42764
Тэлеканал Белсат Даслаць навіну, фота ці відэа: @BelsatBot Расейскамоўны рэгіянальны ТГ @BelsatRu
🤔 Раману Пратасевічу адмянілі штраф у 24, 5 мільёна рублёў, дзякуючы чаму ён змог паляцець у Дубаі
Пра гэта ён паведаміў прапагандыстам Людміле Гладкай і Канстанціну Прыдыбайла падчас іх сумеснага стрыму.
Раман Пратасевіч разам з жонкай паляцеў у Дубай. На стрыме прапагандысты яго спыталі, як яму ўдалося выехаць з Беларусі.
«Я яшчэ некаторы час таму падаў апеляцыю і мне адмянілі гэты штраф. Усё сумленна, усё законна. Гэта была афіцыйная працэдура, гэта была апеляцыя, гэта былі асобныя судовыя пасяджэнні. Ну і я, як мне здаецца, прывёў дастатковую колькасць аргументаў для таго, каб вось гэты вось велізарны, нават астранамічны штраф адмянілі»
💲 Курсы валютаў на 9 верасня
Усе валюты страцілі пазіцыі.
#курсывалютаў
🤔 «Ці гэта ўсё не нагадвае ЦК КПСС?»
Галоўны дарадца Святланы Ціханоўскай Франак Вячорка адказаў на «нязручныя» пытанні. Напрыклад, чаму тыя, хто крытыкуюць беларускую лідарку, губляюць пасля свае пасады.
📽 Цалкам размову глядзіце ў выданні «Тыдзень»
✅ Беларусы старэйшыя за 60 гадоў могуць падаць дакументы на польскую гасцявую візу без папярэдняй рэгістрацыі
«З 9 верасня 2024 года заяўнікі старэйшыя за 60 гадоў могуць ажыццяўляць падачу дакументаў на візу па запрашэнні ад дзяцей і ўнукаў заверанаму ў ваяводстве без папярэдняй рэгістрацыі ва ўсіх візавых цэнтрах Польшчы»,
🫥Вальфовіч: Ля мяжы з Украінай знаходзіцца 4,4 тысячы беларускіх вайскоўцаў
Пра гэта дзяржсакратар Савета бяспекі Аляксандр Вальфовіч заявіў у інтэрв'ю праўладнаму СМІ:
«Та группировка сил, численность, которую говорят украинцы, западники, о том, что мы вывели там 4, 4 с небольшим тысячи военнослужащих, она в разы меньше той группировки, которая находится на сопредельной территории Украины. Сегодня вблизи государственной границы, рядом с нашими границами находится группировка вооруженных сил, других структур, военизированных структур Украины, около 14 тыс. военнослужащих. Поэтому та группировка, которая выведена сегодня к государственной границе, ну, говоря и характеризуя языком военных, это просто смешно говорить о том, что она угрожает безопасности Украины».
🤯Кіраўнік МЗС заявіў, што палітыка Захаду ў дачыненні да Беларусі не зменіцца да канца вайны ва Украіне
Пра гэтым Максім Рыжанкоў кажа, што «Запад хочет, чтобы Минск проводил антироссийскую политику»:
«Это политика в угоду тех политических процессов, которые видит себе Запад. То есть приведение к власти таких псевдодемократических сил, которые сегодня подпитываются и кормятся там, на Западе. Это решение вопросов так называемой экономической либерализации, распродажи государственного имущества и так далее. Их планы не поменялись. И, думаю, пока не закончится активная фаза конфликта на юге, в который вовлечены Россия и Украина, никакого изменения этой политики не будет».Читать полностью…
💥 #галоўнае за 8 верасня
✔️ Сёння адзначаецца свята Беларускай вайсковай славы - 510-я гадавіна Бітвы пад Воршай
✔️ Іран хоча перанесці сталіцу на поўдзень краіны
✔️ У Ізраілі на пратэсты супраць ХАМАС выйшлі 500 тысячаў чалавек
✔️ Былы кандыдат у прэзідэнты Венесуэлы пакінуў краіну, бо на яго завялі крымінальную справу
✔️ Невядомыя знішчылі крыжы і стэнды ў «віцебскіх Курапатах»
✔️ Расейскі беспілотнік парушыў паветраны прастор Румыніі і Латвіі
✔️ Украіна забараніла расейскім ваеннапалонным тэлефанаваць дадому
✔️ Беларус абвесціў галадоўку, бо Літва не аддае яму куплены ім аўтамабіль
✔️ Ілан Маск плануе здзейсніць першы пілатуемы палёт на Марс праз чатыры гады
#рэпрэсіі:
▪️ Сёння - Міжнародны дзень салідарнасці журналістаў. За кратамі знаходзяцца 34 прадстаўнікі беларускіх СМІ
📱Гэты айфон дакладна не змесціцца ў вашую кішэню
Двое відэаблогераў вырашылі змайстраваць гіганцкую копію iPhone 15 Pro Max і вытрацілі на гэта дзясяткі тысяч долараў.
Глядзіце, што ў іх атрымалася!
💥СТРЫМ. Нядзельнае вечаровае шоў «Тыдзень»
У сённяшнім выданні:
🔸Агляд «падарожжаў» «Шахедаў» па беларускім небе – дзе лёталі, дзе і хто іх збіваў
🔸Вялікае інтэрв'ю з Франакам Вячоркам
🔸Разбіраем абсурдныя моманты ў справе «японскага шпіёна»
🔸 Лукашэнка то ідзе на выбары, то не. А калі не пойдзе, дык хто можа быць кандыдатам ад «ябацек»?
🔸Размова з Івонкай Сурвілаю – пра моц дыяспары і пра тое, што беларусам «пара паказаць кіпцюры»
Далучайцеся да эфіру ⤵️
🫤 «Я адчаяўся знайсці развязанне сітуацыі»
Беларус Рыгор Алексіевіч, якому Літва не аддае куплены аўтамабіль, 8 верасня пачаў галадоўку ў Клайпедзе. Мужчына плануе трываць столькі, «колькі хопіць сілаў».
Беларус называе гэта акцыяй супраць блакавання ў Літве аўтаў, за якія беларусы заплацілі, але вывезці ў нашую краіну не могуць:
«Гэтыя аўтамабілі, бальшыня з іх, і мой таксама, былі купленыя да ўвядзення санкцыяў супраць Беларусі, а менавіта – 1 ліпеня 2024 года. Тое, што нашыя машыны затрыманыя, лічу абуральным беззаконнем. Я адчаяўся знайсці развязанне сітуацыі, я пабываў у ва ўсіх інстанцыях, і адзіным выйсцем бачу галадаванне пратэсту»
👉 Чытаць падрабязней
😢 За кратамі знаходзяцца 34 прадстаўнікі беларускіх СМІ
Сёння ў свеце адзначаецца Міжнародны дзень салідарнасці журналістаў. Яго заснавала Міжнародная арганізацыя журналістаў у 1958 годзе.
Дата прымеркаваная да сумнай падзеі - 8 верасня 1943 года, у фашысцкай Германіі быў пакараны смерцю чэшскі журналіст Юліюс Фучык, які ў няволі стварыў вядомую кнігу «Рэпартаж з пятлёю на шыі».
У Беларусі, па звестках Беларускай асацыяцыі журналістаў, за кратамі знаходзяцца 34 прадстаўнікі СМІ. Сярод якіх ёсць і супрацоўнікі нашага тэлеканалу.
💔 Кацярына Андрэева, Ірына Слаўнікава, Павел Мажэйка, Уладзімір Мацкевіч…
Кажучы словамі дэпутаткі Еўрапейскага парламенту Дэляры Буркгарт - «Вы – сімвал супраціву, надзеі і нязломнай барацьбы за справядлівасць».
🥃 У Фаніпалі будуюць завод па вытворчасці віскі
Праект будуць рэалізоўваць бровар «Саюз» і завод чорнай ікры «Admiral Husso», перадае словы ЗАО «ДГ-Центр» выданне «Фаніпаль бай».
🤔 У кампаніі лічаць, што вытворчасць беларускага віскі дазволіць знізіць залежнасць ад імпарту спіртных напояў, стварыць новыя працоўныя месцы і адкрые новыя перспектывы для экспарту.
Цікава, што ўзвядзенне завода ў Фаніпалі пачалося на фоне спрэчак паміж беларускімі і расейскімі вытворцамі спіртных напояў. Расейцы скардзяцца, што Беларусь пастаўляе свае віна пад назвамі італьянскіх і партугальскіх. А спецпрадстаўнік Пуціна па сувязях з міжнароднымі арганізацыямі Барыс Цітоў назваў такое віно ад беларускіх вытворцаў «шмурдяком».
🪖 У гадавіну Бітвы пад Воршай Геральдычная Рада прэзентавала форму Беларускай Вызвольнай Арміі
«Па выніках канферэнцыі палка Каліноўскага, ў Кіеве, у лістападзе 2023, Геральдычнай Радай былі прэзэнтаваныя напрацоўкі ў вайсковай галіне для Беларускай Вызвольнай Арміі.
Мінула 8 месяцаў і з папяровага эскіза мы маем не проста прататыпы, а цалкам скончаны праект вайсковай формы з фурнітурай і адпаведнай атрыбутыкай - презэтаванай у фота і відэа ад Творчага Аб'яднання ТутэйшыЯ»
😡 Невядомыя знішчылі крыжы і стэнды ў «віцебскіх Курапатах» недалёка ад вёскі Хайсы ў Віцебскім раёне
Пра гэта паведаміў стваральнік ініцыятывы «Хайсы — віцебскія Курапаты»Ян Дзяржаўцаў.
Паводле яго словаў, знішчаныя 8 паказальнікаў, якія служылі арыенцірамі да магіл, 26 крыжоў і шыльдаў, якія распавядалі аб ахвярах.
Дзяржаўцаў з сябрамі прыйшлі да мемарыялу і заняліся праполкай пустазелля. Да актывістаў падышлі мужчына і жанчына, якія спыталі, чым яны займаюцца і хто іх даслаў. Мужчына сфатаграфаваў іх і сышоў. Праз паўгадзіны да іх прыехалі сілавікі.
Гэта не першы такі выпадак. У 2015 годзе Дзяржаўцаў ужо звяртаўся ў міліцыю з нагоды знікнення некалькіх крыжоў. А ў 2021 годзе невядомыя зламалі два крыжы і сапсавалі шыльду з надпісам «месца сталінскіх расстрэлаў».
⚔️ 8 верасня 1514 года адбылася знакамітая бітва пад Воршай
Войскі ВКЛ пад кіраўніцтвам Канстанціна Астрожскага перамаглі вялізнае маскоўскае войска.
Гэта быў прыклад гераізму і адзінства нашых продкаў перад тварам расейскай агрэсіі.
❤️ Сёння гэты дзень адзначаецца як Дзень вайсковай славы Беларусі.
😡 Улады хочуць прызнаць фікцыйнай угоду аб продажы маёмасці палітэмігранткі
Працэс праходзіць у Горадні ў дачыненні да журналісткі, жонкі палітвязня Паўла Мажэйкі Ірыны Чарняўка.
У суд на Ірыну падала пракуратура Горадні і Міністэрства фінансаў.
👉 Чытаць падрабязней ПА СПАСЫЛЦЫ
💃 Сёння - міжнародны дзень прыгажосці
Свята з'явілася па ініцыятыве Міжнароднага камітэта па эстэтыцы і касметалогіі (CIDESCO).
CIDESCO лічыцца галоўнай міжнароднай асацыяцыяй тэрапіі прыгажосці ў свеце, быў заснаваны ў Брусэлі ў 1946 годзе.
👑 А ці ведалі вы, што першую каралеву прыгажосці выбралі 115 гадоў таму. 19 верасня 1888 года на бельгійскім курорце Спа прайшоў першы ў гісторыі конкурс прыгажосці. Прыгажунь адбіралі па фатаграфіях, дасланых у журы. Пераможцай стала 18-гадовая дзяўчына з Гвадэлупы Берта Сукарэ.
У СССР таксама абіралі прыгажунь. «Пробным» стаў конкурс, арганізаваны летам 1987 года ў рамках свята газеты «Маскоўскі камсамолец». Пераможцай тады была абвешчаная студэнтка Марыя Глазоўская.
Аднак першым афіцыяльным конкурсам прыгажосці стаў «Маскоўская прыгажуня», які прайшоў у 1988 годзе. Пераможцай стала 16-гадовая масквічка Маша Калініна.
👸 А вось у Беларусі першы Нацыянальны конкурс прыгажосці «Міс Беларусь» прайшоў у 1998 годзе. Пераможцай стала жыхарка Горадні Святлана Крук.
Паўднёвая Карэя афіцыйна пашырыла пералік абмежаванняў на экспарт у Беларусь і РФ
У пералік дадалі 243 пазіцыі, сярод якіх металарэзныя станкі, розныя дэталі машын, часткі аптычнага абсталявання, а таксама датчыкі, «якія з высокай верагоднасцю будуць выкарыстоўвацца ў ваенных мэтах».
Пра пашырэнне спісу Пастановы Міністэрства гандлю, прамысловасці і энергетыкі Паўднёвай Карэі папярэджвала яшчэ 28 чэрвеня. А ў сілу змены ўступілі 9 верасня.
☝️ Экспарт прадукцыі са спісу забаронены, аднак ёсць выключэнні. У выпадку кантрактаў, заключаных да ўвядзення экспартнага кантролю, або пастаўках паўднёвакарэйскім даччыным кампаніям, то магчыма разавае ліцэнзаванне.
🥴Лукашэнка чакае «значнага прагрэсу» ў адносінах з Паўночнай Карэяй
Аляксандр Лукашэнка павіншаваў Кім Чэн Ына з Днём утварэння Карэйскай Народна-Дэмакратычнай Рэспублікі. У віншаванні адзначаецца «істотная актывізацыя дыялогу паміж Беларуссю і КНДР на ўсіх узроўнях»:
«Убежден, Минск и Пхеньян скоро достигнут значительного прогресса в налаживании практического взаимодействия в таких отраслях, как сельское хозяйство, медицина и фармацевтика, образование».
👆Прыхільніцу Лукашэнкі будуць судзіць паводле трох «пратэставых» артыкулаў пасля прыёму ў Кубракова
Жыхарка Валожына Натялля Мікуліч апошнія гады спрабавала прыцягнуць да адказнасці свайго зяця, які, як сцвярджала Мікуліч, гвалтаваў ейную ўнучку.
Пасля шматлікіх правяранняў следчыя вырашылі не заводзіць на мужчыну крымінальную справу, а сам зяць падаў супраць Наталлі пазоў аб абароне гонару і годнасці. Суд мужчына выйграў.
У лютым гэтага году Наталля з мужам пайшла на прыём да міністра ўнутраных справаў Кубракова, які абяцаў праверыць матэрыялы праверкі па ейнаму зяцю. У выніку праз 2 месяцы жанчына знікла з сацсетак, якія актыўна вяла.
Адказ на пытанне, куды падзелася Наталля, выданне «Наша Ніва» знайшло ў раскладзе судоў. Сёння Мікуліч пачнуць судзіць. Ёй інкрымінуюць «Распальванне варожасці», «Дыскрэдытацыю Рэспублікі Беларусь» і «Паклёп».
У сваіх сацсетках Наталля актыўна падтрымлівала Лукашэнку, рэпосціла праўладныя матэрыялы, а таксама сцвярджала, што ўсе дзяржаўныя структуры пакрываюць педафілаў.
Добрага панядзелку, дарагія чытачы
Гэта дастаўка ранішняй прэсы! Сабралі для вас найбольш цікавыя матэрыялы «Белсату», якія вы маглі прапусціць:
🔹Ракетны ўдар па Львове і антыўрадавыя пратэсты ў Ізраілі
Сабралі традыцыйную падборку галоўных падзеяў тыдня ў фотаздымках.
🔹«Пакуль у Беларусі ладзяць канцэрты Бузавай»
Распавядаем, што мы пабачылі на фестывалі «GRAJ» у Варшаве.
🔹Ці ёсць стратэгія ў дэмсілаў, на што ўплывае Святлана Ціханоўская і ці магчыма адпусціць Лукашэнку на выспы
Вялікая размова з Франакам Вячоркам.
#штопачытаць
💬 «Калі мы заплюшчваем вочы на тое, што робіць Лукашэнка, і не крытыкуем яго, то мы аўтаматычна робімся суагрэсарамі»
📍Сёння ў эфіры нашай праграмы «Тыдзень» выйшла вялікае інтэрв'ю з дарадцам Святланы Ціханоўскай Франакам Вячоркам. Ён адказаў на ўсе пытанні (часам досыць нязручныя), што тычацца дзейнасці дэмсілаў і становішча беларусаў за мяжою.
Тэкставую версію размовы Сяргея Падсасоннага з Франакам Вячоркам чытайце ПА СПАСЫЛЦЫ
🚀 Ілан Маск плануе здзейсніць першы пілатуемы палёт на Марс праз чатыры гады
Пра гэта ён заявіў у сваім блогу ў X.
Спачатку на Марс адправяць непілатаваныя апараты Starship. Па словах Маска, гэта адбудзецца праз два гады. Калі палёт пройдзе паспяхова і пасадка пакажа дастатковы ўзровень бяспекі, праз яшчэ два гады на Марс адправіцца пілатуемы карабель.
🤔 Прадпрымальнік мае намер за 20 гадоў пабудаваць на Марсе горад.
Гендырэктар SpaceX ужо даўно распрацаваў план каланізацыі Марса. У 2016-м ён прадставіў праграму і ў той жа год паабяцаў у 2024-м адправіць на планету першага чалавека.
Касмічны карабель Starship - самы магутны і вялікі з калі-небудзь пабудаваных. Яго вышыня дасягае 120 метраў. Тэставы палёт гэтай ракеты ў 2023 годзе прайшоў няўдала — праз чатыры хвіліны пасля старту яна выбухнула.
📸 Разбор завалаў пасля расейскага ракетнага авіяўдару па Львове і пратэсты супраць вета на павышэнне пенсіяў у Аргентыне
Сабралі для вас галоўнае за тыдзень у фотаздымках.
📢 Не паспелі ўсачыць за навінамі на выходных?
У нас маецца дадатковы канал з максімальна сціслым апісаннем асноўных падзеяў ➡️ (НЕ)АПОШНІЯ НАВІНЫ.
Вынікі дня, падборкі найлепшых і найважнейшых матэрыялаў. Абяцаем не спаміць, далучайцеся да @vynikidnia
#галоўнае
📌 Украіна забараніла расейскім ваеннапалонным тэлефанаваць дадому ў адказ на расстрэлы палонных байцоў ЗСУ
Амбудсмен па правах чалавека Дзмітрый Лубінец падкрэсліў, што «забарона здзяйсняць званкі не парушае Жэнеўскую канвенцыю. Дакумент дазваляе палонным толькі перапіску».
👉 6 верасня тэлеканал CNN апублікаваў відэазапісы расстрэлу вайскоўцаў ЗСУ, атрыманыя ад украінскіх вайскоўцаў. Сцвярджаецца, што на двух відэазапісах жаўнеры расейскага войска забіваюць вайскоўцаў ЗСУ, якія здаліся ў плен.
А днем раней, 5 верасня, у інтерв’ю телеканалу NBC News прэзідэнт Уладзімір Зяленскі заявіў, што ўзброеныя сілы Украіны падчас аперацыі ў Курскай вобласці РФ узялі ў палон больш за 600 расейскіх вайскоўцаў.
🤯 У Латвіі ўпершыню ўпаў расейскі вайсковы дрон. Ён прыляцеў з тэрыторыі Беларусі
Інцыдэнт адбыўся 7 верасня, паведамілі ў Мінабароны Рэспублікі.
Праводзіцца расследаванне. У міністэрстве адзначылі, што ўжо апавясцілі NATO аб выпадку. На ўсходняй мяжы Латвіі былі ўзмоцненыя сілы супрацьпаветранай абароны.
📌 Расейскі беспілотнік парушыў паветраны прастор Румыніі. Месцы, дзе ён мог зваліцца, правяраюць
Пра гэта паведамляе Мінабароны краіны:
«Сістэма радыёлакацыйнага назірання выявіла і адсачыла траекторыю беспілотніка, які ўвайшоў у паветраную прастору Румыніі і пакінуў тэрыторыю ў бок Украіны...
З наяўных у цяперашні час дадзеных, ёсць верагоднасць існавання зоны паразы на тэрыторыі Украіны, у бязлюднай мясцовасці, у ваколіцах горада Періправа»
🇻🇪 Былы кандыдат у прэзідэнты Венесуэлы пакінуў краіну, бо на яго завялі крымінальную справу
Эдмунда Гансалес Уруція запрасіў палітычны прытулак у Іспаніі.
Пра гэта паведаміла выканаўчы віцэ-прэзідэнт Рэспублікі Дэлсі Радрыгез.
Апазіцыйнага палітыка абвінавачвалі ў тым, што яго каманда апублікавала на сайце вынікі падліку галасоў, згодна з якімі перамогу на выбарах прэзідэнта атрымаў менавіта Гансалес.
👉 28 ліпеня ў Венесуэле прайшлі выбары кіраўніка дзяржавы. Па афіцыяльных выніках за Мадура прагаласаваў 51,95% выбаршчыкаў, за яго асноўнага спаборніка Эдмунда Гансалеса Уруціа - 43,18%. На наступны дзень у цэнтры Каракаса ўспыхнулі акцыі пратэсту і беспарадкі.
🇮🇱 У Ізраілі на пратэсты супраць ХАМАС выйшлі 500 тысячаў чалавек
7 верасня сотні людзей выйшлі на вуліцы з патрабаваннем заключыць перамір'е і вызваліць закладнікаў.
Акцыю арганізаваў Hostage Families Forum (Форум сем'яў закладнікаў і зніклых без вестак), створаны членамі сем'яў Ізраільцян, выкрадзеных баевікамі ХАМАС 7 кастрычніка 2023 года падчас нападу на Ізраіль.
☝️ Па словах прадстаўнікоў арганізацыі, толькі ў Тэль-Авіве ў масавых пратэстах прынялі удзел 500 тысячаў чалавек. У іншых гарадах - яшчэ 250 тысячаў грамадзянаў краіны.
Дэманстрацыі прайшлі мірна. Невялікія беспарадкі паўсталі толькі незадоўга да завяршэння акцый.