42764
Тэлеканал Белсат Даслаць навіну, фота ці відэа: @BelsatBot Расейскамоўны рэгіянальны ТГ @BelsatRu
🐍 Сітуацыя: змяя ў гарадскім аўтобусе. Вашыя дзеянні?
Так, гэта магчыма нават у Беларусі👆🏻
💥 #галоўнае за 10 чэрвеня
✔️ Дзяржсакратар ЗША паедзе ў Егіпет і Ізраіль, каб дамагчыся спынення агню ў Газе
✔️ Беларус паехаў працаваць у Малі на вагнэраўцаў і загінуў
✔️ Ці выбачыць Польшча Лукашэнку забойства свайго жаўнера?
✔️ Праз праз моцную залеву з градам у самалёта ў Вену адарвала насавую частку
✔️ BYPOL: баевікі плануюць дыверсіі падчас правядзення Чэмпіянату Еўропы па футболе
✔️ У раёне памежнай заставы Усава жаўнер тэрміновай службы скончыў жыццё самагубствам
✔️ Прыцэлы для расейскага войска вырабляюць беларускія зняволеныя
✔️ На выбарах у Еўрапейскі парламент перамаглі правацэнтрысты. Як гэта паўплывае на Еўропу і яе стаўленне да Беларусі
✔️ Якія сакрэты скрывае галоўны дзяржаўны ўніверсітэт? Расследавання «Кіберпартызанаў»
✔️ Для чаго рэжым пераўтварае ўзрыванне слоікаў з-пад ёду ў лесе ў тэрарызм і робіць з дзяцей злодзеяў
#рэпрэсіі:
▪️ 5 гадоў калоніі і штраф у памеры 46 тысячаў рублёў прысудзілі берасцейскай журналістцы
▪️ На Віцебшчыне ліквідавалі грамадскае аб'яднанне каратыстаў
▪️ Назіральніцу за выбарамі 2020-га году адправілі на «содні»
▪️ Распачатая спецвытворчасць у дачыненні да Генадзя Капітанава — яго збіраюцца судзіць завочна
▪️ Каля 10 сілавікоў у поўным абмундзіраванні і са зброяй прыйшлі затрымліваць жыхара Брэста
▪️ Палітвязня Сяргея Дзяцука затрымалі па вызваленні з калоніі. Яго будуць судзіць за «злоснае непадпарадкаванне адміністрацыі калоніі»
▪️
🤯 Кіраўнік генштабу Малдовы 20 гадоў шпіёніў для Расеі
Куратараў шпіёна асабліва цікавіла ўзбраенне, якое Кіеў закупляе ў гэтай і суседніх краінах.
Падрабязнасці глядзіце ў нашым відэа ☝️
💔Людміла Ліхачэўская
Нарадзілася ў Мінску, затрыманая 29 сакавіка 2024 году за ўдзел ў пратэстах.
Людмілу абвінавачваюць паводле «народнага» арт. 342 і арт. 130 (распальванне варожасці або варажнечы) Крымінальнага кодэксу.
📩 Падтрымайце палітвязня: Следчая турма № 8. 222163, г. Жодзіна, вул. Савецкая, 22А
🔴 «Аб’ектыў» – галоўныя падзеі дня!
У сённяшнім выданні:
🔸Чарговая смерць у беларускім войску. Памежны камітэт паведаміў пра самагубства 21-гадовага салдата тэрміновай службы
🔸Другая частка расследавання Кіберпартызанаў пра рэпрэсіі і карупцыю ў БДУ
🔸Святлана Ціханоўская адпраўляецца з візітам у ЗША
🔸ByPol паведамляе пра перакідванне праз Беларусь у Еўразвяз двух дзясяткаў баевікоў
Далучайцеся да эфіру ⤵️
https://www.youtube.com/live/DMTrjuJ60qY
📺Адразу пасля «Аб'ектыву» а 20.25 па менскім часе запрашаем да прагляду «Белсат Zoom» – агляд галоўных навінаў дня, агляд надворʼя, спартовых навінаў!
📌 «Еўрапейская грамадская думка патроху схіляецца ў такі ўльтраправы бок»
На выбарах у Еўрапейскі парламент перамаглі правацэнтрысты.
🫤 Найбольш шакавалі выбары ў Францыі. Калі скрайне правыя атрымаюць бальшыню, то стаўленні Францыі да кааліцыі супраць Расеі можа змяніцца. А дзяржава–агрэсар можа скарыстацца гэтым, каб уплываць на выбары ў Францыі і пазней у Нямеччыне.
Як вынікі выбараў у Еўрапарлемент паўплываюць на Еўропу і на стаўленне да нашай краіны?
«Белсат» спытаў экспертаў 👇
✅ Праз VPN ❎ Без VPN
🇵🇱 Акруговы суд Варшавы выдаў еўрапейскі ордар на арышт Томаша Шмыта
Польскія ўлады падазраюць яго ў шпіянажы на карысць беларускіх спецслужбаў.
☝️ Шмыт быў суддзёй і меў доступ да дзяржаўных таямніцаў.
Разам з жонкай ён быў замяшаны ў скандале, звязаным з ціскам на суддзяў, што выступалі супраць судовай рэформы ў Польшчы.
🤦♀️ Шмыт уцёк у Беларусь, дзе папрасіў палітычнага прытулку.
⚡️ «Пад пытаннем існаванне сістэмы адукацыі ў Беларусі»
Студэнты і выкладчыкі беларускіх ВНУ ўжо 4 гады зазнаюць пераслед. У адным толькі БДУ былі звольненыя больш за 50 выкладчыкаў, рэктар навучальнай установы дапамагаў затрымліваць студэнтаў падчас акцыяў, а распараджэнні яму даюць ГУБАЗіК і КДБ.
❓ Што адбываецца ў навучальнай установе, распавялі ў сваім расследаванні «Кіберпартызаны». Паглядзіце!
👆«Першае маё жаданне – гэта было ўзяць у рукі зброю і паехаць ва Украіну»
Актывіст Барыс вымушана з'ехаў за мяжу і нават не змог прыехаць на пахаванне да ўласнага бацькі. Гэта ўвагнала мужчыну ў глыбокую дэпрэсію, праяваў якой ён нават не заўважаў.
Далей – болей: Барыс развёўся з жонкай, а ў яго маці дыягнаставалі анкалагічную хваробу.
Цяпер мужчына патрабуе дапамогі – словам ці справай – вырашаць вам.
⏯ Паглядзіце гісторыю Барыса ад нашай праграмы «Беларус беларусу».
🤯 Прыцэлы для расейскага войска вырабляюць беларускія зняволеныя
Прынамсі так сцвярджае «BELPOL» і кажа, што мае дакументальныя доказы, што 33 кампаніі ў Беларусі вырабляе прыцэлы для Расеі. І робяць гэта, у тым ліку, з дапамогай працы зняволеных папраўчай калоніі № 9.
Асаблівую ўвагу аб'яднанне надае прадпрыемству «Пеленг», дзе работнікі атрымліваюць ад 4,5 да 9,5 тысяч рублёў.
Падрабязней 👇
✅ Праз VPN ❎ Без VPN
🤔 Па ўсёй Еўропе да ўлады прыходзяць «правыя». Што адбываецца?
6–9 чэрвеня грамадзяне краінаў Еўразвязу галасавалі на выбарах у Еўрапейскі парламент. Вынікі многіх шакавалі.
👉 Так, напрыклад, у Нямеччыне атрымаў перамогу апазіцыйны кансерватыўны блок ХДС–ХСС. А партыя канцлера Оляфа Шольца заняла толькі трэцяе месца.
👉 А на выбарах у Францыі ўвогуле перамагло ўльтраправае «Нацыянальнае аб’яднанне» (RN).
«Белсат» разглядае, як зменіцца склад Еўрапарламенту і што пра гэта пішуць 👇
✅ Праз VPN ❎ Без VPN
😮 «Нельга зрабіць іншых крокаў, апроч страляніны ў тых людзей, якія спрабуюць так рабіць»
Ад рук нелегальных мігрантаў загінуў польскі вайсковец на мяжы з Беларуссю. Што на гэта адкажа Варшава? Ці будуць больш радыкальныя захады, для абароны мяжы і ці ўвогуле існуе нейкая стратэгія па Беларусі ў гэтым кірунку?
Каментуе былы прэс-сакратар МЗС Польшчы Лукаш Ясіна ☝️
📺 Цалкам выданне глядзіце на нашым Youtube канале BELSAT NEWS
❤️🐈⬛ Усё, што вам трэба ведаць пра канцэрты класічнай музыкі ў Стамбуле
Падчас фестывалю на сцэну зайшоў кот і прыняў усю ўвагу на сябе.
Паглядзіце!
🪖 Ці выбачыць Польшча забойства свайго жаўнера?
Смерць вайскоўца скалыхнула Польшчу. Напрыканцы траўня адзін з мігрантаў, які нелегальна прабаваў перайсці мяжу, ударыў польскага жаўнера нажом і вярнуўся на тэрыторыю Беларусі.
🤷♀️ Тое, што адказ Варшавы будзе – няма сумневу, бо ціск грамадства і СМІ на ўрад вельмі моцны. Але пакуль невядома які.
Аднак эксперты лічаць, што «высновы для беларусаў не суцяшальныя. Рэжым (у супрацы з Масквой) свядома дабівае стасункі з Польшчай»
Пачытайце іх меркаванні 👇
✅ Праз VPN ❎ Без VPN
«Наша Ніва»: Беларус паехаў працаваць у Малі на вагнэраўцаў і загінуў
Гаворка пра жыхара Ліды Аляксандра Жэгздрына. Яму было 35 гадоў.
У чэрвені мінулага года суд у Беларусі абмежаваў Аляксандру выезд з краіны. За што – невядома. Аднак у жніўні 2023 года мужчына апынуўся на заробках у Расеі. Там ён быў завербаваны вагнэраўцамі і паехаў у Афрыку працаваць на іх кіроўцам.
Жонцы ён распавёў пра працу ў Малі ў лістападзе 2023 года. У студзені 2024 года ёй паведамілі, што Аляксандр загінуў ад агнястрэльных раненняў.
«Наша Ніва» адзначае, што ў Жэгздрына не было вялікіх праблем з законам. Калі яму было 17 гадоў, яго падазравалі ў зліве дзесяці літраў бензіну з машыны і крадзяжы лабавых шчотак і вечкі бака з яе. Аднак справа была закрытая праз адсутнасць складу злачынства.
Дабрыдзень, шаноўныя!
Гэта дастаўка ранішняй прэсы! Сабралі для вас найбольш цікавыя матэрыялы «Белсату», якія вы маглі прапусціць:
🔸«Сілавікі не бачаць у дзецях дзяцей»
Праз VPN
Прапаганда паведаміла пра «падлеткаў-тэрарыстаў», якія нібыта збіралі бомбы і «рыхтаваліся да жахлівага». Як узрыванне слоікаў з-пад ёду ператварылася ў тэрарызм.
🔸Як вынікі выбараў у Еўрапарламент паўплываюць на Еўропу, Украіну і Беларусь?
Праз VPN
Паводле папярэдніх вынікаў, на выбарах у Еўрапарламент перамаглі правацэнтрысты.
🔸Што новага ва ўступнай кампаніі ў беларускія ВНУ
Праз VPN
«Белсат» глядзіць, што новага прыдумалі, каб абітурыентам не было сумна паступаць, і колькі куды возьмуць вучыцца.
#штопачытаць
❌ У Празе прадухілілі тэракт, замоўлены Расеяй
26-гадовага іншаземца абвінавачваюць у спробе падпаліць аўтобусы ў дэпо. Яму можа пагражаць пажыццёвае зняволенне.
Падрабязней👇🏻
✅ Праз VPN ❎ Без VPN
🔶 «Рэжым сабе нажывае ворагаў, і дзеці будуць ворагамі гэтага рэжыму»
Прапаганда паведаміла пра «падлеткаў-тэрарыстаў», якія нібыта збіралі бомбы і «рыхтаваліся да жахлівага».
👉 «BELPOL» назваў гэты сюжэт «чарговай страшылкай, разлічанай на прымітыўную публіку».
👉 А псіхалагіня Ала Марціновіч увогуле кажа, што «сілавікі не бачаць у дзецях дзяцей».
Дык для чаго рэжым пераўтварае ўзрыванне слоікаў з-пад ёду ў лесе ў тэрарызм і робіць з дзяцей злодзеяў? Чытайце ў нашым разборы 👇
✅ Праз VPN ❎ Без VPN
😱 Ад баршчэўніку мутуюць каровы
Сок баршчэўніку вядомы сваім шкодным уздзеяннем на скуру чалавека.
Аднак яшчэ не ўсё! Паглядзіце, як ён уздзейнічае на жывёлін ☝️
🤯Вяртанне прыгоннага права
Толькі так можна назваць новую міграцыйную палітыку Беларусі: улады хочуць узяць пад кантроль тых, хто з‘ехаў, і не дапусціць выезду тых, хто застаўся.
Падрабязнасці распавядаем у нашым сюжэце, паглядзіце!
😢 5 гадоў калоніі і штраф у памеры 46 тысячаў рублёў прысудзілі берасцейскай журналістцы
Алену Цімашчук абвінавацілі паводле трох артыкулаў КК, у тым ліку «Распальванні варожасці ці варажнечы».
Вядома, што дзяўчына супрацоўнічала як фрылансер з рэгіянальнымі выданнямі «Вечерний Брест», «Брестский курьер», «Брестская газета», інтэрнэт-выданнем «Виртуальный Брест», а таксама з «Брестским зелёным парталам».
☝️ Аднак паводле Беларускай асацыяцыі журналістаў, яна не пісала матэрыялы палітычнай тэматыкі. Час ад часу займалася рэкламнымі матэрыяламі, працавала над тэмамі па псіхалогіі.
#рэпрэсіі
⚡️ Якія сакрэты скрывае галоўны дзяржаўны ўніверсітэт? 2-я частка расследавання «БДУ без купюр»
Кіраўніцтва ўстановы ўжо даўно назначаецца дыктатарам не за асабістыя або акадэмічныя заслугі, а па прынцыпе лаяльнасці сістэме.
😡 Нормай стала татальнае сачэнне за студэнтамі і выкладчыкамі з боку спецслужбаў, пастаянныя інтрыгі, булінг, шпіянаж і іншае.
Выкрытая ўся паднаготная кіраўніцтва БДУ.
👉 Глядзіце вялікае расследаванне «Кіберпартызанаў» на Youtube
📝 Тэкставую версію чытайце вось тут
🪖 Узброеныя Сілы Беларусі праводзяць сумесныя вучэнні з нестратэгічнай ядравай зброяй
Пра гэта распавёў міністр абароны Беларусі Віктар Хрэнін.
🤡 Ён абураўся санкцыямі супраць Беларусі і нібыта спробамі заходніх краін «уцягнуць нас у эпідэмію каляровых рэвалюцый». А таксама быў не задаволены дазволам для Украіны біць Заходняй зброяй па тэрыторыі Расеі.
«Мы мірная дзяржава, нікому не пагражаем і не імкнёмся да канфрантацыі ні з кім. Але порах будзем трымаць сухім!»
📺 Навіны за 5 хвілін
✔️ Памежная служба Горадні: салдат тэрміновай службы здзейсніў суіцыд
✔️ КДБ Беларусі затрымаў школьнікаў і абвінаваціў іх у тэрарызме
✔️ Стала вядома, у якую суму беларускім падаткаплатнікам абыдзецца Дзень Незалежнасці
✔️ У Бабруйску адбыўся пажар на алейным заводзе
✔️ На Маскоўскім рынку ў Менску – вялізныя чэргі. Чаго чакаюць беларусы?
✔️ У Малі загінуў жыхар Ліды - ён быў кіроўцам у ПВК Вагнэра
✔️ Прэзідэнт Францыі Эманюэль Макрон абвясціў роспуск Нацыянальнага сходу
✔️ Украінская авіяцыя ўпершыню нанесла ўдар па цэлі на тэрыторыі Расеі
✔️ Расея накіравала ў Міністэрства замежных справаў Арменіі ноту пратэсту
Глядзіце ў кароткім выданні навін на Белсаце 💻
🪖 У раёне памежнай заставы Усава жаўнер тэрміновай службы скончыў жыццё самагубствам
Пра гэта піша прэс-служба Дзяржпагранкамітэту.
☝️ Малады чалавек 2002 года нараджэння быў прызваны ў кастрычніку мінулага года і праходзіў тэрміновую службу. На момант здарэння малодшы сяржант знаходзіўся ў памежным нарадзе па ахове мяжы. Яго цела знайшлі 8 чэрвеня.
Аб прычынах здарэння не паведамляецца. Ідзе следства.
💱 Курсы валютаў на 10 чэрвеня
Долар крыху падрос, а вось еўра і рубель патаннелі.
🤯 BYPOL: баевікі плануюць дыверсіі падчас правядзення Чэмпіянату Еўропы па футболе
Аб'яднанне былых сілавікоў BYPOL сцвярджае, што радыкальныя мусульманскія ячэйкі чакаюць прыбыцця ў Заходнюю Германію 20-25 баевікоў «з выкарыстаннем «беларускага маршруту «для здзяйснення» акцый»». «Акцыі» плануюцца пад час «Еўра-2024».
☝️ Баевікі маюць пераважна 25-28 гадоў, зарэкамендавалі сябе праўдзівымі «ваярамі Алаха» і што адметна, валодаюць рускай мовай і маюць кантакты з «рускімі немцамі» у Нямеччыне.
У складзе некалькіх груп, магчыма прысутнасць дзяўчат славянскай знешнасці, якія прынялі іслам і падтрымліваюць радыкальныя ідэі стварэння Арабскага халіфата ў Нямеччыне.
😱 Які жах! Праз праз моцную залеву з градам самалёт атрымаў страшныя пашкоджанні
Самалёт Airbus A320, які выконваў рэйс у Вену трапіў у навальніцу з градам. Па словах экіпажу, яна не была бачная на метэарадары.
🫣 У выніку насавая частка была практычна вырваная, быў пашкоджаны метэаралагічны радар і разбітае шкло ілюмінатараў.
Пасажыры казалі, што пасадка адбывалася больш жорстка, чым звычайна. Аднак нічога незвычайнага не адбывалася.
🙏🏻 На шчасце, пацярпелых няма.
❓Якія змены ва ўступнай кампаніі ў гэтым годзе?
Правілы паступлення ў ВНУ ў Беларусі ўвесь час мяняюцца. Што новага ў гэтым годзе і колькі месцаў сёлета ў ВНУ?
Распавядаем у нашым артыкуле, пачытайце:
✅Праз VPN ❎Без VPN
🔥 Гэта не фоташоп, а сапраўднае мастацтва
Мастачка Клэр О'ніл неверагодна дамалёўвае фатаграфіі, як гэта робіць штучны інтэлект.
Вынік проста цудоўны!