42764
Тэлеканал Белсат Даслаць навіну, фота ці відэа: @BelsatBot Расейскамоўны рэгіянальны ТГ @BelsatRu
🤔 Падлетак з Аргентыны планаваў здзейсніць страляніну ў школе і напісаў свой «план»... на беларускай мове
На незвычайную сітуацыю звярнуў увагу reform.news.
17 снежня 12-гадовы вучань школы ў муніцыпалітэце Фларэнсіа Варэла прынёс у навучальную ўстанову пісталет. Зброю заўважыў іншы падлетак і паведаміў пра ўсё настаўніцы.
Калі дзіцёнка, што планаваў страляніну, выклікалі да кіраўніцтва школы, у яго, акрамя пісталету, выявілі яшчэ і спіс з імёнамі планаваных ахвяраў. Ён складаўся з 14 вучняў і настаўніцы.
Аднак найбольш цікавае нават не гэта. Тэкст на аркушах з нейкай прычыны быў напісаны... па-беларуску. Падлетак, відавочна, выкарыстоўваў Google Translate ці нейкі іншы падобны сэрвіс, аднак фразы атрымаліся пісьменнымі і кожны беларус зразумее, пра што там ідзе гаворка:
📍«Я павінен паглядзець, бо я не ведаю, колькі я маю куль…»
📍«А настаўніцу прыродазнаўства заб'ю»
📍«Яны пашкадуюць, што назвалі мяне дзіўным»
📍«У мяне 7 куль. Можа 6,4,5»
Пра далейшы лёс падлетка не паведамляецца. Вядома, што пасля інцыдэнту ў школу ён болей не прыходзіў.
🥂 Новы дзень - новае акенца адвэнт-календара. Сёння – Лёва Бі-2!
Сёння ў акенцы № 23 святочнага календара наш перадапошні герой – беларускі музыка, паэт і адзін з заснавальнікаў гурта «Бі-2» Лёва. За 35 гадоў існавання гурт выпусціў 11 студыйных альбомаў. У 2020-м музыкі падтрымалі пратэсты супраць сфальсіфікаваных вынікаў выбараў у Беларусі. Пасля пачатку поўнамаштабнай вайны Расеі ва Украіне гурт «Бі-2» выступіў супраць вайны і адмовіўся праводзіць канцэрты пад мілітарысцкай сімволікай, у выніку чаго Лёва атрымаў у Расеі статус замежнага агента, а гурт – забарону на канцэрты. У студзені 2024 года шэсць удзельнікаў гурта «Бі-2» некалькі дзён правялі ў міграцыйнай турме Тайланду, дзе ім пагражалі дэпартацыяй у Расею.
13 шчырых адказаў Лёвы чытайце ў нашым артыкуле
#адвэнткаляндарбелсату
Добрага панядзелку, дарагія чытачы!
Не ведаеце, што пачытаць раніцою? Сабралі для вас найбольш цікавыя матэрыялы «Белсату», які вы маглі прапусціць:
🔹«Святло ў акне»
Як адна дзяўчына вельмі кранальна дапамагае беларусам-эмігрантам «вярнуцца» дадому.
🔹«БелАЗ» абыходзіць санкцыі праз продаж сваіх самазвалаў як «польскіх»
«BELPOL», «Белсат» і «Gazeta Wyborcza» выкрылі схему абыходу санкцыяў, уведзеных супраць «БелАЗу» як крыніцы даходаў сям’і Аляксандра Лукашэнкі.
🔹Беларускія і расейскія прапагандысты вольна пачуваюцца ў сацсетках ЕЗ
«Alliance4Europe» і «Science Feedback» прадставілі справаздачу, прысвечаную няздольнасці буйных тэхналагічных платформаў выконваць санкцыі ЕЗ у дачыненні расейскіх і беларускіх прапагандыстаў.
#штопачытаць
📷 Фатаграфіі тыдня
Пошук целаў забітых у сірыйскіх турмах, удар балістычнымі ракетамі па Кіеве ды іншыя моманты, якія патрапілі ў камеры фотарэпарцёраў з усяго свету за апошнія 7 дзён.
⚡️Сенсацыйнае расследаванне. Як «БелАЗ» абыходзіць санкцыі праз продаж сваіх самазвалаў як «польскіх»
«Белсат», «BELPOL» і «Gazeta Wyborcza» выкрылі схему абыходу санкцыяў, уведзеных супраць «БелАЗу».
📍Тэкставую версію чытайце ПА СПАСЫЛЦЫ (праз VPN)
😔 Пасля трох гадоў працы ў грузінскай сталіцы спыніць працу беларуская прастора
Учора ў «Кропцы» адбылося агульнае развітальнае мерапрыемства, а сёння – апошняе тэматычнае. Плануецца, што з 10 студзеня прастора канчаткова зачыніцца.
☝️Чытайце па спасылцы, у чым прычына спынення дзейнасці «Кропкі»
💁🏻♂️ З зачыненага два гады таму Чырвонага касцёлу патрабуюць амаль $43 тысячы
Яго пробашч Франц Рудзь паведаміў пра гэта падчас сённяшняй імшы.
📍Болей падрабязнасцей пра сітуацыю чытайце на нашым сайце
🦠 «Якая вялізная колькасць людзей памірала ад таго, што рэжым змагаўся з БЧБ-шкарпэткамі, а не з каронавірусам»
Як бы рэжым не імкнуўся прыхаваць статыстыкі смяротнасці беларусаў ад ковіду, праўда ўсё адно становіцца вядомая. Так, «BELPOL» атрымаў звесткі з гарадскога патолагаанатамічнага бюро Менску.
🔍 Як выглядала сітуацыя са смяротнасцю ад ковіду ў першыя 1,5 года пандэміі, распавядаем у нашым відэа!
💁🏻♂️ Meta і Google амаль нічога не робяць, каб абмяжоўваць распаўсюд кантэнту беларускіх і расейскіх прапагандыстаў
Гэта вынікае са справаздачы Alliance4Europe і Science Feedback.
📍Чытайце на старонцы, якія яшчэ сусветныя інтэрнэт-платформы ігнаруюць санкцыі ў дачыненні да дзяржпрапаганды РБ і РФ (спойлер – амаль усе).
😨 У Менску проста на катку на Нямізе памёр мужчына
Гэта здарылася ўчора каля 17-й гадзіны. Спачатку пра здарэнне паведамілі відавочцы ў сацсетках (яны ж знялі відэа, праўда інфарматыўнасць гэтых ролікаў досыць нізкая).
Паводле іншых наведнікаў катку, памерлы падчас катання «на поўнай хуткасці ўехаў у борт». Спачатку яму спрабаваў дапамагчы персанал, пазней дактары з брыгады хуткай дапамогі.
Адміністрацыя катка сёння паведаміла, што рэанімацыйныя дзеянні доўжыліся каля 50 хвілін, аднак выратаваць мужчыну не атрымалася. Яму было 38 гадоў.
Сеанс катання, падчас якога ўсё здарылася, быў перарваны. Іншым наведнікам вярнулі грошы за білеты.
❄️ Гэты мастак стварае самыя зімовыя карціны, якія мы бачылі
Інструментам мастацтва можа быць што заўгодна, але 63-гадовы Сайман Бэк выкарыстоўвае найбольш незвычайныя палотны для сваіх працаў.
Што за яны, глядзіце ў нашым відэа!
Патрыёты Беларусі не падтрымліваюць Сірыю
Пранкер Андрэй Павук патэлефанаваў кіраўнічцы гомельскай абласной арганізацыі «Патрыёты Беларусі» і літаральна давёў яе да істэрыкі пытаннямі пра Сірыю, змагароў і дроны.
☝️Але нам яе не шкада. Чаму? Глядзіце самі ў нашай праграме «Шухер шоу».
❤️🩹 Да сабакаў з прытулку таксама завітаў Санта Клаўс!
У прытулку ў Тэнэсі жывёлінам не толькі купілі падарункі, але і далі самастойна выбраць.
Толькі паглядзіце, як адрэагавалі пухнатыя!
☝️Беспілотнікі другі раз за тыдзень атакавалі нафтабазу ў Арлоўскай вобласці
Яна абслугоўвае працу магістральнага нафтаправода «Дружба».
📍Чытайце на старонцы, што вядома
👆За апошнія 5 гадоў колькасць беларусаў у Польшчы павялічылася больш, чым у 5 разоў
Толькі з 2021 года больш за 240 тысяч грамадзянаў Беларусі падаліся на атрыманне дазволу на знаходжанне ў Польшчы, паведаміў Павел Латушка выданню @pozirkonline:
«Адпаведныя дадзеныя з'яўляюцца ўскосным пацверджаннем таго, што людзі пакідаюць Беларусь не па сваёй волі. Сёння беларусы з'яўляюцца другой па колькасці групай замежнікаў у Польшчы»,
📍Паўночная Карэя хоча перакінуць дадатковыя сілы для вайны з Украінай
Пра гэта паведамляюць паўднёвакарэйскія вайскоўцы:
«Аналіз шматлікіх разведвальных дадзеных паказвае, што Паўночная Карэя рыхтуецца да ратацыі альбо павелічэння колькасці войскаў, размешчаных у Расеі»,
🎄 Жыхарам Горадні стала нашмат прасцей адчуць святочны настрой
Усё таму, што мост праз Нёман цяпер упрыгожвае вось такая цудоўная ілюмінацыя! 🤩
Як вам?
💥 #галоўнае за 22 снежня
✔️Новая частка расследавання BELPOL: як БелАЗу ўдаецца абыходзіць заходнія санкцыі?
✔️Пасля трох гадоў працы ў Тбілісі спыніць працу беларуская прастора «Кропка»
✔️У Менску проста на катку на Нямізе памёр мужчына
✔️Яшчэ адзін беларус памёр на цэнтральным вакзале ў Варшаве
✔️Meta і Google амаль нічога не робяць, каб абмяжоўваць распаўсюд кантэнту беларускіх і расейскіх прапагандыстаў
✔️Лукашэнка сустрэўся з арабскімі шэйхамі (на іхнай тэрыторыі)
✔️У Грузіі працягваюць кіпець жарсці паміж прэзідэнткаю і кіроўнай партыяй «Грузінская мара»
✔️Дзяўчына з Беларусі кранальна «вяртае дадому» эмігрантаў, якія з'ехалі з Радзімы
✔️Украінскі баксёр Аляксандр Усік другі раз за год нанёс паразу брытанцу Тайсану Ф'юры
#рэпрэсіі:
▫️З зачыненага два гады таму Чырвонага касцёлу патрабуюць амаль $43 тысячы
▫️У Віцебску судзілі за «экстрэмізм» інстаграм-блогера, на якога падпісаныя 50 тысяч чалавек
📍Лукашэнка сустрэўся з арабскімі шэйхамі
На сустрэчы прысутнічаў таксама ягоны сын Віктар. У Эміраты яны прыляцелі яшчэ ў сераду.
🔍 Чытайце па спасылцы, хто размаўляў з прадстаўнікамі клану Лукашэнкаў ды пра што ішла гаворка
☝️На вакзале «Варшава-Цэнтральная» памёр бяздомнік. Высветлілася, што ў яго было грамадзянства Беларусі
Дактары канстатавалі, што смерць 52-гадовага мужчыны наступіла з натуральных прычынаў.
📍Болей падрабязнасцей – на нашай старонцы
💥 СТРЫМ. Нядзельнае вечаровае шоу «Тыдзень»
У сённяшнім выданні шмат цікавага:
🔸Як БелАЗ абыходзіць еўрапейскія санкцыі і хто ім дапамагае ў Польшчы? Расследаванне.
🔸Як МТЗ спрабавала зрабіць беспілотны трактар і ці ў іх атрымалася? Даведаемся з дапамогай праслушак ад Кіберпартызанаў.
🔸Беларуская малочка і яе цудоўная якасць – перабольшанне? Пра гэта сведчаць дадзеныя, перахопленыя BELPOL.
🔸Беларускія онлайн-казіно – адкрытыя для непоўнагадовых. Распавядзем пра расследаванне БРЦ, якое пачалося з сюжэтаў, што мы рабілі паўгады таму.
🔸Сірыя працягвае разграбаць спадчыну Асадаўскага рэжыму. Масавыя пахаванні і што адбываецца ў краіне?
🔸Эксплэйнер пра ядравую зброю
Далучайцеся да нашага эфіру! 🔽
https://www.youtube.com/watch?v=XbrLT56feb0
📍Упаўнаважаны Вярхоўнай Рады ў правах чалавека заявіў пра чарговы выпадак расстрэлу расейцамі палонных украінцаў
Ён сцвярджае, што сёлета колькасць выпадкаў расстрэлаў украінскіх байцоў расейцамі амаль удвая большая, чым за два папярэднія гады вайны разам.
Падрабязней на нашым сайце
🇬🇪 У Грузіі працягваюць кіпець жарсці паміж прэзідэнткаю і кіроўнай партыяй «Грузінская мара»
Прэм'ер-міністр Іраклій Кабахідзэ намякнуў, што для Саламэ Зурабішвілі існуе пагроза апынуцца за кратамі, калі яна не сыдзе з пасады.
📍Больш інфармацыі ў нас на старонцы
📢 Не паспелі ўсачыць за навінамі на выходных?
У нас маецца дадатковы канал з максімальна сціслым апісаннем асноўных падзей ➡️ (НЕ)АПОШНІЯ НАВІНЫ.
Вынікі дня, падборкі найлепшых і найважнейшых матэрыялаў. Абяцаем не спаміць, далучайцеся да @vynikidnia
#галоўнае
🇺🇸 «Не наведваць». У ЗША пацвердзілі «чацвёрты» ўзровень рызыкі для сваіх грамадзянаў, якія хочуць прыехаць у Беларусь
Грамадзянам Злучаных Штатаў, якія маюць патрэбу ў консульскай дапамозе ўнутры нашай краіны, раяць пакінуць межы РБ і звярнуцца ў амбасаду ЗША ў іншай дзяржаве.
📍Падрабязней на старонцы
📖 Мастачка аб'яднала пад адной вокладкай даследаванне пратэстаў у Беларусі і Ганконгу
Найбольш аўтарку цікавілі сімвалы, жэсты, колеры, якія выкарыстоўвалі ўдзельнікі пратэстаў – нябачныя коды, якімі можна карыстацца як універсальнай мовай.
📍Чытайце падрабязней у нас на старонцы
💬 «Адзін хлопец папрасіў падысці да яго дома і сфатаграфаваць акно з уключаным святлом. Настолькі яму было важнае святло ў родным акне»
Пасля падзеяў 2020-га года Беларусь пакінулі сотні тысячаў чалавек (дакладнай лічбы ніхто не ведае, гэта прыкладныя падлікі сацыёлагаў). Усе яны так ці інакш захавалі ў памяці родныя мясціны, будынкі, пейзажы, якія цяпер не могуць пабачыць фізічна.
❤️ Пачытайце кранальную гісторыю пра тое, як беларуска дапамагае суайчыннікам у эміграцыі змагацца з тугой па дому.
🕵️♂️ Як уплываюць на БезАЗ заходнія санкцыі ды якія схемы прыдумалі, каб іх абыходзіць?
Прычым абыходзіць настолькі, што прадукцыя БелАЗу едзе не толькі ў краіны «трэцяга свету», але і ў Еўразвяз!
«BELPOL» выпусціў чацвёртую частку расследавання, прысвечанага таму, як клан Лукашэнкі абагачаецца за кошт аднаго з найбуйнейшых прадпрыемстваў Беларусі.
🏆 Усік сёлета непераможны: у другім двубоі з Тайсанам Ф'юры ён зноў святкаваў трыумф
Першы раз сёлета ўкраінец і брытанец сустрэліся на рынгу ў траўні. Тады суддзі аддалі перамогу Усіку.
Аднак неўзабаве супернікі запланавалі матч-рэванш, які меўся адбыцца напрыканцы снежня. І вось учора гэты двубой адбыўся ў Саудаўскай Аравіі.
Адзінагалосным рашэннем суддзяў перамога зноў дасталася Усіку, які захаваў усе свае чэмпіёнскія паясы.
🎄 Ужо набылі ялінку і мандарыны, гатовыя глядзець калядныя фільмы?
Сёлета мы захацелі разбавіць ваш спіс з «Аднаго ўдома», «Іроніі лёсу» і «Гары Потэра» святочнымі фільмамі з Аўстраліі, Кітаю, Швецыі ды Італіі. А ці ведаеце вы, што глядзяць у Чэхіі і Польшчы? А Каляднае анімэ бачылі?
Захоўвайце сабе нашую падборку.