42764
Тэлеканал Белсат Даслаць навіну, фота ці відэа: @BelsatBot Расейскамоўны рэгіянальны ТГ @BelsatRu
🫥У гаспадарчы абарот аддаюць землі, якія раней былі забруджаныя радыяцыяй
Яны знаходзяцца ў Кастрычніцкім раёне Гомельскай вобласці. Плошча гэтых земляў складае 16,6452 гектараў. Пастановаю Савету міністраў іх выключылі з пераліку радыяцыйна небяспечных і перадалі ААТ «Маісееўка».
Цяпер райвыканкам мусіць умовы выкарыстання гэтых участкаў, таксама мясцовыя ўлады павінны кантраляваць радыёактыўнае забруджанне прадукцыі, якая будзе там вырабляцца.
👆«Тутэйшы тэатр» – гэта месца, дзе я ёсць»
Нядаўна ў Варшаве адбыўся спектакль беларускага «Тутэйшага тэатру». Імправізацыя «Гаральд» не пакінула гледачоў абыякавымі. Паразмаўлялі з рэжысёрам і акторам тэатру Андрэем Саўчанкам пра імправізацыйныя спектаклі, страту і Радзіму.
Пачытайце!
Стала вядома прозвішча яшчэ аднаго палітвязня, вызваленага па памілаванні
Гэта Яўген Чуміла, якога асудзілі ажно па 4 артыкулах крымінальнага кодэксу: «распальванне варожасці», «абраза прадстаўніка ўлады», «абраза суддзі» і «абраза Лукашэнкі». Які тэрмін прысудзілі Яўгену, вядома не было.
Пра вызваленне Чумілы заявіў Юрый Васкрасенскі на стрыме прапагандыста Азаронка.
Колькі ўсяго палітвязняў вызвалілі паводле памілавання і што пра іх вядома, чытайце ў нашым матэрыяле
💥 #галоўнае за 21 жніўня
✔️ Беларуска-кітайскі парк «Вялікі камень» не дае рады з прызначанымі мэтамі. Яго праінспектуе прэм’ер КНР
✔️ Як піяр-кампанія можа сапсаваць фільм
✔️ Тры дні ў чарзе даводзіцца стаяць аўтобусам, каб трапіць з Беларусі ў Польшчу
✔️ У Арменіі беларускую амбасаду закідалі памідорамі, яйкамі і бульбай
✔️ Украінцы спалілі асабістыя справы расейскіх «ухілістаў» у Суджы
✔️ Мастак Аляксей Кузьміч паведаміў пра вызваленне з французскага СІЗА
🕯Сёння адзначаецца 56-я гадавіна трагічных падзеяў у Чэхаславакіі
21 жніўня 1968 года войскі СССР і яшчэ чатырох краінаў Варшаўскага дагавора ўвайшлі ў Прагу. Іх мэтаю было падаўленне «Пражскай вясны» — перыяду дэмакратычных рэформаў, якія маглі пераняць іншыя краіны сацлагера.
Агулам у Чэхаславакію было ўведзена 300 тыс. жаўнераў і 7 тыс. танкаў. Жыхары краіны арганізавалі супраціў, але ў выніку войскі разграмілі яго.
🎞 Падрабязней пра гэтыя падзеі расказваем у нашым відэа👆🏻
🛩Беларусь удзельнічае ў новых шэрых схемах?
У Менскім аэрапорце былі заўважаныя чатыры самалёты Airbus, якія знаходзяцца пад санкцыямі. Верагодней за ўсё, у Беларусі яны не застануцца.
👀Распавядаем, з якой мэтаю гэтыя самалёты «гасцююць» у нашай краіне👆🏻
🔴 «Аб’ектыў» – галоўныя падзеі дня!
У сённяшнім выданні:
🔸У Менск заўважылі 4 самалёты AIRBUS — адкуль яны з'явіліся?
🔸Падзеі на Куршчыне: у чым ёсць небяспека для Украіны
🔸Лукашэнка рыхтуе прапагандыстаў да рэальнай вайны
Далучайцеся да эфіру ⤵️
https://www.youtube.com/live/DPc_IaSNJzI
📺Адразу пасля «Аб'ектыву» а 20.25 па менскім часе запрашаем да прагляду «Белсат Zoom» – агляд галоўных навінаў дня, агляд надворʼя, спартовых навінаў!
😮 У Магілёве давядзецца заплаціць за ўваход у адну са школаў. 3 рублі на месяц
Але перад гэтым яшччэ 6 рублёў давядзецца аддаць за электронны пропуск.
Гэта стала вядома з допісу адной з інтэрнаўтак у суполцы «Защита прав потребителей в Республике Беларусь» УКантакце.
«Можа гэтая маці [якая расказвае пра абанплату за пропуск] нейкі правакатар? <…> Вам трэба падыйсці да дырэктара сваёй школы і запытаць: „У нас што, з гэтага года вучні ў школу на платнай аснове прыходзяць? “ <…> Вы самі падумайце — у школу платны ўваход. Трызненне нейкае, абы-што»,
🤯Беларусь і Іран рыхтуюцца да супольных вучэнняў
Аднак рэальны вайсковы досвед Іран меў больш за 30 гадоў таму. Навошта гэта патрэбна беларускім уладам і чаму іранскія вайскоўцы могуць навучыць беларускіх калегаў, глядзіце ў нашым відэа.
☝️ Гарыць не толькі расейская нафтабаза (і не тое, што вы падумалі, але яно таксама падгарае). Украінцы спалілі асабістыя справы расейскіх «ухілістаў» у Суджы
Украінскі журналіст Юрый Бутусаў выявіў у ваенкамаце горада Суджа Курскай вобласці асабістыя справы «ўхілістаў» ад службы, і спаліў гэтыя дакументы.
«Дапаможам грамадзянам, якія не хочуць ваяваць і паміраць за Пуціна, не даюць Пуціну сябе забіць. Дапаможам гэтым разумным расейцам. Наш абавязак – дапамагчы грамадзянам, якія не жадаюць ваяваць супраць украінцаў»,
🔥 Гэта не рубрыка «прыдумай подпіс да фота» (хаця, мы не забараняем). Гэта ў Расеі святары памаліліся каля нафтабазы
Малітва была прысвечаная пажарным, якія пацярпелі ў барацьбе з агнём. Такіх за час тушэння палаючай нафтабазы — ужо як найменш 42 чалавекі.
🤷♂️ Пажар на нафтабазе ў Пралетарску, які ўтварыўся пасля дзвюх атакаў ЗСУ, не могуць патушыць ужо чатыры дні.
💱 Курсы валютаў на 21 жніўня
Апошнія дні на валютным рынку назіраецца тэндэнцыя роста даляра і еўра, а таксама падзенне расейскага рубля адносна беларускага.
#курсывалютаў
❗️ Праваабаронцы высветлілі яшчэ чатыры прозвішчы «амніставаных»
Гэта Кацярына Леў, Наталля Пятровіч, Тамара Каравай, Святлана Палуэктава.
Кацярына Леў у траўні 2023 года была асуджаная на два гады калоніі за «абразу прадстаўнікоў улады».
68-гадовая Наталля Пятровіч атрымала 6 гадоў калоніі паводле палітычна матываванай справы. Пенсіянерку вінавацілі па пяці крымінальных артыкулах.
Тамару Каравай асудзілі на 2 гады за «абразу» Лукашэнкі.
Святлана Палуэктава ў ліпені 2023 года была асуджаная да двух з паловай гадоў пазбаўлення волі паводле палітычна матываванай справы.
🚌 «Выехалі з Менску 18 жніўня ў 11:35, прыбылі ў Варшаву 20 жніўня ў 10:00»
90 аўтобусаў у чарзе і 2 дні чакання - так выглядае сітуацыя на беларуска-польскай мяжы. Здаецца, што ў такой чарзе можна пазнаёміцца, завесці адносіны, або пасварыцца і разарваць стасункі.
😵💫 Пачытайце, што кажуць людзі, якія прайшлі гэтыя шалёныя прыгоды.
◾️Тры чалавекі загінула: пад Пружанамі здарылася ДТЗ з удзелам аўтобуса і легкавіка
Гэта адбылося каля 7:15. Кіроўца аўтамабілю Mercedes не саступіў дарогу і ўехаў у аўтобус, у якім знаходзілася 12 пасажыраў. У выніку аўтобус перакуліўся.
Загінула тры чалавекі: кіроўца легкавіка і 2 пасажыры аўтобуса.
◽️«У спісе тых, хто выйшаў, ёсць людзі, якім засталося даседзець літаральна тыдзень»
З беларускіх калоніяў па памілаванні пачалі выходзіць некаторыя палітвязні. Паводле якой логікі ўладамі фармуюцца спісы на вызваленне і як грамадзянская супольнасць можа паўплываць на іх стварэнне?
Разбіраемся з экспертамі, пачытайце!
🚗 Беларусы хутка пабачаць электрамабіль айчыннай вытворчасці?
Насамрэч гэты «сюрпрыз» завод «BelGee» рыхтуе ўжо даўно ды ўсё пераносіць даты выпуску. Распавядаем, у чым прычына гэтых затрымак і калі мы зможам убачыць першыя экзэмпляры👆🏻
Дабрыдзень, сябры!
Не ведаеце, што пачытаць раніцою? Сабралі для вас найбольш цікавыя матэрыялы, якія вы маглі прапусціць:
🔸93 населеныя пункты пад кантролем ЗСУ і 31 загінуўшы
Што адбываецца ў Курскай вобласці?
🔸«Не дарога, а катаванне: спякота, прыбіральня ў аўтобусе зачыненая, усю ежу трэба выкінуць»
Як беларусы стаяць на мяжы ў рэкордных чэргах.
🔸Расейцы трапілі ў пастку
Тлумачым, што цяпер адбываецца ў Курскай вобласці.
#штопачытаць
#рэпрэсіі Асноўнае за 21 жніўня
🔻 Праваабаронцы высветлілі яшчэ чатыры прозвішчы «амніставаных». Агулам вядома ўжо пра 18 асобаў
🔻 Колькасць беларускіх палітвязняў узрасла на 10 чалавек
🔻 Асуджаным на «хатнюю хімію» масава замяняюць абмежаванне волі на калонію
🔻 Жыхарка Берасця прыехала ў Беларусь на пахаванне блізкай асобы і была затрыманая за данаты
🔻 Чатырох берасцейцаў асудзілі за ўдзел у пратэстах 2020 года
🔻 Суд над прадстаўнікамі стартап-хаба «Імагуру» пачнецца 2 верасня
☝️ Жазэп Барэль падтрымаў уваход ЗСУ на Куршчыну
Пры гэтым атаку на Курскую вобласць Барэль назваў «моцным ударам па прапагандзе Расеі».
«Я заявіў Дзмітрыю Кулебе, што ЕЗ цалкам падтрымлівае барацьбу Украіны, – напісаў Барэль у X (раней Twitter). – Я чакаю сустрэчы з ім у Брусэлі для абмеркавання з міністрамі замежных справаў і абароны Еўразвязу на наступным тыдні, як узмацніць падтрымку ЕЗ Украіны».Читать полностью…
💥Расейскі вайсковец забіў сваіх камандзіраў і перайшоў на бок ВСУ
Паводле дадзеных ГУР Украіны, жаўнер з батальёна «Шторм-Z» з пазыўным «Сільвер» перадаў ВСУ каштоўныя разведдадзеныя, пасля чаго, як ён сам кажа, падарваў штабное памяшканне, у якім знаходзілася камандаванне батальёна, і перайшоў лінію фронту.
Вайсковец свярджае, што зрабіў гэта пад уражаннем ад дзеянняў расійскага камандавання: ваенных злачынстваў і пазасудовых пакаранняў смерцю.
✈️ Гомельскі аэрапорт будзе абслугоўваць выключна расейскія рэйсы. Кожны дзень
Ад 27 кастрычніка аэрапорт «Гомель» амаль поўнасцю будзе працаваць на забеспячэнне авіяцыйнага спалучэння з Масквой і Санкт-Пецярбургам. У сталіцу РФ самалёты будуць лётаць штодня, а ў Санкт-Пецарбург — па два разы на тыдзень.
Як да гэтага дайшло — чытайце ў нашым артыкуле.
📌 Мастак Аляксей Кузьміч паведаміў пра вызваленне з французскага СІЗА
Ён моцна схуднеў пасля галадоўкі і напісаў у сацсетках, што мае дзве кепскія навіны:
«Першая: Выхад з галадоўкі па працягласці такі ж як уваход: два тыдні нельга ёсць нічога каларыйнага і шкоднага (значыць, смачнага). Другая куды горш: рыдлёўку не вярнулі — яна будзе знішчана як прылада злачынства».
📺 Навіны за 5 хвілін
🔻Праваабаронцам вядома пра 15 вызваленых палітвязняў
🔻 Гіганцкія чэргі на пераходзе «Берасце-Тэрэспаль»
🔻 Армянскія актывісты яйкамі і гароднінай адрэагавалі на інтэрв’ю Лукашэнкі
🔻 З Беларусі ўдалося эвакуяваць былога купалаўца
🔻 Украінскія беспілотнікі нарабілі гармідару ў Маскве і Растоўскай вобласці
🔻 Украіна ратыфікавала Рымскі статут
🔻 Пагадненне аб спыненні агню ў сектары Газа падпішуць днямі
🔻 Камалу Гэрыс намінавалі на прэзідэнта ад Дэмакратаў
🔻 Спёка, моцны вецер і залевы — надвор’е абяцае новыя выпрабаванні беларусам
Глядзіце ў кароткім выданні навін на Белсаце 💻
🔻У Арменіі беларускую амбасаду закідалі памідорамі, яйкамі і бульбай
Дэмакратычныя сілы краіны прапануюць разарваць усе двухбаковыя стасункі з афіцыйным Менскам, скасаваць бязвізавы рэжым з Беларуссю і «лічыць немагчымым» знаходжанне Арменіі і Беларусі ў адных саюзах. Таксама яны заклікаюць запрасіць у Ерэван Святлану Ціханоўскую як выбраную прэзідэнтку Беларусі.
Падрабязнасці пра падзеі ў Арменіі чытайце ў нашым артыкуле
🫤 Наступствы залевы ў Гарадзеншчыне - проста жах
У рэгіёне затапіла некалькі вёсак і размыла дарогі, а ўзровень вады ў дамах даходзіў ажно да 30 см.
Паглядзіце, што там адбываецца!
Штармавое папярэджанне праз навальніцы і залевы абвешачна ў Беларусі і сёння. Калі ласка, беражыце сябе 🤗
🤔 «Прыклад сітуацыі з РПЦ ва Украіне можа быць небяспечным для Беларусі»
Так лічыць тэолаг Наталля Васілевіч.
Як новае ўкраінскае заканадаўства пра царкву можа паўплываць на беларускіх вернікаў і ў чым небяспека новага закону — глядзіце ў нашым сюжэце.
🤔 «Сціпласць, пакора, лагоднасць, служэнне ды мужнасць»: чаму навучаць беларускіх дзяцей на факультатыве ад праваслаўнай царквы
У Мінадукацыі зацвердзілі праграму факультатыву «Асновы духоўна-маральнай культуры і патрыятызму», прызначанага для вучняў VIII (IX) класа.
Праграма разлічаная на 35 гадзін — гэта значыць факультатыў будзе праводзіцца раз на тыдзень.
«Мэта рэалізацыі гэтай вучэбнай праграмы: садзейнічанне духоўнаму развіццю, фарміраванню маральнай культуры і патрыятызму вучняў на аснове выкарыстання патэнцыялу хрысціянскіх традыцый і каштоўнасцяў беларускага народа», — гаворыцца ў праграме.
Факультатыў уключае сем тэмаў:
📌 Сціпласць, пакора, лагоднасьць;
📌 Міласэрнасць, спачуванне;
📌 Дабрыня;
📌 Сумленнасць, праўдалюбства;
📌 Сумленне, раскаянне;
📌 Служэнне, мужнасць, гонар;
📌Духоўнае краязнаўства. Шанаванне святых і святынь роднай зямлі. Захаванне і прымнажэнне духоўнай спадчыны як выраз любові да Радзімы.
А адмовіцца ад ўдзелу можна?
🔹«Можна чакаць з'яўленні новых паведамленняў аб масавым трапленні ў палон чарговых груп расейскіх вайскоўцаў»
Наступленне ЗСУ ў Курскай вобласці трывае. Украінскія вайскоўцы ўзялі пад кантроль звыш за 1000 кв. км. расейскай тэрыторыі.
Што адбываецца ў Курскай вобласці і чаго можна чакаць бліжэйшым часам? Разбіраемся ў нашым артыкуле, пачытайце!
📍«Казалі, што мяне могуць дэпартаваць нават не ў Польшчу, а ў Беларусь»
Беларуска з польскім праязным дакументам замежніка хацела паляцець да сваёй сястры на Кіпр і нават правяла глабальную падрыхтоўку. Аднак у самалёт дзяўчыну не пусцілі. Пасля гэтага дзяўчына пастанавіла дабіцца справядлівасці.
Ці атрымалася ў яе, чытайце ў нашым матэрыяле