42764
Тэлеканал Белсат Даслаць навіну, фота ці відэа: @BelsatBot Расейскамоўны рэгіянальны ТГ @BelsatRu
☝️ На выбарах у Францыі больш за ўсё мандатаў атрымалі левыя
Аднак абсалютнай большасці няма ні ў каго.
Па выніках другога тура ў «Новага Народнага Фронту» 182 месцы ў парламенце, у цэнтрысцкага аб'яднання прэзідэнта Эмануэля Макрона – 168 месцаў, у «Нацыянальнага абʼяднання» – 143 месцы.
Вынік выбараў пакінуў Францыю ў нявызначанасці, паколькі парламент выйшаў раздробнены. Гэта аслабіць ролю Францыі ў Еўрапейскім Саюзе і за яго межамі, а таксама абцяжарыць правядзенне ўнутранай праграмы, адзначае «Reuters».
💥 #галоўнае за 7 ліпеня
✔️У сталічным парку Чалюскінцаў абрынуўся атракцыён: людзі ўпалі з трохметровай вышыні. На шчасце, нікога шпіталізаваць не давялося
✔️«Белгазпрамбанк» распрадае будынкі на менскай вуліцы Кастрычніцкай
✔️Гэтая полька вывучыла беларускую мову, а цяпер стварае песні на «памежнай» падляскай гаворцы. Знаёмцеся – Ніка Юрчук aka Niczos
✔️У гэты дзень у 1882 годзе нарадзіўся Янка Купала, а ў 1887 годзе – Марк Шагал. Таксама роўна 24 гады таму знік відэааператар Дзмітрый Завадскі
✔️Павук пазваніў сілавікам з Маскоўскага РУУС Менску, якія маюць дачыненне да катаванняў затрыманых у 2020-м годзе
✔️У Францыі адбыўся другі тур галасавання на парламенцкіх выбарах, яўка пабіла 40-гадовы рэкорд
⚽️ Чарговая траўма праз небяспечны стадыён
Падчас гульні ФК «Менск» – «Нёман» Горадня на поле САК «Алімпійскі» абаронца Андрэй Васільеў вылецеў з поля і ўдарыўся галавой у металічную агароджу
Гульцу пашчасціла, што праз старую траўму ён гуляў у адмысловым шлеме.
🎙 На слых і па-беларуску: чаму падкасты зрабіліся папулярнымі?
«Гэта ідэальнае радыё, радыё па жаданні»
Глядзіце ў відэа ☝️
💥СТРЫМ. Нядзельнае вечаровае шоў «Тыдзень»
У сённяшнім выданні:
🔸 Беларуска-польская мяжа: чэргі застаюцца, кіроўцы самі намагаюцца рэгуляваць рух
🔸 Вызваленыя палітвязні – ці гэта акт гуманізму?
🔸 Як дыпсервіс са службай бяспекі куплялі адмысловую прадукцыю для... шпіца Умкі
Далучайцеся да эфіру ⤵️
https://www.youtube.com/live/rv_HOjRr35w
🖼 Сёння дзень народзінаў не толькі ў Янкі Купалы, але і ў Марка Шагала ☝️
Мастак нарадзіўся на 5 гадоў пазней за паэта. Праўда, пра дакладную дату ягонага нараджэння дагэтуль вядуцца спрэчкі – гэта можа быць як 6-га, так і 7-га ліпеня.
🔸Шагал любіў Віцебск так моцна, што напісаў гораду ліст. Але пасля ад’езду больш туды не вярнуўся. У 1973 годзе яго запрасілі ў СССР, тады ён пабываў у Маскве ды Ленінградзе, але ў родныя мясціны не паехаў. У інтэрв'ю пракаментаваў гэта так:
«Я бязмежна люблю свой родны Віцебск не проста таму, што там я на ўсё жыццё набыў фарбу свайго мастацтва… Таму і адмовіўся ехаць, што прыгадваю. Бо там, напэўна, я ўбачыў бы іншую абстаноўку, чым тую, якую я памятаю, іншае жыццё. Гэта было б для мяне цяжкім ударам. Як цяжка назаўжды разлучацца са сваім мінулым!»
🕷 Павук вырашыў паразмаўляць з сілавікамі, якія (паводле інфармацыі расследавальнікаў) датычныя да катаванняў людзей у Маскоўскім РУУС сталіцы
Некаторыя адмаўлялі свой удзел у катаваннях, некаторыя наадварот вясёлым голасам пацвярджалі гэты факт без ценю шкадавання.
А за кагосьці адказвалі маці ды былая жонка 💁🏻♂️
👀 Глядзіце (а галоўнае – слухайце) новы выпуск «Шухер-шоу» на канале «Белсат LIFE»
📷 Фатаграфіі тыдня: сушэнне дываноў у Турэччыне, паводкі ў Індыі, лясныя пажары ў Каліфорніі
Болей цікавых кадраў з усяго свету ў традыцыйнай падборцы на нашым сайце:
✅ Праз VPN ❎ Без VPN
😇 Добрыя навіны тыдня
Сярод таго трэшу, які адбываецца навокал, можна не заўважыць, што здараецца і нешта прыемнае. Каб вы не прапусцілі, мы зрабілі невялікую падборку:
🔅 Як мінімум 18 палітвязняў выйшлі на волю
🔅 У Полацку паўстаў мурал з выяваю князя Усяслава Чарадзея
🔅 Ва ўніверсітэце Даўгаўпілса вылучылі бюджэтныя месцы для беларусаў
🔅 У Беластоку хочуць заснаваць Інстытут беларускай мовы
🔅 Энергетыкі дапамаглі буслянятам вярнуцца дадому пасля буры
🔅 Археолагі падчас раскопак на Менцы знайшлі ўнікальную драўляную фігуру
🔅 У Вроцлаве з'явілася кнігарня «NookBook», якую адкрыла беларуская акторка
💬 «...А вось як не любіць гэта поле, і бор,
І зялёны садок, і крыклівую гусь!..
А што часам тут страшна заенча віхор,—
Гэта енк, гэта крык, што жыве Беларусь»
Янка Купала напісаў гэтыя радкі на пачатку XX стагоддзя. Апошняя фраза з вершу ў выніку стала лозунгам шматлікіх пакаленняў беларусаў, якія марылі бачыць сваю краіну вольнай. Дайшло да таго, што ў нашую эпоху фраза наогул стала «экстрэмісцкай».
📍Сёння – 7 ліпеня – чарговая гадавіна з дня народзінаў Івана Дамінікавіча Луцэвіча. Тое, што гэта сапраўднае імя паэта, ведаюць, напэўна, усе. А вось менш вядомыя факты з біяграфіі Купалы/Луцэвіча мы ўключылі ў наш квіз, на пытанні якога прапануем вам адказаць 🔍
▪️Пайшоў з жыцця беларускі грамадскі дзеяч у Літве Віталь Каракорскі
Ён нарадзіўся ў Бабруйску, аднак пражываў у Вільні ад 1990 года. Каракорскі працаваў на літоўскім радыё і тэлебачанні, стварыў тэлешоў пра літоўскіх габрэяў, перадачы пра беларусаў і расейцаў у Літве, быў аўтарам шэрагу дакументальных фільмаў.
Чытайце на старонцы:
✅ Праз VPN ❎ Без VPN
⚽️ На EURO 2024 вызначыліся ўсе паўфіналісты – учора ў чацвёрку найлепшых прабіліся Англія і Нідэрланды
Англійскія футбалісты ў 1/4 фіналу з вялікімі праблемамі прайшлі Швейцарыю (перамаглі толькі ў серыі пенальці), галандцы ж адгуляліся, саступаючы туркам, а потым забілі пераможны гол.
Чытайце наш традыцыйны агляд падзеяў чэмпіянату Еўропы тут:
✅ Праз VPN ❎ Без VPN
🤡 Здаецца, Лукашэнка прыдумаў, як адрадзіць закінутыя вёскі. Але гэта не дакладна
Самапрызначаны кіраўнік Беларусі 6 ліпеня выступіў на свяце «Александрыя збірае сяброў» і выказаўся пра «уратаваныя» ім вёскі – іх, аказваецца, зноў трэба ратаваць. Таму ён заклікаў беларусаў, расейцаў і ўкраінцаў купляць там зямлю – хоць прычынай «смерці» вёсак можа быць якраз тое, што зямлю там не прадаюць па-сапраўднаму.
Чаму? Чытайце ў нашым матэрыяле.
✅ Праз VPN ❎ Без VPN
🦢 У Менску абрынуўся атракцыён. Пацярпелі дзеці
Здарэнне адбылося ўвечары 6 ліпеня: адзін з атракцыёнаў менскага парку Чалюскінцаў зламаўся.
Паводле відавочцаў, у каруселі з лебедзямі «абарваліся тросы», кабінкі ўпалі на зямлю з вышыні пары метраў. Чыноўнікі паведамляюць, што «у атракцыёну зламаўся механізм пад’ёму-апускання кабінак».
«Пацярпелі не менш за чатыры чалавекі, у іх ліку дзеці. Яны дастаўленыя ў лякарню хуткай дапамогі чатырма экіпажамі»,
💥 #галоўнае за 6 ліпеня
✔️У Вільні хтосьці напісаў «Вільня наша» на помніку Міндоўгу. Гэта адбылося напярэдадні ўдзелу Святланы Ціханоўскай у цырымоніі да дня каранацыі князя
✔️«Не трэба адчуваць эйфарыю». Андрэй Стрыжак каментуе ў нашым эфіры выхад на волю некаторых палітвязняў
✔️У Вроцлаве з'явілася кнігарня «NookBook», якую адкрыла беларуская акторка
✔️Нацыянальны банк РБ запусціў у абарачэнне манеты, якія выглядаюць як купюры. Як гэта?
✔️Археолагі падчас раскопак на рацэ Менка знайшлі 1000-гадовую драўляную фігуру
✔️У Іране адбыліся прэзідэнцкія выбары. Аднак істотных зменаў у краіне пасля іх ніхто не чакае
✔️Расейскія медыі пішуць пра смерць брата Міхаіла Падаляка, які пражываў у РФ
#рэпрэсіі:
▫️Каардынацыйная рада: рэальная колькасць палітвязняў перавышае 5000 чалавек
☀️ Добры дзень усім, хто пачынае яго разам з Белсатам! Трымайце самыя цікавыя матэрыялы, якія вы маглі прапусціць:
🗞 Батулізм – смяротна небяспечная хвароба «з бляшанкі». Што гэта і як яе пазбегчы
«Белсат» пагаварыў з хімікам і экспертам у хімічнай і біялагічнай бяспецы Сяргеем Бесарабам і даведаўся, як засцерагчы сябе ад батулізму, адкуль ён з’яўляецца і чаму батулатаксін можна набыць у краме.
🗞 Як зрабіць, каб пад падляскіх «гангстараў» скакалі аж у Бразіліі. Вялікае інтэрв’ю з Niczos
Падляшанка Ніка Юрчук вывучыла беларускую і падляскую, спявае «po svojomu» ў чатырох стылях.
🗞 «Зніклыя, але не забытыя»: «The Washington Post» нагадала пра беларускіх палітвязняў
Мноства беларускіх палітвязняў трымаюць без сувязі з вонкавым светам – гэта завецца рэжымам інкамунікада. Амерыканская газета «The Washington Post» у рэдакцыйнай калонцы нагадала, што гэта негуманна і забаронена Генасамблеяй ААН.
#штопачытаць
🎧 Гіпнатызуючай беларускай музыкі вам на добры сон
Свежы трэк гурту «Homebound», які стварылі два беларусы, што жывуць у Польшчы, так і называецца – «Сон». У жніўні гурт плануе выпусціць міні-альбом, куды ўвойдзе ў тым ліку і гэтая песня.
#штопаслухаць
☝️Пасля аварыі на атракцыёне ў парку Чалюскінцаў цяжка параненых няма
Людзі ўпалі з вышыні каля трох метраў, аднак, на шчасце, шпіталізацыя нікому не спатрэбілася.
Чытайце на старонцы:
✅ Праз VPN ❎ Без VPN
📍Палітзняволенай, якая мае зрок -17, не даюць у калоніі акуляраў. І пры гэтым прымушаюць працаваць швачкаю
Акуляры можна было б перадаць у перадачы, аднак для Алены Лазарчык яны забароненыя.
😔 Чытайце іншыя гісторыі няпростага побыту палітзняволеных беларусак у калоніях у нашай размове з журналісткаю ды праваабаронцаю Яўгеніяй Доўгай.
#рэпрэсіі
🇫🇷 Французы галасуюць у другім туры парламенцкіх выбараў. Яўка – найвышэйшая за 40 гадоў
У першым туры, які адбыўся тыдзень таму, перамогу атрымала ўльтраправая партыя «Нацыянальнае аб’яднанне» Марын Ле Пэн і Жардана Бардэля.
Чытайце падрабязней:
✅ Праз VPN ❎ Без VPN
😮 За чырвона-зялёны сцяг у Беларусі цяпер таксама караюць?
Альбо ў гэты раз усяму віною прыдуркаватасць і адвага? А можа і тое, і другое?
Герою гэтага відэа не пашанцавала: абярэг у выглядзе лукашэнкаўскага сцяга не ўбярог яго ад штрафаў ды канфіскацыі. Глядзіце самі.
🛞 П.С. А машыну, канешне, шкада... Такой эпічнай канцоўкі яна не заслужыла.
🚈 Памятаеце арт-аб’ект «Цягнік» менскага мастака HUTKASMACHNAA?
Цяпер ён зʼявіўся ў Тбілісі!
Гэтым разам вагоны пафарбаваныя ў колеры мясцовага метро ⬆️
📢 Не паспелі ўсачыць за навінамі на выходных?
У нас маецца дадатковы канал з максімальна сціслым апісаннем асноўных падзеяў ➡️ (НЕ)АПОШНІЯ НАВІНЫ.
Вынікі дня, падборкі найлепшых і найважнейшых матэрыялаў. Абяцаем не спаміць, далучайцеся да @vynikidnia
#галоўнае
🔹Меў свой «Шэўрале», калекцыянаваў каменьчыкі, шмат курыў. Малавядомае з жыцця Янкі Купалы
У дзень народзінаў паэта прыгадваем у нашым відэа факты з біяграфіі «песняра», пра якія вам наўрад ці казала настаўніца «бел.літу» ў школе ☝️
📍«Белгазпрамбанк» распрадае будынкі на менскай вуліцы Кастрычніцкай
У складзе лоту – тры колішнія вытворчыя корпусы Менскага заводу Кастрычніцкай рэвалюцыі. Раней там размяшчаўся вядомы культурны хаб «Ок16», аднак на пачатку 2021 года ён спыніў сваё існаванне.
Чытайце болей на сайце:
✅ Праз VPN ❎ Без VPN
🎼 Гэтая полька вывучыла беларускую мову, а цяпер стварае песні на «памежнай» падляскай гаворцы. Знаёмцеся – Ніка Юрчук aka Niczos
Беларусь у Нікі асацыюецца найперш не з рэжымам Лукашэнкі, а з успамінамі пра паездкі ў этнаграфічных экспедыцыях.
Некалі Ніка ездзіла на «Басовішча» – беларускі рок-фэст на Падляшшы. Цяпер жа сама выступае на «Tutaka» – нашчадку «Басовішча».
Чытайце вялікае інтэрв'ю:
✅ Праз VPN ❎ Без VPN
😨 Смяротна небяспечная хвароба, якую літаральна можна «набыць у краме». Гаворым з экспертам пра батулізм
У чэрвені жыхары шэрагу расейскіх гарадоў атруціліся батулатаксінам адным і тым жа спосабам. Усе куплялі ў сетцы «Кухня на раёне» салат з тунцом, яблыкам і кансерваванаю фасоляю.
Падобна, што фасоля ў салаце, які быў у продажы, ператварылася ў батулатаксінавую атруту. Гэта цалкам рэальна, кажа эксперт у хімічнай і біялагічнай бяспецы Сяргей Бесараб.
Чытайце на старонцы:
✅ Праз VPN ❎ Без VPN
👆 У гэты дзень 24 гады таму адбылося страшнае: знік аператар Дзмітрый Завадскі
У яго засталіся жонка і маленькі сынок.
Дзмітрый Завадскі быў асабістым аператарам Лукашэнкі і мог вывесці дыктатара на чыстую ваду.
У сакавіку 2002 года Вярхоўны суд прысудзіў двум былым афіцэрам МУС Беларусі – Валерыю Ігнатовічу і Дзмітрыю Маліку – па 10 гадоў зняволення за выкраданне Дзмітрыя Завадскага. Забойства на судзе даказана не было. Ні на следстве, ні ў судзе Малік і Ігнатовіч не прызналі сваю віну ў выкраданні. Цела аператара так і не знайшлі.
Дабрыдзень, сябры!
Мы сабралі найбольш цікавыя матэрыялы «Белсату», якія вы маглі прапусціць:
🗞 На Валадарку хацелі перавезці гістарычны музей. Але перадумалі
Якія планы ва ўладаў на Пішчалаўскі замак?
🗞 «Усё дрэнна» – паразмаўлялі з выдаўцом і рэдактарам «Літрадыё» Паўлам Анціпавым
Распыталі, ці можа выдавецтва за мяжой існаваць за кошт продажу беларускіх кніг.
🗞 Тэлеканал «Дождь» паведаміў пра «цяжкую хваробу» Лукашэнкі
Лукашэнку зрабілася блага ў Астане, дзе праходзіў саміт ШАС, паведаміў расейскі тэлеканал «Дождь» са спасылкаю на неназваную крыніцу. Выданне сцвярджае, што палітык «насамрэч вельмі цяжка хварэе і вельмі цяжка пераносіць сваю хваробу», але прычыну нядужасці не называе.
#штопачытаць
💔Ягор Лебядок
Вайсковы аналітык, быў затрыманы 13 ліпеня 2022 года. Спачатку па адміністрацыйнай справе, але пасля бы яму было прад'яўлена абвінавачанне па крымінальнай справе.
23 снежня 2022 г. у Менскім абласным судзе Ягору прысудзілі пяць гадоў пазбаўлення волі ўзмоцненага рэжыму.
📩 Падтрымайце палітвязня: ПК № 22. 225295, Берасцейская вобласць, г. Івацэвічы, ст. Даманава, а/с 20