42764
Тэлеканал Белсат Даслаць навіну, фота ці відэа: @BelsatBot Расейскамоўны рэгіянальны ТГ @BelsatRu
⚽️ EURO 2024: Францыя і Партугалія ледзь-ледзь прапаўзлі ў чвэрцьфінал
Асабліва прымусілі нервавацца сваіх заўзязатараў партугальцы, якія выбілі сціплую Славенію толькі ў серыі пенальці. Пры гэтым у дадатковы час Партугалія атрымала права на пенальці з гульні – легендарны Крыштыяну Раналду не рэалізаваў яго. Слёзы ветэрана зборнай Партугаліі пасля гэтай няўдачы бачыў увесь свет.
Сёння стадыя 1/8 фіналу на EURO скончыцца матчамі Румынія-Нідэрланды і Аўстрыя-Турцыя.
Чытайце чарговы агляд з чэмпіянату Еўропы на сайце:
✅ Праз VPN ❎ Без VPN
📍Казахстанскі апазіцыянер, у якога стралялі ў Кіеве два тыдні таму, памёр у шпіталі
Замах на Айдаса Садыкава быў здзейснены 18 чэрвеня ў Шаўчэнкаўскім раёне Кіева: невядомы стрэліў у актывіста, калі той знаходзіўся ў аўтамабілі. Садыкаў атрымаў цяжкія раненні і трапіў у рэанімацыю.
Пра смерць Садыкава напісала ягоная жонка.
Чытайце на старонцы:
✅ Праз VPN ❎ Без VPN
🤔 Які статус будзе мець Святлана Ціханоўская пасля жніўня 2025 года?
Пытанне «легітымнасці Святланы Ціханоўскай» ужо сёння даволі актыўна абмяркоўваецца ў медыйнай прасторы – як сярод яе апанентаў, так і сярод прыхільнікаў. Можна меркаваць, што ў хуткім часе «праблему 2025 году» будзе педаляваць і прапаганда.
Чытайце нашую аналітыку на старонцы:
✅ Праз VPN ❎ Без VPN
💱 Курсы валютаў на 2 ліпеня
Еўра досыць істотна падаражэў, дадаўшы амаль 4 капейкі. Долар умацаваўся на 2 капейкі.
А вось расейскі рубель страціў 1,5 капейкі.
#курсывалютаў
📍Украінскія ўлады здолелі вырваць з лукашэнкаўскіх турмаў сваіх грамадзянаў. Ці можна чакаць ад іх спрыяння ў вызваленні беларускіх палітзняволеных?
На мінулым тыдні ва Украіну вярнуліся пяцёра яе грамадзянаў, якія знаходзіліся ў зняволенні ў Беларусі. Сярод іх быў і Мікалай Швец, якога абвінавачвалі ў датычнасці да дыверсіі ў Мачулішчах.
Чаму Лукашэнка пагадзіўся адпусціць Швеца ды іншых украінцаў і ці ёсць хоць малая верагоднасць, што Кіеў паспрабуе дапамагчы вызваліць палітвязняў-беларусаў?
Чытайце на старонцы:
✅ Праз VPN ❎ Без VPN
😨 Па «Варшаўскім мосце» бегаў цалкам аголены мужчына
Відавочцы сцвярджаюць, што ён вылез з кустоў, пералез праз агароджу ды пабег уздоўж чаргі аўтамабіляў з польскага на беларускі бок. Польскія памежнікі аклікнулі яго, аднак мужчына не адрэагаваў.
Пазней незвычайнага парушальніка мяжы затрымалі на беларускім баку. Яго збіраюцца прыцягнуць да адказнасці за незаконны пераход мяжы ды парушэнне заканадаўства аб прававым статусе замежных грамадзянаў. Цяпер мужчына знаходзіцца ў ізалятары часовага ўтрымання.
📍Экспертыза паказала, што гэты чалавек знаходзіўся пад уздзеяннем наркотыкаў. Жаданне цалкам распрануцца часта ўзнікае пасля ўжывання так званай «солі» (група сінтэтычных наркотыкаў), бо ў стане змененай псіхікі такія людзі думаюць, што адзенне на іхным целе рухаецца ды ўяўляе для іх пагрозу.
😉 «Пачакай, а можна я з табой?»: літоўскія памежнікі паказалі, як ласяня і мядзведзь збеглі з Беларусі
«Эміграцыя» адбылася на тэрыторыі запаведніка Чэпкялай у Варанскім раёне.
Назад у Беларусь жывёлы пакуль не вярнуліся.
🤔 Віктар Орбан наведае Украіну з незапланаваным візітам
Паводле медыяў, палітык пастанавіў наведаць Украіну пасля саступак у пытанні правоў вугорскай меншасці ў Закарпацці. Чакаецца, што візіт распачнецца ўжо сёння.
Гэта будзе першы візіт палітыка ва Украіну пасля пачатку вайны. Плануецца, што вугорскі прэм'ер-міністр сустрэнецца з прэзідэнтам Украіны Уладзімірам Зяленскім.
«The Guardian» называе прэм’ера Вугоршчыны «адным з найбольш прарасейскіх лідараў Еўропы» і адзначае, што ён наведае Украіну на наступны дзень пасля пачатку старшынства краіны ў ЕЗ.
💥 #галоўнае за 1 ліпеня
✔️BYPOL раскрыў асобу аднаго з інструктараў, якія рыхтуюць мігрантаў да сілавога прарывання на польскую тэрыторыю з Беларусі
✔️З канца 2023 года ў Польшчы стала прыкладна на 10% болей беларусаў, якія атрымалі легалізацыю
✔️Прэс-сакратар Пуціна заявіў пра занепакоенасць Крамля павелічэннем актыўнасці ЗСУ на ўкраінска-беларускай мяжы
✔️Чаму зноў расце напружанне на беларуска-ўкраінскай мяжы? Чытайце нашую аналітыку
✔️У Менску за службовую нядбайнасць судзяць супрацоўніка міліцыі ды следчага
✔️Нырнуць у гульню з галавою: каля Беластока правялі найвялікшы ў Еўропе турнір па балотным футболе. Чытайце наш рэпартаж (і глядзіце фатаздымкі)
✔️У Францыі ультраправыя перамагаюць у першым туры парламенцкіх выбараў
💔 Арцём Касакоўскі
Оптык на заводзе «Оптык» у Лідзе. Фігурант крымінальнай «справы чата».
19 ліпеня 2021 года яго асудзілі да 5 гадоў пазбаўлення волі ва ўмовах узмоцненага рэжыму. Агулам 23-гадовы палітвязень асуджаны да 6,5 года зняволення.
📩 Падтрымайце палітвязня: ПК № 1. 211440, г. Наваполацк, вул. Тэхнічная, 8
🔸Польскае міністэрства культуры думае над тым, каб стварыць адмысловую пляцоўку для беларускіх актораў і рэжысёраў
«Цяпер ідуць перамовы аб стварэнні прасторы, якая дасць магчымасць развіваць сваю дзейнасць творцам, якія займаюцца тэатральнай творчасцю і прадстаўляюць нацыянальныя меншасці», – гаворыцца ў лісце, які атрымаў ад згаданага міністэрства Павел Латушка.
Чытайце на сайце:
✅ Праз VPN ❎ Без VPN
☝️Арыштаваны ў Сербіі па запыце лукашэнкаўцаў рэжысёр Андрэй Гнёт прызнаны палітзняволеным
Такі статус надалі яму прадстаўнікі ініцыятывы «Dissidentby», якая дапамагае палітвязням.
Гнёт знаходзіцца ў няволі ў Бялградзе з кастрычніка мінулага года. Сербскія ўлады арыштавалі яго па запыце Інтэрполу.
Чытайце болей:
✅ Праз VPN ❎ Без VPN
🔴 «Аб’ектыў» – галоўныя падзеі дня!
У сённяшнім выданні:
🔸 Мінабароны Беларусі нагнятае сітуацыю на мяжы з Украінай
🔸 Беларускіх дзяцей будуць дадаткова вакцынаваць ад коклюшу
🔸 Плэй-оф чэмпіянату Еўропы па футболе: паціху вызначаюцца чвэрцьфіналісты. Чаго чакаць?
Далучайцеся да эфіру ⤵️
https://www.youtube.com/live/NPjzI4zi34Y
📺Адразу пасля «Аб'ектыву» а 20.25 па менскім часе запрашаем да прагляду «Белсат Zoom» – агляд галоўных навінаў дня, агляд надворʼя, спартовых навінаў!
💬 «Сэрца разрываецца ад таго, што я не змагу згуляць». Найпрэстыжнейшы тэнісны турнір «Ўімблдан» пройдзе без удзелу Арыны Сабаленкі
Прычына ў тым, што Сабаленка мае праблемы са здароўем. Не паедзе яна гуляць і на Алімпіяду ў Парыжы, да якой засталося трохі болей за тры тыдні.
Чытайце на сайце:
✅ Праз VPN ❎ Без VPN
💁🏻♂️ Жыхарам Белгародскай вобласці, якія жывуць пад абстрэламі, мясцовыя ўлады прапанавалі тушыць пажары самастойна
Для гэтага ім раздалі вогнетушыцелі. Праўда, далёка не ўсе ўспрынялі такі жэст уладаў пазітыўна ☝️
📷 Фотафакт: у Партызанскім раёне Менску правялі «плац-парад дзіцячых садкоў»
Дзіўнаватае мерапрыемства пад назваю «Нашчадкі перамогі» прайшло пры ўдзеле чыноўніц з раённай адміністрацыі.
На здымках відаць, што дзеці маршыравалі строем у форме, стылізаванай пад вайсковую і міліцэйскую. Некаторыя былі з плюшавымі цацкамі.
📺 Навіны за 5 хвілін
✔️Наступствы непагадзі ў Беларусі: вырваныя з коранем дрэвы, залітыя вуліцы, паваленыя слупы ЛЭП ⬆️
✔️Напярэдадні 3 ліпеня міліцыя ў Беларусі перайшла на ўзмоцнены рэжым
✔️МЗС РБ прыгразіла Еўразвязу «асіметрычнымі мерамі» ў адказ на новыя санкцыі
✔️Валер Кавалеўскі патлумачыў свой сыход з АПК супярэчнасцямі са Святланай Ціханоўскай
✔️МУС Расеі абвясціла ў вышук Валерыя Сахашчыка і Вадзіма Пракоп’ева
✔️Віктар Орбан прыехаў у Кіеў
✔️У Беларусі зноў на 1 капейку падаражэла паліва
Глядзіце ў кароткім выданні навін на Белсаце 💻
🙃 У Беларусі з'явілася жаночая марская пяхота? Не, так выглядае падрыхтоўка да параду 3 ліпеня
У Менску жанчынам давялося маршыраваць пад праліўным дажджом.
Як гэта пракаментаваць – прыдумайце самі. У нас проста скончыліся словы 💁🏻♂️
🤩 Мурал з выяваю князя Усяслава Чарадзея ўпрыгожыў сцяну полацкага 9-павярховіка
Побач з князем на мурале – сокал, воўк ды чорны кот. Кожная з гэтых жывёлаў мае сваё сімвалічнае значэнне: сокал сімвалізуе ў народнай традыцыі ўладу, перамогу і сонца, кот звязаны са светам містыкі, а воўк асацыюецца са свабодаю.
Эскіз мурала быў створаны студэнткай-выпускніцаю Беларускай дзяржаўнай акадэміі мастацтваў Аляксандрай Прымаю. А непасрэдна на сцяну яго нанеслі мастакі з Пінску Яўген Сасюра і Сяргей Рысакоў. На гэта яны вытрацілі ўсяго 5 дзён.
💬«Святлана Ціханоўская мусіць мець побач тых асобаў, якія цалкам падзяляюць ейныя падыходы»
Валер Кавалеўскі назваў прычынаю свайго сыходу з Аб'яднанага пераходнага кабінету супярэчнасці, якія ўзніклі падчас працы са Святланай Ціханоўскай.
Пры гэтым ён зазначыў, што да адстаўкі не маюць ніякага дачынення праблемы з праектам пашпарту «Новай Беларусі».
Чытайце падрабязней:
✅ Праз VPN ❎ Без VPN
☝️Польшча падоўжыла на паўгода спрошчаны парадак атрымання праязнога дакумента для беларусаў
Гэты дакумент неабходны нашым суайчыннікам, у якіх скончыўся тэрмін дзеяння беларускага пашпарту, а паехаць абмяняць яго на новы яны не могуць з палітычных прычынаў.
Чытайце на старонцы:
✅ Праз VPN ❎ Без VPN
👆 Міністэрства энергетыкі: 788 населеных пунктаў Беларусі засталіся без святла праз непагадзь 1 ліпеня
Парывы ветру дасягалі хуткасці 24 м/с, заўважае МНС.
Пашкоджаныя дахі 23 жылых дамоў у Віцебскай і Менскай абласцях, а таксама два вытворчыя і адзін сельскагаспадарчы будынак. Зафіксаваныя 73 выпадкі падзення дрэў: адно з іх упала на аўтамабіль у Капыльскім раёне.
Добрага дня, сябры! Зычым вам файнага дня і прапануем пачытаць найцікавейшыя матэрыялы, якія вы маглі прапусціць.
🗞 Навошта рэжым Лукашэнкі нагнятае сітуацыю на мяжы з Украінай?
У памежных раёнах створаны блокпасты, ладзяцца праверкі дакументаў і аўтамабіляў. Што азначаюць усе гэтыя падзеі?
🗞 «BYPOL»: Мігрантаў для пераходу мяжы інструктуе ахоўнік «ГардСэрвісу», створанага Шэйманам
Адным з інструктараў, якія навучаюць мігрантаў незаконна праходзіць беларуска-польскую мяжу, ёсць 60-гадовы падпалкоўнік Анатоль Аўсянік. Што пра яго вядома?
🗞 Попыт, што не зніжаецца, і рэкордныя за 9 гадоў цэны. Бум на рынку нерухомасці не сціхае
Рынак нерухомасці зазнаў росквіт дзякуючы танным крэдытам і росту заробкаў. Кошт квадратнага метра жытла ў Менску перавысіў у траўні $ 1500 – упершыню з 2015 года. Нават у непапулярных Шабанах аднапакаёўкі падаражэлі за год на $ 8000. У чым справа?
#штопачытаць
🎵«Hučna Fest» у Варшаве. Поўны запіс стрыму для тых, хто прапусціў
У суботу ў польскай сталіцы на беразе Віслы было спякотна ва ўсіх сэнсах – тут у чацвёрты раз прайшоў фестываль беларускай музыкі, мастацтва і літаратуры «Hučna Fest».
Калі вы эмігрант, але не патрапілі на гэтае мерапрыемства (або калі жывеце ў Беларусі і хацелі б адчуць ягоную атмасферу) – налівайце сабе гарбаткі (ці чаго мацнейшага) і ўключайце запіс нашага жывога эфіру.
#штопаслухаць
#рэпрэсіі Асноўнае за 1 ліпеня
🔻У Менскім абласным судзе скончыўся завочны працэс па справе «аналітыкаў Святланы Ціханоўскай»: сумарна ўсе атрымалі больш за 200 гадоў калоніі
🔻Арыштаваны ў Сербіі па запыце лукашэнкаўцаў рэжысёр Андрэй Гнёт прызнаны палітзняволеным
🔻Затрымалі выкладчыка па класе гітары з Магілёва. Яму закідаюць напісанне абразаў у інтэрнэце пра «прадстаўнікоў улады»
🔻Аналагічныя прэтэнзіі ў сілавікоў узніклі да жыхара Берасця
🔻На Віцебшчыне быў затрыманы мужчына, які рабіў «экстрэмісцкія» рэпосты з недзяржаўных СМІ у «Аднакласніках»
🔻«Палітычных» затрыманых, якія адбываюць адміністратыўны арышт у Лідзе, возяць перабіраць цыбулю да нямецкага фермера. А яшчэ – збіраць камяні на палях ды перабіраць смецце
🧐 Шыла на мыла ці паслядоўны план?
Зноў і зноў картуецца калода бюракратычнай сістэмы.
Раскладаем па палічках ☝️
🤔 Чаму зноў расце напружанне на беларуска-ўкраінскай мяжы?
Неўзабаве пасля таго, як распачалася поўнамаштабная расейска-ўкраінская вайна і расейскія войскі ішлі на Кіеў праз беларускае Палессе, сітуацыя на мяжы Беларусі ды Украіны паступова супакоілася.
Аднак цяпер узнік новы віток напружання. Пакуль, праўда, яно не перарасло ў нешта сур'ёзнае.
Чытайце аналітыку на нашай старонцы:
✅ Праз VPN ❎ Без VPN
📍У Менскім абласным судзе скончыўся завочны працэс па справе «аналітыкаў Святланы Ціханоўскай»
У якасці фігурантаў праходзілі адразу 20 абвінавачаных. Сярод іх – Павел Усаў, Юрый Дракахруст, Рыгор Астапеня, Ганна Красуліна ды іншыя.
Працэс трываў роўна месяц, а справу разглядаў Уладзімір Арэшка. Большасці падсудных ставілі ў віну «удзел у экстрэмісцкім фармаванні», «змову з мэтай захопу дзяржаўнай улады», «спрыянне ў публічных закліках да захопу дзяржаўнай улады» і «спрыянне ў наўмысным распальванні сацыяльнай варожасці».
Сумарна ўсе фігуранты атрымалі больш як 200 гадоў пазбаўлення волі (завочна).
☝️У Менску судзяць супрацоўніка міліцыі ды следчага. Не, гэта не навіна з будучыні
Справа ў тым, што, на думку следства, службовая нядбайнасць ды бяздзейнасць гэтых асобаў прывяла да забойства 3-гадовага дзіцяці ў Слуцку.
Сямёна Таратуту катавалі ды ў выніку забілі ўласныя бацькі. Іх ужо асудзілі, прычым бацька Сямёна Аляксандр атрымаў смяротнае пакаранне.
Сілавікі ж, якім закідаюць безадказнае стаўленне да службовых абавязкаў, сваю віну адмаўляюць:
✅ Праз VPN ❎ Без VPN
☝️Прэс-сакратар Пуціна заявіў пра занепакоенасць Крамля павелічэннем актыўнасці ЗСУ на ўкраінска-беларускай мяжы
Раней намеснік міністра абароны РБ паведаміў пра фіксацыю «нічым не абгрунтаванай і незразумелай актыўнасці» ЗСУ ля мяжы. Ён сцвярджае, што могуць быць «пранікненні на тэрыторыю нашай краіны дыверсійна-разведвальных груп».
А вось што сказаў Дзмітрый Пяскоў:
✅ Праз VPN ❎ Без VPN