42763
Тэлеканал Белсат Даслаць навіну, фота ці відэа: @BelsatBot Расейскамоўны рэгіянальны ТГ @BelsatRu
🎄 Слухай сваё! Беларускія калядныя песні
Сабралі для вас шорт-ліст беларускіх калядных ды навагодніх песень сучасных беларускіх музыкаў.
❄️ Vinsent −Не заўжды
❄️ Ігар Варашкевіч ("Крама") і Apple Tea − З Новым Годам
❄️ Зьміцер Вайцюшкевіч − На Каляды
❄️ Зміцер Вайцюшкевіч & РСП − Валёначак святога Мікалая
❄️Зміцер Вайцюшкевіч − Калядка
❄️ В. Круглова, З. Вайцюшкевіч, А. Памідораў − Шчодры вечар, святы вечар
А калі гэтага будзе мала, то вось вам топ-10 беларускіх калядных спеваў🎤
#штопаслухаць
У Віленскай катэдры знайшлі карону, у якой хавалі Барбару Радзівіл
Імаверна, каштоўнасці былі схаваныя ў катэдры ў 1939 годзе на пачатку Другой сусветнай вайны.
Сярод самых значных знаходак ‒ карона Барбары Радзівіл, жонкі вялікага князя літоўскага і польскага караля Жыгімонта Аўгуста. Разам з каронай знаходзіліся скіпетр, дзяржава (імперскі яблык), тры пярсцёнкі, ланцуг, якія належалі Барбары, і дзве шыльды з яе труны.
Пошук каштоўнасцяў вёўся з дапамогай эндаскапічнай камеры праз калодзежы, расколіны і пусткі. Інфармацыя пра тайнік базавалася на міжваенных і сучасных малюнках сутарэнняў ды сведчаннях відавочцаў.
😡 35 тысяч долараў — гэткія прэміі Лукашэнка раздае сваім падначаленым
Атрымаў такі бонус да заробку і Іван Галаваты, які ў 2024-м кіраваў падсанкцыйным прадпрыемствам «Беларуськалій». Мужчына на працягу чатырох гадоў быў адказны за рэпрэсіі супраць шахцёраў.
Дарэчы, паводле ўладаў, сярэдні заробак у Беларусі складае $671 у месяц. Тыя, хто служыць Лукашэнку, атрымліваюць яшчэ і трошкі больш.
📌 Ганна Красуліна: Офіс Святланы Ціханоўскай не меў дачынення да прызначэння дырэкцыі «Белсату»
Ганна Красуліна, прэс-сакратарка Святланы Ціханоўскай, дала асабісты каментар наконт заявы журналіста «Белсату» Сяргея Падсасоннага аб дачыненні Офісу да прызначэння дырэктароў каналу, якую ён зрабіў у сваім Facebook учора.
Офіс Святланы Ціханоўскай не меў дачынення ні да прызначэння Аляксея Дзікавіцкага у сакавіку 2024 году, ні Аліны Коўшык у лістападзе 2024 году кіраўнікамі Белсату. Гэта было рашэнне польскага тэлебачання, да якога фармальна належыць і Белсат. Гэтаксама мы ніколі не ўмешваліся ў пытанні ўнутранай ці рэдакцыйнай палітыкі Белсату, і не каментавалі унутраныя працэсы, незалежна ад таго, хто быў кіраўніком каналу.
🤦♀️ Давераная асабо Канапацкай выказаўся пра падзеі 2020-ага
Ілля Добратвор — актывіст БНФ, які доўгі час жыве ў Польшчы. Ён называе мірныя пратэсты памылкай, крытыкуе дэмсілы і кажа, што да яго звяртаюцца беларусы. Паслухаце!
❓ Адкуль у дэмакратычных сілаў грошы
Большасць грошай застаецца ўнутры тых жа краінаў, што іх вылучаюць
«Дэмсілы на гэта ўплываць не могуць»
▶️ Больш падрабязна глядзіце ў праграме «Тыдзень»
🤡 Эйсмант: У Колі Лукашэнкі ёсць асабісты кантакт Зяленскага
Прэс-сакратарка Лукашэнкі Наталля Эйсмант пракаментавала РБК заяву Зяленскага аб тым, што дыктатар прасіў у яго прабачэння.
З яе словаў, гэтая размова ўвогуле адбылася праз эмацыйную рэакцыю Колі Лукашэнкі, «у якога ў тэлефоне быў асабісты кантакт Зяленскага». А дыктатар увогуле абвінаваціў Зяленскага ў тым, што «менавіта яму па сканчэнні часу прыйдзецца больш, чым каму-небудзь адказваць за гібель людзей», бо канфлікт разгарэўся на «тэрыторыі Зяленскага».
«Менавіта таму наш прэзідэнт заклікаў сесці за стол перамоваў, што і было зроблена: тры раўнды перамоваў у Беларусі і затым Стамбул (...) Ніякіх выбачэнняў Прэзідэнт Беларусі Зяленскаму не прыносіў, з той простай прычыны, што прасіць прабачэння нам няма за што»Читать полностью…
📌 90 аўтобусаў у чарзе на Польшчу, а машыны чакаюць амаль трое содняў
Пасля святкавання Новага года беларусы масава сталі вяртацца ў Еўропу.
Вандроўцы распавялі «Белсату», што на пункце пропуску «Берасце» у бок Польшчы аўтобус перад беларускім шлагбаумам стаяў каля 9 гадзін, каб трапіць на праверку да памежнікаў.
Паводле суразмоўцаў і польскі бок працуе вельмі павольна. Пасля 9 гадзін чакання да беларускага пункта пропуску, трапіць да палякаў атрымалася толькі праз 7 гадзін.
🎤 Хочаце заспяваць на Каляды па беларуску, але апроч Купалінкі нічога не ведаеце?
Мы выбралі найлепшыя беларускія народныя песні для навагодняга стала і зрабілі да іх субтытры, каб вы маглі заспяваць іх разам з нашымі цудоўнымі гасцямі.
Запрашаем на каляднае караоке з «Мова нанова»!
🦚 Жыхары шматпавярховіка на вуліцы Паштовай у Барысаве ўбачылі ў сябе на акне паўліна
Яны апублікавалі фота ў Instagram, і гаспадары птушкі хутка знайшліся.
Мясцовыя медыя раней ужо расказвалі пра рэдкіх птушак у дамах мінакоў. Напрыклад адзін мясцовы жыхар разводзіць качак-мандарынак. А іншы трымае дома паўліна-альбіноса.
❗️ «Хамас» зацвердзіў спіс з 34-х закладнікаў для вызвалення
The Times of Israel піша, што гаворка ідзе пра 23 жанчыны і 11 мужчынаў да 50 гадоў, якія, магчыма, знаходзяцца ў цяжкім стане.
Гэтых людзей могуць выпусціць пры дасягненні пагаднення аб спыненні агню з Ізраілем, паведаміў прадстаўнік руху агенцтву Reuters. Паводле яго, «Хамас» мае намер настойваць на поўным спыненні баявых дзеянняў, а не часовым рэжыме спынення агню.
Аднак Ізраіль сцвярджае, што «Хамас» спісу закладнікаў не падаў.
👉 25 снежня 2024 года «Хамас» абвінаваціў Ізраіль у вылучэнні новых умоў па вывадзе войскаў з сектара Газа, спыненні баявых дзеянняў і абмене палоннымі. У адказ Ізраіль заявіў, што менавіта рух ускладняе дасягненне ўгоды, адмаўляючыся ад раней прынятых дамоўленасцяў.
😳 У Варшаве можа адбыцца пікет у падтрымку Канапацкай
Актывіст БНФ Ілля Дабратвор, які доўгі час жыве ў Польшчы, раней здзівіў усіх, што стане даверанай асобай кандыдаткі Канапацкай. Цяпер ёе анансаваў мітынгі ў ейную падтрымку за мяжой:
«Мы будзем праводзіць пікеты ў Варшаве, можа, з «нармальнымі» польскімі партыямі (напрыклад, з «Канфедэрацыяй») зробім пікет, каб звярнуць увагу да гэтай праблемы. Польскія улады першымі павінны «закінуць тый мяч» і зняць санкцыі, якія б’юць не па ўладзе, а па простым беларусам».
Чаму ён вырашыў падтрымліваць менавіта яе, як ацэньвае 2020-ы год і што кажа па дзейнасць сённяшніх дэмакратычных сілаў – чытайце ПА СПАСЫЛЦЫ (праз VPN)
Куды ўсё ж такі ідуць грошы Захада для апазіцыі?
2024-ы скончыўся гарачымі спрэчкамі пра сродкі, прызначаныя на падтрымку беларусаў. Высветлілася, што значная іх частка ідзе на беларускі бізнес за мяжой. А колькі тады застаецца палітвязням?
Белсат паспрабаваў разабрацца, пра якія сумы ідзе гаворка і хто ўвогуле кантралюе гэтыя фінансавыя патокі? Пачытайце ПА СПАСЫЛЦЫ (праз VPN)
💥 #галоўнае за 5 студзеня
✔️ Беларусы ў два разы часцей пачалі бываць у Тайландзе
✔️ Падаць заяўку на нямецкую візу цяпер можна онлайн
✔️ Беларусы заклікаюць улады Літвы расследаваць антыбеларускія нападкі
✔️ 921 год з дня народзінаў Еўфрасінні Полацкай
✔️ У Кітаі - зноў ўспышка вірусу, які паражае дыхальныя шляхі
✔️ Беларусы за дапамогай ШІ стварылі нейрамадэль агучкі на беларускай мове
✔️ У Джэка Нікалсана ўдома вісіць карціна Хаіма Суціна
✔️ Беларус усталяваў рэкорд у скоках з парашутам у тэхніцы HALO
✔️ Журналіст Сяргей Падсасонны ўслед за Ігарам Кулеем пакідае Белсат
#рэпрэсіі:
▪️ Мінулы год выдаўся яшчэ больш рэпрэсіўным, чым два папярэднія
▪️ Беларускага вайскоўца судзяць за знявагу Лукашэнкі
🤦♀️ Жанчын заблюрылі на фотаздымках з сустрэчы з новым кіраўніком Сірыі
Навінавыя каналы Сірыі, блізкія да новых уладаў, апублікавалі фота візіту кіраўніцы МЗС Германіі Анналены Бэрбак. Палітык на іх зарэтушаваная.
Пры гэтым яе французскі калега застаўся без рэтушы, як і іншыя мужчыны на здымках.
🥴 Таксама новы кіраўнік Сірыі адмовіўся паціснуць руку Бэрбок. Верагодна праз тое, што яна жанчына.
Дарэчы заблюраныя апынуліся і іншыя жанчыны, якія прысутнічалі на гэтай сустрэчы. Меркавана, гэта перакладчыцы.
💥 #галоўнае за 6 студзеня
✔️ Куды ідуць грошы Захаду для апазіцыі?
✔️ Зяленскі заявіў, што Лукашэнка выбачаўся за ракеты з тэрыторыі Беларусі
✔️ Эйсмант: Ніякіх выбачэнняў Прэзідэнт Беларусі Зяленскаму не прыносіў
✔️ Чыгуначнікі будуць паведамляць сілавікам пра замежнікаў і тых, хто фатаграфуе цягнікі
✔️ Над Беларуссю зноў лёталі як мінімум восем «шагэдаў»
✔️ З хакейных зборных Беларусі і Расеі могуць зняць санкцыі
✔️ Спартовыя санкцыі - адныя з самых балючых для рэжыму
✔️ «Хамас» зацвердзіў спіс з 34-х закладнікаў для вызвалення
✔️ Ільхам Аліеў патрабуе пакарання вінаватых у Расеі за крушэнне рэйсу «Азербайджанскіх авіяліній»
✔️ У Варшаве можа адбыцца пікет у падтрымку Канапацкай
✔️ Ганна Красуліна дала асабісты каментар наконт заявы Сяргея Падсасоннага пра дачыненне Офісу да выбару дырэкцыі каналу
✔️ У Віленскай катэдры знайшлі карону, у якой хавалі Барбару Радзівіл
#рэпрэсіі:
▪️ МУС абавязаў чыгуначнікаў паведамляць пра замежнікаў і тых, хто фатаграфуе цягнікі
▪️ У Беларусі за год было амаль 1,5 тысячы судоў наконт прызнання інфармацыі «экстрэмісцкаю»
📝 Чыгуначнікі будуць паведамляць сілавікам пра замежнікаў і тых, хто фатаграфуе цягнікі
Супрацоўнікі беларускай чыгункі цяпер абавязаныя паведамляць у міліцыю пра людзей, якія фатаграфуюць ці здымаюць на відэа чыгуначныя шляхі, інфраструктуру, цягнікі.
Асобна МУС прапісвае неабходнасць інфармаваць «пра грамадзянаў іншых дзяржаваў, якія выклікаюць падазрэнне сваімі паводзінамі, у тым ліку тых, хто праяўляе цікавасць, звязаную з працай чыгуначнага транспарту».
Гэтыя патрабаванні вынікаюць з дакументу, які трапіў у распараджэнне Супольнасці чыгуначнікаў Беларусі. Абавязак інфармавання ўводзіцца ў сувязі з блізкім правядзеннем «выбараў».
🔴 «Аб’ектыў» – галоўныя падзеі дня!
У сённяшнім выданні:
🔸Пагаворым пра расейскія беспілотнікі ў небе над Беларуссю
🔸Абмяркуем тэлефанаванне Лукашэнкі Зяленскаму
🔸Паглядзім на вынікі палітычнага пераследу ад праваабаронцаў
🔸Другі дзень актывізацыі ўкраінскага наступу ў Курскай вобласці Расеі. Сорак два баявых сутыкненні за содні - паведамляюць у Генштабе ЗСУ. Між тым у Данецкай вобласці сітуацыя для абаронцаў складаная
🔸Святар, які не змаўчаў падчас гвалту і беззаконня. Свой 50-гадовы юбілей адзначае сёння ксёндз Вячаслаў Барок
Далучайцеся да нашага эфіру ⤵️
https://www.youtube.com/live/WIwhMYe4vQQ
☝️ Спартовыя санкцыі аказаліся адным з самых балючых фактараў уздзеяння на беларускія ўлады
Гэтак лічыць кіраўнік Беларускага фонду спартовай салідарнасці Аляксандр Апейкін.
На яго думку, менавіта спорт можа стаць «прадметам палітычнага размену» пасля «выбараў» 26 студзеня.
Апейкін мяркуе, што памылка дэмакратычнага руху Беларусі - недаацэньванне спартыўных санкцый і выключэнне гэтага пытання з павесткі дня ў дыялогу з Еўракамісіяй і ЗША.
👉 Падрабязней
😢 «Знявага да гісторыі ў паваенны час адгукаецца ў сучасных стратах беларускае спадчыны»
Многія гарады і вёскі Беларусі стаяць ужо тысячы гадоў. Аднак, нажаль, слядоў даўніны ў іх не знойдзеш – яны або зруйнаваныя, або прыхаваныя.
👉 Cайт «VEHA» з архіваў па ўсім свеце сабраў калекцыю здымкаў «Руіны Беларусі», каб апавесці пра страты нашай краіны.
📊 🤑 Менск таннейшы за Варшаву, але даражэйшы за Санкт-Пецярбург. Абноўлены глабальны рэйтынг самых дарагіх па кошту жыцця гарадоў
Эксперты аналізуюць кошт прадуктаў харчавання, рэстаранаў, арэнднай платы, пакупніцкую здольнасць насельніцтва
Рэйтынг узначалілі швейцарскія гарады - Цюрых, Лазана і Жэнева.
👉 Менск заняў на 283-е месца з 327 і апынуўся даражэйшым за расейскі Санкт-Пецярбург(285-е).
Для параўнання, Вільня — 165-е, а Варшава — 167-е.
📈 Рэйтынг складаецца штогод з дапамогай спецыяльнага індэкса, заснаванага на цэнах у Нью-Йорку (ён лічыцца адпраўной кропкай з індэксам 100%).
📺 Навіны за 5 хвілін
✔️Праваабаронцы: Летась рэжым засудзіў амаль 6 тысячаў беларусаў
✔️Зяленскі: У 2022-м Лукашэнка прасіў прабачэння за запуск ракетаў з беларускае тэрыторыі
✔️У Кітаі – новы выбліск небяспечнага віруса
✔️У ЗША ўручылі прэмію «Залаты глобус»
✔️Міністэрства гандлю распрацавала новую сістэму маніторынгу коштаў
✔️Пяцёра дзяцей пацярпелі ў аварыі ў Астравецкім раёне
Глядзіце ў кароткім выданні навін на Белсаце 💻
🤔 Папа Рымскі раскрытыкаваў манахіняў за «кіслыя» твары і любоў да плётак
Папа Францішак заклікаў сясцёр Саюза святой Кацярыны Сіенскай місіянерскай школы быць больш ветлівымі.
Паводле пантыфіка, суровыя «воцатныя» твары, адпужваюць людзей. А каб прыцягнуць насельніцтва да рэлігіі, сёстры павінны праяўляць прыязнасць.
😮 Таксама Папа Рымскі адзначыў праблему пляткарства сярод манахіняў. Пантыфік назваў плёткі атрутай і выказаў надзею на тое, што сёстры змогуць устрымацца ад іх.
📌 Ільхам Аліеў патрабуе пакарання вінаватых у Расеі за крушэнне рэйсу «Азербайджанскіх авіяліній»
6 студзеня на сустрэчы з сем'ямі загінулых чальцоў экіпажа Ільхам Аліеў яшчэ раз падкрэсліў, што крушэнне самалёта адбылося праз вонкавае ўмяшанне.
«У Грозным была абвешчаная аперацыя "Ковёр", гэта значыць аперацыя закрыцця паветранай прасторы пасля таго, як самалёт быў збіты з зямлі. Гэта яшчэ раз паказвае, што тут ёсць пытанні вельмі сур'ёзнага складу злачынства... Калі існавала пагроза паветранай прасторы Расеі, пра гэта трэба было неадкладна паведаміць капітану самалёта»
🛡 Трызуб, Калюмны і Пагоня: як узніклі гербы?
Чаму ў шляхты ВКЛ былі ўласныя гербы і ці адрозніваліся ад гербаў рыцарства Заходняй Еўропы? Якую ролю тут адыгралі Вітаўт, Ягайла і Гарадзельская унія 1413 года?
👉 Глядзіце гісторыю беларускай геральдыкі ў новым выданні «Вусы Скарыны»
🤔 Люк Тардзіф: вяртанне Расеі і Беларусі стаў бы добрай навіной для хакея і ўсяго свету
Прэзідэнт ІІХФ Люк Тардзіф заявіў, што вельмі чакае, калі Расея і Беларусь вярнуцца да міжнародную спартовую арэну.
«Мы хочам, каб яны вярнуліся як мага хутчэй.Гэта будзе азначаць, што вайна скончыцца (...) (Расеі) не хапае на любых спаборніцтвах. Але калі яны прыедуць занадта рана, гэта будзе дрэнна»Читать полностью…
Зяленскі распавёў, як Лукашэнка выбачаўся за ракеты з тэрыторыі Беларусі
Украінскі прэзідэнт расказаў амерыканскаму падкастару Лексу Фрыдману цікавыя падрабязнасці размовы з Лукашэнкам пасля пачатку расейскай агрэсіі:
«Ён прасіў прабачэння і казаў, што не вінаваты ў тым, што з тэрыторыі ягонай краіны запускаюць ракеты. Лукашэнка казаў: “Павер, Валодзя, гэта не я, гэта было без мяне”. Гэта Пуцін»
Паводле Зяленскага, самаабвешчаны прапанаваў яму ўдарыць у адказ па НПЗ:
«Я яму [Лукашэнку] сказаў, што ён такі ж забойца, а ён мне сказаў: «Зразумей, нельга ваяваць з рускімі». Кажу яму: «Як ты дапусціў?» Ён кажа: «Ну добра, стукні па НПЗ, ты ж ведаеш, як ён шмат для мяне значыць». Я яму кажу: «Што ты гаворыш?» — распавёў Зяленскі.
☕️ Вітаем, шаноўныя!
Сабралі для вас найбольш цікавыя матэрыялы «Белсату», які вы маглі прапусціць:
🔺 Давераная асоба Канапацкай адказала на пытанні «Белсату»
Чаму актывіст БНФ Ілля Дабратвор, які жыве за мяжой, прапанаваў дапамогу менавіта Канапацкай на «выбарах», як ацэньвае падзеі 2020 года і што плануе рабіць у Варшаве дзеля падтрымкі сваёй кандыдаткі, чытайце на старонцы праз VPN.
🔺 Карціна Хаіма Суціна знайшлася ў доме вядомага амерыканскага актора
Пакуль знакаміты твор «Ева» знаходзіцца ў Беларусі, іншы — «Жанчына са скрыжаванымі рукамі» — аказваецца, належыць амерыканцу, фільмы якога вы дакладна глядзелі. Хто гэта — даведайцеся па спасылцы (праз VPN).
🔺 У адной з найвялікшых жанчын нашай гісторыі ўчора быў дзень народзінаў
Гаворка ідзе пра Еўфрасінню Полацкую, якая сваімі дзеяннямі апярэдзіла час на некалькі стагоддзяў. Давайце ўзгарадем, колькі яна зрабіла для нашай зямлі.
#штопачытаць
«Зрабіць выгляд, што нічога не адбылося і змаўчаць, я не магу». Журналіст Сяргей Падсасонны пакідае Белсат
Ён развітаўся з гледачамі ў жывым эфіры праграмы «Тыдзень»
💥 СТРЫМ. Нядзельнае вечаровае шоу «Тыдзень»
У сённяшнім выданні:
🔸Палічым грошы для дэмсілаў. Як ЕЗ і ЗША размяркоўваюць фінансавую дапамогу, як выглядае механізм яе атрымання беларускімі арганізацыямі, ды хто ж мае рацыю ў спрэчцы Латушкі і Ягорава
🔸Паглядзім закрытыя справаздачы мінздароўя па смерцях падчас ковіда. Спойлер: нават тут хлусня і фальшаванне
🔸Абмяркуем старшынства Польшчы ў ЕЗ. На што можа ўплываць Варшава і чаго чакаць ад яе Менску
🔸Перспектывы на новы год. Чаго чакаць ад яго беларусам
🔸Аб'ехаў увесь свет і завітаў да нас. Пагаворым з прайдзісветам Аляксандрам Гойшыкам
Далучайцеся да нашага эфіру! 🔽
https://www.youtube.com/live/dQa6nDpjKqk