42764
Тэлеканал Белсат Даслаць навіну, фота ці відэа: @BelsatBot Расейскамоўны рэгіянальны ТГ @BelsatRu
🥴 У Смаргоні сілавікі прыйшлі да дзяўчыны, якая знялася ў міліцэйскай форме
Міліцыя зноў пакрыўдзілася на ціктокераў. Гэтым разам іх «абразіла» дзяўчына, якая танцавала ў міліцэйскай форме.
Паводле Telegram-канала, набліжанага да сілавікоў, у дзяўчыны «адміністратыўка і прыстойны штраф». Памер штрафу не паведамляецца.
☝️Гэта не першы такі выпадак. Раней сілавікі прыйшлі да дзяўчыны, якая карміла свайго знаёмага міліцыянта і здымала пра гэта відэа.
#рэпрэсіі
🤔 Задайце пытанні героям нашага наступнага выдання!
А мы праверым іхныя адказы на дэтэктары хлусні.
Паліграф у праграме «Шчыра кажучы» будуць праходзіць акторы Аляксандр Ждановіч і Дзмітрый Есяневіч.
Чакаем вашых пытанняў на электронны адрас:
scyrakazucy@proton.me
🎁 Сённяшні герой адвент-календара — Мікіта Моніч
Аўтар і вядоўца папулярнага YouTube-канала «Каля культуры» раней працаваў у Нацыянальным мастацкім музеі, але быў звольнены ў 2020-м за верш.
Прачытайце, як ён апісвае гэты год, з кім з беларусаў хацеў бы пазнаёміцца і якая песня стала для яго галоўнай у 2024-м? Усе адказы — ПА СПАСЫЛЦЫ (праз VPN)
☕️ Вітаем, шаноўныя!
Сабралі для вас найбольш цікавыя матэрыялы «Белсату», які вы маглі прапусціць:
🔺 Еўразвяз выдзеліць 30 млн еўра на падтрыманне беларускіх дэмакратычных сіл
Еўракамісар па пытаннях пашырэння ЕЗ Марта Кос абвясціла пра новы пакет дапамогі дэмсілам на 2025 год. На што пойдуць гэтыя сродкі — чытайце на старонцы (праз VPN).
🔺 Часопіс «Time» абвясціў Дональда Трампа чалавекам года
Сярод канкурэнтаў Трампа былі і іншыя вядомыя вам асобы. Хто яшчэ мог стаць чалавекам года — чытайце на нашым сайце (праз VPN).
🔺 Беларус набыў на аўкцыёне ў Парыжы літаграфію Шагала
Беларускі адвакат Ілля Салей, які быў юрыстам штаба Бабарыкі і абараняў Калеснікаву, купіў на аўкцыёне адну з прац Марка Шагала. Як яна выглядае — па спасылцы (праз VPN).
🥰 Найлепшыя смешныя фота жывёлінак з сёлетняй прэміі «Nikon Comedy Wildlife»
Толькі паглядзіце на гэтыя забаўныя імгненні з жыцця дзікай прыроды ☝️
Арганізатары прэміі лічаць, што гэткім чынам можна прыцягнуць увагу да экалагічных пытанняў.
🏆 TIME зноў абвесціў Дональда Трампа чалавекам года
Паводле выдання, Трамп – «самы магутны чалавек на Зямлі», а ягонае «палітычнае адраджэнне не ведае роўных у амерыканскай гісторыі».
Гэта не першы раз, калі часопіс абвяшчае Трампа чалавекам года – мінулым разам гэты тытул палітык атрымаў у 2016 годзе.
📌 «Гэта сведчанне таго, што нас прызнаюць як партнёраў»
У Бруселі працягваюцца Дні Беларусі, падчас якіх еўрапейскія палітыкі разам з прадстаўнікамі дэмсілаў абмяркоўваюць актуальныя пытанні для Беларусі.
👉 Што менавіта абмяркоўваюць на Днях Беларусі «Белсат» спытаў у самых удзельнікаў канферэнцыі наўпрост у Бруселі.
🔴 «Аб’ектыў» – галоўныя падзеі дня!
У сённяшнім выданні:
🔸Беларускі тыдзень у Бруселі. Што ў ім цікавага раскажа Юля Лабанава
🔸Як атрымалася, што рэжым Лукашэнкі паставіў зброю сірыйскім паўстанцам. Расследаванне БРЦ
🔸Што ў новым кодэксе пра здароўе
🔸Як у расейскіх школах палілі «атрыбуты заходняй культуры»
🔸У Беларусі новы Народны паэт. Што пра яго вядома
Далучайцеся да нашага эфіру ⤵️
https://www.youtube.com/live/6hmqDrpk3yw
🤔 Аслабіць санкцыі за вызваленне палітвязняў?
Такое меркаванне ў Еўрапейскім парламенце у рамках «Дзён Беларусі» у Бруселі, выказала сястра палітзняволенай Марыі Калеснікавай Таццяна Хоміч.
Хоміч лічыць, што вызваленне 207 палітвязняў, што адбыліся сёлета ў Беларусі – гэта сігнал, на які Еўразвязу трэба адказаць каардынаванымі дзеяннямі, каб працэс працягваўся.
👉 Што менавіта трэба зрабіць паводле Хоміч, чытайце ПА СПАСЫЛЦЫ
❤️ Пашпарт новай незалежнай Беларусі
Пакуль мы ўсе яго чакаем, паглядзіце, як выглядаў дакумент, выданы БНР у 1923-м годзе ☝️
🏆 Літаратурны рэпартаж пра жыццё беларускай меншасці Падляшша атрымаў узнагароду чытачоў у конкурсе Grand Press 2024
У кнізе пад назвай «Каменне мусіла паляцець. Сцёртае мінулае Падляшша» аўтарка Анэта Прымака-Онішк апісала жыццё беларусаў на фоне гістарычных падзей і напружаных адносінаў з польскай большасцю.
🧐 Снежань – час ня толькі святочных рыхтаванняў, але і актывізацыі махляроў
Што прапаноўваюць злачынцы даверлівым беларусам – глядзіце ў відэа!
🫣 П’яны беларус падчас адпачынку пабіўся з паліцэйскімі ў Тайландзе
У выніку ягоная сям’я вярнулася дадому, а мужчыну чакае суровае пакаранне.
👉 39-гадовы беларус прыехаў на адпачынак на востраў Пхукет з сям’ёй. У ноч перад вылетам моцна п'яны турыст зладзіў у гасцініцы дэбош і напаў на паліцэйскіх, якіх выклікаў персанал, паведамляе Bangkok Post.
Мужчыну прад'яўленыя абвінавачванні ў парушэнні грамадскага парадку і нападзе на супрацоўнікаў паліцыі пры выкананні службовых абавязкаў. За гэта можа пагражаць штраф да 5 тысяч долараў і (або) зняволенне тэрмінам ад двух гадоў да пажыццёвага ў залежнасці ад цяжару траўмаў, атрыманых супрацоўнікамі паліцыі.
📌 Пасля спробы завербаваць беларускага дыпламата, Беларусь уручыла Польшчы ноту
Міністэрства замежных спраў уручыла афіцыйную ноту часоваму паверанаму ў справах Польшчы ў Беларусі Кшыштафу Ажанне.
Раней паведамлялася, што ў Кішынёве польскі калега спрабаваў завербаваць беларускага дыпламата, прапаноўваючы за працу 100 тыс. еўраў. У МЗС Беларусі сказалі, што «гэта абуральны інцыдэнт».
☝️ Нагадаем, раней неаднаразова паведамлялася, што ў краінах ЕЗ затрымлівалі і асуджалі беларусаў за шпіянаж на карысць беларускіх спецслужбаў.
💱 Курсы валютаў 12 снежня
Долар працягвае расці, еўра падняўся аж на 9 капеек.
Расейскі рубель пакуль падае: мінус яшчэ 3 капейкі.
У лістападзе, калі долар і еўра рэкордна раслі, беларусы здалі меней валюты, а купілі – болей.
#курсывалютаў
Кіраўнік NATO лічыць, што праз 4-5 гадоў Расея можа напасць на Еўропу
«Мы не гатовыя да таго, што можа чакаць нас праз чатыры-пяць гадоў. Тое, што цяпер адбываецца ва Украіне, можа адбыцца і з намі» — заявіў Марк Рутэ
Генсакратар прапаноўвае павялічыць вайсковыя выдаткі краін-чальцоў NATO. На яго думку, гэта адзіны спосаб пазбегнуць буйной вайны.
Марк Рутэ таксама адзначыў, што сёння ваеннай пагрозы з боку Расеі няма, але Крэмль рыхтуецца да доўгатэрміновай канфрантацыі з Украінай і заходнімі краінамі.
🔥 Беларусы занялі топавыя месцы на покерным турніры на Багамах
Аліна Палегошка і Андрэй Пятрушчанка занялі другое і трэцяе месцы ў рамках прэстыжнай серыі 2024 WSOP Paradise. Іх выйгрыш склаў амаль 800 тысяч долараў.
Як пішуць покерныя рэсурсы, за фінальным сталом засталося трое гульцоў, двое з якіх аказаліся беларусамі — да таго ж парай.
Пераможцам стаў амерыканец Джефры Хакім.
Вучням 11-х класаў забаранілі паказваць Кастуся Каліноўскага
Ягоны партэт прыбралі з падручнікаў па гісторыі, а пра паўстанне 1863 года распавядаюць «максімальна нейтральна».
У беларускіх падручніках па рускай літаратуре цяпер увогуле пішуць «польскае паўстанне», якім кіраваў Каліноўскі.
Сітуацыя з вобразам беларускага рэвалюцыянера абвастрылася пасля 2020-га. Прапагандыст Дзермант называў яго «польскім тэрарыстам», які «не мае нічога супольнага з беларускай самасвядомасцю», а ў 2022-м Азаронак атакаваў менскі бар «Каліноўскі».
💥 #галоўнае за 12 снежня
✔️ Менск западозрылі ва ўзбраенні апанентаў Асада
✔️ Адвэнт-календар. Уладзімір Пугач
✔️ У школьніка з Баранавічаў знайшлі склад боепрыпасаў
✔️ Кандыдат Трампа на пасаду кіраўніка ФБР плануе расследаванне ў дачыненні да Уладзіміра Зяленскага
✔️ Беларускі блогер-пранкер прымусіў расейскіх настаўнікаў паліць кнігі
✔️ Пасля спробы завербаваць беларускага дыпламата, Беларусь уручыла Польшчы ноту
✔️ П’яны беларус падчас адпачынку пабіўся з паліцэйскімі ў Тайландзе
✔️ ЕЗ вылучыць дапамогу дэмсилам у памеры 30 млн еўра
✔️ «Беларусьфільм» плануе перакладаць свае фільмы на хіндзі
✔️ Сястра Марыі Калеснікавай прапануе аслабіць санкцыі за вызваленне палітвязняў
✔️ У Варшаве затрымалі беларуску па падазрэнні ў гандлі людзьмі
#рэпрэсіі:
▪️Лукашэнка падпісаў указ аб падрыхтоўцы кадраў для СІЗА і калоній дзяржаў
▪️У Баранавічах масавыя затрыманні па справе газеты «Intex-Press»
▪️У Брусэлі адкрылася выстава, прысвечаная зняволеным беларускім праваабаронцам
▪️ Што з палітзняволенымі журналістамі з ПК-1
▪️Беларусь заняла чацвёртае месца ў свеце па колькасці журналістаў-вязняў
😱 Падаецца бульбы ў Беларусі сапраўды засталося на два дні…
Бо цяпер на яе экспарт нават увялі ліцэнзію. Адпаведную пастанову падпісаў прэм'ер-міністр Беларусі Раман Галоўчанка.
Такім чынам улады плануюць забеспячыць беларусаў бульбай ў поўным аб'ёме ў міжсезонны перыяд. Ліцэнзіі на вываз будзе выдаваць МАРГ па ўзгадненні з Мінсельгасхарчам, аблвыканкамамі і Менскім гарвыканкамам.
👉 Падрабязней
❓ Што рабіць з гаманцамі Лукашэнкі, калі рэжым рухне?
❓ Ці змогуць кампаніі, на якіх Лукашэнка з сям'ёю робіць багацце, прынесці карысць беларускаму грамадству?
❓ Якая краіна можа паслужыць прыкладам рэформаў эканомікі для новай Беларусі?
Пра гэта ў адмысловым інтэрв’ю ў нашай праграме «Тыдзень» распавёў былы міністр фінансаў Польшчы Лешэк Бальцаровіч.
Удзельнікаў канфлікту ў Сірыі куды болей»
Кандыдат гістарычных навук Яўген Красулін каментуе нам складанасці сітуацыі ў Сірыі:
«Кофі Анан, былы генсек ААН, калі ўжо сышоў з пасады, быў прызначаны спецпрадстаўніком па Сірыі. Зламаўся вельмі хутка, бо вельмі складана.
Пасля 2019 усе пачалі глядзець на Асада, як на лепшае вырашэнне будучыні Сірыі. Слабы Асад, які дазваляў там гаспадарыць расейцам, які дазваляў ізраільцянам бамбіце што заўгодна на маёй тэрыторыі (міжволі канешне), які дазваляў Турэччыне на поўначы адчуваць сябе вельмі добра - вось ён задавальняў усіх. А цяпер, галаўны боль для ўсіх».
«Пачаўся чарговы генацыд»
Расейскія ўлады вайной тыя падзеі не называлі. Афіцыйна гэта было - аднаўленне канстытуцыйнага строю. І не, гаворка не пра Украіну, а пра падзеі, якія пачаліся 30 гадоў таму - першую чачэнскую вайну.
Узгаедваем, што тады адбывалася. Паглядзіце!
«Джымі, Джымі...АМОН, АМОН»...Беларускія прапагандысты пачнуць размаўляць на хіндзі
«Беларусьфільм» плануе перакладаць свае фільмы на хіндзі.
Пра гэта паведаміў генеральны дырэктар кінастудыі Юрый Аляксей:
«Мы гэта будзем абмяркоўваць. Таму што там (у Індыі - рэд.) рынак таксама велізарны: там і Шры-Ланка, там і Пакістан. Гэтыя ўсе краіны, яны любяць кіно. Я вам скажу, наведваў зараз фестываль у Індыі каля месяца таму, і індус нават калі ў яго ёсць час, ён глядзіць кіно па тэлефоне, разумееце. Краіна, там культура кіно. Таму вельмі важна ўвайсці ў гэтую краіну, і трэба чапляцца і заходзіць.»Читать полностью…
🤔 Польшча стане «істотным элементам» французскай міратворчай місіі па Украіне
Прэзідэнт Францыі Эмануэль Макрон прыбыў у Варшаву каб сустрэцца з прэм’ер-міністрам і прэзідэнтам Польшчы.
Адна з галоўных тэмаў, што будзе абмяркоўвацца – дапамога Украіне.
👉 Францыя прапануе на выбар 3 шляхі дапамогі Украіне. І адзначае, что Польшча можа з’яўляцца «істотным элементам» аднаго з іх. Падрабязней
📺 Навіны за 5 хвілін
✔️Офіс Ціханоўскай стварыў ананімную форму для фіксацыі парушэнняў падчас т.з выбараў
✔️У Бруселі працягваюцца Дні Беларусі
✔️Расея можа нанесці новы ўдар «Арэшнікам» па Украіне ў найбліжэйшыя дні
✔️У ЕЗ узгаднілі пятнаццаты пакет санкцыяў супраць Расеі
✔️Што пагражае за самавольнае высячэнне ялінак у лесе?
✔️Беларус прымусіў расейскіх настаўнікаў паліць кнігі
✔️Беларусь – у рэйтынгу ста найлепшых кухняў свету
Глядзіце ў кароткім выданні навін на Белсаце 💻
❤️ «Ён дапаможа падтрымліваць незалежныя галасы»
Новы пакет дапамогі дэмсілам ад ЕЗ будзе выдзелены ў памеры 30 млн еўра. Пра гэта падчас канферэнцыі «Падтрымка беларускага народу» ў Еўрапейскім парламенце заявіла еўракамісар па пытаннях пашырэння Марта Кос:
«З радасцю абвяшчаю аб новым пакеце дапамогі для беларускага народу ў памеры 30 млн еўраў. Ён дапаможа падтрымліваць незалежныя галасы, абаронцаў, а таксама дапаможа культуры і адукацыі ў выгнанні»
😡 «Да яго прыйшла опергрупа і на камеру загадала прыбіраць прыбіральню»
Палітзняволеныя Ігар Лосік, Анджэй Пачобут і Андрэй Аляксандраў утрымліваюцца ў наваполацкай папраўчай калоніі № 1, якую называюць адной з самых жорсткіх паводле ўмоў утрымання палітвязняў.
👉 Ад былога палітвязня, які вызваліўся з ПК-1, «Белсат» даведаўся апошнія навіны пра журналістаў.
#рэпрэсіі
❤️ На плошчы перед Еўрапарламентам адкрылася выстава, прысвечаная зняволеным беларускім праваабаронцам
Выстава «Unbreakable» прысвечаная Алесю Бяляцкаму, Марфе Рабковай, Валянціну Стэфановічу, Уладзіміру Лабковічу і Андрэю Чапюку.
Адкрывалі выставу Святлана Ціханоўская і праваабаронца «Вясны» Марына Кастыленчанка ў суправаджэнні Вольнага хору.
❗️У Баранавічах масавыя затрыманні па справе газеты «Intex-Press»
Паводле праваабаронцаў, у Баранавічах прайшлі масавыя затрыманні работнікаў і журналістаў ліквідаванай прыватнай газеты «Intex-press».
Вядома пра затрыманне 7 чалавек. Усіх абвінавачваюць у садзейнічанні экстрэмісцкай дзейнасці.
Пасля падзей 2020-га года газета «Intex-press» сутыкнулася з блакіроўкамі, ператрусамі, штрафамі і канфіскацыяй тэхнікі.
☝️ Паводле апублікаванага сёння штогадовага агляду міжнароднай арганізацыі «Рэпарцёры без межаў», Беларусь заняла чацвёртае месца ў свеце па колькасці зняволеных журналістаў.
#рэпрэсіі