42764
Тэлеканал Белсат Даслаць навіну, фота ці відэа: @BelsatBot Расейскамоўны рэгіянальны ТГ @BelsatRu
🫠 Латвія мае ў планах збудаваць АЭС. Магчыма, пабудуюць на мяжы з Беларуссю
Аднак канчатковае рашэнне яшчэ не прынятае. Усяго разглядаецца шэсць імаверных лакацыяў.
Чытайце на старонцы:
✅ Праз VPN ❎ Без VPN
⛺️Толькі 5 з 300 аграсядзібаў працягнуць існаваць на Браславах
«І гэта вялікі плюс, што ў нас засталіся лепшыя з лепшых сядзібаў, якія працуюць па вузкай спецыялізацыі», − пракаментавала сітуацыю супрацоўніца Віцебскага аблвыканкаму.
Летась усе аграсядзібы ў Беларусі мусілі прайсці перарэгістрацыю. Глядзіце, колькі з іх здолелі яе прайсці:
✅ Праз VPN ❎ Без VPN
#лічбадня
🚀 Японская ракета самазнішчылася праз лічаныя секунды пасля запуску
Гэта адбылося сёння раніцай. Ракета Kairos-1, распрацаваная кампаніяй Space One, ажыццяўляла палёт усяго каля 5 секунд. Затым адбыўся выбух і ейныя палаючыя кавалкі паляцелі ўніз.
Распрацоўшчыкі Kairos-1 патлумачылі, што функцыя самазнішчэння закладзеная ў ракету на выпадак адхілення ад заданай траекторыі, хуткасці альбо пры памылцы ў сістэме кіравання. Што стала прычынаю гэтага канкрэтнага інцыдэнту – не раскрываецца.
📹 Reuters
🔍 Санкцыйная хроніка: як, калі і за што ўводзілі абмежаванні ў дачыненні Беларусі
У той ці іншай ступені Беларусь знаходзіцца пад заходнімі санкцыямі ўжо цягам 27 гадоў. Са зразумелых прычынаў наймацнейшы санкцыйны ціск распачаўся з канца 2020 года, а далей усё станавілася яшчэ горш.
Разглядаем храналогію санкцыяў супраць лукашэнкаўскай Беларусі ў нашым матэрыяле:
✅ Праз VPN ❎ Без VPN
🇱🇻 Мігранты па-ранейшаму спрабуюць прарывацца ў Латвію
Кабінет міністраў гэтай краіны працягнуў рэжым узмоцненай аховы. Рашэнне звязана з ростам колькасці спробаў незаконнага мінання мяжы з беларускага боку. 11 сакавіка было зафіксавана 14 такіх выпадкаў.
Увосень мінулага года памежнікі ў сярэднім за содні прадухілялі да 100 спробаў пранікнення ў Латвію. Але ў зімовыя месяцы іх колькасць значна скарацілася, і на працягу некалькіх тыдняў не фіксавалася ніводнай спробы. З надыходам больш цёплага надвор'я спробы мігрантаў нелегальна трапіць на тэрыторыю Латвіі аднавіліся.
📍Паведамленні аб павелічэнні плыні мігрантаў з тэрыторыі Беларусі паступаюць таксама з Літвы і Польшчы.
😻 Асцярожна, ад гэтага відэа зашкальвае міміметр
Беларускі выканаўца AP$ENT напісаў песню пра вымушаны ад'езд з Беларусі.
Але нечакана для самога музыкі ў TikTok ягоны спеў завірусіўся з іншай нагоды. Карыстальнікі сацсетак ужо нараклі яго «гімнам коцікаў».
📍Сёння раніцай у сталіцы бачылі БТР
Яго знялі на відэа на скрыжаванні вуліцы Машынабудаўнікоў і Партызанскага праспекту.
Як піша @Hajun_BY, гэты бронетранспарцёр – Volat-V2, распрацаваны Менскім заводам колавых цягачоў (ён акурат месціцца на Партызанскім праспекце). Цяпер Volat-V2 праходзіць выпрабаванні і да канца года яго плануюць увесці ў строй частак арміі РБ. Перамяшчэнне БТР па Менску, імаверна, звязана з праверкаю баявой гатоўнасці Узброеных сілаў, якая праводзіцца цяпер у Беларусі.
💥Сёння бамбілі Варонеж
СБУ правяла паспяховую атаку дронамі. Пад удары трапілі тры буйныя расейскія НПЗ у розных абласцях, таксама былі атакаваныя вайсковы аэрадром у Варонежы і авіябаза ў Бутурлінаўцы.
🏸 Беларускі IT-менеджар стварыў у Літве міжнародную каманду спартоўцаў
Анатоль Яршоў выехаў пасля пратэстаў 2020 года. У Вільні Анатоль стварыў невялікую суполку бадмінтаністаў, якая вельмі хутка разраслася і паяднала беларусаў, літоўцаў, латышоў, украінцаў і расейцаў.
▶️ Глядзіце гісторыю нашага суайчынніка ў праграме «Беларускі свет» на YouTube-канале «Белсат Life».
☝️Сілавікі затрымалі супрацоўніка Верхнядзвінскага райвыканкаму
Яны сцвярджаюць, што прычынаю стаў удзел мужчыны ў навучальнай праграме «Кадравы рэзерв».
Аб'яднаны пераходны кабінет стварыў гэтую праграму напрыканцы 2022 года з мэтаю падрыхтоўкі чыноўнікаў, што будуць праводзіць рэформы ў органах дзяржаўнага кіравання ў Беларусі пасля пераменаў.
Чытайце на старонцы:
✅ Праз VPN ❎ Без VPN
📍Беларусь прыпыняе шэраг пагадненняў аб пазбяганні падвойнага падаткаабкладання
Прыпыняецца дзеянне пагадненняў аб пазбяганні падвойнага падаткаабкладання з наступнымі краінамі: ЗША, Францыя, Данія, Польшча, Швецыя, Бельгія, Літва, Латвія, Нідэрланды, Чэхія, Балгарыя, Эстонія, Румынія, Рэспубліка Кіпр, Швейцарыя, Славакія, Аўстрыя, Вугоршчына, Харватыя, Паўночная Македонія, Італія, Нямеччына, Фінляндыя, Ірландыя, Славенія, Іспанія, Вялікая Брытанія.
Прыпыненне дзеяння пагадненняў часовае – да 31 снежня 2026 года ўключна.
Адпаведная пастанова з'явілася на нацыянальным прававым інтэрнэт-партале.
«Меры, якія прымаюцца ў Беларусі, не дастатковыя, каб абараніць жанчыну ад гвалту»
❓Ці могуць беларускі, якія сталі ахвярамі хатняга гвалту, атрымаць міжнародную абарону, і што для гэтага патрэбна? Разбіраемся ў пытанні ў нашым артыкуле.
Пачытайце!
✅Праз VPN ❎Без VPN
👆У Разані БПЛА атакавалі нафтазавод
Пра гэта паведаміў губернатар Разанскай вобласці Павел Малкаў. У выніку на прадпрыемстве пачаўся пажар. Паводле папярэдніх дадзеных, ёсць пацярпелыя.
ТГ-канал «112» паведамляе, завод атакавалі 3 беспілотнікі, якія пацэлілі ва ўстаноўку для першаснай перапрацоўкі нафтапрадуктаў.
💥 #галоўнае за 12 сакавіка
🔻 Агнешку Рамашэўскую-Гузы звольнілі з пасады дырэктаркі «Белсату». Канал узначаліў Аляксей Дзікавіцкі;
🔻 У беларускім СІЗА памёр грамадзянін Літвы;
🔻 Сербскі суд адмяніў рашэнне аб экстрадыцыі Андрэя Гнёта;
🔻 Генпракуратура прапануе караць бацькоў, чые дзеці парушылі закон, пацярпелі або загінулі;
🔻 У Расеі разбіўся яшчэ адзін самалёт. Расейскія добраахвотнікі заявілі пра захоп паселішча ў Курскай вобласці. Украінскія беспілотнікі атакавалі сем гарадоў Расеі. Што адбываецца на 748-ы дзень вайны;
🔻 З міжнароднай версіі «Оскара» прыбралі ўзнагароджанне ўкраінскай стужкі;
🔻 Еўрапарламент прыняў дырэктыву аб крыміналізацыі абыходу санкцыяў;
💔 Міхаіл Нямцоў
Чарговая ахвяра прысудаў за каментары.
Мужчыну абвінавацілі ў тым, што ён адправіў у Telegram каментар, у якім змяшчалася негатыўная ацэнка асоб, якія служаць у арміі і ўнутраных войсках Расейскай Федэрацыі і Рэспублікі Беларусь. Каментар быў датычны падзеяў у Казахстане, калі там адбыліся хваляванні і гібель мірных пратэстоўцаў. Акрамя таго, размясціў у Інтэрнэце паведамленне, у якім прыніжаў гонар і годнасць Прэзідэнта Рэспублікі Беларусь.
Міхаілу прысудзілі 3 гады калоніі. А 2 лютага 2023 г. КДБ уключыў палітвязня ў «спіс асобаў, датычных да тэрарыстычнай дзейнасці».
📩 Падтрымайце палітвязня: ПК № 17. 213004, г. Шклоў, вул. 1-я Заводская, 8
💔 Віктар Вяршына
Ахвяра прысудаў за данаты.
Быў затрыманы 27 верасня 2022 года і абвінавачаны па арт. 361-2 КК за «фінансаванне экстрэмісцкага фармавання».
Суд праходзіў у закрытым рэжыме.
❗️ Праваабаронцы нават не ведаюць, які вырак прысудзілі мужчыне.
Вядома толькі, што прыкладна з красавіка 2023 г. Віктар адбывае тэрмін у наваполацкай калоніі № 1.
📩 Падтрымайце палітвязня: ПК № 1. 211440, г. Наваполацк, вул. Тэхнічная, 8
🔴 «Аб’ектыў» – галоўныя падзеі дня!
У сённяшнім выданні:
🔸Рэжым увёў контрсанкцыі супраць «несяброўскіх» краінаў. Каму зашкодзяць такія ўвядзенні?;
🔸 У ЕЗ пачалі канфіскоўваць аўты на расейскіх нумарах;
🔸Рэжым патрабуе прызнаць памерлага Уладзіміра Катрука вінаватым у генацыдзе беларускага народу;
🔸ЕГУ афіцыйна пачынае набор на праграму «Эканоміка і бізнес» разам з BEROC;
Далучайцеся да эфіру ⤵️
https://www.youtube.com/watch?v=78HTMVhXZak
📺 Адразу пасля «Аб'ектыву» а 20.30 паводле менскага часу запрашаем да прагляду «Студыі Белсат» на youtube-канале Белсат NEWS – абмяркоўваем актуальныя падзеі дня з нашымі гасцямі!
👆«Тое, што крамлёўскі рэжым не кантралюе сітуацыю, гэта вынік вайны супраць Украіны»
Расейскія добраахвотнікі зладзілі рэйд у Белгародскай і Курскай вобласцях. У ТГ-каналах з'яўляюцца відэа стралковага бою і паражэння федэральнай бранятэхнікі. Але расейскія ўлады адмаўляюць сам факт прарыву мяжы.
Што адбываецца, глядзіце ў нашым відэа!
☝️Лукашэнка памілаваў 15 зняволеных
Сярод іх 9 жанчынаў, а большая частка здзейснілі злачынствы, калі былі няпоўнагадовымі. Некаторым пакаранне замянілі на мякчэйшае, іншым скарацілі тэрмін зняволення.
Ці ёсць сярод памілаваных палітвязні – не ўдакладняецца. Раней прадстаўнікі сілавых структураў Лукашэнкі неаднаразова падкрэслівалі, што памілаванні не будуць распаўсюджвацца на так званых «экстрэмістаў» (так у сістэме называюць усіх, хто патрапіў за краты праз сваю нелаяльнасць да самаабвешчанага кіраўніка краіны).
🔹 У Ашхабадзе паставяць помнік класіку беларускай літаратуры Янку Купалу
Пра гэта расказаў амбасадар Туркменістану ў Беларусі Назаркулы Шакулыеў, наведваючы Віцебскі медычны ўніверсітэт.
Паводле Шакулыева, манумент Купалы будзе знаходзіцца на алеі каля вялізнага 60-метровага помніка туркменскаму паэту Махтумкулі Фрагі, які плануюць адкрыць гэтай восенню. Таксама на гэтай алеі будуць манументы яшчэ дзясяткаў розных паэтаў і пісьменнікаў іншых нацыянальнасцей.
📺 Навіны за 5 хвілін
✔️ Урад РБ увёў контрсанкцыі для кампаніяў з «несяброўскіх» краін
✔️ Амбасадарка Літвы пракаментавала смерць літоўца ў беларускім СІЗА
✔️ Супрацоўнік Верхнядзвінскага райвыканкаму затрыманы, бо нібыта далучыўся да «Кадравага рэзерву» новай Беларусі
✔️ Расея абстраляла Крывы Рог і Сумы
✔️ Украінцы атакавалі дронамі нафтабазы і рэжымныя аб'екты ў РФ
✔️ У кітайскім рэстаране адбыўся выбух
✔️ Доналд Трамп набраў неабходную колькасць дэлегатаў для ўдзелу ў выбарах ад Рэспубліканскай партыі
Глядзіце ў кароткім выданні навін на Белсаце 💻
💱Курсы валютаў на 13 сакавіка
Долар і еўра адносна беларускага рубля працягваюць расці, расейскі рубель – таннець.
#курсывалютаў
🤔 У Цэлі пад Асіповічамі будуюць 9-павярховік для «вагнэраўцаў» ды іхных сем'яў?
Пра гэта паведамляе BYPOL.
У той жа час намётавы лагер для чальцоў ПВК у той жа вёсцы працягваюць разбіраць.
Чытайце на старонцы:
✅ Праз VPN ❎ Без VPN
📍Прытулак для беларускіх палітвязняў ды іхных сем'яў з'явіўся ў Вроцлаве
Яго стварыла і фінансуе ініцыятыва «BY_Help». Цяпер стваральнікі шэлтару запрашаюць да супрацы валанцёраў і бізнес.
Чытайце болей на сайце:
✅ Праз VPN ❎ Без VPN
🔥 Еўрапарламент прыняў дырэктыву аб крыміналізацыі абыходу санкцыяў
Яна прадугледжвае, што пакаранне за парушэнне і абыход санкцыяў можа карацца пазбаўленнем волі тэрмінам да пяці гадоў ва ўсіх краінах ЕЗ.
Таксама суддзі павінны мець магчымасць накладаць вялікія штрафы на кампаніі.
✅ Праз VPN ❎ Без VPN
😶 Усё, што было ў ПВТ – застаецца ў ПВТ?
Адміністрацыя Парку высокіх тэхналогіяў прапанавала рэзідэнтам падпісаць дзіўную дамову, у якой прапісаны шэраг забаронаў.
Што за яны і як гэта паўплывае на працу ПВТ – глядзіце ў нашым відэа ад праграмы «Атмасфера»
💪Опера «Дзікае паляванне караля Стаха» намінаваная на найвышэйшую прэмію брытанскага тэатру
Спектакль беларускага Свабоднага тэатру намінаваны на прэмію Olivier Awards 2024 у намінацыі «Выбітныя дасягненні ў оперным мастацтве».
Olivier Awards – найвышэйшая ўзнагарода ў брытанскім тэатры. Яе ўручаюць штогод за спектаклі Вест-Энда і іншых вядучых некамерцыйных тэатраў Лондану. Цырымонія ўзнагароджання пройдзе ў Каралеўскім Альберт-Холе 14 красавіка.
Добры дзень, шаноўныя!
Гэта дастаўка ранішняй прэсы! Сабралі 3 найбольш цікавыя матэрыялы «Белсату», якія вы маглі прапусціць:
🔹Што збудуе «Новая Беларусь» на падаткі эмігрантаў?
Праз VPN
Платформа «Новая Беларусь» у другі раз запусціла праект лічбавага самакіравання.
🔹Музыка-«тэрарыст»: Чалавецтву трэба перарасці вайну, як перараслі канібалізм
Праз VPN
Паразмаўлялі з фронтмэнам «Gods Tower» Уладзіславам Наважылавым пра жыццё, звычайную працу і патрэбнасць.
🔹«J:Морс», «Naviband», «VOLSKI»
Праз VPN
Абвешчаныя ўсе ўдзельнікі онлайн-канцэрту на Дзень Волі.
#штопачытаць
#рэпрэсіі Асноўнае за 12 сакавіка
🔸 Паведамляецца пра затрыманні на гістфаку БДУ;
🔸 За рэпосты ў сацсетках затрыманы жыхар Магілёва;
🔸 Жыхар Крычава затрыманы за распаўсюд «экстрэмізму» ў «Аднакласніках»;
🔸 Па вяртанні з-за мяжы затрыманая адміністратарка тг-каналу «Несцерка»;
🔸 Затрыманы адміністратар кампаніі па продажы адзення;
🔸 Канстанціну Шастову пагражае да 15 гадоў калоніі за данаты;
🔸 Паводле сямі крымінальных артыкулаў абвінавачваюць Вольгу Вялічку, якая раней узначальвала гарадзенскі дзіцячы хоспіс;
🔸 Сямʼю ў Горадні асудзілі за пратэставы плакат 2020 году;
🔸 Жыхара Гомля Алега Дзегцярэнку асудзілі за «ўдзел ў экстрэмісцкім фармаванні» і «фінансаванні тэрарыстычнай дзейнасці»;
🔸 Папаўненне «спісу экстрэмісцкіх матэрыялаў»;
🔸 У беларускіх калоніях цягам двух тыдняў не працуюць інтэрнэт-крамы для перадачаў вязням;
🔸 Яшчэ 10 асобаў прызнаныя палітычнымі зняволенымі;
🔸 Тры гады як затрымалі Дзяніса Івашына;
☝️ У Менску запрацаваў сацыяльны партал
Праз які можна дасылаць у адпаведныя арганізацыі запыты, што датычаць аказання сацыяльных паслуг.
🤔 Але незалежныя эксперты сумняваюцца ў яго эфектыўнасці, як і ў шчырасці намераў уладаў