42764
Тэлеканал Белсат Даслаць навіну, фота ці відэа: @BelsatBot Расейскамоўны рэгіянальны ТГ @BelsatRu
💔 Аляксей Кірэеў
Актывіст «Народнай Грамады».
Удзельнічаў у акцыях пратэсту ў 2020 годзе. Затрымліваўся ад пачатку выбарчай кампаніі каля дзесяці разоў і тройчы быў пакараны адміністрацыйнымі арыштамі на тэрміны ад 5 да 15 сутак.
Апошні суд абвінаваціў Аляксея ў арганізацыі і падрыхтоўцы дзеянняў, што груба парушаюць грамадскі парадак, альбо актыўны ўдзел у іх і прысудзіў 2 гады пазбаўлення волі.
📩 Падтрымайце палітвязня: ПК № 15. 213105, г. Магілёў, п/а Вейна, Слаўгарадская шаша, 183
💬 «Калі кажуць, што заўтра Расея паглыне ўсю Беларусь, заўсёды ўзгадваецца тое, што яны нават роўмінг адмяніць не здольныя»
Мабільны роўмінг паміж Беларуссю ды Расеяй у межах «саюзнай інтэграцыі» планавалі скасаваць яшчэ ў 2017-м. Аднак гэтага не адбылося і па сёння.
Вось што гаварылі чыноўнікі па гэтай тэме і як выглядае сітуацыя ў рэальнасці ⬆️
🔴 «Аб’ектыў» – галоўныя падзеі дня!
У сённяшнім выданні:
🔸За кошт чаго летась удвая вырас экспарт беларускага калію?;
🔸 Чарговыя паратрахіванія. На гэты раз… царквы;
🔸 Развітанне з беларускай Лізаветай на варшаўскіх могілках;
🔸У Горадні знеслі казармы 19 стагоддзя. А абяцалі рэканструкцыю;
Далучайцеся да эфіру ⤵️
https://www.youtube.com/watch?v=H9HgPcVJWM8
📺 Адразу пасля «Аб'ектыву» а 20.30 паводле менскага часу запрашаем да прагляду «Студыі Белсат» на youtube-канале Белсат NEWS – абмяркоўваем актуальныя падзеі дня з нашымі гасцямі!
☝️Белгарад і навакольныя сёлы абстрэльваюць цэлы дзень
Ёсць загінулыя і параненыя, усе гандлёвыя цэнтры ў Белгарадзе зачынілі.
Чытайце болей на старонцы:
✅ Праз VPN ❎ Без VPN
▪️Фотаздымкі з пахавання беларускі Лізы ў Варшаве
На цырымонію прыйшлі дзясяткі людзей. Сярод прысутных быў Зянон Пазняк.
Сачыце за нашым рэпартажам з развітання тут (абнаўляецца):
✅ Праз VPN ❎ Без VPN
😱 У 73 разы больш за суму данатаў
З пачатку гэтага года сілавікі выявілі 260 чалавек, якія рабілі данаты «экстрэмісцкім» фармаванням, паведамляе «Вясна».
Агульная сума данатаў склала больш за $5 тысяч – пры гэтым сілавікі прымусілі гэтых людзей зрабіць «добраахвотныя ахвяраванні» на суму каля $360 тысяч.
#лічбадня
⚔️ NATO праводзіць найбуйнешыя вучэнні з часоў Халоднай вайны, Мінабароны РБ у адказ ладзіць «комплексную праверку боегатоўнасці». Да чаго рыхтуюцца бакі і ці ёсць небяспека новага канфлікту ў Еўропе?
Яшчэ да пачатку манеўраў Альянсу Генштаб Беларусі заявіў, што плануе ўзмацніць сваю выведку на час правядзення «Steadfast Defender».
Лукашэнка ж назваў вучэнні NATO «як мінімум дэманстрацыяй сілы».
Чытайце аналітыку на старонцы:
✅ Праз VPN ❎ Без VPN
🔹Непадалёк ад мяжы з Украінай з'явілася новая памежная застава
Заставу «Баравое» ўрачыста адкрылі сёння ў Лельчыцкім раёне. Яна будзе належаць да Мазырскага атраду.
Пакуль застава не была збудаваная, памежнікі на гэтым участку базаваліся ў будынку мясцовага сельсавету. Ад вёскі Баравое да мяжы з Украінай − прыкладна 15 кіламетраў.
💱Свежыя курсы валютаў
Долар і еўра зноў мінімальна выраслі, а расейскі рубель працягвае таннець.
#курсывалютаў
💬 «Я з 2014 года не жыў па прапісцы і здымаў кватэры ў Беларусі без дамовы. Калі я ўжо жыў у Кіеве, то Азаронак казаў, што мяне заб'юць у любой кропцы свету»
Прэс-сакратар Паспалітага рушэння Сяргей Бяспалаў расказаў, як даць рады са стрэсам, калі ты стаў асабістым ворагам рэжыму.
Таксама свае парады па гэтай тэме дае псіхалагіня Вольга Вялічка.
👀 Глядзіце проста цяпер новы выпуск нашай праграмы «Трэба пагаварыць»
😡 Рамонт прыдамавой тэрыторыі хочуць навесіць на жыхароў
Лукашэнка на чарговай нарадзе зноў распавядаў, як яму не пашанцавала з народам і распарадзіўся данесці да насельніцтва, што цяпер яны павінны будуць самі клапаціцца пра прыгожыя двары.
А куды ж пойдуць падаткі? Вядома – на сілавікоў
❓Каму Беларусь прадае зброю і ў каго яе набывае?
Даследчыкі са Стакгольмскага міжнароднага інстытуту даследавання праблем свету ў сваім дакладзе заўважылі, што Беларусь засталася ў топ-25 найбуйнейшых экспарцёраў узбраенняў у свеце.
Паводле іх, найбуйнейшым пакупніком зброі з Беларусі з'яўляецца Вʼетнам – на яго долю прыпадае 30 % продажаў, далей – Сербія (22 %) і Уганда (17 %).
Таксама эксперты заўважылі, што экспарт зброі ў апошнія пяць гадоў падае (у абʼёмах паставак Беларусь страціла 34 %), а вось імпарт наадварот расце (закупкі зброі выраслі на 30 %). Адзіным пастаўшчыком зброі ў нашу краіну ў гэты перыяд была Расея.
🤯Чыноўніца з адміністрацыі Лукашэнкі намякнула на магчымае памілаванне некаторых палітвязняў
Вольга Чупрыс, намесніца кіраўніка адміністрацыі Лукашэнкі, заявіла, што асуджаныя за «злачынствы пратэставага напрамку» могуць разлічваць на памілаванне.
Паводле чыноўніцы, у 2021 годзе сярод памілаваных Аляксандрам Лукашэнкам 40% былі тыя, хто ўчыніў «злачынствы пратэставага напрамку», у 2022-м такіх было 77% ад памілаваных, а ў 2023-м былі «адзінкавыя выпадкі».
Што не так з гэтымі лічбамі, чытайце па спасылцы:
✅Праз VPN ❎Без VPN
Вітаем, сябры!
Не ведаеце, што пачытаць раніцою? Сабралі для вас найбольш цікавыя матэрыялы «Белсату», які вы маглі прапусціць:
🔸Ці можа беларуска – ахвяра гвалту атрымаць прытулак у Еўразвязе?
Праз VPN
Хоць хатні гвалт і ёсць падставаю для надання міжнароднай абароны, атрымаць яе беларускам можа быць складана. Чаму? Разбіраемся з праваабаронцамі.
🔸У вёсцы Цэль будуюць дом для вагнэраўцаў?
Праз VPN
Аб’яднанне сілавікоў Беларусі BYPOL паведамляе, што ў вёсцы Цэль пад Асіповічамі будуюць дом для байцоў ПВК Вагнэра.
🔸Як уводзілі санкцыі адносна Беларусі: за рэпрэсіі, самалёт і вайну, але не за палітвязняў
Праз VPN
На чацвёрты год санкцыйныя спісы разрасліся да сотняў імёнаў і дзясяткаў назваў кампаніяў. «Белсат» згадвае, як і за што ўводзілі санкцыі.
#штопачытаць
✉️ Некаторым беларусам, у якіх скончыўся тэрмін дзеяння пашпарту, шлюць «лісты шчасця»
Рассылку ажыццяўляе дэпартамент па грамадзянству і міграцыі МУС. У іх нагадваюць, што пражыванне з пратэрмінаванымі дакументамі пагражае штрафам.
Чытайце падрабязней на старонцы:
✅ Праз VPN ❎ Без VPN
⚫️ Узмацненне рэпрэсіяў і сутыкненні паміж сілавікамі і добраахвотнікамі
Што адбываецца ў Расеі напярэдадні выбараў?
💔 Сёння адбылося развітанне з беларускай Лізаветай
Дзясяткі людзей прышлі, каб выказаць ёй апошнюю пашану.
Новыя жыхары Беларусі – новая зброя прапаганды
«Тое, што непрымальна для беларусаў, яны зробяць з задавальненнем»
Як яшчэ рэжым выкарыстоўвае мігрантаў з Украіны ды азіяцкіх краінаў у ток-шоу «План: Б» распавядае блогерка Таццяна Мартынава. Паслухайце! ⬆️
🎬 Выданне цалкам глядзіце на youtube-канале «Белсат NEWS»
📍Лукашэнка дазволіў затрымліваць беларусаў з ужываннем зброі яшчэ і леснікам
Таксама яны змогуць спыняць транспартныя сродкі і самастойна весці адміністратыўны працэс.
Чытайце на старонцы:
✅ Праз VPN ❎ Без VPN
📍На мяжы Беларусі з краінамі ЕЗ зноў утварыліся вялізныя чэргі цяжкавікоў
Дасягнуты антырэкорд прапускной здольнасці з пачатку 2024 году.
Чытайце болей на старонцы:
✅ Праз VPN ❎ Без VPN
📺 Навіны за 5 хвілін
✔️ Прысуд каталіку Уладзіславу Беладзеду
✔️ Лукашэнка расказаў, чым павінны займацца святары БПЦ
✔️ Расейскі Белгарад зноў патрапіў пад абстрэлы
✔️ У Беларусі рыхтуюць закон аб амністыі
✔️ З'явілася новая застава на мяжы Беларусі з Украінай
✔️ Аўтацыстэрна са звадкаваным прапанам перавярнулася на Магілёўшчыне
✔️ Сталічных студэнтаў збіраюць на прагляды прапагандысцкай стужкі «Ліст чакання»
✔️ У Горадні зносяць вайсковыя казармы XIX стагоддзя
Глядзіце ў кароткім выданні навін на Белсаце 💻
🕯 У Варшаве распачалася цырымонія развітання з забітай беларускай Лізай
Яна адбываецца на Паўночных могілках польскай сталіцы.
Сачыце за нашым рэпартажам з развітання тут (абнаўляецца):
✅ Праз VPN ❎ Без VPN
📍У спявачкі Маргарыты Ляўчук узніклі праблемы з атрыманнем дазволу на жыхарства ва Украіне
Страхавыя кампаніі нават не хочуць даваць Маргарыце медычную страхоўку, якая ўваходзіць у пералік неабходных для атрымання ВНЖ дакументаў.
Чытайце на старонцы:
✅ Праз VPN ❎ Без VPN
📍Палітвязень Уладзіслаў Беладзед атрымаў тры гады калоніі
Былы выкладчык катэхезы ў Менскім кафедральным касцёле быў прызнаны вінаватым паводле чатырох артыкулаў Крымінальнага кодэксу («распальванне варожасці», «выраб і распаўсюд парнаграфіі», «абраза Лукашэнкі», «абраза прадстаўніка ўлады»).
Беладзед быў затрыманы напрыканцы траўня мінулага года. Ён мае сур'ёзныя праблемы са здароўем.
🎙Беларускамоўная рэдакцыя радыё Wnet прыпыніла сваю працу
«На жаль, дагэтуль мы не маем інфармацыі ад Міністэрства замежных спраў Рэспублікі Польшча аб працягу падтрымкі беларускай рэдакцыі», – гаворыцца ў заяве на афіцыйнай старонцы радыёстанцыі.
Таксама там адзначана, што вяшчанне прыпыняецца часова і выказваецца спадзяванне на хуткае аднаўленне працы.
📆 Радыё Ўнэт пачало працу 11 лістапада 2020 года і сфармавалася з журналістаў, якія з-за рэпрэсіяў былі вымушаныя з’ехаць з Беларусі.
💬 «Беларусь перажыла досвед няўдалага прэзідэнцтва, які скончыўся тым, чым ён скончыўся. Мы не маем права паўтараць гэтага. Мы павінны інакш пра гэта думаць»
У чарговым выпуску праграмы «Двубой» гаворка ідзе пра тое, якая форма кіравання павінна быць у Беларусі пасля Лукашэнкі − зноў прэзідэнцкая альбо ўсё ж парламенцкая (з чыста прадстаўнічай функцыяй прэзідэнта)?
Лідар «Руху за Свабоду» Юрась Губарэвіч мяркуе, што на час пераходнага перыяду мусіць існаваць адзіны цэнтр прыняцця рашэнняў. З ім не пагаджаецца экспертка ў галіне адукацыі Святлана Мацкевіч, на думку якой беларусы павінны з нуля будаваць парламенцкую рэспубліку, бо ўжо «наеліся» адзінаасобнага прэзідэнцтва.
👀 Глядзіце і вырашайце, чыя пазіцыя вам бліжэй 🔽
😳 У ЗША могуць забараніць TikTok?
Палата прадстаўнікоў Злучаных Штатаў ухваліла законапраект, які, калі стане законам, паставіць выбар перад папулярнай сацсеткай: або аддзяліцца ад кітайскай матчынай кампаніі «ByteDance», або застацца заблакаванай у ЗША.
Падрабязней ⤵️
✅ Праз VPN ❎ Без VPN
☹️У Горадні зносяць адзін са старэйшых ваенных гарадкоў на тэрыторыі Беларусі
Былыя казармы па вуліцы Шчорса да зносу захаваліся ў арыгінальным выглядзе, што вельмі рэдкая ў Беларусі з’ява, і лічыліся адным са старэйшых ваенных гарадкоў на тэрыторыі Беларусі.
Учора пачаўся знос арыгінальных будынкаў.
Казармы ахоўваліся як шараговая гістарычная забудова, фасады мяняць было забаронена, таму адказных за знос можна прыцягнуць да крымінальнай адказнасці.
Раней казармы ХІХ стагоддзя планавалі перабудаваць пад элітнае жытло.
💥 #галоўнае за 13 сакавіка
✔️ Украінскія вайскоўцы атакавалі дронамі расейскія НПЗ ды аэрадромы
✔️ Беларусь прыпыніла пагадненні аб пазбяганні двайнога падаткаабкладання з вялікай колькасцю краін Захаду
✔️ BYPOL: у вёсцы Цэль пад Асіповічамі для «вагнэраўцаў» будуюць 9-павярховы дом
✔️ Некаторым беларусам, у якіх скончыўся тэрмін дзеяння пашпарту, шлюць «лісты шчасця» з МУС
✔️ Раніцай па Менску ездзіў БТР
✔️ Лукашэнка памілаваў 15 зняволеных
#рэпрэсіі:
▫️Суд над музыкамі гурту Nizkiz распачнецца 19 сакавіка
▫️Сілавікі затрымалі супрацоўніка Верхнядзвінскага райвыканкаму. Нібыта за ўдзел у «Кадравым рэзерве» новай Беларусі
▫️Праваабаронцы паведамляюць пра «хапун» у гарадскім пасёлку Краснаполле на Магілёўшчыне
😳 «Беларуснафта» заклікае работнікаў прайсці курс тактычнай медыцыны
Арганізатарам курсу выступае Міжнародная бізнес-акадэмія вытворчага аб’яднання «Беларуснафта», а заняткі маюць распачацца ў канцы сакавіка.