42764
Тэлеканал Белсат Даслаць навіну, фота ці відэа: @BelsatBot Расейскамоўны рэгіянальны ТГ @BelsatRu
🤬 Як беларускі бізнес дапамагаў Расеі нішчыць Украіну
Як высветлілі расследавальнікі з праекту «Бюро», кампаніі з беларускімі каранямі дапамагалі абыходзіць санкцыі і пастаўлялі ў Расею кампаненты для ВПК
Паглядзіце ☝️
Расказваем, пра што вядзецца ў расследаванні
✅ Праз VPN ❎ Без VPN
😡Беларусы ўжо баяцца прыйсці на пахаванне праз страх рэпрэсіяў
Як паведамляе @BSDP_Hramada, на развітанне з памерлым у калоніі Ігарам Леднікам, прыйшло толькі 7 асобаў.
«Людзі настолькі запужаныя, што нават паплечнікі па партыі не рызыкнулі паехаць праз пагрозу» – перадае выданне «Позірк».
Нагадваем, палітвязень Ігар Леднік памёр 20 лютага. Прычына смерці – спыненне сэрца. Смерць наступіла ў Менскай раённай лякарні, куды мужчыну планава прывезлі з калоніі ў Бабруйску (там ён адбываў пакаранне).
А што там з лукашэнкаўскімі «выбарамі»?
🤡 Паводле ЦВК, датэрмінова прагаласавала ўжо 24,44 % выбарцаў, і гэта нібыта толькі за тры дні.
Такія лічбы ад уладаў зʼяўляюцца рэкордам за ўвесь час кіраўніцтва Лукашэнкі. Падчас «выбараў» 2020 года гэты паказчык складаў 22,47 %.
Датэрміновае галасаванне працягнецца да 24 лютага, асноўным днём для галасаванне стане 25 лютага.
Расея зноў атакавала ноччу Украіну
Тры чалавекі загінулі ад дронаў
Чарговую атаку расейская армія зладзіла па Адэскай вобласці з Чорнага мора. Аскепкі збітага дрону ўпалі на прадпрыемства і выклікалі пажар. Пад заваламі знайшлі целы трох загінулых.
Таксама паведамляецца пра 8 пацярпелых у Дняпры. Беспілотнік трапіў у шматпавярхоўнік.
💥 #галоўнае за 22 лютага
✔️ Чэхія ўвяла бестэрміновую забарону на выдачу візаў грамадзянам Беларусі
✔️ Святлана Ціханоўская дала парады беларусам, што рабіць у «Адзіны дзень галасавання»
✔️ Хрэнін расказаў пра 110-тысячную «ударную групоўку» украінцаў на мяжы з РБ і прыгразіўся збіваць натаўскія самалёты
✔️ МЗС РБ абяцае «жорсткую рэакцыю на несяброўскія дзеянні Вільні» пасля абвяшчэння Літвою намеру закрыць яшчэ два КПП на мяжы
✔️ Расейская апазіцыя заклікала еўрачыноўнікаў прызнаць Пуціна нелегітымным прэзідэнтам
✔️ Змясцілі ў СІЗА аднаго з найбагацейшых бізнесоўцаў Беларусі
✔️ «Інфляцыя стой, раз-два!». Як лукашэнкаўцы сёлета плануюць утаймаваць рост цэнаў. Аналізуем «зліты» дакумент
✔️ Слонімскую сінагогу, якую прадавалі за 1 базавую велічыню, купіў расеец
✔️ Разбіраем, чаму ва ўсім свеце (не толькі ў Беларусі) падае нараджальнасць
#рэпрэсіі:
▫️За «распаўсюд экстрэмізму» затрымалі майстра «Слоніммэблі»
▫️Чарговае затрыманне за каментары. На Берасцейшчыне сілавікі прыйшлі да мужчыны, які «абражаў» Лукашэнку і прадстаўнікоў самаабвешчанай улады
▫️Пісьменнік Саша Філіпенка расказаў, што данос на яго напісаў уласны дзед
📍27 гадоў таму ў Менску выйшлі за пратэст некалькі соцень жанчынаў. Яны правялі «Марш пустых каструляў»
Падчас падобных маршаў (такі фармат існуе ва ўсім свеце) прынята ствараць шум, грукаючы лыжкамі ды іншымі сталовымі прыборамі па каструлях. Патрабаванні ўдзельнікаў могуць быць рознымі, але найчасцей такі пратэст паўстае з нагоды эканамічных праблемаў.
🇬🇧 Новыя санкцыі для РФ і РБ – Вялікая Брытанія прымеркавала новы пакет да другой гадавіны поўнамаштабнага расейскага ўварвання ва Украіну
У санкцыйны спіс уключылі два прадпрыемствы з Беларусі, якія вырабляюць электроніку, што можа выкарыстоўвацца для вайсковых мэтаў.
Чытайце падрабязней:
✅ Праз VPN ❎ Без VPN
🔴 «Аб’ектыў» + «Студыя Белсат» – галоўныя падзеі дня!
У сённяшнім выданні:
🔸 ЦВК паведамляе пра рэкордную колькасць выбарцаў падчас датэрміновага галасавання
🔸 КДБ зацікавіўся дзейнасцю натарыусаў, якія афармляюць здзелкі па продажы нерухомасці
🔸 У Літве патлумачылі, чаму закрываюць яшчэ 2 пункты на мяжы з Беларуссю
🔸 Чыноўнікі збіраюцца стрымліваць цэны
Далучайцеся да эфіру ⤵️
https://www.youtube.com/live/w-ogJSZ0YR4
📺Адразу пасля «Аб'ектыву» а 20.30 па менскім часе запрашаем да прагляду «Студыя Белсат» – абмяркоўваем актуальныя падзеі дня з нашымі гасцямі!
👨👩👧👦 Нізкая нараджальнасць – праблема не толькі для Беларусі, яна глабальная. Чаму людзям усё меней хочацца пакідаць пасля сябе нашчадкаў?
Першая частка нашага разбору, дзе мы аналізуем, чаму чалавецтва добраахвотна становіцца на шлях вымірання.
Чытайце на старонцы:
✅ Праз VPN ❎ Без VPN
✡️ Слонімская сінагога, якую прадавалі за 1 базавую, дасталася расейцу. Іншых ахвочых яе набыць не знайшлося
Згодна з умовамі аўкцыёну, новы ўладальнік, які аддаў за будынак сімвалічныя 42 беларускія рублі, павінен цягам пяці гадоў увесці яго ў эксплуатацыю. Пры гэтым абавязкова трэба захаваць стылістычныя і канструктыўныя асаблівасці сінагогі.
Рэканструяваць былую сінагогу можна не ў што заўгодна. Стасоўна гэтага таксама ёсць абмежаванні. Будынак пасля працы, праведзенай новым уладальнікам, можа вярнуцца да статусу аб'екту культавага прызначэння, стаць музейным комплексам, ператварыцца ва ўстанову грамадскага харчавання ці гандлю альбо выкарыстоўвацца для культурных і забаўляльных мерапрыемстваў.
☝️ «Наша ніва»: адзін з беларускіх «алігархаў» змешчаны ў СІЗА
Гэта Васіль Варфаламееў – саўладальнік «Гіпа» ды «Белмаркета», а таксама нафтавы магнат.
Летась Лукашэнка публічна абурыўся вялізнымі заробкамі кіраўніцтва сеткі «Гіпа». Кіраўнік Дзяржкантролю заяўляў, што «гендырэктар "Гіпа" зарабляе $100 тысяч на месяц». Відаць па ўсім, гаворка ішла менавіта пра Варфаламеева.
У апошні час бізнесмен пражываў за мяжою. Сутнасць выстаўленых яму цяпер абвінавачванняў пакуль невядомая.
🔹Дырэктар польскага ліцэю, які пакутаваў на залежнасць ад азартных гульняў, прайграў чужыя грошы і збег ад адказнасці ў Беларусь. Але ўсяго праз 10 дзён вярнуўся ды сеў у турму
Гісторыя здарылася яшчэ ў 2022-м годзе. Аднак апублічылі яе толькі цяпер, пасля заканчэння следства ды вынясення выраку былому дырэктару.
Мужчына, якога завуць Томаш, кіраваў ліцэем у мястэчку Буска-Здруй на поўдні Польшчы. У гэтай навучальнай установе часта арганізоўвалі паездкі дзяцей за мяжу: на пачатку 2020-га вучняў планавалі завезці ў Італію ды Харватыю. Але планы сапсаваў каронавірус, а сабраныя на вандроўкі бацькоўскія грошы засталіся ляжаць у сейфе дырэктарскага кабінету.
Томаш, які яшчэ ад 2012 года меў гульнявую залежнасць (ад якой спрабваў лекавацца, але марна) скраў грошы і вытраціў іх на азартныя гульні. Сумарна ён прайграў каля 500 тысяч злотых ($125 000). а вучням ды іхным бацькам казаў, што арганізаваць паездкі немагчыма праз пандэмію ды вайну.
У верасні 2022 года Томаш не з'явіўся на працы на пачатку новага навучальнага года, а неўзабаве сям'я заявіла пра ягонае знікненне. Намеснік дырэктара заўважыў знікненне грошай з сейфу. Стала зразумела, што да крадзяжу, хутчэй за ўсё, датычны кіраўнік ліцэю. Але ніхто не мог высветліць ягонае месцазнаходжанне.
Як аказалася, 5 верасня мужчына выехаў з Польшчы ў Беларусь, бо «яму надакучылі пытанні пра грошы». Што праўда, ужо 16 верасня ён вярнуўся назад на радзіму і праз некалькі дзён быў затрыманы.
Суд пастанавіў, што Томаш павінен адбыць пакаранне ў выглядзе 2 гадоў і 10 месяцаў пазбаўлення волі і вярнуць уладальнікам усе скрадзеныя грошы. Мужчына прызнаў сябе вінаватым, а свае дзеянні патлумачыў гульнявой залежнасцю ды спадзяваннем на тое, што «зможа адыграцца».
📺 Навіны за 5 хвілін
✔️ Міністр абароны РБ прыгразіўся збіваць натаўскія самалёты
✔️ Бестэрміновая забарона на выдачу візаў ды ВНЖ беларусам уведзеная ў Чэхіі
✔️ Спецслужбы Польшчы пракаментавалі аповеды Лукашэнкі
✔️ ЦВК хваліцца рэкорднай яўкаю на датэрміновых «выбарах»
✔️ У Смалявічах на выбарчым участку ўзнік пажар, давялося эвакуяваць чальцоў камісіі
✔️ Офіс Ціханоўскай даў беларусам парады, як правесці «Адзіны дзень галасавання»
✔️ У Берасцейскім аблвыканкаме знік чыноўнік
✔️ У ЗША ў самалёта адваліўся кавалак крыла падчас палёту
Глядзіце ў кароткім выданні навін на Белсаце 💻
📷 Фотафакт: у Дзень роднай мовы Саладуха выступіў у музеі Якуба Коласа
Яго паклікалі стаць госцем праекту «Простыя словы 65.0». І музею Коласа, і спеваку сёлета выпаўнілася па 65 гадоў.
😲 Як францужанка Нясвіжскі палац ратавала
Марыя дэ Кастэлян са старадаўняга роду Талейранаў прыехала ў Нясвіжскі замак у канцы ХІХ ст. і змяніла ягоны лёс. Калі б не яна, Нясвіжскі палац Радзівілаў не дайшоў бы да нас ува ўсёй сваёй прыгажосці і аўтэнтычнасці.
📌 Як французская арыстакратка апынулася ў Нясвіжы і што там зрабіла, вы можаце даведацца ў новым выпуску перадачы «Вусы Скарыны» на YouTube-канале «BELSAT HISTORY».
🙈 Прэзідэнт Зімбабвэ амаль 2 хвіліны не мог завесці трактар ад Лукашэнкі...
81-гадовы прэзідэнт Зімбабвэ Эмэрсан Мнангагўа хацеў пакатацца на новым трактары «Беларус», але нешта пайшло не так.
Тут і дадаць няма чаго – паглядзіце👆
Экс-палітвязень Аляксей Раманаў выйшаў на волю
Ён адсядзеў 30 содняў арышту за «экстрэмісцкія матэрыялы». Мужчыну асудзілі нягледзячы на інваліднасць праз анкалогію. Падчас зняволення яму некалькі разоў рабілася блага.
«Лекары сказалі, што яго пакладуць на лячэньне, калі адбудзе адміністрацыйны арышт», – паведамляе Радыё «Свабода».
🇦🇲Нікол Пашынян заявіў аб прыпыненні сяброўства Арменіі ў АДКБ
Ён падкрэсліў, што вайсковы блок цалкам залежыць ад Крамля, які яшчэ і вядзе прапаганду супраць армянскага ўраду. Што датычыцца расейскай базы ў Арменіі, пытанне пра ейнае захаванне «не стаіць на парадку дня».
Раней Пашынян ужо не падпісваў сумесную дэкларацыю, заяўляў, што АДКБ не рэагуе на просьбы даслаць маніторынгавую місію і нават не прыехаў на сустрэчу ў Менск.
☕️ Добрай пятніцы, шаноўныя!
Не ведаеце, што пачытаць раніцою? Сабралі для вас найбольш цікавыя матэрыялы:
🔺Улады прыдумалі новыя спосабы адпомсціць беларусам за 2020 год
Праз VPN
Цяпер прадаць кватэру, калі ўладальнік знаходзіцца за мяжой, не атрымаецца. Разам з аналітыкам абмяркуем, што Лукашэнка хоча рабіць з нерухомасцю ўцекачоў.
🔺Амбасадарка ў ААН: ЗША не спыняць падтрымкі Украіны
Праз VPN
«Перамовы, толькі калі Пуцін выводзіць войскі з Украіны» – так заявіла прадстаўніца ЗША ў міжнароднай арганізацыі. А што наконт дапамогі на тле страты Аўдзееўкі, якую не могуць ухваліць у Кангрэсе? Пачытайце ейны адказ.
🔺Як расейскі бізнес адціскае рынак у беларусаў?
Праз VPN
Сыход заходніх кампаніяў згуляў на руку расейцам. На вызваленыя месцы прыйшоў бізнес усходняй суседкі і нават атрымаў манаполію. Распавядзем, што гэта за сферы.
#штопачытаць
🔹Прадстаўніца Злучаных Штатаў у ААН адкінула варыянт таго, што Амерыка будзе разглядаць «формулу Пуціна»
Кіраўнік РФ у інтэрв’ю Карлсану прапанаваў Штатам спыніць пастаўкі заходняй зброі Украіне, пасля чаго «ўсё будзе завершана за некалькі тыдняў», а затым можна і пачынаць перамовы – не з Украінай, а з ЗША.
Штаты з гэтым не пагадзіліся. Прадстаўніца ЗША пры ААН прапанавала трошкі іншую формулу міру: спачатку Расея выводзіць войскі з Украіны, потым ідзе на перамовы з Украінай.
Чытайце на старонцы:
✅ Праз VPN ❎ Без VPN
☝️Маці Аляксея Навальнага паказалі цела сына. Аднак аддаваць яго для пахавання не хочуць
«Яны хочуць прывесці мяне на ўскраіну могілак да свежай магілы і сказаць:«Вось тут ляжыць ваш сын». Я на гэта не згодна».
✅ Праз VPN ❎ Без VPN
🐎 Што магло пайсці не так? У Польшчы 19-гадовы хлопец скраў кабылу і хацеў схаваць яе ў шматпавярховым будынку
Учора ўвечары паліцыя ў мястэчку Вэйгерова непадалёк ад Гданьску атрымала паведамленне ад жыхара шматпавярховіка. Ён сцвярджаў, што спаткаў у будынку маладзёна, які вёў па лесвічнай клетцы каня.
Калі паліцыя прыбыла на месца, то пераканаліся, што гэта не выдумка: 19-гадовы хлопец сапраўды зацягнуў кабылу ў будынак і здолеў падняць яе ажно на чацвёрты паверх. Зайсці вышэй яму не даў сведак, які і выклікаў паліцыю.
Маладзёна затрымалі, яму пагражае да 5 гадоў зняволення за крадзеж. Кабылу ж вярнулі гаспадару.
📷 Фота ілюстрацыйнае
📍У Варшаве прэзентуюць дакументальны спектакль «How are you?», прымеркаваны да гадавіны поўнамаштабнай расейска-ўкраінскай вайны
Гэта спектакль-вербацім, які складаецца з сапраўдных гісторый людзей, якія сутыкнуліся з вайною: уцекачоў з Кіева ды Вінніцы; эмігрантаў, што жывуць у Румыніі ды Нямеччыне. Таксама ў спектаклі ўзгадваюцца трагедыі Бучы і Марыупалю.
Спектакль створаны незалежным тэатральным калектывам «BY TEATR» разам з Музеем Вольнай Беларусі і «Домам Творцаў». У ім прымуць удзел у тым ліку акторы з нашага серыялу «Працэсы» − Андрэй Новік (1 серыя), Дар'я Новік (4 серыя) ды Ігар Сігоў (2 серыя).
🔍 Калі? 24 і 25 лютага, а 19-й гадзіне польскага часу
🔍 Дзе? Музей Вольнай Беларусі, вуліца Foksal, 11. Варшава
Усе сабраныя сродкі будуць пералічаныя на дапамогу «Цэнтру для перасяленцаў горада Херсона». Купіць квіткі можна тут (на 24 лютага) і тут (на 25 лютага). Цана – 60 злотых.
❓Што рабіць, калі вы сутыкнуліся з харасментам?
Адзіны рычаг паўплываць на агрэсара – зрабіць гэтую гісторыю бачнай для грамадства. Але як, калі часцей за ўсё няма доказаў, а ёсць толькі словы ахвяры? І ці дапаможа тут «культура адмены»?
☝️ Паслухайце, што на гэтыя пытанні адказвае псіхалагіня Наталля Скібская ў відэа.
Чаму харасмент раз'ядае асобу? Чаму грамадства абвінавачвае ахвяру? І як абараніцца ад харасменту? Глядзіце ў нашай праграме «Трэба пагаварыць» на YouTube-канале «Белсат LIFE».
🫡 «Інфляцыя стой, раз-два!». Як лукашэнкаўцы сёлета плануюць утаймаваць рост цэнаў
Арганізацыя «BELPOL» перадала нам дакумент з пазнакаю «для службовага карыстання». Ён дае зразумець, у які паказчык інфляцыі сёлета хочуць «упісацца» самаабвешчаныя ўлады.
Чытайце аналітыку на старонцы:
✅ Праз VPN ❎ Без VPN
🇪🇺 У Еўрапарламенце прайшлі слуханні з удзелам расейскай апазіцыі. Яна заклікала еўрачыноўнікаў прызнаць Пуціна нелегітымным
Слуханні арганізавалі ў якасці рэакцыі на смерць галоўнага расейскага апазіцыянера Аляксея Навальнага. Паседжанне распачалося з хвіліны маўчання ў памяць аб ім.
Чытайце на старонцы:
✅ Праз VPN ❎ Без VPN
💬 «Выклікае ўжо не абурэнне, а ўсмешку». МЗС РБ адрэагаваў на намер Літвы закрыць два памежныя пераходы
Таксама ў ведамстве анансавалі «жорсткую рэакцыю на несяброўскія дзеянні Вільні».
Чытайце болей на старонцы:
✅ Праз VPN ❎ Без VPN
😳 Звычайныя мышы звар'яцелі і пачалі есці зажыва альбатросаў
Інцыдэнты адбываюцца на астравах Мідўэй у Ціхім акіяне, дзе ў Другую сусветную праходзілі жорсткія баі саюзнікаў з японскай арміяй.
Пасля вайны астравы былі ачышчаныя і там нават адкрылі нацыянальны запаведнік, які стаў прытулкам для птушак. Аднак пазней туды выпадкова завезлі чорных пацукоў і дамавых мышэй. Пацукі пачалі паляваць на птушак, пасля чаго драпежных грызуноў цалкам знішчылі.
На дамавых мышэй ніхто не звяртаў увагі да нядаўняга часу. Аказваецца, яны могуць даць фору і самым лютым забойцам. Праз частую засуху з выгляду мілыя мышкі пачалі рэйды на птушак, прычым любых памераў. Спачатку яны цікавіліся памерлымі, а потым перайшлі на жывых.
Цяпер навукоўцы спрабуюць усімі сіламі знішчыць на астравах і мышэй.
🇪🇪 У Эстоніі мастакі стварылі шакавальныя білборды з выявамі Таліна ў руінах
Гэта зроблена, каб нагадаць аб тым, што вайна можа дайсці да Еўразвяза. У тым ліку да Эстоніі, якая мяжуе з Расеяй.
Мастакі Estookin і Рэбека Парбус атрымалі палярныя рэакцыі ў сацыяльных сетках на свае працы. На сайце hetk.info вы знойдзеце онлайн фотавыставу.
🤔 Ці можа Каардынацыйная рада можа змясціць Ціханоўскую і абраць новага лідара?
Алена Жываглод з ініцыятывы «Сумленныя людзі», якая добраахвотна пакінула склад КР, кажа, што Каардынацыйная рада ў сённяшнім складзе нашрад ці ўвогуле патрэбнная.
У той жа час лідар адной з фракцыяў у КР Віталь Рымашэўскі намагаецца перакласці адказнасць на «дэмакратычныя сілы» цалкам.
☝️ Як дыскусія наконт лёсу ў КР перарасла ва ўзаемныя абвінавачванні і ці варта ісці беларусам на «бязвыбары» 25 лютага? Глядзіце ў новым выданні праграмы «Двубой» ПА СПАСЫЛЦЫ 🎞