрабуе скрасці Каляды
Моцны вецер паваліў ялінкі ў некалькіх гарадах.
Што адбываецца, глядзіце ў нашым відэа.
🥂 Святкуем Новы Год разам!
Чаму варта далучыцца да Навагодняга вечару на «Белсаце» і што вас чакае, распавёў вядоўца Дзяніс Дудзінскі.
Паслухайце!
🚐 У Валожынскім раёне маршрутка трапіла ў ДТЗ. Пацярпелі 8 чалавек
Здарэнне адбылося сёння каля 9-й раніцы на 27-м кіламетры дарогі Пяршаі – Івянец – Нясвіж, якая пралягае ў Валожынскім раёне, паведамляе МУС Беларусі.
66-гадовы кіроўца маршрутнага таксі не справіўся з кіраваннем і з’ехаў у кювет. У выніку аварыі мікрааўтобус перакуліўся.
У выніку восем чалавек з рознымі траўмамі былі дастаўленыя ў лякарню.
Як паведамляецца ў тэлеграм-канале МУС, на задняй восі маршруткі былі ўсталяваныя шыны, вышыня пратэктара якіх была ніжэйшай за дапушчальны.
📍Ізраіль наносіць ракетныя ўдары па былых расейскіх базах у Сірыі
У ноч з 15 на 16 снежня ізраільская армія нанесла некалькі ўдараў па складах ракет і зброі ў сірыйскім партовым горадзе Тартус, у якім раней размяшчалася ваенна-марская база Расеі, паведамляе The Jerusalem Post.
Акрамя таго, моцныя выбухі фіксуюцца ў Латакіі, а таксама ў правінцыях Хама і Хомс. Для выкарыстання для ўдараў Ізраіль выкарыстаў баявую авіяцыю.
Добрага панядзелку, сябры!
Мы вам прынеслі ранішнюю прэсу: сабралі найбольш цікавыя матэрыялы «Белсату», які вы маглі прапусціць:
🔸Новая ўлада, расейцы сыходзяць, не прымаюць грошы з Асадам
Журналістка распавяла «Белсату» пра падзеі ў Сірыі.
🔸Унучка Шушкевіча: Сказала б сёння дзядулю, што ён заўсёды меў рацыю
Якім Шушкевіч быў у стасунках з найбольш блізкімі людзьмі, пра што размаўляў з імі, чаму вучыў. Менавіта пра гэта «Белсат» спытаў ва ўнучкі вядомага палітыка Станіславы Гліннік.
🔸«Кампенсацыя за паразу ў Сірыі»
Мядзведзеў намякнуў на анексію Расеяй «новых рэгіёнаў».
#штопачытаць
«Я асабіста наведвала турму „Седная“ – адну з найбуйнейшых і найбольш жорсткіх турмаў для сірыйцаў»
Што цяпер адбываецца ў Сірыі? Пра гэта нам распавяла журналістка вайсковая карэспандэнтка RAI Адзура Мэрынголё👆
🔍 Чытайце на старонцы
💥 СТРЫМ. Нядзельнае вечаровае шоу «Тыдзень»
У сённяшнім выданні:
🔸Як растуць даўгі сяльгаспрадпрыемстваў на Гомельшчыне.
🔸Як выглядае Cірыя ў першыя дні пасля падзення рэжыму? Як выходзіць праўда пра масавыя забойствы і катаванні.
🔸Паразмаўлялі з нядаўна прызначаным старшынём парламенцкай групы «За вольную Беларусь» - Гжэгожам Схетына.
🔸Чарговае самагубства рэпрэсіраванай асобы.
🔸Падсумуем беларускі тыдзень у Брусэлі.
🔸Што Беларусь шукае ў Кітаі?
Далучайцеся да нашага эфіру! 🔽
https://www.youtube.com/watch?v=ir0aWJ95aV0
📢 Не паспелі ўсачыць за навінамі на выходных?
У нас маецца дадатковы канал з максімальна сціслым апісаннем асноўных падзей ➡️ (НЕ)АПОШНІЯ НАВІНЫ.
Вынікі дня, падборкі найлепшых і найважнейшых матэрыялаў. Абяцаем не спаміць, далучайцеся да @vynikidnia
#галоўнае
😮 Два расейскія танкеры ў Керчанскім праліве проста разламала хвалямі
«Волгонефть-212» і" Волгонефть-239′ пацярпелі ад моцнага шторму. Першы з іх разламаўся напалову і сеў на мель, другі — атрымаў пашкоджанні і лёг у дрэйф.
На борце кожнага судна магло знаходзіцца да 15 членаў экіпажа і больш за чатыры тысячы тон нафтапрадуктаў — у прыватнасці, мазуту. МНС Расеі ўжо пацвердзіў гібель аднаго марака, 13 былі выратаваныя.
Танкер «Волгонефть-212» належаў расійскай кампаніі «Кама Шиппинг» з шматмільённымі абавязкамі. Раней яе штрафавалі за адсутнасць на борце неабходных выратавальных сродкаў.
Мазут, які знаходзіўся ў трумах разламанага напалову судна «Волгонефть-212», здольны знішчыць марскія экасістэмы — рыб і птушак. Тысячы тон, якія могуць трапіць у ваду, здольныя прывесці да бедства, ліквідацыя наступстваў якога зойме месяцы.
👽 Нашай планетай ужо зацікавіліся іншапланетнікі?
Проста паглядзіце, што ўжо лётае ў небе над ЗША
🤬 Расея не спыняе начныя атакі на Украіну
Мінулай ноччу расейскія войскі запусцілі па Украіне 108 «шагэдаў» і адну зенітную ракету С-300. 56 беспілотнікаў былі збітыя, 49 – «лакацыйна страчаныя».
56 дронаў збітыя. Іх знішчалі ў Чарнігаўскай, Сумскай, Кіеўскай, Палтаўскай, Чаркаскай, Хмяльніцкай, Мікалаеўскай, Харкаўскай і Днепрапятроўскай вобласцях:
«Праз падзенне збітых беспілотнікаў пашкоджаны аб'ект інфраструктуры, шматкватэрныя і прыватныя будынкі, аўты і маёмасць грамадзянаў у некалькіх рэгіёнах Украіны. Пацярпелым надаюць дапамогу».Читать полностью…
Беспілотнікі зноў напалі на рэгіён Кадырава
У сталіцы Чачэніі чуюцца выбухі. Дроны атакавалі базу АМАПу, 2-гі полк МУС і ваенную базу, адкуль накіроўваюць на вайну ва Украіну.
Гэта ўжо другі напад БПЛА на Грозны за гэты тыдзень. 12 снежня Кадыраў паведаміў пра збіццё ўкраінскага беспілотніка, абломкі якога ўпалі на тэрыторыю палка паліцыі і паранілі чатырох чалавек.
Першы напад дронаў на Чачэнію адбыўся 29 кастрычніка, калі пад удар трапіў універсітэт спецназу імя Пуціна.
Давераная асоба Ціханоўскай выйшла на свабоду
Палітзняволеная Антаніна Канавалава вызвалілася датэрмінова па памілаванні. Пра гэта напісала ейная маці ў сацсетках.
Антаніну затрымалі ў верасні 2020-га і прысудзілі ёй 40 базавых велічынь за ўдзел у мірных пратэстах. Пасля суда жанчыну не адпусцілі, а распачалі крымінальную справу за дзейнасць у тг-канале «Армія з народам». Пазней быў затрыманы і ейны муж.
Беларуску асудзілі ў 2021 годзе на пяць з паловай гадоў калоніі. Яе таксама ўключылі ў спіс асоб, датычных да «экстрэмісцкай» і «тэрарыстычнай» дзейнасці. Мужу Антаніны спачатку прызначылі такое ж пакаранне, але пазней дадалі яшчэ 9 месяцаў. На волі іх чакалі двое дзяцей.
Падчас зняволення беларуска атрымала інваліднасць 3-й групы па зроку.
❗️КДБ зноў палюе на сем’і палітвязняў і былых зняволеных
Праваабаронцы паведамляюць, што ўжо некалькі дзён запар атрымліваюць паведамленні пра затрыманні і вобшукі ад такіх сем’яў. Таксама людзі атрымліваюць пагрозы і сутыкаюцца з канфіскацыяй тэхнікі.
Апошні «рэйд» па сем’ях палітзняволеных быў у мінулым месяцы і скончыўся шматлікімі крымінальнымі справамі за «Здраду дзяржаве» і «Сайдзейнічанне экстрэмісцкай дзейнасці».
🤔Як кавалачак тканіны стаў сімвалам Радзімы?
«Перажыўшы эміграцыю, змяніўшы тры краіны і пабачыўшы вайну, я папрасіла перадаць мне з Радзімы гэты маленькі кавалачак тканіны»
💱 Курсы валютаў 16 снежня
Долар і еўра зноў патаннелі, а расейскі рубель працягнуў рост.
#курсывалютаў
❗️У судзе над забойцам беларускі ў Варшаве выступяць псіхіятры, сексолаг і таксіколаг
Сёння ў Акруговым судзе Варшавы адбудзецца другое пасяджэнне ў справе Дор’яна С., абвінавачванага ў згвалтаванні і забойстве беларускі Лізы.
Як паведамілі «Белсату» ў прэс-службе Акруговага суда Варшавы, частка працэсу пройдзе ў закрытым рэжыме:
«Суд закрыў пасяджэнне для публікі для заслухоўвання экспертаў: таксіколага, псіхіятраў і сексолага, а таксама найбліжэйшых сваякоў абвінавачванага Дор’яна С.».Читать полностью…
Беларускія дыпламаты пакінулі амбасаду ў Сірыі
У МЗС вываз амбасадараў у Менск патлумачылі сітуацыяй, якая склалася ў краіне іх знаходжання.
«Амбасадар у Сірыі Юрый Слука некаторы час будзе ў сталіцы на кансультацыях, па выніках якіх плануецца правесці паглыбленую ацэнку сітуацыі», – паведамляе тэлеграм-канал прэс-службы беларускага МЗС.Читать полностью…
🍾 А мы працягваем адкрываць наш святочны адвэнт-каляндар! Сёння – Андрэй Стрыжак
У акенцы № 16 нашага святочнага календара — Андрэй Стрыжак, праваабаронца, сузаснавальнік і кіраўнік фонду салідарнасці «BYSOL», які дагэтуль дапамагае пільна вывозіць з Беларусі людзей, што трапілі пад пераслед. За сваю дзейнасць атрымаў ад уладаў Беларусі рэкордную колькасць крымінальных артыкулаў – 17.
13 шчырых адказаў спадара Андрэя чытайце на нашай старонцы
💥 #галоўнае за 15 снежня
✔️ Давераная асоба Ціханоўскай Антаніна Канавалава выйшла на свабоду
✔️ Беспілотнікі зноў напалі на рэгіён Кадырава
✔️ 90 гадоў магло б споўніцца сёння Станіславу Шушкевічу
✔️ У Вільні з’явіцца помнік Барбары Радзівіл і Жыгімонту Аўгусту
✔️ Прэзідэнт Украіны ўзнагародзіў беларускіх ваяроў
✔️ Літва і Эстонія ўвялі санкцыі супраць прэм'ера і іншых чыноўнікаў Грузіі
✔️ Праз пажар у ГЦ «Беларусь» пацярпелі 20 чалавек, адна жанчына ў цяжкім стане
#рэпрэсіі:
▪️Адміністратара Telegram-чата «Propovednik» будуць судзіць за «экстрэмізм»
▪️Палітвязня Акіхіру Гаеўскага-Ханаду перавялі на турэмны рэжым
⬜️🟥⬜️ Сёння нарадзіўся Станіслаў Шушкевіч — першы кіраўнік незалежнай Беларусі
Ён быў адным з тых, хто падпісаў Белавежскае пагадненне, якое спыніла існаванне СССР. Пасля яго да ўлады прыйшоў Лукашэнка, які дагэтуль утрымлівае ўладу з выкарыстаннем рэпрэсій, фальсіфікацый і падтрымкай Расіі.
Узгадваем Станіслава Шушкевіча ў нашым відэа👆
🤭 Блогер Андрэй Павук вырашыў дапамагчы звольненаму прапагандысту з Рагачова знайсці працу
Паглядзіце, што адказалі яму чыноўнікі.
❗️ Прэзідэнт Украіны ўзнагародзіў беларускіх ваяроў
Байцы палка Каліноўскага атрымалі ўзнагароды за абарону Украіны.
🤔 У Вільні з’явіцца помнік Барбары Радзівіл і Жыгімонту Аўгусту
Помнік мае паўстаць у дворыку бібліятэкі Урублеўскіх Літоўскай акадэміі навук у Вільні. Бібліятэка праводзіла конкурс на лепшы помнік і сярод 25 ідэяў выбралі ідэю скульптара Гедымінаса Пяркунаса.
— Здаецца, ён трансфармуе Шэкспіраўскі міф пра Рамэа і Джульету, нагадваючы лёс Барбары і Жыгімонта, каханне, смерць і жыццё паміж імі <…>. Твор мае ў роўнай меры як нацыянальныя, так і касмапалітычныя рысы. На першы погляд ён правакуе, задае шмат пытанняў, таму, не сумняюся, выкліча цікаўнасць і заінтрыгуе як віленчукоў, так і гасцей сталіцы, але ў той жа час гэты твор будзе зразумелы літоўцу, французу, бразільцу, японцу — і гэта ўжо вечная каштоўнасць твора мастацтва, яго ўстойлівасць да часу і гістарычнасці, — пракаментаваў працу пераможцы член экспертна-спецыялісцкай камісіі, журналіст Валдас Пуцейкіс.
☝️ «Дзякуючы яму Беларусь зрабілася незалежнаю»: Ціханоўская – да 90-годдзя з дня нараджэння Шушкевіча
«Першы кіраўнік незалежнай Беларусі, навуковец, палітык – ён стварыў падмурак незалежнасці нашае Радзімы і ўсё жыццё працаваў, каб пераўтварыць Беларусь у свабодную і дэмакратычную краіну», – адзначаецца ў заяве Святланы Ціханоўскай з нагоды 90-годдзя з дня нараджэння Станіслава Шушкевіча.
«Ён заўсёды ставіў інтарэсы краіны і народу вышэй за ўласныя – і да апошніх дзён жыцця змагаўся, каб Беларусь рухалася дэмакратычным шляхам. Для Шушкевіча было крытычна важна захаваць для рэспублікі яе непаўторную культуру, гісторыю і спыніць бясконцы ціск русіфікацыі».Читать полностью…
☝️ Сёння першаму кіраўніку незалежнай Беларусі Станіславу Шушкевічу магло б споўніцца 90 гадоў
Менавіта ён быў адным з тых, хто падпісаў Белавежскія пагадненні, дзякуючы якім спыніў сваё існаванне СССР. А яшчэ пры ім Беларусь была краінаю з рынкавай эканомікай і свабодай слова.
Станіслаў Шушкевіч меў званне прафесара, уваходзіў у склад камісіі, што расследавала чарнобыльскую катастрофу.
Сярод цікавых фактаў пра палітыка яшчэ і тое, што Лукашэнка настолькі яго не любіў, што загадаў прызначыць Шушкевічу пенсію ў 1 долар.
✅ А вось тут можна пачытаць успаміны ягонай унучкі Станіславы Гліннік пра выбітнага дзеда.
🌶 А вы заўважылі, што чылі стаў губляць вастрыню?
Ён стаў больш мяккім на смак праз экстрэмальную змену клімату ў асноўных рэгіёнах, дзе яго вырошчваюць, піша агенцтва Bloomberg.
Вастрыня перцу чылі залежыць ад алкалоідаў, якія выклікаюць пачуццё спякоты, пры гэтым больш гарачыя і сухія ўмовы звычайна ўзмацняюць вастрыню. Дык вось, высветлілася, што ідэальныя ўмовы для вырошчвання становіцца ўсё цяжэй знайсці з-за такіх экстрэмальных з’яў надвор’я, як засуха, паводкі і ліўні.
«Калі ўраджай паглынае шмат лішняй вільгаці, ён аддае яе ў мякаць плоду перцу чылі. Раптам вастрыня становіцца разбаўленаю»,
❤️ Сёння ў адвэнт-календары «Белсату» – Алена і Міхась Зуі
Выканаўца знакамітай «Шчучыншчыны» разам з акторам канала «ЧынЧынЧэнэл» распавядаюць пра тое, што самае шчаслівае адбылося з імі ў 2024 годзе, які ў іх быў галоўны правал і што б яны параілі сабе 15 гадоў таму.
Шчырыя адказы гэтага цудоўнага дуэту чытайце ПА СПАСЫЛЦЫ (праз VPN)