42763
Тэлеканал Белсат Даслаць навіну, фота ці відэа: @BelsatBot Расейскамоўны рэгіянальны ТГ @BelsatRu
📺 З’явіўся спіс лепшых беларускіх фільмаў. У яго трапілі і стужкі, знятыя пры падтрымцы «Белсату»
З нагоды 100-годдзя беларускага кінематографу, якое адзначаецца 17 снежня, у гадавіну стварэння кінастудыі «Белдзяржкіно», Беларуская незалежная кінаакадэмія прэзентавала спіс з 50 лепшых фільмаў, знятых у Беларусі і/ці беларусамі.
⏯️ Якія фільмы цяпер можна лічыць беларускім мастхэвам для прагляду — глядзіце ў нашым матэрыяле па спасылцы ✅ (праз VPN).
☝️ У Менску на некалькі хвілінаў спынялі метро
Малады мужчына спусціўся на рэйкі і сядзеў, паклаўшы на іх ногі на станцыі метро «Спартыўная». Чым скончыўся «інцыдэнт з пасажырам» — пакуль невядома, але рух цягнікоў адноўлены.
😔 «Не дзіва, народ з запаланеннем расейскай мовы паўсюль пачаў забываць родную мову!»
У нашай краіне ліквідаваныя арганізацыі, што займаліся папулярызацыяй беларускай мовы. У школах сітуацыя таксама жахлівая: напрыклад, у Верхнядзвінскім раёне толькі 1,5 % беларускамоўных вучняў.
Распавядаем пра небяспечны стан нашай мовы ды пра тое, як можна яе ратаваць. Паглядзіце!
😍 Адразу становіцца ўтульна і атмасферна
Паглядзіце на хараство ў Горадні ☝️
🤯 Учорашні вецер нарабіў справаў
МНС ліквідуе наступствы непагадзі
🇷🇴 Сінімі пальцамі не ўтрымаўся і быў зрынуты народам
35 гадоў таму пачалася рэвалюцыя, што вызваліла Румынію ад тыраніі Нікалае Чаўшэску
Паглядзіце!
🎬 Сёння – Дзень беларускага кіно!
Таму мы прапануем вам нашыя найцікавейшыя фільмы 🎬
▶️ «Сума» (рэжысёр Андрэй Куціла) – універсальны фільм, зразумелы ўсім ад Афрыкі да Далёкага Усходу. Разам з тым кіно беларускага аўтара з беларускім матывам. Узнагароджвалася на фестывалях IDFA ды «Лістапад».
▶️ «Развітанне» (рэжысёр Якуб Станкевіч)
Кіно пра ўнутраную і фізічную беларускую эміграцыю. Пра беларускі лёс, але і пра чалавечую старасць, што робіць яго ўніверсальным і зразумелым не толькі беларусам. Фільм сумны як гісторыя Беларусі і выбітны як найлепшая класіка дакументальнага кіно.
▶️ «Звычайны прэзідэнт» (рэжысёр Юры Хашчавацкі)
Беларуская класіка палітычнага аўтарскага дакументу. Маэстра Хашчавацкі ўжо ў 1996-м годзе, у кіношным фармаце, выкарыстоўваючы іронію, правакацыю і пераканаўчы мантаж паказаў, хто кіруе Беларуссю.
▶️ «Свята на нашай вуліцы» (рэжысёр Адам Галін)
Кароткаметражны шэдэўр дакументальнага кіно назірання. Камера праз вокны фіксуе, што адбываецца ў адным з менскіх двароў у кожнае беларускае свята. А святаў у нас багата! Фільм дае ўнікальную магчымасць убачыць Беларусь 2009 года, якой яе ніколі не паказвае рэжымны кінематограф і БТ. Тут і беларускія п'яніцы, і гопнікі з маргіналамі. Кавалак сапраўднага жыцця!
▶️ «Партрэт» (рэжысёр Дарыя Волчык)
Кінагалерэя беларусаў ад тых, хто толькі нарадзіўся, да тых, хто зараз памрэ. Аўтарка кожнаму задае тыя ж самыя нібыта простыя ды банальныя пытанні. Ці ўдалося рэжысёрцы распавесці, кім ёсць беларусы? Пераканайцеся самі...
🎥Больш фільмаў можна паглядзець на канале belsat_doc">«Белсат Doc»
☝️ МЗС Украіны адрэагаваў на словы беларускіх чыноўнікаў пра месца Беларусі за сталом мірных перамоваў
«Міністэрства замежных спраў Украіны са здзіўленнем успрыняла заяву чыноўніка беларускага вонкавапалітычнага ведамства аб тым, што Рэспубліка Беларусь нібыта прэтэндуе на „месца за сталом мірных перамоваў“, дзе яна імкнецца атрымаць нейкія „гарантыі бяспекі“», – заявілі ва ўкраінскім МЗС.
«Усё, на што маюць права прэтэндаваць беларускія чыноўнікі, гэта справядлівы разгляд у рамках працэсу прыцягнення агрэсара і яго паслугачоў да міжнародна-прававой адказнасці за злачынства агрэсіі супраць Украіны», – гаворыцца ў заяве.Читать полностью…
👆«Трамп цяпер будзе дзейнічаць на магчымых перамовах з Расеяй больш жорстка»
Падзенне рэжыму аль-Асада ў Сірыі моцна ўдарыла па аўтарытэце Расеі ў свеце, бо яна не здолела абараніць свайго хаўрусніка.
Што цяпер будзе з расейскімі вайсковымі базамі ў гэтай краіне і ці стане Іран наступным? Разбіраемся разам з экспертамі на нашай старонцы.
🍾 Новы дзень - новае акенца адвэнт-календара. Сёння - акторка Святлана Зелянкоўская
У акенцы № 17 нашага святочнага календара — акторка беларускага тэатра і кіно Святлана Зелянкоўская. Былая прыма тэатра імя Янкі Купалы, а зараз акторка «свабодных купалаўцаў». Пасля пераезду ў Варшаву адкрыла сваю тэатр-студыю «Зялёнае святло». У лістападзе грала адную з вядучых роляў у спектаклі «Ордэн белай мышы» па творы Уладзіміра Арлова.
Чытайце шчырыя адказы Святланы на нашай старонцы
#адвэнткаляндарбелсату
💥 #галоўнае за 16 снежня
✔️ Беларускія дыпламаты пакінулі амбасаду ў Сірыі
✔️ У Валожынскім раёне маршрутка трапіла ў ДТЗ. Пацярпелі 8 чалавек
✔️ У Варшаве працягваецца суд над забойцам беларускі Лізы
✔️ Еўразвяз увёў новыя санкцыі супраць Расеі, Кітаю і КНДР
✔️ КДБ зноў палюе на сем’і палітвязняў і былых зняволеных
✔️ Польшча абвесціла ў вышук беларуса па падазрэнні ў падрыхтоўцы дыверсіяў
✔️ Квіткі на канцэрт Макса Каржа на самым вялікім стадыёне Польшчы раскупілі за 5 дзён
✔️ Еўразвяз дадаў у санкцыйны спіс 11 беларускіх суддзяў
😮 Серыял паводле раману нарадзінкі Беларусі выйшаў у беларускай агучцы
Размова пра польскі серыял пра паўстанне 1863–1864 гадоў «Дзявайціс», створаны паводле матываў раману нарадзінкі Беларусі Марыі Радзевіч. Ён складаецца з сямі серыяў, а некаторыя падзеі ў ім адбываюцца ў Беларусі.
Аўтарка раману, паводле якога знялі серыял, пісьменніца Марыі Радзевіч, паходзіла з вёскі Пянюга (сёння – Зэльвенскі раён). Сям’я Радзевіч была сасланая ў Сібір за ўдзел у паўстанні 1863–1864 гадоў, а іхны маёнтак канфіскаваны. Па вяртанні на радзіму яны атрымалі ў спадчыну іншы маёнтак у Беларусі – Грушава на Палессі. Тут рос дуб Дзявайціс, які і даў назву аднайменнаму раману. Але Радзевіч перанесла падзеі, якія адбываліся ў часе паўстання 1863–1864 гадоў у сённяшнім Кобрынскім раёне і побач з рэчкаю Мухавец, на тэрыторыю Жмудзі-Літвы.
📺 Паглядзець серыял у беларускай агучцы цяпер магчыма дзякуючы супрацы «Белсату» з TVP. Акрамя «Дзявайцісу» на платформе «TVP VOD» можна паглядзець і іншыя цікавыя серыялы па-беларуску.
«Пажыццёвае зняволенне – найлепш падыходзіць для злачынства, у якім вінавацяць Дор’яна С.»
Пра гэта нам распавяла адвакатка Эвэліна Здунэк, якая прадстаўляе брата загінулай беларускі Лізы.
Яна лічыць, што вырак мусіць паўплываць на будучыню і «паказаць напрамак» у судах па справах аб злачынствах сексуальнага характару.
«Пакаранне мусіць уплываць не толькі на абвінавачанага, але і на грамадства. Бяром пад увагу тое, што відавочна ёсць чаканне з боку грамадства, з боку жанчын ёсць чаканне, што зможам выдыхнуць і адчуваць сябе ў бяспецы».
😲Думаеце, чырвоная ікра дарагая? А вы цэны на абрыкосы бачылі?
Колькі цяпер каштуюць абрыкосы і ці вартыя яны такой цаны, распавяла карыстальніца сацсетак.
💬«Нашая агульная гісторыя паказвае, што гадамі мы былі зусім побач, як адна сям’я»
Эксклюзіўнае інтэрв'ю з нядаўна прызначаным старшынём парламенцкай групы «За вольную Беларусь» Гжэгажам Схэтынам.
Мы паразмаўлялі пра Беларусь, санкцыі, мандат Святланы Ціханоўскай і шмат іншага.
📍Чытайце па спасылцы (праз VPN)
🤔 МНС: У Беларусі больш за 70 % атракцыёнаў адпрацавалі свой тэрмін службы
Міністэрства надзвычайных сітуацыяў Беларусі вынесла на абмеркаванне на Прававым форуме праект пастановы аб змяненні правілаў гарантавання бяспекі атракцыёнаў. Выказаць свае думкі наконт гэтага пытання можна да 27 снежня.
МНС зазначае, што больш за 70 % атракцыёнаў у Беларусі ўжо адпрацавалі свой тэрмін эксплуатацыі, які складае 7 — 10 гадоў. Ёсць і тыя, што адпрацавалі ўжо два і больш тэрмінаў службы.
Міністэрства зазначае, што атракцыёны ў Беларусі штогод праходзяць тэхагляд, а пасля сканчэння тэрміну службы — тэхнічнае дыягнаставанне.
«Аднак правесці агляд 100 % зварных злучэнняў у перыяд эксплуатацыі атракцыёну не заўсёды магчыма праз недасяжнасць месцаў, дзе яны ёсць. Разам з тым актамі заканадаўства ў сферы прамысловай бяспекі не прадугледжанае патрабаванне разбірання (частковага разбірання) крытычных кампанентаў, вузлоў і механізмаў атракцыёнаў для выяўлення ў іх схаваных дэфектаў», — гаворыцца ў праекце пастановы.Читать полностью…
❗️Лукашэнкаўскі МУС прызнаў «Люстэрка» «экстрэмісцкім фармаваннем»
Адпаведнае рашэнне было прынятае сёння.
📺 Навіны за 5 хвілін
✔️ Лукашэнкаўскі чыноўнік паведаміў, што амаль 3, 5 мільёны беларусаў жывуць за мяжой
✔️ У Менску арыштавалі хірурга Лілію Качан
✔️ ЦВК прыняў дакументы прэтэндэнта на прэзідэнцтва Аляксандра Лукашэнкі
✔️ Украіна пракаментавала жаданне Беларусі ўдзельнічаць у мірных перамовах
✔️ У Маскве падарвалі генерал-лейтэнанта Ігара Кірылава
✔️ Наступствы непагадзі ў Беларусі: перабоі з электрычнасцю, паваленыя ялінкі і пашкоджаныя дамы
✔️ Больш за 70 адсоткаў атракцыёнаў у Беларусі — небяспечныя
✔️ Ужо ў гэтыя выходныя ў Беларусь даставяць Віфліемскі агонь
Глядзіце ў кароткім выданні навін на Белсаце 💻
🙄 Інжынераў, як той казаў, засталося на тры дні…
Той — гэта Раман Галоўчанка. Прэм’ер-міністр Беларусі на нарадзе ў пытанні падрыхтоўкі кваліфікаваных кадраў 17 снежня заявіў пра праблемы, звязаныя з якасцю і колькасцю маладых інжынераў.
«Аб’ём падрыхтоўкі інжынерных кадраў не адпавядае пакуль патрэбам эканомікі. Набор на тэхнічныя спецыяльнасці ніжэйшы за заказ арганізацыяў на падрыхтоўку такіх кадраў. У 2023 годзе на інжынерныя спецыяльнасці залічана 16 з невялікім тысяч абітурыентаў, а ў год іх выпуску з ВНУ, у 2027 годзе, заказ ужо складае 21, 5 тысячы чалавек. Гэта значыць рэальны сектар можа недаатрымаць каля пяці тысяч маладых інжынераў», — сказаў прэм’ер.
💱 Курсы валютаў 16 снежня
На сённяшніх таргах долар патаннеў, а расейскі рубель вырас. Еўра не гандляваўся наогул.
#курсывалютаў
💵 Плануеце дарагія пакупкі за наяўныя? Тады лепш загадзя паклапаціцца пра гатоўку. У перыяд выбараў зняць грошы будзе складана
Датычыць гэта картак, эмітаваных банкамі-нерэзідэнтамі, а таксама ўнясення неідэнтыфікаванымі фізічнымі асобамі гатоўкі для папаўнення рахункаў фізічных асобаў у банках.
Згодна з рашэннем, якое прыняў Нацбанк, з 20 снежня 2024 года па 1 лютага 2025 года ў банкаматах беларускіх банкаў зняць з адной карткі, эмітаванай банкам-нерэзідэнтам, можна будзе не больш як 25 базавых велічынь (1000 рублёў) цягам каляндарнага месяца. Пры жаданні атрымаць гатоўку большага аб’ёму можна будзе ў касе банку з прад’яўленнем дакумента, які сведчыць асобу.
«Адпаведнае рашэнне прынята праўленнем Нацыянальнага банка з улікам аператыўнай інфармацыі, якая паступае ад праваахоўных органаў Рэспублікі Беларусь, у мэтах зніжэння рызыкаў здзяйснення рознага роду супрацьпраўных дзеянняў у дачыненні да грамадзян і юрыдычных асобаў», – патлумачылі ў Нацбанку.Читать полностью…
🥂 «Каб павіншаваць вас з Новым Годам нічога не шкада»
Свае віншаванні з надыходзячым святам перадаў нашым гледачам Георгій Дабро, а таксама запрасіў далучыцца да нашага святочнага канцэрту.
Паглядзіце!
🐷 Самалёт, які ляцеў з Амстэрдама ў Мехіка, нечакана сеў на Багамах. Ува ўсім вінаватыя свінні
Хрушак хоць і перавозілі ў багажным адсеку, але іх пах быў настолькі моцным, што экіпаж вырашыў змяніць маршрут праз шэсць гадзін пасля вылету, каб «падыхаць свежым паветрам».
На борце самалёта знаходзіліся 259 пасажыраў, якім давялося прайсці пашпартны кантроль і спыніцца ў гатэлі. У гэты час ветэрынар агледзеў жывёл.
«Дзякуючы выдатнаму супрацоўніцтву паміж klm, delta air lines і мясцовымі партнёрамі нашы двухногія і чатырохлапыя госці знаходзяцца ў бяспецы», — заявілі ў кампаніі Skyport, кіруючай аэрапортам на Бярмудскіх выспах.
🔺У Маскве на выхадзе з дому ўзарвалі расейскага генерала – начальніка хімічных войскаў
Выбух прагрымеў на Разанскім праспекце ў Маскве. Блізкі да расейскіх сілавікоў тэлеграм-канал Mash паведамляе, што ў выніку выбуху загінуў генерал-лейтэнант Войскаў радыяцыйнай, хімічнай і біялагічнай абароны ВС РФ Ігар Кірылаў.
Кірылаў разам з памочнікам выходзілі з пад’езда дома на Разанскім праспекце каля 06:00, калі адбыўся выбух. Выбуховая прылада была замацаваная на ручцы самакату. Мужчыны памерлі на месцы.
Добрага аўторку, сябры!
Гэта дастаўка ранішняй прэсы! Сабралі найбольш цікавыя матэрыялы «Белсату», які вы маглі прапусціць?
🔹Адвакатка: Прысуд забойцу Лізы мае стаць сігналам для ахвяраў згвалтаванняў, што змагацца варта
Справа аб забойстве беларускі Лізы ў Варшаве важная як сігнал жанчынам, якія выжылі пасля падобных нападаў, бо раней да гвалтаўнікоў не раз ставіліся паблажліва.
🔹«Мы павінны адкрыць Еўропу для стасункаў з Беларуссю»
Вялікая размова з Гжэгажам Схэтынам.
🔹Пасада дырэктара вакантная, галоўны бухгалтар таксама адсутнічае
Хто і як ратуе сельгаспрадпрыемствы?
#штопачытаць
😍 Як скарыць сацсеткі?
Напрыклад, быць такім смелым сабакам 🐶
Паглядзіце!
🔥Квіткі на канцэрт Каржа раскупілі за 5 дзён
Макс Корж абвесціў на сваёй старонцы ў Інстаграме пра солдаўт – квіткі на ягоны канцэрт на Нацыянальным стадыёне ў Варшаве, запланаваны на 9 жніўня 2025 года, цалкам распраданыя.
Нацыянальны стадыён у Варшаве – самы вялікі ў Польшчы.
🔴 «Аб’ектыў» – галоўныя падзеі дня!
У сённяшнім выданні:
🔸КДБ праводзіць хвалю затрыманняў.
🔸Лукашэнка лезе ў украінскія справы.
🔸У Віцебску зладзілі паседжанне штабу па пажары у ГЦ «Беларусь».
🔸У Верхнядзвінскім раёне Віцебскай вобласці толькі 1,44% школьнікаў навучаецца па-беларуску. Як ратаваць мову ў такіх умовах?
🔸Працяг суда ў справе згвалтавання і забойства беларускі Лізы ў Варшаве.
🔸16 снежня 1989 года — пачатак рэвалюцыі ў Румыніі, у выніку якой быў зрынуты рэжым Чаўшэску.
Далучайцеся да нашага эфіру ⤵️
https://www.youtube.com/watch?v=fZmvpPk91eo
🔻 «За свае дзеянні мы мусім несці адказнасць»
Наста Базар, праваабаронца і феміністка, пра працэс у справе забойства беларускі Лізы ў Варшаве ☝️
Тэкставую версію чытайце ПА СПАСЫЛЦЫ (праз VPN)
🫣 Чыноўніца шантажуе дырэктара Пінскага мясакамбінату
Разбіраем зліў размовы чыноўнікаў ад «Кіберпартызанаў»
Паглядзіце!