42764
Тэлеканал Белсат Даслаць навіну, фота ці відэа: @BelsatBot Расейскамоўны рэгіянальны ТГ @BelsatRu
💥 «Белсат» па-беларуску – у Google News
🙌 Падпісвайцеся на нас (калі гэта бяспечна) і будзем разам прасоўваць беларускую мову ў Google.
Наша старонка ў Google News
▶️ Тэлеграм-канал «YouTube Беларусі» праводзіць апытанне на найлепшую блогерку 2024 года!
Сярод намінантак – наша Кацярына Ваданосава!
Нагадаем, што ў гэтым тэлесезоне Кацярына робіць праграму пра беларускую моду, якая называецца «Нітка Зорка».
☝️Чым не нагода паглядзець яе выпускі ў нашым плэй-лісце?
💬 «Базу нашу ніхто не ўзломваў. Таму што мы не захоўваем дадзеныя ў адной базе, у нас іх некалькі»
Аляксей Лявончык адрэагаваў на зроблены дзяржаўнай прапагандаю фільм, у якім расказваецца пра выкрыццё сеткі людзей, якія, магчыма, супрацоўнічалі з фондамі салідарнасці і дапамогі палітвязням.
🔍 Пачытайце, што ён расказаў у каментары «Белсату»
😮 Праз 100 гадоў беларусаў можа застацца каля трох мільёнаў...
... калі працягнуцца актуальныя дэмаграфічныя трэнды.
Што рабіць, каб беларусы не вымерлі?
Калі беларусаў было больш за ўсё і ў які момант рост колькасці насельніцтва спыніўся?
👀 Глядзіце ў фельетоне ад нашага журналіста Змітра Лупача.
💬 «Распавядаю ў гэтай кнізе пра тое, што жыхары Беларусі не былі ніякімі "зайчыкамі". І не былі ні сталіністамі, ні "савецкімі людзьмі"»
У снежні кніга Змітра Бартосіка «Забіць упалмінзага» атрымала трэцюю прэмію імя Гедройця і мелася стаць бомбай, якая б магла, «можа, цэламу народу змяніць уяўленне пра самога сябе». Але ці так сталася?
🔍 Вялікую размову з аўтарам чытайце на нашай старонцы
Украінскі дрон урэзаўся ў «хмарачос» у Расеі
Пацярпеў 37-павярховы жылы будынак у Казані. Пасля выбуху там пачаўся пажар. Пацярпелых няма.
Таксама расейскія тг-каналы паведамляюць пра іншыя выбухі ў Казані. Другі беспілотнік мог пашкодзіць яшчэ адзін шматпавярховік у горадзе.
☕️ Вітаем, шаноўныя!
Сабралі для вас найбольш цікавыя матэрыялы «Белсату», які вы маглі прапусціць:
🔺 30 гадоў улада змагаецца з карупцыяй. Якія вынікі?
Беларусь апусцілася на тры пазіцыі ў рэйтынгу ўзроўню хабарніцтва ў параўнанні з мінулым годам і заняла 173-е месца сярод 194 краін. Чаму за столькі часу так і не ўдалося перамагчы карупцыю? Прачытайце меркаванні экспертаў (праз VPN).
🔺 У Беларусі цяпер больш прафесій, на якія можна браць замежнікаў без дазволу
Разабраліся, якія пасады могуць займаць замежнікі ў нашай краіне ў спрошчаным парадку. Сярод іх ёсць тыя, з якімі вы можаце сутыкацца штодня. Чытайце на сайце (праз VPN).
🔺 На правядзенне выбараў-2025 выдаткуюць у паўтара раза больш, чым на выбары-2020
Падлічылі, колькі сродкаў рэжым плануе выдаткаваць на так званыя выбары. Лічбы проста велізарныя. Падрабязнасці — на старонцы (праз VPN).
🗺 Здымак з Google Maps дапамог іспанскай паліцыі раскрыць справу аб забойстве
Аўтамабіль Google быў у горадзе Тахуэка ўпершыню за 15 гадоў, калі зрабіў выяву, як чалавек загружае вялікі белы поліэтыленавы пакет у багажнік сваёй машыны. Яшчэ адна серыя фатаграфій паказвае размыты сілуэт чалавека, які перавозіць вялікі белы пачак у тачцы.
Расследаванне пачалося пасля таго, як сваяк зніклага кубінца, які жыў у Іспаніі, западозрыў падробку паведамленняў з яго тэлефона. У іх гаварылася, што ён пазнаёміўся з іншай жанчынай, з'язджае з Іспаніі і збіраецца пазбавіцца ад тэлефона.
Кубінец знік у кастрычніку 2023 года, а некалькі тыдняў таму на могілках было знойдзена цела, якое, як мяркуецца, належыць знікламу. Паліцыя арыштавала былую партнёрку ахвяры і яе каханка. А здымкі з Google Maps дапамаглі раскрыць справу.
🔥 «Кіберпартызаны» атрымалі доступ да базаў з інфармацыяй пра памерлых у Беларусі і даведаліся пра афіцыйныя прычыны смерці Ашурка, Макея і іншых вядомых асобаў
Напрыклад афіцыйная прычына смерці Уладзіміра Макея, які памёр у лістападзе 2022 года, указаныя «іншыя недакладна вызначаныя і неўдакладненыя прычыны смерці».
А Генадзь Шутаў, у якога стралялі сілавікі, афіцыйна памёр ад «ачаговай траўмы галаўных мазгоў».
👉 Падрабязней
😮 Украіна масава ўдарыла па Курскай вобласці
Пад ракетны абстрэл трапіў горад Рыльск. Колькасць загінулых павялічваецца — ўжо мінімум сем чалавек.
Расейскія тг-каналы кажуць, што гэта былі шэсць ракетаў ATACMS, якія ўпалі на Дом культуры, аўтастанцыю і навучальныя ўстановы.
🔧 Прадавец, слесар-сантэхнік, інжынер-электронік… Мінпрацы пашырыла пералік прафесіяўякія не патрабуюць дадатковых дазволаў для замежнікаў
У спіс дадалі 6 пазіцыяў: манцёр шляху, прадавец, слесар-сантэхнік, інжынер-электронік, тэхнік, электрамеханік.
🪠 Пры прыёме на працу замежнікаў на прафесіі і пасады, вызначаныя ў спісе, наймальніку дастаткова паведаміць пра гэта ў орган унутраных справаў.
Пры прыеме на працу на прафесіі па-за спіскам, наймальнік мусіць атрымаць спецыяльны дазвол і даказаць, што вакансію не можа заняць грамадзянін Беларусі ці замежнік, які мае дазвол на пражыванне ў Беларусі.
📌 Прадстаўнікі Каардынацыйнай рады ўпершыню паўдзельнічаюць у працы ПАРЕ
Дэмакратычныя сілы плануюць яшчэ раз падкрэсліць важнасць непрызнання выбараў Лукашэнкі, неабходнасці вызвалення палітвязняў і прыцягнення Лукашэнкі да адказнасці:
«Асноўная ўвага беларускіх прадстаўнікоў на бліжэйшым пасяджэнні ПАРЕ будзе сканцэнтраваная на непрызнанні таго „фарсу“, які арганізоўвае Лукашэнка і называе выбарамі, неабходнасці вызвалення палітычных зняволеных і прыцягнення Лукашэнкі да адказнасці за злачынствы супраць беларускага народу»Читать полностью…
😡 Для ўдару па Кіеве была выкарыстана паветраная прастора Беларусі
Ракеты праляцелі над Гомельскім раёнам, сцвярджае ўкраінскі маніторынгавы канал Ukrainian Raccoon у каментары «Флагштоку».
🐣 У Перу нарадзілася першае ў свеце дзіця, зачатае праз тэхналогію падтрымання яечнікаў (OSC)
Яна дазваляе яйцаклетцы выспяваць па-за жаночым арганізмам.
☝️ Метад «Fertilo» біятэхналагічнай кампаніі «Gamet» ёсць новым тыпам ЭКА, у якім не патрабуецца гарманальная тэрапія цягам 10–14 дзён. Выспяванне яйцаклетак адбываецца па-за целам, у дапаможных клетках яечніка, атрыманых лабараторным шляхам з камлёвых клетак.
Са словаў навукоўцаў, гэты метад зніжае рызыку гіперстымуляцыі яечнікаў і змяншае пабочныя эфекты, выкліканыя вялікімі дозамі гармонаў. Метад можа быць альтэрнатывай звычайнаму ЭКА і дапаможа жанчынам, якія не могуць самастойна вынасіць дзіця.
🔬 Пры тэхналогіі «Fertilo» працэс займае не тры тыдні, як пры звычайным ЭКА, а тры дні. Акрамя таго, пры ім выкарыстоўваецца на 80 % менш гармонаў.
Цяпер «Fertilo» праходзіць клінічныя выпрабаванні ў ЗША, а ў Перу, Аўстраліі, Парагваі, Аргентыне, Мексіцы і Японіі метад ужо дазволілі выкарыстоўваць.
💱 Курсы валютаў 20 снежня
Еўра страціў аж 6,5 капеек. Долар - 2,5. Расейскі рубель працягвае расці.
#курсывалютаў
🥊 Гэты бой чакаюць мільёны ва ўсім свеце!
Паядынак паміж Аляксандрам Усікам і Тайсанам Ф'юры стаў адным з самых чаканых спартыўных падзей года. Што пра яго вядома?
🔸Агульная сума ганарараў баксёраў перавысіла $190 млн — рэкорд у гісторыі боксу. Незалежна ад выніку, 60% ($114 млн) прыбыткаў атрымае ўкраінец, а Ф’юры — $76 млн.
🔸Частку сваіх сродкаў Усік накіруе на падтрымку ЗСУ, а Ф'юры перадасць украінцам $1,25 млн.
🔸На фінальнай прэс-канферэнцыі перад боем баксёры правялі напружаную дуэль поглядаў, якая працягвалася аж 11 хвілін і 20 секунд.
🔸Упершыню за паядынкам будзе сачыць суддзя на базе штучнага інтэлекту, які пазбаўлены прадузятасці і чалавечых памылак.
🔸Ф'юры значна большы за свайго суперніка: ён вышэйшы на 20 см і цяжэйшы на 30 кг. На ўзважванні 20 снежня вага Усіка склала 102,5 кг, у той час як Тайсан паказаў 127,4 кг.
🔸Напярэдадні бою Зяленскі патэлефанаваў Усіку і ў жартаўлівай форме папрасіў «не моцна біць Ф'юры», каб брытанцы не перадумалі пастаўляць ракеты Storm Shadow.
🤢 Такога дубайскага шакаладу вы яшчэ не бачылі!
Беларускае прадпрыемства паказала незвычайную навінку.
😨 І яна можа паказацца жахлівай. Паглядзіце!
😎 Не толькі дронамі багатыя!
Паглядзіце, якая машынка цяпер адбівае атакі расейцаў ва Украіне! Пехатынцы пахваліліся першай наземнай аперацыяй, якая адбылася без удзелу людзей!
📹 Відэа: ХАРТІЯ
🎁 Падарункі з беларускім прысмакам – што выбраць?
Хочаце знайсці для блізкіх падарунак, які падкрэслівае нацыянальную ідэнтычнасць?
Мы вам з гэтым дапаможам! Акрамя таго, што гэта проста цудоўныя рэчы, дык яны яшчэ і дазволяць падтрымаць беларускіх творцаў у эміграцыі!
🔍 Глядзіце па спасылцы
😨 Трагедыя на калядным кірмашы ў Нямеччыне: больш за 60 чалавек атрымалі раненні ў выніку наезду аўтамабіля. Ёсць загінулыя
Падазраваны – 50-гадовы доктар з Саудаўскай Аравіі, які легальна пражываў у Нямеччыне з 2006 года – быў затрыманы. Прэм'ер-міністр зямлі Саксонія-Ангальт Райнэр Хазелаф адзначыў, што пакуль занадта рана сцвярджаць, ці быў гэты інцыдэнт тэрарыстычнай атакай, «хаця ёсць пэўныя элементы, якія паказваюць на гэта».
Вядома, што мужчына працаваў лекарам і псіхатэрапеўтам.
🎁 Сёння ў адвэнт-календары «Белсату» – Павел Латушка
Кіраўнік НАУ, а таксама намеснік кіраўніцы АПК Беларусі, у 2020-м падтрымаў страйк Купалаўцаў і ўдзельнічаў у пратэстах супраць сфальсіфікаваных выбараў. Цяпер ён – адзін з самых вядомых палітыкаў дэмакратычных сілаў.
Прачытайце, які быў яго галоўны фэйл, як ён любіць адпачываць і хто з беларусаў стаў для яго адкрыццём года? Адказы – ПА СПАСЫЛЦЫ (праз VPN).
💥 #галоўнае за 20 снежня
✔️ Адвэнт-календар – Мара Тамковіч
✔️ Расея атакавала Кіеў. Для ўдару была выкарыстана паветраная прастора Беларусі
✔️ У Варшаве напалі на дырэктара праграмы Каліноўскага
✔️ Беларуская Рада культуры падвяла вынікі 2024 года
✔️ Нарадзілася першае ў свеце дзіця, зачатае па-за жаночым арганізмам
✔️ Ва Украіне ўзнагародзілі беларускага добраахвотніка
✔️ Прадстаўнікі Каардынацыйнай рады ўпершыню паўдзельнічаюць у працы ПАРЕ
✔️ Мінпрацы пашырыла пералік прафесіяў, якія не патрабуюць дадатковых дазволаў для замежнікаў
✔️ Пракуратура Лейпцыга вырашыла не праводзіць расследаванне ў дачыненні да Ёрга Дорнау
✔️ Украіна масава ўдарыла па Курскай вобласці
✔️ Памерла ўдава Рыгора Барадуліна Валянціна Барадуліна
✔️ Эканамічныя вынікі года: усё выратаваў спажывецкі бум беларусаў
#рэпрэсіі:
▪️ КДБ дадаў заснавальніка клінік «Новы зрок» у «cпіс тэрарыстаў»
▪️ «Кіберпартызаны» даведаліся пра афіцыйныя прычыны смерці Ашурка, Макея і іншых вядомых асобаў
▪️ Затрымалі стэндапера і радыёвядучага Сцяпана Манкевіча
😼🎄Коцікі і ялінкі — паміж імі ніколі не будзе мір
А ваш пухнацік таксама палюе на калядны сімвал?
🔴 «Аб’ектыў» – галоўныя падзеі дня!
У сённяшнім выданні:
🔸Беларусь наперадзе Еўропы паводле рэйтынгу хабарніцтва. Тлумачым чаму не ўдалося перамагчы карупцыю
🔸Якой па выніках года будзе інфляцыя, якім будзе ВУП? Эксперты Beroc падводзяць эканамічныя вынікі году
🔸І яшчэ адныя вынікі — спартовыя. Чым 2024 стаў адметным для беларускага спорту. Спойлер: усё кепска
🔸Што адбываецца з БелАЭС
🔸Агляд падзеяў замежжа і вайны ва Украіне
🔸Калядная гісторыя італьянца, які рамантуе цацкі і дорыць дзецям
Далучайцеся да нашага эфіру ⤵️
https://www.youtube.com/live/3zUHBhUwTLg
🫤 Пракуратура Лейпцыга вырашыла не праводзіць расследаванне ў дачыненні да Ёрга Дорнау
Праваахоўнікі не знайшлі падстаў падазраваць яго ва ўчыненні злачынстваў, за якія ён можа быць прыцягнуты да адказнасці ў Нямеччыне, паведамляе агенцтва AFP
Бізнесовец і дэпутат парламента Саксоніі ад ультраправай партыі «Альтэрнатыва для Германіі» Ёрг Дорнаў падазраваўся ў пастаўках у Беларусь тэхнікі паводле фальшывых дакументаў. Таксама яго абвінавачвалі ў выкарыстанні працы беларускіх палітвязняў на сваіх плантацыях цыбулі.
🤬 На «выбары-2025» у Беларусі вылучылі амаль 55 млн рублёў
Закон аб рэспубліканскім бюджэце Беларусі на 2025 год быў афіцыйна апублікаваны 20 снежня. На правядзенне «выбараў» і рэферэндумаў у ім адклалі 54 145 157 рублёў.
Як заўважыла «Zerkalo», гэтая сума куды большая за выдаткаваную на «выбары» 2020 года.
Тады ў бюджэт заклалі 25 482 117 рублёў, а патрацілі ў выніку на 103,7 тысячы менш (калі лічыць менавіта правядзенне выбараў і не ўлічваць палітычных рэпрэсіяў). То бок, у рублях «выбары-2020» былі таннейшымі ў 2,12 раза.
📺 Навіны за 5 хвілін
✔️У Беларусі вырастуць выдаткі на войска, сілавікоў і культуру
✔️Мінэнерга патлумачыла адключэнне на БелАЭС
✔️У Менску затрыманы стэндап-комік Сцяпан Манкевіч
✔️Расея нанесла ракетны ўдар па Кіеве
✔️З новага года падымуць падатак для ўладальнікаў сабак
✔️У Бабруйскім раёне гарэла школа
Глядзіце ў кароткім выданні навін на Белсаце 💻
🥇 У Івана-Франкоўскай абласной радзе беларусу-добраахвотніку Аляксандру Малчанаву ўручылі медаль за заслугі перад Украінай
Медаль уручаў сам кіраўнік абласной рады Аляксандр Сыч.
Беларус Аляксандр Малчанаў з 2014 года ваяваў ва Украіне. Ён заўсёды быў на перадавой у Данецкай і Луганскай вобласцях на Данбасе. У першыя дні пасля поўнамаштабнага нападу Расеі на Украіну ўдзельнічаў у баях пад Кіевам. Абараняў аэрадром у Гастомэлі, выбіваў расейскіх захопнікаў з Ірпіня, Бучы і Макарава.
😱 Менская пенсіянерка выкінула з балкона пакет з 10 тысячамі долараў на патрабаванне махляра
Жанчына стала ахвярай распаўсюджанай махлярскай схемы, якую называюць «Алё, мама». Ад страты вялікай сумы грошай 91-гадовую жанчыну ўратавалі камунальнікі, якія схапілі злачынцу.
👉 Падрабязней
😃 Знакаміты дубайскі шакалад, але з… дранікам
Паглядзіце, што зрабіў беларускі блогер!