42764
Тэлеканал Белсат Даслаць навіну, фота ці відэа: @BelsatBot Расейскамоўны рэгіянальны ТГ @BelsatRu
Расейскія вайскоўцы здзейснілі 187 злачынстваў у Курскай вобласці
Гэта забойствы, згвалтаванні і іншыя — так кажуць чачэнцы з атраду спецназу «Ахмат». Паводле іх, менавіта расейцы займаюцца «непрыстойнымі паводзінамі» ў тыле, а не вайскоўцы з Чачэніі.
У тг-каналах сапраўды з'яўляюцца відэа з камер назірання, на якіх жаўнеры ў расейскай форме здзяйсняюць злачынствы. Сярод іх былі кадры некалькіх рабаванняў крамаў, у якіх знайшлі і чачэнскага вайскоўца.
Нагадваем, што ЗСУ дагэтуль утрымліваюць частку Курскай вобласці.
👆Святлана Ціханоўская заявіла, што працягне працу пасля «выбараў» 2025
У сваім звароце яна адзначыла, што працягне сваю працу, бо праблема не ў ейных паўнамоцтвах, а ў тым, што «рэжым баіцца праводзіць сумленныя выбары, бо ведае, што зазнае паражэнне, як і ў 2020 годзе»:
«У мяне ёсць абавязак перад грамадзянамі Беларусі – правесці сапраўдныя і сумленныя выбары. І сумленныя выбары патрэбныя не мне асабіста, яны патрэбныя Беларусі, каб выйсці з крызісу. Я не змагаюся за ўладу, я змагаюся за тое, каб беларусы вярнулі сабе права выбару, каб гаспадаром сваёй краіны быў народ, а не чалавек, які лічыць сябе гаспадаром краіны і народа»Читать полностью…
💥 #галоўнае за 23 кастрычніка
▫️Так званыя выбары ў Беларусі адбудуцца 26 студзеня 2025 года.
▫️Дэмакратычныя сілы Беларусі выступілі з заяваю з гэтай нагоды.
▫️Беларусы змогуць дамагацца правасуддзя праз Польшчу.
▫️У «ДНР» завочна асудзілі беларускага добраахвотніка.
▫️Беларусь на 105-м месцы ў рэйтынгу вяршэнства права.
▫️Беларусь і Расея зноў правядуць вайсковыя вучэнні.
▫️Невядомыя напалі на завод дронаў у Турцыі.
🎸 Прынеслі вам на ноч сучаснай беларускай музыкі
Гурт мае расейскамоўную назву «Пепел на пол», аднак гэты трэк («Сэнсы») запісаны па-беларуску ☝️
Пра гурт мы, прызнацца, і самі раней не чулі. Як вам іхная творчасць?
🦜Гэты папугай знайшоў сабе па-сапраўднаму «хлебнае» месца
Аднак людзі праз нейкі час яго адтуль прагналі 💁🏻♂️
Зрэшты, так нават лепш: ежа, прызначаная для людзей, птушкам не надта пасуе і можа негатыўна паўплываць на іхнае здароўе ☝️
👀 Паглядзіце, як няўлоўны какаду стаў зоркаю ў адным з аўстралійскім гарадоў
🫤 Чыноўнікі хваляцца эканамічным ростам
А санкцыі не тое што не працуюць, а нават дапамагаюць
Спыталі экспертаў, што адбываецца на самой справе ☝️
Невядомыя напалі на завод дронаў у Турцыі
Як мінімум 9 чалавек загінулі, ёсць пацярпелыя.
Паведамляецца пра захоп закладнікаў, аднак гэтая інфармацыя пакуль не пацвярджаецца. Мясцовасць вакол ачэпленая спецслужбамі. Супрацоўнікі заводу схаваліся ў бункеры.
Сябры, мы шукаем людзей, якія атрымалі вышэйшую адукацыю паводле жадання бацькоў, але пасля знайшлі сябе ў іншай прафесіі, што лепей ім пасавала.
Калі гэта пра вас, напішыце, калі ласка, у наш чат-бот @edytorBLST. Гэта цалкам ананімна.
Сябры, нам патрэбна вашая дапамога, каб ведаць, што адбываецца ў Беларусі
Цягам апошніх дзен журналістам «Белсату» стала вядома пра выпадкі, калі ў дзяржустановы сталі прыходзіць КДБісты, якія высвятляюць у супрацоўнікаў пра іх сувязі з Украінай і наяўнасць там сваякоў.
Калі вы ці вашыя блізкія сутыкнуліся з гэтым, або ведаеце ўстановы, у якіх распаўсюджваецца падобная практыка, напішыце нам ў чат-бот @edytorBLST. Гэта цалкам ананімна. Мы будзем вельмі ўдзячныя.
📺 Навіны за 5 хвілін
🔻Прэзідэнцкія выбары ў Беларусі прызначаныя на 26-га студзеня.
🔻Расейскі міністр абароны анансавалі сумесныя вучэнні Беларусі і Расеі.
🔻Таццяна Караткевіч выйшла на волю пасля 15-ці содняў арышту.
🔻10 гадоў калоніі вынеслі 14-цігадовай школьніцы.
Цалкам выданне глядзіце на YouTube-старонцы.
❓Што там з восеньскім прызывам?
Тысячы беларускіх маладзёнаў вымушаныя будуць адправіцца ў войска. І гэта на фоне вайны ва Украіне і зменаў у беларускім заканадаўстве, якія моцна знізілі патрабаванні да здароўя прызыўнікоў.
Як праходзіць восеньскі прызыў у такіх умовах, глядзіце ў нашым сюжэце!
🤔 У 2002 годзе Лукашэнка прадказаў лёс Пуціна
Вось што пра гэта расказаў польскі дыпламат Марыюш Машкевіч. Паслухайце!
👀 Інтэрв'ю цалкам глядзіце на канале «Белсат NEWS»
🤔Як думаеце, на якім месцы Беларусь па вяршэнству права?
Сярод 142 краін мы займаем 105-е. У Еўропе горш за нас толькі Расея, якая знаходзіцца на 113-м.
Адпаведны рэйтынг склаў «World Justice Project», які сёлета апусціў нашу краіну яшчэ ніжэй у спісе. А вось, хто займае першыя і апошнія пазіцыі:
🔺Лідарамі па вяршэнству права традыцыйна застаюцца Данія, Нарвегія, Фінляндыя, Швецыя і Германія.
🔻А самыя ніжнія радкі займаюць Венесуэла, Камбоджа, Афганістан, Гаіці, М'янма і Нікарагуа.
Экс-кандыдатка ў прэзідэнты вызвалена пасля 15 содняў арышту
Таццяна Караткевіч цяпер «у парадку» — так напісаў былы палітвязень Андрэй Дзмітрыеў.
12 кастрычніка стала вядома, што Караткевіч затрымалі. Нагодай нібыта стала фота падзеяў 2020-га ў сацсетках.
Так званыя выбары ў Беларусі адбудуцца 26 студзеня 2025 года
Адпаведнае рашэнне сёння прынялі дэпутаты Палаты прадстаўнікоў Нацыянальнага сходу.
Раней ініцыятыва BELPOL паведамляла, што «выбары» могуць адбыцца 24 лютага 2025 года.
🔹 З сектару Газа эвакуявалі беларуску з дзецьмі, якая адмовілася выязджаць год таму
Самалёт з сям’ёй прызямліўся ў Нацыянальным аэрапорце Менск 24 кастрычніка.
Сям’ю Абуалкас эвакуяваць па простым маршруце праз аэрапорт Тэль-Авіва не ўдалася, як і праз кантрольна-прапускныя пункты на егіпецка-палестынскай і егіпецка-ізраільскай межах. У выніку працы дыпламатаў удалося забяспечыць пераход ізраільска-іарданскай мяжы.
Эвакуяваная жанчына Таццяна сказала, што сям’я трое содняў была ў дарозе. Перадусім яна плануе заняцца ўладкаваннем дзяцей у школу.
Добрага дня, сябры!
Гэта дастаўка ранішняй прэсы! Прынеслі вам найбольш цікавыя матэрыялы «Белсату», які вы маглі прапусціць:
🔸Спачатку дзеці, потым уласнае жытло
Ці змогуць улады падвысіць нараджальнасць?
🔸«Калеснікаву кідаюць з ШІЗА ў ПКТ»
Выйшла расследаванне пра катаванні ў жаночай калоніі ў Гомлі.
🔸Расейскія сілавікі дапамогуць Лукашэнку ўтрымацца ва ўладзе?
На пратэстах-2020 іх не бачылі
#штопачытаць
#рэпрэсіі Асноўнае за 23 кастрычніка
▪️Выйшла расследаванне пра катаванні ў жаночай калоніі ў Гомлі.
▪️14-гадовую школьніцу асудзілі на 10 гадоў калоніі.
▪️Экс-кандыдатка ў прэзідэнты вызвалена пасля 15 содняў арышту.
▪️Беларусаў пачалі судзіць за «адмаўленне генацыду».
▪️Бацьку і сыну з Украіны прызначылі па 20 гадоў калоніі.
▪️Сілавікі затрымалі ў Менску байкерку за белыя і чырвоныя стужкі на шлеме.
▪️У Горадні мясцовага жыхара судзяць за пратэсты.
🪡 Як стваралася беларуская мода і чаму нацыянальны строй – гэта не толькі сялянскае?
Як гісторыя ўплывала на моду, а мода на гісторыю, глядзіце ў новай аўтарскай праграме «Нітка зорка. Майстэрня Кацярыны Ваданосавай» на YouTube-канале «Белсат HISTORY» 🎬
🔴 «Аб’ектыў» – галоўныя падзеі дня!
У сённяшнім выданні:
📌 Прызначаная дата «прэзідэнцкіх выбараў» у Беларусі. Дэмсілы адрэагавалі на гэта сваімі заявамі
📌 Візіт Лукашэнкі на саміт BRICS
📌 Хрэнін сустрэўся з міністрам абароны РФ. Зноў падымалі тэму ядравай зброі
📌 Папоўніўся спіс кампаніяў, якія могуць выпускаць самагон
Далучайцеся да эфіру ⤵️
Што будзе, калі расейскія сілавікі прыйдуць на дапамогу Лукашэнку?
Амбасадар Грызлоў сёння заявіў, што Расея гатова дзейнічаць супраць пратэстаў у Беларусі. Узгадваецца 2020-ы, калі меркавалі, што сярод АМАПаўцаў былі расейцы і сілавікі з былога «Беркуту». А ці так гэта было насамрэч?
Дакладна невядома, але што будзе цяпер — чытайце ПА СПАСЫЛЦЫ (праз VPN)
Беларусаў пачалі судзіць за «адмаўленне генацыду»
Артыкул, які прыдумалі ў 2022 годзе, сёння ўпершыню быў агучаны ў Менскім судзе. Абвінавачаны — 54-гадовы Андрэй Савіцкі.
Паводле «суддзі», беларус «адміністраваў у «Аднакласніках» адкрытую групу, дзе была публікацыя пра Другую сусветную. У ёй аўтар «адмаўляў масавае знішчэнне мірных жыхароў вёскі Хатынь у выніку карнай аперацыі 22 сакавіка 1943 года».
Андрэя затрымалі ў сакавіку і змясцілі пад варту. Яго таксама абвінавачваюць у «абразе» Лукашэнкі. Суд працягваецца, ён будзе адкрытым.
PKO больш не самы лаяльны польскі банк для беларусаў?
Калі раней адкрыць рахунак там можна было толькі пры наяўнасці пашпарту, то цяпер — складаней, чым у многіх іншых банках Польшчы. Беларусы скардзяцца, а некаторыя не ведаюць, што рабіць.
Пачытайце, што ім адказваюць у банку — ПА СПАСЫЛЦЫ (праз VPN)
🔻 «Гэта знешнепалітычны чыннік»
Палітычны аналітык, гісторык Аляксандр Фрыдман падзяліўся з намі меркаваннем пра свежапрызначаную дату «выбараў».
Паглядзіце!
❤️ Дэмакратычныя сілы Беларусі выступілі з заявай наконт «выбараў»
«У 2025 годзе адбудуцца так званыя прэзідэнцкія выбары ў Беларусі, але на самой справе гэта будуць бязвыбары, бо права выбару ў людзей скрадзена.
Электаральная кампанія праводзіцца ў сітуацыі глыбокага палітычнага крызісу ў Рэспубліцы Беларусь. Лукашэнка незаконна ўтрымлівае ўладу шляхам рэпрэсій супраць беларускага грамадства, абапіраючыся на падтрымку Крамля».
Прадстаўнікі дэмсілаў патрабуюць:
▫️спынення ўсіх відаў рэпрэсій;
▫️вызвалення ўсіх палітзняволеных;
▫️рэалізацыі права ўсіх грамадзянаў Беларусі на паўнавартасны ўдзел у выбарах незалежна ад месца жыхарства;
▫️забеспячэння свабоды сходаў і роўнага доступу да сродкаў масавай інфармацыі;
▫️правядзення выбараў у адпаведнасці з міжнароднымі стандартамі АБСЕ і пад кантролем назіральнікаў.
Калі рэжым не выканае гэтыя патрабаванні, паводле заявы, выбарчы працэс у 2025 годзе будзе імітацыяй. Дэмсілы прапануюць выказаць пратэст, галасуючы супраць усіх, хто пазбаўляе права голасу. Таксама разглядаюцца іншыя спосабы пратэсту ў залежнасці ад развіцця сітуацыі.
«Такім чынам мы пакажам, што беларускае грамадства працягвае выступаць супраць Лукашэнкі і патрабуе свабодных і справядлівых выбараў».
🤡 Беларусь і Расея зноў правядуць вайсковыя вучэнні
«Захад-2025» — так арыгінальна назваў Хрэнін наступныя сумесныя трэнаванні расейскіх і беларускіх жаўнераў.
«Нашы краіны працягваюць падтрымліваць адна адну ў пастаўках неабходных узбраенняў і вайсковай тэхнікі, а ў Расеі навучаюцца больш за 360 беларускіх вайсковых спецыялістаў», — пракаментаваў міністр абароны Беларусі.
Пакуль дакладная дата вучэнняў не вядомая.
Долар працягвае даражэць, а еўра і расейскі рубель таннее
Такія сёння навіны курсаў валютаў у Беларусі.
#курсывалютаў
У «ДНР» асудзілі беларускага добраахвотніка
Ваяру Палка Каліноўскага Александру Думбляускасу «Тунгус» прызначылі 14 гадоў турмы завочна за «найміцтва».
Паводле абвінавацтва, з лютага 2022-га па ліпень 2024-ы беларус ваяваў на баку Украіны і нібыта атрымаў за гэта каля 21,5 тысячы долараў.
Аляксандр сядзеў 11 месяцаў у СІЗА ў Беларусі, пасля чаго быў эвакуяваны. У лютым 2022-ага ён далучыўся да Палка Каліноўскага.
У кандыдатаў на «выбары» засталося ўсяго 10 дзён
Паводле закону, рэгістрацыя ініцыятыўных груп павінна быць завершана не пазней чым за 85 дзён да выбараў. Гэта значыць, што на падачу дакументаў у ЦВК пакінулі ўсяго 10.
Адзін з магчымых кандыдатаў зразумелы, але апошнім часам ён ухіляецца ад прамых адказаў пра свой удзел. Узгадваем, як ён збіраецца і не збіраецца сёмы раз балатавацца — ПА СПАСЫЛЦЫ (праз VPN)
👍 Беларусы змогуць дамагацца правасуддзя праз Польшчу
Цяпер справы аб катаваннях беларусаў, якія пацярпелі ад рэжыму, будуць разглядацца праз польскую юрысдыкцыю. Гэта стала магчыма дзякуючы юрыстам НАУ і адвакацкаму бюро «Kopeć & Zaborowski».
Такое правасуддзе будзе ажыццяўляцца па дзвюх падставах: злачынства тэрарыстычнага характару і выкарыстанне ўніверсальнай юрысдыкцыі.
«Гэтыя дзве акалічнасці ствараюць магчымасць настойваць у пракуратурах Польшчы на расследаванні крымінальных спраў, звязаных са злачынствамі катаванняў у дачыненні да грамадзян Беларусі», — паведамляе АПК Беларусі.
Таксама паведамляецца, што ў аддзеле па барацьбе з арганізаванай злачыннасцю ў Любліне ўжо назапашана 70 тамоў матэрыялаў злачынстваў, учыненых супраць беларусаў.