42764
Тэлеканал Белсат Даслаць навіну, фота ці відэа: @BelsatBot Расейскамоўны рэгіянальны ТГ @BelsatRu
🔥 Народная амбасада ў Швецыі стварыла дакумент, які можа дапамагчы беларусам атрымаць палітычны прытулак у гэтай краіне
На дадзены момант швецкае міграцыйнае ведамства часта выкарыстоўвае 4 асноўныя аргументы адказу ў прадстаўленні палітычнага прытулку нашым грамадзянам:
🔻 Аргумент пра тое, што калі чалавек змог легальна пакінуць Беларусь, гэта значыць, што ён не знаходзіцца ў небяспецы.
🔻 Аргумент пра «абмежаванае распаўсюджанне» крытычных запісаў у сацыяльных сетках, што быццам зніжае рызыку рэпрэсій.
🔻 Аргумент пра тое, што чалавек не меў значнай ролі ў апазіцыі, і таму не павінен быць у зоне рызыкі.
🔻 Аргумент, што заяўка на прытулак не падавалася адразу пасля падзей 2020 года, што нібыта сведчыць пра адсутнасць тэрміновай патрэбы ў абароне.
Таму Народная амбасада падрыхтавала дакумент, які зможа дапамагчы заяўнікам і іх юрыстам. Ён змяшчае тлумачэнні таго, як можна абвергнуць найбольш тыповыя аргументы адказаў.
👉 Спасылка на дакумент тут
📌 У Беларусі асудзілі кіраўнікоў найбуйнейшай цеплатэхнічнай кампаніі краіны
У судзе Ленінскага раёна Брэста скончыўся працэс над кіраўніком ГСКБ Сямёнам Добкіным і яго намеснікам Юрыем Жулаевым, піша Наша Ніва.
Акалічнасці справы невядомыя. Вядома толькі, што іх абвінавачвалі ў «атрыманні хабару» і абодвум прысудзілі па 6,5 год абмежавання свабоды ў калоніі строгага рэжыму.
👉 76-гадовы Сямён Добкін — брат заснавальніка EPAM Аркадзя Добкіна.
😳 У Бабруйску іншамарка Renault сышла пад асфальт
Інцыдэнт адбыўся на вуліцы Сацыялістычнай, паведамляе «Вечерній Бобруйск». Спачатку пад левым пярэднім колам аўтамабіля правалілася зямля.
Іншамарку спрабавалі адбуксіраваць з дапамогай іншага аўто, аднак па выніку Renault амаль цалкам сышоў пад зямлю.
Пацярпелых няма. Прычына здарэння пакуль невядомая.
📌 Ізаляцыя рэжыму Лукашэнкі, падтрымка незалежных СМІ, візавыя пытанні
Павел Латушка правёў серыю сустрэчаў з еўрапейскімі чыноўнікамі на форуме GLOBSEC у Празе.
☝️ Сярод галоўных вынікаў сустрэчаў, як піша кіраўнік НАУ, — абмеркаванне з прадстаўніком ФРГ далейшых крокаў у вызваленні палітвязняў і абяцанне Швецыі правесці правяранне міграцыйнай службы, якая надоечы пастанавіла дэпартаваць двух беларусаў.
👉 Падрабязней пра вынікі сустрэчаў чытаць тут
▶️ У Беларусі хочуць замяніць YouTube і папулярныя сацсеткі
«Там прапануецца глядзець Тура, Азаронка, ці штосьці яшчэ»
Размаўляем з экспертам, што гэта і як гэта магчыма
🤦 Праводзіць допыт, вочную стаўку і агляд месца правапарушэння будуць… вучні старшых класаў
Гэта новы факультатыў «Гатовы Радзіме служыць!» ☝️
📸 Ракетны ўдар па Харкаве і пратэсты экаактывістаў ва Угандзе
Сабралі для вас галоўнае за тыдзень у фотаздымках.
🔷 «Гэта улада, гэта беспакаранасць, цябе ўсе слухаюцца, ты можаш рабіць усё, што хочаш»
Удзельнік праектаў «ЧынЧынЧэнэл» і «Хай Так» Дзмітрый Есяневіч распавёў «Белсату», чаму ягоныя абяцанні ніколі больш не граць «тупых мянтоў» заканчваліся няўдачай і што сапраўдныя міліцыянты, аказваецца, глядзелі серыял «Працэсы» і нават жартавалі наконт яго падчас затрымання Дзмітрыя.
«У кабінеце ляжыць вялікая папка з «Белсатам» – выявы, здымкі…» – кажа актор, які цяпер знаходзіцца ў бяспецы.
👉 Чытайце інтэрв’ю тут
❤️ «Цярплівасці вам і моцы, каб быць здольнымі даць дзеткам самыя галоўныя веды – як заставацца чалавекам у любых абставінах»
Святлана Ціханоўская павіншавала беларусаў з Днём ведаў.
Лідарка пазычыла бацькам цярплівасці і моцы, каб навучыць дзяцей як заставацца чалавекам у любых абставінах і як быць моцнымі, калі цяжкасці здаюцца непераадольнымі.
Узгадала яна і пра асабісты боль:
«А сёння не магу паверыць, што ўжо трэці год наша, такая дарослая Агнія, сама апранае кашулю і закідвае на спіну школьны заплечнік. Невыносна балюча ад таго, што Сяргей не можа ўзяць яе за руку ў такі важны дзень. Не можа падбадзёрыць Карнея, а мне з усмешкай сказаць: “Ты проста паглядзі, якія ж у нас цудоўныя дзеці!”»
📌 На Камчатцы разбіўся верталёт Мі-8. Усе пасажыры загінулі
Усяго 22 чалавекі — тры члены экіпажу і 19 турыстаў, у тым ліку ў фінансавы дырэктар расейскага футбольнага саюзу Арсеній Замяцін.
Кіраўнік Камчацкага краю Уладзімір Соладаў у сваім тэлеграм-канале паведаміў, што верталёт накіроўваўся па маршруце вулкан Вачкажец — аэрадром у сяле Мікалаеўка.
☝️ Паводле крыніцаў ТАСС, верталёт Мі-8 разбіўся, урэзаўшыся ў сопку.
На месцы крушэння верталёта знайшлі целы 17 загінулых.
🤦♂️Школьнікам Беларусі прапануюць факультатывы памежніка, следчага і мытніка
Чыноўнікі зацвердзілі новую праграму «Гатовы служыць Радзіме!». Паводле яе, з падлеткаў будуць рыхтаваць «будучых памежнікаў, мытнікаў і следчых». Мэта такіх заняткаў — фармаванне патрыятызму.
Дзяцей, якія, напрыклад, выберуць факультатыў следчага, навучаць весці допыты і праводзіць вочныя стаўкі. Не абышлося і без зброі — школьнікаў абяцаюць навучыць страляць.
Пакуль такія факультатывы рыхтуюцца для 10-11 класаў.
Расею ноччу атакавалі паўтары сотні дронаў
Беспілотнікі прыляцелі ў 15 расейскіх рэгіёнаў, дзе пашкодзілі дзве ГРЭС у Маскоўскай і Цвярской абласцях, а таксама маскоўскі нафтаперапрацоўчы завод. Мясцовыя жыхары пішуць пра пажары на прадпрыемствах. Пра пацярпелых не паведамляецца.
Мінабароны Расеі заявіла пра 158 збітых украінскіх беспілотнікаў, 9 з якіх ляцелі ў Маскву і Маскоўскую вобласць.
Украінскія вайскоўцы пакуль не каментуюць сітуацыю.
💥 #галоўнае за 31 жніўня
✔️Расейскі дрон-камікадзэ зноў лётаў праз паветраную прастору Беларусі
✔️Сабралі падборку змяненняў, якія чакаюць жыхароў Беларусі ў верасні
✔️Памёр акцёр Купалаўскага тэатру Георгій Маляўскі
✔️Тры дні − тры золата. Беларускаму плыўцу Ігару Бокаму няма роўных на Паралімпіядзе ў Парыжы
✔️Трактар праваліўся ў фантан у Салігорску. Такое здарылася ўжо не ўпершыню
✔️У Менску на станцыі метро «Магілёўская» памёр пажылы мужчына, а на праспекце Незалежнасці каля будынку КДБ гарэў бус
#рэпрэсіі:
▫️Дзівосы беларускага «правасуддзя»: на завочным судзе дзяржаўны адвакат прызнаў віну за свайго падабароннага
▫️Жыхара Баранавічаў затрымалі за «абразлівыя каментары пра супрацоўнікаў МУС». Напрыклад, ён называў ГУБАЗіК «экстрэмісцкім фармаваннем»
💬 «Калі памірае малады мужчына, 34 гады − з вечара лёг спаць, а з раніцы ўжо халодны − гэта пра што сведчыць? Пра поўную адсутнасць медыцынскай дыягностыкі»
Днямі адзін з былых вязняў калоніі «Віцьба» (лічыцца адной з самых жорсткіх у краіне) расказаў праваабаронцам «Вясны» пра свой досвед знаходжання ў гэтай установе.
У той жа калоніі адбываў пакаранне і гомельскі праваабаронца Леанід Судаленка. Мы запрасілі яго ў наш эфір, каб пачуць і ягоныя сведчанні таго, як жорстка абыходзяцца ў «Віцьбе» са зняволенымі (у першую чаргу «палітычнымі», але не толькі).
Паслухайце!
У Менску на станцыі метро «Магілёўская» памёр пажылы мужчына
Пра гэта піша тэлеграм-канал @minsk_gl. Ён жа публікуе здымак з месца здарэння ад свайго падпісанта.
На месцы працавалі міліцыя і дактары хуткай дапамогі. Інфармацыі пра тое, што стала прычынаю смерці пенсіянера, на гэты момант няма.
⚡️ Пра два юбілеі і пра адказнасцьць за бацьку – што чакае Мікалая Лукашэнку ў будучыні
Глядзіце ў нашым сюжэце ☝️
А выданне «Тыдзень» цалкам глядзіце ПА СПАСЫЛЦЫ
💥СТРЫМ. Нядзельнае вечаровае шоў «Тыдзень»
У сённяшнім выданні:
🔸 Абстрэлы Масквы і Харкава: падзеі на фронце за апошні тыдзень
🔸 Пра два юбілеі і пра адказнасцьць за бацьку - што чакае Мікалая ў будучыні
🔸 Як і чаму заходнія чыноўнікі мяркуюць, што беларусы, якія просяць прытулку ў іхных краінах - могуць спакойна вяртацца сабе дадому
🔸 Першае інтэрв'ю Камалы Гэрыс ў якасці кандыдаткі на прэзідэнта ЗША і новы скандал з Трампам
Далучайцеся да эфіру ⤵️
https://www.youtube.com/live/7QqGykPg5So
🐘 Гэтае сланяня асірацела
Але цяпер знаходзіцца пад апекай спецыяльных выхавальнікаў
Паглядзіце, якая мілата!
📢 Не чыталі навіны пару дзён, а цяпер лянота гартаць «кіламетры» стужкі тэлеграму?
То запрашаем на наш канал ➡️ (НЕ)АПОШНІЯ НАВІНЫ, дзе ўсё толькі сцісла і па справе.
Вынікі дня, падборкі найлепшых і найважнейшых матэрыялаў. Абяцаем не спаміць, далучайцеся да @vynikidnia
#галоўнае
🛸 Авіяканструктары не спыняюць спробы вярнуць у неба велічныя дырыжаблі
Амерыканскі стартап Sceye стварыў 80-метровы паветраны карабель, корпус якога пакрыты сонечнымі панэлямі, якія забяспечваюць яго энергіяй.
Паветраны гігант ужо правёў тэставыя содні над Зямлёй на вышыні 19 км.
☝️ Дырыжабль прызначаны для паляпшэння доступу ў інтэрнэт у аддаленых раёнах.
Акрамя таго, ён здольны сачыць за кліматам, маніторыць даныя аб навакольным асяроддзі і назіраць за ляснымі пажарамі і іншымі стыхійнымі бедствамі.
Да канца года плануецца правесці яшчэ некалькі тэстаў, і калі яны пройдуць паспяхова, апарат будзе ўведзены ў камерцыйную эксплуатацыю ў 2025 годзе.
😡 Расея зноў абстраляла Харкаў
Мясцовыя СМІ паведамляюць пра 10 выбухаў, у выніку якіх загарэліся некалькі жылых двароў і будынак супермаркета.
☝️ На дадзены моман вядома пра 41 пацярпелага, сярод якіх 5 дзяцей, паведамляе тэлеграм-канал Алега Сінегубава, кіраўніка Харкаўскай АВА .
😡 БРСМ дамовіўся аб супрацы з гэтак званай «ДНР»
Эксперты мяркуюць, што такія дамовы легалізуюць акупацыю тэрыторыяў Украіны.
Цікава, што афіцыйны Менск нічога не сказаў пра тое, што Магілёўская і Берасцейская абласныя арганізацыі БРСМ падпісалі пагадненні з данецкай грамадскай арганізацыяй «Маладая Рэспубліка» яшчэ напрыканцы жніўня.
👉 Чытаць падрабязней тут
💔 20 гадоў болю і пошукаў справядлівасці…
1 верасня 2004 года ў Расеі адбыўся самы вялікі тэракт у яе сучаснай гісторыі - захоп школы ў Беслане.
Крымінальная справа ўсё яшчэ не закрытая, а імёны адказных за тое, што адбылося так і не названыя...
📌 Расея зазнала самую масавую атаку беспілотнікаў ад пачатку вайны
Мінабароны Расеі сцвярджае, што за ноч «знішчана і перахоплена» 158 беспілотнікаў у 15 рэгіёнах краіны.
У Маскве два БПЛА атакавалі нафтаперапрацоўчы завод у раёне Капотня. Узнік пажар. Паводле мэра Сяргея Сабяніна, загарэлася «тэхнічнае памяшканне».
👉 Чытаць падрабязней тут
😢 Візавыя цэнтры Польшчы больш не прымаюць заявы на візы праз кур'ера
Пра гэта гаворыцца на сайце VFS Global:
З 1 верасня 2024 года прыём візавых заяў з дапамогай кур'ерскай падачы дакументаў спынены
🇫🇷 Мэр Парыжу вырашыла не прыбіраць кольцы з галоўнага сімвала гораду
«Як мэр Парыжу, рашэнне застаецца за мной, і ў мяне ёсць згода з МАК. Так што так, яны застануцца», – заявіла Ан Ідальго.
Чыноўніца засталася вельмі задаволеная Алімпіядай і тым, як прайшла цырымонія адкрыцця ў Парыжы.
«Я ў захапленні пасля таго, як на працягу дзесяці гадоў нас крытыкавалі і казалі, што гэта будзе пекла. Некаторыя людзі нават рабілі бізнес на нянавісці да Парыжа. Сёння многія людзі кажуць мне, што горад цудоўны», – дадала мэр гораду.
☕️ Вітаем, шаноўныя!
Сабралі для вас найбольш цікавыя матэрыялы «Белсату», які вы маглі прапусціць:
🔺Што варта зрабіць Лукашэнку, каб мець транзітныя калідоры з Польшчай?
Прадстаўнік польскага Сейму распавёў пра ўмовы, пры якіх могуць адкрыцца транзітныя калідоры. Сярод іх — найбольш балючыя пытанні для беларусаў. Чытайце на старонцы (праз VPN).
🔺У Гаазе чакаюць ад Манголіі арышту Пуціна
Расейскі прэзідэнт запланаваў візіт у Манголію, якая з'яўляецца краінай-удзельніцай Рымскага статуту. Гэта азначае, што мангольскія ўлады абавязаны арыштаваць Пуціна па міжнародным ордэры. Аднак ёсць агаворкі, пры якіх Манголія можа адмовіцца ад такога кроку. Якія — чытайце на сайце (праз VPN).
🔺Новыя суды і рост заробкаў бюджэтнікаў. Што чакае беларусаў у верасні?
Мы сабралі ўсё, што варта ведаць пра змены і падзеі ў Беларусі ў новым месяцы (праз VPN).
🇦🇲 Пашыньян зноў узняў тэму выхаду Арменіі з АДКБ
На сённяшняй прэс-канферэнцыі армянскі прэм'ер даў зразумець, што пытанне пра юрыдычнае афармленне выхаду з арганізацыі пакуль не стаіць.
Аднак ужо больш за паўгода краіна трымае сваё сяброўства ў АДКБ у «замарожаным» стане, і ў гэтым плане нічога змяняць не плануецца.
🔍 Чытайце падрабязней ВОСЬ ТУТ
🏊🏻♂️ Хто спыніць Ігара Бокага? Беларускі плывец-паралімпіец узяў ужо трэці залаты медаль на Гульнях у Парыжы
Пасля перамог на дыстанцыях 100 метраў батэрфляем і 100 метраў на спіне нарадзінец Бабруйску заваяваў золата яшчэ і ў заплыве на 400 метраў вольным стылем.
Імаверна, гэта не апошні медаль беларуса (які выступае ў нейтральным статусе) на сёлетняй Паралімпіядзе.
🔴 «Аб’ектыў» – галоўныя падзеі дня!
У сённяшнім выданні:
🔸 Польшча можа адкрыць памежныя пераходы для павелічэння транзіту тавараў
🔸 Падчас начной атакі Расеі на Украіну адзін з дронаў паляцеў у Беларусь
🔸 Школьнікаў у межах факультатыву «Гатовы Радзіме служыць!» навучаць праводзіць допыт і вочную стаўку
Далучайцеся да эфіру ⤵️
https://www.youtube.com/live/R7L8qdrHB0c