42764
Тэлеканал Белсат Даслаць навіну, фота ці відэа: @BelsatBot Расейскамоўны рэгіянальны ТГ @BelsatRu
Латвія не будзе змяняць назву Беларусі па-латышску
Наша краіна працягне называцца «Baltkrievija».
Гэтак лінгвісты адхілілі прапанову змяніць афіцыйную назву. Беларусь хацелі называць «Baltrutenia», а жыхароў – «baltrutēņi». У выніку, усё застанецца, як і раней.
Змены адбыліся адносна Расеі: яшчэ ў 2023-м замест Калінінграду, латвійскія лінгвісты вырашылі выкарыстоўваць гістарычную назву Кенігсберг (Königsberg) або Каралаўчы (Karalauci).
💥 #галоўнае за 25 лютага
📌 Раптоўна памёр журналіст і рэдактар Андрэй Александровіч;
📌 Сёння ў Беларусі адбываюцца так званыя выбары. Святлана Ціханоўская заклікала беларускіх выбаршчыкаў «заставацца дома» і «не ўдзельнічаць у падмане». Лукашэнка тым часам анансаваў свой удзел у выбарчай кампаніі 2025. З заявай выступіў і Дзярждэпартамент ЗША;
📌 Самыя атмасферныя фота і відэа свята «бязвыбару». Не забыліся гэтым разам і пра дзяцей;
📌 Зяленскі агучыў страты ЗСУ за апошнія два гады вайны;
📌 Gulagu.net паведамляе, што Навальнага, магчыма, катавалі перад смерцю;
📌 У Вярхоўнай радзе Украіны заклікалі зрабіць усё магчымае, «каб Лукашэнка апынуўся за кратамі»;
📌 Адзіны грузавы шлях паміж Беларуссю і Польшчай можа быць заблакаваны;
📌 Гэтай ноччу Расея атакавала Украіну ракетамі і дронамі. Вынікі 732-х содняў поўнамаштабнай вайны;
📌 ЗША і Вялікая Брытанія нанеслі новыя ўдары па хусітах у Емене;
#рэпрэсіі
✔️ Супрацоўнікі кампаніі, якая абслугоўвае экраны, затрыманыя. Менавіта на гэтых экранах учора быў паказаны зварот Святланы Ціханоўскай;
✔️ Жонку палітзняволенага Арцёма Ляшнеўскага пакаралі за атрыманне дапамогі ад «INeedHelpBY»;
✔️ Беларуса аштрафавалі за фотаздымак выбарчага бюлетэня;
✔️ Яшчэ адзін мужчына, які знаходзіўся ў вышуку, прыйшоў за кампанію на галасаванне і таксама быў затрыманы;
😁 «Нашы людзі, каб зрабіць выбар, праб’юць агонь, ваду і нос рэпарцёру дзяржаўнага СМІ»
ЦВК заявіў, што на спецыяльны ўчастак для беларусаў замежжа ўсё ж прыехалі 6 чалавек. Здаецца, мы ведаем, як 😉 Глядзіце ў відэа ☝️
Актуальныя жарты і падборка заборыстых навінаў ад Кацярыны Ваданосавай, Міхася Зуя ды Дзяніса Дудзінскага
Глядзіце ў новым выданні гумарыстычнага шоу «Хай Так TV» ПА СПАСЫЛЦЫ 🎞
#штопаглядзець
🙌 Дзярждэпартамент ЗША: «Выбары адбываліся ў атмасферы страху»
ЗША выпусцілі заяву з нагоды так званых выбараў, што адбыліся сёння ў Беларусі:
Выбары праходзілі ў атмасферы страху, пры якой ніякія выбарчыя працэсы нельга было назваць дэмакратычнымі.
Беларусы замежжа маглі б прагаласаваць толькі ў выпадку вяртання ў Менск, дзе іх, хутчэй за ўсё, чакалі б рэпрэсіі.
Беларускі народ заслугоўвае лепшага
😳 Ва Украіне за два гады былі знішчаныя ці значна пашкоджаныя сотні помнікаў гісторыі і культуры
Вядома пра шматлікія выкраданні і вываз каштоўнасцяў за межы краіны. За два гады вайны нанесеная шкода ў памеры $3,5 мільярдаў, паведамляе ЮНЭСКО.
Паводле Bloomberg, кампанія па ўратаванні ўкраінскай культурнай спадчыны – адна з самых маштабных у ХXІ стагоддзі і можа параўнацца з кампаніяй у Еўропе падчас Другой сусветнай вайны.
Што было пашкоджана, што страчана беззваротна і як расейцы крадуць украінскую спадчыну 👇
✅ Праз VPN ❎ Без VPN
#штопачытаць
💥СТРЫМ. Нядзельнае вечаровае шоў «Тыдзень»
У сённяшнім выданні:
🔸«Бязвыбары» і спектакль для электарата. Як прайшоў адзіны дзень галасавання ў Беларусі;
🔸Палітычнае забойства ў калоніі. Расследаванне пра супрацоўнікаў Бабруйскай калоніі нумар 2, ў якой памёр Ігар Леднік. Каментары былых палітвязняў гэтай калоніі;
🔸 Равеснікі вайны. Гісторыя маленькага хлопчыка, які нарадзіўся ў дзень пачатку вайны;
🔸Расследаванне «Белсату». Як медыкаў выкідаюць з працы за палітычныя погляды;
Далучайцеся да эфіру ⤵️
https://www.youtube.com/watch?v=84N4ak1C27U
🙌 Ейныя сваякі ратавалі людзей падчас Другой сусветнай, а цяпер яна дапамагае беларусам у Польшчы
Катажына Скопец - заснавальніца фонду «Humanosh» і «Мірнага дому». Арганізацыі з 2020 года дапамаглі некалькім тысячам беларусаў з бясплатным жытлом на час, пакуль тыя ўстануць на ногі.
🙏 У новым выданні «Беларус беларусу» таксама былая палітзняволеная Таццяна Астроўская, якой дапамаглі гледачы праграмы, а яна цяпер займаецца перапраўкай гуманітарнай дапамогі для ваюючай Украіны.
Глядзіце новы выпуск «Беларус беларусу» на YouTube-канале «Белсат LIFE» 🎞
#штопаглядзець #рэпрэсіі
🔻 Жонку палітзняволенага Арцёма Ляшнеўскага пакаралі за атрыманне дапамогі ад «INeedHelpBY»
Як паведамляе «Віцебская Вясна», у судзе прагучалі звесткі пра тое, што жонка палітзняволенага перадавала прадстаўнікам «экстрэмісцкага фармавання» звесткі пра судзімасць мужа, а потым «атрымала і выкарыстала ў асабістых мэтах дабрачынную дапамогу ў выглядзе таварна-матэрыяльных каштоўнасцяў», за якія сетцы «Еўраопт» заплацілі з-за мяжы.
✅ Праз VPN ❎ Без VPN
#рэпрэсіі
☝️ Gulagu.net: Навальнага звязвалі, блакавалі рукі і ногі, катавалі холадам
Расейскі праваабарончы праект Gulagu.net распавёў, што мае звесткі пра магчымае выкарыстанне гвалту ў дачыненні апазіцыйнага лідара Аляксея Навальнага 15-16 лютага.
Праваабаронцы заклікаюць сям’ю Навальнага адкласці пахаванне і правесці незалежную экспертызу і даследаванне за межамі РФ
✅ Праз VPN ❎ Без VPN
😂 Мы рагаталі да слёз! 32 секунды, якія зробяць ваш дзень
У Нарвегіі цяпер наймацнейшы за апошнія 30 гадоў шторм. Мясцовы журналіст рабіў на ўзбярэжжы рэпартаж. Ён быў падрыхтаваны да ўсяго, нават надзеў камізэльку, але не быў гатовы, што атрымае рыбінай па твары
🥹 Больш арыгінальны рэпартаж аб надвор'і прыдумаць ужо будзе цяжка. Уключайце гук і глядзіце ☝️
☝️ Што Польшча ўсё яшчэ купляе ў Беларусі?
Інфармацыю аб знешнім гандлі за 2023 год апублікавала Галоўнае статыстычнае ўпраўленне Польшчы. Такім чынам у студзені – снежні 2023 года найбольшы аб’ём імпарту ў Польшчу з Беларусі склалі:
✔️ прадукцыя хімічнай і звязаных з ёй галін прамысловасці;
✔️ розныя прамысловыя тавары;
✔️ вырабы з каменю, гіпсу, цэменту, азбесту, лушчаку або аналагічных матэрыялаў; керамічныя вырабы; шкло і вырабы з яго.
Імпарт «Гатовых харчовых прадуктаў; алкагольныя і безалкагольныя напоі і воцат; тытунь і яго заменнікі» павялічыўся адносна 2022 года. Экспарт скараціўся ў два разы
🔻 Памёр журналіст і рэдактар Андрэй Александровіч
Пра гэта паведамляе Беларуская асацыяцыя журналістаў са спасылкай на сяброў спачылага. Вядома, што спадар Андрэй знаходзіўся ў Варшаве. Прычынай смерці імаверна стала вострае запаленне падстраўнікавай залозы.
Андрэй Александровіч працаваў для такіх выданняў як «Белорусская делова газета», Deutsche Welle, быў адным з заснавальнікаў выдання «Штодзённік» і апошнім галоўным рэдактарам эканамічнай газеты «Беларусы і рынак», якую разграмілі ўлады ў 2022 годзе.
☝️ Нягледзячы на інфармацыйную блакаду ў турмах, газета «Беларусы і рынак» доўгі час была даступнай для вязняў і з'яўлялася рэдкай у зняволенні крыніцай інфармацыі без прапаганды
✅ Праз VPN ❎ Без VPN
🙏 Рэдакцыя «Белсату» выказвае глыбокія спачуванні родным і блізкім журналіста
💁 Калі побач пакласці паперку з замежным словам, то віно «Степной Беркут» ўжо не так танна выглядае
Вось такі асартымент прапануюць на выбарчых участках у Гомлі.
Наведнікі адзначаюць, што раней алкаголь на ўчастках для галасавання можна было толькі купіць, а цяпер прагрэс пайшоў далей – наліюць бясплатна, яшчэ і з асартыментам.
🤷🏻♀️ Навошта ўвогуле алкаголь на выбарчых участках, якія найчасцей месцяцца ў школах, – вялізнае пытанне
🤡 Лукашэнка анансаваў свой удзел у выбарчай кампаніі 2025
Канешне, калі яго словы «перадайце ім, што пайду» былі не пра паход у буфет пасля закідвання бюлетэня ў урну.
😁 Паводле Лукашэнкі (толькі не смейцеся):
«нигде в мире нет таких открытых честных выборов как в Беларуси, а свергнуть власть в стране будет сложно даже самым радикальным способом».
❗️ Святлана Ціханоўская заклікала беларускіх выбаршчыкаў «заставацца дома» і «не ўдзельнічаць у падмане»
У якасці альтэрнатывы так званым выбарчым забавам – танным сталоўкам ды прапагандысцкім кінапаказам беларуская лідарка прапануе паглядзець онлайн-марафон «Выбіраю новую Беларусь».
У онлайн-марафоне прымуць удзел больш за 20 спікераў – «артыстаў і актывістаў, эканамістаў і палітыкаў, блогераў і журналістаў», якія «падзеляцца сваім бачаннем, як ад дыктатуры падману і страху перайсці да новай Беларусі».
☕️ Добры дзень, шаноўныя!
Сабралі для вас найбольш цікавыя матэрыялы, каб пачытаць раніцою:
🔺Як ва Украіне цяпер жыве культурная спадчына?
Праз VPN
За два гады поўнамаштабнай вайны былі знішчаныя ці пашкоджаныя сотні помнікаў гісторыі і культуры. Часта з іх была скрадзена расейцамі. Ці можна цяпер гэта аднавіць і колькі трэба грошай?
🔺«Сінія пальцы» рыхтуюцца да 2025 года
Праз VPN
«Шчыра скажу, нідзе ў свеце адкрытых сумленных выбараў як у Беларусі – няма!«. Пераказваем, што Лукашэнка »перадаў апазіцыі«.
🔺Расейская машына атакоўвала КДБ Беларусі?
Праз VPN
Падчас пратэстаў 2020-ага машына на расейскіх нумарах пратараніла браму аддзелу КДБ. Што з кіроўцам было далей – распавядаюць расследавальнікі праз 4 гады.
#штопачытаць
❤️🩹 Медзведзяняты блізняты засталіся без маці
Пасля некалькіх дзён у бярлозе іх знайшлі эколагі і прывезлі іх у віцебскі заапарк
Падтрымайце наш канал, націснуўшы ➡️ на спасылку (для ўладальнікаў Telegram-прэміюм)
😡 «Сядзеў за БЧБ? Развітваемся»
Як падчас пандэміі каронавіруса чыноўнікі абмяркоўвалі статыстыку смяротнасці, дамаўляліся «расказваць казкі» пра прышчэпкі ды называлі яшчэ жывых пацыентаў дохлымі.
Працяг супольнага расследавання «Белсату» і «Кіберпартызанаў»👇
✅ Праз VPN ❎ Без VPN
Першую частку расследавання глядзіце ПА СПАСЫЛЦЫ 🎞
#штопаглядзець
😮 У жніўні 2020-га машына на расейскіх нумарах пратараніла браму аддзела КДБ. Што гэта было?
Як высветліў Альянс расследавальнікаў Беларусі, позна ўвечары 31 жніўня 2020 году пʼяная кампанія на аўтамашыне «Мерседэс Бэнц» пратараніла браму Аршанскага міжраённага аддзелу КДБ. Пашкодзіўшы браму, кампанія зʼехала і накіравалася ў гульнявы клуб «Вэгас». Там іх і затрымала міліцыя.
🤔 Уявіце, як моцна здзівіліся супрацоўнкік Аршанскага КДБ у жніўні 2020-га.
☝️ А цяпер увага: для кіроўцы і пасажыраў «прыгода» скончылася адміністратыўкай і паўторнай крымінальнай справай за п’яную язду.
❗️ Супрацоўнікі кампаніі, якая абслугоўвае экраны, затрыманыя
Менавіта на гэтых экранах учора быў паказаны зварот Святланы Ціханоўскай.
Відэа з супрацоўнікамі кампаніі «Легіён-104» з'явілася на канале, блізкім да сілавікоў. Вяглядае на тое, што сілавікі зладзілі жорсткі ператрус.
🫥 Атмасфера свята «бязвыбару»
Журналісты незалежных медыяў сёлета не змаглі трапіць на выбарчыя ўчасткі. Але нам дапамаглі праўладныя медыі, якія апублікавалі «парадныя карцінкі», якія мусяць перадаць «атмасферу свята».
🤌 Візуальная эстэтыка, якую стварылі людзі сістэмы, не патрабуе каментароў. Кожны здымак – асобная гісторыя пра чарговыя выбары без выбару ў Беларусі ў 2024 годзе
Сабралі для вас самае атмасфернае
🇺🇦 Зяленскі агучыў страты ЗСУ за апошнія два гады вайны
На сённяшняй прэс-канфэрэнцыі ў рамках форуму «Украіна. 2024 год» прэзідэнт Украіны агучыў лічбу ў 31 тысячу вайскоўцаў.
Паводле расейскіх выданняў, страты Расеі на вайне склалі каля 75 тысяч вайскоўцаў (станам на канец 2023-га года). Уладзімір Зяленскі ў сваю чаргу назваў лічбу ў 180 расейскіх вайскоўцаў.
☝️ Варта адзначыць, што аб стратах Украіны на вайне Уладзімір Зяленскі афіцыйна заявіў упершыню.
🤨 Куток будучага выбарніка
Не толькі бясплатным танным віном і кулінарнымы ізыскамі здзіўляюць на «бязвыбарах» у Беларусі. Знайшлося месца і для дзяцей.
Вось як «новы трэнд» апісваюць лукашысты:
Уголки для будущих избирателей: тренд, который завоевывает сердца родителей. Мальчики и девочки не только могут наблюдать за тем, как их родители голосуют, но и учатся ценить и понимать важность участия в выборах. Уголок стал настоящим центром патриотизма. Дети имеют возможность играть в специально подготовленные игры, рисовать. Родители в свою очередь, ценят этот подход.
🤜🤛 У Вярхоўнай радзе Украіны заклікалі зрабіць усё магчымае, «каб Лукашэнка апынуўся за кратамі»
25 лютага міжфракцыйнае дэпутацкае аб’яднанне Рады Украіны «За дэмакратычную Беларусь!» выступіла з заявай аб беларускіх «бязвыбарах».
📌 Дэпутаты згадваюць, што ў 2023 годзе быў падпісаны закон аб змене Выбарчага кодэксу Беларусі, згодна з якім на выбарах дэпутатаў быў скасаваны парог яўкі, што дазваляе праводзіць гэтыя выбары нават калі народ Беларусі адмаўляецца браць у іх удзел.
☝️ Тым часам беларуса аштрафавалі за фотаздымак выбарчага бюлетэня. Яшчэ адзін мужчына, які знаходзіўся ў вышуку, прыйшоў за кампанію на галасаванне і таксама быў затрыманы.
💁 Ніхто не прыйшоў на спецыяльна створаны выбарчы ўчастак у Менску
У гэтую выбарчую кампанію ўчасткі за мяжой створаны не былі. Для беларусаў замежжа арганізавалі адзін участак у Менску – людзей запрашалі прыехаць у краіну, каб прагаласаваць там.
☝️Сакратарка ЦВК Алена Балдоўская выказала спадзеў, што да вечара такія людзі ўсё ж знойдуцца.
✊ Добрыя навіны прынеслі
Апошнія дні зімы будуць цёплымі. Канец лютага і пачатак сакавіка пройдуць пад знакам адлігі, сярэдняя тэмпература перавысіць норму на 6 – 8 ºС, абыдзецца без істотных ападкаў.
🌤 Прасцей кажучы, у большасці раёнаў будзе ўмераная цеплыня, а скрозь аблокі нарэшце пачне выглядаць сонца.
😳 Хто не прагаласаваў, той у лякарні ляжаць больш не будзе
У Рагачове адміністрацыя лякарні запатрабавала ад пацыентаў, якія знаходзяцца на лячэнні, абавязковага галасавання. Тым, хто адмаўляецца, прыгразілі выпіскай са стацыянара і іншымі праблемамі, піша @flagshtok
🤯 Таксама паведамляецца, што ў некаторых лекарнях людзей не пускаюць на сняданак, пакуль тыя не прагаласуюць
✅ Праз VPN ❎ Без VPN
🔻 Адзіны грузавы шлях паміж Беларуссю і Польшчай можа быць заблакаваны
Польскія перавозчыкі і фермеры падалі ў адміністрацыю гміны Цярэспаль заяўку на правядзенне акцыі пратэсту на аўтадарозе № 68 у раёне Карошчына.
На працягу месяца ўдзельнікі акцыі плануюць прапускаць па ключавой трасе па адным грузавіку за гадзіну. Для беларускіх транспартных кампаній гэта можа азначаць страты ў сотні мільёнаў еўра.
Беларускія перавозчыкі рыхтуюць петыцыю. Падрабязней 👇
✅ Праз VPN ❎ Без VPN
😲 Эстоніі ў свеце стала больш
Кожныя восем гадоў зямельны Дэпартамент складае карту ўзбярэжжа Балтыйскага мора і Вялікіх азёраў. У выніку апошніх даследаванняў высветлілася, што колькасць марскіх выспаў Эстоніі павялічылася з 2222 да 2317, а плошча Эстоніі цяпер складае 45 335 км².
💬 Прадстаўніца зямельнага дэпартаменту Леа Паутс патлумачыла:
Берагавая лінія Балтыйскага мора пастаянна змяняецца. На берагавую лінію ўплывае пасляледавіковае ўзняцце, якое выклікае ўздым грунту, а таксама бесперапынныя працэсы берагавой эрозіі і акрэцыі, асабліва інтэнсіўныя падчас штормаў. Таму берагавую лінію час ад часу даводзіцца зноўку наносіць на карту
Гэта «залежыць ад іх захаванасці, асаблівасцяў і таго, ці трэба людзям іх называць – напрыклад, каб растлумачыць сябрам, куды яны адправіліся ў паход на каноэ летам або на каньках зімойЧитать полностью…
☝️ Гэтай ноччу Расея атакавала Украіну ракетамі і дронамі
Кіраўніца Аб'яднанага каардынацыйнага прэс-цэнтра Сіл абароны поўдня Украіны – палкоўнік Наталля Гумянюк распавяла, што расейцы хацелі знішчыць украінскую сістэму супрацьпаветранай абароны, а потым запускалі хвалямі беспілотнікі. Ракеты былі збітыя ўкраінскай СПА над акваторыяй Чорнага мора.
Атак дронамі было некалькі, але сілы абароны Украіны выдатна адпрацавалі іх.
Не абышлося, што праўда, без разбурэнняў – так у Канстанцінаўцы Данецкай вобласці прыляцела па будынку чыгуначнага вакзалу. Падчас удару закранула гандлёвы цэнтр, навакольныя дамы і праваслаўны храм.