42763
Тэлеканал Белсат Даслаць навіну, фота ці відэа: @BelsatBot Расейскамоўны рэгіянальны ТГ @BelsatRu
💭 Вызваленне палітвязняў, расследаванні, а што яшчэ?
Што сталася падзеяй года для дэмсілаў і для рэжыму Лукашэнкі. Вынікамі года з намі падзяліліся Вольга Лойка, Сяргей Чалы і Арцём Шрайбман. Паглядзіце!
А якую галоўную падзею 2024 адзначылі б вы?
💱 Курсы валютаў 30 снежня
Долар падрос больш як на 4 капейкі, а еўра - больш за капейку. Расейскі рубель страціў больш за пяць капеек.
#курсывалютаў
Славу Камісаранку завочна асудзілі да 6 гадоў калоніі
Камісаранку абвінавачвалі ў «паклёпе на Лукашэнку», «абразе Лукашэнкі». А таксама «распальванні варожасці».
Ягоную справу разглядала суддзя Анастасія Папко ў Менскім гарадскім судзе.
#рэпрэсіі
📌 Паўлу Севярынцу - 48
Чарговы дзень народзінаў палітык сустракае, нажаль, за кратамі.
Севярынца затрымалі за два месяцы да пратэстаў - 7 чэрвеня 2020-ага. Яго асудзілі на 7 гадоў узмоцненага рэжыму.
У зняволенні Павел атрымаў праблемы са здароўем. Нягледзячы на гэты, яго перавялі на турэмны рэжым.
🤔 Карэйская дорама працягваецца...Паліцыя краіны звярнулася ў суд за ордарам на арышт прэзідэнта
30 снежня следчая група звярнулася ў Сеульскі суд за ордарам на арышт Прэзідэнта Рэспублікі Карэя Юн Сок Ёля.
29 снежня Юн Сок трэці раз не з'явіўся на допыт ва ўпраўленне антыкарупцыйных расследаванняў у дачыненні да высокапастаўленых службоўцаў. У адпаведнасці з юрыдычнай практыкай, трэцяя позва лічыцца апошняй перад падачай заявы на ордар на арышт.
Увечары 3 снежня Юн Сок Ёль увёў ваеннае становішча. 14 снежня парламент Рэспублікі Карэя абвясціў прэзідэнту імпічмент, у выніку чаго яго паўнамоцтвы былі прыпыненыя. Цяпер Канстытуцыйны суд павінен або пацвердзіць рашэнне дэпутатаў або аднавіць Юн Сока на пасадзе.
◾️Памёр былы прэзідэнт ЗША і нобэлеўскі лаўрэат Джымі Картэр
39-ты прэзідэнт ЗША Картэр пайшоў з жыцця ва ўзросце 100 гадоў. Такім чынам, ён пражыў больш за ўсіх прэзідэнтаў ЗША.
Картэр стаў прэзідэнтам у 1977 годзе. Падчас свайго прэзідэнцтва Джымі Картэр правёў амністыю для ўкланістаў ад вайны ў В'етнаме, таксама ён уключыў у сваю адміністрацыю прадстаўнікоў нацыянальных меншасцяў і жанчын.
Картэр актыўна займаўся дабрачыннасцю і міратворчасцю. У 2002 годзе ён атрымаў нобэлеўскую прэмію міру.
💥 #галоўнае за 29 снежня
✔️Авіякатастрофа ў Паўднёвай Карэі: праз няспраўнасць шасі самалёт на пасадцы ўляцеў у бетонны плот і загарэўся. Загінулі амаль усе, хто быў на борце
✔️Яшчэ два авіяцыйныя інцыдэнты (гэтым разам з хэпі-эндам) адбыліся за мінулыя содні ў Нарвегіі ды Канадзе
✔️У Грузіі заступіў на пасаду новы прэзідэнт. Былая прэзідэнтка Саламэ Зурабішвілі добраахвотна пакінула сваю рэзідэнцыю
✔️Рэжым Лукашэнкі, магчыма, пастаўляе зброю паўстанцам у Лівію
✔️Падбіваем з Кныровічам і Ко эканамічныя вынікі года
✔️«BYSOL» падлічыў, колькі збораў на дапамогу людзям было праведзена за год і якія сумы былі сабраныя
✔️Азербайджанскі эксперт прагназуе, як будуць развівацца адносіны РФ і Азербайджану пасля інцыдэнту са збіццём самалёта. Эксклюзіўны каментар
✔️У менскіх школах забаранілі Санта-Клаўса
✔️Вялікая размова з Дзмітрыем Нікановічам – спеваком і былым выкладчыкам журфаку БДУ, які нават у 2022-м заставаўся сумленным са студэнтамі
🤔 Уладальнік расейскай турфірмы, якая арганізоўвала туры для геяў, знойдзены мёртвым у следчым ізалятары
Андрэй Котаў быў затрыманы каля месяца таму. Афіцыйная версія, якую паведаміў адвакат – самагубства.
📍Чытайце на старонцы, што яшчэ вядома пра ўсю гэтую гісторыю
⭕️СТРЫМ! Нядзельнае вечаровае шоу «Тыдзень»
У сённяшнім святочным выданні:
✔️Падводзім палітычныя і эканамічныя вынікі года
✔️Вынікі года для прапагандыстаў і дэмсілаў
✔️Віншаванні і асабістыя падсумаванні года ад Фёдара Паўлючэнкі, Аляксандра Івуліна і Уладзіміра Жыгара, а таксама ад каманды «Тыдня»
Далучайцеся да нашага эфіру!
https://www.youtube.com/watch?v=FphOzbIcAxM
🕷Павук, седзячы ў гэтай сваёй Літве, зусім адарваўся ад рэаліяў жыцця на радзіме
Яму стала цікава, ці стала жыццё ў Беларусі лепшым за апошні год, і, каб праясніць пытанне, ён патэлефанаваў прадстаўнікам найбольш патрыятычнага і сумленнага класу грамадства, якія дакладна не схлусяць!
📞 Што атрымалася з гэтай размовы, слухайце (і глядзіце) ў свежым выданні «Шухер Шоу» на канале «Белсат LIFE»
☝️«BYSOL» падлічыў, колькі збораў на дапамогу людзям было праведзена за год і якія сумы былі сабраныя
«Усе грошы трапілі адрасатам, фонд не бярэ ніякіх правізіяў або адсоткаў ад дапамогі», – заявілі ў фондзе.
🔍 Глядзіце статыстыку ў нас на старонцы
🎄 Святочнай дабрыні пост: у гарадзенскай больніцы незвычайна павіншавалі дзетак
Паглядзіце, што там адбывалася!
🇦🇿 Прэзідэнт Азербайджану зрабіў публічную заяву пра тое, што самалёт AZAL быў абстраляны з зямлі
Ён таксама ўпікнуў расейскаму кіраўніцтву за тое, што «першыя тры дні мы не чулі ад РФ нічога, акрамя версіяў, поўных трызнення».
📍Больш падрабязнасцей чытайце па спасылцы
😨 У сталіцы Нарвегіі Осла самалёт галандскай кампаніі KLM выкаціўся на траву пасля аварыйнай пасадкі
Пілоты былі вымушаныя пасадзіць лайнер адразу пасля ўзлёту праз няспраўнасці ў гідраўлічнай сістэме. Падчас пасадкі самалёт выкаціўся за межы паласы і спыніўся на траве (хутчэй за ўсё, гэта адбылося праз вялікую вагу нявыпрацаванага паліва).
☝️Гэта ўжо трэці авіяінцыдэнт, пра які стала вядома за апошнія содні. Таксама цягам апошніх гадзінаў пасля пасадкі загарэўся лайнер Air Canada (пацярпелых не было) і разбіўся «Боінг» кампаніі Jeju Air у Паўднёвай Карэі (загінулі амаль дзве сотні чалавек).
Раней на гэтым тыдні катастрофу пацярпеў азербайджанскі самалёт, што ляцеў з Баку ў Грозны. Над Чачэніяй яго выпадкова збілі сродкі расейскай супрацьпаветранай абароны.
❤️🩹 Дзякуючы гэтым гісторыям мы захавалі веру ў дабрыню ў 2024 годзе
Паглядзіце самыя кранальныя гісторыі, у якіх людзі дапамагалі жывёлінам, жывёліны – іншым жывёлінам і людзі – адно аднаму.
📌 Вярхоўны Суд вынес вырак за генацыд беларускага народу памерламу ўкраінцу
Нарадзінца Украіны Канстанціна Смоўскага абвінавацілі ў дзеяннях, учыненых з мэтаю планамернага знішчэння беларускага народу як нацыянальнай і этнічнай групы, паведаміла прэс-служба Вярхоўнага Суда.
👉 Смоўскі нарадзіўся ва Украіне ў 1889 годзе. Са студзеня 1943-га да траўня 1944-га быў байцом 118-га батальёну «Шуцманшафт», у межах якога «ажыццяўляў масавыя забойствы мірнага насельніцтва, у тым ліку асобаў у бездапаможным стане».
Паколькі абвінавачаны ўжо памёр, прысуд паводле артыкулу 127 КК («Генацыд») яму вынеслі без прызначэння пакарання.
❤️Ніне Багінскай – 78 гадоў!
Ніна Багінская стала сімвалам беларускіх пратэстаў, калі далікатная жанчына прайшла міма АМАПаўцаў са сцягам і словамі “Я гуляю”.
Багінская па прафесіі геолаг, а таксама актыўна падтрымлівала розныя ініцыятывы па абароне правоў чалавека і захаванні гістарычнай памяці ў Беларусі.
Жадаем спадарыне Ніне крэпкага здароўя!
📌 «Няма зараз ніякіх перадумоваў да заканчэння вайны або нейкай яе фазы»
Гэткую заяву зрабіў прэс-сакратар Крамля Дзмітрый Пяскоў.
Паводле Пяскова, на 30 снежня ў графіку Пуціна не прызначана ніякіх міжнародных кантактаў. Але пры гэтым спецборт, які звычайна перавозіць найвышэйшых кіраўнікоў РФ, на два дні лятаў у Вашынгтон.
Заява была зробленая на фоне заявы ўкраінскага журналіста Дзмітрыя Гардона, які сцвярджаў, што 30 снежня адбудзецца падзея, якая прывядзе да заканчэння гарачай фазы вайны.
😢 Талібан пазбавіў жанчын нават вокнаў у памяшканнях , якімі яны карыстаюцца
На думку лідара ісламістаў, назіранне за імі можа прывесці да непрыстойнасцяў.
Калі ж вокны ўжо існуюць у памяшканні, іх трэба будзе зачыніць, або гаспадар павінен пабудаваць сцяну ці іншым спосабам загарадзіць акно, «каб не дастаўляць нязручнасцяў суседзям».
«Назіранне за жанчынамі, якія працуюць на кухнях, у дварах або набіраючымі ваду з калодзежаў, можа прывесці да непрыстойных дзеянняў»
🔺Чорныя скрыні з азербайджанскага самалёта, які разбіўся каля Актау, перададуць у Бразілію для аналізу
Гэта, на думку ўладаў Казахстана, дазволіць зрабіць больш дакладны аналіз самапісцаў, бо Бразілія з’яўляецца краінай – вытворцай самалёта Embraer 190.
«Казахстан, будучы членам ІКАО з 1992 года, строга выконвае міжнародныя стандарты, прадугледжаныя Дадаткам 13 Чыкагскай канвенцыі. Згодна з гэтым дакументам, дзяржава, якая праводзіць расследаванне, нясе адказнасць за счытванне дадзеных чорных скрынь і выбар краіны для выканання гэтай задачы. Працэс знаходзіцца пад асабістым кантролем Такаева»,
Дабрыдзень, сябры!
Сабралі для вас найбольш цікавыя матэрыялы, якія вы маглі прапусціць. Пачытайце!
🔸Каму Аляксандр Кныровіч уручыў бы антыпрэмію за эканамічныя дасягненні
Сёлета быццам выходзім на запланаваную ўрадам і Нацбанкам інфляцыю 5,5–6 %. Але стрыманая рэгуляваннем коштаў адкладзеная інфляцыя, як тая змяя, перапаўзе ў наступны год.
🔸Азербайджанскі эксперт: Крамлю не ўдасца пазбегнуць адказнасці за збіты самалёт
Як зменяцца стасункі Баку і Масквы пасля таго, як прэзідэнт Азербайджану Ільхам Аліеў публічна абвінаваціў Расею ў збіцці азербайджанскага самалёта?
🔸Медыі: Беларусь пастаўляе ў Лівію загадкавыя грузы, магчыма, зброю паўстанцам
З лістапада з Беларусі ў Лівію па дзіўным маршруце лятаюць грузавыя самалёты прыватнай кампаніі, якая трапіла пад санкцыі ЗША за дапамогу ПВК Вагнэра.
#штопачытаць
🔍 З Беларусі ў Лівію цягам апошняга месяца лётаюць грузавыя самалёты. Што яны перавозяць?
Ёсць версія, што такім чынам дастаўляецца зброя для тамтэйшых паўстанцаў, якіх падтрымлівае Крэмль.
📍Болей інфармацыі на нашай старонцы
💬 «Гэты штучна створаны шлях міграцыі будзе закрыты наступным летам, я спадзяюся і веру ў гэта»
Намеснік міністра міграцыі Польшчы расказаў, што ўжо праз паўгода ўсе неабходныя ўмацаванні на ўсходняй мяжы краіны будуць гатовыя канчаткова.
👀 Чытайце болей на нашым сайце
💬 «Каб не было пытанняў, трэба было на самым пачатку прызнаць віну. Гэтага не адбылося»
Дырэктар Цэнтру даследаванняў Паўднёвага Каўказу Фархад Мэмэдаў даў экслюзіўны каментар «Белсату», у якім расказаў, як зменяцца адносіны афіцыйнага Баку з афіцыйнай Масквой пасля публічных абвінавачванняў у збіцці самалёта AZAL з боку Ільхама Аліева.
🔍 Чытайце меркаванне эксперта на нашым сайце
📢 Адпачылі ад навінаў на выходных, а цяпер хочаце зноў вярнуцца ў павестку?
У нас маецца дадатковы канал з максімальна сціслым апісаннем асноўных падзей ➡️ (НЕ)АПОШНІЯ НАВІНЫ.
Вынікі дня, падборкі найлепшых і найважнейшых матэрыялаў. Абяцаем не спаміць, далучайцеся да @vynikidnia
#галоўнае
💬 «Нават у 2022 годзе я яшчэ ў адкрытую размаўляў са студэнтамі. Мы разважалі, чаму ў некаторых СМІ вайна называецца "спецаперацыяй"»
Спявак і былы выкладчык журфаку БДУ Дзмітрый Нікановіч – чалавек, з якім можна весці размовы на безліч тэмаў, і гэта заўсёды будзе цікава.
Наш карэспандэнт Зміцер Міраш скарыстаўся такой магчымасцю.
👀 Што з гэтага атрымалася – чытайце па спасылцы
📉 Падбіваем з Кныровічам і Ко эканамічныя вынікі года
За што і каму вядоўца нашай праграмы «Атма$фера» ўручыў бы антыпрэмію «Залатая морквіна» (за сумнеўныя эканамічныя дасягненні)?
👀 Даведаецеся па спасылцы
🎅🏼 У сталічныя школы разаслалі распараджэнне не выкарыстоўваць падчас калядных святкаванняў вобраз Санта-Клаўса
Ёсць і плюс: у гэтым жа дакуменце просяць «рабіць акцэнт на беларускія традыцыі».
📍Чытайце на старонцы
🎬 Прэм'ера на «Белсат DOC» – дакументальны фільм Вольгі Воранавай «Тры жыцці»
Пасля расейскага поўнамаштабнага ўварвання ва Украіну шмат беларусаў палічылі сваім абавязкам далучыцца да ліку добраахвотнікаў, што бароняць гэтую краіну са зброяй у руках.
Многія з іх заплацілі за гэта непамерна высокі кошт, аддаўшы свае жыцці. Такіх беларусаў ужо больш за 40.
🕯Героі гэтага фільму – тры загінулыя беларускія хлопцы: Павел (Волат) Суслаў, Іван (Брэст) Марчук, Васіль (Сябро) Парфянкоў. Успамінамі пра герояў дзеляцца ўдовы, сваякі, сябры і калегі.
🔹У Сірыі ўсё яшчэ застаюцца ўзброеныя прыхільнікі Асада
Яны хаваюцца на паўночным захадзе краіны, а некаторыя аказваюць супраціў новым уладам.
📍Чытайце больш падрабязна на нашым сайце