42764
Тэлеканал Белсат Даслаць навіну, фота ці відэа: @BelsatBot Расейскамоўны рэгіянальны ТГ @BelsatRu
«Капаў магілу і канцэнтраваўся толькі на гэтым. Клікаў Ван Гога і прасіў, каб мастак падняўся…»
Аляксей Кузьміч - мастак-акцыяніст, які так і не адкапаў Ван Гога, каб пахаваць сябе.
У інтэрв'ю «Белсату» ён распавёў, чаму не любіць мастакоў, «якія займаюцца нацыяналізмам у мастацтве», чаму сышоў з закрыцця выставы, прысвечанай Алесю Пушкіну, і чаму смерць Пушкіна ў беларускай турме не стала творам мастацтва.
👉 Чытаць інтэрв’ю тут
🤯 Ня ўсім супрацоўнікам Акадэміі Навук можна будзе карыстацца інтэрнэтам на працы
Па паручэнні старшыні прэзідыума НАН Уладзіміра Гусакова ўжо рыхтуць спісы «абраных» і не вельмі.
Фрагмент дакумента апублікаваў у сваім тэлеграм-канале вядомы беларускі навуковец-хімік Сяргей Бесараб.
🫤 Для навукоўцаў, якія з’ехалі таксама рыхтуюць змены. Іх хочуць пазбавіць званняў акадэмікаў і членаў-карэспандэнтаў. Гусакоў ужо даручыў распрацаваць і ўнесці дапаўненні ў Статут НАН, якія б прадугледжвалі такую магчымасць.
🔴 «Аб’ектыў» – галоўныя падзеі дня!
У сённяшнім выданні:
🔸 МЗС Беларусі хоча правесці канферэнцыю і хоча запрасіць прадстаўнікоў ЕЗ
🔸 Як беларусы ставяцца да заходніх краінаў? Chatam House правялі даследаванне
🔸 Пуцін у Манголіі - такі не затрыманы
🔸 Расея абстраляла Палтаву
🔸 Беларусы ў Вільні сутыкнуліся з праблемай - недахоп месцаў у школе, каб дзеткі маглі навучацца па-беларуску
Далучайцеся да эфіру ⤵️
🇱🇻 Латвія перадасць у падтрымку Украіне 18 аўтамабіляў, якія канфіскавалі ў п’яных кіроўцаў
У спісе канфіскаваных аўтамабіляў ёсць і люксавыя мадэлі, піша Delfi
Агульны папярэдні рынкавы кошт 18 транспартных сродкаў для Украіны складае 94 680 еўраЧитать полностью…
💔 97 гадоў магло б споўніцца слыннаму беларускаму пісьменніку Алесю Адамовічу
Ён быў чалавекам, які рабіў усё магчымае, каб вайны больш ніколі не было ў нашым свеце.
Паглядзіце відэа, прысвечанае Алесю Адамовічу.
Даруйце, спадар Алесь, за тое, што чалавецтва стала забываць пра жахі вайны і распачало яе зноў!
📌 У Данецкай і Харкаўскай вобласці маштабны лясны пажар
Агонь ляснога пажару ў Данецкай і Харкаўскай абласцях знішчыў вялікую плошчу лесу і больш за 150 прыватных дамоў. Сітуацыя пагаршаецца гарачым надвор'ем, ветрам і выбухам боепрыпасаў.
На Харкаўшчыне пацярпела 69-гадовая жанчына, а ў выніку выбуху боепрыпасаў, пакінутых расейскімі войскамі, атрымаў раненне выратавальнік, паведамляе Дзяржаўная служба Украіны па надзвычайных сітуацыях.
📺 Навіны за 5 хвілін
✔️Пуцін прыбыў з візітам у Манголію
✔️Хапун у Лідзе
✔️У ЗША арыштавалі самалёт прэзідэнта Венесуэлы Мадура
✔️Беларусь і Расея падпішуць дамову аб гарантыях бяспекі
✔️Беларускія прадпрамальнікі больш не змогуць арганізоўваць культурніцка-відовішчных мерапрыемстваў
✔️Першы беларускі цыгарэтны тытунь вырасцілі на Віцебшчыне
✔️Расея атакавала Запарожжа, загінуў 8-гадовы хлопчык
Глядзіце ў кароткім выданні навін на Белсаце 💻
▪️Наступствы расейскага ўдару па Палтаве: вядома пра 41 загінулага і каля 200 параненых
Аб гэтым паведаміў прэзідэнт Украіны Уладзімір Зяленскі:
«Атрымаў папярэднія даклады аб расейскім удары па Палтаве. Папярэдне вядома, што дзве балістычныя ракеты патрапілі ў навучальную ўстанову і суседнюю лякарню. Часткова разбураны адзін з будынкаў Інстытута сувязі. Людзі апынуліся пад заваламі, многіх удалося выратаваць. Больш за 180 чалавек паранены, і, на жаль, вядома аб 41 загінулым»
😡 Супрацоўнікі Наваполацкай ПК-1 знішчаюць асабістыя рэчы асуджаных праз недахоп месца на складах
Паводле праваабаронцаў з MAYDAY.TEAM, такі працэс у калоніі называюць «днямі расхламлення».
«Пад знішчэнне нібыта непрыдатных або «лішніх» рэчаў могуць патрапіць амаль новыя тапкі, абутак для спорту, зменныя спартовыя касцюмы, ручнікі і г.д.»
😳 На польскім сэрвісе OLX чалавек з нікам Aliaksandr прадае маёмасць «Байпола»
Сярод рэчаў - офісная тэхніка і рэчы ваеннага прызначэння. Улічваючы, што лідар «Байпола» — Аляксандр Азараў, у інтэрнэце прэтэнзіі былі выстаўленыя менавіта яму.
☝️ На званок «Белсату» Азараў адказаў, што «рыхтуецца афіцыйны адказ» BYPOL, бо яго «замучылі званкі і паведамленні» і з нагоды гэтай навіны. Неяк каментаваць інфармацыю пра нібыта продаж рэчаў да афіцыйнага адказу ён адмовіўся.
«Каб праз 5 гадоў не апынуцца ў той самай кропцы». Беларускае пытанне ўзнялі на найбуйнейшым у Цэнтральнай Еўропе аналітычным форуме
У Чэхіі завяршыўся міжнародны форум у справе бяспекі «GLOBSEC». Адна з панэляў канферэнцыі была прысвечаная Беларусі.
Што казалі пра нашую краіну ды да якой стратэгіі заклікалі Еўропу, глядзіце ў сюжэце «Аб’ектыву» 🔼
🤯 12 гадоў за тое, што твой твіт сабраў больш падабаек чым твіт вярхоўнага лідара краіны
Не, гэта не навіны рэпрэсій з Беларусі. Гэта Іран.
🤦♀️ Мясцоваму блогеру Хасейну Шанбехзадэ прысудзілі 12 гадоў турмы за твіт з адной кропкай, які ён напісаў у адказ на пасаду вярхоўнага лідара краіны Алі Хамэйні. Твіт набраў значна больш падабаек, чым пост Хамэйні.
Па словах адваката блогера, Шанбехзадэ прысудзілі пяць гадоў «за прапаганду на карысць Ізраіля», чатыры — «за абразу ісламскіх святыняў», два — за «распаўсюджванне лжывай інфармацыі» і год за «антыдзяржаўную прапаганду».
🫤 У 2019 годзе Шанбехзадэ ўжо трапляў у турму. Пасля пратэстаў з-за шматразовага павелічэння цэнаў на паліва ў Іране. Тады блогера абвінавацілі ў абразе святыняў і лідара Ісламскай рэспублікі.
😐 У Беларусі ІП больш не змогуць займацца арганізацыяй культурна-відовішчных мерапрыемстваў
Такое рашэнне прыняў Саўмін пастановаю ад 20 жніўня. Згодна з дакументам, ІП не змогуць займацца:
🔹дзейнасцю ў сферы выканальніцкіх мастацтваў;
🔹дзейнасцю, якая спрыяе правядзенню культурна-відовішчных мерапрыемстваў.
Таксама з'явіліся змены для тых, хто займаецца самастойнай прафесійнай дзейнасцю. Яны не змогуць займацца «дзейнасцю, якая ажыццяўляецца па заказах спажыўцоў і звязаная з віншаваннем з днём нараджэння, Новым годам і іншымі святамі незалежна ад месца іх правядзення».
Да канца 2025 года прадпрымальнікі павінны перайсці ў юрыдычную асобу, калі яны хочуць працягваць ажыццяўляць такія віды дзейнасці.
🔺Reuters: Амерыканскія расследвальнікі выявілі імавернае месца разгортвання новай расейскай ядравай ракеты
Гаворка ідзе пра крылатую ракету з ядравым зарадам 9М370 «Буревестник».
Паводле амерыканскіх расследвальнікаў Дэкера Эвелета і Джефры Льюіса, імавернае месца разгортвання гэта ракеты знаходзіцца ў 475 км ад Масквы каля пасёлку Чэбсара ў Валагодскай вобласці.
«Гэтае месца прызначана для вялікай стацыянарнай ракетнай сістэмы, а адзіная вялікая стацыянарная ракетная сістэма, якую Расея ў цяперашні час распрацоўвае, - гэта «Буревестник»,
◾️Праз ракетны ўдар па Запарожжы загінула 8-гадовае дзіця
Расейцы абстралялі горад калі 23:00
У выніку загінула жанчына і 8-гадовы хлопчык, 12-гадовая дзяўчынка і мужчына атрымалі раненні. Цяпер дзяўчынка знаходзіцца ў рэанімацыі, яе стан цяжкі. Мужчына знаходзіцца ў стане сярэдняй цяжкасці.
Таксама ў ракетны ўдар быў у Дняпры (на фота). Праз яго загінуў 1 чалавек, яшчэ 6 атрымалі раненні.
✊ «Мы выходзім на поле бою не са зброяй у руках, а з нашым голасам. Мой голас не забаронены!»
Афганскія жанчыны публікуюць у сацсетках відэа, на якіх яны спяваюць на знак пратэсту супраць законаў руху «Талібан», якія забараняюць жанчынам спяваць і гаварыць на публіцы, піша The Guardian.
🤦♀️ У канцы мінулага месяца рух «Талібан» апублікаваў новыя абмежаванні, накіраваныя на «барацьбу з заганай і прапаганду цноты». Дакумент у тым ліку прадугледжвае забарону жанчынам спяваць і чытаць услых на публіцы, глядзець на мужчын, якія не з'яўляюцца іх крэўнымі крэўнымі сваякамі або мужамі і абавязвае насіць на публіцы шчыльную вопратку, якая цалкам закрывае цела і твар.
🙈 «У нас такі традыцыйны пачатак навучальнага года: надышоў верасень – даставай гаманец»
2 верасня па ўсёй краіне адбыліся ўрачыстыя лінейкі. На іх прысутнічалі не толькі настаўнікі, дзеці і іх бацькі, але і сілавікі.
Выданне «Салідарнасць» спытала ў некалькіх бацькоў, як усё прайшло.
👉 Пачытаць пра ўражанні тут
🔥 Для беларусаў стварылі віртуальнага адваката
У мэсэнджары Telegram распачаў працу Advakatby_bot — аўтаматызаваны сервіс кансультавання ахвяраў рэпрэсій і іх блізкіх.
Распрацоўкай займаліся адвакаты, пазбаўленыя ліцэнзій у Беларусі за абарону палітвязняў, пры кансультацыйнай падтрымцы праваабарончых арганізацый «Вясна», BYSOL, By_Help, Dissidentby і Фонду «Краіна для жыцця».
👉 Што гэта за бот і як ён працуе чытаць тут
🇰🇬 Кыргызстан мяняе бязвізавыя правілы знаходжання ў краіне для грамадзянаў з шэрагу краін, у тым ліку для беларусаў
З 5 верасня атрымаць або падоўжыць рэгістрацыю можна будзе толькі, калі маецца адзін з наступных дакументаў:
🔻Від на жыхарства
🔻Пасведчанне асобы без грамадзянства
🔻Пасведчанне «Кайрылман» (могуць атрымаць этнічныя кыргызы без грамадзянства)
🔻Пасведчанне «Мекен-карт» (дакумент, які пацвярджае статус суайчынніка з замежным грамадзянствам)
Раней беларусы маглі атрымаць рэгістрацыю ў Кыргызстане на паўгода і падаўжаць яе «у залежнасці ад мэты знаходжання».
👉 Падрабязней пра змены тут
🛬 Ці арыштуюць самалёты Лукашэнкі следам за бортам Мадуры?
Злучаныя Штаты арыштавалі самалёт прэзідэнта Венесуэлы. Паводле Міністэрства юстыцыі ЗША, самалёт быў незаконна вывезены з краіны і выкарыстоўваўся ў інтарэсах Мадуры і ягоных прадстаўнікоў.
Кіраўнік НАУ Павел Латушка пракаментаваў «Белсату» гэтую сітуацыю і растлумачыў ці арыштуюць самалёты Лукашэнкі, гэтак жа, як гэта здарылася з Мадура.
Беларусы не хочуць жыць, як у Еўропе і не лічаць сябе «заходнімі»
Новае апытанне «Беларускай ініцыятывы» аналітычнага цэнтру «Chatham House».
У 827 беларусаў спыталі пра іхнае стаўленне да Захаду і пра сувязі з заходнімі краінамі.
Даследчыкі адзначылі, што падтрымка палітыкі Лукашэнкі можа быць як заніжаная ў выніках (бо прыхільнікі гэтай палітыкі менш актыўныя сацыяльна і эканамічна), так і завышаная (праз фактар страху).
👉 Пачытаць вынікі апытання тут
💁♂️ BYPOL прадае маёмасць, «у якой на дадзены момант не мае патрэбы»
BYPOL даў афіцыйны адказ на паведамленні аб рэалізацыі маёмасці:
«Сёння ў шэрагу незалежных СМІ з'явілася інфармацыя аб рэалізацыі маёмасці арганізацыі BYPOL і плана «Перамога».
Растлумачым, што арганізацыя BYPOL на працягу года, а дакладней – з восені 2023-га, прадае маёмасць, у якой на дадзены момант не мае патрэбы. Частка маёмасці была бязвыплатна перададзена адной з беларускіх дэмакратычных арганізацый, якая пажадала захаваць сваю ананімнасць.
Таксама растлумачым, што заробленыя ад рэалізацыі сродкі будуць пераведзеныя на рахункі BYPOL і выкарыстаныя для фінансавання іншых праектаў арганізацыі.»
😔 «Мы больш не можам марыць, што беларускія школы будуць фармаваць крытычнае мысленне»
У школах збіраюцца распавядаць вучням пра мірныя пратэсты 2020 года як пра спробу дзяржаўнага перавароту, а чыноўнікі праводзяць заняткі ў класах паводле свайго профілю.
Куды коціцца беларуская адукацыя, распавядаем у нашым відэа.
💱 Курсы валютаў на 3 верасня
Еўра яшчэ больш страціў - амаль 3,5 капейкі. Долар таксама патаннеў амаль на паўтары капейкі. А вось рубель падрос на амаль 2,5 капейкі.
#курсывалютаў
🤔«Людзі ў Беларусі пачалі жыць даўжэй, толькі чамусьці беларусаў зрабілася менш на мільён»
Чыноўнікі перакананыя: працягласць жыцця ў Беларусі значна павялічылася. Але з гэткай гучнай заявай могуць не пагадзіцца беларускія мужчыны, якія ў сярэднім жывуць на 14 гадоў менш за жанчынаў.
Як насамрэч выглядае сітуацыя і што з ёй рабіць, распавядаем у нашым відэа. Паглядзіце!
😡 Новыя схемы тэлефонных махляроў. Цяпер яны дзейнічаюць ад імя Wildberries
Злачынцы тэлефануюць і паведамляюць, што з тэлефоннага нумара карыстальніка ў акаўнце Wildberries аферысты спрабуюць аформіць крэдыт. Пасля чаго перанакіроўваюць да нібыта супрацоўніка праваахоўных органаў, які паведамляе, што махляры адкрылі ад імя карыстальніка крэдыт у банку і «адмываюць» грошы. Па гэтай прычыне ў кватэры грамадзяніна правядуць ператрус, а таксама выключаць усе незадэклараваныя сродкі. Каб пазбегнуць гэтага, аферысты прапануюць перавесці грошы на «спецыяльны рахунак».
Яшчэ адна схема — пад выглядам падаткавай службы.
👉 Як яны гэта робяць і як асцерагчыся ад такіх злачынцаў, глядзіце ў праграме «Аб’ектыў».
▪️Больш за тры дзясяткі чалавек судзяць паводле «народнага» артыкулу на гэтым тыдні
Як мінімум 33 чалавекі будуць судзіць у Беларусі з 2 па 6 верасня паводле ч.1 арт.342 Крымінальнага кодэксу, паведамляюць праваабаронцы «Вясны». Усіх абвінавачваюць ва ўдзеле ў паслявыбарчых акцыях пратэсту ў 2020 годзе. Паралельна працягваюцца затрыманні.
Лідарамі па пераследу застаюцца Менск і Берасцейшчына. Гэтак, 4 верасня ў судзе Брэсцкага раёна будуць судзіць адразу 11 чалавек, а на наступны дзень у судзе Бярозаўскага раёна пачнецца працэс над чатырма мясцовымі жыхарамі.
📆 Паводле інфармацыі «Вясны», агулам з 2020 года паводле «народнага» палітычнага артыкулу асудзілі мінімум 2 579 чалавек.
#рэпрэсіі #лічбадня
📍«Беларускі Гаюн»: ноччу Shahed зноў залятаў на тэрыторыю Беларусі
Паводле інфармацыі маніторынгавага праекту, БПЛА заляцеў на тэрыторыю нашай краіны з боку Чарнігаўскайвобласці і рухаўся ў накірунку Брагіна, а пасля вярнуўся ва Украіну курсам на Чарнобыльскую зону.
У паветранай прасторы Беларусі Shahed правёў 20 хвілінаў.
😡У Манголіі Пуціна не арыштавалі, а сустрэлі чырвонай дарожкай
Расейскі дыктатар прыляцеў у гэтую краіну з афіцыйным візітам 2 верасня.
Манголія падпісала Рымскі статут, і мусіць выконваць ордэр Міжнароднага крымінальнага суда, які быў выдадзены 17 сакавіка 2023 года. Паводле ордэру, Пуцін нясе адказнасць за незаконную дэпартацыю дзяцей з акупаваных тэрыторыяў Украіны.
Аднак па прыездзе ў Манголію расейскага дыктатара сустрэла ганаровая варта і чырвоная дарожка.
👆На гэтую падзею адрэагаваў афіцыйны прадстаўнік МЗС Украіны Георгій Ціхі:
«Невыкананне ўрадам Манголіі абавязковага ордэру МУС на арышт Пуціна стала сур'ёзным ударам па Міжнародным крымінальным судзе і міжнароднай сістэме крымінальнага правасуддзя».Читать полностью…
Дабрыдзень, сябры!
Не ведаеце, што пачытаць раніцою? сабралі для вас найбольш цікавыя матэрыялы "Белсату", якія вы маглі прапусціць:
🔸«Усе пайшлі ў школу»?
На беларуска-польскай мяжы раптоўна знікла чарга аўтобусаў
🔸«Забіваюць голадам»
Сястра Калеснікавай просіць для палітзняволенай доступ да неабходнай ежы
🔸«Галоўны мэсанджар вайны»
Якое значэнне мае Telegram для Украіны і Расеі?
#штопачытаць